Blikastaðavegur 2-8, Gufunes Áburðarverksmiðja, Hólmsheiði við Suðurlandsveg, Dalbraut 21-27, Fossagata 3, Borgartúnsreitir- Norður, Grandagarður 1-13, Granaskjól 82-88, Háskóli Íslands, Varmadalur 2, Hrefnugata 3, Rafstöðvarvegur 25, Skipholt 23, Skúlagata 64-80, Dofraborgir 15, Fannafold 115-119, Gissurargata 3, Eskihlíð 3, Baldursgötureitur 1, Skólastræti 3, Vagnhöfði 17, Lambasel 18, Verslunarhúsnæði,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

235. fundur 2008
Ár 2008, föstudaginn 28. nóvember kl. 11:50, hélt skipulagsstjóri Reykjavíkur 235. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn hjá skipulagsstjóra Borgartúni 12-14, 3-2. hæð, Stardal. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Guðfinna Ó. Erlingsdóttir, Gunnhildur Gunnarsdóttir, Þórarinn Þórarinsson, Margrét Leifsdóttir, Margrét Þormar, Örn Þór Halldórsson, Haraldur Sigurðsson, Jóhannes S. Kjarval, Lilja Grétarsdóttir, Margrét Þormar og Björn Axelsson Ritari var Helga Björk Laxdal.
Þetta gerðist:

1.08 Blikastaðavegur 2-8, breyting á deiliskipulagsskilmálum
Á fundi skipulagsstjóra 7. nóvember 2008 var lagt fram erindi lóðarhafa dags. 4. nóvember 2008 varðandi breytingu á deiliskipulagi lóðarinnar nr. 2-8 við Blikastaðveg. Í erindinu felst að breyta skilmálum deiliskipulagsins vegna stærðar eininga. Erindinu var vísað til umsagnar hjá umhverfisstjóra skipulags- og byggingarsviðs og er nú lagt fram að nýju ásamt umsögn umhverfisstjóra skipulags- og byggingarsviðs dags. 26. nóvember 2008.
Vísað til skipulagsráðs.
2.08 Gufunes Áburðarverksmiðja, (fsp) enduvinnsla í skemmu
Lagt fram erindi frá afgreiðslufundi byggingarfulltrúa frá 25. nóvember 2008 þar sem spurt er hvort leyfi fáist fyrir endurvinnslu á heyrúlluplasti í skemmu sem er 1155,6 ferm. á lóð með staðgreini 2.220.001 í Gufunesi.
Vísað til umsagnar hjá umhverfis- og samgöngusviði vegna mögulegra umhverfisáhrifa.
3.08 Hólmsheiði við Suðurlandsveg, geymsluplan OR vegna Hellisheiðaræðar framkvæmdaleyfi
Lögð fram umsókn Orkuveitu Reykjavíkur dags. 25. nóvember 2008 um framkvæmdaleyfi fyrir bráðabirgðageymsluplani undir pípur og búnað vegna lagningar Hellisheiðaræðar samkv. meðfylgjandi uppdrætti Landslags, dags. 17. nóvember 2008. Einnig lagt fram bréf Framkvæmdastjórnar um vatnsverndarsvæði höfuðborgarsvæðisins dags. 20. nóvember 2008.
Vísað til skipulagsráðs.
4.08 Dalbraut 21-27, stækkun
Lagt fram erindi frá afgreiðslufundi byggingarfulltrúa frá 25. nóvember 2008 þar sem sótt er um leyfi til að byggja staðsteyptar viðbyggingar til suðurs við báðar álmur ásamt minni háttar breytingum á innra skipulagi fyrstu hæðar. Eystri viðbyggingin er þrjár hæðir og kjallari, tvær íbúðir, stækkun matsalar og geymslur í kjallara. Vestari viðbyggingin sem í eru tólf íbúðir og geymslur er tvær hæðir og kjallari ásamt stigahúsi með lyftu í þjónustu og fjölbýlishúsi fyrir aldraða á lóð nr. 17-27 við Dalbraut.
Jafnframt er sótt um að BN037719 samþ. 20. maí 2008 verði fellt úr gildi.
Eldra erindi sem var eins að undanskildum bílakjallara var grenndarkynnt frá 6. mars til og með 2. apríl 2008. Engar athugasemdir bárust.
Stækkun: Kjallari 420,8 ferm., 1. hæð 408,8 ferm., 2. hæð 394,9 ferm., 3. hæð 64,5 ferm.
Samtals 1285,0 ferm. og 4.210,5 rúmm.
Gjald kr. 7.300 + 307.367
Samþykkt að grenndarkynna framlagða umsókn fyrir hagsmunaaðilum að Brúnavegi 1 og 3, Dalbraut 16, 18, 21 og 23 ásamt Sporðagrunn 17 og19.
5.08 Fossagata 3, breyting á deiliskipulagi
Lagt fram erindi Gísla Jónssonar dags. 21. nóvember 2008 varðandi breytingu á deiliskipulagi lóðarinnar nr. 3 við Fossagötu. Í breytingunni felst að byggja við húsið samk. meðfylgjandi uppdrætti Zeppelin arkitekta dags. 29. október 2008.
Samþykkt að grenndarkynna framlagða tillögu fyrir hagsmunaaðilum að Fossagötu 1, 5, og 7, þegar uppdráttur hefur verið lagfærður.
6.08 Borgartúnsreitir- Norður, breyting á deiliskipulagi
Að lokinni hagsmunaaðilakynningu er lögð fram að nýju tillaga Hornssteina dags. ágúst 2008 að nýju deiliskipulagi Borgartúnsreits norður samkvæmt meðfylgjandi skýringarmyndum og uppdráttum dags. ágúst 2008. Lagðar fram athugasemdir frá Miðkletti eignarhaldsfélagi ehf. eigenda Borgartúns 33 dags. 28. ágúst 2008, GP arkitektum f.h. eigenda Borgartúni 31, dags. 16. september 2008, GP arkitektum f.h. eigenda Borgartúni 35, dags. 18. september 2008,. Á fundi skipulagsráðs 24. september 2008 var samþykkt að kynna tillögurnar fyrir hagsmunaaðilum á skipulagssvæðinu, Framkvæmda- og eignaráði og Umhverfis- og samgönguráði. Hagsmunaaðilakynningunni átti að ljúka þann 6. nóvember 2008. Lagt fram bréf GP arkitekta dags. 4. nóvember og Guðfinnu Jóh. Guðmundsdóttur hdl. fh. Miðkletts eignarhaldsfélags ehf. þar sem óskað er eftir að framlengja hagsmunaaðilakynninguna. Á fundi skipulagsstjóra 7. nóvember 2008 var samþykkt að framlengja hagsmunaaðilakynninguna til 20. nóvember 2008.
Eftirtaldir aðilar sendu inn athugasemdir:
GP arkitekta f.h. eigenda Borgartúns 27, 31 og 35 dags. mótt. 20. nóvember 2008 og Guðfinnu Jóh. Guðmundsdóttur, Páls Hjaltasonar og Þormóðs Sveinssonar fh. Miðkletts eignarhaldsfélags ehf. dags. 20. nóvember 2008.
Athugasemdir kynntar.
7.08 Grandagarður 1-13, breyting á deiliskipulagi
Lögð fram umsókn Faxaflóahafa dags. 19. nóvember 2008 að breytingu á deiliskipulagi við Grandagarð vegna Grandagarðs 1-13. Í breytingunni felst að skilgreind eru lóðamörk fyrir lóðirnar 1, 1a, 1b, 3, 5, 7, 9, 11 og 13 ætlaðar fyrir verslun og þjónustustarfsemi samkv. meðfylgjandi uppdrætti Teiknistofu arkitekta Gylfa Guðjónssonar og félaga ehf. dags. í október 2008.
Vísað til skipulagsráðs.
8.08 Granaskjól 82-88, nr. 86 stækkun og breytingar
Lagt fram erindi frá afgreiðslufundi byggingarfulltrúa frá 25. nóvember 2008 þar sem sótt er um leyfi til að stækka stofu og stofuglugga og rífa létta eldhúsveggi á 1. hæð, stækka svalir og færa þvottahús á 2. hæð í raðhúsi nr. 86 á lóð nr. 82 - 88 við Granaskjól.
Meðfylgjandi er samþykki nágranna á lóðum nr. 82, 84 og 88 við Granaskjól
Gjald kr. 7.300 + xx
Samþykkt að grenndarkynna framlagða umsókn fyrir hagsmunaaðilum í Granaskjóli 82, 84 og 88.
9.08 Háskóli Íslands, deiliskipulag vestan Suðurgötu
Lögð fram umsókn Háskóla Íslands dags. 25. nóvember 2008 varðandi breytingu á deiliskipulagi Háskóla Íslands vestan Suðurgötu. Í breytingunni felst að á reit A3 verður hámarksbyggingarmagn aukið nýtingarhlutfalli á lóð hækkað og hámarkshæð byggingar er aukið auk þess er gert ráð fyrir þakgarði ofnan á húsið með tilheyrandi útgangi samkv. meðfylgjandi uppdrætti Teiknistofu arkitekta Gylfa Guðjónssonar og félaga ehf. dags. 15. nóvember 2008.
Vísað til skipulagsráðs.
10.08 Varmadalur 2, (fsp) byggja vélageymslu í landi Varmadals
Lagt fram erindi frá afgreiðslufundi byggingarfulltrúa frá 25. nóvember 2008 þar sem spurt er hvort leyfi fáist til að byggja 300 ferm. vélaskemmu á landi sem er um 29.000 ferm. Umsækjandi er með rekstur á sviði jarðvinnu og vélaleigu og er aðstaða þessi nauðsynileg fyrir framþróun fyrirtæksins í landi Varmadals 2.
Vísað til umfjöllunar hjá verkefnistjóra Kjalarness.
11.08 Hrefnugata 3, stækkun rishæðar
Á fundi skipulagsstjóra 21. nóvember 2008 var lagt fram erindi frá afgreiðslufundi byggingarfulltrúa frá 18. nóvember 2008 þar sem sótt er um leyfi til að byggja bílskúr og rishæð ásamt breytingum inni á 2. hæð í fjölbýlishúsi á lóð nr. 3 við Hrefnugötu. Erindinu var vísað til umsagnar hjá verkefnisstjóra Hlíðahverfis og er nú lagt fram að nýju ásamt umsögn skipulagsstjóra dags. 27. nóvember 2008.
Kaupsamningur um byggingarrétt með lausnarskilyrði dags. 29. feb. 2008 fylgir málinu.
Stækkun: Bílskúr 39,7 ferm 90,9 rúmm. Rishæð 56,6 ferm. 151,4 rúmm. Samtals: 96,3 ferm. 242,3 rúmm.
Gjöld kr. 7.300 + 17.688.
Ekki er gerð athugasemd við að byggingarleyfisumsókn verði grenndarkynnt þegar uppdrættir hafa verið lagfærðir í samræmi við umsögn skipulagsstjóra.
12.08 Rafstöðvarvegur 25, (fsp) breyting á deiliskipulagi
Á fundi skipulagsstjóra 14. nóvember 2008 var lögð fram fyrirspurn lóðarhafa dags. 10. nóvember 2008 varðandi breytingu á deiliskipulagi lóðarinnar nr. 25 við Rafstöðvarveg. Í breytingunni felst að stækka húsið, fækka íbúðum og fjarlægja bílskúr samkv. uppdrætti arkitektastofu Pálma Guðmundssonar dags. 1. nóvember 2008. Erindinu var vísað til meðferðar verkefnastjóra Árbæjar og Selás hjá skipulagsstjóra og er nú lagt fram að nýju ásamt umsögn skipulagsstjóra dags. 27. nóvember 2008.
Neikvætt með vísan til umsagnar skipulagsstjóra.
13.08 Skipholt 23, breyting á deiliskipulagi Skipholtsreits
Lögð fram umsókn arkitektastofu Pálma Guðmundssonar f.h Þursaborga ehf. dags. 28. nóvember 2008, um breytingu á deiliskipulagi Skipholtsreits vegna lóðarinnar nr. 23 við Skipholt skv. uppdrætti, dags. 24.nóvember 2008.
Bílgeymsla ásamt rampa er feld niður og kjallari stækkaður sem nemur henni.
Samþykkt að grenndarkynna framlagða tillögu fyrir hagsmunaaðilum að Skipholti 21 og 25 ásamt Brautarholti 24.
14.08 Skúlagata 64-80, (fsp) lyfta í suðurhlíð
Lagt fram erindi frá afgreiðslufundi byggingarfulltrúa frá 25. nóvember 2008 þar sem spurt er hvort setja megi lyftu við suðursvalir til að bæta aðgengi að íbúðum fjölbýlishúss á lóð nr. 64 - 66 við Skúlagötu.
Neikvætt, samræmist ekki deiliskipulagi. Ekki er fallist á að heimila breytingu á deiliskipulagi í samræmi við fyrirspurnina.
15.08 Dofraborgir 15, breyting á deiliskipulagi
Lögð fram umsókn Josephs Lee Lemacks. dags. 20. nóvember 2008 varðandi breytingu á deiliskipulagi lóðarinnar nr. 15 við Dofraborgir. Í breytingunni felst að byggja viðbyggingu við húsið samkv. meðfylgjandi teikningum Jóns Guðmundssonar arkitekts dags. 12. nóvember 2008.
Samþykkt að grenndarkynna framlagða tillögu fyrir hagsmunaaðilum að Dofraborgum 13 og 17 þegar uppdrættir hafa verið lagfærðir.
16.08 Fannafold 115-119, málskot
Lagt fram málskot Sigurðar M. Sigurgeirssonar dags. 20. nóvember 2008 vegna afgreiðslu afgreiðslufundar skipulagsstjóra frá 22. ágúst 2008 þar sem umsókn hans um leyfi til að breyta 2 grasblettum í bílastæði fyrir alls fjóra bíla var hafnað.
Vísað til skipulagsráðs.
17.08 Gissurargata 3, (fsp) aukið byggingarmagn
Á fundi skipulagsstjóra 31. október 2008 var lögð fram fyrirspurn lóðarhafa um aukið byggingarmagn á lóðinni nr. 3 við Gissurargötu samkv. meðfylgjandi uppdráttum Arkþings dags. 30. október 2008. Erindinu var frestað. Hönnuður hafi samband við embætti skipulagsstjóra. Erindið nú lagt fram að nýju ásamt bréfi umsækjenda dags. 24. nóvmeber 2008.
Kynna formanni skipulagsráðs.
18.08 Eskihlíð 3, (fsp) viðbygging á gistiheimili
Á fundi skipulagsstjóra 21. nóvember 2008 var lögð fram fyrirspurn ásamt bréfi Birgis Jóhannssonar dags. 20. nóvember 2008 varðandi viðbyggingu við húsið nr. 3 við Eskihlíð samkv. meðfylgjandi uppdráttum Birgis Jóhannssonar dags. 20. nóvember 2008. Erindinu var vísað til umsagnar hjá verkefnisstjóra Hlíðahverfis og er nú lagt fram að nýju ásamt umsögn skipulagsstjóra dags. 28. nóvember 2008.
Neikvætt með vísan til umsagnar skipulagsstjóra.
19.08 Baldursgötureitur 1, deiliskipulag, reitur 1.186.3
Að lokinni auglýsingu er lögð fram að nýju tillaga Teiknistofunnar Traðar samkv. meðfylgjandi uppdráttum dags. 15. september 2008. Reiturinn afmarkast af Freyjugötu, Baldursgötu, Þórsgötu og Njarðargötu. Tillagan var auglýst frá 8. október til og með 19. nóvember 2008. Eftirtaldir aðilar sendu inn athugasemdir:
Lára V. Júlíusdóttir og Þorsteinn Haraldsson. eig. Freyjugötu 17, dags. 16. nóv. 2008, Helga Lára Þorsteinsdóttir, Freyjugötu 17b, 17. nóv., Harpa Þórsdóttir og Kári Sölmundarson, Þórsgötu 18a, 17. nóv., Sigurbjörn Þorkelsson og Aðalheiður Magnúsdóttir, eig. Freyjugötu 17, dags. 18. nóv., Nína Magnúsdóttir, Þórsgötu 14, 18. nóv., Guðríður Jóhannesdóttir, Þórsgötu 16, 18. nóv., Lilja Gunnarsdóttir og Eyjólfur Ingi Ásgeirsson, Þórsgötu 19, dags. 19. nóv., Helgi Gunnarsson f.h. Baldurgötu ehf. (Baldursgata 32 og 34), dags. 19. nóv.
Kynna formanni skipulagsráðs.
20.08 Skólastræti 3, breyting á deiliskipulagi Reitur 1.170.1 og 2
Lagt fram erindi Óttars Ingvarsonar dags. 21. nóvember 2008 varðandi breytinu á deiliskipulagi reits 1:170.1 og 2 vegna lóðarinnar nr. 3b við Skólastræti. Í breytingunni felst að rífa bakhús á lóðinni og byggja nýtt samkv. meðfylgjandi uppdrætti Zeppelin arkitekta dags. 15. nóvember 2008.
Frestað. Lagfæra þarf uppdrætti áður en grenndarkynning verður ákvörðuð.
21.08 Vagnhöfði 17, (fsp) viðbygging
Lögð fram fyrirspurn Plúsarkitekta, dags. 26. nóv. 2008, um viðbyggingu við hús nr. 17 við Vagnhöfða skv. uppdrætti, dags. 17. október 2008. Einnig lögð fram umsögn skipulagsstjóra dags. 28. nóvember 2008.
Ekki eru gerðar athugasemdir við erindið með þeim skilyrðum sem fram koma í umsögn skipulagsstjóra. Erindi um stækkun lóðar skal berast embætti skipulagsstjóra.
22.08 Lambasel 18, breyting á lóð
Á fundi skipulagsstjóra 21. nóvember 2008 var lagt fram erindi lóðarhafa dags. 20. nóvember 2008 þar sem sótt er um lóðastækkun sem nemur göngustíg austan við lóðarmörkin. Erindinu var vísað til umfjöllunar hjá verkefnisstjóra Breiðholts og er nú lagt fram að nýju.
Synjað. Erindið er ekki í samræmi við samþykkt deiliskipulag svæðisins. Ekki er fallist á að breyta deiliskipulagi til að stækka lóð og fella niður hluta af göngustíg.
23.08 Verslunarhúsnæði, Úttekt á auðu verslunarhúsnæði
Lagt fram erindi Framkvæmda- og eignaráðs dags. 25. nóvember 2008 þar sem óskað er eftir tilnefningu fulltrúa skipulags- og byggingarsviðs í starfshóp varðandi úttekt á auðu verslunarhúsnæði í Reykjavík.
Samþykkt að skipa Harald Sigurðsson sem fulltrúa skipulags- og byggingarsviðs í starfshópinn.