Logafold 1, Foldaskóli, Borgartúnsreitir- Norður, Ingólfsgarður, Teigahverfi norðan Sundlaugavegar, Túngötureitur, Álfsnes, Sorpa, Álfsnes, Sorpa, Húsahverfi svæði C, Afgreiðslufundur byggingarfulltrúa, Fjölnisvegur 10, Vesturvallagata 4, Laugavegur 32, Laugavegur 51, Mímisvegur 6, Hvalfjarðarsveit, Skipulagsráð, tillaga.,

Skipulagsráð

175. fundur 2009
Ár 2009, miðvikudaginn 27. maí kl. 09:08, var haldinn 175. fundur skipulagsráðs Reykjavíkur. Fundurinn var haldinn að Borgartúni 12 - 14, 7. hæð. Ráðssal. Viðstaddir voru: Júlíus Vífill Ingvarsson, Ragnar Sær Ragnarsson, Brynjar Fransson, Ingvar Jónsson, Stefán Benediktsson, Guðrún Erla Geirsdóttir og áheyrnarfulltrúinn Magnús Skúlason. Eftirtaldir embættismenn sátu fundinn: Ólöf Örvarsdóttir, Magnús Sædal Svavarsson, Ágúst Jónsson, Ólafur Bjarnason og Marta Grettisdóttir, Auk þess gerðu eftirtaldir embættismenn grein fyrir einstökum málum: Guðfinna Ósk Erlingsdóttir, Margrét Leifsdóttir, Haraldur Sigurðsson Lilja Grétarsdóttir, Margrét Þormar og Bragi Bergsson Fundarritari var Helga Björk Laxdal.
Þetta gerðist:

Umsókn nr. 90077 (02.87.50)
570480-0149 Framkvæmda- og eignasvið Reykja
Borgartúni 10-12 105 Reykjavík
1. Logafold 1, Foldaskóli, breyting á deiliskipulagi vegna boltagerðis
Að lokinni auglýsingu er lögð fram að nýju umsókn Framkvæmda- og eignasviðs Reykjavíkur, dags. 26. febrúar 2009 varðandi breytingu á deiliskipulagi Foldahverfis, fyrsta áfanga, vegna lóðarinnar nr. 1 við Logafold. Í breytingunni felst að gert er ráð fyrir boltagerði við Foldaskóla samkvæmt uppdrætti, dags. 15. janúar 2009. Tillagan var auglýst frá 18. mars til og með 4. maí 2009. Eftirtaldir aðilar sendu athugasemdir: Skæringur M. Baldursson, Logafold 5 dags. 4. maí 2009 og Sigurður Kristjánsson Logafold 17, dags. 4. maí 2009. Einnig lögð fram umsögn skipulagsstjóra dags. 15. maí 2009.
Samþykkt með þeim breytingum sem fram koma í umsögn skipulagsstjóra.
Vísað til borgarráðs.
Umsókn nr. 80568
2. Borgartúnsreitir- Norður, breyting á deiliskipulagi
Að lokinni hagsmunaaðilakynningu er lögð fram að nýju tillaga Hornsteina dags. ágúst 2008 að nýju deiliskipulagi Borgartúnsreits norður samkvæmt meðfylgjandi deiliskipulags- og skýringarmyndum dags. ágúst 2008, breytt 17. amrs 2009. Einnig eru lagðar fram athugasemdir úr hagsmunaaðilakynningu.
Framlögð tillaga að deiliskipulagi Borgartúnsreita Norður dags. 17. mars 2009 skulu vera höfð að leiðarljósi þegar skipulagsyfirvöld fjalla um óskir um uppbygginu á deiliskipulagssvæðinu. Auglýsingu og formlegri samþykkt deiliskipulagsins er frestað tímabundið.
Vísað til borgarráðs.
Umsókn nr. 90063 (01.11.9)
530269-7529 Faxaflóahafnir sf
Tryggvagötu 17 101 Reykjavík
3. Ingólfsgarður, breyting á deiliskipulagi
Á fundi skipulagsstjóra 13. mars 2009 var lagt fram erindi Faxaflóahafna dags. 13. febrúar 2009 varðandi breytingu á deiliskipulagi Austurhafnar. Í breytingunni felst að gert er ráð fyrir byggingarreit fyrir félagsheimili siglingaklúbbsins Brokeyjar samkvæmt uppdrætti VA arkitekta, dags. 9. janúar 2009. Erindinu var vísað til meðferðar hjá verkefnisstjóra miðborgar og er nú lagt fram að nýju.
Einnig lögð fram greinargerð Siglingafélags Reykjavíkur dags. 18. maí 2009.
Kynnt
Umsókn nr. 90100
4. Teigahverfi norðan Sundlaugavegar, forsögn
Lögð fram drög að forsögn skipulags- og byggingarsviðs Reykjavíkur að deiliskipulagi Teigahverfis norðan Sundlaugavegar dags. maí 2009.

Sóley Tómasdóttir tók sæti á fundinum kl. 9:55
Tillaga skipulags- og byggingarsviðs að forsögn samþykkt.
Samþykkt að kynna framlagða forsögn fyrir hagsmunaaðilum á svæðinu.
Umsókn nr. 80622 (01.13.74)
5. Túngötureitur, deiliskipulag, staðgreinireitur 1.137.4
Lögð fram tillaga skipulags- og byggingarsviðs Reykjavíkur dags. 25. maí 2009 að deiliskipulagi Túngötureits. Reiturinn afmarkast af Túngötu, Bræðraborgarstíg Hávallagötu og Hofsvallagötu. Einnig er lögð fram forsögn skipulagsstjóra dags. í desember 2007 og athugasemdir úr forkynningu sem stóð yfir frá 17. des. 2007 til 8. janúar 2008 frá Áshildi Haraldsdóttur, Túngötu 44, Guðrúnu Bjarnadóttur og Ingólfi Hannessyni Hávallagötu 36, Geir Svanssyni Bræðraborgarstíg 23a, Irmu Erlingsdóttur Bræðraborgarstíg 23a, Eddu Einarsdóttur Hávallagötu 48, Haraldi Ólafssyni Hávallagötu 48, Arthur Bogasyni o.fl. Túngötu 40, Elísabetu Þórðardóttur og Einari Gunnarsyni Hávallagötu 34. Einnig er lögð fram orðsending borgarstjóra dags. 22. apríl 2008.

Samþykkt að kynna framlagða tillögu fyrir hagsmunaaðilum á reitnum.
Jafnframt er samþykkt að kynna tillöguna fyrir Hverfisráði Vesturbæjar.
Umsókn nr. 90188
6. Álfsnes, Sorpa, breyting á svæðisskipulagi
Lögð fram matslýsing VSÓ-ráðgjöf, dags. 22. maí 2009 vegna breytinga á svæðisskipulagi á Álfsnes vegna Sorpu.
Skipulagsráð samþykkir að senda framlagða matslýsingu til Skipulagsstofnunar, sbr. 6. gr. laga um umhverfismat áætlana nr. 105/2006.
Umsókn nr. 90187
7. Álfsnes, Sorpa, breyting á aðalskipulagi
Lögð fram matslýsing VSÓ-ráðgjöf, dags. 22. maí 2009 vegna breytinga á Aðalskipulagi Reykjavíkur 2002-2024 á Álfsnesi vegna Sorpu.
Skipulagsráð samþykkir að senda framlagða matslýsingu til Skipulagsstofnunar, sbr. 6. gr. laga um umhverfismat áætlana nr. 105/2006.
Umsókn nr. 90006 (02.84)
8. Húsahverfi svæði C, breyting á skilmálum vegna húsagerðar E8 og E9
Að lokinni auglýsingu er lögð fram að nýju tillaga skipulags- og byggingarsviðs Reykjavíkur dags. 8. janúar 2009 að breytingu á skilmálum deiliskipulags "Húsahverfi Grafarvogur III svæði C", vegna húsagerðarinnar E8 og E9. Breytingin felst í því að hækkun heimildar vegna hámarks byggingarmagns og heimildum til útbygginga er breytt. Tillagan var auglýst frá 2. febrúar til og með 16. mars 2009. Eftirtaldir aðilar sendu inn athugasemdir: Lex Lögmannstofa f.h. eigenda að Suðurhúsum 2, dags. 17. febrúar 2009 og 12. mars, Björn Z. Ásgrímsson og Jónína Sóley Ólafsdóttir, dags. 16. mars 2009. Einnig er lagt fram minnisblað lögfræði og stjórnsýslu dags. 21. mars 2009.
Athugasemdir kynntar.
Frestað.
Umsókn nr. 39955
9. Afgreiðslufundur byggingarfulltrúa, fundargerð
Fylgiskjal með fundargerð þessari er fundargerð nr. 539 frá 26. maí 2009.

Umsókn nr. 39746 (01.19.630.6)
030179-2189 Grímur Alfreð Garðarsson
Fjölnisvegur 10 101 Reykjavík
10. Fjölnisvegur 10, bílskúr, kvistur og fl.
Lagt fram erindi frá afgreiðslufundi byggingarfulltrúa frá 21. apríl 2009 þar sem sótt er um leyfi til að rífa bílskúr, byggja nýjan með tvöföldu bílskýli fyrir framan, til að breyta inngangi og byggja stigahús, byggja kvist og grafa frá og dýpka kjallara og innrétta herbergi í einbýlishúsinu á lóð nr. 10 við Fjölnisveg. Einnig lögð fram umsögn skipulagsstjóra dags. 20. mars 2009.
Stækkun mhl. 01 10 ferm., 260 rúmm. mhl. 02 63,4 ferm., 196,6 rúmm., Samtals 73,4 ferm., 464,6 rúmm.
Gjald kr. 7.700 + 35,774

Samþykkti að grenndarkynna framlagða tillögu fyrir hagsmunaaðilum að Fjölnisvegi 7, 8, 9, 11 og 12 og Bergstaðastræti 73 og 75.

Fulltrúi Vinstri hreyfingarinnar, græns framboðs; Sóley Tómasdóttir og fulltrúar Samfylkingarinnar Stefán Benediktsson, og Guðrún Erla Geirsdóttir sátu hjá við afgreiðslu málsins

Umsókn nr. 38267 (01.13.450.7)
300167-4549 Kristinn Ágúst Halldórsson
Vesturvallagata 4 101 Reykjavík
11. Vesturvallagata 4, viðbygging
Að lokinni grenndarkynningu er lagt fram að nýju erindi þar sem sótt er um leyfi fyrir viðbyggingu á tveim hæðum úr steinsteypu og bárujárnsklæddri timburgrind með timburþaki sbr. fsp. BN036646 við núverandi hús á lóð nr. 4 við Vesturvallagötu. Grenndarkynning stóð frá 19. mars til og með 22. apríl 2009. Eftirtaldir aðilar gerðu athugasemdir: Hadda Þorsteinsdóttir, dags. 21. apríl 2009.
Einnig lögð fram umsögn skipulagsstjóra dags. 7. maí 2009
Frestað.
Með vísan til niðurstöðu í umsögn skipulagsstjóra er ákveðið að vísa byggingarleyfisumsókninni til frekari skoðunar og úrvinnslu við undirbúning að deiliskipulagsvinnu á reitnum.
Umsókn nr. 39906 (01.17.221.3)
020264-5359 Sindri Gunnarsson
Grenimelur 35 107 Reykjavík
420209-1260 Írena Sól ehf
Tryggvagötu 22 101 Reykjavík
12. Laugavegur 32, (fsp) kaffihús/bar fl.2
Lagt fram erindi frá afgreiðslufundi byggingarfulltrúa frá 19. maí 2009 þar sem spurt er hvort opna megi kaffihús/bar í fl. II í húsnæði sem áður hýsti verslunina Noland á jarðhæð í húsi á lóð nr. 32 við Laugaveg. Einnig lögð fram umsögn skipulagsstjóra dags. 25. maí 2009.

Ekki eru gerðar athugasemdir við erindið með vísan til umsagnar skipulagsstjóra.
Útgáfa byggingaleyfis skal þó háð því skilyrði að tryggt sé að veitingastarfssemi verði starfrækt á daginn auk þess sem tryggt verði að útliti hússins verði ekki breytt á neinn hátt m.a. með því að byrgja fyrir glugga. Yfirlýsingu um þetta skal þinglýst á lóðina nr. 32 við Laugaveg.

Umsókn nr. 39866 (01.17.302.4)
660504-2060 Plúsarkitektar ehf
Laugavegi 59 101 Reykjavík
13. Laugavegur 51, (fsp) kaffihús fl. III
Lagt fram erindi frá afgreiðslufundi byggingarfulltrúa frá 19. maí 2009 þar sem spurt er hvort samþykkt verði að innrétta kaffihús með opnunartíma 07-23 virka daga og 07-01í rými 0102 í húsi á lóð nr. 51 við Laugaveg.
Einnig lögð fram umsögn skipulagsstjóra dags. 25. maí 2009.

Ekki eru gerðar athugasemdir við erindið með vísan til umsagnar skipulagsstjóra.
Útgáfa byggingaleyfis skal þó háð því skilyrði að tryggt sé að veitingastarfssemi verði starfrækt á daginn auk þess sem tryggt verði að útliti hússins verði ekki breytt á neinn hátt m.a. með því að byrgja fyrir glugga. Yfirlýsingu um þetta skal þinglýst á lóðina nr. 51 við Laugaveg.
Umsókn nr. 90160 (01.11.96)
480206-1500 Arkitektastofa Pálma Guðm ehf
Hafnarstræti 20 101 Reykjavík
14. Mímisvegur 6, málskot
Lagt fram málskot Pálma Guðmundssonar dags. 24. apríl 2009 vegna afgreiðslu skipulagsstjóra 20. mars 2009. Einnig er lögð fram fyrirspurn lóðarhafa dags. 2. mars 2009 og umsögn skipulagsstjóra dags. 20. mars 2009.
Fyrri afgreiðsla skipulagsstjóra staðfest með vísan til eldri umsagnar.
Umsókn nr. 90172
441200-2340 Landlínur ehf
Jaðri 2 311 Borgarnes
15. Hvalfjarðarsveit, aðalskipulag Hvalfjarðarsveitar 2008-2020
Lagt fram til kynningar og samráðs tillaga Landlína ehf. að Aðalskipulagi Hvalfjarðarsveitar 2008-2020.
Ekki eru gerðar athugasemdir við tillöguna.
Umsókn nr. 90058
16. Skipulagsráð, tillaga., Glaðari gaflar / Gengið að göflunum
Lögð fram tillaga skipulagsráðs dags. 18. febrúar 2009 um glaðari gafla /gengið að göflunum. Einnig er lögð fram forsögn skipulagsstjóra að hugmyndaleit dags. 5. apríl 2009.

Samþykkt að dómnefnd hugmyndaleitar verði skipuð eftirtöldum aðilum; Júlíus Vífill Ingvarsson, Sóley Tómasdóttir, Andri Snær Magnason, Sara Riel og Theresa Himmel.