Bryggjuhverfi, Eirhöfði 12, Gerðarbrunnur 16-18, Gerðuberg 7 og 9, Goðaland 1, Hestháls 14, Hólmsheiði við Suðurlandsveg, Iðunnarbrunnur 12, Kambsvegur 22, Laugarásvegur 35 og 37, Mjódd, Suðurfell 4, Skeljungur, Stórhöfði 34-40, Vatnagarðar 10, Sléttuvegur F.v.bl 28, Laugarnestangi 70, Listasafn Sigurjóns Ólafssonar, Hraunbær 1-33, Bauganes 31A, Bergstaðastræti 83, Brávallagata 26, Brekkustígur 6B, Brekkustígur 10, Fjölnisvegur 9, Fiskislóð 29, Heilsuverndarstöðvarreitur, reitur 1.193., Kaplaskjólsvegur 54, Klapparstígur 9, Laugavegur 46, Hringbraut Landsp., Lóðir fyrir gullsmíða- og hönnunarverkstæði, Njálsgata 23, Reitur 1.13, Nýlendureitur, Reykjavíkurflugvöllur, lóðarumsókn fyrir flugskýli, Skólavörðustígur 11, Skúlagata 13, Urðarstígur 16A, Vesturgata 54,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

186. fundur 2007
Ár 2007, föstudaginn 2. nóvember kl. 10:13, hélt skipulagsstjóri Reykjavíkur 186. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 3, 3. hæð. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Ágústa Sveinbjörnsdóttir, Lilja Grétarsdóttir, Þórarinn Þórarinsson, Björn Axelsson, Margrét Þormar og Jóhannes S. Kjarval.
Þetta gerðist:

1.07 Bryggjuhverfi, breyting á deiliskipulagi, eldsneytisafgreiðsla
Á fundi skipulagsfulltrúa 27. júlí 2007 var lögð fram fyrirspurn Olíuverslunar Íslands, dags. 18. júlí 2007, um breytingu á deiliskipulagi Bryggjuhverfis vegna eldsneytisafgreiðslu fyrir báta. Á fundinum var erindinu vísað til umsagnar Umhverfissviðs og skrifstofustjóra Framkvæmdasviðs vegna eignarhalds á landi. Lagt fram bréf framkvæmdastjóra Björgunar, dags. 17. október 2007, umsögn Framkvæmdasviðs, dags. 24. október 2007 og umsögn Umhverfissviðs, dags. 30. okt. 2007.
Ekki eru gerðar athugasemdir við að fyrirspyrjandi láti vinna tillögur að breytingu á deiliskipulagi í samræmi við skilyrði og leiðbeiningar í framlögðum umsögnum Umhverfissviðs og Framkvæmdasviðs. Tillagan verður auglýst þegar hún berst.
2.07 Eirhöfði 12, Gistiaðstaða
Lagt fram erindi frá afgreiðslufundi byggingarfulltrúa frá 30. október 2007 þar sem lagt var fram bréf Dóminíum hf., dags. 22. október 2007, með beiðni um endurskoðun á svari við fyrirspurn nr. 36834 vegna gistiaðstöðu í húsinu nr. 12 Eirhöfða.
Vísað til umsagnar í austurteymi arkitekta hjá skipulagsstjóra.
3.07 Gerðarbrunnur 16-18, parhús
Á fundi skipulagsráðs 31. október 2007 var sótt er um leyfi til þess að byggja tvílyft parhús með innbyggðum bílgeymslum allt úr forsteyptum einingum á lóð nr. 16-18 við Gerðarbrunn. Erindinu var frestað og vísað til meðferðar skipulagsstjóra og er nú lagt fram að nýju.
Stærð: Hús nr. 16 (matshluti 01) íbúð 1. hæð 108,3 ferm., 2. hæð 79,8 ferm., bílgeymsla 23,3 ferm., samtals 211,4 ferm., 749,3 rúmm. Hús nr. 18 (matshluti 02) er sömu stærðar og hús nr. 16 eða samtals 211,4 ferm., 749,3 rúmm.
Parhús er samtals 422,8 ferm., 1498,6 rúmm.
Gjald kr. 6.800 + 101.905
Frestað.
Aðlögun að landi samræmist ekki deiliskipulagi enda eru herbergi í norðurhluta neðri hæðar að fullu niðurgrafin. Gera þarf grein fyrir fyrirhuguðum hljóðvegg við suðurlóðamörk með fyrirvara um endanlega útfærslu. Draga þarf úr umfangi hliðarveggja svala og svalaskyggnis.
4.07 Gerðuberg 7 og 9, breytt deiliskipulag vegna þjónustuíbúða
Lögð fram tillaga VA arkitekta dags. 18. október 2007 að breytingu á deiliskipulagi Hverfismiðstöðvar Breiðholt III, austurdeild vegna þjónustuíbúða aldraðra á lóð númer 7 og 9 við Gerðuberg og Hólabergi 84.
Kynna formanni skipulagsráðs.
5.07 Goðaland 1, breyting á deiliskipulagi
Á fundi skipulagsstjóra 19. október 2007 voru lagðir fram nýjir og breyttir uppdrættir dags. 12. október 2007 varðandi breytt deiliskipulag lóðarinnar nr. 1 við Goðaland. Í breytingunni felst að stækka byggingarreit fyrir viðbyggingu ásamt ósk um að setja glugga á austurhlið hússins. Á fundinum var málinu frestað en er nú lagt fram að nýju ásamt erindi Batterísins f.h. lóðarhafa dags. 25. október 2007.
Frestað. Ekki eru gerðar athugasemdir við glugga á austurgafli, með vísan til erindis hönnuðar dags. 25. október sl. Lagfæra þarf uppdrætti áður en tillagan verður grenndarkynnt fyrir hagsmunaaðilum.
6.07 Hestháls 14, breyting á deiliskipulagi Hálsahverfis
Á fundi skipulagsstjóra 19. október 2007 var lögð fram umsókn Arkidea f.h. Framkvæmdasviðs Reykjavíkurborgar, dags. 12. október 2007, um breytingu á deiliskipulagi Hálsahverfis vegna lóðar nr. 14 við Hestháls skv. uppdrætti Arkidea, dags. 12. október 2007. Breytingin gengur m.a. út á að skipta lóðinni í tvennt auk þess sem sótt er um að nýta kvöð um umferð austan megin við lóðina. Erindinu var frestað og er nú lagt fram að nýju ásamt nýjum uppdráttum mótt. 1. nóvember 2007.
Vísað til skipulagsráðs.
7.07 Hólmsheiði við Suðurlandsveg, lóðarumsókn Múlakaffi
Lögð fram umsókn Múlakaffis, dags. 30. okt. 2007, um lóð á Hólmsheiði fyrir skrifstofur og veislueldhús.
Framlögð lóðarumsókn framsend borgarráði Reykjavíkur til afgreiðslu með vísan til 2. mgr. 7. gr. stjórnsýslulaga nr. 37/1993.
8.07 Iðunnarbrunnur 12, einbýlishús
Lagt fram erindi frá afgreiðslufundi byggingarfulltrúa frá 30. október 2007 þar sem sótt er um leyfi til að byggja tvílyft, steinsteypt einbýlishús með innbyggðri bílgeymslu á lóðinni nr. 12 við Iðunnarbrunn.
Málinu fylgir brunatæknileg greinargerð frá Línuhönnun dags. 18. október 2007.
Stærð: 1. hæð íbúð 78,2 ferm., bílgeymsla 32,1 ferm., 2. hæð íbúð 105,1 ferm.Samtals 215,4 ferm. og 667,4 rúmm.
Gjald kr. 6.800 + 45.383
Frestað. Samþykki aðlægra lóðarhafa að Gefjunarbrunni 9 og Iðunnarbrunni 14 þarf að liggja fyrir til að unnt sé að samþykkja málið, í samræmi við undanþáguákvæði deiliskipulags Úlfarsárdals.
9.07 Kambsvegur 22, bílskúr
Lagt fram erindi frá afgreiðslufundi byggingarfulltrúa frá 30. október 2007 þar sem sótt er um leyfi fyrir staðsteyptri viðbyggingu bílgeymslu, sem einingu 0102 mhl. 02 á lóðinni nr. 22 við Kambsveg.
Meðfylgandi er samþykki aðliggandi lóðarhafa á deiliteikningu. dags. 1. okt. 2007 og samþykki meðeiganda dags. 1. okt. 2007
Stærðir : 41,8 ferm., 137,9 rúmm.
Gjald kr. 6.800 + 9.377
Samþykkt að grenndarkynna framlagða umsókn fyrir hagsmunaaðilum að Austurbrún 31 og 33 ásamt Kambsvegi 21 og 24.
10.07 Laugarásvegur 35 og 37, breyting á lóðarmörkum
Lagt fram bréf Plúsarkitekta, dags. 28. nóv. 2007, varðandi stækkun lóðar nr. 35 og 37 við Laugarásveg.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi, á eigin kostnað, sem síðar verður grenndarkynnt.
11.07 Mjódd, breyting á deiliskipulagi vegna bílastæða
Lögð fram umsókn teiknistofu Halldórs Guðmundssonar f.h. Svæðisfélags Mjóddar, dags. 16. júlí 2007, um breytingu á fyrirkomulagi bílastæða.skv. uppdrætti, s.d. ásamt skrifstofu borgarstjórnar, dags. 29.10.07 ásamt bréfi framkvæmdastjóra Svæðisfélagsins í Mjódd frá 15. s.m. varðandi deiliskipulag Mjóddar.
Frestað.
12.07 Suðurfell 4, Skeljungur, (fsp) breyting á deiliskipulagi
Á fundi skipulagsstjóra 15. júní 2007 var lögð fram fyrirspurn Skeljungs, dags. 5. júní 2007, um breytingu á deiliskipulagi vegna lóðarinnar að Suðurfelli 4 skv. uppdrætti Arkís, dags. 23. maí 2007. Gert er ráð fyrir að lóðin geti stækkað til norðausturs og leyft verði að byggja nýbyggingu fyrir bíla- og smurþjónustu. Erindið er nú lagt fram að nýju ásamt tillögu Arkís dags. 9. september 2007 og tillögu Arkís mótt. 26. október 2007.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi, í samræmi við erindi mótt. 26. október sl. Tillagan verður auglýst og kynnt sérstaklega fyrir hverfisráði Breiðholts.
13.07 Stórhöfði 34-40, (fsp) uppbygging á lóð
Á fundi skipulagsstjóra 26. október 2007 var lagt fram bréf Eyktar hf. dags. 24. október 2007, varðandi uppbyggingu á lóðunum við Stórhöfða 34-40.
Fyrirspyrjandi hafi samband við austurteymi arkitekta hjá skipulagsstjóra.
14.07 Vatnagarðar 10, stækkun
Lagt fram erindi frá afgreiðslufundi byggingarfulltrúa frá 30. október 2007 þar sem sótt er um leyfi til að byggja steinsteypta, einnar hæðar viðbyggingu við atvinnuhúsið á lóðinni nr. 10 við Vatnagarða.
Jafnframt er erindi BN 30961 dregið til baka.
Stækkun vörugeymsla: 501,3 ferm., 2105,1 rúmm.
Gjald kr. 6.800 + 143.140
Ekki eru gerðar athugasemdir við erindið. Samræmist deiliskipulagi.
15.07 Sléttuvegur F.v.bl 28, bráðabirgðaskrifstofuhúsnæði
Lagt fram erindi frá afgreiðslufundi byggingarfulltrúa frá 30. október 2007 þar sem sótt er um leyfi til að byggja tveggja hæða skrifstofuálmu með stigahúsi á norðurhluta lóðar LSH - Landspítalans við Hringbraut í Fossvogi. Sömuleiðis verður núverandi stigi fjarlægður.
Stærðir: 1. hæð 74,4 ferm., 2. hæð 68,5 ferm., samtals 142,9 ferm., 327,9 rúmm.
Gjöld kr. 6.800 + 22.297
Ekki eru gerðar athugasemdir við erindið. Samræmist deiliskipulagi.
16.07 Laugarnestangi 70, Listasafn Sigurjóns Ólafssonar, breyting á deiliskipulagi
Að lokinni grenndarkynningu er lagt fram erindi Listasafns Sigurjóns Ólafssonar dags. 17. september 2007 varðandi breytingu á deiliskipulagi lóðarinnar nr. 70 við Laugarnestanga skv. uppdráttum Ask arkitekta dags. 13. september 2007. Í breytingunni felst að breyta byggingarskilmálum sérstakrar listaverkageymslu fyrir safnið. Grenndarkynning stóð yfir frá 3. október til 7. nóvember 2007. Lagt fram samþykki Grétars Bernódussonar Laugarnestanga 60, dags. 15. okt. 2007. Lögð fram athugasemd Hrafns Gunnlaugssonar, dags. 28. okt. 2007, þar sem farið er fram á betri gögn og lengdan athugasemdarfrests.
Frestað. Óskað er eftir að hönnuður leggi fram skýrari uppdrætti áður en grenndarkynningin verði endurtekin.
17.07 Hraunbær 1-33, frágangur lóða
Á fundi skipulagsstjóra 26. október 2007 var lagt fram bréf Ínu Marteinsdóttur, dags. 24. september 2007 ásamt undirskriftalista 19 íbúa við Hraunbæ 1-33, varðandi umhirðu grænna svæða sem tilheyra lóðunum. Erindinu var vísað til umsagnar umhverfisstjóra skipulags- og byggingarsviðs og er nú lagt fram að nýju ásamt umsögn dags. 2. nóvember 2007.
Neikvætt með vísan til umsagnar umhverfisstjóra.
18.07 Bauganes 31A, breyting á deiliskipulagi Einarsness
Að lokinni grenndarkynningu er lagt fram erindi lóðarhafa mótt. 22. ágúst 2007 ásamt tillögu Berglindar Sigvaldadóttir dags. 9. sept 2007 að breytingu á deiliskipulagi Einarsness vegna lóðarinnar nr. 31A við Bauganes. Í breytingunni felst stækkun og færsla á byggingarreit. Grenndarkynningin stóð frá 1. til og með 29. október 2007. Athugasemd barst frá íbúum Bauganesi 33A, dags. 29. okt. 2007.
Athugasemdir kynntar. Frestað.
19.07 Bergstaðastræti 83, reyndarteikningar
Á fundi skipulagsstjóra 26. október 2007 var lagt fram erindi frá afgreiðslufundi byggingarfulltrúa frá 23. október 2007 þar sem sótt er um leyfi fyrir óleyfisbreytingum á byggingarleyfi BN033647 dags. 7. mars, þar sem bílskúr er stækkaður að lóðamörkum, eldhús á 1. hæð er stækkað, byggt er undir svalir á suðurhlið og sýnd er ósamþykkt íbúð í kjallara, ásamt minni háttar útlitsbreytingum s. s. útitröppum og gluggapóstum, á einbýlishúsinu á lóðinni nr. 83 við Bergstaðastræti. Erindinu var vísað til umfjöllunar í vesturteymi arkitekta hjá skipulagsstjóra og er nú lagt fram að nýju.
Stækkun: 37,1 ferm., 94,8 rúmm.
Gjald kr. 6.800 + 6.446
Frestað.
20.07 Brávallagata 26, (fsp) svalir 1.hæð
Lagt fram erindi frá afgreiðslufundi byggingarfulltrúa frá 30. október 2007 þar sem spurt er hvort koma megi fyrir svölum á götuhlið 1. hæðar fjölbýlishússins á lóðinni nr. 26 við Brávallagötu.
Vísað til umfjöllunar í vesturteymi arkitekta hjá skipulagsstjóra.
21.07 Brekkustígur 6B, rífa hús og byggja tvíbýlishús
Lagt fram erindi frá afgreiðslufundi byggingarfulltrúa frá 30. október 2007 þar sem sótt er um leyfi til að rífa hús og til að byggja steinsteypt tvíbýlishús á lóðinni nr. 6B við Brekkustíg.
Niðurrif: Fastanr. 200-0940 merkt 01 0101 íbúð 49,7 ferm.
Nýbygging: xx ferm. xx rúmm.
Gjald kr. 6.800 + xx
Lagfæra þarf útlit og deililausnir með vísan til umsagnar skipulagsstjóra sem lögð var fram við afgreiðslu fyrirspurnar um sama efni.
22.07 Brekkustígur 10, endurnýjun á byggingarleyfi
Lagt fram erindi frá afgreiðslufundi byggingarfulltrúa frá 30. október 2007 þar sem sótt er um endurnýjun á byggingarleyfi BN 34428 frá 19.sept. 2006 um samþykki fyrir áður gerðu geymslurými undir bílskúr, leyfi til þess að stækka neðri hæð með svölum á þaki, síkka glugga á austurhlið neðri hæðar, fjölga gluggum á norðurhlið sömu hæðar og breyta innra skipulagi einbýlishússins á lóð nr. 10 við Brekkustíg.
Stærð: Áður gerð geymsla undir bílskúr 20,8 ferm., 41,1 rúmm. Viðbygging við neðri hæð einbýlishúss 20 ferm., 55,9 rúmm.
Gjald kr. 6.800 + 6.596
Ekki eru gerðar athugasemdir við erindið.
23.07 Fjölnisvegur 9, tengja Fjölnisv. 9 og 11. Sam. bílag. og svalir
Lagt fram erindi frá afgreiðslufundi byggingarfulltrúa frá 30. október 2007 þar sem sótt er um leyfi til þess að byggja við þegar byggða bílgeymslu sbr. erindi BN030351 húss nr. 9 og tengja bílgeymslu húss nr. 11 sbr. erindi BN028378 með sameiginlegri bílgeymslu , tengigangi og svölum ofaná fyrir bæði íbúðarhúsin sem sameinuð verða í eina eign á lóð nr. 9-11 við Fjölnisveg.
Bréf hönnuðar dags. 23. október 2007 fylgir erindinu.
Stærð: Stækkun xxx ferm., xxx rúmm.
Gjald kr. 6.800 + xxx
Samþykkt að grenndarkynna framlagða umsókn fyrir hagsmunaaðilum að Sjafnargötu 8, 10 og 12.
24.07 Fiskislóð 29, breyting á deiliskipulagi Vesturhafnar
Lögð fram tillaga Sólark arkitekta fh. Löðurs ehf. dags. 25. október 2007 varðandi breytingu á deiliskipulagi Vesturhafnar vegna lóðarinnar nr. 29 við Fiskislóð. Í breytingunni felst að byggingarreitur er færður nær götu.
Frestað.
Vísað til umfjöllunar byggingarfulltrúa.
25.07 Heilsuverndarstöðvarreitur, reitur 1.193., (fsp) breyting á deiliskipulagi
Á fundi skipulagsstjóra 19. október 2007 var lögð fram fyrirspurn Heilsuverndarstöðvarinnar ehf. og Domus Medica um hvort leyft yrði að byggja sex hæða hús ásamt þriggja hæða bílakjallara samkv. uppdráttum P ARK teiknistofu dags. 18. október 2007. Á fundinum var erindinu frestað og lagt fyrir fyrirspyrjanda að leggja fram nákvæmari gögn vegna málsins. Einnig eru lagðir fram nýjir uppdrættir P. ark mótt. 2. nóvember 2007.
Kynna formanni skipulagsráðs.
26.07 Kaplaskjólsvegur 54, bílgeymsla
Að lokinni grenndarkynningu er lagt fram erindi frá afgreiðslufundi byggingarfulltrúa frá 11. september 2007 þar sem sótt er um leyfi til að byggja bílgeymslu á norðausturhlið lóðar nr. 54 við Kaplaskjólsveg.
Útskrift úr gerðabók embættisafgreiðslufundar skipulagsstjóra frá 17. ágúst 2007 fylgir erindinu. Málinu fylgir samþykki eiganda Kaplaskjólsvegar 52 dags. 24. ágúst 2007. Grenndarkynning stóð yfir frá 1. til 29. október 2007. Athugasemd barst frá Einari Hjörleifssyni og Hildigunni Erlingsdóttur Granaskjóli 3, dags. 29. okt. 2007.
Stærð: 41,2 ferm., 107,8 rúmm.
Gjald kr. 6.800 + 7.330
Vísað til skipulagsráðs.
27.07 Klapparstígur 9, (fsp) niðurrif og uppbygging
Lögð fram fyrirspurn Sigurbjargar Stefánsdóttur, dags. 30. okt. 2007, um niðurrif hússins á lóðinni nr. 9 við Klapparstíg og uppbyggingu á lóðinni.
Neikvætt, samræmist ekki deiliskipulagi.
28.07 Laugavegur 46, breyting á deiliskipulagi
Að lokinni grenndarkynningu er lögð fram umsókn Sturlu Jónssonar ark. f.h. Sigurðar Ólasonar, dags. 15. júní 2007, um breytingu á deiliskipulagi lóðarinnar nr. 46 við Laugaveg skv. uppdrætti, dags. 14. júní 2007. Um er að ræða m.a. stækkun á verslunarrými á 1. hæð og á íbúðarrými á 2. og 3. hæð. Grenndarkynning stóð yfir frá 28. sept. til 26. okt. 2007. Athugasemd barst frá húsfélaginu Laugavegi 44, Önnu Þórisdóttur Laugavegi 44, dags. 22. okt. 2007
Vísað til skipulagsráðs.
29.07 Hringbraut Landsp., (fsp) ofanábygging
Lagt fram bréf frá afgreiðslufundi byggingarfulltrúa þ. 30. okt. 2007. Spurt er hvort leyft yrði að byggja tvær hæðir sbr. meðfylgjandi uppdrætti, að mestu úr gleri ofaná kjallara sjúkrahússins á lóðinni við Hringbraut.
Vísað til umsagnar Húsafriðunarnefndar ríkisins.
30.07 Lóðir fyrir gullsmíða- og hönnunarverkstæði,
Lagt fram bréf Jóns S. Sigurðssonar f.h. Jens Guðjónsson ehf., dags. 29. október 2007 varðandi lóð á svæði við Skúlagötu fyrir gullsmíða- og hönnunarverkstæði ásamt galleríi.
Neikvætt. Svæðið sem spurt er um er ekki á forræði Reykjavíkurborgar og því er ekki unnt að mæla með því við borgarráð að þeim lóðum verði úthlutað.
31.07 Njálsgata 23, (fsp) 4. h. þak, kvistir
Lagt fram erindi frá afgreiðslufundi byggingarfulltrúa frá 30. október 2007 þar sem spurt er hvort leyft yrði að byggja kvist á garðhlið og byggja kvist og svalir á götuhlið fjölbýlishússins á lóðinni nr. 23 við Njálsgötu.
Vísað til umsagnar í vesturteymi arkitekta hjá skipulagsstjóra.
32.07 Reitur 1.13, Nýlendureitur, lóðarumsókn fyrir flutningshús
Á fundi skipulagsstjóra 26. október 2007 var lagt fram erindi Ingibjargar Einarsdóttur og Sigurðar Örlygssonar, dags. 21.10.07, varðandi lóð undir flutningshús á Nýlendureit. Erindinu vísað til umsagnar í vesturteymi arkitekta hjá skipulagsstjóra og er nú lagt fram að nýju.
Neikvætt að svo stöddu. Athygli er vakin á því að deiliskipulag Nýlendureits hefur enn ekki verið staðfest auk þess sem ekki hefur verið tekin ákvörðun um það hvaða skilyrði flutningshús þurfa að uppfylla til að þeim verði komið fyrir á reitnum og á hvaða hátt nefndum flutningshúsalóðum verður úthlutað.
33.07 Reykjavíkurflugvöllur, lóðarumsókn fyrir flugskýli, (fsp) Flugþjónustan ehf
Á fundi skipulagsstjóra 26. október 2007 var lögð fram fyrirspurn Björns Gústafssonar f.h. Flugþjónustunnar ehf, dags. 22. okt. 2007, um lóð fyrir flugskýli á Reykjavíkurflugvelli. Erindið er nú lagt fram að nýju.
Kynna formanni skipulagsráðs.
34.07 Skólavörðustígur 11, breyting á deiliskipulagi
Að lokinni grenndarkynningu er lagt fram erindi fasteignafélagsins Stoða hf dags 19. september 2007 varðandi breytingu á deiliskipulagi. Í breytingunni felst að óskað er eftir heimild til að stækka þakhæð og fjarlægja tengibyggingu. Grenndarkynning stóð yfir frá 1. til 29. október 2007. Athugasemdir bárust frá eftirfarandi aðilum: Eyrir Invest Skólavörðustíg 13, dags. 10. október 2007, Lögmál ehf, dags. 26. okt. 2007, Vinnustofan Þverá, dags. 28. okt. 2007, Benedikt Einarsson og Birgitta H. Brynjarsdóttir, dags. 25. okt. 2007, Bjarni Þ. Guðmundsson, dags. 29. okt. 2007, Reinhold Kristjánsson, dags. 28. okt. 2007.
Athugasemdir kynntar. Frestað.
35.07 Skúlagata 13, (fsp) hækkun húss
Á fundi skipulagsstjóra 26. október 2007 var lögð fram fyrirspurn Gunnlaugs Johnson ark. f.h. Nýborgar ehf, dags. 9. október 2007, um hvort leyft verði að byggja tveggja hæða hús í stað núverandi einnar hæðar húss á lóð nr. 13 við Skúlagötu skv. uppdrætti, dags. 23. október 2007. Erindinu var vísað til umfjöllunar í vesturteymi arkitekta hjá skipulagsstjóra og er nú lagt fram að nýju.
Ekki eru gerðar athugasemdir við erindið. Samræmist deiliskipulagi.
36.07 Urðarstígur 16A, niðurrif og nýbygging
Að lokinni grenndarkynningu er lagt fram erindi frá afgreiðslufundi byggingarfulltrúa frá 28. ágúst 2007 þar sem sótt er um leyfi til að rífa fram- og bakhús og byggja nýtt þriggja hæða steinsteypt einbýlishús á lóðinni nr. 16A við Urðarstíg. Minnisblað lögfræði og stjórnsýslu dags. 8. maí 2007 fylgir erindinu. Grenndarkynning stóð yfir frá 7. september til og með 5. október 2007. Athugasemdir bárust frá eftirtöldum aðilum: Arnar Stefánsson Urðarstíg 14, dags. 3. okt. 2007, Bergljót Ólafsdóttir Urðarstíg 14, dags. 3. okt. 2007, Ólafur Björgúlfsson Urðarstíg 14, dags. 3. okt. 2007, Úlfur Hróbjartsson og Sjöfn Evertsdóttir Bergstaðastræti 63, dags. 4. október 2007, Rúnar Ingimarsson og Birna Eggertsdóttir Urðarstíg 16, dags. 1. október 2007, Helgi Jónsson og Kristín Færseth Bergstaðastræti 61, dags. 30. september 2007, Bragi Hauksson Urðarstíg 14, dags. 5. október 2007. Einnig lagt fram bréf hönnuða, mótt. 25. október 2007.
Stærð: Niðurrif fastanúmer 200-7703 (matshluti 01) 37,5 ferm., (matshluti 02) 27,9 ferm.
Einbýlishús 1. hæð 82,3 ferm., 2. hæð 39 ferm., 3. hæð 36,5 ferm., samtals 157,8 ferm. og 462,3 rúmm.
Gjald kr. 6.800 + 28.200
Vísað til skipulagsráðs.
37.07 Vesturgata 54, (fsp) hækkun húss
Á fundi skipulagsstjóra 26. október 2007 var lögð fram fyrirspurn Fasteignafélagsins, dags. 19. október 2007, um hvort heimilt væri að byggja tvær hæðir ofan á húsið að Vesturgötu 54. Erindinu var vísað til umsagnar í vesturteymi arkitekta hjá skipulagsstjóra og er nú lagt fram að nýju ásamt umsögn skipulagsstjóra dags. 31. október 2007.
Neikvætt með vísan til umsagnar skipulagsstjóra.