Árbæjarhverfi, Ystibær, Brekkuhús 3, Dugguvogur 15, Fannafold 189, Glæsibær 2, Grafarholt, Gvendargeisli 88-116, Hólmsheiði við Suðurlandsveg - athafnasvæði A3, Jörfagrund 8, Krummahólar 10, Lóðarumsókn fyrir matvöruverslun og vöruhús, Neshamrar 6, Norðurgrafarvegur 4, Ólafsgeisli 97, Seiðakvísl 34, Smárarimi 87, Íbúasamtök Grafarvogs, Vesturlandsvegur, Fífilbrekka, Súðarvogur 50, Akurgerði 37, Kambsvegur 8, Kambsvegur 24, Sigtún 38, Sigtún 40, Sunnuvegur 27, Vesturbrún 18, Ásgarður 34-40, Melgerði 6, Alþingisreitur, Austurstræti 9, Barónsstígur 31, Barónsstígur 33, Bergstaðastræti 9B, Borgartún 33, Borgartún 35, Borgartún 37, Góugata 2, Háteigsvegur 43, Kaplaskjólsvegur 54, Hverfisgata 41, Laugavegur 46, Laugavegur 83, Lágholtsvegur 9, Mímisvegur 2, Tryggvagata 19, Tollhúsið, Túngata 5, Þingholtsstræti 21, Hólmsheiði við Suðurlandsveg, Hólmsheiði við Suðurlandsveg, Lóðarumsókn fyrir verslunarmiðstöð (outlet), Lóðarumsókn Hexa ehf, Fiskislóð 5-9, Vesturbrún 20,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

176. fundur 2007
Ár 2007, föstudaginn 17. ágúst kl. 10:30, hélt skipulagsstjóri Reykjavíkur 176. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 3, 3. hæð. Fundinn sátu: Ölöf Örvarsdóttir og Jón Árni Halldórsson Eftirtaldir embættismenn kynntu mál á fundinum: Ágústa Sveinbjörnsdóttir, Þórarinn Þórarinsson, Lilja Grétarsdóttir, Nikulás Úlfar Másson og Jóhannes S. Kjarval.
Þetta gerðist:

1.07 Árbæjarhverfi, Ystibær, (fsp) uppbygging
Á fundi skipulagsstjóra 23. febrúar 2007 var lagt fram bréf Kolbeins Más Guðjónssonar f.h. sex fjölskyldna, dags. 27. september 2006 móttekið 15. febrúar 2007, varðandi byggingu sex sérbýlishúsa á einni hæð vestan megin við Ystabæ. ásamt bréfi dags. 29. maí 2007. Erindinu var vísað til umsagnar austurteymi arkitekta hjá skipulagsstjóra og er nú lagt fram að nýju ásamt umsögn skipulagsstjóra dags. 17. ágúst 2007
Umsögn skipulagsstjóra samþykkt.
2.07 Brekkuhús 3, breytt deiliskipulag
Að lokinni grenndarkynningu er lögð fram tillaga Lárusar Ragnarssonar byggingarfr. dags. 23.04.07 að breyttu deiliskipulagi lóðarinnar nr. 3 við Brekkuhús. Í breytingunni felst í meginatriðum að nýtingu á svæði þar sem áður var gæsluvöllur verði nú íbúðarhús.Tillagan gerir ráð fyrir að á lóðinni geti risið hús á einni hæð fyrir 6-7 litlar íbúðir. Erindið er nú lagt fram að nýju ásamt umsögn umhverfissviðs, mótt. 31. maí 2007. Grenndarkynning stóð yfir frá 14. júní til og með 12. júlí 2007. Athugasemdir bárust frá: Sólveigu Björnsdóttur og Ólafi Einarssyni Baughúsum 34, dags. 5. júlí 2007, Geirlaugu Jónsdóttur Baughúsum 32, dags. 6. júlí 2007.
Vísað til skipulagsráðs.
3.07 Dugguvogur 15, hækka húsið
Lagt fram erindi frá afgreiðslufundi byggingarfulltrúa dags 14. ágúst 2007 þar sem sótt er um leyfi til að hækka um eina hæð og innrétta íbúð með vinnuaðstöðu í atvinnuhúsinu á lóðinni nr. 15 við Dugguvog.
Stækkun: xx ferm., xx rúmm.
Gjald kr. 6.800 + xx
Frestað. Umsækjandi hafi samband við austurteymi arkitekta hjá skipulagsstjóra.
4.07 Fannafold 189, (fsp) viðbygging
Lagt fram erindi frá afgreiðslufundi byggingarfulltrúa dags 14. ágúst 2007 þar sem spurt er hvort leyft yrði að byggja viðbyggingu skv. meðfylgjandi skissum við tvíbýlishúsið á lóðinni nr. 189 við Fannafold
Ekki eru gerðar athugasemdir við stækkun hússins, en ekki er fallist á það fyrirkomulag sem lagt er til á meðfylgjandi fyrirspurnaruppdráttum. Gæta þarf þess að viðbyggingar séu ekki nær lóðamörkum er 4 metrar. Vinna þarf tillögu að breytingu að deiliskipulagi í samráði við embætti skipulagsstjóra.
5.07 Glæsibær 2, breyting á deiliskipulagi
Lögð fram tillaga Ellerts M. Jónssonar ódags. að breyttu deiliskipulagi lóðarinnar nr. 2 við Glæsibæ. Í breytingunni felst að stækka hús til vesturs með tvennum aðskildum viðbyggingum og að yfirbyggja verönd.
Samþykkt að grenndarkynna framlagða tillögu fyrir hagsmunaaðilum að Glæsibæ 4 og Fagrabæ 1 og 3.
6.07 Grafarholt, lóðarumsókn Reynimels ehf fyrir veitingastað
Lagt fram bréf skrifstofustjóra Framkvæmdasviðs, dags. 7. ágúst 2007, ásamt umsókn Reynimels ehf, dags. 18. júlí 2007, um lóð í Grafarholti fyrir Quiznos Sub veitingastað.
Vísað til umsagnar í austurteymi arkitekta hjá skipulagsstjóra.
7.07 Gvendargeisli 88-116, bílastæði
Lögð fram fyrirspurn Kristjáns Bergmannssonar, dags. 11. júlí 2007 ásamt undirskriftarlista 8 íbúa, dags. 6. júlí 2007, um fjölgun bílastæða inni á lóðum við Gvendargeisla 88-116. Lögð fram umsögn Framkvæmdasviðs, dags. 2. ágúst 2007.
Neikvætt með vísan til umsagnar Framkvæmdasviðs.
8.07 Hólmsheiði við Suðurlandsveg - athafnasvæði A3, deiliskipulag
Lögð fram drög að tillögu Arkís að deiliskipulagi athafnasvæðis í Hólmsheiði við Suðurlandsveg, dags. í ágúst 2007.
Vísað til skipulagsráðs.
9.07 Jörfagrund 8, (fsp) þak yfir palli og kofi á lóðarmörk (10)
Lagt fram erindi frá afgreiðslufundi byggingarfulltrúa dags 14. ágúst 2007 þar sem spurt er hvort byggja megi létt þak yfir sólpall við vesturgafl og byggja geymsluskúr áfastan geymsluskúr nágranna í norðvesturhorni lóðar nr. 8 við Jörfagrund.
Ekki eru gerðar athugasemdir við byggingu þaks yfir sólpall, en ekki er hægt að fallast á byggingu geymsluskúrs.
10.07 Krummahólar 10, (fsp) fjölgun bílastæða, hraðahindrun í götu
Lögð fram að nýju fyrirspurn húsfélagsins Krummahólum 10, dags. 12. júlí 2007, varðandi fjölgun bílastæða við húsið. Einnig er spurt hvort ekki sé tilefni til að stemma stigu við hraðakstri í götunni. Lögð fram umsögn byggingarfulltrúa, dags. 24. júlí 2007 og umsögn Framkvæmdasviðs, dags. 13. ágúst 2007.
Framlagðar umsagnir samþykktar.
11.07 Lóðarumsókn fyrir matvöruverslun og vöruhús, Samkaup
Lögð fram orðsending skrifstofu borgarstjórnar f.h. borgarráðs, dags. 14. ágúst 2007 ásamt bréfi Samkaupa, dags. 1. ágúst 2007, þar sem óskað er eftir lóðum undir matvöruverslun og vöruhús. Erindinu er vísað til skrifstofustjóra framkvæmdasviðs og skipulagsstjóra.
Vísað til meðferðar skipulagsstjóra.
12.07 Neshamrar 6, (fsp) bílskúr, skyggni, sólstofa
Lagt fram erindi frá afgreiðslufundi byggingarfulltrúa dags 14. ágúst 2007 þar sem spurt er hvort byggja megi sólskála við suðausturhlið, þakskyggni yfir aðalinngangi á suðvestur hlið og að stækka bílskýli til norðvestur á lóð nr. 6 við Neshamra.
Ekki eru gerðar athugasemdir við byggingu sólskála, en ekki er fallist stækkun bílskúrs á þann hátt sem lagt er til á meðfylgjandi fyrirspurnaruppdráttum. Vinna þarf tillögu að breytingu að deiliskipulagi í samráði við embætti skipulagsstjóra.
13.07 Norðurgrafarvegur 4, breyting á deiliskipulagi
Lögð fram umsókn Arkþings f.h. Sveinbjörns Sigurðssonar, dags. 16. ágúst 2007, um breytingu á deiliskipulagi Esjumela vegna Norðurgrafarvegar 4 skv. uppdrætti, dags. 14. ágúst 2007. Í breytingunni felst að byggingarreitur er stækkaður.
Samþykkt að grenndarkynna framlagða tillögu fyrir hagsmunaaðilum að Esjumel 5 og 7 ásamt Norðurgrafarvegi 2.
14.07 Ólafsgeisli 97, viðbygging
Lögð fram fyrirspurn Plúsarkitekta f.h. Sveins Gíslasonar, dags. 13. ágúst 2007, um viðbyggingu við hús nr. 97 við Ólafsgeisla skv. uppdrætti, dags. 9. júlí 2007.
Neikvætt. Ekki er fallist á að breyta gildandi deiliskipulagi í samræmi við erindið.
15.07 Seiðakvísl 34, breyting á deiliskipulagi
Lögð fram tillaga Hildar Bjarnadóttur dags 11. júlí 2007 að breyttu deiliskipulagi lóðarinnar nr. 34 við Seiðakvísl. Í breytingunni felst endurnýjun og stækkun að garðskála skv. meðfylgjandi teikningum.
Samþykkt að grenndarkynna framlagða tillögu fyrir hagsmunaaðilum að Seiðakvísl 32, 36 og 38.
16.07 Smárarimi 87, (fsp) auka bílastæði
Lagt fram erindi frá afgreiðslufundi byggingarfulltrúa dags 14. ágúst 2007 þar sem spurt er um leyfi til þess að koma fyrir aukabílastæði á norðausturhluta lóðar nr. 87 við Smárarima.
Neikvætt. Ekki er fallist á að fella niður gestabílastæði í götu.
17.07 Íbúasamtök Grafarvogs, beiðni um fund
Lagt fram bréf formanns Íbúasamtaka Grafarvogs, dags. 8. ágúst 2007, með beiðni um fund með borgaryfirvöldum vegna Hallsvegar og ýmissa skipulagsmála í Grafarvogi.
Kynna formanni skipulagsráðs.
18.07 Vesturlandsvegur, Fífilbrekka, (fsp) breyting á deiliskipulagi
Lögð fram fyrirspurn Vektors f.h. Bygg Ben, dags. 26. júní 2007, um breytingu á deiliskipulagi lóðarinnar Fífilbrekku við Vesturlandsveg. Sótt er um stækkun lóðar, nýbyggingar og nýja aðkomu að lóð frá Úlfarsfellsvegi.
Vísað til umsagnar umhverfisstjóra skipulags- og byggingarsviðs.
19.07 Súðarvogur 50, breytingar
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 15. maí 2007 þar sem sótt er um leyfi til að breyta innra fyrirkomulagi og til að breyta í íbúðir 2. og 3. hæð atvinnuhússins á lóðinni nr. 50 við Súðarvog. Grenndarkynning stóð frá 20. júní til og með 18. júlí 2007. Athugasemd barst frá lögmannstofu Marteins Mássonar f.h. eigenda á 1. hæð hússins að Súðarvogi 44, 46 og 48, dags. 17. júlí 2007. Einnig lagt fram svarbréf Rammaprjóns, dags. 25. júlí 2007 ásamt samþykki frá eigendum efri hæða að Súðarvogi 44, 46 og 48. Lagður fram tölvupóstur lögmannstofu Marteins Mássonar f.h. eigenda á 1. hæð hússins að Súðarvogi 44, 46 og 48, dags. 13. ágúst 2007.
Málinu fylgir skilyrt samþykki meðlóðarhafa dags. 8. maí 2007.
Stækkun: 19,9 ferm.
Gjald kr. 6.800
Lögð fram umsögn skipulagsstjóra dags. 17. ágúst 2007.

Vísað til skipulagsráðs.
20.07 Akurgerði 37, (fsp) stækkun húss, kvistir
Á fundi skipulagsstjóra dags. 10. ágúst 2007 var lögð fram fyrirspurn Sólveigar Jónsdóttur, dags. 8. ágúst 2007, um kvisti og stækkun húss nr. 37 við Akurgerði. Vísað til umsagnar arkitekta austurteymis.
Lagt fram að nýju ásamt umsögn skipulagsstjóra dags. 17. ágúst 2007.
Ekki eru gerðar athugasemdir við erindið með nánari vísan til skilyrða í umsögn skipulagsstjóra. Grenndarkynna þarf byggingarleyfisumsókn þegar hún berst.
21.07 Kambsvegur 8, einbýlishús á tveimur hæðum
Lagt fram erindi frá afgreiðslufundi byggingarfulltrúa frá 26. júní 2007 þar sem sótt er um leyfi til þess að byggja tvílyft steinsteypt einbýlishús svipaðrar stærðar og það sem fyrir er með sameiginlega innkeyrslu og staðsett vestar á lóð nr. 8 við Kambsveg.
Stærð: Íbúð 1. hæð xxx ferm., 2. hæð xxx ferm., samtals xxx ferm., xxx rúmm.
Gjald kr. 6.800 + xxx

Kynna formanni skipulagsráðs.
22.07 Kambsvegur 24, (fsp) viðbygging
Lagt fram erindi frá afgreiðslufundi byggingarfulltrúa dags 14. ágúst 2007 þar sem spurt er hvort leyft yrði að byggja tveggja hæða viðbyggingu úr steinsteypu við vesturhlið og glerskála við austurhlið einbýlishússins á lóðinni nr. 24 við Kambsveg.
Ekki eru gerðar athugasemdir við erindið. Byggingarleyfisumsókn verður grenndarkynnt þegar hún berst.
23.07 Sigtún 38, tvístefna út af bílastæðum
Lagt fram erindi Húseignarfélagsins Sigtún 38 ehf og Grand Hótel Reykjavík hf. varðandi leyfi til að breyta útkeyrslustefnu frá Grand Hóteli þannig að tvísefna verði út af bílastæðum í suður út á Kringlumýrarbraut og vinstri beygja bönnuð upp Engjateig samkv. meðfylgjandi uppdr. VSÓ. dags. 15. ágúst 2007.
Ekki eru gerðar athugasemdir við erindið. Erindið er framsent Framkvæmdasviði til afgreiðslu.
24.07 Sigtún 40, (fsp) uppbygging á lóðinni
Lögð fram hugmynd Eyktar, dags. 13. ágúst 2007, að íbúðarbyggð að lóðinni nr. 40 við Sigtún, ásamt minnisblaði, s.d. Einnig lögð fram greinargerð Almennu Verkfræðistofunnar, dags. 18. janúar 2007, varðandi umferðarsköpun og dreifingu umferðar á gatnakerfi vegna íbúðarbyggðar við Sigtún.
Vísað til umsagnar í austurteymi arkitekta hjá skipulagsstjóra.
25.07 Sunnuvegur 27, (fsp) viðbygging
Lögð fram fyrirspurn Davíðs Pitt f.h. Dóru Bjargar Marinósdóttur, dags. 10. ágúst 2007, varðandi viðbyggingu við hús nr. 27 við Sunnuveg.
Ekki eru gerðar athugasemdir við erindið. Byggingarleyfisumsókn verður grenndarkynnt þegar hún berst.
26.07 Vesturbrún 18, (fsp) stækkun húss, viðbygging
Á fundi skipulagsstjóra 10. ágúst 2007 var lögð fram fyrirspurn Yrkis, dags. 8. ágúst 2007, um viðbyggingu og stækkun húss nr. 18 við Vesturbrún skv. uppdrætti, dags. 8. ágúst 2007.
Ekki eru gerðar athugasemdir við erindið að því breyttu að ekki er hægt að fallast á glugga á lóðarmörkum. Byggingarleyfisumsókn verður grenndarkynnt þegar hún berst.
27.07 Ásgarður 34-40, (40) Svalaskýli á 2 og 3 hæð
Lagt fram erindi frá afgreiðslufundi byggingarfulltrúa dags 14. ágúst 2007 þar sem sótt er um leyfi til þess að byggja svalarskýli á 2. og 3. hæð á suðurhlið parhússins á lóð 34-40 við Ásgarð.
Samþykki meðlóðarhafa fylgir með erindinu.
Stærð: Stækkun 2. hæð 7,4 ferm., 19,2 rúmm.
3. hæð 3,1 ferm., 8,4 rúmm.
Samtals: 10,5 ferm., 27,6 rúmm.
Gjald kr. 6.800 + 1.877
Vísað til umsagnar í austurteymi arkitekta hjá skipulagsstjóra.
28.07 Melgerði 6, viðbygging, bílskúr o.fl.
Lagt fram erindi frá afgreiðslufundi byggingarfulltrúa dags 14. ágúst þar sem sótt er um leyfi til að byggja anddyri, til að hækka þak, breyta kvistum og til að byggja bílskúr við einbýlishúsið á lóðinni nr. 6 við Melgerði.
Stærðir: Stækkun Mhl. 01 33 ferm. og 100,2 rúmm. Mhl. 02 (bílskúr og geymsla) 36 ferm. 86,4 rúmm.
Samtals 69 ferm., 186,6 rúmm.
Gjald kr. 6.800 + 12.689
Samþykkt að grenndarkynna framlagða umsókn fyrir hagsmunaaðilum að Melgerði 8 og Mosgerði 1 og 3.
29.07 Alþingisreitur, breyting á deiliskipulagi
Að lokinni auglýsingu er lögð fram tillaga Batterísins dags. 14. mars 2007 varðandi breytt deiliskipulag á Alþingisreit samkvæmt uppdrætti dags. 13. mars 2007. Í breytingunni felst m.a. flutningur á húsinu við Vonarstræti 12 á lóðina Kirkjustræti 6, aukin nýting á vesturhluta reits og nýbyggingar 3-5 hæðir ásamt tengibrú á milli húsanna nr. 8, 8b, 10 og 12 við Kirkjustræti. Tillagan var auglýst frá 11. apríl til og með 23. maí 2007. Athugasemdir bárust frá Pétri H. Ármannssyni dags. 20. maí 2007 og Stefáni S. Grétarssyni dags. 22. maí 2007, Ásthildi Haraldsdóttur dags. 21. maí 2007, Snorra F. Hilmarssyni dags. 22. maí 2007, Þórði Magnússyni dags. 22. maí 2007, Sigurði Halldórssyni dags. 24. maí 2007, Guðrúnu Jónsdóttur arkitekt og Ragnheiði Ragnarsdóttur arkitekt dags. 24. maí 2007.
Kynna formanni skipulagsráðs.
30.07 Austurstræti 9, útiskýli
Lagt fram erindi frá afgreiðslufundi byggingarfulltrúa dags 14. ágúst 2007 þar sem sótt er um leyfi fyrir útiskýli á 2.hæð baklóðar hússins á lóð nr. 9 við Austurstræti.
Stærð: Útiskýli xxx ferm., xxx rúmm.
Gjald kr. 6.800 + xxx
Frestað. Samþykki lóðarhafa að Austurstæti 7 og Hafnarstræti, 8 og 10-12 þarf að liggja fyrir áður en hægt er að taka afstöðu til erindisins.
31.07 Barónsstígur 31, hækkun á þaki, kvistir
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 3. júlí 2007 þar sem sótt er um leyfi til þess að lyfta þaki og byggja kvisti á götuhlið og svalir á 3. hæð að baklóð fjölbýlishússins á lóð nr. 31 við Barónsstíg.
Jafnframt er erindi 33068 dregið til baka.
Stækkun: 12,3 ferm., 45,1 rúmm.
Gjald kr. 6.800 + 3.067
Grenndarkynningin stóð frá 19. júlí til og með 16. ágúst 2007. Engar athugasemdir bárust.
Vísað til skipulagsráðs.
32.07 Barónsstígur 33, lyfta þaki, kvistir
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 3. júlí 2007 þar sem sótt er um leyfi til þess að lyfta þaki og byggja kvisti á götuhlið og svalir á 3. hæð að baklóð ásamt staðfestingu ósamþykkjanlegrar íbúðar í kjallara fjölbýlishússins á lóð nr. 33 við Barónsstíg.
Jafnframt er erindi 33069 dregið til baka.
Stærð: Stækkun 47,2 ferm., 95,5 rúmm.
Gjald kr. 6.800 + 6.494
Grenndarkynningin stóð frá 19. júlí til og með 16. ágúst 2007.
Engar athugasemdir bárust.
Vísað til skipulagsráðs.
33.07 Bergstaðastræti 9B, reyndarteikn af rishæð
Lagt fram erindi frá afgreiðslufundi byggingarfulltrúa dags 14. ágúst 2007 þar sem sótt er um leyfi til breytinga á samþykktum aðaluppdráttum dags. 14. mars 1946 af íbúð, þvottaherbergi og geymslum á fjórðu hæð í risi á lóð nr. 9B við Bergstaðastræti.
Gjald kr. 6.800

Frestað.
34.07 Borgartún 33, (fsp) breyting á deiliskipulagi
Á fundi skipulagsstjóra 27. júlí 2007 var lögð fram fyrirspurn Plúsarkitekta f.h. Miðkletts, dags. 20. júlí 2007, um breytingu á deiliskipulagi vegna lóðar nr. 33 við Borgartún skv. uppdrætti, dags. 19. júlí 2007. Tillagan gerir ráð fyrir 6-8 hæða nýrri skrifstofubyggingu á lóðinni.
Kynna formanni skipulagsráðs.
35.07 Borgartún 35, (fsp) hækka hús um tvær hæðir
Á fundi skipulagsfulltrúa 30. mars 2007 var lögð fram fyrirspurn lóðarhafa dags. 23. mars 2007 varðandi leyfi til að hækka húsið nr. 35 við Borgartún um tvær hæðir. Óskað var eftir að fyrirspyrjandi leggi fram götumynd sem sýnir útlit húss í götumynd, fyrir og eftir umsótta breytingu. Á fundi skipulagsfulltrúa 16. apríl 2007 var einnig lögð fram umsögn skipulagsstjóra dags. 12.04.07. Lögð fram umsögn framkvæmdasviðs vegna umferðarmála, dags. 31. júlí 2007.
Kynna formanni skipulagsráðs.
36.07 Borgartún 37, (fsp) hækka húsið um eina hæð
Á fundi skipulagsstjóra 1. júní 2007 var lögð fram fyrirspurn Guðna Pálssonar fh. Nýherja dags. 25. maí 2007 varðandi leyfi til að hækka húsið nr. 37 við Borgartún um eina hæð.
Kynna formanni skipulagsráðs.
37.07 Góugata 2, hús áfast við gamalt hús
Lagt fram erindi frá afgreiðslufundi byggingarfulltrúa frá 3. júlí 2007. Sótt er um leyfi til þess að byggja tvílyft íbúðarhús úr timbri áfast við húsið Hörpugötu 7 á lóð nr. 2 við Góugötu.
Stærð: Íbúð 1. hæð 140 ferm., 2. hæð 104 ferm., samtals 244 ferm., 744,1 rúmm.
Gjald kr. 6.800 + 50.599
Vísað til umsagnar vesturteymis arkitekta skipulagsstjóra
Lagt fram að nýju ásamt umsögn skipulagsstjóra.
Samþykkt að grenndarkynna framlagða tillögu fyrir hagsmunaaðilum Reykjavíkurvegi 25, 27 og 29 ásamt Hörpugötu 3, 4a, 6, 8, 9 og 10.
38.07 Háteigsvegur 43, breyting á deiliskipulagi KHÍ og Sjómannaskólans
Að lokinni grenndarkynningu er lögð fram tillaga Gunnars Guðnasonar ark., dags. júní 2007, að breytingu á deiliskipulagi KHÍ og Sjómannaskólans vegna lóðarinnar nr. 43 við Háteigsveg Í breytingunni er gert ráð fyrir að komið verði fyrir fjarskiptamastri. Grenndarkynning stóð yfir frá 21. júní til 16. ágúst 2007.
Eftritaldir aðilar sendu inn athugasemdir: Formaður íbúasamtaka 3. hverfis, mótt. 13. júlí 2007, Vildís Guðmundsdóttir Vatnsholti 4 og Kári Tryggvason Hjálmholti 8 f.h. 92 aðila á undirskriftalista, dags. 17. júlí 2007, Þorsteinn Sæmundssoni Bólstaðarhlíð 14, dags. 31. júlí 2007, Edda Ýr Garðarsdóttir Bólstaðarhlíð 36, dags. 9. ágúst 2007, Eyjólfur Ármannsson Vatnsholti 3, dags. 11. ágúst 2007.
Athugasemdir kynntar.
Frestað.
39.07 Kaplaskjólsvegur 54, bílgeymsla
Lagt fram erindi frá afgreiðslufundi byggingarfulltrúa dags 14. ágúst 2007 þar sem sótt er um leyfi til að byggja bílgeymslu á norðausturhlið lóðar nr. 54 við Kaplaskjólsveg.
Stærð: 41,2 ferm., 107,8 rúmm.
Gjald kr. 6.800 + 7.330
Frestað. Samþykki lóðarhafa að Kaplaskjólsvegi 52 liggur ekki fyrir.
40.07 Hverfisgata 41, breyting á deiliskipulagi
Lögð fram tillaga Arkhússins dags. 2. ágúst 2007 að breytingu á deiliskipulagi vegna lóðarinnar nr. 41 við Hverfisgötu. Í breytingunni felst m.a. hækkun á húsi og stækkun kjallara.
Samþykkt að grenndarkynna framlagða tillögu þegar uppdrættir hafa verið lagfærðir.
41.07 Laugavegur 46, breyting á deiliskipulagi
Á fundi skipulagsstjóra 22. júní 2007 var lögð fram umsókn Sturlu Jónssonar ark. f.h. Sigurðar Ólasonar, dags. 15. júní 2007, um breytingu á deiliskipulagi lóðarinnar nr. 46 við Laugaveg skv. uppdrætti, dags. 14. júní 2007. Um er að ræða m.a. stækkun á verslunarrými á 1. hæð og á íbúðarrými á 2. og 3. hæð.
Samþykkt að grenndarkynna framlagða tillögu fyrir hagsmunaaðilum að Laugavegi 44, 46a og 48, þegar uppdrættir hafa verið lagfærðir.
42.07 Laugavegur 83, (fsp) stækkun 4. og 5. hæðar
Lagt fram bréf Björns H Jóhannessonar, dags. 20. júlí 2007, varðandi stækkun á 4. og 5. hæð á Laugavegi 83. Einnig lögð fram umsögn skipulagsstjóra dags. 16. ágúst 2007.
Vísað til skipulagsráðs.
43.07 Lágholtsvegur 9, byggja vindfang + viðbygging
Sótt er um leyfi fyrir viðbyggingu til suðvesturs og vindfangi til norðausturs úr timbri við einbýlishúsið á lóð nr. 9 við Lágholt.
Útskrift úr gerðabók embættisafgreiðslufundar skipulagsstjóra frá 27. júlí fylgir erindinu.
Stærðir stækkunar: 19,4 ferm., 44,7 rúmm.
Gjald kr. 6.800 + 3.040
Ekki eru gerðar athugasemdir við erindið. Samræmist deiliskipulagi.
44.07 Mímisvegur 2, hækka og stækka kvisti
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 10. júlí 2007 þar sem sótt er um leyfi til þess að hækka þak útbyggingar á norðausturhlið, stækka kvist á suðurvesturþekju með svölum framan við og fá samþykkta íbúð á þakhæð fjölbýlishússins á lóð nr. 2 við Mímisveg.
Samþykki meðeigenda dags. 14. maí 2007, umboð vegna samþykkis dags. 24. febrúar 2007 fylgja erindinu.
Stærð: Stækkun 30,7 ferm., 84,1 rúmm.
Gjald kr. 6.800 + 6.800 + 5.719
Grenndarkynningin stóð frá 19. júlí til og með 16. ágúst 2007. Engar athugasemdir bárust.
Vísað til skipulagsráðs.
45.07 Tryggvagata 19, Tollhúsið, breyting á deiliskipulagi Kvosarinnar
Að lokinni auglýsingu er lögð fram að nýju umsókn Tark arkitekta f.h. Fasteigna ríkissjóðs, dags. 9. nóvember 2006, ásamt uppdrætti, dags. 11. júní 2007 og sneiðmynd, dags. 23. mars 2007, að breyttu deiliskipulagi fyrir Tryggvagötu 19. Á fundi borgarráðs 28. júní 2007 var samþykkt að auglýsa tillöguna.
Tillagan var auglýst frá 4. júlí til og með 15. ágúst 2007. Lagður fram tölvupóstur dags. 14. ágúst 2007 frá Gunnari Hákonarsyni fh. rekstraraðila Kolaportsins með beiðni um að framlengja athugasemdafrestinn sem nemur fjórum vikum.
Vísað til skipulagsráðs.
46.07 Túngata 5, (fsp) ofanábygging + lyfta
Lagt fram erindi frá afgreiðslufundi byggingarfulltrúa frá 14. ágúst 2007 þar sem spurt er hvort byggja megi eina hæð ofan á núverandi hús og koma fyrir lyftu í fjölbýlishúsinu á lóð nr. 5 við Túngötu.
Vísað til umsagnar í vesturteymi arkitekta hjá skipulagsstjóra.
47.07 Þingholtsstræti 21, viðbygging við kjallara
Lagt fram erindi frá afgreiðslufundi byggingarfulltrúa dags 14. ágúst þar sem sótt er um leyfi til að byggja við kjallara norðan og austan við hús og gera tvær íbúðir í kjallara einbýlishússins á lóð nr. 21 við Þingholtsstræti.
Stærð: Stækkun 48,1 ferm., 131,3 rúmm.
Gjald kr. 6.800+ 8.915

Samþykkt að grenndarkynna framlagða umsókn fyrir hagsmunaaðilum að Þingholtsstræti 17 og Ingólfsstræti 18.
48.07 Hólmsheiði við Suðurlandsveg, lóðarumsókn Eykt hf og Grjótháls ehf
Lögð fram orðsending skrifstofu borgarstjórnar f.h. borgarráðs, dags. 14. ágúst 2007 ásamt bréfi sviðsstjóra þróunar- og tæknisviðs Eyktar hf og Grjótháls ehf frá 31. f.m. þar sem óskað er eftir lóðum á fyrirhuguðu atvinnusvæði á Hólmsheiði. Erindinu er vísað til skrifstofustjóra framkvæmdasviðs og skipulagsstjóra.
Vísað til meðferðar skipulagsstjóra.
49.07 Hólmsheiði við Suðurlandsveg, lóðarumsókn Smáragarðs
Lögð fram orðsending skrifstofu borgarstjórnar f.h. borgarráðs, dags. 14. ágúst 2007 ásamt bréfi verkefnisstjóra Fasteignafélags Smáragarðs frá 18. þ.m. þar sem óskað er eftir lóð fyrir uppbyggingu iðnaðarhúsa á Hólmsheiði. Erindinu er vísað til skrifstofustjóra framkvæmdasviðs og skipulagsstjóra.
Vísað til meðferðar skipulagsstjóra.
50.07 Lóðarumsókn fyrir verslunarmiðstöð (outlet), L94 ehf
Lögð fram orðsending skrifstofu borgarstjórnar f.h. borgarráðs, dags. 14. ágúst 2007 ásamt bréfi L94 ehf frá 8. þ.m. þar sem óskað er eftir lóð undir húsnæði sem mun hýsa einskonar verslunarmiðstöð, ekki hefðbundna, heldur lagersölur (outlet). Erindinu er vísað til skrifstofustjóra framkvæmdasviðs og skipulagsstjóra.
Vísað til meðferðar skipulagsstjóra.
51.07 Lóðarumsókn Hexa ehf,
Lögð fram orðsending skrifstofu borgarstjórnar f.h. borgarráðs, dags. 14. ágúst 2007 ásamt bréfi framkvæmdastjóra Hexa ehf frá 10. þ.m. þar sem sótt er um lóð fyrir starfsemi fyrirtækisins. Erindinu er vísað til skipulagsstjóra og skrifstofustjóra framkvæmdasviðs.
Vísað til meðferðar skipulagsstjóra.
52.07 Fiskislóð 5-9, breyting á deiliskipulagi
Lagt fram að nýju bréf Lýsi hf, dags. 25. júní 2007 ásamt tillögu Arkþings að breytingu á deiliskipulagi Fiskislóðar 5-9, dags. 3. júlí 2007. Stærð byggingarreits er breytt og innra fyrirkomulag á lóð breytist.

Samþykkt að grenndarkynna framlagða umsókn fyrir hagsmunaaðilum að Fiskislóð 3, 13 og 15.
53.07 Vesturbrún 20, (fsp) bílastæði
Lagður fram tölvupóstur Arons Björnssonar, dags. 14. ágúst 2007, þar sem spurt er hvort heimilað yrði að koma fyrir bílastæði á lóð nr. 20 við Vesturbrún.
Ekki eru gerðar athugasemdir við erindið að uppfylltum skilyrðum. Sækja þarf um byggingarleyfi.