Aðalstræti 9, Austurstræti 10A, Laugavegur 34a, Reitur 1.15, Stjórnarráðsreitur, Bauganes 7, Flugvöllur 106643, Freyjugata 1, Garðastræti 6, Suðurgata 4, Vatnsmýrarvegur 10, Ægisíða 102, Grenimelur 46, Glaðheimar 24, Hjallaland 9-19, Sléttuvegur F.v.bl 28 , Traðarland 1, Víkingur, Akrasel 18, Bæjarháls, Hraunbær, Kristnibraut 99-101, Laufrimi 28-34, Rimaskóli,

Embættisafgreiðslufundur skipulagsfulltrúa Reykjavíkur samkvæmt viðauka 2.3 við samþykkt um stjórn Reykjavíkurborgar.

39. fundur 2003
Ár 2003, föstudaginn 17. október kl. 09:10 var haldinn 39. embættisafgreiðslufundur skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru:
Þetta gerðist:

1.03 Aðalstræti 9, (fsp)sorpgeymsla
Lagt fram bréf frá afgreiðslufundi byggingarfulltrúa, dags. 30. júlí 2003, þar sem Hrafnkell Thorlacius, arkitekt, f.h. Aðaleignar ehf. spyr hvort leyft verði að staðsetja sorpgeymslu á lóð hússins nr. 9 við Aðalstræti í líkingu við það sem sýnt er á meðfylgjandi uppdráttum, dags. 07.01.03, síðast breytt 24.07.03. Málinu fylgir bréf fyrirspyrjanda dags. 25. júlí 2003. Einnig lagt fram bréf Hrafnkels Thorlacius arkitekts, dags. 13.08.03 og tölvupóstur gatnamálastjóra. Einnig lagðir fram uppdr., síðast br. 14.10.03.
Ekki gerð athugasemd við staðsetningu sorpgeymslu samkv. uppdr. lagf. 14.10.03.
2.03 Austurstræti 10A, íb. á 5.hæð
Lagt fram bréf frá afgreiðslufundi byggingarfulltrúa, dags. 15. október 2003, þar sem sótt er um leyfi til þess að breyta skrifstofuhúsnæði í íbúð og útbúa tvennar svalir á fimmtu hæð hússins á lóðinni nr. 10A við Austurstræti, samkv. uppdr. Hugverks hönnunarþjónustu, dags. 20.09.03.
Jafnframt er sótt um leyfi fyrir gervihnattadiski á suðurþekju hússins.
Samþykki meðeigenda (á teikn.) fylgir erindinu.
Gjald kr. 5.100
Ekki gerð athugasemd við erindið.
3.03 Laugavegur 34a, niðurfelling á mótmælum
Lagt fram bréf Júlíusar Kristins Magnússonar, Laugavegi 34b, dags. 8. október 2003, þar sem fallið er frá fyrri mótmælum varðandi fyrirhugaðar byggingarframkvæmdir á lóðinni nr. 34a við Laugaveg.
Kynnt.
4.03 Reitur 1.15, Stjórnarráðsreitur, breyting á deiliskipulagi, v/Sölvhólsgötu 9
Lögð fram tillaga Arkþings, dags. í október 2003, varðandi breytingu á deiliskipulagi vegna Sölvhólsgötu 9.
Vísað til skipulags- og byggingarnefndar.
5.03 Bauganes 7, fsp. viðbygging
Lagt fram bréf frá afgreiðslufundi byggingarfulltrúa, dags. 8. október 2003, þar sem spurt er hvort samþykki fengist fyrir viðbyggingu að norðurhlið hússins nr. 7 við Bauganes í líkingu við fyrirliggjandi uppdrætti, dags. í sept. 2003.
Frestað.
Umsækjanda bent á að hafa samband við embættið.
6.03 Flugvöllur 106643, fsp. flugskýli, Básasvæði
Lagt fram bréf frá afgreiðslufundi byggingarfulltrúa, dags. 8. október 2003, þar sem spurt er hvort leyft yrði að reisa tjaldhýsi fyrir flugvélar á "básasvæði" á flugvallarsvæði norðan Hótels Loftleiða. Einnig lögð fram umsögn skipulagsfulltrúa, dags. 15. október 2003.
Frestað.
Kynna formanni.
7.03 Freyjugata 1, hækkun þaks
Lagt fram bréf Richard Ó. Briem arkitekts, dags. 1. október 2003, varðandi hækkunar þaks hússins á lóðinni nr. 1 við Freyjugötu, samkv. meðfylgjandi skissu. Einnig lögð fram umsögn skipulagsfulltrúa, dags. 13. október 2003.
Neikvætt gagnvart erindinu eins og það liggur fyrir. Jákvætt gagnvart fjölgun íbúða sbr. umsögn skipulagsfulltrúa.
8.03 Garðastræti 6, svalir 4.hæð
Að lokinni grenndarkynningu byggingarleyfisumsóknar er lagt fram að nýju bréf frá afgreiðslufundi byggingarfulltrúa, dags. 27. ágúst 2003, þar sem sótt er um leyfi til þess að byggja svalir við vesturhlið 4. hæðar fjöleignahússins á lóð nr. 6 við Garðastræti, samkv. uppdr. Á stofunni arkitektar, dags. 17.03.03, síðast breytt 19.08.03.
Samþykki meðeigenda og eigenda Garðastrætis 4 og Ránagötu 2 dags. 11. maí 2003 fylgir erindinu. Málið var í kynningu frá 10. september til 8. október 2003. Athugasemdabréf barst frá Þorgerði Sigurðardóttur, Ránargötu 2, mótt. 29.09.03.
Gjald kr. 5.100
Frestað.
Umsækjandi hafi samband við embættið.
9.03 Suðurgata 4, bílastæði
Lagt fram bréf Láru Lárusdóttur og Guðjóns Pedersen, dags. 28. júlí 2003, varðandi bílastæði við Suðurgötu 4. Einnig lagt fram bréf Verkfræðistofu, dags. 13.10.03.
Neikvætt með vísan til umsagnar Verkfræðistofu.
10.03 Vatnsmýrarvegur 10, ALP bílaleigan, lóðarumsókn
Lagt fram bréf skrifstofustjóra borgarstjórnar, dags. 16. júlí 2003, varðandi lóðarumsókn ALP bílaleigunnar við Vatnsmýrarveg frá 20. f.m. Einnig lögð fram umsögn skrifstofustjóra borgarverkfræðings, dags. 9. júlí 2003.
Frestað.
Vísað til vinnu við gerð deiliskipulags að svæðinu sem er að hefjast.
11.03 Ægisíða 102, breyting á deiliskipulagi
Lögð fram tillaga ALARK arkitekta ehf, dags. 15.10.03, að breytingu á deiliskipulagi á lóð Olíufélagsins hf við Ægisíðu.
Samþykkt að grenndarkynna breytinguna fyrir hagsmunaaðilum að Hofsvallagötu 56, 58, 60, 62, Einimel 1, 3, 5, 7, 9 og Ægisíðu 100, 101, 103, 105, 107, 109 og 111.
12.03 Grenimelur 46, niðurrif og nýbygging
Lagt fram bréf Maríu Finsen og Elínar Finsen, dags. 9. september 2003, varðandi nýbyggingu á lóðinni nr. 46 við Grenimel.
Frestað.
Vísað til umsagnar hverfsstjóra.
13.03 Glaðheimar 24, (fsp) 4.hæð yfirbygging svalir
Lagt fram bréf frá afgreiðslufundi byggingarfulltrúa, dags. 15. október 2003, þar sem spurt er hvort leyft yrði að byggja yfir hluta svala á fjórðu hæð hússins á lóðinni nr. 24 við Glaðheima, samkv. uppdr. Jóhanns Sigurðssonar arkitekts, dags. 13.04.03.
Jákvætt.
Grenndarkynna þarf umsókn þegar hún berst.
14.03 Hjallaland 9-19, aðkoma
Lagt fram bréf umhverfis- og tæknisviðs, dags. 26. júlí 2003, varðandi erindi frá íbúum Hjallalands 9-19 frá 18. s.m. þar sem farið er fram á breytta aðkomu. Einnig lagt fram bréf íbúa Hjallalands 9-19, dags. 7. okt. 2003.
Vísað til umsagnar Slökkviliðs Höfuðborgarsvæðisins.
15.03 Sléttuvegur F.v.bl 28 , stækkun G-álmu
Lagt fram bréf frá afgreiðslufundi byggingarfulltrúa, dags. 15. október 2003, þar sem sótt er um leyfi til að byggja við og stækka G-álmu Borgarspítala í Fossvogi (matshl. 09) á lóðinni Sléttuvegur F.v.bl 28 (landnr. 108676), samkv. uppdr. Teiknistofu Halldórs Guðmundssonar arkitekts, dags. 22.09.03. Viðbygging verði kjallari og tvær hæðir, byggð úr steinsteypu og einangruð og klædd að utan með litaðri álklæðningu í líkingu við þá klæðningu sem fyrir er á staðnum.
Stækkun: 643,4 ferm og 2.252,5 rúmm.
Gjald k. 5.100 + 114.877
Ekki gerð athugasemd við erindið.

16.03 Traðarland 1, Víkingur, tennishús
Lagt fram bréf Jónasar Björnssonar f.h. Tennisvina ehf, dags. 26.09.03, varðandi tennishús í Fossvogsdal við núverandi útitennisvelli Tennisklúbbs Víkings.
Neikvætt. Samræmist ekki deiliskipulagi. Ekki gert ráð fyrir slíku húsi á þessum stað, á íþróttasvæði Víkings.
17.03 Akrasel 18, (fsp) viðbygg. og tvíbýli
Lagt fram bréf frá afgreiðslufundi byggingarfulltrúa, dags. 15. október 2003, þar sem spurt er hvort leyft yrði að byggja tveggja hæða steinsteypta viðbyggingu við norðausturhlið og breyta einbýlishúsinu í tvíbýlishús á lóð nr. 18 við Akrasel.
Bréf fyrirspyrjanda dags. 3. október 2003 fylgir erindinu.
Jákvætt að uppfylltum skilyrðum. Grenndarkynna þarf breytinguna fyrir nágrönnum.
18.03 Bæjarháls, Hraunbær, miðsvæði, stígatengingar
Lagt fram bréf Þróunar- og fjölskyldusviðs, dags. 14. október 2003, varðandi breytingar og endurskoðun "miðsvæðis" Árbæjar.
Framsent umhverfis- og tæknisviði til afgreiðslu.
19.03 Kristnibraut 99-101, fækka bílskýlum
Lagt fram bréf frá afgreiðslufundi byggingarfulltrúa, dags. 15. október 2003, þar sem sótt er um leyfi til þess að fækka bílskýlum á norðurhlið þannig að á lóð verði bílskýli fyrir samtals 9 bíla í stað 12 áður og fjölga um þrjú bílastæði austan við fjölbýlishúsið á lóð nr. 99-101 við Kristnibraut, samkv. uppdr. AN2 arkitekta, dags. 08.07.03.
Stærð: Bílskýli (B-rými) var 236,6 ferm. verður 163,6 ferm.
Gjald kr. 5.100
Ekki gerð athugasemd við erindið.
20.03 Laufrimi 28-34, hljóðmön
Lagt fram bréf Steinars Guðmundssonar, Laufrima 32, dags. 7. júlí 2003, varðandi ósk um háa hljóðmön til varnar hávaða frá Borgavegi. Einnig lagt fram bréf Verkfræðistofu, dags. 09.10.03.
Frestað. Ræða við umhverfis- og tæknisvið.
21.03 Rimaskóli, viðbygging
Að lokinni auglýsingu er lögð fram að nýju tillaga Arkís ehf, dags. 27.07.03, að breytingu á deiliskipulagi á lóð Rimaskóla. Einnig lagt fram bréf Fasteignastofu, dags. 20.06.03. Málið var í auglýsingu frá 27. ágúst til 10. október 2003. Engar athugasemdir bárust.
Samþykkt, sbr. 2. gr. viðauka 2.3 við samþykkt um stjórn Reykjavíkurborgar.