Gnoðarvogur 44-46, Vesturbrún 20, Fálkagata 9, Hrannarstígur 3, Ránargata 8, Skólastræti 1, Jónsgeisli 51, Naustabryggja 36-52, Næfurás 13-15-17, Smárarimi 89, Reitur 1.154.3, Barónsreitur, Reitur 1.244.1/-3, Langholtsvegur 109-115, Gufunes, Mörkin 8,

Embættisafgreiðslufundur skipulagsfulltrúa Reykjavíkur samkvæmt viðauka 2.3 við samþykkt um stjórn Reykjavíkurborgar.

4. fundur 2004
Árið 2004, föstudaginn 30. janúar kl. 09:30, hélt skipulagsfulltrúi Reykjavíkur 4. fund sinn. Fundurinn var haldinn í Borgartúni 3, 3. hæð. Viðstaddir voru: Ágústa Sveinbjörnsdóttir og Bjarnfríður Vilhjálmsdóttir. Eftirtaldir embættismenn gerðu grein fyrir einstökum málum: Margrét Þormar, Margrét Leifsdóttir og Nikurlás Úlfar Másson. Fundarritari var Ívar Pálsson.
Þetta gerðist:

1.04 Gnoðarvogur 44-46, (fsp) stækkun lóðar
Lögð fram fyrirspurn Oddsteins Gíslasonar, mótt. 28.01.04 varðandi stækkun lóðar nr. 44-46 við Gnoðarvog.
Neikvætt að stækka lóð á kostnað útivistarsvæðis.
2.04 Vesturbrún 20, viðbygging
Að lokinni grenndarkynningu byggingarleyfisumsóknar er lagt fram að nýju bréf frá afgreiðslufundi byggingarfulltrúa frá 22.12.03. Sótt er um leyfi til þess að byggja tveggja hæða steinsteypta viðbyggingu við suðurenda einbýlishússins á lóð nr. 20 við Vesturbrún skv. uppdr. Studio Granda, dags. 1.12.03.
Bréf burðavirkishönnuðar dags. 17. nóvember 2003, bréf hönnuðar dags. 18. nóvember, 1. desember og 15. desember 2003 og samþykki eigenda að Vesturbrún 22 dags. 2. desember 2003 fylgja erindinu. Málið var í kynningu frá 31. des. 2003 til 27. janúar 2004. Athugasemdabréf barst frá eigendum að Vesturbrún 39, dags. 20. janúar 2004. Einnig lagt fram samþykki eigenda að Vesturbrún 18, dags. 1.01.04. Einnig lögð fram umsögn skipulagsfulltrúa, dags. 29.01.04.
stærð: Viðbygging 80,1 ferm., 241,8 rúmm.
Gjald kr. 5.100 + 12.332
Vísað til skipulags- og byggingarnefndar.
3.04 Fálkagata 9, fsp. um kvisti
Lagt fram bréf frá afgreiðslufundi byggingarfulltrúa frá 20.01.04. Spurt er hvort leyft yrði að setja fjóra kvisti á húsið nr. 9 við Fálkagötu í líkingu við það sem fram kemur á meðfylgjandi fyrirspurnarteikningu Guðna Pálssonar ark., dags. 13.01.04.
Frestað. Vísað til umsagnar hverfisstjóra.
4.04 Hrannarstígur 3, (fsp) hækka mæni o.fl.
Lagt fram bréf frá afgreiðslufundi byggingarfulltrúa, dags. 17. september 2003, þar sem spurt er hvort leyft yrði að hækka mæni hússins nr. 3 við Hrannarstíg. Jafnframt er spurt hvort leyft yrði að gera kvist á austurþak og annan á vesturþak á samt svölum. Einnig lagt fram bréf Snorra Kristjánssonar, Hrannarstíg 3, dags. 30.12.03. Ennfremur lögð fram umsögn minjasafns Reykjavíkur, dags. 29.01.04.
Jákvætt að hækka þak og byggja kvist í samræmi við umsögn minjasafns Reykjavíkur.
5.04 Ránargata 8, (fsp) garðskáli
Lagt fram bréf frá afgreiðslufundi byggingarfulltrúa frá 20.01.04. Spurt er hvort leyft yrði að byggja garðskála að eldhúsi á norðurhlið hússins nr. 8 við Ránargötu. Einnig lögð fram umsögn skipulagsfulltrúa, dags. 30.01.04.
Jákvætt með vísan til umsagnar skipulagsfulltrúa.
6.04 Skólastræti 1, br. 2 íb. í 4, kvistur + tröppur
Lagt fram bréf byggingarfulltrúa, dags. 28. janúar 2004, þar sem sótt er um leyfi til þess að byggja kvist á austurþekju íbúðarhússins Skólastræti 1 (matshlurta 01), lækka hluta kjallaragólfs um 30 sm, byggja útitröppur við austurhlið frá jörðu og upp á 2. hæð ásamt útitröppum við vesturhlið framan við innganga á 1. hæð, skipta íbúðum á 1. og 2. hæð í tvær íbúðir hvorri þannig að í húsinu verði samtals fjórar eignir og skipta lóðinni Bankastræti 4 í tvær lóðir, lóðina Bankastræti 4 (matshluti 03) og Skólastræti 1 (matshluti 01 og 02), samkv. uppdr. ARKO, dags. 23.01.04.
Ljósrit af afsali vegna matshluta 01 og 02 innfært 29. september 2003 og samþykki meðlóðarhafa (á teikningu) fylgja erindinu.
Stærð: Stækkun 3. hæðar 19,5 ferm., xxx rúmm., rúmmálsaukning vegna dýpkunar kjallara 9,9 rúmm.
Gjald kr. 5.100 + xxx
Frestað. Umsækjanda bent á að hafa samband við embættið.
7.04 Jónsgeisli 51,
Lagt fram bréf Byggingar og skipulagshönnunar ehf, dags. 22.01.04, varðandi breytingu á byggingarreit á lóðinni nr. 51 við Jónsgeisla.
Neikvætt að breyta skipulagi. Umsótt breyting ekki í samræmi við tilvitnuð dæmi i bréfi.
8.04 Naustabryggja 36-52, breyting á deiliskipulagi
Að lokinni grenndarkynningu er lögð fram að nýju tillaga Björns Ólafs arkitekts, dags. 09.12.03, að breytingu á deiliskipulagi á lóðinni nr. 36-52 við Naustabryggju. Grenndarkynning stóð yfir frá 10.12.03 til 09.01.04. Lagt fram athugasemdarbréf eigenda Básbryggju 39, dags. 5.01.04, húsfélagsins Naustabryggju 54-56, undirskriftarlisti með 58 nöfnum, dags. 8.01.04 og undirskriftarlisti með 27 nöfnum, dags. 5.01.04. Einnig lögð fram umsögn skipulagshöfundar um athugasemdir, dags. 21.01.04.
Vísað til skipulags- og byggingarnefndar.
9.04 Næfurás 13-15-17, bílskúrar
Lögð fram fyrirspurn Ann Andreasen, mótt. 27.01.04, varðandi byggingu bílaskúra á lóðinni nr. 13-17 við Næfurás.
Jákvætt að breyta deiliskipulagi enda liggi fyrir samþykki lóðarhafa og eigenda bílskúrsréttar og bílastæðum ekki fækkað.
10.04 Smárarimi 89, breyting á byggingarreit
Lögð fram fyrirspurn Kristins Ragnarssonar ark., mótt. 28.01.04, um breytingu á byggingarreit á lóðinni nr. 89 við Smárarima, samkv. uppdr. Kristins Ragnarssonar arkitekts, dags. 30.12.03.
Neikvætt að stækka byggingarreit um 1. m. til vesturs.
11.04 Reitur 1.154.3, Barónsreitur, breyting á deiliskipulagi
Lagðar fram hugmyndir A og B, teiknistofunnar Úti og inni, dags. 16.01.04 og 23.01.04, að breytingu á deiliskipulagi á reit 1.154.3, Barónsreit.
Kynna formanni.
12.04 Reitur 1.244.1/-3, Einholt-Þverholt
Lagðar fram rúmmyndir vegna hugmynda að deiliskipulagi reitsins.
Kynnt.
13.04 Langholtsvegur 109-115, v/Langholtsveg 111
Lögð fram fyrirspurn Þorgils Arasonar, mótt. 27.01.04, varðandi breytingu á deiliskipulagi, þ.e. að breyta Langholtsvegi 111 í íbúðir.
Frestað. Vísað til umsagnar hverfisstjóra.
14.04 Gufunes, útivistarsvæði
Lögð fram umræðutillaga Landark, dags. 19.01.04 að deiliskipulagi útivistarsvæðis í Gufunesi.
Frestað. Kynna formanni.
15.04 Mörkin 8,
Lögð fram fyrirspurn Viðars Guðjohnsen, dags. 29.01.04, varðandi frekari uppbyggingu á lóð nr. 8 við Mörkina.
Frestað. Vísað til umsagnar hverfisstjóra.