Járnháls 2-4, Réttarháls 2, Sóleyjarimi 13, Suðurfell 4, Skeljungur, Áland/Eyrarland, Vaðlasel 3, Úlfarsárdalur, Kjalarnes, Melavellir, Útkot 125761, Geymsluhús fyrir frístundatæki, Hádegismóar, Dalbraut 3, Eikjuvogur 27, Sogamýri, Súðarvogur 50, Austurhöfn, Fiskislóð 15-21, Grófartorg, Zimsenhús, Laugavegur 28B, Tryggvagata 12 og 14, Háteigsvegur 43, Tryggvagata 19, Tollhúsið, Skipholt 23, Lokastígur 21 og 23 (fsp), Lóðarumsókn fyrir geðfatlað fólk, Reitur 1.184.0, Bergstaðastrætisreitur, Hraunbær, Öskjuhlíð, Stekkjarbrekkur, Hallsvegur suður,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

168. fundur 2007
Ár 2007, föstudaginn 15. júní kl. 10:10, hélt skipulagsstjóri Reykjavíkur 168. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 3, 3. hæð. Fundinn sátu: Ólöf Örvarsdóttir. Eftirtaldir embættismenn kynntu mál á fundinum: Þórarinn Þórarinsson, Margrét Þormar, Nikulás Úlfar Másson og Björn Axelsson. Ritari var Harri Ormarsson.
Þetta gerðist:

1.07 Járnháls 2-4, (fsp) 2 - breytingar á lóð
Lagt fram erindi frá afgreiðlufundi byggingarfulltrúa frá 17. apríl 2007 þar sem spurt er hvort leyft yrði að útbúa sýningarsvæði skv. meðfylgjandi skissu annars vegar á eigin lóð nr. 2 við Járnháls, merkt A á skissunni, og hins vegar á borgarlandi út við Hálsabraut merkt B á skissunni. Einnig er lögð fram umsögn framkvæmdasviðs, dags. 30. maí 2007.
Neikvætt vegna afnota á borgarlandi en ekki eru gerðar athugasemdir við sýningarsvæði innan lóðar.
2.07 Réttarháls 2, breytt deiliskipulag
Lagt fram erindi Rekstrarhúss ehf. dags. 12. júní 2007 vegna breytingar á deiliskipulagi Hálsahverfis vegna lóðarinnar nr. 2 við Réttarháls. Í breytingunni felst viðbygging á annari hæð við austurhlið hússins samkv. teikningum Nýju Teiknistofunnar dags. 4. júní 2007.
Samþykkt að grenndarkynna framlagða tillögu að breytingu á deiliskipulagi fyrir hagsmunaaðilum að Lynghálsi 1 og 2.
3.07 Sóleyjarimi 13, (fsp) breyting á landnotkun og skilmálum
Á fundi skipulagsfulltrúa 16. febrúar 2007 var lögð fram fyrirspurn Pálma Guðmundssonar fh. Phoenix fjárfestingar ehf. dags. 15. febrúar 2007 varðandi breytta landnotkun og breytingu á skilmálum vegna byggingar íbúða fyrir 50 ára og eldri. Erindið er nú lagt fram að nýju ásamt samantekt skipulagsfulltrúa dags. 21. febrúar 2007.
Samþykkt að framsenda erindið til umsagnar í stýrihóp um búsetuúrræði fyrir aldraða.
4.07 Suðurfell 4, Skeljungur, (fsp) lóðarstækkun
Lögð fram umsókn Skeljungs, dags. 5. júní 2007, um stækkun lóðarinnar að Suðurfelli 4 skv. uppdrætti Arkís, dags. 23. maí 2007. Gert er ráð fyrir að lóðin stækki til norðausturs og keyft verði að byggja nýbyggingu fyrir bíla- og smurþjónustu.
Kynna formanni skipulagsráðs.
5.07 Áland/Eyrarland, (fsp) göngustígur og fl.
Lögð fram fyrirspurn Viðars Eggertssonar dags. 11. júní 2007 varðandi göngustíg að Fossvogsvegi og aðkomu gangandi frá Eyrarlandi inn í Ánaland ásamt girðingu grenndarvallar.
Samkvæmt deiliskipulagi svæðisins sem samþykkt var í borgarráði þann 30. desember 1988 er gert ráð fyrir umræddum gönguleiðum við Eyrarland. Samþykkt að vísa erindinu til vinnslu á Framkvæmdasviði.
6.07 Vaðlasel 3, (fsp) fella niður bílastæði
Lögð fram fyrirspurn lóðarhafa dags. 8. júní 2007 varðandi leyfi til að fella niður kvöð um tvö almenningsbílastæði á lóðinni nr. 3 við Vaðlasel.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi, á eigin kostnað, í samræmi við erindið. Tillagan verður grenndarkynnt þegar hún berst.
7.07 Úlfarsárdalur, Grillkofinn
Lögð fram fyrirspurn Grillkofans ehf, dags. 11. júní 2007, um bráðabirgðastaðsetningu í Úlfarsárdal, fyrir ofan Mímisbrunn á milli Gefjunarbrunns og Iðunnarbrunns.
Fyrirspyrjandi hafi samband við embætti austurteymi arkitekta hjá skipulagsstjóra.
8.07 Kjalarnes, Melavellir, breyting á deiliskipulagi
Á fundi skipulagsstjóra 23. febrúar 2007 var lögð fram tillaga ARK ÞING ehf dags. 20. febrúar 2007 að breyttu deiliskipulagi lóðarinnar Melavalla á Kjalarnesi. Í breytingunni felst að heimilt verði að byggja allt að fjögur alifuglahús sunnan við þegar samþykkt alifuglahús á lóðinni samk. meðfylgjandi upprætti. Á fundinum var erindinu vísað til umsagnar Umhverfissviðs Reykjavíkur. og er nú lagt fram að nýju ásamt umsögn Umhverfissviðs dags. 31. maí 2007.
Hönnuður hafi samband við austurteymi arkitekta hjá skipulagsstjóra.
9.07 Útkot 125761, endurbyggja og breyta og fl.
Að lokinni grenndarkynningu er lagt fram erindi dags. 4. apríl 2007 frá afgreiðslufundi byggingarfulltrúa dags. 3. apríl 2007 þar sem sótt er um leyfi til að endurbyggja aðstöðuhús sem íbúðarhús og byggja nýja útigeymslu úr timbri á spildi D í landi Útkots á Kjalarnesi. Einnig eru lagðar fram teikningar Teiknistofunnar Tak dags. 22. mars 2007. Lagt fram samþykki nágranna, dags. 5. og 8. júní 2007.
Vísað til skipulagsráðs.
10.07 Geymsluhús fyrir frístundatæki, uppbygging á svæði í jaðri
Á fundi skipulagsstjóra 8. júní 2007 var lögð fram orðsending skrifstofu borgarstjórnar, dags. 14. maí 2007, ásamt lóðarumsókn Gylfa Rúnarssonar, dags. 9. maí 2007, um lóð undir geymsluhús fyrir frístundatæki svo sem báta, hjólhýsa, kerra og annara farartækja. Horft er til svæða í jaðri Reykjavíkur, t.d. Hálsa eða Hólmsheiði. Á fundinum var erindinu vísað til umsagnar austurteymis arkitekta hjá
skipulagsstjóra og er nú lagt fram að nýju ásamt umsögn skipulagsstjóra dags. 14.06.07.
Umsögn skipulagsstjóra samþykkt. Erindinu er vísað til umsagnar Framkvæmdasviðs. Athygli fyrirspyrjanda er vakin á að deiliskipulagsferli er ólokið.
11.07 Hádegismóar, breyting á deiliskipulagi
Að lokinni auglýsingu er lögð fram tillaga Hornsteina að breytingu á deiliskipulagi Hádegismóa, dags. 16. mars 2007. Í tillögunni er gert ráð fyrir fjölgun atvinnulóða á svæðinu. Auglýsing stóð yfir frá 2. maí til 13. júní 2007. Athugasemd barst frá reiðveganefnd í Kjalarnesþingi hinu forna, dags. 11. júní 2007.
Vísað til skipulagsráðs.
12.07 Dalbraut 3, lóðarstækkun
Á fundi skipulagstjóra 1. júní var lögð fram umsókn Plúsarkitekta, dags. 29. maí, um stækkun lóðar nr. 3 við Dalbraut um 2 metra til vesturs skv. uppdrætti, dags. 25. maí 2007.
Ekki eru gerðar athugasemdir við erindið.
13.07 Eikjuvogur 27, (fsp) nýtt hús á tveimur hæðum
Á fundi skipulagsstjóra 8. júní 2007 var lögð fram fyrirspurn Skúla Björnssonar dags. 24. maí 2007 varðandi byggingu og staðsetningu einbýlishúss á tveimur hæðum á lóðinni nr. 27 við Eikjuvog, samkv. teikningum ARKO dags. í maí 2007. Á fundinum var erindinu vísað til umsagnar austurteymis arkitekta hjá skipulagsstjóra.

Ekki eru gerðar athugasemdir við að fyrirspyrjandi sæki um byggingarleyfi, sem síðar verður grenndarkynnt. Ekki er tekin afstaða til fyrirspurnaruppdrátta, en gæta þarf þess að húsið falli vel að umhverfi í grónu hverfi og taki mið af grenndarhagsmunum.
14.07 Sogamýri, breyting á deiliskipulagi
Lögð fram tillaga Arkhúss dags. í maí 2007 að breyttu deiliskipulagi Sogamýrar. Í tillögunni er gert ráð fyrir tveimur nýjum lóðum.
Kynna formanni skipulagsráðs.
15.07 Súðarvogur 50, breytingar
Lagt fram erindi frá afgreiðslufundi byggingarfulltrúa frá 15. maí 2007 þar sem sótt er um leyfi til að breyta innra fyrirkomulagi og til að breyta í íbúðir 2. og 3. hæð atvinnuhússins á lóðinni nr. 50 við Súðarvog.
Málinu fylgir skilyrt samþykki meðlóðarhafa dags. 8. maí 2007.
Stækkun: 19,9 ferm.
Gjald kr. 6.800
Erindið er í samræmi við aðalskipulag. Samþykkt að grenndarkynna umsóknina fyrir hagsmunaaðilum að Súðarvogi 48 og 52.
16.07 Austurhöfn, forsögn
Lögð fram drög Faxaflóahafna að forsögn D-reits við Reykjavíkurhöfn dags. jan 2007. Einnig lagt fram bréf Faxaflóahafna, dags. 8. júní 2007 ásamt bókun stjórnar Faxaflóahafna frá 27. febrúar 2007.
Kynna formanni.
17.07 Fiskislóð 15-21, (fsp) breyting á deiliskipulagi, færsla á skýli
Lögð fram fyrirspurn Ask arkitekta f.h. Smáragarðs ehf, dags. 12. júní 2007, ásamt uppdrætti, dags. 4. júní 2007, um færslu á skýli innan lóðar nr. 15-21 við Fiskislóð. Einnig lagt fram minnisblað VGK hönnunar, dags. 4. júní 2007.
Ekki gerð athugasemd við að fyrirspyrjandi láti vinna tillögu að breytingu á deiliskipulagi í samræmi við fyrirspurn, á eigin kostnað, sem síðan verður grenndarkynnt.
18.07 Grófartorg, Zimsenhús, reitur 1.140.0, breyting á deiliskipulagi
Að lokinni auglýsingu er lögð fram að nýju tillaga Arkitektúr dags. 29. mars 2007 að breytingu á deiliskipulagi reits 1.140.0, Grófartorgi. Í tillögunni er gert ráð fyrir að Zimsenhúsi verði komið fyrir á Grófartorgi. Tillagan var auglýst frá 2. maí til og með 13. júní 2007. Engar athugasemdir bárust.
Samþykkt með vísan til viðauka 2.4. um embættisafgreiðslur skipulagsfulltrúa
19.07 Laugavegur 28B, þaksvalir, útiveitingar
Að lokinni hagsmunaðilakynningu er lagt fram að nýju erindi frá afgreiðslufundi byggingarfulltrúa frá 22. maí 2007 þar sem sótt er um leyfi til þess að breyta þaki á bakhúsi í þaksvalir fyrir veitingahúsið á 2. hæð framhúss á lóð nr. 28B við Laugaveg. Kynning fyrir hagsmunaaðilum stóð til og með 12.júní 2007.
Gjald kr. 6.800

Ekki eru gerðar athugasemdir við erindið.
20.07 Tryggvagata 12 og 14, breyting á deiliskipulagi, Naustareitur 1.132.1
Á fundi skipulagsstjóra 1. júní 2007 var lögð fram tillaga Glámu Kím, mótt. 10. maí 2007, að breytingu á deiliskipulagi á Naustareits vegna uppbyggingu á lóðunum Tryggvagötu 12 og 14, ásamt greinargerð dags. 10. maí 2007 og minnisblaði Línuhönnunar um ástand húsa nr. 10, 12 og 14 við Tryggvagötu, dags. 1. nóvember 2006. Erindinu var frestað á fundinum og er nú lagt fram að nýju.
Kynna formanni skipulagsráðs.
21.07 Háteigsvegur 43, breyting á deiliskipulagi KHÍ og Sjómannaskólans
Lögð fram tillaga Guðna Gunnarssonar ark., dags. júní 2007, að breytingu á deiliskipulagi KHÍ og Sjómannaskólans vegna lóðarinnar nr. 43 við Háteigsveg Í breytingunni er gert ráð fyrir að komið verði fyrir fjarskiptamastri.
Samþykkt að grenndarkynna framlagða tillögu fyrir hagsmunaaðilum að Vatnsholti 2, 4, 6, 8 og 10 ásamt Háteigsvegi 37, 39 og 56.
22.07 Tryggvagata 19, Tollhúsið, breyting á deiliskipulagi Kvosarinnar
Lögð fram umsókn Tark arkitekta f.h. Fasteigna ríkissjóðs, dags. 9. nóvember 2006, ásamt uppdrætti, dags. 11. júní 2007 og sneiðmynd, dags. 23. mars 2007, að deiliskipulagi fyrir Tryggvagötu 19.
Vísað til skipulagsráðs.
23.07 Skipholt 23, (fsp) breyting á deiliskipulagi Skipholtsreits
Á fundi skipulagsstjóra 1. júní 2007 var lögð fram fyrirspurn arkitektastofu Pálma Guðmundssonar, dags. 29. maí 2007, um breytingu á deiliskipulagi Skipholtsreits vegna lóðarinnar nr. 23 við Skipholt skv. uppdrætti, dags. 20. maí 2007. Í breytingunni felst aðallega aukning byggingarmagns og hækkun húss. Á fundinum var erindinu vísað til umsagnar í vesturteymi arkitekta skipulagsstjóra og er nú lagt fram að nýju ásamt umsögn skipulagsstjóra dags. 15. júní 2007.
Neikvætt með vísan til umsagnar skipulagsstjóra.
24.07 Lokastígur 21 og 23 (fsp), sameining lóða
Lögð fram fyrirspurn Plús arkitekta, dags. 8. júní 2007, um sameiningu lóðanna Lokastígur 21 og Lokastígur 23/Skólavörðustígur 42 samkvæmt uppdrætti, dags. 1. júní 2007. Hin sameinaða lóð verður 672 fm með nýtingarhlutfalli 2,0.
Neikvætt. Með vísan til stefnumörkunar Reykjavíkurborgar vaðandi byggðamynstur á svæðinu er ekki fallist á að byggingar í lóðarmörkum og stærð lóðarinnar sé í samræmi við byggðamynstur.
25.07 Lóðarumsókn fyrir geðfatlað fólk,
Lagt fram bréf Félagsmálaráðuneytisins, dags. 4. júní 2007, þar sem sótt er um 5 lóðir til nýbygginga á árunum 2007-2009 undir húsnæði fyrir geðfatlað fólk.
Vísað til umsagnar austur- og vesturteymis.
26.07 Reitur 1.184.0, Bergstaðastrætisreitur, deiliskipulag
Á fundi skipulagsráðs 11. apríl 2007 var lögð fram tillaga teiknistofu Arkitekta, mótt. 4. apríl 2007, að deiliskipulagi reits 1.184.0 Bergstaðastrætisreits og samþykkt að auglýsa tillöguna að nýju. Borgarráð staðfesti afgreiðslu skipulagsráðs á fundi sínum þann 12. apríl 2007. Tillagan var auglýst frá 18. apríl til og með 30. maí 2007. Athugasemdir bárust frá Garðari Jónassyni dags. 28. maí 2007, Ólafi Kjartanssyni hdl f.h. Þ.G. verktaka og Sighvats Snæbjörnssonar, dags. 30. maí 2007, Einar Árnason, dags. 30. maí 2007, Sigurborg Jónsdóttir, dags. 31. maí 2007, starfsnefnd fyrir íbúahóp, dags. 30. maí 2007, Karl Gíslason, dags. 28. maí 2007.
Vísað til skipulagsráðs.
27.07 Hraunbær, (fsp) frágangur á göngustíg
Lögð fram fyrirspurn Elvars Þórissonar, dags. 12. júní 2007, um frágang á göngustíg sem liggur í gegnum Hraunbæ.
Vísað til umsagnar umhverfisstjóra skipulags- og byggingarsviðs.
28.07 Öskjuhlíð, Leynimýri lóðarumsókn
Lagt fram bréf borgarstjóra, dags. 3. nóvember 2006, ásamt bréfi skrifstofustjóra Framkvæmdasviðs, dags. 30. október 2006, þar sem lagt er til að Ásatrúarfélaginu verði veitt fyrirheit um úthlutun lóðar fyrir hof, með eða án safnaðarheimilis, á lóð í Leynimýri. Einnig er lagður fram uppdráttur Landmótunar dags. 13. apríl 2007 og umsögn Flugstoða dags. 16. maí 2007.
Kynna formanni skipulagsráðs.
29.07 Stekkjarbrekkur, Hallsvegur suður, deiliskipulag
Lagt fram bréf skrifstofu borgarstjórnar, dags. 30. janúar 2007, ásamt bréfi SHS fasteigna, dags. 19. janúar 2007, varðandi tvær lóðir fyrir nýjar slökkvistöðvar, annars vegar lóð undir Úlfarsfelli við Vesturlandsveg, Hallar og hins vegar við Stekkjarbakka. Lögð fram tillaga skipulagsstjóra að deiliskipulagi Stekkjarbrekkna, Hallsveg suður, dags. 15. júní 2007.
Vísað til skipulagsráðs