Langagerði 1, Langholtsvegur 135, Laugateigur 38, Mosgerði 2, Sólheimar 35, Hverfisgata 71, Lindargata 60, Sólvallagata 80, Suðurhlíð, dreifistöð, Dalhús 2-4, íþróttasvæði Fjölnis, Gvendargeisli 2-12, Rafstöðvarvegur 41, Þorláksgeisli 118, Þórðarsveigur 1-9, Kjalarnes, Jörfagrund 23-39, Bröndukvísl 22, Funahöfði 19, Nauthólsvík/veitingaskáli, Kaplaskjólsvegur 2, Krókháls 10, Norðurstígur 5, Háteigsvegur 19,

Embættisafgreiðslufundur skipulagsstjóra Reykjavíkur samkvæmt samþykkt nr. 627/2000.

44. fundur 2001
Ár 2001, föstudaginn 21. desember kl. 09:45 var haldinn 52. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 3. 3. hæð. Viðstaddir voru: Helga Bragadóttir, Bjarnfríður Vilhjálmsdóttir Þórarinn Þórarinsson og Þorvaldur S. Þorvaldsson. Eftirtaldir aðilar gerðu grein fyrir einstökum málum: Ágústa Sveinbjörnsdóttir, Margrét Þormar og Ólöf Örvarsdóttir. Ritari var Ívar Pálsson.
Þetta gerðist:

1.01 Langagerði 1, Leikskóli, viðb. breytingar
Lagt fram bréf frá afgreiðslufundi byggingarfulltrúa, dags. 20.12.01, þar sem sótt er um leyfi til þess að byggja viðbyggingu við norðurhlið, anddyrisviðbyggingu við 2. hæð suðurhliðar og breyta innra skipulagi leikskólans á lóð nr. 1 við Langagerði, samkv. uppdr. Teiknistofu A.V.J., dags. 22.11.01. Umboð til umsækjanda dags. 27. nóvember 2001 fylgir erindinu.
Stærð: Viðbygging 1. hæð 49,4 ferm., 2. hæð 55,3 ferm., samtals 104,7 ferm., 299,1 rúmm.
Gjald kr. 4.100 + 14.357
Samþykkt að grenndarkynna erindið fyrir hagsmunaaðilum að Hamarsgerði 2, 4, 6 og 8, Langagerði 3, 26 og 28 og Réttarholtsvegi 2.
2.01 Langholtsvegur 135, bílskúr
Lagt fram bréf frá afgreiðslufundi byggingarfulltrúa, dags. 20.12.01, þar sem spurt er hvort leyft yrði að byggja bílskúr á lóðinni nr. 135 við Langholtsveg.
Jákvætt fyrir minni bílskúr. Samþykki lóðarhafa aðliggjandi lóða þarf að liggja fyrir áður en hægt verður að grenndarkynna byggingarleyfisumsóknina.
3.01 Laugateigur 38, (fsp)Sólstofa
Lagt fram bréf frá afgreiðslufundi byggingarfulltrúa, dags. 20.12.01, þar sem spurt er hvort leyft yrði að byggja sólstofu og verönd við vesturhlið hússins nr. 38 við Laugateig í líkingu við það sem sýnt er á meðfylgjandi teikningum, dags. 12.12.01.
Jákvætt með þeim fyrirvara að hönnuður vinni tillöguna innan þess ramma sem gert er ráð fyrir í auglýstri tillögu að deiliskipulagi.
4.01 Mosgerði 2, kvistur
Lagt fram bréf frá afgreiðslufundi byggingarfulltrúa, dags. 20.12.01, þar sem sótt er um leyfi til þess að byggja kvist á norðurhlið hússins á lóðinni nr. 2 við Mosgerði, samkv. uppdr. Arkitektastofu Suðurnesja, dags. 22.11.01, breytt 30.11.01. Jafnframt er útliti norður-, austur- og suðurhliðar breytt og skorsteinn á vesturhlið er felldur út á teikningum. Kvistur er klæddur utan með Steni plötum eða sambærilegu efni..
Stærð: Stækkun kvistur 3,5 ferm. og 15,4 rúmm.
Gjald kr. 4.100 + 739
Hönnuði bent á að hafa sambandi við embættið.
5.01 Sólheimar 35, (fsp) Br versunarhúsn. í íbúðir
Lagt fram bréf frá afgreiðslufundi byggingarfulltrúa, dags. 20.12.01, þar sem spurt er hvort samþykkt yrði að breyta verslunarhúsnæði á fyrstu hæð hússins nr. 35 á lóðinni nr. 29-35 við Sólheima í 2 til 3 íbúðir. Tillögur að útfærslu liggja ekki fyrir.
Jákvætt.
6.01 Hverfisgata 71, kvistur, verönd o.fl.br.
Lagt fram bréf frá afgreiðslufundi byggingarfulltrúa, dags. 19.12.01, þar sem sótt er um leyfi til að breyta innra fyrirkomulagi, útliti og fyrirkomulagi á lóðinni nr. 71 við Hverfisgötu. Skipulagi rishæðar verði breytt, skammbitaloft fjarlægt þannig að opið verði í rjáfur, miðhluta þaks verði lyft sunnanmegin og komið fyrir tveimur gluggum og komið verði fyrir þakglugga að norðanverðu. Jafnframt verði bílastæði fært innar á lóð og komið fyrir verönd við norðvesturhlið hússins, samkv. uppdr. Studio Granda, dags. í nóvember 2001. Í húsinu verði atvinnustarfsemi. Ennfremur er sótt um leyfi fyrir áður gerðum skúr úr bárujárni (matshl. 02) á lóðinni.
Umsögn Borgarskipulags dags. 10. desember 2001, umsögn burðarvirkjahönnuðar dags. 12. des. 2001 fylgir erindinu.
Stækkun: 0,7 ferm. og 5,6 rúmm.
Gjald kr. 4.100 + 229
Samþykkt að grenndarkynna byggingarleyfisumsóknina fyrir hagsmunaaðilum að HVerfisgötu 69, 72, 73 og Lindargötu 58.
7.01 Lindargata 60, flutningshús
Lagt fram bréf Ragnars Atla Guðmundssonar f.h. Innréttinganna ehf, dags. 19.12.01, varðandi flutning húss af lóðinni Aðalstræti 14 á lóðina nr. 60 við Lindargötu.
Umsækjandi þarf að láta vinna uppdrætti vegna erindisins. Kynna fyrir formanni.
8.01 Sólvallagata 80, Fsp. Nýtt fjölbýli.
Lagt fram athugasemdabréf með 19 undirskriftum íbúa við neðanverða Holtsgötu, dags. 15.12.01.
Vísað til umsagnar lögfræðings Borgarskipulags.
9.01 Suðurhlíð, dreifistöð, breyting á deiliskipulagi
Lögð fram tillaga Arkitekta, Ægisgötu 4, dags. 14.12.01, að breytingu á deiliskiplagi á lóð í Suðurhlíðum austan við Fossvogskirkjugarð vegna smádreifistöðvar Orkuveitu Reykjavíkur.
Vísað til skipulags- og byggingarnefndar.
10.01 Dalhús 2-4, íþróttasvæði Fjölnis,
Lögð fram tillaga borgarverkfræðings að lóðarmarkabreytingu íþróttasvæðis Fjölnis í Grafarvogi dags. 12.11.01.
Jákvætt. Vinna þarf tillögu að breytingu á lóðarmörkum.
11.01 Gvendargeisli 2-12, bílastæðakjallari
Lagt fram bréf Kristins Ragnarssonar arkitekts, dags. 20.12.01, þar sem beðið er um að heimilað verði að gera frávik frá skipulagsskilmálum, þannig að bílageymsla sem átti að vera undir húsunum verði komið fyrir út á lóð, samkv. uppdr. Teiknistofunnar Smiðjuvegi 11, dags. 20.12.01.
Rúmast innan skilmála.
12.01 Rafstöðvarvegur 41,
Lagt fram að nýju bréf Elínar Guðlaugsdóttur Hannam, dags. 29.10.01, varðandi byggingu íbúðahúss á lóðinni Rafstöðvarvegur 41. Einnig lagt fram bréf borgarráðs dags. 26.10.1963 og bréf skrifst.stj. borgarverkfræðings, dags. 11.12.01.
Synjað með vísan til umsagnar og landnotkunar AR 1996-2016. Óskað eftir að skrifstofustjóri Borgarverkfræðings leiti eftir samningum við umsækjanda.
13.01 Þorláksgeisli 118, einbýlishús
Sótt er um leyfi til þess að byggja tvílyft steinsteypt einbýlishús með innbyggðri bílgeymslu á lóðinni nr. 118 við Þorláksgeisla. Húsið er einangrað að utan og klætt með múrkerfi.
Stærð: Íbúð 1. hæð 131,1 ferm., 2. hæð 93,1 ferm., bílgeymsla 32,8 ferm.
Samtals 257,0 ferm. og 777,1 rúmm.
Gjald kr. 4.800 + 37.301
Samræmist skipulagi.
14.01 Þórðarsveigur 1-9, breyting á deiliskipulagi
Lagt fram bréf Páls Gunnlaugssonar arkitekts, dags. 07.12.01 fyrir leiguhúsnæði við Þórðarsveig 1-9 og Þorláksgeisla 6-18 og 20-34 í Grafarholti, samkv. uppdr. ASK arkitekta , dags. 26.11.01 og 19.12.01 ásamt bréfum borgarstjóra, dags. 02.10.01, varðandi fyrirheit um úthlutun byggingarsvæðis í Grafarholti. Einnig lagðar fram umsagnir Kanon arkitekta ehf, dags. 12.12.01.
Neikvætt. Vinna þarf tillöguna meira í samræmi við umsögn skipulagshöfundar.
15.01 Kjalarnes, Jörfagrund 23-39, raðhús í fjölbýli
Lagt fram bréf Eyjólfs Bragasonar ark. dags. 09.10.01, varðandi breytingu á raðhúsum í fjölbýlishús á lóðunum nr. 23-27 og 29-39, samkv. uppdr. AN2 arkitekta, dags. 10.04.01, síðast breytt. 11.12.01.
Jákvætt. Kynna fyrir formanni skipulags- og byggingarnefndar og samstarfsráði Kjalarness.
16.01 Bröndukvísl 22, Breyting inni og úti
Lagt fram bréf frá afgreiðslufundi byggingarfulltrúa frá 20.11.01. Sótt er um leyfi fyrir áður gerðum kjallara, stiga í blómaskála og útitröppum við norðurhlið vegna aðgengis að kjallara, útigeymslu með þaki að lóðamörkum í vestur og nýrri girðingu á norðvesturhorni lóðar nr. 22 við Bröndukvísl.
Stærð: Áður gerður kjallari 80,3 ferm., 200,8 rúmm.
Bréf umsækjanda dags. 16. maí 2000 fylgir erindinu svo og bréf borgarstjórnar frá 1. nóvember 2001. Einnig lögð fram umsögn Borgarskipulags dags. 7.7.01, bréf borgarstjórans í Reykjavík frá 02.11.01 og úrskurður Úrskurðarnefndar skipulags- og byggingarmála dags. 27.09.01.
Gjald kr. 4.100 + 8.233
Með vísan til afgreiðslu borgarstjórnar frá 01.11.01 og umsagnar Borgarskipulags þarf umsækjandi að láta vinna tillögu að breytingu á deilskipulagi. Umsækjanda bent á að hafa samband við embættið.
17.01 Funahöfði 19, gistiheimili 1. og 2. hæð
Lagt fram bréf frá afgreiðslufundi byggingarfulltrúa frá 20.11.01. Sótt er um leyfi til að breyta innra fyrirkomulagi á hluta fyrstu og á allri annarri hæð matshluta 05 (matshl. 02 samkvæmt samþykkt 12. júní 2001) á lóðinni nr. 19 við Funahöfða. Jafnframt er sótt um leyfi til að koma fyrir stálstigum við suður- og norðurenda hússins og loka gati í lyfturstokk á fyrstu hæð. Í hinu breytta húsnæði verði rekið gistiheimili. Einnig lagt fram minnisblað byggingarfulltrúa, dags. 26.11.01.
Stækkun: 2,4 ferm.
Gjald kr. 4.100
Synjað m.t.t. afgreiðslu skipulags- og umferðarnefndar varðandi Funahöfða 17 og 17A frá 6. mars 2000. Ákvæði Aðalskipulags Reykjavíkur 1996- 2016, varðandi athafnasvæði, verða ekki skilin svo að skylt sé að veita leyfi fyrir gistiheimilum á athafnasvæðum án tillits til aðstæðna. Það er mat skipulagsstjóra að aðstæður í umhverfi umrædds húsnæðis séu ófullnægjandi fyrir slíka starfsemi. Með samþykki húsnæðisins til íbúðar, hvort heldur sem er til lengri eða skemmri tíma, væri verið að skapa óviðunandi aðstæður til búsetu en það myndi ganga þvert gegn markmiðum skipulags- og byggingarlaga sem fram koma í 1. gr. þeirra. Aðstæður og starfsemi á öðrum lóðum þar sem veitt hefur verið leyfi fyrir gistiheimilum á athafnasvæðum eru ekki sambærilegar þeim sem þarna eru. Slík starfsemi á þessu svæði gengi og gegn hagsmunum annarra lóðarhafa á svæðinu þar sem rekin er gróf atvinnustarfsemi. Jafnframt er vísað til þess að samþykki húsnæðiðsins gengur gegn landnotkun svæðisins sem gert er ráð fyrir í tillögu að Aðalskipulagi Reykjavíkur 2001-2024 og samþykkt hefur verið að auglýsa.
18.01 Nauthólsvík/veitingaskáli, br. á lóðarleigusamningi, söluvagn
Lagt fram bréf skrifst.stj. borgarverkfræðings, dags. 14.02.00, varðandi bráðabirgðahús við enda Hlíðarfótar og rekstur söluvagns á svæðinu. Einnig lagt fram bréf Lyngbergs ehf, dags. 29.12.99.
Kynna fyrir formanni skipulags- og byggingarnefndar.
19.01 Kaplaskjólsvegur 2, lóðarmörk
Lagt fram bréf Hans W. Ólafssonar dags. 16.11.01 varðandi lóðarmörk Kaplaskjólsvegar 2.
Óskað skal eftir fundi með eigendum og furlltrúa félagsbústaða vegna málsins. Lögfræðingi Borgarskipulags falið að senda félagsbústöðum bréf vegna málsins.
20.01 Krókháls 10, (fsp) Gistiheimili á efstu hæð
Lagt fram bréf frá afgreiðslufundi byggingarfulltrúa, dags. 19.09.01, þar sem spurt er hvort leyft yrði að innrétta gistiheimili á efstu hæð hússins nr. 10 við Krókháls. Lagðar fram myndir af húsnæðinu.
Neikvætt m.t.t. afgreiðslu skipulags- og umferðarnefndar varðandi Funahöfða 17 og 17A frá 6. mars 2000. Ákvæði Aðalskipulags Reykjavíkur 1996- 2016, varðandi athafnasvæði, verða ekki skilin svo að skylt sé að veita leyfi fyrir gistiheimilum á athafnasvæðum án tillits til aðstæðna. Það er mat skipulagsstjóra að aðstæður í umhverfi umrædds húsnæðis séu ófullnægjandi fyrir slíka starfsemi. Með samþykki húsnæðisins til íbúðar, hvort heldur sem er til lengri eða skemmri tíma, væri verið að skapa óviðunandi aðstæður til búsetu en það myndi ganga þvert gegn markmiðum skipulags- og byggingarlaga sem fram koma í 1. gr. þeirra. Aðstæður og starfsemi á öðrum lóðum þar sem veitt hefur verið leyfi fyrir gistiheimilum á athafnasvæðum eru ekki sambærilegar þeim sem þarna eru. Slík starfsemi á þessu svæði gengi og gegn hagsmunum annarra lóðarhafa á svæðinu þar sem rekin er gróf atvinnustarfsemi. Jafnframt er vísað til þess að samþykki húsnæðiðsins gengur gegn landnotkun svæðisins sem gert er ráð fyrir í tillögu að Aðalskipulagi Reykjavíkur 2001-2024 og samþykkt hefur verið að auglýsa..
21.01 Norðurstígur 5, Endurnýjun á byggingarleyfi
Lagt fram að nýju bréf frá afgreiðslufundi byggingarfulltrúa, dags. 11.08.00, þar sem sótt er um endurnýjun byggingarleyfis frá 7. maí 1997 (fjögurra íbúða hús nr. 5b) á lóðinni nr. 5 við Norðurstíg, samkv. uppdr. Halldórs Gíslasonar arkitekts, dags. í júní ´95, síðst br. í sept. 2001. Einnig lagt fram bréf húsafriðunarnefndar dags. 24.09.01 og bréf Þormóðs Sveinssonar arkitekts, dags. 15.11.01.
Jákvætt. Frestað. Vantar samþykki meðlóðarhafa.
22.01 Háteigsvegur 19, breyting úti
Sótt er um leyfi til þess að byggja sólpall að suðurhlið húss, koma fyrir leiksvæðum á lóð, brjóta steyptan vegg á suðvesturhlið lóðar og koma þar fyrir tveimur bílastæðum á lóðinni nr. 19 við Háteigsveg.
Lögð fram umsögn gatnamálastjóra dags. 15. október 2001 og umsögn Borgarskipulags dags. 5. nóv. 2001.
Lagt fram bréf eins húseigenda á Háteigsvegi 19, dags. 16. nóvember 2001 þar sem óskað er endurupptöku unsóknar um bílastæði og fleira á lóðinni Háteigsvegur 19. Málinu var synjað af byggingarfulltrúa þann 7. nóvember 2001.
Hverfisstjóra falið að skoða málið.