Baldursgata 32, Baldursgata 39, Barmahlíð 28, Barónsstígur 22 og 24, Bergstaðastræti 33B, Bólstaðarhlíð 20, Bræðraborgarstígur 1, Flókagata 9, Flókagata 9, Flókagata 67, Háteigsvegur 3, Háteigsvegur 4, Landspítali Háskólasjúkrahús, Lækjargata 8, Miðstræti 3, Reitur 1.132.0, Norðurstígsreitur, Reitur 1.171.0, Skipholt 50A, Skipholt 19, Sólvallagata 29, Þorragata 1, Gufunes, Áburðarverksmiðjan, Gylfaflöt 22, Járnháls, Naustabryggja 54 og 56, Smárarimi 81, Suðurlandsv Reynisvl. 113440, Vættaborgir 3, Austurbrún 31, Borgartún 29, Kleifarvegur 5, Nökkvavogur 54, Mururimi 2, Lambhagi,

Embættisafgreiðslufundur skipulagsfulltrúa Reykjavíkur samkvæmt viðauka 2.3 við samþykkt um stjórn Reykjavíkurborgar.

75. fundur 2005
Ár 2005, föstudaginn 8. júlí kl. 10:25, hélt Skipulagsfulltrúi Reykjavíkur 75. embættisafgreiðslufund sinn til afgreiðslu mála án staðfestingar skipulags- og byggingarnefndar. Fundurinn var haldinn á skrifstofu skipulagsfulltrúa Borgartúni 3, 3. hæð. Fundinn sátu: Ágústa Sveinbjörnsdóttir og Harri Ormarsson. Eftirtaldir embættismenn kynntu mál á fundinum: Björn Axelsson, Sverrir Bollason, Nikulás Úlfar Másson, Ágústa Sveinbjörnsdóttir og Þórarinn Þórarinsson. Ritari var Helga Björk Laxdal.
Þetta gerðist:

1.05 Baldursgata 32, (fsp) uppbygging á lóð
Lögð fram fyrirspurn Haraldar Tryggvasonar, dags. 27.06.05, um uppbyggingu á lóð nr. 32 við Baldursgötu.
Ekki er gerð athugasemd við að veitt verði leyfi til niðurrifs á húsi og uppbyggingu á lóðinni. Ekki er þó hægt að fallast á framlagða tillögu að uppbyggingu þar sem nauðsynlegt er að laga sig betur að fyrirliggjandi byggð auk þess að draga úr byggingamagni á baklóð.
2.05 Baldursgata 39, breyting á nýtingu, fsp.
Lagt fram bréf T.ark, dags. 4. júlí 2005, varðandi breytingu á nýtingu lóðarinnar nr. 39 við Baldursgötu.
Vísað til umsagnar hverfisarkitekts.
3.05 Barmahlíð 28, (fsp) svalir á rishæð
Lagt fram bréf frá afgreiðslufundi byggingarfulltrúa frá 28.06.05. Spurt er hvort leyft yrði að gera svalir á suðurhlið (bakhlið) hússins á lóðinni nr. 28 við Barmahlíð.
Ekki er gerð athugasemd við erindið. Byggingarleyfisumsókn verður grenndarkynnt þegar hún berst.
4.05 Barónsstígur 22 og 24, sameining lóða
Lögð fram umsókn Pálma Guðmundssonar ark., dags. 29.06.05, um sameiningu lóða nr. 22 og 24 við Barónsstíg og breytingu á deiliskipulagi lóðanna, skv. uppdr. dags. 28.06.05.
Erindinu vísað til umsagnar skipulagsráðgjafa Njálsgötureits.
5.05 Bergstaðastræti 33B, málskot
Lögð fram fyrirspurn Thorstein Henn ásamt minnisblaði Páls V. Bjarnasonar arkitekt dags. 28.06.05, ásamt uppdrætti.
Ekki er gerð athugasemd við að grenndarkynna byggingarleyfisumsókn í samræmi við fyrirspurn að fengnu samþykki nágranna að Óðinsgötu 22 og 22a.
6.05 Bólstaðarhlíð 20, færanlegt kennsluhúsnæði
Lagt fram bréf frá afgreiðslufundi byggingarfulltrúa frá 28.06.05. Sótt er um leyfi til að koma fyrir færanlegri kennslustofu á lóð Skóla Ísaks Jónssonar á lóðinni nr. 20 við Bólstaðarhlíð skv. uppdr. Tark, dags. 21.06.05.
Stærðir: xx
Gjald kr. 5.700
Ekki er gerð athugasemd við að umsækjandi láti vinna tillögu að breytingu á deiliskipulagi, á eigin kostnað, sem síðar verði grenndarkynnt
7.05 Bræðraborgarstígur 1,
Lagt fram bréf T.ark, dags. 4. júlí 2005, varðandi ósk um að tillaga að breytingu á lóðinni nr. 1 við Bræðraborgarstíg verði tekin með inn í skipulagsvinnuna.
Vísað til umsagnar hverfisarkitekts.
8.05 Flókagata 9, (fsp) bílskúr
Lagt fram bréf frá afgreiðslufundi byggingarfulltrúa 5. júlí 2005, þar sem spurt er hvort leyft yrði að reisa bílskúr austanvert á lóðinni nr. 9 við Flókagötu. Fyrir er bílskúr í norðausturhorni lóðarinnar.
Neikvætt. Önnur bílgeymsla á lóð samræmist ekki byggðamynstri hverfisins eins og tillagan liggur fyrir.
9.05 Flókagata 9, (fsp) ofanábygging
Lagt fram bréf frá afgreiðslufundi byggingarfulltrúa 5. júlí 2005, þar sem spurt er hvort leyft yrði að byggja eina hæð ofan á húsið nr. 9 við Flókagötu.
Neikvætt að bæta heilli hæð ofan á húsið enda samræmist slík breyting ekki byggðamynstri hverfisins eins og tillagan liggur fyrir. Heimild gæti fengist fyrir því að lyfta þaki í samræmi við rammaskilmála Norðurmýris.
10.05 Flókagata 67, stækkun
Lagt fram bréf frá afgreiðslufundi byggingarfulltrúa 21.06.05. Sótt er um leyfi til þess að byggja steinsteypta viðbyggingu sem er kjallari og tvær hæðir að norðurhlið (bakhlið), koma fyrir svölum á vesturhlið og stækka svalir á fyrstu og annarri hæð suðurhliðar hússins á lóðinni nr. 67 við Flókagötu skv. uppdr. Arkís, dags. 7.06.05.
Jafnframt er sótt um leyfi til þess að hækka þak og byggja viðbyggingu að austurhlið bílskúrs á baklóð.
Samþykki nágranna í grennd fylgir erindi.
Stærð: Stækkun íbúðarhúss (mhl. 01) 60,1 ferm. og 175,2 rúmm. Stækkun bílskúrs (mhl. 02) 20,5 ferm. og 142,5 rúmm.
Gjald kr. 5.700 + 18.109
Samþykkt að grenndarkynna framlagða umsókn fyrir hagsmunaaðilum að Flókagötu 65 og 69 ásamt Háteigsvegi 50, 52 og 54.
11.05 Háteigsvegur 3, byggja ofaná o.fl.
Sótt er um leyfi til að byggja eina hæð, rishæð og hanabjálka ofan á húsið nr. 3 við Háteigsveg. Jafnframt er sótt um leyfi til að breyta atvinnuhúsnæði á annarri hæð í þrjár íbúðir og koma fyrir þrem íbúðum á þriðju hæð og þremur á fjórðu hæð, samtals níu íbúðir, og tengdar breytingar. Ennfremur verði gerðar svalir á austur- og norðurhliðar og húsið steinað að utan með ljósri steiningu.
Stækkun: 871,5 ferm. og 1992,4 rúmm
Gjald kr. 5.700 + 113.566
Samþykkt að grenndarkynna framlagða umsókn fyrir hagsmunaaðilum að Þverholti 30 og 32, Rauðarárstíg 41 og Háteigsvegi 1, 2,4, 6 og 8.
12.05 Háteigsvegur 4, (fsp) bílsk. og stækkun á svölum
Lagt fram bréf frá afgreiðslufundi byggingarfulltrúa 5. júlí 2005, þar sem spurt er hvort leyft yrði að byggja bílskúr við vesturmörk lóðarinnar nr. 4 við Háteigsveg og stækka svalir á annarri hæð íbúðarhúss, samkv. uppdr. Teiknistofu Tómasar B. Böðvarssonar, dags. í maí 2005.
Ekki er gerð athugasemd við erindið. Byggingarleyfisumsókn verður grenndarkynnt þegar hún berst. Æskilegt er að við hönnun og endanlega staðsetningu á lóð verði haft samráð við lóðarhafa að Háteigsvegi 2 þar sem einnig er fyrirhuguð bygging bílgeymslu á þeirri lóð.
13.05 Landspítali Háskólasjúkrahús, breyting á deiliskipulagi
Lagt fram bréf Péturs Jónssonar landslagsarkitekts, dags. 4. júlí 2005, ásamt tillögu að breytingu á deiliskipulagi á lóð Landspítala Háskólasjúkrahúss, dags. 30.06.05, vegna breytinga á bílastæðum.
Kynna formanni skipulagsráðs.
14.05 Lækjargata 8, byggt yfir ruslagám
Lagt fram bréf frá afgreiðslufundi byggingarfulltrúa 5. júlí 2005. Sótt er um leyfi fyrir yfirbyggingu á ruslagám, úr timbri og klætt bárujárni, á norðvesturhlið og veitingaaðstöðu udandyra á suðaustur- og norðvesturhlið lóðarinnar nr. 8 við Lækjargötu.
Gjald kr. 5.700
Vísað til umsagnar hverfisarkitekts.
15.05 Miðstræti 3, Sólstofa (tímabundin)
Lagt fram bréf frá afgreiðslufundi byggingarfulltrúa 5. júlí 2005, þar sem sótt er um leyfi til þess að byggja sólstofu sem tímabundna viðbót að austurhlið 1. hæðar íbúðarhússins á lóð nr. 3 við Miðstræti.
Stærð: Sólstofa 20,7 ferm., 67,7 rúmm.
Gjald kr. 5.700 + 3.859
Frestað. Umsögn Húsafriðunarnefndar ríkisins liggur ekki fyrir. Óskað er eftir upplýsingum um breytingar á skuggavarpi áður en hægt er að taka afstöðu til erindisins.
16.05 Reitur 1.132.0, Norðurstígsreitur, breyting á deiliskipulagi vegna Vesturgötu 24
Lögð fram tillaga Arkitektastofu Þorgeirs, mótt. 27.06.05, að breytingu á deiliskipulagi fyrir lóðina nr. 24 við Vesturgötu. Einnig lögð fram bréf Eignarhaldsfélagsins Norma ehf, dags. 19.05.05 og 22.06.05.
Frestað. Hönnuði og umsækjanda ber að leggja fram upplýsingar um breytingar á skuggavarpi auk samþykki þeirra lóðarhafa sem standa að byggingarreit fyrir bílastæðakjallara.
17.05 Reitur 1.171.0, breyting á deiliskipulagi vegna Laugavegar 7
Lögð fram tillaga Gunnars Guðnasonar ark., dags. 5.07.05, að breytingu á deiliskipulagi reits 1.171.0 vegna lóðarinnar Laugavegur 7.
Samþykkt að grenndarkynna framlagða tillögu fyrir hagsmunaaðilum að Laugavegi 5, 6, 8 og 11.
18.05 Skipholt 50A, breyting á notkun
Lögð fram ný tillaga Teiknistofunnar Tak að breytingu á deiliskipulagi lóðarinnar, dags. 06.06.05, mótt. 30. júní 2005.
Frestað. Hönnuði ber að leggja fram upplýsingar um breytingar á skuggavarpi.
19.05 Skipholt 19, br.stórri íbúð í 2 minni, byggja yfir svalir, þakskyggni
Að lokinni grenndarkynningu er lagt fram að nýju bréf frá afgreiðslufundi byggingarfulltrúa 14. júní 2005, þar sem sótt er um leyfi til þess að breyta íbúð á þriðju hæð í tvær minni íbúðir (íb. 0304 og 0305) og koma fyrir svölum á austurhlið þriðju hæðar hússins nr. 19 við Skipholt skv. uppdr. Helga Hafliðasonar ark., dags. 6.06.05. Einnig lagt fram samþykki þeirra aðila sem grennarkynnt var fyrir, dags. 29.06.05.
Gjald kr. 5.700
Vísað til skipulagsráðs.
20.05 Sólvallagata 29, (fsp) kvistur, svalir ofl.
Lagt fram bréf frá afgreiðslufundi byggingarfulltrúa 5. júlí 2005, þar sem spurt er hvort leyft yrði byggja kvist á suðausturþekju ásamt svölum líkt og samþykkt var 1992 og innrétta sjálfstæða íbúð á rishæð fjölbýlishússins á lóð nr. 29 við Sólvallagötu.
Ekki er gerð athugasemd við erindið. Byggingarleyfisumsókn verður grenndarkynnt þegar hún berst.
21.05 Þorragata 1, viðbygging við garðhús
Lagt fram bréf frá afgreiðslufundi byggingarfulltrúa 5. júlí 2005, þar sem sótt er um leyfi fyrir viðbyggingu við garðhús leikskólans á lóð nr. 1 við Þorragötu, samkv. uppdr. ARKFORM, dags. 27. júní 2005.
Stækkun: xx
Gjald kr. 5.700 + xx
Vísað til skipulagsráðs.
22.05 >Gufunes, Áburðarverksmiðjan, vinnustofur reykvískra listamanna
Lagt fram bréf hóps myndlistarmanna, dags. 24.06.05, með ósk um að fá að nota skemmu á athafnasvæði Áburðarverksmiðjunnar í Gufunesi sem vinnustofuhús fyrir reykvíska myndlistamenn.
Erindið framsent Skipulagssjóði Reykjavíkur til afgreiðslu.
23.05 Gylfaflöt 22, breyting á deiliskipulagi
Lögð fram tillaga Ask, dags. 30.05.05, að breytingu á deiliskipulagi vegna lóðar nr. 22 við Gylfaflöt.
Samþykkt að grenndarkynna framlagða tillögu fyrir hagsmunaaðilum að Gylfaflöt 20 og 24-30.
24.05 Járnháls, afnot af borgarlandi
Lagt fram bréf Karls Karlssonar f.h. Vélar og Þjónustu ehf, dags. 1.06.05, varðandi ósk um afnot af lóð borgarinnar við Járnháls. Einnig lagt fram bréf Framkvæmdasviðs, dags. 15. júní 2005, mótt. 7. júlí 2005.
Neikvætt með vísan til umsagnar Framkvæmdasviðs.
25.05 Naustabryggja 54 og 56, breyting á skilmálum
Að lokinni grenndarkynningu er lögð fram tillaga skipulagsfulltrúa að textabreytingu skilmála Bryggjuhverfis í Grafarvogi, dags. 25.05.05. Grenndarkynningin stóð yfir frá 2.06 til 30.06 2005. Athugasemd barst frá Sigfríð Þormar Naustabryggju 29, dags. 27.06.05, Þorsteini Þorgeirssyni Naustabryggju 23, dags. 28.06.05.
Vísað til umsagnar hverfisarkitekts.
26.05 Smárarimi 81, (fsp) ofanábygging
Lagt fram bréf frá afgreiðslufundi byggingarfulltrúa 5. júlí 2005, þar sem spurt er hvort leyft yrði að byggja eina hæð ofan á húsið nr. 81 við Smárarima að mestu í samræmi við meðfylgjandi tillöguteikningar Teiknistofunnar Kvarða, dags. 16. júní 2005.
Ekki gerð athugasemd við erindið. Samræmist deiliskipulagi.
27.05 Suðurlandsv Reynisvl. 113440, (fsp) áhaldag., sumarh.
Lagt fram bréf frá afgreiðslufundi byggingarfulltrúa 5. júlí 2005, þar sem spurt er hvort leyft yrði að reysa áhaldageymslu að mestu neðanjarðar í hvammi á sumarbústaðarlandi í Almannadal í Reynisvatnslandi.
Ekki er gerð athugasemd við erindið.
28.05 Vættaborgir 3, (fsp) bílageymsla
Lagt fram bréf frá afgreiðslufundi byggingarfulltrúa 5. júlí 2005, þar sem spurt er hvort leyft yrði að byggja bílskúr við vesturhlið fjölbýlishússins í líkingu við fyrirliggjandi uppdrátt á lóð nr. 3 við Vættaborgir.
Ekki gerð athugasemd við að unnin verði tillaga að breytingu á deiliskipulagi, á kostnað umsækjanda, sem síðar verður grenndarkynnt. Bent skal á að laga þarf útlit bílskúrs samkvæmt fyrirspurnarteikningum að gildandi skilmálum áður en sótt verður um byggingarleyfi.
29.05 Austurbrún 31, (fsp) bygg. á baklóð
Lagt fram bréf frá afgreiðslufundi byggingarfulltrúa 5. júlí 2005, þar sem spurt er hvort leyft yrði að byggja 64,5 ferm. einlyfta steinsteypta byggingu á baklóð sem skrifstofu og fundaraðstöðu fyrir dagvistun minnissjúkra á lóð nr. 31 við Austurbrún, samkv. uppdr. Teiknistofu Halldórs Guðmundssonar, dags. 28.06.05.
Óskað er eftir að umsækjandi leggi fram upplýsingar um breytingar á skuggavarpi. Vísað til umsagnar hverfisarkitekts.
30.05 Borgartún 29, (fsp) hæðarkóti
Lögð fram fyrirspurn Einars V. Tryggvasonar ark., dags. 1.07.05, um hæðarkóta vegna húss nr. 29 við Borgartún.
Neikvætt. Samræmist ekki deiliskipulagi.
31.05 Kleifarvegur 5, sólskáli á svalir
Lagt fram bréf frá afgreiðslufundi byggingarfulltrúa 5. júlí 2005. Sótt er um leyfi til að byggja sólskála á svalir 2. hæðar tvílyfts einbýlishúss á lóð nr. 5 við Kleifarveg.
Stækkun: 13,8 fm. og 33,8 rm.
Gjald kr.5.700 + 1.927
Samþykkt að grenndarkynna framlagða umsókn fyrir hagsmunaaðilum að Kleifarvegi 7.
32.05 Nökkvavogur 54, br. tröppum ,loka vindfangi o.fl
Lagt fram bréf frá afgreiðslufundi byggingarfulltrúa 5. júlí 2005, þar sem sótt er um leyfi fyrir áður gerðu gróðurhúsi og breytingum á tröppum þar sem komið er fyrir anddyri í stað vindfangs inn á fyrstu hæð húss á lóð nr. 54 við Nökkvavog. Sýnd er áður gerð breyting á bílskúr með viðeigandi breyttri skráningartöflu.
Stækkun: xx
Gjald kr. 5.700 + xx
Samþykkt að grenndarkynna framlagða umsókn fyrir hagsmunaaðilum að Nökkvavogi 48, 52, 56 og 58.
34.05 Mururimi 2, smáhýsi (færanl. kennslust.)
Að lokinni kynningu byggingarleyfisumsóknar er lagt fram að nýju bréf frá afgreiðslufundi byggingarfulltrúa 8. mars 2005, þar sem sótt er um leyfi til þess að staðsetja færanlega kennslustofu við leikskólann Lyngheima á lóðinni nr. 2 við Mururima, samkv. uppdr. Teiknistofu Ingimundar Sveinssonar, dags. 18.02.05. Einnig lagt fram bréf Fasteignastofu, dags. 15. mars 2005. Málið var í kynningu frá 18. mars til 18. apríl 2005. Athugasemdarbréf barst frá Guðjóni Gunnarssyni Mururima 17, dags. 28.03.05. Lögð fram umsögn Framkvæmdasviðs, dags. 7.07.05.
Stærð: Færanl. leikstofa xx
Gjald kr. 5.700 + xx
Vísað til skipulagsráðs.
35.05 Lambhagi, breyting á deiliskipulagi
Að lokinni auglýsingu er lögð fram tillaga Helga Hafliðasonar arkitekts, dags. 27. apríl 2005, að breytingu á deiliskipulagi á lóð gróðarstöðvarinnar Lambhaga við Vesturlandsveg skv. uppdr., dags. 27.04.05. Auglýsingin stóð yfir frá 20.05 til 1.07 2005. Engar athugasemdir bárust.
Samþykkt með vísan til b-liðar 2. gr. viðauka 2.4. um embættisafgreiðslur skipulagsfulltrúa í samþykkt um stjórn Reykjavíkurborgar.