Asparfell 2-12, Árbæjarkirkja, Bæjarháls, Fornistekkur 7, Grafarholt, Haukdælabraut 104, Heiðarás 11, Hólavað 29-43, Lambhagavegur 2-4, Sigluvogur 10, Spöngin 3-5, Starengi 82, Þjóðhildarstígur, Borgartúnsreitir- Norður, Borgartún 25, Bragagata 35, Grettisgata 8, Hólatorg 2, Hverfisgata 103, Ingólfsstræti 20, Óðinsgata 15, Reykjatorg, Seljavegur 3A-5, Smáragata 3, Smáragata 13, Sóltún 2-4, Vegamótastígur 9, Almannadalur 17-23, Esjurætur, Heiðmörk, Vatnsendakrikar, Hólmsheiði, jarðvegsfylling, Tjarnargata 12,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

222. fundur 2008
Ár 2008, föstudaginn 29. ágúst kl. 10:00, hélt skipulagsstjóri Reykjavíkur 222. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra að Borgartúni 10-12, 2. hæð Stardalur. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Ágústa Sveinbjörnsdóttir, Lilja Grétarsdóttir, Gunnhildur Gunnarsdóttir, Margrét Leifsdóttir, Örn Þór Halldórsson, Bragi Bergsson, Margrét Þormar, Jóhannes S. Kjarval. Ritari var Elín Ósk Helgadóttir
Þetta gerðist:

1.08 Asparfell 2-12, (2-6) fjölga bílstæðum
Lagt fram erindi frá afgreiðslufundi byggingarfulltrúa frá 26. ágúst 2008 þar sem sótt er um leyfi til að fjölga bílastæðum um 44 stæði við fjölbýlishús við Æsufell 2-6 á lóð nr. 2-12 við Asparfell
Gjald kr. 7.300
Vísað til umfjöllunar í austurteymi arkitekta hjá skipulagsstjóra.
2.08 Árbæjarkirkja, breyting á deiliskipulagi
Að lokinni auglýsingu er lögð fram að nýju umsókn VA arkitekta dags. 13. júní 2008 fh. Árbæjarkirkju varðandi breytingu á deiliskipulagi Árbæjarkirkju. Í breytingunni felst aukið byggingarmagn, stækkun á lóð kirkjunnar, og færsla almenningsstígs samkv. meðfylgjandi uppdráttum dags. 12. júní 2008. Tillagan var auglýst frá 2. júlí til og með 13. ágúst 2008. Athugasemdir bárust frá eftirtöldum aðilum: Kristjáni Má Unnarssyni og Þorgerði Sigurðardóttur Hábæ 44 dags. 1. ágúst 2008, Guðrúnu Gunnarsdóttur Hábæ 41 og Steinunni Jónsdóttur Hábæ 39 dags. 12. ágúst 2008 og 6. íbúum við Hábæ dags. 7. ágúst 2008, Ómari Guðmundsyni og Ingu G. Birgissyni Hábæ 33 dags. 12. ágúst 2008 . Erindinu var vísað til umsagnar í austurteymi arkitekta hjá skipulagsstjóra.
Athugasemdir kynntar.
3.08 Bæjarháls, hljóðmön
Lagður fram tölvupóstur dags. 21. ágúst 2008 Gunnars S.I. Sigurðsson óskar eftir gerð hljóðmanar við Bæjarháls vegna aukinnar umferðar.
Vísað til umfjöllunar í austurteymi arkitekta hjá skipulagsstjóra.
4.08 Fornistekkur 7, (fsp) stækkun á húsi
Lögð fram fyrirspurn Arnars Jónssonar dags. 27. ágúst 2008 varðandi leifi til að fjarlægja bílskúr við húsið að Fornastekk 7 og byggja viðbyggingu með sambærilegu byggingarmagni.
Gögn ófullnægjandi. Umsækjandi hafi samband við embættið.
5.08 Grafarholt, athafnasvæði, breyting á deiliskipulagi svæðis 4
Á fundi skipulagsstjóra 11. júlí 2008 var lögð fram tillaga Teiknistofunnar ehf, Brautarholti 6, dags. 6. nóvember 2003 að breytingu á deiliskipulagi svæðis 4, við Vínlandsleið. Í tillögunni felst afmörkun ótölusettrar lóðar fyrir lokahús OR og minnkun á lóð dælustöðvar OR á lóð nr. 10 við Vínlandsleið. Lagðir fram uppdrættir Teiknistofunnar ehf. dags. 6. nóvember 2003 breyttir uppdrættir dags. 25. ágúst 2008.
Vísað til skipulagsráðs.
6.08 Haukdælabraut 104, nýbygging
Lagt fram erindi frá afgreiðslufundi byggingarfulltrúa frá 26. ágúst 2008 þar sem sótt er um leyfi til að byggja staðsteypt einbýlishús einangrað að utan og með timburþaki á lóð nr. 104 við Haukdælabraut.
Stærðir: 1. hæð íbúð 115,9 ferm., 2. hæð íbúð 123,9 ferm., bílskúr 52,3 ferm., samtals 2. hæð 176,2 ferm.
Samtals íbúð 239,8 ferm.
Samtals allt húsið 292,1 ferm., 1.045,6 rúmm.
Gjöld kr. 7.300 + 76.322
Neikvætt. Samræmist ekki deiliskipulagi. Í deiliskipulagsskilmálum fyrir Reynisvatnsás kafla 3.1 kemur m.a. fram: ,,Hús með mænisþaki skulu hafa megin mænisstefnu samsíða þeirri götu sem þau standa við."
7.08 Heiðarás 11, (fsp) stækkun hússins
Á fundi skipulagsstjóra dags. 22. ágúst 2008 var lögð fram fyrirspurn Gunnars R. Oddgeirssonar dags. 20. ágúst 2008 varðandi leyfi til að byggja sólstofu, nýjar svalir, hjóla og garðageymslu undir svölum og setja útidyr á kjallarann samkv. uppdrætti Vífils Magnússonar dags. í júlí 1980 og breytt 19. ágúst 2008. Erindinu var vísað til umsagnar í austurteymi arkitekta og er nú lagt fram að nýju ásamt umsögn dags. 26. ágúst 2008.
Neikvætt með vísan til umsagnar skipulagsstjóra.
8.08 Hólavað 29-43, (fsp) breyting á deiliskipulagi
Lögð fram fyrirspurn VSH- Verkfræðistofu dags. 20. ágúst 2008 um breytingu á deiliskipulagi lóðarinnar nr. 29-43 við Hólavað. Í tillögu 1 er gert ráð fyrir 12 íbúðum, byggingarreitur verði stækkaður og leyfð verði sólstofa á suð-vesturhlið jarðhæðar. Í tillögu 2 er gert ráð fyrir 11 íbúðum byggingarreitur helst óbreyttur og leyfð verði sólstofa á suð-vesturhlið jarðhæðar. Erindinu var vísað til umfjöllunar í austurteymi arkitekta hjá skipulagsstjóra og er nú lagt fram að nýju.
Jákvætt að fjölga um tvær íbúðir innan byggingarreits að uppfylltum kröfum um bílastæði. Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi, á eigin kostnað. Tillagan verður grenndarkynnt þegar hún berst.
9.08 Lambhagavegur 2-4, (fsp) breyting á deiliskipulagi
Á fundi skipulagsstjóra dags. 22. ágúst 2008 var lögð fram fyrirspurn Lambhagavegur Fasteignafélag dags. 19. ágúst 2008 um breytingu á deiliskipulagi lóðarinnar nr. 2-4 við Lambhagaveg. Í breytingunni felst að byggingarreitur á suð- austur hluta lóðarinnar stækki vegna breyttra þarfa við vörumóttöku samkv. meðfylgjandi uppdráttum THG Arkitekta dags. 18. ágúst 2008.
Erindinu var vísað til umfjöllunar í austurteymi.
Vísað til skipulagsráðs.
10.08 Sigluvogur 10, viðbygging, kvistur
Lagt fram erindi frá afgreiðslufundi byggingarfulltrúa frá 26. ágúst 2008 þar sem sótt er um leyfi fyrir stækkun íbúðar í kjallara með útbyggingu með svölum ofan á á efri hæðum og fyrir stækkun kvista á þaki sbr. fyrirspurn BN038120 dags.6.5.2008 í húsi á lóð nr. 10 við Sigluvog.
Stækkun kjallari 16,5 ferm., 38,7 rúmm., 2. hæð 102,9 rúmm. Samtals stækkun 16,5 ferm., 141,6 rúmm.
Samtals eftir stækkun allt húsið 320,9 frm., 903,1 rúmm.
Gjald kr. 7.300 + 10.337
Vísað til umsagnar í austurteymi arkitekta hjá skipulagsstjóra.
11.08 Spöngin 3-5, breytt deiliskipulag
Lögð fram ný tillaga dags. 2. júlí 2008. Að lokinni auglýsingu er lögð fram að nýju tillaga Ask arkitekta f.h. Félagsbústaða og Reykjavíkurborgar dags. 3. maí 2007 varðandi breytingu á deiliskipulagi vegna uppbyggingar fyrir íbúðabyggð á lóðinni nr. 3-5 við Spöngina. Tillagan var auglýst frá 18. júlí til og með 29. ágúst 2007 einnig lagðar fram athugasemdir frá eftirtöldum aðilum: Steinn Sigurðsson Dísaborgum 3, dags. 28. ágúst 2007, Emil Kristjánsson Smárarima 6, dags. 29. ágúst 2007, Íbúasamtök Grafarvogs, dags. 29. ágúst 2007 og hverfisráð Grafarvogs, dags. 31. ágúst 2007. Ennfremur er lagt fram bréf hverfisráðs Grafarvogs dags. 21. febrúar 2008. Lögð fram umsögn Umhverfis- og samgöngusviðs, dags. 5. mars 2008, um skilmála deiliskipulags vegna umferðarhávaða.
Lögð fram ný tillaga dags. 2. júlí 2008.
Kynna formanni skipulagsráðs.
12.08 Starengi 82, [fsp] afnot af grasflötum
Lagt fram erindi frá afgreiðslufundi byggingarfulltrúa frá 26. ágúst 2008 þar sem spurt er hvort leyft yrði að ,,taka í fóstur" grasflatir sem liggja að lóðamörkum einbýlishúsanna á lóðum nr. 82 og 106 við Starengi.
Vísað til umsagnar í austurteymi arkitekta hjá skipulagsstjóra.
13.08 Þjóðhildarstígur, (fsp) lóð fyrir sjálfsafgreiðslustöð
Á fundi skipulagsstjóra dags. 22. ágúst 2008 var lögð fram fyrirspurn Atlantsolíu ehf dags. 21. ágúst 2008 þar sem spurt er hvort leyft sé að koma fyrir lóð við Þjóðhildarstíg fyrir sjálfsafgreiðslustöð með tvær til þrjár dælur. Óskað er einnig eftir því að útbúin verði ný innkeyrsla frá Reynisvatnsvegi sem einnig getur nýst fyrir hverfisstöð og bílastæði sem gert er ráð fyrir að komið verði þar fyrir. Meðfylgjandi eru uppdrættir dags.19. ágúst 2008. Erindinu var vísað til umfjöllunar í austurteymi.
Vísað til Umhverfis- og samgöngusviðs. Kynna formanni skipulagsráðs.
14.08 Borgartúnsreitir- Norður, Breyting á deiliskipulagi
Lögð fram tillaga Hornssteina dags. ágúst 2008 að breytingu á deiliskipulagi Borgartúnsreits norður samkvæmt meðfylgjandi uppdráttum dags. ágúst 2008.
Kynna formanni skipulagsráðs.
15.08 Borgartún 25, fjölgun bílastæða á lóð
Lagt fram erindi frá afgreiðslufundi byggingarfulltrúa frá 26. ágúst 2008 þar sem sótt er um leyfi til að fjölga bílastæðum á lóð um 28 stæði, aðallega með minnkun gróðurbeða, við atvinnuhús á lóð nr. 25 við Borgartún.
Gjald kr. 7.300 . Einnig er lögð fram umsögn skipulagsstjóra dags. 28. ágúst 2008.
Neikvætt með vísan til umsagnar skipulagsstjóra.
16.08 Bragagata 35, (fsp) uppbygging
Lagt fram erindi frá afgreiðslufundi byggingarfulltrúa frá 22. júlí 2008 þar sem spurt er hvort byggja megi á lóð nr. 16 við Freyjugötu og á lóð nr. 35 við Bragagötu skv. meðfylgjandi uppdráttum +Arkitekta dags 2. júlí 2008 Erindinu var vísað til meðferðar vesturteymis arkitekta og er nú lagt fram að nýju ásamt umsögn skipulagsstjóra dags. 29. ágúst 2008.
Neikvætt með vísan til umsagnar skipulagsstjóra.
17.08 >Grettisgata 8, Breyting á deiliskipulagi
Lögð fram tillaga T.ark teiknistofunnar ehf. dags. 28. ágúst 2008 að breytingu á deiliskipulagi lóðarinnar nr. 8 við Grettisgötu. Í breytingunni felst að leyfð er hækkun á bakhúsi úr einni hæð í eina hæð og ris. Auk þess er leyfð hækkun á nýtingarhlutfalli lóðarinnar samkv. meðfylgjandi uppdrætti dags. 26. nóvember 2002 og breytt 28. ágúst 2008.
Samþykkt að grenndarkynna framlagða umsókn fyrir hagsmunaaðilum að Njálsgata 5, 5A, 7 og Grettisgata 6, 6A þegar uppdrættir hafa verið lagfærðir.
18.08 Hólatorg 2, breyting á deiliskipulagi
Að lokinni grenndarkynningu er lögð fram að nýju umsókn dags 27. júní 2008 um að hækka þak á stigahúsi á norðurhlið og breyta því í mænisþak, gera svalir á rishæð á vesturhlið stigahússins og endurgera svalir á 2. hæð. Meðfylgjandi eru uppdrættir dags. 1. júlí 2008. Grenndarkynningin stóð frá 11. júlí til og með 26. ágúst 2008. Athugasemdir bárust frá eftirtöldum aðilum: Íbúum á Hávallagötu 1 dags. 24. ágúst 2008, Garðari Lárussyni, Hávallagötu 3 dags. 11. ágúst; Nönnu Þorláksdóttur og Hirti Torfasyni dags. 11. ágúst og 17. ágúst 2007, Áslaugu Guðjónsdóttur Garðastræti 45 dags. 11. ágúst 2008, Sigrúnu Guðjónsdóttur Garðastræti 45 dags. 25. ágúst 2008, Garðari Garðarssyni og Sigrúnu Björnsdóttur Hávallagötu 1 dags. 17. og 25. ágúst 2008, Svava Jónsdóttir Garðastræti 45 dags. 24. ágúst 2008.
Vísað til umsagnar í vesturteymi arkitekta hjá skipulagsstjóra.

19.08 Hverfisgata 103, breyting á deiliskipulagi
Á fundi skipulagsstjóra dags. 22. ágúst 2008 var lagt fram erindi Plúsarkitekta ehf f.h. Haraldar Ingvarssonar dags. 20. ágúst 2008 þar sem sótt er um breytingu á deiliskipulagi. Breytingin felst í því að gera íbúðir með innigarð frá umferðargötu skv. meðfylgjandi uppdráttum dags. 28. apríl 2008. Erindinu var vísað til meðferðar í vesturteymi arkitekta hjá skipulagsstjóra.
Frestað.
20.08 Ingólfsstræti 20, rífa bílskúr, byggja viðbyggingu með kjallar hæð og risi. einnig er sótt um nýja kvisti á rishæð
Lagt fram erindi frá afgreiðslufundi byggingarfulltrúa frá 19. ágúst 2008 þar sem sótt er um leyfi til að rífa bílskúr og byggja í staðinn viðbyggingu með kjallara, hæð og risi og setja nýja kvisti á rishæðina á einbýlishúsi á lóð nr. 20 við Ingólfsstræti. Umsögn Húsafriðunarnefndar dags. 11. ágúst 2008 fylgir erindinu.
Erindið var tekið fyrir á embættisafgreiðslufundi skipulagsstjóra 22. ágúst 2008. Eftirfarandi var bókað: ,,Samþykkt að grenndarkynna framlagða umsókn fyrir hagsmunaaðilum að Þingholtsstræti nr. 21 og 23 og Ingólfsstræti nr. 18, 21, 22, og 23 þegar uppdrættir hafa verið lagfærðir í samræmi við umsögn Húsafriðunarnefndar dags. 11. ágúst 2008." Erindið er nú lagt fram að nýju ásamt beiðni Guðspekifélags Íslands dags. 29. ágúst 2008 þar sem óskað er eftir framlengingu grenndarkynningar.
Bókun embættisafgreiðslufundar skipulagsstjóra 22. ágúst 2008 er leiðrétt. Samþykkt að grenndarkynna framlagða umsókn fyrir hagsmunaaðilum að Ingólfsstræti nr. 18, 21 og 23 . Auk þess er samþykkt að framlengja fyrri grenndarkynningu fyrir hagsmunaðilum að Þingholtsstræti nr. 21 og 23 og Ingólfsstræti nr. 22 til loka síðari grenndarkynningar.
21.08 Óðinsgata 15, svalir
Á fundi skipulagsstjóra 31. júlí 2008 var lagt fram erindi frá afgreiðslufundi byggingarfulltrúa frá 29. júlí 2008 þar sem sótt er um leyfi fyrir svalir með burðarvirki úr stáli og klætt með timbri á austurhlið 3. hæðar íbúðarhúss á lóð nr. 15 við Óðinsgötu. Lagðir eru fram nýjir uppdrættir KRADS teiknistofu dags. 14. ágúst 2008.
Gjald kr. 7.300

Samþykkt að grenndarkynna framlagða umsókn fyrir hagsmunaaðilum að Óðinsgötu 13, 16, 17 og 18.
22.08 Reykjatorg, Hönnunarvinna
Lögð fram til kynningar efnistök fyrir hönnun og skipulag Reykjatorgs
Kynna formanni.
23.08 Seljavegur 3A-5, vegglistaverk
Lagt fram erindi Unnar Maríu Bergsveinsdóttur dags. 22. ágúst 2008 þar sem óskað er eftir leyfi til endurgerðar á vegglistaverki sem áður prýddi portið milli Seljavegs 3a og 5. Meðfylgjandi eru undurskriftir íbúa og íbúðaeigenda á Seljavegi 3a og 5 og nágranna í nærliggjandi húsum ásamt ljósmyndum af portinu.
Vísað til byggingarfulltrúa.
24.08 Smáragata 3, (fsp) breyting á deiliskipulagi
Lögð fram fyrirspurn lóðarhafa dags. 14. júlí 2008 varðandi breytingu á deiliskipulagi lóðarinnar nr. 3 við Smáragötu. Í breytingunni felst að byggja geymsluskúr á lóðamörkum baklóðar samkv. meðfylgjandi uppdráttum Atelier Arkitekta ehf. dags. 25. apríl 2008.
Samþykki lóðarhafa að Smáragötu 1, 3 og 5 og Laufásvegar 58, 60, og 62 liggur fyrir.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi, á eigin kostnað, í samræmi við erindið í samráði við skipulagsstjóra. Tillagan verður grenndarkynnt þegar hún berst.


25.08 Smáragata 13, Breyting á deiliskipulagi
Lagt fram erindi Stefáns E. Matthíassonar dags. 26. ágúst varðandi breytingu á deiliskipulagi lóðarinnar nr. 13 við Smáragötu. Í breytingunni felst að byggingarreit fyrir viðbyggingu við aðalhús og bílskúr er breytt samkv. meðfylgjandi uppdráttum arkitektur.is dags. 20. ágúst 2008.
Samþykkt að grenndarkynna framlagða umsókn fyrir hagsmunaaðilum að Laufásvegi 70, 72, 74 þegar uppdrættir hafa verið lagfærðir í samræmi við umsögn skipulagsstjóra dags. 2. júlí 2008.


26.08 Sóltún 2-4, breyting á deiliskipulagi Ármannsreit
Að lokinni auglýsingu er lögð fram umsókn Nexus arkitekta, dags. 9. mars 2007 að breytingu á deiliskipulagi Ármannsreits vegna Sóltúns 2-4 skv. nýjum uppdr., dags. 11. mars 2007, br. 25. febrúar 2008. Einnig lagðir fram minnispunktar framkvæmdastjóra Öldungs hf, mótt. 4. júní 2007. Samþykkt að auglýsa framlagða tillögu að nýju samkvæmt uppdráttum br. 25. febrúar 2008.
Ráðið samþykkir jafnframt að upplýsa þá hagsmunaaðila sem áður gerðu athugasemdir við erindið um endurauglýsingu tillögunnar þar sem eldri athugasemdir falla niður. Tillagan var auglýst frá 26. mars til og með 7. maí 2008. Athugasemdir bárust frá eftritöldum aðilum:
Sólveig Hákonardóttir Sóltúni 30 dags. 15. apríl 2008, Bryndís Torfadóttir Sóltúni 12 dags. 15. apríl 2008, Hrefna Ingadóttir Sóltúni 8 dags. 28. apríl 2008, fh. Húsfélagsins Mánatúni 2 Ásthildur Jónsdóttir og Jón Þór Jóhannsson dags. 25. apríl 2008, Jón Guðmundsson og Marta Kjartansdóttir dags. 22. apríl 2008, Ingibjörg Kristín Jónsdóttir Sóltúni 12 dags. 15. apríl 2008, Jóhanna B. Magnúsdóttir Sóltúni 12 dags. 28. apríl 2008, Hróbjartur Hróbjartsson dags. 5. maí 2008 og vísar í áðurinnsendar athugasemdir dags. 14. ágúst 2007, Bragi Rúnarsson og Jónína Gissurardóttir Sóltúni 8 dags. 28. apríl 2008, Víglundur Þorsteinsson og Kristjána G. Skarphéðinsdóttir Sóltúni 12 dags. 29. apríl 2008, Sveinn Sæmundsson og Sigríður Jóhannsdóttir Sóltúni 10 dags. 15. apríl 2008, Steingerður Einarsdóttir og Sigfús Gunnarsson Sóltúni 18 dags. 2. maí 2008, Ingibjörg Kolbeinsdóttir og Sigursteinn H. Hersveinsson Sóltúni 12 dags. 28. apríl 2008, Undirskriftarlisti 10 íbúa Sóltúns 14-18 dags. 29. apríl 2008, Óskar Á. Mar og Viðar Rósmundsson Sóltúni 5 dags. 6. maí 2008, Elínborg Sveinbjarnardóttir Sóltúni 10 dags. 5. maí 2008, Guðrún H. Tulinius og Áslaug Ellen G. Yngvadóttir Sóltúni 10, dags. 28. apríl 2008, Gunnlaugur P. Steindórsson Sóltúni 10, dags, 28. apríl 2008, Íslenskir aðalverktakar Höfðabakka 9, dags. 7. maí 2008, Íris Waltersdóttir Ferrua Sóltúni 8, dags. 15. apríl 2008, Snorri Traustason f.h. lóðarhafa Sóltúni 6, dags. 6. maí 2008, Helgi Esra Pétursson Sóltúni 18, dags. 7. maí 2008 og Oddrún Jónasdóttir Uri Sóltúni 16, dags. 1. maí 2008.
Erindið er nú lagt fram að nýju ásamt nýjum uppdráttum Nexus arkitekta dags. 11. júlí 2008.
Kynna formanni skipulagsráðs.
27.08 Vegamótastígur 9, breyting á deiliskipulagi
Að lokinni auglýsingu er lögð fram tillaga Studio Granda ehf., dags. í apríl 2008 að breytingu á deiliskipulagi vegna lóðarinnar nr. 9 við Vegamótastíg. Breytingin felur í sér þriggja hæða nýbyggingu með kjallara þar sem gamla húsið er endurbyggt sem turn á horninu. Auglýsingin stóð yfir frá 23. apríl til og með 27. júní 2008. Athugasemdir bárust frá eftirfarandi aðilum: Andri Björnsson dags. 7. júní 2008, Gunnar S. Óskarsson dags. 6. júní 2008, Arnar Jónsson og Þórhildur Þorleifsdóttir dags. 7. júní 2008, Valdís Bjarnadóttir og Gunnar Ingi Ragnarsson dags. 6. júní 2008, Elín G. Gunnlaugsdóttir fh eigenda og íbúa að Grettisgötu 3 og 3a dags. 6. júní 2008 og Bjarki Júlíusson f.h. Kaupangs ehf. dags. 6. júní 2008. Eftir að frestur til athugasemda rann út barst athugasemd frá Ögmundi Skarphéðinssyni dags. 2. júlí 2008.
Vísað til skipulagsráðs.
28.08 Almannadalur 17-23, (fsp) breyting á deiliskipulagi
Lögð fram fyrirspurn Bjarna Jónssoanr dags. 26. ágúst 2008 fh. lóðarhafa um stækkun á loftunargerðum við hesthús sem standa á lóðunum að vestanverðu í Almannadal.
Vísað til umfjöllunar umhverfisstjóra Skipulags- og byggingarsviðs.
29.08 Esjurætur, (fsp) söluaðstaða
Lagt fram erindi frá afgreiðslufundi byggingarfulltrúa frá 26. ágúst 2008 þar sem spurt er hvort leyfi fengist til að koma fyrir færanlegri söluaðstöðu fyrir veitingar við göngustíga við Esjurætur
Vísað til umfjöllunar umhverfisstjóra Skipulags- og byggingarsviðs.
30.08 Heiðmörk, Vatnsendakrikar, framkvæmdaleyfi vegna kaldavatnslagnar
Á fundi skipulagsstjóra 25. júlí 2008 var lögð fram að nýju umsókn Orkuveitu Reykjavíkur, dags. 20. júní 2008, um framkvæmdaleyfi fyrir niðurgrafna kaldavatnslögn í Vatnsendakrika í Heiðmörk. Erindinu var vísað til umsagnar sviðsstýru Umhverfis- og samgöngusviðs og er nú lagt fram að nýju ásamt umsögn Umhverfis- og samgöngusviðs dags. 27. ágúst 2008.
Vísað til umfjöllunar umhverfisstjóra Skipulags- og byggingarsviðs.
31.08 Hólmsheiði, jarðvegsfylling, Breyting á Aðalskipulagi Reykjavíkur 2001-2024
Lögð fram drög skipulags- og byggingarsviðs að breytingu á Aðalskipulagi Reykjavíkur dags. 29. ágúst 2008. Í breytingunni felst að svæði til jarðvegsfyllingar á Hólmsheiði er stækkað samkv. meðfylgjandi uppdrætti dags. 29. ágúst 2008.
Kynna formanni.
32.08 Tjarnargata 12, br. innanhúss, nýbygging, stækkun lóðar
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 22. apríl 2008 þar sem sótt er um leyfi til að breyta innra skipulagi og byggja við inn í porti ásamt því að fá lóð stækkaða í átt að Tjarnargötu fyrir stigahús nýbyggingarinnar sem er steinsteypt á tveimur hæðum með gler þaki að hluta í húsinu Tjarnarbíó á lóð nr. 12 við Tjarnargötu. Grenndarkynning stóð frá 22. maí til 19. júní 2008.
Eftirtaldar athugasemdir bárust: Gústaf Þór Tryggvason hrl. Tjarnargötu 10 d. dags 29.maí 2008, Sergiy Okhremchuk og Olha Dushynska, dags. 13. júní 2008, Guðmundur Hafsteinsson hdl., dags. 16. júní 2008.
Á fundi skipulagsstjóra 4. júlí 2008 var erindinu frestað.
Umsækjandi skal leggja fram greinargerð um brunatæknilegar lausnir vegna breytingarinnar. Nú lagt fram að nýju ásamt umsögn verkfræðistofu Snorra Ingimarssonar um brunatæknilegar lausnir dags. 14. ágúst 2008 og umsögn Rafns Guðmundssonar dgs. 2. júlí 2008 varðandi hönnun loftræstikerfis. Erindinu var vísað til umsagnar í vesturteymi arkitekta hjá skipulagsstjóra og er nú lagt fram að nýju ásamt umsögn skipulagsstjóra dags. 26. ágúst 2008.
Vísað til skipulagsráðs.