Afgreiðslufundir skipulagsfulltrúa Reykjavíkur, Austurberg 3, Friggjarbrunnur 51, Guðrúnartún 1, Hlíðarendi, Umhverfis- og skipulagssvið, Visthæfar bifreiðar, Blikastaðavegur 2-8, Afgreiðslufundur byggingarfulltrúa, Skipholt 70, Umhverfisáhrif, Umhverfisstofnun og náttúruverndarnefndir sveitarfélaga, Umhverfis- og skipulagssvið, Umhverfis- og skipulagssvið, Umhverfis- og skipulagssvið, Betri Reykjavík, Betri Reykjavík, Betri Reykjavík, Depluhólar 8, Mánatún 1-17/Sóltún 1-3,

81. fundur 2014
Ár 2014, miðvikudaginn 8. október kl. 09:06, var haldinn 81. fundur umhverfis- og skipulagsráðs Reykjavíkur. Fundurinn var haldinn að Borgartúni 12 - 14, 7. hæð. Ráðssal. Viðstaddir voru: Hjálmar Sveinsson, Magnea Guðmundsdóttir, Júlíus Vífill Ingvarsson, Áslaug Friðriksdóttir, Guðfinna Jóhanna Guðmundsdóttir og Svafar Helgason árheyrnarfulltrúi. Eftirtaldir embættismenn sátu fundinn: Ólöf Örvarsdóttir, Ágústa Sveinbjörnsdóttir, Ólafur Bjarnason, Björgvin Rafn Sigurðarson og Helena Stefánsdóttir. Fundarritari var Örn Sigurðsson.
Þetta gerðist:

Umsókn nr. 10070
1. Afgreiðslufundir skipulagsfulltrúa Reykjavíkur, fundargerð
Lögð fram fundargerð afgreiðslufundar skipulagsfulltrúa Reykjavíkur dags. 3. október 2014.


Umsókn nr. 140282 (04.66.71)
2. Austurberg 3, breyting á deiliskipulagi
Að lokinni auglýsingu er lögð fram að nýju tillaga umhverfis- og skipulagssviðs varðandi breytingu á deiliskipulagi Breiðholts 3, vestur- og miðdeild, vegna lóðarinnar nr. 3 við Austurberg. Í breytingunni felst að komið er fyrir einnar hæðar byggingarreit sunnan við Íþróttahús, heimilt er að koma fyrir millipalli og bílastæðum á lóð fækkar, samkvæmt deiliskipulagsuppdrætti Arkís dags. 4. apríl 2014 og skýringaruppdrætti dags. 8. apríl 2014. Lagður fram tölvupóstur Bjarkar Vilhelmsdóttur dags. 19. ágúst 2014 þar sem óskað er eftir framlengingu á athugasemdarfresti. Tillagan var auglýst frá 14. júlí til og með 15. september 2014. Eftirtaldir aðilar sendu athugasemdir: Guðmundur Kr. Jörundsson dags. 25. ágúst 2014 og breyting 15. september 2014, Ólafur Gylfason dags. 11. september 2014, Guðrún Hrefna Guðmundsdóttir f.h. FB dags. 12. september 2014 og Morten Lange dags., 15. september 2014. Einnig er lögð fram umsögn skipulagsfulltrúa dags. 3. október 2014.

Kristín Soffía Jónsdóttir og Gísli Garðarsson taka sæti á fundinum kl. 09:14.

Björn Ingi Edvardsson verkefnisstjóri situr fundinn undir þessum lið.
Samþykkt með vísan til umsagnar skipulagsfulltrúa dags. 3. október 2014.
Vísað til borgarráðs.
Umsókn nr. 140354 (02.69.31)
660606-2380 111 ehf
Vesturlbr Fífilbrekku 113 Reykjavík
570394-2079 Mansard - Teiknistofa ehf
Hraunbrún 30 220 Hafnarfjörður
3. Friggjarbrunnur 51, breyting á deiliskipulagi
Lögð fram umsókn 111 ehf. dags. 3. júlí 2014 varðandi breytingu á deiliskipulagi Úlfarsárdals vegna lóðarinnar nr. 51 við Friggjarbrunn. Í breytingunni felst hækkun húss um eina hæð og fjölgun bílastæða í kjallara, samkvæmt uppdr. Mansdard- Teiknistofu ehf. dags. 30. maí 2014. Einnig er lögð fram greinargerð Mansard - Teiknistofu dags. 3. maí 2014.

Borghildur Sölvey Sturludóttir verkefnisstjóri situr fundinn undir þessum lið.

Fulltrúar Samfylkingarinnar Hjálmar Sveinsson og Kristín Soffía Jónsdóttir, fulltrúi Bjartrar framtíðar Magnea Guðmundsdóttir og fulltrúi Vinstri hreyfingarinnar Græns framboðs Gísli Garðarsson samþykkja að auglýsa framlagða tillögu, sbr. 1. mgr. 43. gr. skipulagslaga nr. 123/2010.

Fulltrúar Sjálfstæðisflokksins Júlíus Vífill Ingvarsson og Áslaug Friðriksdóttir samþykkja að senda tillöguna í auglýsingu með öllum hefðbundnum fyrirvörum um endanlega afstöðu að loknu auglýsingaferli.

Vísað til borgarráðs.
Umsókn nr. 140489 (01.21.62)
561000-2550 Húsfélagið Sætúni 1
Sætúni 1 105 Reykjavík
440703-2590 THG Arkitektar ehf.
Faxafeni 9 108 Reykjavík
4. Guðrúnartún 1, breyting á deiliskipulagi
Lögð fram umsókn Húsfélagsins Sætúni 1 dags. 16. september 2014 varðandi breytingu á deiliskipulagi Borgartúnsreits vesturs vegna lóðarinnar nr. 1 við Guðrúnartún. Í breytingunni felst fjölgun á bílastæðum, samkvæmt uppdr. THG Arkitekta ehf. dags. 15. september 2014. Einnig er lögð fram greinargerð dags. 8. september 2014. Einnig er lögð fram umsögn skipulagsfulltrúa dags. 29. september 2014.

Margrét Þormar verkefnisstjóri situr fundinn undir þessum lið.
Neikvæð umsögn skipulagsfulltrúa dags. 29. september 2014 samþykkt með atkvæðum fulltrúa Samfylkingarinnar Hjálmars Sveinssonar og Kristínar Soffíu Jónsdóttur, fulltrúa Bjartrar framtíðar Magneu Guðmundsdóttur og fulltrúa Vinstri hreyfingarinnar Græns framboðs Gísla Garðarssonar.

Fulltrúar Sjálfstæðisflokksins Júlíus Vífill Ingvarsson og Áslaug Friðriksdóttir og fulltrúi Framsóknarflokks og flugvallavina Guðfinna Jóhanna Guðmundsdóttir greiddu atkvæði gegn afgreiðslu málsins.
Umsókn nr. 140049 (01.62)
491299-2239 Valsmenn hf.
Laufásvegi Hlíðarenda 101 Reykjavík
670269-2569 Knattspyrnufélagið Valur
Laufásvegi Hlíðarenda 101 Reykjavík
501193-2409 ALARK arkitektar ehf
Dalvegi 18 201 Kópavogur
5. Hlíðarendi, breyting á deiliskipulagi
Að lokinni auglýsingu er lögð fram að nýju umsókn Valsmanna hf. og Knattspyrnufélagsins Valur dags. 4. febrúar 2014 varðandi breytingu á deiliskipulagi Hlíðarenda í Vatnsmýri. Í breytingunni felst fjölgun á íbúðum, aukningu á atvinnuhúsnæði o.fl., samkvæmt uppdr. Alark arkitekta ehf. dags. 28. apríl 2014. Einnig er lögð fram greinargerð Alark arkitekta ehf. dags. 28. apríl 2014 og umsögn Heilbrigðiseftirlits Reykjavíkur dags. 8. ágúst 2014. Tillagan var auglýst frá 27. júní til og með 8. ágúst 2014. Eftirtaldir aðilar sendu athugasemdir: Sigurður Thoroddsen dags. 5. ágúst 2014, Flugbjörgunarsveitin í Reykjavík dags. 7. ágúst 2014, Samtök ferðaþjónustunnar dags. 8. ágúst 2014, Mýflug hf. og læknisfr. þjónusta sjúkraflugs dags. 8. ágúst 2014, Icelandair Group dags. 8. ágúst 2014 og Hjarta í Vatnsmýri dags. 5. ágúst 2014.
Sveinn Óli Pálmarsson frá Vatnaskilum tekur sæti á fundinum og kynnir vatnafar og ofanvatnslausnir á deiliskipulagssvæði Hlíðarenda.
Umsókn nr. 140165
6. Umhverfis- og skipulagssvið, kynjuð fjárhags- og starfsáætlun
Kynning á innleiðingarferli kynjaðrar fjárhags- og starfsáætlunar.

Herdís S. Haraldsdóttir verkefnastjóri og Ásdís Ásbjörnsdóttir mannauðsstjóri taka sæti á fundinum og kynna.
Umsókn nr. 140137
7. Visthæfar bifreiðar, reglur um bílastæði fyrir visthæfar bifreiðar í Reykjavík.
Lagðar fram reglur umhverfis- og skipulagssviðs samgöngudeildar dags. 6. október 2014 um bílastæði fyrir visthæfar bifreiðar í Reykjavík. Einnig er lögð fram umsögn bílastæðanefndar dags. 11. september 2014.

Samþykkt.
Umsókn nr. 140501 (02.4)
581011-0400 Korputorg ehf.
Smáratorgi 3 201 Kópavogur
531107-0550 Arkís arkitektar ehf.
Höfðatúni 2 105 Reykjavík
8. Blikastaðavegur 2-8, (fsp) sjálfafgreiðslu eldsneytisstöð
Lögð fram fyrirspurn Korputorgs ehf. dags. 26. september 2014 varðandi sjálfafgreiðslu eldsneytisstöð á lóðinni nr. 2-8 við Blikastaðaveg, samkvæmt uppdr. Arkís arkitekta ehf. dags. 15. september 2014. Einnig er lagt fram bréf Davíðs Freys Albertssonar f.h. Korputorgs ehf. dags. 25. september 2014 ásamt viðauka og yfirlýsingu ódags.

Björn Ingi Edvardsson verkefnisstjóri situr fundinn undir þessum lið.
Frestað.
Umsókn nr. 45423
9. Afgreiðslufundur byggingarfulltrúa, Fundargerð
Fylgiskjöl með fundargerð þessari eru nr. 797 frá 7. október 2014.


Umsókn nr. 140460 (01.25.52)
710178-0119 Teiknistofan Arkitektar ehf
Brautarholti 6 105 Reykjavík
10. Skipholt 70, málskot
Lagt fram málskot Teiknistofunnar Arkitektar ehf. dags. 2. september 2014 vegna afgreiðslu byggingarfulltrúa frá 15. júlí 2014 um hvort breyta megi skrifstofum á efri hæð atvinnuhússins á lóð nr. 70 við Skipholt í 22 litlar íbúðir til útleigu. Einnig er lögð fram umsögn skipulagsfulltrúa dags. 25. september 2014.

Borghildur Sölvey Sturludóttir verkefnisstjóri situr fundinn undir þessum lið.
Umhverfis- og skipulagsráðs gerir ekki athugasemd við að fyrirspyrjandi láti vinna tillögu að breytingu á deiliskipulagi, á eigin kostnað, með vísan til umsagna skipulagsfulltrúa dags. dags. 25. september 2014.
Umsókn nr. 140102
11. Umhverfisáhrif, frumvarp til laga um mat á umhverfisáhrifum
Lagt fram til kynningar umsögn umhverfis- og skipulagssviðs dags. 1. október 2014 varðandi frumvarp um breytingu á lögum nr. 106/2000, um mat á umhverfisáhrifum, með síðari breytingum (viðaukar, tilkynningarskyldar framkvæmdir, flutningur stjórnsýslu).

Örn Sigurðsson skrifstofustjóri kynnir.
Umsókn nr. 130271
12. Umhverfisstofnun og náttúruverndarnefndir sveitarfélaga, ársfundur
Lagt fram fundarboð á ársfund Umhverfisstofnunar og náttúruverndarnefnda sveitarfélaga sem haldinn verður 6. nóvember 2014 í Rangárþingi eystra.


Umsókn nr. 130185
13. Umhverfis- og skipulagssvið, mánaðaruppgjör janúar til mars 2014
Kynnt uppgjör umhverfis- og skipulagssviðs ES og RK fyrir janúar til júlí 2014.




Umsókn nr. 130118
14. Umhverfis- og skipulagssvið, yfirlit yfir innkaup
Lagt fram yfirlit yfir innkaup umhverfis- og skipulagssviðs á verkum yfir milljón í júlí 2014.

Umsókn nr. 130045
15. Umhverfis- og skipulagssvið, innkaupaskýrsla
Lagt fram yfirlit yfir viðskipti umhverfis- og skipulagssviðs við innkaupadeild í september 2014.


Umsókn nr. 140168
530269-7609 Reykjavíkurborg
Ráðhúsinu 101 Reykjavík
16. Betri Reykjavík, byggja aðrein af Vesturlandsvegi inn í Vínlandsleið Grafarh.
Lögð fram önnur efsta hugmynd septembermánaðar úr flokknum samgöngur "byggja aðrein af Vesturlandsvegi inn í Vínlandsleið Grafarh." sem tekið var af samráðsvefnum Betri Reykjavík þann 30. september 2014 ásamt samantekt af umræðum og rökum. Einnig er lögð fram umsögn umhverfis- og skipulagssviðs samgöngudeildar dags. 3. október 2014.

Umsögn umhverfis- og skipulagssviðs samgöngudeildar dags. 3. október 2014 samþykkt.
Umsókn nr. 140167
530269-7609 Reykjavíkurborg
Ráðhúsinu 101 Reykjavík
17. Betri Reykjavík, stækka bílastæðið við Krónuna í Jafnaseli
Lögð fram efsta hugmynd septembermánaðar úr flokknum framkvæmdir "stækka bílastæðið við Krónuna í Jafnaseli" sem tekið var af samráðsvefnum Betri Reykjavík þann 30. september 2014 ásamt samantekt af umræðum og rökum. Einnig er lögð fram umsögn umhverfis- og skipulagssviðs samgöngudeildar dags. 1. október 2014.

Umsögn umhverfis- og skipulagssviðs samgöngudeildar dags. 1. október 2014 samþykkt.
Umsókn nr. 140162
530269-7609 Reykjavíkurborg
Ráðhúsinu 101 Reykjavík
18. Betri Reykjavík, vægi miðborgar í hverfapottum verði aukið
Lögð fram efsta hugmynd júnímánaðar úr flokknum stjórnsýsla "vægi miðborgar í hverfapottum verði aukið" sem tekið var af samráðsvefnum Betri Reykjavík þann 3. júlí 2014 ásamt samantekt af umræðum og rökum. Einnig er lögð fram umsögn umhverfis- og skipulagssviðs dags. 7. október 2014.

Umsögn umhverfis- og skipulagssviðs dags. 7. október 2014 samþykkt.
Umsókn nr. 140447 (04.64.17)
701211-0140 Úrskurðarnefnd umhverfis/auðlin
Skuggasundi 3 101 Reykjavík
19. Depluhólar 8, kæra 88/2014, umsögn
Lagt fram bréf úrskurðarnefndar umhverfis- og auðlindamála, dags. 11. ágúst 2014 ásamt kæru dags. 6. ágúst 2014 vegna synjunar afgreiðslufundar byggingarfulltrúa 24. júní 2014 á umsókn um samþykki reyndarteikninga húss að Depluhólum 8. Einnig lögð fram umsögn umhverfis- og skiplagssviðs dags. 1. október 2014.


Umsókn nr. 140389 (01.23.02)
701211-0140 Úrskurðarnefnd umhverfis/auðlin
Skuggasundi 3 101 Reykjavík
20. Mánatún 1-17/Sóltún 1-3, kæra 77/2014, umsögn, úrskurður
Lagt fram bréf úrskurðarnefndar umhverfis- og auðlindamála, dags. 21. júlí 2014 ásamt kæru, dags. 18. júlí 2014 vegna byggingarleyfa dags. 28. febrúar 2007 og 26. janúar 2012 fyrir bílageymslu að Mánatúni 3-5, Mánatúni 7-17 og Sóltúni 1-3. Í kærunni er gerð krafa um stöðvun yfirvofandi framkvæmda til bráðabirgða. Einnig lögð fram umsögn umhverfis- og skipulagssviðs dags. 28. júlí 2014. Jafnframt er lagður fram úrskurður úrskurðarnefndar umhverfis- og auðlindamála frá 2. október 2014. Úrskurðarorð: Kærumáli þessu er vísað frá.