Afgreiðslufundir skipulagsstjóra Reykjavíkur, Árvað 1, Sóleyjarimi 13, Hlíðarendi við Hlíðarfót, Afgreiðslufundur byggingarfulltrúa, Kjalarnes, Varmidalur, Þjóðhildarstígur, Snorrabraut 60, Reykjavíkurborg, Gamla höfnin, Vesturbær, íþrótta og tómstundastarf, Miðborg, þróunaráætlun, Skipulagsráð, Skipulagsráð, Skipulagsráð, Lambhóll við Þormóðsstaðaveg, Skildinganes, Vesturgata 21, Víðidalur, Fákur, Langholtsvegur/Drekavogur,

Skipulagsráð

152. fundur 2008
Ár 2008, miðvikudaginn 22. október kl. 09:10, var haldinn 152. fundur skipulagsráðs Reykjavíkur. Fundurinn var haldinn að Borgartúni 12-14, 7. hæð. Ráðssalur Viðstaddir voru: Júlíus Vífill Ingvarsson, Sigmundur Davíð Gunnlaugsson, Stefán Þór Björnsson, Svandís Svavarsdóttir, Stefán Benediktsson, Björk Vilhelmsdóttir, Magnús Skúlason, Ólöf Örvarsdóttir, Magnús Sædal Svavarsson, Ágúst Jónsson og Marta Grettisdóttir Auk þess gerðu eftirtaldir embættismenn grein fyrir einstökum málum: . Fundarritari var Helga Björk Laxdal.
Þetta gerðist:

Umsókn nr. 10070
1. Afgreiðslufundir skipulagsstjóra Reykjavíkur, fundargerð
Lögð fram fundargerð afgreiðslufundar skipulagsstjóra Reykjavíkur frá 17. október 2008.

Umsókn nr. 80650 (04.73.44)
560496-2739 Arkitektar Laugavegi 164 ehf
Laugavegi 164 105 Reykjavík
581198-2569 Þ.G. verktakar ehf
Fossaleyni 16 112 Reykjavík
2. Árvað 1, breyting á deiliskipulagi
Lagt fram erindi Glámu Kím arkitekta fh. Þ.G. verktaka dags. 16. október 2008 varðandi breytingu á deiliskipulagi Norðlingaholts vegna lóðarinnar nr. 1 við Árvað. Í breytingunni felst að lóðinni verður skipt í tvær lóðir; annarsvegar íbúðahúsalóð þar sem gert er ráð fyrir níu íbúðum og hins vegar verslunar - og þjónustulóð, samkv. meðfylgjandi uppdrætti og þrívíddarmyndum Glámu Kím dags. 15. október 2008.
Samþykkt að auglýsa framlagða tillögu.
Vísað til borgarráðs.

Umsókn nr. 80428 (02.53.4)
420502-5830 Laugarnes ehf - fasteignarfélag
Lækjartorgi 5 101 Reykjavík
480206-1500 Arkitektastofa Pálma Guðm ehf
Hafnarstræti 20 101 Reykjavík
3. Sóleyjarimi 13, breyting á deiliskipulagi
Að lokinni auglýsingu er lögð fram að nýju umsókn Pálma Guðmundssonar ark. f.h. Laugarnes ehf., dags. 16. júní 2008 um breytingu á deiliskipulagi lóðar nr. 13 við Sóleyjarima skv. uppdrætti dags. 10. júlí 2008. Tillagan var auglýst frá 13. ágúst til og með 24. september 2008. Eftirtaldir aðilar sendu inn athugasemdir:
Kristín Sigmarsdóttir Sóleyjarrima 15 dags. 20. ágúst 2008, Adolf Haraldsson og Erna Eyjólfsdóttir f.h. íbúa í Sóleyjarima 15 og 17 dags. 25. ágúst, Björn J. Guðmundsson f.h. íbúa að Sóleyjarima 1 dags. 7. sept, Kristbjörg Steingrímsdóttir og Baldur Sigurðsson, Sóleyjarima 1, dags. 18. sept.2008, húsfélagið að Sóleyjarima 9, Lárus Örn Óskarsson form., f.h. íbúa, dags. mótt. 19.sept. 2008 (mótt. í Ráðhúsi), Sveinn Blöndal f.h. íbúa í Sóleyjarima mótt. þann 26. sept. 2008, Þórdís T. Þórarinsdóttir, Laufrima 34, dags. 14. okt. 2008.
Athugasemdir kynntar.
Frestað.

Umsókn nr. 80649 (01.62)
670269-2569 Knattspyrnufélagið Valur
Laufásvegi Hlíðarenda 101 Reykjavík
501193-2409 ALARK arkitektar ehf
Dalvegi 18 201 Kópavogur
4. Hlíðarendi við Hlíðarfót, Breyting á deiliskipulagi v/ flóðlýsingar
Lagt fram erindi Knattspyrnufélagsins Vals dags. 16. október 2008 varðandi breytingu á deiliskipulagi á Hlíðarenda. Í breytingunni fest að gert er ráð fyrir tímabundnu leyfi vegna flóðlýsingar við nýgerðan gervigrasvöll á svæði Knattspyrnufélagsins samkv. meðfylgjandi uppdrætti Alark dags. 10. október 2008.
Samþykkt með vísan til a-liðar 12. gr. samþykktar um skipulagsráð.
Samþykkt að falla frá grenndarkynningu þar sem málið varðar einungis hagsmuni lóðarhafa.

Umsókn nr. 39075
5. Afgreiðslufundur byggingarfulltrúa, fundargerð
Fylgiskjal með fundargerð þessari er fundargerð nr. 510 frá 21. október 2008.

Umsókn nr. 60711
641097-2259 Landform ehf
Austurvegi 6 800 Selfoss
6. Kjalarnes, Varmidalur, (fsp) uppbygging
Á fundi skipulagsstjóra 16. maí 2008 voru lagðir fram uppdrættir Landforms, dags. 31. mars 2008 vegna uppbyggingar á landareigninni Varmidalur á Kjalarnesi. Einnig er lögð fram eldri umsögn skipulagsfulltrúa 19. janúar 2007. Erindinu var frestað. Erindið nú lagt fram að nýju ásamt umsögn skipulagsstjóra dags. 18. sept 2008
Ekki eru gerðar athugasemdir við erindið með vísan til og með þeim skilyrðum sem fram koma í umsögn skipulagsstjóra.
Umsókn nr. 80548 (04.11)
590602-3610 Atlantsolía ehf
Lónsbraut 2 220 Hafnarfjörður
260362-6589 Sigríður Magnúsdóttir
Hávallagata 21 101 Reykjavík
7. Þjóðhildarstígur, (fsp) lóð fyrir sjálfsafgreiðslustöð
Á fundi skipulagsstjóra dags. 22. ágúst 2008 var lögð fram fyrirspurn Atlantsolíu ehf dags. 21. ágúst 2008 þar sem spurt er hvort leyft sé að koma fyrir lóð við Þjóðhildarstíg fyrir sjálfsafgreiðslustöð með tvær til þrjár dælur. Óskað er einnig eftir því að útbúin verði ný innkeyrsla frá Reynisvatnsvegi sem einnig getur nýst fyrir hverfisstöð og bílastæði sem gert er ráð fyrir að komið verði þar fyrir. Meðfylgjandi eru uppdrættir dags.19. ágúst 2008. Erindinu var vísað til umsagnar hjá umhverfis- og samgöngusviði Reykjavíkur. Erindið nú lagt fram að nýju ásamt umsögn Umhverfis- og samgöngusviðs dags. 13. október 2008 og umsögn skipulagsstjóra dags. 20. október 2008.
Frestað.
Umsókn nr. 80484 (01.19.34)
100261-3249 Helgi Konráð Thoroddsen
Hjarðarhagi 19 107 Reykjavík
410606-1510 Snorrabraut 60 ehf
Pósthólf 17 121 Reykjavík
8. Snorrabraut 60, breyting á deiliskipulagi
Lagt fram bréf Umhverfis- og samgöngusviðs dags. 30. september 2008 varðandi úttekt á gönguleiðum skólabarna við Austurbæjarskóla samkvæmt beiðni skipulagsráðs 24. september 2008.

Umsókn nr. 80639
9. Reykjavíkurborg, aðgerðaáætlun í fjármálum
Lagt fram bréf borgarstjóra, dags. 8. október 2008, vegna samþykktar borgarstjórnar 7. s.m. á tillögu að aðgerðaáætlun í fjármálum Reykjavíkurborgar.

Umsókn nr. 80373 (01.0)
530269-7529 Faxaflóahafnir sf
Tryggvagötu 17 101 Reykjavík
10. Gamla höfnin, hugmyndasamkeppni
Lagt fram bréf Faxaflóahafna, dags. 11. júní 2008, varðandi tilnefningu fulltrúa í stýrihópi vegna hugmyndasamkeppni um þróun og framtíð skipulagssvæðis Gömlu hafnarinnar frá D-reit og Ingólfsgarði í austri að Eyjargarði í vestri.
Samþykkt að tilnefna Sigmund Davíð Gunnlaugsson í stýrihópinn sem fulltrúa skipulagsráðs í stað Gísla Marteins Baldurssonar.
Umsókn nr. 80616
11. Vesturbær, íþrótta og tómstundastarf, aðstaða
Á fundi skipulagsstjóra 10. október 2008 var lögð fram orðsending borgarstjóra dags. 24. september 2008 varðandi æfingaaðstöðu til íþrótta- og tómstundastarfs í Vesturbæ Reykjavíkur, einnig er lagt fram bréf Knattspyrnufélags Reykjavíkur dags. 18. september 2008. Erindið nú lagt fram að nýju ásamt minnisblaði skipulagsstjóra dags. 16. október 2008.
Minnisblað skipulagsstjóra samþykkt.
Umsókn nr. 970068 (01.1)
12. Miðborg, þróunaráætlun, vinnureglur
Lögð fram tillaga skipulags- og byggingarsviðs dags. 20. október 2008 að endurskoðun Þróunaráætlunar miðborgar.

Þorbjörg Helga Vigfúsdóttir tók sæti á fundinum kl. 10:00
Samþykkt að fela embætti skipulagsstjóra að láta vinna tillögu að breytingu á þróunaráætlun miðborgarinnar í samræmi við framlagt minnisblað.
Umsókn nr. 80653
13. Skipulagsráð, minnisblað v/ skaðabótaskyldu
Lagt fram minnisblað borgarlögmanns dags. 20. október 2008 um mögulega skaðabótaskyldu ef breyta á byggingarmagni sem tilgreint er í deiliskipulagi.

Umsókn nr. 60519
14. Skipulagsráð, starfsdagur
Lögð fram tillaga að dagskrá starfsdags skipulagsráðs þann 27. október 2008.

Umsókn nr. 80638
15. Skipulagsráð, verkefni + Arkitekta
Lagt fram bréf +Arkitekta dags. 1. október 2008 varðandi verkefni á vegum stofunnar.

Sigmundur Davíð Gunnlaugsson vék af fundi kl. 10:50

Umsókn nr. 80560 (01.53.93)
16. Lambhóll við Þormóðsstaðaveg, kæra, umsögn
Lögð fram umsögn Reykjavíkurborgar dags. 2. október 2008 vegna kæru Kristjáns Kristjánssonar dags. 16. ágúst 2008 þar sem kærð ákvörðun byggingarfulltrúans í Reykjavík að aðhafast ekki vegna breytinga á gluggum hússins Lambhóls við Starhaga í Reykjavík.
Umsögn lögfræði og stjórnsýslu samþykkt.
Umsókn nr. 80522 (01.67)
050861-2019 Ingileif Thorlacius
Skildinganes 37 101 Reykjavík
17. Skildinganes, kæra, umsögn, úrskurður
Lagður fram úrskurður úrskurðarnefndar skipulags- og byggingarmála frá 27. ágúst 2008 vegna kæru dags. 25. júlí og 6. ágúst 2008 þar sem kærðar eru aðgerðir Reykjavíkurborgar á grænu svæði milli Bauganess, Bauganestanga og Skildinganess. Úrskurðarorð: Máli þessu er vísað frá úrskurðarnefndinni.

Umsókn nr. 60714 (01.13.60)
18. Vesturgata 21, umsögn úrskurður
Lagður fram úrskurður úrskurðarnefndar skipulags- og byggingarmála frá 16. október ágúst 2008 vegna kæru dags. 10. október 2008 um að veita leyfi fyrir breytingum sem gerðar voru á fjölbýlishúsi á lóðinni nr. 21 við Vesturgötu á meðan byggingu þess stóð.
Úrskurðarorð: Hafnað er kröfu kærenda um ógildingu samþykktar byggingarfulltrúans í Reykjavík.

Umsókn nr. 80409 (04.76)
19. Víðidalur, Fákur, breyting á deiliskipulagi
Lagt fram bréf borgarstjóra, dags. 16. okt. 2008, um samþykkt borgarráðs s.d. um auglýsingu á breytingu á deiliskipulagi fyrir athafnasvæði Fáks í Víðidal.

Umsókn nr. 80418 (01.41.40)
500191-1049 Arkþing ehf
Bolholti 8 105 Reykjavík
20. Langholtsvegur/Drekavogur, deiliskipulag
Lagt fram bréf borgarstjóra, dags. 16. okt. 2008, um samþykki borgarráðs s.d. um deiliskipulag Langholtsvegar og Drekavogs.