Afgreiðslufundir nr. 46

Reitur 1.171.1, Reitur 1.174.0, Reitur 1.174.2, Bústaðavegur 9, Hátún 2, Lindargata 60, Njarðargata - bílastæði, Reitur 1.193, Heilsuverndarstöðvarreitur, Laugavegur 7, Smáragata 13, Vitastígur 20, Grettisgata 47A, Laugavegur 58, Efstasund 26, Fossvogsvegur, Laugarnesvegur 68, Mörkin 8, Starmýri 4-8, Andrésbrunnur 2-10, Elliðavatnsblettur 23, Keilufell, Kristnibraut 61-101, Logafold 5, Rafstöðvarvegur 1 A, Vogasel 3, Þórðarsveigur 14-18, Þórðarsveigur 26-30, Tunguháls 3,

Embættisafgreiðslufundur skipulagsfulltrúa Reykjavíkur samkvæmt samþykkt nr. 627/2000.

46. fundur 2002

Ár 2002, föstudaginn 29. nóvember kl. 11:00 var haldinn 46. embættisafgreiðsluf. skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru: Helga Bragadóttir og Bjarnfríður Vilhjálmsdóttir. Eftirtaldir embættismenn gerðu grein fyrir einstökum málum: Ólöf Örvarsdóttir, Ágústa Sveinbjörnsdóttir, Úlfar Másson, Jóhannes Kjarval, Margrét Þormar og Þórarinn Þórarinsson. Fundarritari var Ívar Pálsson.

Þetta gerðist:

1.02 Reitur 1.171.1, Laugavegur, Smiðjustígur, Hverfisgata, Klapparstígur
Að lokinni auglýsingu er lögð fram að nýju tillaga Gylfa Guðjónssonar arkitekts að breyttu deiliskipulagi reits 1.171.1, dags. 15.05.02, sem afmarkast af Laugaveg/Smiðjustíg/Hverfisgötu og Klapparstíg. Málið var í auglýsingu frá 21. júní til 2. ágúst, athugasemdafrestur var til 2. ágúst 2002. Athugasemdabréf bárust frá eigendum íbúða í húsinu nr. 32B við Hverfisgötu, dags. 24.07.02, Hljómalind ehf, dags. 31.07.02.
Frestað. Óskað eftir umsögn hverfisstjóra um uppbyggingarmöguleika.

2.02 Reitur 1.174.0, Vitastígur, Hverfisgata, Barónsstígur og Laugavegur
Að lokinni auglýsingu er lögð fram að nýju tillaga arkitekta Gunnars og Reynis, dags. 08.05.02, að deiliskipulagi reits 1.174.0, sem afmarkast af Vitastíg, Hverfisgötu, Barónsstíg og Laugavegi. Málið var í auglýsingu frá 21. júní til 2. ágúst, athugasemdafrestur var til 2. ágúst 2002. Ein athugasemd barst í tölvupósti frá forstöðumanni eignadeildar Landsbanka Íslands dags. 7.08.02. Einnig lögð fram svör skipulagsfulltrúa við athugasemdum dags. 29.10.02 .
Kynnt.

3.02 Reitur 1.174.2, Grettisgata, Vitastígur, Laugavegur, Barónsstígur
Að lokinni auglýsingu er lögð fram breytt tillaga Arkitekta Gunnars og Reynis, dags. br. 28.11.02, að deiliskipulagi reits 1.174.2, sem afmarkast af Grettisgötu, Vitastíg, Laugavegi og Barónsstíg. Málið var í auglýsingu frá 12. júlí til 23. ágúst, athugasemdafrestur var til 23. ágúst 2002. Athugasemdabréf bárust frá Helga Magnúsi Hermannssyni og Björk Baldursdóttur, Laugavegi 76B og Guðbrandi G. Brandssyni, Laugavegi 76A, mótt. 23.08.02, Guðbrandi Gísla Brandssyni, Laugavegi 76A, mótt. 23.08.02, Helga Magnússyni Hermannssyni og Björk Baldursdóttur, Laugavegi 76B, mótt. 23.08.02 og Gigant ehf byggingarfélagi, dags. 23.08.02. Einnig lögð fram svör skipulagsfulltrúa við athugasemdum, dags. 15.11.02.

Kynnt.

4.02 Bústaðavegur 9, deiliskipulag
Lagt fram að nýju bréf Teiknistofunnar Arkform, dags. í mars 2002 ásamt tillögu, dags. 29.08.02, að deiliskipulagi á lóðinni nr. 9 við Bústaðaveg, mótt. 31.10.02. Einnig lagt fram bréf Orkuveitu Reykjavíkur, dags. 05.04.02.
Frestað. Kynna formanni.

5.02 Hátún 2, Bráðab. stækkun
Lagt fram bréf frá afgreiðslufundi byggingarfulltrúa, dags. 14.11.02, þar sem sótt er um leyfi til þess að byggja timburviðbygginar á 2. hæð ofan á þak yfir austasta hluta Hvítasunnukirkjunnar Fíladelfíu og aðra viðbyggingu yfir inngangi að safnaðarheimili við norðurhlið 2. hæðar á lóð nr. 2 við Hátún, samkv. uppdr. Arko dags. 13.09.02.
Stærð: Viðbygging xxx ferm., xxx rúmm.
Gjald kr. 4.800
Ekki gerð athugasemd við málið frá skipulagslegu sjónarmiði.

6.02 Lindargata 60, breytt deiliskipulag
Lögð fram tillaga Teiknistofunnar Skólavörðustígur 28 sf dags. 18.11.02 að breyttu deiliskipulagi lóðarinnar Lindargötu 60.
Samþykkt að grenndarkynna tillöguna fyrir hagsmunaaðilum að Lindargötu 58 og 62, enda greiði umsækjandi kostnað við breytingar utan lóðar sem nauðsynlegar eru vegna stæðisins austan við húsið.

7.02 Njarðargata - bílastæði, (fsp) afgirt bílastæði
Lagt fram bréf frá afgreiðslufundi byggingarfulltrúa frá 12.11.02. Spurt er hvort leyft yrði að útbúa og reka afgirt vaktsvæði fyrir bíla syðst við Njarðargötu.
Hið afgirta bílastæði yrði sjö þúsund (200 x 35) fermetrar að stærð Bréf umsækjanda dags. 4. nóvember 2002 fylgir erindinu.
Frestað. Óskað eftir umsögn Flugmálastjórnar.

8.02 Reitur 1.193, Heilsuverndarstöðvarreitur, deiliskipulag
Að lokinni kynningu fyrir hagsmunaaðilum er lögð fram að nýju drög að deiliskipulagstillögu Hornsteina arkitekta ehf, dags. í sept. 2002, að deiliskipulagi reits, sem markast af Snorrabraut, Egilsgötu, Barónsstíg og Bergþórugötu (Heilsuverndarreitur). Einnig lögð fram húsakönnun Árbæjarsafns 2002, umsögn Húsafriðunarnefndar, dags. 24.10.02. Lagt fram athugasemdabréf Orkuveitu Reykjavíkur, dags. 04.11.02, bréf íþróttafulltrúa og forstöðumanns Sundhallarinnar, dags. 28.10.02, bréf Félagsþjónustunnar, dags. 05.11.02 og bréf Guðríðar Eggertsdóttur, mótt. 13.11.02.
Athugasemdir kynntar.

9.02 Laugavegur 7, fsp. veitingastaður
Lagt fram að nýju bréf frá afgreiðslufundi byggingarfulltrúa, dags. 31.10.02, þar sem spurt er hvort leyft yrði að innrétta veitingastað í samræmi við meðfylgjandi teikningar M3 arkitekta, dags. 21.10.02, á fyrstu hæð hússins nr. 7 við Laugaveg. Einnig lögð fram umsögn skipulagsfulltrúa, dags. 14.11.02.
Vísað til umsagnar borgarlögmanns

10.02 Smáragata 13, bílskúr
Að lokinni grenndarkynningu byggingarleyfisumsóknar er lagt fram að nýju bréf frá afgreiðslufundi byggingarfulltrúa, dags. 25.09.02, þar sem sótt er um leyfi til þess að rífa eldri bílskúr (matshl. 70, landnr. 102724, fastanr. 200-9255) og byggja nýjan steinsteyptan bílskúr á lóðinni nr. 13 við Smáragötu, samkv. uppdr. Finns Björgvinssonar arkitekts, dags. 16.04.02, breytt 17.09.02.
Útskrift úr gerðabók embættisafgreiðslufundar skipulagsfulltrúa og umsagnir skipulagsfulltrúa dags. 10. maí og 2. sept. 2002 fylgja erindinu. Bréf skrifstofu forseta Íslands dags. 21. ágúst 2002 fylgir erindinu, ásamt bréfi umsækjanda dags. 1.10.02. Málið var í kynningu frá 21. október til 26. nóvember 2002. Athugasemdabréf bárust frá skrifstofu forseta Íslands, dags. 25.11.02 og forsætisráðuneytinu, dags. 25.11.02.
Stærð: Eldri bílskúr 22,8 ferm og 71 rúmm.
Nýr bílskúr 71,2 ferm. og 245,3 rúmm.
Gjald kr. 4.800 + 11.774
Athugasemdir kynntar. Frestað.

11.02 Vitastígur 20, (fsp) hækkun á þaki ofl
Lagt fram bréf frá afgreiðslufundi byggingarfulltrúa, dags. 07.11.02, þar sem spurt er hvort leyft yrði að hækka þak, byggja kvisti á vestur og austurhlið og innrétta íbúðarherbergi á rishæð hússins nr. 20 við Vitastíg.
Íbúðarherbergi á rishæð yrði í eigu íbúðarinnar á annarri hæð hússins, samkv. uppdr. Arnar Þórs Halldórssonar arkitekts, dags. 20.10.02.
Bréf hönnuðar dags. 29. október 2002 fylgir erindinu.
Umboð eiganda dags. 22. október 2002 fylgir erindinu.
Frestað. Hverfisstjóra falið að vinna umsögn.

12.02 Grettisgata 47A, Niðurrif og viðbygging
Lagt fram bréf frá afgreiðslufundi byggingarfulltrúa, dags. 29.08.02, þar semsótt er um leyfi til þess að byggja tröppur og viðbyggingu á norðuhlið húss og breyta innra fyrirkomulagi á báðum hæðum hússins á lóðinni nr. 47A við Grettisgötu, samkv. uppdr. Davíðs Karls Karlssonar byggingarfræðings, dags. 20.08.02.
Jafnframt er sótt um leyfi til þess að rífa geymsluskúr á norðanverðri lóðinni. (matshl. 70, landnr. 101633, fastanr. 200-5474 stærð 15,5 ferm. og 35 rúmm.).
Stærð: Viðbygging xx ferm. og xx rúmm.
Gjald kr. 4.800
Samræmist tillögu að deiliskipulagi sem gert er ráð fyrir að afgreitt verði í næstu viku. Þegar gildistaka deiliskipulagsins hefur verið auglýst má veita byggingarleyfi í samræmi við umsókn.

13.02 Laugavegur 58, (fsp) Kvistur á bakhlið
Lagt fram bréf frá afgreiðslufundi byggingarfullltrúa, dags. 27.11.02, þar sem spurt er hvort leyft yrði að stækka kvist á þaki bakhliðar framhúss í líkingu við fyrirliggjandi teikningu um leið og skipt verður um klæðningu og glugga efri hæða hússins á lóð nr. 58 við Laugaveg.
Ekki gerð athugasemd við erindið.

14.02 Efstasund 26, auka bílastæði
Lagt fram bréf frá afgreiðslufundi byggingarfulltrúa, dags. 27. 11.02, þar sem sótt er um leyfi til þess að koma fyrir bílastæði fyrir tvo bíla í suðvesturhorni lóðarinnar nr. 26 við Efstasund, samkv. uppdr. Teiknistofunnar Háaleiti, ódags. Umsögn gatnamálastjóra dags. 8. maí 2002 (v. fyrirspurnar) og útskrift úr gerðabók embættisafgreiðslufundar skipulagsfulltrúa frá 17. maí 2002 fylgja erindinu. Jafnframt lagt fram samþykki eigenda að Efstasundi 28.
Gjald kr. 4.800
Samþykkt að grenndarkynna umsóknina fyrir hagsmunaaðilum að Efstasundi 27, 28 og 29.

15.02 Fossvogsvegur, fjölbýlishús fyrir eldri borgara
Að lokinni hagsmunaaðilakynningu er lögð fram að nýju forsögn skipulags- og byggingarsviðs dags. 8.10.02. Athugasemdabréf bárust frá eigendum húsa við Árland, dags. 20.11.02, 47 eigendum íbúða og húsa í nágrenninu, dags. 23.11.02, Sigurgísla Eyjólfssyni, Klifveg 2, dags. 23.11.02. Ennfremur lagður fram tölvupóstur Arnars Steinsen dags. 19.11.02.
Athugasemdir kynntar.

16.02 Laugarnesvegur 68, fjölbýlish., 3.h., 3 íb.
Að lokinni grenndarkynningu byggingarleyfisumsóknar er lagt fram að nýju bréf frá afgreiðslufundi byggingarfulltrúa, dags. 11.09.02, þar sem sótt er um leyfi til þess rífa einnar hæðar steinsteypt íbúðarhús, byggja þrílyft steinsteypt íbúðarhús með þremur íbúðum og stytta og breyta bílskúr á lóð nr. 68 við Laugarnesveg, samkv. uppdr. ASK arkitekta Skógarhlíð, dags. 28.08.02. Málið var í kynningu frá 14. október til 12. nóvember 2002. Athugasemdabréf bárust frá íbúum að Laugarnesvegi 70, dags. 07.11.02 og íbúum að Laugarnesvegi 75, dags. 10.11.02. Einnig lögð fram drög að umsögn skipulagsfulltrúa og uppdr. hönnuða dags. 19.11.02 þar sem húsið hefur verið dregið inn um 105 cm.
Stærð: Niðurrif íbúðarhús (fastanr. 201-6865) 86,4 ferm., 233 rúmm.
Fjölbýlishús kjallari 37,4 ferm., 1.-3. hæð 112,3 ferm. hver hæð, samtals 374,3 ferm., 1073,7 rúmm.
Bílskúr var 40 ferm., verður 35,1 ferm.
Gjald kr. 4.800 + 53.953
Kynnt.

17.02 Mörkin 8, stækkun gróðurreits
Lagt fram bréf Viðars Guðjohnsen, dags. 05.11.02, varðandi ósk um stækkun gróðurreits til trjáplönturæktunar.
Neikvætt, ekki talið æskilegt að stækka svæði til gróðurræktunar.

18.02 Starmýri 4-8, fsp. nr. 6 viðbygging
Lagt fram bréf frá afgreiðslufundi byggingarfulltrúa, dags. 31.10.02, þar sem spurt er hvort leyft yrði að byggja við suðurhlið hússins nr. 6 við Starmýri á lóðinni Starmýri 4-8, Safamýri 16-18, samkkv. uppdr. Þjónustu arkitekta, dags. 18.10.02. Bréf hönnuðar dags. 17. október 2002 fylgir erindinu. Einnig lögð fram umsögn skipulagsfulltrúa dags. 18.11.02.
Neikvætt gagnvart hækkun á þaki en jákvætt gagnvart útbyggingu að teknu tilliti til athugasemda sbr. umögn skipulagsfulltrúa.

19.02 Andrésbrunnur 2-10, breyting á byggingarreit
Lagt fram að nýju bréf Kristins Ragnarssonar arkitekts, dags. 08.11.02, varðandi breytingu á byggingarreit á lóðunum nr. 2-10 við Andrésbrunn, samkv. uppdr. Teiknistofunnar Smiðjuvegi 11, dags. 07.11.02.
Jákvætt. Umsækjandi láti, á eigin kostnað, vinna tillögu að breytingu á deiliskipulagi. Grenndarkynna þarf tillöguna þegar hún berst. Huga þarf að hæðarsetningu húss m.t.t. aðlögunnar að landi.

20.02 Elliðavatnsblettur 23, Stækka sumarhús
Lagt fram bréf frá afgreiðslufundi byggingarfulltrúa frá 12.11.02. Spurt er hvort leyft yrði að endurbyggja hluta af og stækka sumarhús í líkingu við fyrirliggjandi skissu á lóðinni nr. 23 við Elliðavatnsblett.
Bréf umsækjanda dags. 25. október 2002 og bréf Orkuveitu Reykjavíkur dags. 16. október 2002 fylgja erindinu.
Frestað. Óskað er eftir afstöðumynd þar sem fram kemur hvar húsið er staðsett.

21.02 Keilufell, deiliskipulag
Að lokinni kynningu fyrir hagsmunaaðilum er lögð fram að nýju drög ALARK arkitekta ehf, dags. 21.08.02, að deiliskipulagi við Keilufell ásamt greinargerð, dags. í ágúst 2002. Athugasemdabréf bárust frá Sigurði Friðrikssyni og Vilborgu Kr. Gísladóttur, Keilufelli 27, dags. 09.09.02, Þór Marteinssyni og Valg. Laufey Einarsdóttur, Keilufelli 14, dags. 24.09.02.
Athugasemdir kynntar. Hverfisstjóra falið að vinna úr athugasemdum með ráðgjöfum.

22.02 Kristnibraut 61-101, breytt deiliskipulag
Lögð fram tillaga Archús ehf. dags. í nóv. 2002 að breyttu deiliskipulagi fyrir Kristnibraut 61-101. Einnig lögð fram samþykki lóðarhafa Kristnibrautar 61-63, 69, 71-73, 75, 77-79, 81-83, 85-87 og 89, mótt. 22.11.02 og lóðarhafa Kristnibrautar 65-67, mótt. 25.11.02.
Samþykkt að grenndarkynna tillöguna fyrir hagsmunaaðilum að Jónsgeisla 29-47, oddatölur.

23.02 Logafold 5, stjórnstöð snjóbræðslu, lóðarafmörkun
Lagt fram bréf Gatnamálastofu, mótt. 25.11.02, varðandi staðsetningug húss fyrir stjórnstöð snjóbræðslu við Logafold 5, samkv. uppdr. Fjarhitunar hf, dags. 25.10.02.
Frestað. Vísað til skipulags- og byggingarnefndar.

24.02 Rafstöðvarvegur 1 A, br. flóttaleið
Lagt fram bréf frá afgreiðslufundi byggingarfulltrúa, dags. 14.11.02, þar sem sótt er um leyfi til þess að breyta flóttaleið við austurhlið jarðhúsa í Ártúnsbrekku þannig að grafið verði frá austurhliðinni, steyptir stoðveggir og sett snjóbræðsla fyrir 2,8 m breiða verönd lárétt frá dyrum að millipalli í einingum 0102 og 0104 meðfram húsunum og út á opið rými í suðaustur á lóð nr. 1A við Rafstöðvarveg, samkv. uppdr. Pk-hönnunar dags. 5.09.02.
Bréf hönnuðar dags. 29. október 2002 og bréf VSI dags. 4. september 2002 fylgja erindinu.
Gjald kr. 4.800
Frestað. Umhverfisstjóra falið að vinna umsögn.

25.02 Vogasel 3, br. í tvær íb. + viðb.
Lagt fram bréf frá afgreiðslufundi byggingarfulltrúa, dags. 14.11.02, þar sem sótt er um leyfi til þess að breyta áður einbýlishúsi í tvíbýlishús með því að innrétta íbúð í áður vinnustofu og leyfi til þess að byggja anddyrisviðbyggingu við norðurhlið 1. hæðar hússins á lóð nr. 3 við Vogasel, samkv. uppdr. Teiknistofunnar Tjarnargötu 4 dags. í okt. 2002.
Samþykki nágranna (á teikningu) fylgir erindinu.
Stærð: Viðbygging xxx ferm., xxx rúmm.
Gjald kr. 4.800 + xxx
Samþykkt að grenndarkynna umsóknina fyrir hagsmunaaðilum að Vogaseli 1, 5, 7, 9 og Ystaseli 24, 26, 28 og 30.

26.02 Þórðarsveigur 14-18, (fsp) fjölgun íbúða
Lagt fram bréf frá afgreiðslufundi byggingarfulltrúa frá 19.11.02. Spurt er hvort leyft yrði að byggja þriggja til fimm hæða steinsteypt fjölbýlishús með 29 íbúðum og bílgeymslu fyrir 25 bíla í líkingu við fyrirliggjandi uppdrætti á lóð nr. 14-18 við Þóðarsveig. Einnig er spurt um staðsetningu skábrautar að bílgeymslu.
Neikvætt að fjölga íbúðum sbr. afgreiðslu skipulags- og byggingarnefndar. Ekki gerð athugasemd við að staðsetja bílgeymslu norðan við hús en hún skal vera að öllu leyti niðurgrafin og fjær lóðarmörkum svo hægt sé að koma gróðri fyrir.

27.02 Þórðarsveigur 26-30, breyting á aðkomu
Lögð fram að nýju tillaga Teiknistofunnar Smiðjuvegi 11, dags. 31.10.02, að breyttri aðkomu að bílakjallara á lóðinni nr. 26-30 við Þórðarsveig.
Jákvætt. Ekki gerð athugasemd við erindið.

28.02 Tunguháls 3, lóð skipt
Lagt fram að nýju bréf frá afgreiðslufundi byggingarfulltrúa, dags. 07.11.02, þar sem sótt er um leyfi til þess að skipta lóðinni Tunguháls 3 upp í tvær lóðir, Tunguháls 1 og Tunguháls 3, sbr. meðfylgjandi teikningar Gunnlaugs Ó. Johnson arkitekts, dags. 03.10.02. Einnig lögð fram umsögn skipulags- og byggingarsviðs dags. 13.11.02.
Gjald kr. 4.800
Jákvætt. Umsækjandi láti vinna tillögu að breytingu á deiliskipulagi, á eigin kostnað, í samráði við embætti skipulagsfulltrúa.