Laugavegur 33-35 og Vatnsstígur 4, Landsímareitur, reitur 1.140.4, Skipholt 23, Suðurlandsbraut 14, Afgreiðslufundur byggingarfulltrúa, Suðurlandsbraut 66, Köllunarklettsvegur 3 og 5, Héðinsgata 1, 2 og 3, Afgreiðslufundir Skipulagsfulltrúa Reykjavíkur, Hafnarstræti 21, Tryggvagata 13, Sléttuvegur, Bústaðavegur/Reykjanesbraut,

Skipulagsráð

70. fundur 2006
Ár 2006, miðvikudaginn 25. október kl. 9:10, var haldinn 70. fundur skipulagsráðs Reykjavíkur. Fundurinn var haldinn að Borgartúni 3, 4. hæð. Viðstaddir voru: Hanna Birna Kristjánsdóttir, Óskar Bergsson, Snorri Hjaltason, Stefán Þór Björnsson, Dagur B. Eggertsson, Stefán Benediktsson, Svandís Svavarsdóttir. Eftirtaldir embættismenn sátu fundinn: Birgir Hlynur Sigurðsson, Helga Bragadóttir, Bjarni Þór Jónsson, Ólafur Bjarnason, Ágúst Jónsson og Jón Árni Halldórsson. Auk þess gerðu eftirtaldir embættismenn grein fyrir einstökum málum: Jóhannes Kjarval og Stefán Finnsson. Fundarritari var Helga Björk Laxdal.
Þetta gerðist:

Umsókn nr. 60240 (01.17.21)
581298-3589 Kristinn Ragnarsson,arkit ehf
Suðurlandsbraut 4A 108 Reykjavík
1. Laugavegur 33-35 og Vatnsstígur 4, Reitur 1.172.1, breyting á deiliskipulagi.
Lögð fram tillaga KRark, dags. 25. september 2006, að breytingu á deiliskipulagi á reit 1.172.1, ásamt skuggavarpi, vegna Laugavegs 33-35 og Vatnsstígs 4, mótt. 12. október 2006.

Ólafur F. Magnússon tók sæti á fundinum kl. 9:16
Samþykkt að kynna framlagða tillögu fyrir hagsmunaaðilum á svæðinu.

Ólafur F. Magnússon, áheyrnarfulltrúi frjálslyndra og óháðra óskaði bókað;
Ég leggst nú sem fyrr eindregið gegn fyrirhuguðu niðurrifi húsanna nr. 33-35 við Laugaveg sem og annarra gamalla húsa við Laugaveg milli Vatnsstígs og Frakkastígs og eru hluti gamallar götumyndar Laugavegarins. Ég minni á tillögur F-listans í borgarstjórn á árinu 2005 sem beindust gegn fyrirhuguðu niðurrifi. Jafnframt minni ég á ályktun Torfusamtakanna frá þeim tíma um að varðveita beri gamla götumynd Laugavegarins milli Vatnsstígs og Frakkastígs og húsin nr. 33, 35, 41 og 45 eru hluti af.
Umsókn nr. 60691 (01.14.04)
130865-3489 Ívar Örn Guðmundsson
Ægisíða 52 107 Reykjavík
2. Landsímareitur, reitur 1.140.4, breyting á deiliskipulagi
Lögð fram tillaga Nexus arkitekta, dags. 18. október 2006 að breytingu á deiliskipulagi reits 1.140.4, Landsímareits.
Samþykkt að auglýsa framlagða tillögu.
Vísað til borgarráðs.
Umsókn nr. 60505 (01.25.01)
480206-1500 Arkitektastofa Pálma Guðm ehf
Hafnarstræti 20 101 Reykjavík
660196-3589 Parket ehf
Síðumúla 25 108 Reykjavík
3. Skipholt 23, breyting á deiliskipulagi
Að lokinni grenndarkynningu er lögð fram að nýju tillaga Arkitektastofu Pálma Guðmundssonar, dags. 30. júní 2006, að breytingu á deiliskipulagi á lóðinni nr. 23 við Skipholt. Kynningin stóð yfir frá 13. september til og með 11.október 2006. Athugasemdabréf barst frá Ólafi Thóroddsen f.h. Skeifunnar ehf., dags. 3.október 2006. Einnig er lögð fram umsögn skipulagsfulltrúa um athugasemdir, dags. 13. október 2006.
Samþykkt með vísan til a-liðar 13. gr. samþykktar um skipulagsráð og umsagnar skipulagsfulltrúa.
Umsókn nr. 60684 (01.26.31)
4. Suðurlandsbraut 14, breyting á deiliskipulagi
Lagt fram bréf KR ark, dags. 15. október 2006, ásamt uppdráttum, dags. 26.september 2006 varðandi breytingu á deiliskipulagi lóðar nr. 14 við Suðurlandsbraut ásamt tillögu að breytingu á deiliskipulagi Suðurlandsbrautar, Hallarmúla, Ármúla og Vegmúla.
Samþykkt að auglýsa framlagða tillögu.
Vísað til borgarráðs.
Umsókn nr. 34886
5. Afgreiðslufundur byggingarfulltrúa, fundargerð
Fylgiskjal með fundargerð þessari er fundargerð nr. 417 frá 24. október 2006.

Umsókn nr. 34836 (01.47.140.2)
600169-6109 Heilbrigðis-/tryggingamálaráðun
Vegmúla 3 150 Reykjavík
570480-0149 Framkvæmdasvið Reykjavíkurborga
Skúlatúni 2 105 Reykjavík
6. Suðurlandsbraut 66, hjúkrunarheimili með 110 herbergjum
Sótt er um leyfi til þess að byggja hjúkrunarheimili með 110 hjúkrunarrýmum sem steinsteypta byggingu einangraða að utan og klædda með múrkerfi, marmarasalla og álplötum á allt að fjórum hæðum auk kjallara og lagnakjallara á lóð nr. 66 við Suðurlandsbraut.
Brunahönnun Hönnunar dags. í september 2006 og hljóðvistarskýrsla Hönnunar dags. í september 2006 fylgja erindinu.
Stærð: Hjúkrunarheimili lagnakjallari 416,5 ferm., kjallari 1713,6 ferm., 1. hæð 1558,6 ferm., 2. hæð 1563,3 ferm., 3. hæð 1563,3 ferm., 4. hæð 1140,1 ferm., samtals 7955,4 ferm., 29902,9 rúmm. Innkeyrsla og o.fl. (B-rými) samtals 663,4 ferm., 2465 rúmm.
Gjald kr. 6.100 + 1.974.442
Ráðið gerir ekki athugasemd við að veitt verði byggingarleyfi þegar teikningar hafa verið lagfærðar í samræmi við athugasemdir á umsóknareyðublaði.
Málinu vísað til afgreiðslu byggingarfulltrúa.
Umsókn nr. 50494 (01.32.8)
660702-2530 GP-arkitektar ehf
Litlabæjarvör 4 225 Álftanes
7. Köllunarklettsvegur 3 og 5, Héðinsgata 1, 2 og 3, (fsp) Kassagerðarreitur
Lögð fram fyrirspurn GP arkitekta, dags. 18. október 2006 ásamt tillögu að uppbyggingu, dags. ágúst 2006. Einnig lögð fram greinargerð/drög að forsögn skipulagsfulltrúa dags. 30. september 2005 og bréf hafnarstjórnar Faxaflóahafna, dags. 16. janúar 2006.
Tillögunni er vísað til umsagnar stjórnar Faxaflóahafna og Framkvæmdaráðs vegna umferðarmála.
Umsókn nr. 10070
8. Afgreiðslufundir Skipulagsfulltrúa Reykjavíkur, fundargerð
Lögð fram fundargerð afgreiðslufundar skipulagsfulltrúa Reykjavíkur frá 20. október 2006.

Umsókn nr. 60672 (01.11.850.4)
700485-0139 Minjavernd hf
Pósthólf 1358 121 Reykjavík
9. Hafnarstræti 21, Ziemsen húsið, endurbygging og ný staðsetning
Lagt fram bréf borgarstjóra f.h. borgarráðs, dags. 6.október 2006, varðandi erindi Sigurðar Áss Grétarssonar og Kristjáns S. Kristjánssonar, dags. 19. september 2006, um kaup á Ziemsen húsi er áður stóð við Hafnarstræti 21og úthlutun lóðar fyrir húsið. Einnig lagt fram erindi Minjaverndar, dags. 5.október 2006, um fyrirkomulag endurbyggingar og tillögur að nýrri staðsetningu Ziemsen hússins. Lögð fram umsögn skipulagsfulltrúa, dags. 20.október 2006.
Skipulagsráð telur að ef nýta á Ziemsen húsið sem íbúðarhúsnæði geti það farið ágætlega við Seljaveg eða Mýrargötu en vísar að öðru leyti til umsagnar skipulagsfulltrúa.
Vísað til borgarráðs.
Umsókn nr. 60667 (01.11.74)
10. Tryggvagata 13, lóðarumsókn UMFÍ
Lagt fram bréf borgarstjóra, dags. 9 október 2006 þar sem óskað er umsagnar skipulagsráðs um erindi Ungmennafélags Íslands, dags. 20. september 2006, um aðstöðu fyrir nýjar höfuðstöðvar samtakanna í Reykjavík. Einnig lögð fram umsögn skipulagsfulltrúa, dags. 18. október 2006
Skipulagsráð telur mikilvægt að byggja á umræddum reit í samræmi við landnotkun Aðalskipulags Reykjavíkur, en vísar að öðru leyti til þeirra atriða sem fram koma í umsögn skipulagsfulltrúa vegna fyrirliggjandi erindis.
Vísað til borgarráðs.
Umsókn nr. 50393 (01.79)
11. Sléttuvegur, kæra, úrskurður
Lagður fram úrskurður úrskurðarnefndar skipulags- og byggingarmála frá 17. október 2006, varðandi kæru á samþykkt borgarráðs 10. febrúar 2005 á tillögu að breyttu aðalskipulagi Reykjavíkur er fól í sér að hluta svæðis fyrir þjónustustofnanir vestan Háaleitisbrautar, milli Sléttuvegar og Bústaðavegar, var breytt í íbúðasvæði.
Úrskurðarorð: Máli þessu er vísað frá úrskurðarnefndinni.

Umsókn nr. 60696 (01.82.6)
570480-0149 Framkvæmdasvið Reykjavíkurborga
Skúlatúni 2 105 Reykjavík
12. Bústaðavegur/Reykjanesbraut, mislæg gatnamót, kynning
Lagt fram bréf aðstoðarsviðsstjóra Framkvæmdasviðs, dags. 20.10.06, varðandi mislæg gatnamót Reykjanesbrautar og Bústaðavegar.
Stefán Finnsson kynnti frumdrög að útfærslu gatnamóta Reykjanesbrautar og Bústaðavegar.

Fulltrúar Vinstri grænna og Samfylkingarinnar óskuðu bókað:
Kynntar tillögur um mislæga lausn á umræddum gatnamótum eru verulega umdeilanlegar. Væntanlegar lausnir þarf að skoða í samhengi við umferðarskipulag höfuðborgarinnar í heild, yfirstandandi endurskoðun á aðalskipulagi borgarinnar en ekki síst rík umhverfissjónarmið í nágrenni Elliðaáa.

Ólafur F. Magnússon, áheyrnarfulltrúi Frjálslyndra og óháðra óskaði bókað:
Við hönnun mislægra gatnamóta Bústaðarvegar og Reykjanesbrautar er nauðsynlegt að hafa umferðaröryggi í huga, bæði almennt og innan Bústaðahverfis. Leggja þarf áherslu á sem minnsta röskun umhverfis m.t.t. hávaða- og sjónmengunar Sérstaklega þarf að forðast lausnir sem lyfta umferðinni í umhverfinu eða auka um of umferðarþunga í Bústaðahverfi. Vinstri beygja til norðurs frá Bústaðarvegi við Reykjanesbraut er að mínu mati nauðsynleg með tilliti til umferðaröryggis í Bústaðahverfi og slík beygja virðist geta rýmst innan mislægra gatnamóta Bústaðavegar og Reykjanesbrautar.