Brunnstígur 5, Einarsnes 21, Grettisgata 42, Laufásvegur 77, Laugavegur 180, Miðborgin, Stakkahlíð , Vesturhlíð 9, Byggðarendi 24, Laugavegur 26, Kristnibraut 91-93, Laugavegur 85,

Embættisafgreiðslufundur skipulagsstjóra Reykjavíkur samkvæmt samþykkt nr. 627/2000.

8. fundur 2002
Ár 2002, föstudaginn 22. febrúar kl. 10:00 var haldinn 8. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 3. 3. hæð. Viðstaddir voru:
Þetta gerðist:

1.02 Brunnstígur 5, (fsp) vinnustofa listmálara
Lagt fram bréf frá afgreiðslufundi byggingarfulltrúa, dags. 06.02.02, þar sem spurt er hvort leyft yrði að byggja vinnustofu á noðvesturlóðamörkum þannig að hún myndi hljóðskerm við Mýrargötu í líkingu við fyrirliggjandi teikningar Jes Einars Þorsteinssonar arkitekts, dags. í janúar 2002, á lóð nr. 5 við Brunnstíg. Bréf hönnuðar dags. 21. janúar 2002 fylgir erindinu.
Synjað að svo stöddu. Samræmist ekki skipulagi. Jafnframt er bent á að ákveðið hefur verið að fara í samkeppni um skipulag svæðisins.Ákvarðandir um beytingu á gildandi skipulagi verða því ekki teknar fyrr en að lokinni samkeppni sem reikna má að geti tekið u.þ.b. 1 ár.
2.02 Einarsnes 21, skipting lóðar, nýbygging
Lagt fram bréf eigenda Einarsness 21, dags. 08.02.02, varðandi skiptingu lóðarinnar Einarsness 21.
Frestað. Óskað eftir umsögn hverfisstjóra.
3.02 Grettisgata 42, (fsp) bílskúr
Lagt fram bréf frá afgreiðslufundi byggingarfulltrúa, dags. 14.02.02, þar sem spurt er hvort leyft yrði að byggja lítinn bílskúr með mænisþaki í suðvesturhorni lóðar nr. 42 við Grettisgötu
Jákvætt. Grenndarkynna þarf erindið berist formleg byggingarleyfisumsókn. Samþykki lóðarhafa þeirra lóða sem skúrinn liggur að þarf að liggja fyrir.
4.02 Laufásvegur 77, (fsp)stærri bílsk. o.fl.
Lagt fram bréf frá afgreiðslufundi byggingarfulltrúa, dags. 14.02.02, þar sem spurt er hvort leyft yrði að byggja tvöfalda bílgeymslu að húshlið í stað lítils bílskúrs nær götu, hafa innangengt í kjallara og nota þak sem verönd ásamt leyfi til þess að setja svalir í þakflöt rislofts einbýlishússins á lóð nr. 77 við Laufásveg, samkv. uppdr. Guðmundar Gunnlaugssonar arkitekts, dags. í janúar 2002.
Frestað. Óskað er eftir umsögn Árbæjarsafns og byggingarlistadeildar (Kjarvalsstaða).
5.02 Laugavegur 180, hækkun
Lagt fram bréf Tekton ehf, dags. 13.02.02, varðandi hækkun hússins á lóðinni nr. 182 við Laugaveg.
Kynna fyrir formanni skipulags- og byggingarnefndar.
6.02 Miðborgin, torg
Lagt fram bréf skrifstofu borgarstjóra, dags. 05.02.02, ásamt tillögu Evu Maríu Jónsdóttur um endurvakningu torganna. Einnig lögð fram umsögn Borgarskipulags, dags. 19.02.02.
Óskað er eftir umsögn umferðardeildar.
7.02 Stakkahlíð , breytinga á deiliskipulagi vegna dreifistöðvar O.R.
Lögð fram tillaga Teiknistofunnar Batterísins, dags. 20.07.01, að breytingu á deiliskipulagi lóðar KHÍ, við Stakkahlíð, vegna staðsetningar dreifistöðvar Orkuveitu Reykjavíkur. Einnig lagt fram samþykki KHÍ, dags. 05.02.02.
Samþykkt að grenndarkynna tillöguna fyrir hagsmunaaðilum að Háteigsvegi 54, Flókagötu 66 og 69 og Óháða söfnuðinum.
8.02 Vesturhlíð 9, Br. bílskýli í bílskúr.
Lagt fram bréf frá afgreiðslufundi byggingarfulltrúa, dags. 14.02.02, þar sem sótt er um leyfi til þess að breyta opnu bílskýli í bílskúr á lóðinni nr. 9 við Vesturhlíð.
Bílskýlinu er lokað með gleri á norður og vesturhlið og með flekahurð á suðurhlið, samkv. uppdr. Ferdinands Alfreðssonar, dags. í janúar 2002.
Stærð: Bílskúr 40,9 ferm. og 124,7 rúmm.
Gjald kr. 4.800 + 5.986
Ekki gerð athugasemd við erindið.
9.02 Byggðarendi 24, viðbygging o.fl
Lagt fram bréf frá afgreiðslufundi byggingarfulltrúa, dags. 14.02.02, þar sem sótt er um leyfi til þess að byggja tveggja hæða steinsteypta viðbyggingu við austur- og norðurhlið og breyta einbýli í tvíbýlishús á lóð nr. 24 við Byggðarenda, samkv. uppdr. Teiknistofunnar ARKO, dags. 17.01.02.
Stærð: Viðbygging samtals xxx ferm., xxx rúmm.
Gjald kr. 4.800
Jákvætt að grenndarkynna þegar gerð hefur verið grein fyrir bílastæðum. Hönnuði bent á að hafa samband við embættið.
10.02 Laugavegur 26, stækkun á þakhæð
Lagt fram bréf Glámu - Kím arkitekta, dags. 06.02.02, varðandi stækkun á þakhæð hússins á Laugavegi 26, samkv. uppdr. dags. 04.02.02.
Neikvætt.
11.02 Kristnibraut 91-93,
Lagt fram bréf Byggingafélags námsmanna, dags. 14.02.02 ásamt tillögu Arkís, dags. 13.02.02 að nýjum námsmannaíbúðum að Kristnibraut 91-93 í Grafarholti.
Kynna fyrir formanni skipulags- og byggingarnefndar.
12.02 Laugavegur 85, ís- og kaffihús
Lagt fram bréf frá afgreiðslufundi byggingarfulltrúa, dags. 30.01.02, þar sem sótt er um leyfi til þess að innrétta veitingasal í tengslum við ísbúð á 1.hæð, starfsmannaaðstöðu í kjallara og byggja verönd yfir hluta af útitröppum meðfram suðurhlið á lóð nr. 85 við Laugaveg, samkv. uppdr. Gunnlaugs Ó. Johnson arkitekts, dags. 14.01.02. Bréf hönnuðar dags. 18. janúar 2002 fylgir erindinu.
Gjald kr. 4.800
Samþykkt að grenndarkynna tillöguna fyrir hagsmunaaðilum að Laugavegi 81, 83, 87, 89, 82, 84 og 86.