Bauganes 31A, Bergstaðastræti 83, Brávallagata 26, Brekkustígur 6B, Einholt-Þverholt, nýtt deiliskipulag., Eskihlíð 3, Fálkagata 7, Fiskislóð 29, Grófartorg, Zimsen hús, Hringbraut 119 Lág 4-14, Skólavörðustígur 11, Skólavörðustígur 46, Týsgata 4B, Hádegismóar, Suður Mjódd, Traðarland 1, Úlfarsfell, Öskjuhlíð, Bíldshöfði 12, Eirhöfði 12, Hofteigur 38, Sundlaugavegur 37, Karfavogur 26-28, Vættaborgir 98-110, Sturlugata 2, Vísindagarðar, Suðurlandsbraut 58-64, Kvistaland 10-16,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

187. fundur 2007
Ár 2007, föstudaginn 9. nóvember kl. 10:30, hélt skipulagsstjóri Reykjavíkur 187. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 3, 3. hæð. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Margrét Þormar, Jóhannes S. Kjarval, Björn Axelsson, Ágústa Sveinbjörnsdóttir, Lilja Grétarsdóttir, Þórarinn Þórarinsson og Gunnhildur Gunnarsdóttir. Ritari var Helga Björk Laxdal.
Þetta gerðist:

1.07 Bauganes 31A, breyting á deiliskipulagi Einarsness
Að lokinni grenndarkynningu er lagt fram erindi lóðarhafa mótt. 22. ágúst 2007 ásamt tillögu Berglindar Sigvaldadóttir dags. 9. sept. 2007 að breytingu á deiliskipulagi Einarsness vegna lóðarinnar nr. 31A við Bauganes. Í breytingunni felst stækkun og færsla á byggingarreit. Grenndarkynningin stóð frá 1. til og með 29. október 2007. Athugasemd barst frá íbúum Bauganesi 33A, dags. 29. okt. 2007. Einnig er lögð fram umsögn skipulagsráðs dags. 7. nóvember 2007.
Vísað til skipulagsráðs.
2.07 Bergstaðastræti 83, reyndarteikningar
Á fundi skipulagsstjóra 26. október 2007 var lagt fram erindi frá afgreiðslufundi byggingarfulltrúa frá 23. október 2007 þar sem sótt er um leyfi fyrir óleyfisbreytingum á byggingarleyfi BN033647 dags. 7. mars, þar sem bílskúr er stækkaður að lóðamörkum, eldhús á 1. hæð er stækkað, byggt er undir svalir á suðurhlið og sýnd er ósamþykkt íbúð í kjallara, ásamt minni háttar útlitsbreytingum s. s. útitröppum og gluggapóstum, á einbýlishúsinu á lóðinni nr. 83 við Bergstaðastræti. Erindinu var vísað til umfjöllunar í vesturteymi arkitekta hjá skipulagsstjóra og er nú lagt fram að nýju.
Stækkun: 37,1 ferm., 94,8 rúmm.
Gjald kr. 6.800 + 6.446
Samþykkt að grenndarkynna framlagða umsókn fyrir hagsmunaaðilum að Bergstaðastræti 81, 84 og 86 ásamt Fjölnisvegi 18 og 20. Skipulagsstjóri áréttar þó að með grenndarkynningunni er ekki verið að taka afstöðu á þessu stigi málsins um hvort fjarlægja skuli óleyfisbyggingar á lóðinni og áskilur sér rétt til að leggja til niðurrif að grenndarkynningu lokinni.
3.07 Brávallagata 26, (fsp) svalir 1.hæð
Lagt fram erindi frá afgreiðslufundi byggingarfulltrúa frá 30. október 2007 þar sem spurt er hvort koma megi fyrir svölum á götuhlið 1. hæðar fjölbýlishússins á lóðinni nr. 26 við Brávallagötu.
Ekki eru gerðar athugasemdir við erindið en áréttað er að samþykki meðlóðarhafa þarf að liggja fyrir áður en byggingarleyfisumsókn verður grenndarkynnt. Áhersla er lögð á að útlit og dýpt svala þarf að fara húsinu vel
4.07 Brekkustígur 6B, rífa hús og byggja tvíbýlishús
Lagt fram erindi frá afgreiðslufundi byggingarfulltrúa frá 30. október 2007 þar sem sótt er um leyfi til að rífa hús og til að byggja steinsteypt tvíbýlishús á lóðinni nr. 6B við Brekkustíg. Lagt fram bréf Plúsarkitekta, dags. 4. nóv. 2007 ásamt endurskoðuðum uppdráttum, dags. s.d.
Niðurrif: Fastanr. 200-0940 merkt 01 0101 íbúð 49,7 ferm.
Nýbygging: xx ferm. xx rúmm.
Gjald kr. 6.800 + xx
Vísað til umsagnar í vesturteymi arkitekta hjá skipulagsstjóra.
5.07 Einholt-Þverholt, nýtt deiliskipulag., Reitir 1.244.1, 1.244.3.
Lögð fram umsögn Umhverfissviðs frá 6. nóv. 2007 um heimild til að beita fráviki II varðandi hljóðvist vegna tillögu um breytingu á deiliskipulagi við Einholt/Þverholt.

6.07 Eskihlíð 3, (fsp) viðbygging
Lögð fram fyrirspurn Sigrúnar Sigurðardóttur f.h. Hlíðar ehf, dags. 2. nóvember 2007, um viðbyggingu við hús nr. 3 við Eskihlíð skv. uppdrætti Birgis Jóhannssonar ark., dags. 16. október 2007.
Vísað til umsagnar í vesturteymi arkitekta hjá skipulagsstjóra.
7.07 Fálkagata 7, kvistir
Að lokinni grenndarkynningu er lagt fram erindi frá afgreiðslufundi byggingarfulltrúa frá 25. september 2007 þar sem sótt er um leyfi til að byggja kvisti á báðum hliðum rishæðar einbýlishússins á lóðinni nr. 7 við Fálkagötu. Grenndarkynning stóð yfir frá 8. okt. til 5. nóv. 2007. Engar athugasemdir bárust.
Stækkun: 25,6 ferm., 34,5 rúmm.
Gjald kr. 6.800 + 2.346
Vísað til skipulagsráðs.
8.07 Fiskislóð 29, breyting á deiliskipulagi Vesturhafnar
Á fundi skipulagsstjóra 2. nóvember 2007 var lögð fram tillaga Sólark arkitekta fh. Löðurs ehf. dags. 25. október 2007 varðandi breytingu á deiliskipulagi Vesturhafnar vegna lóðarinnar nr. 29 við Fiskislóð. Í breytingunni felst að byggingarreitur er færður nær götu. Á fundinum var erindinu frestað og vísað til umfjöllunar byggingarfulltrúa og er nú lögð fram að nýju ásamt umsögn byggingarfulltrúa dags. 9. nóvember 2007.
Vísað til skipulagsráðs.
9.07 Grófartorg, Zimsen hús, breyting á deiliskipulagi vegna Vesturgötu 2A
Lögð fram umsókn Hjörleifs Stefánssonar ark. f.h. Minjaverndar, dags. 18. september 2007, um breytingu á deiliskipulagi Grófartorgs vegna staðsetningu Zimsenhússins á lóðinni að Vesturgötu 2A skv. uppdrætti, dags. 29. okt. 2007. Með tillögunni er m.a. gert ráð fyrir nýjum hæðarsetningum, viðbyggingum, breytingum á lóðarmörkum.
Vísað til skipulagsráðs.
10.07 Hringbraut 119 Lág 4-14, skýli
Lagt fram erindi frá afgreiðslufundi byggingarfulltrúa frá 6. nóvember 2007 þar sem sótt er um leyfi fyrir glerskýli byggðu ofaná þak bílgeymslu glerskýlin eru byggðir upp af pvc gluggaprófilum styrkta stáli sem eru glerjaðir að hluta og með samloku plötum byrða pvc klæðningu beggja vegna að hluta, glerskýlin eru við bakinnganga raðhússins á lóð nr. 4, 6, 8 og 10.
Meðfylgandi er samþykki allra meðlóðahafa ódagsett. Stærðir: hús nr. 4: 4,7 ferm., 11,8 rúmm., hús nr. 6: 4,7 ferm., 11,8 rúmm., hús nr. 8: 4,7 ferm., 11,8 rúmm., hús nr. 10: 4,7 ferm., 11,8 rúmm.
Gjald kr. 6.800 + 3.210
Ekki eru gerðar athugasemdir við erindið.
11.07 Skólavörðustígur 11, breyting á deiliskipulagi
Að lokinni grenndarkynningu er lagt fram erindi fasteignafélagsins Stoða hf dags 19. september 2007 varðandi breytingu á deiliskipulagi. Í breytingunni felst að óskað er eftir heimild til að stækka þakhæð og fjarlægja tengibyggingu. Grenndarkynning stóð yfir frá 1. til 29. október 2007. Athugasemdir bárust frá eftirfarandi aðilum: Eyrir Invest Skólavörðustíg 13, dags. 10. október 2007, Lögmál ehf, dags. 26. okt. 2007, Vinnustofan Þverá, dags. 28. okt. 2007, Benedikt Einarsson og Birgitta H. Brynjarsdóttir, dags. 25. okt. 2007, Bjarni Þ. Guðmundsson, dags. 29. okt. 2007, Reinhold Kristjánsson, dags. 28. okt. 2007.
Vísað til skipulagsráðs.
12.07 Skólavörðustígur 46, innri og ytri br.
Að lokinni grenndarkynningu er lagt fram erindi frá afgreiðslufundi byggingarfulltrúa frá 4. september 2007 þar sem sótt er um leyfi til að byggja glerútbyggingu, síkka glugga og gera franskar svalir á suðaustur hlið, stækka íbúð inn á svalir á norðvestur hlið og gera þar nýjan inngang í íbúð, breyta innra skipulagi íbúðar, þ.m.t. að fjarlægja burðarvegg á 2. hæð í fjölbýlishúsinu á lóð nr. 46 við Skólavörðustíg. Grenndarkynning stóð yfir frá 8. október til 5. nóvember 2007. Athugasemdir bárust frá Sigurði Hólm Þorsteinssyni Njarðargötu 61ásamt undirskriftarlista 12 íbúa, dags. 2. nóvember 2007.
Samþykki Skólavörðustígs 45 ehf dags. 25. ágúst 2007 fylgir erindinu. Bréf burðarvirkishönnuðar dags. 31. júlí 2007 fylgir, einnig bréf hönnuðar dags. 25. júlí 2007 og þinglýst samþykki meðeiganda í fjölbýlishúsinu Skólavörðustíg 46 dags 1. júlí 2007 ásamt löggildingarvottorð aðalhönnuðar frá Umhverfisráðuneytisins dags. 24. júní 1996 Á afgreiðslufundi byggingarfulltrúa 18. september 2007 var samþykkt byggingarfulltrúa frá 4. september 2007 felld úr gildi með vísan til 25. gr. stjórnsýslulaga nr. 37/1993.
Stærð: Stækkun 3,2 ferm., 8,7 rúmm.
Gjald kr. 6.800 + 592
Athugasemdir kynntar. Vísað til umsagnar í vesturteymi arkitekta hjá skipulagsstjóra.
13.07 Týsgata 4B, (fsp) hækkun mæni á risi
Lögð fram fyrirspurn Þórunnar Pálsdóttur, dags. 2. nóvember 2007, um hækkun mæni á risi húss nr. 4B við Týsgötu.
Vísað til umsagnar í vesturteymi arkitekta hjá skipulagsstjóra.
14.07 Hádegismóar, íþróttasvæði Fylkis
Lagt fram bréf íþróttafélagsins Fylkis, dags. 31. október 2007, varðandi fyrirhugað athafnasvæði Fylkis við Hádegismóa.
Óskað er eftir að lögð verði fram frekari þarfagreining félagsins vegna uppbyggingar á svæðinu.
15.07 Suður Mjódd, breyting á deiliskipulagi
Lögð fram tillaga Erum arkitekta, dags. 13. ágúst 2007, að deiliskipulagi Suður Mjóddar. Einnig lagðar fram umsagnir eftirtaldra aðila: Umhverfissviðs, dags. 8. október 2007, Íþrótta- og tómstundaráðs, dags. 30. október 2007
Vísað til Framkvæmdasviðs til vinnslu á úttekt um hljóðvistarmál á svæðinu.
16.07 Traðarland 1, gervigrasvöllur
Lagt fram erindi frá afgreiðslufundi byggingarfulltrúa frá 30. október 2007 þar sem sótt er um leyfi til að byggja gervigrasvöll, til að breyta útliti lokana undir stúku og byggja nýtt tæknirými fyrir gervigrasvöllinn á lóðinni nr. 1 við Traðarland. Einnig lögð fram umsögn umhverfisstjóra skipulags- og byggingarsviðs dags. 9. nóvember 2007.
Málinu fylgir bréf hönnuðar dags. 22. október 2007.
Stækkun stúku 18 ferm. og 121,6 rúmm.
Gjald kr. 6.800 + 8.269
Ekki eru gerðar athugasemdir við erindið með fyrirvörum um ráðstafanir vegna hljóðvarna sem fram koma í umsögn umhverfisstjóra.
17.07 Úlfarsfell, skíðahús
Á fundi skipulagsstjóra 13. júlí 2007 var lagt fram bréf borgarstjóra, dags. 19. júní 2007, varðandi samþykkt borgarráðs frá 14. s.m. að vísa umsókn formanns og stjórnarformanns Skíðasambands Íslands, dags. 11. júní 2007, um lóð í hlíðum Úlfarsfells til byggingar á skíðahúsi til skipulagsráðs. Erindinu var vísað til umfjöllunar umhverfisstjóra skipulags- og byggingarsviðs og er nú lagt fram að nýju.
Kynna formanni skipulagsráðs.
18.07 Öskjuhlíð, Leynimýri lóðarumsókn, breyting á deiliskipulagi
Lögð fram tillaga Landmótunar dags. 8. nóvember 2007 að breytingu á deiliskipulagi Öskjuhlíðar vegna lóðar og uppbyggingar á hofi Ásatrúarfélagsins. Einnig lagt fram bréf borgarstjóra, dags. 3. nóvember 2006, ásamt bréfi skrifstofustjóra Framkvæmdasviðs, dags. 30. október 2006, skýrsla Landmótunar dags. 6. september 2007 og umsögn Flugstoða dags. 16. maí 2007.
Vísað til skipulagsráðs.
19.07 Bíldshöfði 12, (fsp) breyting á notkun
Lögð fram fyrirspurn Ragnars Jóhannssonar f.h. Formal ehf, dags. 5. nóvember 2007, um tímabundna breytingu á notkun húsnæðis að Bíldshöfða 12. Einnig er lögð fram umsögn skipulagsstjóra dags. 9. nóvember 2007.
Neikvætt með vísan til umsagnar skipulagsstjóra.
20.07 Eirhöfði 12, Gistiaðstaða
Á fundi skipulagsstjóra 2. nóvember 2007 var lagt fram erindi frá afgreiðslufundi byggingarfulltrúa frá 30. október 2007 þar sem lagt var fram bréf Dóminíum hf., dags. 22. október 2007, með beiðni um endurskoðun á svari við fyrirspurn nr. 36834 vegna gistiaðstöðu í húsinu nr. 12 Eirhöfða. Erindinu var vísað til umsagnar í austurteymi arkitekta hjá skipulagsstjóra og er nú lagt fram að nýju ásamt umsögn skipulagsstjóra dags. 9. nóvember 2007.
Neikvætt með vísan til umsagnar skipulagsstjóra.
21.07 Hofteigur 38, (fsp) kvistir, skipta um þakglugga
Lagt fram erindi frá afgreiðslufundi byggingarfulltrúa frá 6. nóvember 2007 þar sem spurt er hvort setja megi kvist á norðurþakflöt og breyta um þakglugga á húsinu nr. 38 við Hofteig.
Ekki eru gerðar athugasemdir við erindið. Samræmist deiliskipulagi.
22.07 Sundlaugavegur 37, (fsp) lóðarstækkun og uppbygging
Lögð fram fyrirspurn Arkþings f.h. 501 ehf, dags. 2. nóvember 2007, um stækkun á lóð að Sundlaugavegi 37 og uppbyggingu á lóðinni.
Neikvætt. Ekki er hægt að fallast á lóðarstækkun á kostnað græns svæðis. Uppbygging samkvæmt tillögunni samræmist ekki byggðamynstri svæðisins.
23.07 Karfavogur 26-28, breyting á deiliskipulagi
Að lokinni grenndarkynningu er lögð fram tillaga lóðarhafa Karfavogs 26 og 28 dags. 1. mars 2007 varðandi stækkun á lóð sunnan við húseignina Karfavog 28. Grenndarkynning stóð yfir frá 3. október til 7. nóvember 2007. Engar athugasemdir bárust.
Vísað til skipulagsráðs.
24.07 Vættaborgir 98-110, (fsp) lyfta þaki
Lögð fram fyrirspurn Ingólfs Kristjánssonar, dags. 30. október 2007, um hvort leyft verði að lyfta þaki húss nr. 100 á lóðinni Vættaborgir 98-110.
Neikvætt að lyfta þaki á einni einingu á heildarlóðinni Vættaborgir 98-110. Samkvæmt deiliskipulagi er heimild fyrir tveimur hæðum en bent skal á að framkvæma skal hækkun þaks á öllum einingunum hússins á sama hátt auk þess sem samþykki allra lóðarhafa þarf að liggja fyrir breytingunum.
25.07 Sturlugata 2, Vísindagarðar, breytt deiliskipulag
Lögð fram tillaga ASK arkitekta dags. 8. nóvember 2007 varðandi breytt deiliskipulag lóðarinnar nr. 2 við Skerplugötu. Í breytingunni felst að markaður er nýr og stærri byggingarreitur bílgeymslu og kvöðum um eignarhald breytt.
Kynna formanni skipulagsráðs.
26.07 Suðurlandsbraut 58-64, nýbygging
Lagt fram erindi frá afgreiðslufundi byggingarfulltrúa frá 6. nóvember 2007 þar sem spurt er hvort leyft yrði að byggja fjögurra hæða hús fyrir íbúðir og þjónustumiðstöð fyrir aldraða á lóðinni nr. 58-64 við Suðurlandsbraut.
Ekki eru gerðar athugasemdir við erindið. Samræmist deiliskipulagi.
27.07 Kvistaland 10-16, nr. 12, stækkun byggingarreits
Lögð fram umsókn PK-arkitekta f.h. Björns Sveinbjörnssonar, dags. 7. nóv. 2007, um breytingu á deiliskipulagi lóðar nr. 10-16 við Kvistaland vegna húss nr. 12 skv. uppdrætti, dags. 1. nóv. 2007. Sótt er m.a. um stækkun á byggingarreit.
Vísað til umsagnar í austurteymi arkitekta hjá skipulagsstjóra.