Þingholtin,
Esja,
Plastsöfnun og breytt hirðutíðni,
Afgreiðslufundir skipulagsfulltrúa Reykjavíkur,
Örfirisey,
Kjalarvogur 12,
Miklabraut/Rauðagerði,
Útivistarsvæði,
Háteigsvegur 1,
Vegamótastígur 7 og 9,
Reitur 1.154.3, Barónsreitur og reitur 1.174.0, Laugavegsreitur,
Reitur 1.154.3, Barónsreitur,
Reitur 1.174.0,
Afgreiðslufundur byggingarfulltrúa,
Laugavegur 4,
Umhverfis- og skipulagsráð,
Aðalskipulag Reykjavíkur 2010-2030: framfylgd,
Umhverfis- og auðlindastefna Reykjavíkurborgar,
Sandskeiðslína-Suðvesturlína,
Dýrahald á opinberum stöðum,
Sóltún 1,
Árbæjarblettur 62/Þykkvibær 21,
Hraunbær 102,
Ferjuvað 1-3,
Ingólfsstræti 2A,
Austurbakki 2, reitur 1 og 2,
Eggertsgata 35,
Hverfisgata 16 og 16A,
Kjalarnes, Melavellir,
112. fundur 2015
Ár 2015, miðvikudaginn 1 júlí kl. 9:09, var haldinn 112. fundur umhverfis- og skipulagsráðs Reykjavíkur. Fundurinn var haldinn að Borgartúni 12 - 14, 7. hæð. Ráðssal.
Viðstaddir voru: Hjálmar Sveinsson, Gísli Garðarsson, Áslaug María Friðriksdóttir, Herdís Anna Þorvaldsdóttir Guðfinna Jóhanna Guðmundsdóttir og Svavar Helgason áheyrnarfulltrúi.
Eftirtaldir embættismenn sátu fundinn: Örn Sigurðsson, Björn Axelsson, Ágústa Sveinbjörnsdóttir, Stefán Finnsson, Magnús Ingi Erlingsson og Marta Grettisdóttir
Fundarritari var Björgvin Rafn Sigurðarson.
Þetta gerðist:
Umsókn nr. 150154
530269-7609
Reykjavíkurborg
Ráðhúsinu 101 Reykjavík
1. Þingholtin, akstur stórra ökutækja um Þingholtin (USK2013020026)
Lagt fram bréf umhverfis- og skipulagssviðs, samgöngudeildar, dags. 11. júní 2015 varðandi akstur stórra ökutækja um Þingholtin, samkvæmt uppdr. umhverfis- og skipulagssviðs, samgöngudeildar, dags. í júní 2015.
Samþykkt með fyrirvara um samþykkt lögreglustjóra Höfuðborgarsvæðisins.
Kristín Soffía Jónsdóttir tekur sæti á fundinum kl. 9:15
Magnea Guðmundsdóttir tekur sæti á fundinum kl. 9:18
Umsókn nr. 140145
590269-5149
Skipulagsstofnun
Laugavegi 166 150 Reykjavík
2. Esja, svifbraut
Lagt fram bréf Skipulagsstofnunar dags. 10. júlí 2014 ásamt skýrslu VSÓ ráðgjafar dags. júní 2014 varðandi svifbraut í Esju. Einnig er lögð fram umsögn umhverfis- og skipulagssviðs dags. 5. ágúst 2014. Lögð fram drög að umsögn umhverfis- og skipulagssviðs, dags. 18. júní 2015 til Skipulagsstofnunar um mögulega matsskyldu svifbrautar í Esju í kjölfar breytinga á framkvæmdalýsingu.
Áslaug María Friðriksdóttir víkur af fundi kl. 9:22
Áslaug María Friðriksdóttir tekur sæti á fundinum að nýju kl. 9:36.
Snorri Sigurðsson verkefnisstjóri tekur sæti á fundinum undir þessum lið.
Umsögn umhverfis- og skipulagssviðs, umhverfisgæða dags. 18. júní 2015 samþykkt.
Umsókn nr. 150023
530269-7609
Reykjavíkurborg
Ráðhúsinu 101 Reykjavík
3. Plastsöfnun og breytt hirðutíðni,
Lögð fram tillaga umhverfis- og skipulagssviðs, umhverfisgæða dags. 26. júní 2015 varðandi plastsöfnun og breytta hirðutíðni. Markmiðið með tillögunni er að auka endurvinnslu plasts og minnka þannig magn urðaðs úrgangs. Í dag er íbúum boðið upp á að skila plasti á grenndar- og endurvinnslustöðvum en gangi þessi tillaga eftir verður jafnframt boðið upp á að íbúar flokki plast í græna tunnu við heimili. Sorphirðan í Reykjavík mun hirða plastið gegn gjaldi á 28 daga fresti að jafnaði. Með frekari flokkun á plasti frá blönduðum úrgangi er fyrirséð að magn í gráum tunnum og spartunnum muni minnka, sérstaklega þar sem plast er um helmingi rúmmálsfrekara en blandaður úrgangur. Til að mæta þessu mun gráa tunnan undir blandaðan úrgang færast úr 10 daga hirðu í 14 daga eins og er í flestum öðrum sveitarfélögum. Einnig mun bláa tunnan undir pappírsefni færast í 28 daga hirðu og spartunnan undir blandaðan úrgang í 14 daga en verður helmingi minni en nú er, þ.e. 120 l í stað 240 l.
Eygerður Margrétardóttir deildarstjóri tekur sæti á fundinum undir þessum lið.
Samþykkt af fulltrúum Samfylkingarinnar Hjálmars Sveinssonar og Kristínar Soffíu Jónsdóttir, fulltrúa Bjartrar framtíðar Magneu Guðmundsdóttur, fulltrúa Vinstrihreyfingarinnar-græns framboðs Gísla Garðarssonar og fulltrúa Framsóknar og flugvallarvina Guðfinnu Jóhönnu Guðmundsdóttur, fulltrúar Sjálfstæðisflokksins Áslaug María Friðriksdóttir og Herdís Anna Þorvaldsdóttir sitja hjá við afgreiðslu málsins og bóka:"Jákvætt er að bjóða íbúum Reykjavíkur upp á nýja valkosti í sorphirðu og að stuðla að því að plastsöfnun aukist. Með tilkomu plast tunnurnar er gert ráð fyrir breytingum á hirðutíðni. Í stað þess að 10 dagar séu á milli hirðu verði þeir 14 í það minnsta. Ekkert liggur fyrir hvernig þær breytingar munu koma við fjölskyldur í Reykjavík. Ekki er ljóst hvernig fara á með þá staðreynd að hluti íbúa, til dæmis þeir sem aðeins nota eina gráa tunnu og munu því fá skerta þjónustu eftir breytingar þar sem sorpið verður hirt á 14 daga fresti í stað 10 daga. Fram að áramótum munu þeir greiða sama gjald fyrir minni þjónustu en ekki er ljóst með framhaldið. Munu gjöld á þessa íbúa lækka að sama skapi eða taka þeir á sig hækkun gjalda í þágu meiri þjónustu fyrir aðra. Ekkert er fjallað um áhrif gjaldskrárbreytinga á fjölskyldur í Reykjavík. Fulltrúar Sjálfstæðisflokksins óskuðu eftir að þær upplýsingar yrðu unnar áður en tillagan yrði samþykkt en meirihlutinn tók ekki undir það."
Fulltrúi Samfylkingarinnar Kristín Soffía Jónsdóttir, fulltrúi Bjartrar framtíðar Magnea Guðmundsdóttir og fulltrúi Vinstrihreyfingarinnar-græns framboðs Gísli Garðarsson bóka: "Græn tunna í Reykjavík fyrir plast verður aukin þjónusta fyrir þá sem hana kjósa og mun gera endurvinnslu aðgengilegri og auðveldari fyrir Reykvíkinga. Ennþá verður tekið við plasti á öllum grenndarstöðvum. Frá og með áramótum verður hirðutíðni jafnframt lengd í 14 daga úr 10 dögum og verður hirðutíðnin þá sú sama í Reykjavík og í öðrum sveitarfélögum á höfuðborgarsvæðinu.
Sorphirðugjöld í Reykjavík eru þjónustugjöld og eru ákvörðuð samkvæmt lögbundinni auglýsingu og mega hvorki skila afgangi né krefjast niðurgreiðslu. Skili breytt hirðutíðni lækkuðum kostnaði þá skilar það sé óhjákvæmilega í lægri sorphirðugjöldum. Líkt og umræða á fundinum leiddi í ljós þá er ekki um að ræða ákvörðun gjaldskrár fyrir næsta ár en ákvarðanir um breytta gjaldskrá eru unnar samhliða fjárhagsáætlun."
Fulltrúar Sjálfstæðisflokksins Áslaug María Friðriksdóttir og Herdís Anna Þorvaldsdóttir bóka
"Upplýsingar sem þessar ættu skilyrðislaust að liggja fyrir áður en ákvörðun er tekin. Ef rétt er að sorphirðugjöld þeirra sem munu fá skerta þjónustu lækki þá er það til góðs. Ekki er hins vegar hægt að lesa það út úr fyrirliggjandi gögnum."
Umsókn nr. 10070
4. Afgreiðslufundir skipulagsfulltrúa Reykjavíkur, fundargerð
Lögð fram fundargerð afgreiðslufundar skipulagsfulltrúa Reykjavíkur dags. 26. júní 2015.
Umsókn nr. 140611 (01.1)
530269-7529
Faxaflóahafnir sf.
Tryggvagötu 17 101 Reykjavík
5. Örfirisey, deiliskipulag
Lagt fram að nýju bréf Faxaflóahafna sf. dags. 14. nóvember 2014 ásamt tillögu Teiknistofu arkitekta Gylfa Guðjónssonar og félaga ehf. dags. 11. nóvember 2014 að deiliskipulagi Örfiriseyjar. Á fundi skipulagsfulltrúa 10. apríl 2015 var tillögunni var vísað til umsagnar verkefnisstjóra og er nú lögð fram að nýju ásamt bréfi Faxaflóahafna dags. 29. júní 2015 og breyttum deiliskipulagsuppdráttum dags. 24. júní 2015.
Hidlur Gunnarsdóttir verkefnisstjóri tekur sæti á fundinum undir þessum lið.
Fulltrúar Samfylkingarinnar Hjálmar Sveinsson og Kristín Soffía Jónsdóttir, fulltrúi Bjartrar framtíðar Magnea Guðmundsdóttir og fulltrúi Vinstrihreyfingarinnar-græns framboðs Gísla Garðarssonar samþykkja að endurauglýsa framlagða tillögu, sbr. 1. mgr. 43. gr. skipulagslaga nr. 123/2010.
Jafnframt er samþykkt að tilkynna þeim aðilum sem áður gerðu athugasemdir við tillöguna um nýja auglýsingu.
Fulltrúar Sjálfstæðisflokksins Áslaug María Friðriksdóttir og Herdís Anna Þorvaldsdóttir sitja hjá við afgreiðsluna og bóka: "Skipulag Örfiriseyjar er betra í þeirri tillögu sem fyrir mistök var auglýst en með þeim breytingum sem meirihlutinn í Reykjavík vill halda til streitu. Þá þarf að ítreka að mun betur mætti vinna með skipulag í Örfirisey. Mjög spennandi tækifæri til uppbyggingar liggja á svæðinu en með því að einskorða sig svo við hafnarsækna starfsemi er ljóst tækifærum fækkar. Örfirisey gæti verið eitt af vinsælustu svæðum í Reykjavík og blönduð byggð ásamt hafnsækinni starfsemi þar myndi styðja mun betur við meginmarkmið aðalskipulags Reykjavíkurborgar en það skipulag sem fyrir liggur."
Fulltrúi Framsóknar og flugvallarvina Guðfinna Jóhanna Guðmundsdóttir situr hjá við afgreiðslu málsins.
Vísað til borgarráðs.
Umsókn nr. 150209 (01.42)
530269-7529
Faxaflóahafnir sf.
Tryggvagötu 17 101 Reykjavík
440703-2590
THG Arkitektar ehf.
Faxafeni 9 108 Reykjavík
6. Kjalarvogur 12, breyting á deiliskipulagi
Kynnt bréf Faxaflóahafna s.f. dags. 13. apríl 2015 ásamt tillögu THG Arkitekta ehf. dags. 10. apríl 2015 að breytingu á deiliskipulagi fyrir lóðina nr. 12 við Kjalarvog. .
Vignir Albertsson skipulagsstjóri Faxaflóahafna tekur sæti á fundinum undir þessum lið.
Kynnt.
Umsókn nr. 150188 (01.82)
7. Miklabraut/Rauðagerði, breyting á deiliskipulagi
Að lokinni auglýsingu er lagt fram að nýju erindi umhverfis- og skipulagssviðs dags. 24. mars 2015 varðandi breytingu á deiliskipulagi norðan Rauðagerðis. Í breytingunni fellst breyting á fyrirkomulagi og staðsetningu á jarðvegmönum, hækkun á núverandi jarðvegsmönum um 1-3 metra, bæta við strætórein í tengslum við biðskýli við Miklubraut o.fl., samkvæmt uppdr. Landmótunar dags. 16. mars 2015. Einnig er lögð fram skýrsla Landmótunar ódags. Tillagan var auglýst frá 8. maí til og með 19. júní 2015. Eftirtaldir aðilar sendu athugasemdir: Birgir Grímsson dags. 1. júní 2015. Einnig er lögð fram umsögn samgöngustjóra dags. 23. júní 2015.
Jón Kjartan Ágústsson verkefnisstjóri tekur sæti á fundinum undir þessum lið.
Samþykkt með vísan til umsagnar samgöngustjóra dags. 23. júní 2015.
Fulltrúar Sjálfstæðisflokksins Áslaug María Friðriksdóttir og Herdís Þorvaldsdóttir bóka eftirfarandi: "Nauðsynlegt er að skoða hönnun strætóreinar og samspil hennar við frárein frá Miklubraut inn á Breiðholtsbraut, ásamt tengingu strætóreinar inn í fráreinina. Umferðarþungi þar er mikill og ljóst að til mikils er að vinna að stuðla að góðu umferðarflæði á þessum stað. Þá myndast oft raðir sem ná langt inn á Miklubraut með tilheyrandi töfum og slysahættu. Því er mikilvægt að nota þetta tækifæri til að leysa þann vanda og auka þar með umferðaröryggi."
Vísað til borgarráðs.
Jón Kjartan Ágústsson verkefnisstjóri tekur sæti á fundinum undir þessum lið.
Umsókn nr. 150331
8. Útivistarsvæði, heildarskipulag
Kynnt heildarskipulagi útivistarsvæða í Reykjavík.
Kynnt.
Umsókn nr. 140621 (01.24.42)
691101-2580
Bakkastaðir eignarhaldsfél ehf.
Blönduhlíð 17 105 Reykjavík
660298-2319
Teiknistofan Tröð ehf
Hávallagötu 21 101 Reykjavík
9. Háteigsvegur 1, breyting á deiliskipulagi
Lögð fram umsókn Bakkastaða eignarhalsfélags ehf. dags. 21. nóvember 2014 varðandi breytingu á deiliskipulagi reits 1.244.2, Egilsborgarreits, vegna lóðarinnar nr. 1 við Háteigsveg. Í breytingunni felst tilfærsla á byggingarlínum, aukning á byggingarmagni o.fl., samkvæmt uppdr. Teiknistofunnar Traðar ehf. dags. 1. júní 2015. Einnig er lagt fram bréf skipulagsfulltrúa til umsækjanda dags. 3. mars 2015 og umsögn Minjastofnunar Íslands dags. 14. apríl 2015.
Hildur Gunnarsdóttir verkefnisstjóri tekur sæti á fundinum undir þessum lið.
Frestað.
Umsókn nr. 150286 (01.17.15)
550305-0380
Reir ehf
Frostaskjóli 9a 107 Reykjavík
500191-1049
Arkþing ehf
Bolholti 8 105 Reykjavík
10. Vegamótastígur 7 og 9, breyting á deiliskipulagi
Lögð fram umsókn Reir ehf. dags. 15. maí 2015 varðandi breytingu á deiliskipulagi reits 1.171.5 vegna lóðanna nr. 7 og 9 við Vegamótastíg. Í breytingunni felst m.a. í að hætt er við að endurreisa gamla steinbæinn á þaki nýbyggingar og hætt er við að færa gamla húsið á Vegamótastíg 9 upp á þak o.fl., samkvæmt uppdr. Arkþings ehf. ódags.
Borghildur Sölvey Sturludóttir tekur sæti á fundinum undir þessum lið.
Samþykkt að auglýsa framlagða tillögu, sbr. 1. mgr. 43. gr. skipulagslaga nr. 123/2010.
Vísað til borgarráðs.
Umsókn nr. 140513 (01.15.43)
611004-2570
Arcus ehf
Lágmúla 7 108 Reykjavík
530269-7609
Reykjavíkurborg
Ráðhúsinu 101 Reykjavík
531006-3210
Rauðsvík ehf.
Lágmúla 7 108 Reykjavík
11. Reitur 1.154.3, Barónsreitur og reitur 1.174.0, Laugavegsreitur, (fsp) skipulag og þróun reita
Kynnt fyrirspurn Tark f.h. ÞG verk, dags. 6. febrúar 2015 varðandi deiliskipulagsdrög og skipulagsforsendur fyrir reit 1.154.3, Barónsreit, og reit 1.174.0, Laugavegsreit skv. greinargerð og tillögum Tark, dags. 5. febrúar 2015. Einnig er kynnt umsögn Minjastofnunar dags. 4. og 25. febrúar 2015.
Umhverfis- og skipulagsráð gerir ekki athugasemdir við að fyrirspyrjandi láti vinna tillögu að breytingu á deiliskipulagi í samræmi við fyrirspurnina, á eigin kostnað.
Umsókn nr. 150370 (01.15.43)
130272-5769
Halldór Eiríksson
Fífusel 26 109 Reykjavík
12. Reitur 1.154.3, Barónsreitur, breyting á deiliskipulagi
Lögð fram umsókn Halldórs Eiríkssonar í umboði eigenda, dags. 29. júní 2015, um breytingu á deiliskipulagi reits 1.154.3, Barónsreits, skv. uppdráttum Tark, mótt. 29. júní 2015. Í breytingunni felst víðtæk breyting á vesturhluta reitsins að undanskilinni lóðinni Hverfisgötu 83, Bjarnarborg.
Halldór Eiríksson fulltrúi Tark og Oddur Víðisson fulltrúi dap ehf. kynna.
Umsókn nr. 150371 (01.17.40)
130272-5769
Halldór Eiríksson
Fífusel 26 109 Reykjavík
13. Reitur 1.174.0, breyting á deiliskipulagi
Lögð fram umsókn Halldórs Eiríkssonar í umboði eigenda, dags. 29. júní 2015, um breytingu á deiliskipulagi reits 1.174.0, sem afmarkast af Vitastíg, Hverfisgötu, Barónsstíg og Laugavegi., skv. uppdráttum Tark, mótt. 29. júní 2015. Breytingin nær til allra lóða á reitnum og umtalsverðar breytingar verða gerðar á lóðarmörkum og nýtingarhlutföllum. Markmið hennar er að styrkja húsavernd og götumyndir eldri húsa á vesturhluta reitsins ásamt því að vernda götumynd Laugavegar í meira mæli en nú er. Samhliða því er uppbygging randbyggðs íbúðarhúsnæðis heimil á miðbiki og austari hluta reitsins umhverfis inngarða.
Halldór Eiríksson fulltrúi Tark og Oddur Víðisson fulltrúi dap ehf. kynna.
Hjálmar Sveinsson víkur af fundi kl. 14:07.
Umsókn nr. 45423
14. Afgreiðslufundur byggingarfulltrúa, Fundargerð
Fylgiskjal með fundargerð þessari er fundargerð afgreiðslufundar byggingarfulltrúa nr. 833 frá 30. júní 2015.
Umsókn nr. 49191 (01.17.130.2)
580215-1300
Laugastígur ehf.
Borgartúni 29 105 Reykjavík
15. Laugavegur 4, Nýbygging/viðbygging
Lagt fram erindi frá afgreiðslufundi byggingarfulltrúa frá 14. apríl 2015 þar sem sótt er um leyfi til að byggja byggingu sem tengir Laugaveg 4 og 6 og Skólavörðustíg 1A, kjallara og tvær hæðir, að mestu úr gleri og verður mhl. 02 á sameinaðri lóð nr. 4 Laugaveg. Einnig er lögð fram umsögn fagrýnihóps ódags. Erindi fylgir umsögn Minjastofnunar Íslands dags. 26. mars 2015. Nýbygging: 884,1 ferm., 3.989,4 ferm. Gjald kr. 9.823
Nikulás Úlfar Másson byggingarfulltrúi tekur sæti á fundinum undir þessum lið.
Kynnt.
Umsókn nr. 150157
16. Umhverfis- og skipulagsráð, náms- og kynnisferð 2015
Kynnt drög að náms- og kynnisferð umhverfis- og skipulagsráðs til Svíþjóðar og Finnlands í september 2015.
Umsókn nr. 150367
17. Aðalskipulag Reykjavíkur 2010-2030: framfylgd, skýrsla um framfylgd
Lögð fram drög að skýrslu um framfylgd Aðalskipulags Reykjavíkur 2010-2030, dags. 29 júní 2015 ásamt mælikvörðum.
Frestað.
Umsókn nr. 150368
18. Umhverfis- og auðlindastefna Reykjavíkurborgar, bæklingur
Lagður fram til kynningar bæklingur um umhverfis- og auðlindastefnu Reykjavíkurborgar ásamt mælikvörðum.
Hrönn Hrafnsdóttir sérfræðingur tekur sæti á fundinum undir þessum lið.
Kynnt.
Umsókn nr. 150366
621079-0189
Efla hf.
Höfðabakka 9 110 Reykjavík
19. Sandskeiðslína-Suðvesturlína, forkynning á undirbúningi framkvæmda
Forkynning á undirbúningi framkvæmda af hálfu Landsnets, áður en kemur til umsóknar um framkvæmdaleyfi fyrir Sandskeiðslínu-Suðvesturlínu.
Haraldur Sigurðsson deildarstjóri tekur sæti á fundinum undir þessum lið.
Ólafur Árnason fulltrúi Eflu kynnir.
Umsókn nr. 150134
530269-7609
Reykjavíkurborg
Ráðhúsinu 101 Reykjavík
20. Dýrahald á opinberum stöðum, tillaga um sjálfsákvörðunarrétt sveitarfélaga um dýrahald á opinberum stöðum (USK2015050053)
Lagt fram bréf borgarstjóra dags. 21. maí 2015 vegna samþykktar borgarstjórnar frá 19. maí 2015 á svohljóðandi tillögu "Borgarstjórn samþykkir að beina þeim tilmælum til ríkisvaldsins að rýmka reglur um hollustuhætti og matvæli svo það sé hverju sveitarfélagi í sjálfsvald sett hvernig það kýs að haga reglum um á hvaða stöðum sé leyfilegt að hafa dýr, svo sem á kaffihúsum, veitingastöðum, líkamsræktastöðvum, samkomuhúsum o.s.frv. Það er réttlætismál að sveitarfélög hafi svigrúm gagnvart eigendum slíkra staða að leyfa dýrahald ef þeir óska."
Einnig er lögð fram umsögn Heilbrigðiseftirlits Reykjavíkur dags. 15. júní 2015.
Umsókn nr. 150250 (01.23.02)
701211-0140
Úrskurðarnefnd umhverfis/auðlin
Skuggasundi 3 101 Reykjavík
21. Sóltún 1, kæra 30/2015, umsögn
Lagt fram bréf úrskurðarnefndar umhverfis- og auðlindamála dags. 5. maí 2015 ásamt kæru dags. 29. apríl 2015 þar sem kært er byggingarleyfi vegna fækkunar á bílastæðum á sameiginlegri lóð og vegna akstursleiðar inn og úr bílageymslu fyrir fjölbýlishúsið að Sóltúni 1-3. Í kærunni er gerð Krafa um stöðvun framkvæmda til bráðabirgða. Einnig er lögð fram umsögn umhverfis- og skipulagssviðs dags. 24. júní 2015.
Umsókn nr. 100449 (04.35.09)
621299-4179
Úrskurðarnefnd skipul/byggmál
Skúlagötu 21 101 Reykjavík
22. Árbæjarblettur 62/Þykkvibær 21, kæra 75/2010, umsögn, úrskurður
Lagt fram bréf úrskurðarnefndar skipulags- og byggingarmála dags. 15. desember 2010 ásamt kæru dags. 8. desember 2010 þar sem kærð er synjun á beiðni um endurauglýsingu á tillögu að breytingu á deiliskipulagi Árbæjar-Seláss vegna lóðarinnar að Þykkvabæ 21 í Reykjavík. Einnig lögð fram umsögn lögfræði og stjórnsýslu, dags. 29. nóvember 2011. Lagður fram úrskurður úrskurðarnefndar umhverfis- og auðlindamála frá 25. júní 2015. Úrskurðarorð: Felld er úr gildi ákvörðun borgarráðs frá 4. nóvember 2010 að synja um breytingu á deiliskipulagi Árbæjar-Seláss vegna lóðarinnar nr. 21 við Þykkvabæ.
Umsókn nr. 140446 (04.34.33)
701211-0140
Úrskurðarnefnd umhverfis/auðlin
Skuggasundi 3 101 Reykjavík
23. Hraunbær 102, kæra 90/2014, umsögn, úrskurður
Lagt fram bréf úrskurðarnefndar umhverfis- og auðlindamála, dags. 15. ágúst 2014 ásamt kæru, dags. s.d. vegna synjunar afgreiðslufundar byggingarfulltrúa 1. júlí 2014 á umsókn um að klæða með báruálklæðningu fjöleignarhúsið Hraunbær 102. Einnig lögð fram umsögn umhverfis- og skipulagssviðs dags. 10. september 2014. Lagður fram úrskurður úrskurðarnefndar umhverfis- og auðlindamála frá 23. júní 2015. Úrskurðarorð: Felld er úr gildi synjun byggingarfulltrúa á umsókn um leyfi til að klæða fjöleignarhúsið Hraunbær 102 með báruálklæðningu.
Umsókn nr. 150303 (04.73.15)
701211-0140
Úrskurðarnefnd umhverfis/auðlin
Skuggasundi 3 101 Reykjavík
24. Ferjuvað 1-3, kæra 26/2015, umsögn, úrskurður
Lagt fram bréf úrskurðarnefndar umhverfis- og auðlindamála, dags. 17. apríl 2015 ásamt kæru þar sem kærð er ákvörðun byggingarfulltrúa á samþykki um breytingar á bílastæði B-17 í bílageymslu við Ferjuvað 1-3 í Reykjavík, ásamt lokaúttekt á húsinu. Einnig lögð fram umsögn skrifstofu sviðsstjóra, dags. 27. maí 2015. Lagður fram bráðabirgðaúrskurður úrskurðarnefndar umhverfis- og auðlindamála frá 22. júní 2015. Úrskurðarorð: Hafnað er kröfu kæranda um stöðvun framkvæmda.
Umsókn nr. 150299 (01.17.0)
701211-0140
Úrskurðarnefnd umhverfis/auðlin
Skuggasundi 3 101 Reykjavík
25. Ingólfsstræti 2A, kæra 28/2015, úrskurður
Lagt fram bréf úrskurðarnefndar umhverfis- og auðlindamála, dags. 24. apríl 2015 ásamt kæru á ákvörðun byggingarfulltrúans í Reykjavík frá 24. mars 2015 að veita leyfi til að byggja veislustofu með þaksvölum við núverandi 3. hæð að Ingólfsstræti 2A, koma fyrir útibekkjum og og gróðurbelti, framlengja lyftu og flóttaleið frá Bankastræti 7 á þaksvölum Gamla Bíós. Í kærunni er gerð krafa um stöðvun framkvæmda. Lagður fram úrskurður úrskurðarnefndar umhverfis- og auðlindamála frá 23. júní 2015. Úrskurðarorð: Hafnað er kröfu kæranda.
Umsókn nr. 150318 (01.11)
450314-0210
Landstólpar þróunarfélag ehf.
Grófinni 1 101 Reykjavík
080455-5269
Pálmar Kristmundsson
Erluás 2 221 Hafnarfjörður
26. Austurbakki 2, reitur 1 og 2, breyting á deiliskipulagi
Lagt fram bréf borgarstjóra dags. 23. júní 2015 vegna samþykktar borgarráðs frá 18. júní 2015 um auglýsingu á breytingu á deiliskipulagi lóðarinnar nr. 2 við Austurbakka.
Umsókn nr. 150313 (01.63.61)
530269-7609
Reykjavíkurborg
Ráðhúsinu 101 Reykjavík
27. Eggertsgata 35, breyting á deiliskipulagi
Lagt fram bréf borgarstjóra dags. 23. júní 2015 vegna samþykktar borgarráðs frá 18. júní 2015 um auglýsingu á breytingu á deiliskipulagi Háskóla Íslands, austurhluta háskólalóðar, vegna lóðarinnar nr. 35 við Eggertsgötu.
Umsókn nr. 150183 (01.17.10)
531200-3140
Teiknistofa ark Gylfi G/fél ehf
Skólavörðustíg 3 101 Reykjavík
28. Hverfisgata 16 og 16A, breyting á deiliskipulagi
Lagt fram bréf borgarstjóra dags. 23. júní 2015 vegna samþykktar borgarráðs frá 18. júní 2015 um breytingu á deiliskipulagi reits 1.171.0 vegna lóðanna nr. 16 og 16A við Hverfisgötu.
Umsókn nr. 150181
471103-2330
Matfugl ehf.
Völuteigi 2 270 Mosfellsbær
500191-1049
Arkþing ehf
Bolholti 8 105 Reykjavík
29. Kjalarnes, Melavellir, breyting á deiliskipulagi
Lagt fram bréf borgarstjóra dags. 23. júní 2015 vegna samþykktar borgarráðs frá 18. júní 2015 um auglýsingu á breytingu á deiliskipulagi jarðarinnar Melavellir á Kjalarnesi.