Blönduhlíð 17, Búland 1-31 2-40, Fálkabakki 1, Fálkaborg, Eirhöfði 18, Hestháls, Krókháls 5-5G, Mosfellsbær, Tunguháls 2, Skeljanes 6, Silfratjörn 6-18, Grettisgata 41, Korngarðar 13, Landakotsreitur, Snorrabraut 54, Snorrabraut 60, Gerðarbrunnur 46, Seljavegur 1, Vitastígur 9, Vitastígur 9A, Dyngjuvegur 18, Flugvöllur, Grandagarður 1B, Karfavogur 25, Nesvegur 65, Réttarholtsvegur 21-25, Sogavegur 104, Túngata 15, Veghús 21-29, Arnarhlíð 2, Ofanleiti 1, Verslunarskóli Íslands, Ægisgata 7, Flugvöllur, Kjósarhreppur,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

871. fundur 2022
Ár 2022, föstudaginn 3. júní kl. 10:10, hélt skipulagsfulltrúi Reykjavíkur 871. embættisafgreiðslufund sinn til afgreiðslu mála án staðfestingar skipulags- og samgönguráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Borghildur Sölvey Sturludóttir og Helena Stefánsdóttir. Eftirtaldir embættismenn kynntu mál á fundinum: Brynja Kemp Guðnadóttir, Björn Ingi Edvardsson, Birkir Ingibjartsson, Sólveig Sigurðardóttir og Olga Guðrún B Sigfúsdóttir. Ritari var Erna Hrönn Geirsdóttir.
Þetta gerðist:

1.22 Blönduhlíð 17, (fsp) stækkun á kvisti og setja nýjar svalir
Lögð fram fyrirspurn Kristjáns Bjarnasonar dags. 19. apríl 2022 um stækkun á kvisti hússins á lóð nr. 17 við Blönduhlíð og setja nýjar svalir á ris hússins, samkvæmt uppdráttum Arkitektastofunnar Austurvöllur dags. 8. apríl 2022. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 2. júní 2022.

Umsögn skipulagsfulltrúa, dags. 2. júní 2022, samþykkt.
2.22 Búland 1-31 2-40, (fsp) nr. 1 - bílastæði
Á embættisafgreiðslufundi skipulagsfulltrúa 31. maí 2022 var lögð fram fyrirspurn Guðjóns Þóris Sigfússonar dags. 3. maí 2022 um að setja bílastæði að Búlandi 1, lóð nr. 1-31 og 2-40 við Búland, með aðkomu frá Búlandi. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 2. júní 2022.

Neikvætt, með vísan til umsagnar skipulagsfulltrúa dags. 2. júní 2022.
3.22 Fálkabakki 1, Fálkaborg, breyting á deiliskipulagi
Á embættisafgreiðslufundi skipulagsfulltrúa 9. maí 2022 var lögð fram tillaga umhverfis- og skipulagssviðs að breytingu á deiliskipulagi Breiðholts I vegna lóðarinnar nr. 1 við Fálkabakka. Í breytingunni felst stækkun á skipulagssvæði til norðurs, stækkun á leikskólalóð og núverandi byggingarreit leikskólans ásamt því að bætt er við byggingarreit fyrir tímabundna kennslustofu, samkvæmt uppdr. Landslags dags. 5. maí 2022. Erindinu var vísað til meðferðar hjá verkefnisstjóra og er nú lögð fram að nýju.

Vísað til skipulags- og samgönguráðs til afgreiðslu.

4.22 Eirhöfði 18, Köld skemma
Lagt fram erindi frá afgreiðslufundi byggingarfulltrúa frá 31. maí 2022 þar sem sótt er um leyfi til að reisa kalda skemmu fyrir aflestun á vörum og að setja nýja glugga á austurhlið húss á lóð nr. 18 við Eirhöfða.



Vísað til umsagnar verkefnisstjóra.
5.22 Hestháls, (fsp) aðstaða fyrir bílasölu
Á embættisafgreiðslufundi skipulagsfulltrúa 31. maí 2022 var lögð fram fyrirspurn Landmótunar sf. dags. 10. maí 2022 ásamt bréfi dags. 5.maí 2022 um aðstöðu fyrir bílasölu við Hestháls um er að ræða opið svæði við Vesturlandsveg gegnt Hesthálsi 6-10. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 3. júní 2022.

Neikvætt, með vísan til umsagnar skipulagsfulltrúa dags. 3. júní 2022.
6.22 Krókháls 5-5G, (fsp) fjölgun bílastæða
Á embættisafgreiðslufundi skipulagsfulltrúa 31. maí 2022 var lögð fram fyrirspurn Pawel Kowalczyk dags. 10. maí 2022 um fjölgun bílastæða á lóð nr. 5-5G við Krókháls samkvæmt skissu á yfirlitsmynd. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 3. júní 2022.

Neikvætt, með vísan til umsagnar skipulagsfulltrúa dags. 3. júní 2022.
7.22 Mosfellsbær, tillaga að nýju deiliskipulagi - Verslunar-, þjónustu- og athafnasvæði á Blikastaðalandi í Mosfellsbæ
Lagt fram erindi Mosfellsbæjar dags. 1. júní 2022 þar sem kynnt er tillaga að nýju deiliskipulagi suðvestur af Blikastaðalandi. Fyrirhugað er að reisa byggð fyrir atvinnukjarna, þar sem áhersla er á sjálfbærni og samnýtingu, náttúru og aðlaðandi umhverfi. Samgönguás borgarlínu mun liggja í gegnum skipulagssvæðið. Deiliskipulagssvæðið er um 16,9 ha og afmarkast af Vesturlandsvegi, Korpúlfsstaðavegi, Korpu og sveitarfélagamörkum Reykjavíkur og Mosfellsbæjar. Athugasemdafrestur er frá 2. júní til og með 29. júlí 2022.
Vísað til umsagnar verkefnisstjóra og skrifstofu samgöngustjóra.
8.22 Tunguháls 2, breyting á deiliskipulagi
Á embættisafgreiðslufundi skipulagsfulltrúa 19. maí 2022 var lögð fram umsókn Landspítalans dags. 28. mars 2022 varðandi breytingu á deiliskipulagi Hálsahverfis vegna lóðarinnar nr. 2 við Tunguháls. Í breytingunni felst stækkun á byggingarreit til austurs og gera nýjan byggingarreit á sunnanverðri lóðinni fyrir hjólaskýli, samkvæmt uppdr. THG arkitekta ehf. dags. 25. mars 2022. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu fyrir hagsmunaaðilum að Kletthálsi 1, 1a og 3.
Erindið verður grenndarkynnt þegar umsækjandi hefur greitt fyrir grenndarkynningu sbr. 7.6. gr., sjá gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.
9.22 Skeljanes 6, (fsp) tvöfaldur bílskúr/vinnustofa
Lögð fram fyrirspurn Ásgeirs Jóels Jacobsonar dags. 24. maí 2022 um að setja tvöfaldan bílskúr/vinnustofu á lóð nr. 6 við Skeljanes, samkvæmt skissu ódags.

Vísað til umsagnar verkefnisstjóra.
10.22 Silfratjörn 6-18, breyting á deiliskipulagi
Lögð fram umsókn Jakobs Emils Líndal dags. 30. maí 2022 varðandi breytingu á deiliskipulagi Úlfarsárdals vegna lóðarinnar nr. 6-18 við Silfratjörn. Í breytingunni felst að fyrirkomulag lóða í reit B við Silfratjörn er breytt þannig að húsagata færist til norðurs þannig að húsalóðir Silfratjarnar 6-18 stækka og bílastæði færast inn á lóð í stað þess að vera á sameiginlegri eignalóð, samkvæmt uppdr. ALARK arkitekta ehf. dags. 23. maí 2022.

Vísað til meðferðar hjá verkefnisstjóra.
11.22 Grettisgata 41, (fsp) breyting á deiliskipulagi
Lögð fram fyrirspurn Martina Peony Wiedemann dags. 24. maí 2022 ásamt bréfi dags. 25. maí 2022 um breytingu á deiliskipulagi reits 1.173.1, Timburhúsareits, vegna lóðarinnar nr. 41 við Grettisgötu sem felst í að heimilt verði að byggja stakstætt hús, nyrst á lóðinni, í stað viðbyggingar ásamt því að heimild fyrir hækkun á núverandi húsi verði felld niður, samkvæmt uppdr. Grímu arkitekta dags. 24. maí 2022. Einnig er lagt fram skuggavarp Grímu arkitekta dags. 24. maí 2022.

Vísað til umsagnar verkefnisstjóra.
12.22 Korngarðar 13, breyting á deiliskipulagi
Lögð fram umsókn Guðmundar Odds Víðissonar dags. 3. nóvember 2021 ásamt greinargerð dags. 3. nóvember 2021 varðandi breytingu á deiliskipulagi Skarfabakka, Klettasvæðis, vegna lóðarinnar nr. 13 við Korngarða. Í breytingunni felst að legu byggingarreita er breytt ásamt því að breytt er nýtingarhlutfall fyrir millipalla úr 0,1 í 0,4. Akstur er heimilaður frá lóð og út á Korngarða og útakstur er heimilaður frá lóð út á hafnarbakka, samkvæmt uppdr. DAP ehf. dags. 15. mars 2022. Einnig er lagt fram bréf Faxaflóahafna sf. dags. 25. október 2021. Jafnframt er lagður fram tölvupóstur Veitna dags. 2. júní 2022 þar sem óskað er eftir framlengingu á athugasemdarfresti.

Samþykkt að framlengja athugasemdarfrest til og með 16. júní 2022, sbr. tölvupóst Veitna dags. 2. júní 2022.
13.22 Landakotsreitur, breyting á deiliskipulagi
Lögð fram tillaga umhverfis- og skipulagssviðs að breytingu á deiliskipulagi Landakotsreits. Í breytingunni felst að skilgreina nýja lóð og byggingarreit fyrir grenndarstöð á horni Hrannarstígs og Öldugötu, breyting á fyrirkomulagi bílastæða í borgarlandi við Hrannarstíg og ráðstafanir við gatnamót til að auka umferðaröryggi, skv. uppdrætti VA arkitekta, dags. 20. apríl 2022. Einnig er lagður fram tölvupóstur Fjalars Kristjánssonar dags. 30. maí 2022 þar sem óskað er eftir framlengingu á athugasemdafresti.

Samþykkt að framlengja athugasemdarfrest til og með 20. júní nk. sbr. tölvupóst til embættisins, dags. 30. maí 2022.
14.22 Snorrabraut 54, Fjölbýlishús
Á embættisafgreiðslufundi skipulagsfulltrúa 11. mars 2022 var lagt fram erindi frá afreiðslufundi byggingarfulltrúa frá 8. mars 2022 þar sem sótt er um leyfi til þess að byggja fjölbýlishús á þremur hæðum auk kjallara fyrir alls 41 íbúð, á lóð nr. 54 við Snorrabraut, samkvæmt uppdráttum Arkþing/Nordic dags. 1. júní 2022. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 3. júní 2022.


Umsögn skipulagsfulltrúa, dags. 3. júní 2022, samþykkt.
15.22 Snorrabraut 60, Viðbygging - Blóðbankinn
Lagt fram erindi frá afgreiðslufundi byggingarfulltrúa frá 31. maí 2022 þar sem sótt er um leyfi til þess að fækka bílastæðum um tvö og stækka til norðvesturs með viðbyggingu á einni hæð, og koma fyrir móttöku, vörumóttöku, vörulager, hjóla- og sorpgeymslu fyrir rannsóknarstofur Blóðbankans í húsi, mhl.01, á lóð nr. 60 við Snorrabraut.

Vísað til umsagnar verkefnisstjóra.
16.22 Gerðarbrunnur 46, Einbýlishús
Lagt fram erindi frá afgreiðslufundi byggingarfulltrúa frá 31. maí 2022 þar sem sótt er um leyfi til þess að byggja steinsteypt einbýlishús á tveimur hæðum með aukaíbúð og innbyggðum bílskúr á lóð nr. 46 við Gerðarbrunn.

Vísað til umsagnar verkefnisstjóra.
17.22 Seljavegur 1, breyting á deiliskipulagi
Á embættisafgreiðslufundi skipulagsfulltrúa 28. janúar 2022 var lögð fram umsókn Maison ehf. dags. 6. október 2021 varðandi breytingu á deiliskipulagi Nýlendureits vegna lóðarinnar nr. 1 við Seljaveg. Í breytingunni felst að heimilt verði að byggja tveggja hæða hús með þremur smáíbúðum og útisvæðum á þaki ásamt því að setja tvö yfirbyggð bílastæði á norðurhluta lóðar við Nýlendugötu. Við breytinguna hækkar nýtingarhlutfall lóðar og byggingarmagn eykst, samkvæmt deiliskipulags- og skuggavarpsuppdr. Studio Granda dags. 20. ágúst 2021. Erindinu var frestað, umsækjandi hafi samband við embætti skipulagsfulltrúa, og er nú lagt fram að nýju ásamt tölvupósti skipulagsfulltrúa til Dagmarar Þorsteinsdóttur, dags. 2. júní 2022.

Lagður fram tölvupóstur skipulagsfulltrúa til Dagmarar Þorsteinsdóttur, dags. 2. júní 2022.
18.22 Vitastígur 9, Fjölbýlishús
Lagt fram erindi frá afgreiðslufundi byggingarfulltrúa frá 32. maí 2022 þar sem sótt er um leyfi til að byggja steinsteypt fjölbýlishús, tvær hæðir og kjallara með þremur íbúðum á lóð nr. 9 við Vitastíg.

Vísað til umsagnar verkefnisstjóra.
19.22 Vitastígur 9A, Fjölbýlishús
Lagt fram erindi frá afgreiðslufundi byggingarfulltrúa frá 31. maí 2022 þar sem sótt er um leyfi til að byggja tvíbýlishús, tvær hæðir og kjallara úr timbri á steyptum sökkli með tveimur íbúðum á lóð nr. 9A við Vitastíg.

Vísað til umsagnar verkefnisstjóra.
20.22 Dyngjuvegur 18, Bráðabirgðahúsnæði - leikskóli
Lagt fram erindi frá afgreiðslufundi byggingarfulltrúa frá 31. maí 2022 þar sem sótt er um leyfi til að reisa sex deilda leikskóla fyrir 100 börn á meðan unnið er að endurbótum núverandi mannvirkja á lóð, um er að ræða byggingu úr forsmíðuðum gámaeiningum á einni hæð með stjórnunarrými, sérkennslurými, móttökueldhúsi og stoðrýmum, staðsett á núverandi bílastæði sunnan við hús á lóð nr. 18 við Dyngjuveg.

Ekki eru gerðar skipulagslegar athugasemdir við erindið. Byggingarleyfisumsókn verður grenndarkynnt berist hún.
21.22 Flugvöllur, Gámaeiningar, (nýr matshluti nr.48) á lóð L106745
Á embættisafgreiðslufundi skipulagsfulltrúa 31. maí 2022 var lagt fram erindi frá afgreiðslufundi byggingarfulltrúa frá 24. maí 2022 þar sem sótt er um leyfi fyrir tveimur geymslum úr einangruðum gámaeiningum, austan við skrifstofuhús á lóð Flugvallar. Erindinu var vísað til umsagnar verkefnisstjóra og er nú lagt fram.
Ekki eru gerðar skipulagslegar athugasemdir við erindið.
22.22 Grandagarður 1B, (fsp) stækkun húss
Á embættisafgreiðslufundi skipulagsfulltrúa 31. maí 2022 var lögð fram fyrirspurn Málstaðar ehf. dags. 23. maí 2022 um stækkun hússins á lóð nr. 1B við Grandagarð, samkvæmt uppdr. Jóns Guðmundssonar dags. 20.maí 2022. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 3. júní 2022.

Umsögn skipulagsfulltrúa, dags. 3. júní 2022, samþykkt.
23.22 Karfavogur 25, (fsp) gólfkóti bílskúrs
Lögð fram fyrirspurn Daða Hannessonar dags. 13. maí 2022 um hvort það samræmist deiliskipulagi Vogahverfis að gólfkóti bílskúrs á lóð nr. 25 við Karfavog verði 30,9 m. Einnig eru lagðar fram ljósmyndir ódags. þar sem hæðarmælingar koma fram, mæliblað fyrir lóðina dags. 9. maí 2022 og gildandi deiliskipulag frá 2010.

Vísað til umsagnar verkefnisstjóra.
24.22 Nesvegur 65, (fsp) stækkun húss
Lögð fram fyrirspurn Elínar Sólveigar Steinarsdóttur dags. 20. maí 2022 um stækkun hússins á lóð nr. 65 til suðurs, samkvæmt skissu ódags.

Vísað til umsagnar verkefnisstjóra.
25.22 Réttarholtsvegur 21-25, Færanleg stofa
Lagt fram erindi frá afgreiðslufundi byggingarfulltrúa frá 31. maí 2022 þar sem sótt er um leyfi fyrir færanlegri kennslustofu K132-J og mun hún þjóna sem vinnustofa fyrir tónlistaraðstöðu fyrir Réttarholtsskóla á lóð nr. 21-25 við Réttarholtsveg.

Vísað til umsagnar verkefnisstjóra.
26.22 Sogavegur 104, (fsp) bílastæði
Lögð fram fyrirspurn Pawel Piotr Mielnik dags. 27. maí 2022 um að breyta lóð fyrir framan húsið að Sogavegi 104 í bílastæði.
Vísað til umsagnar verkefnisstjóra.
27.22 Túngata 15, Færanlegar kennslustofur
Lagt fram erindi frá afgreiðslufundi byggingarfulltrúa frá 31. maí 2022 þar sem sótt er um leyfi til að breyta erindi BN059357, þ.e. bæta við þremur færanlegum kennslueiningum ásamt tengigangi og salerniseiningu við hús á lóð nr. 15 við Túngötu.

Vísað til umsagnar verkefnisstjóra.
28.22 Veghús 21-29, (fsp) nr. 29 - svalalokun
Lögð fram fyrirspurn Valgeirs Guðmundssonar dags. 27. apríl 2022 um að setja sólskála yfir svalir á annarri hæð hússins nr. 29 við Veghús, lóð nr. 21-29 við Veghús.

Vísað til umsagnar verkefnisstjóra.
29.22 Arnarhlíð 2, (fsp) rekstur veitingastaðar
Lögð fram fyrirspurn Kristins Inga Lárussonar dags. 30. maí 2022 um rekstur veitingastaðar í húsinu á lóð nr. 2 við Arnarhlíð.
Vísað til umsagnar verkefnisstjóra.
30.22 Ofanleiti 1, Verslunarskóli Íslands, (fsp) hjólaskýli og djúpgámar
Lögð fram fyrirspurn Yrki arkitekta ehf. dags. 13. maí 2022 ásamt bréfi dags. 13. maí 2022 um að koma fyrir hjólaskýli við suðurenda íþróttahússins á lóð Verslunarskóla Íslands að Ofanleiti 1 ásamt því að koma fyrir djúpgámum sunnan við fyrirhugð hjólaskýli.

Vísað til umsagnar verkefnisstjóra.
31.22 Ægisgata 7, (fsp) breytingar á húsi
Lögð fram fyrirspurn Sigurðar Hallgrímssonar dags. 10. maí 2022 um breytingar á húsinu á lóð nr. 7 við Ægisgötu, samkvæmt tillögum Arkþing/Nordic dags. í apríl 2022.

Vísað til umsagnar verkefnisstjóra.
32.22 Flugvöllur, Aðflugsljós við enda flugbrautar 13
Lagt fram erindi frá afgreiðslufundi byggingarfulltrúa frá 31. maí 2022 þar sem sótt er um leyfi fyrir aðflugsljósum við enda 13. flugbrautar, vestan við Suðurgötu, tengt lóð Reykjavíkurflugvallar, L 106930.

Vísað til meðferðar hjá verkefnisstjóra.
33.22 Kjósarhreppur, breyting á Aðalskipulagi vegna nýs þéttbýlis í Ásgarðslandi
Á embættisafgreiðslufundi skipulagsfulltrúa 22. mars 2022 var lagður fram tölvupóstur skipulags- og byggingarfulltrúa Kjósarhrepps þar sem kynnt er vegna breyting á Aðalskipulagi Kjósarhrepps 2017-2029 vegna þéttbýlis í Ásgarðslandi sem felst í að Frístundasvæði F18a er fellt úr, efnistökusvæði E10-Valdastaðir fellur út og landbúnaðarland, m.a í flokki I minnkar. Íbúðabyggð ÍB9 sem tekur yfir stærsta hluta frístundasvæðis og að auki að hluta til yfir landbúnaðarland í flokki I-II að austan verðu. Stærð svæðisins F18 er 65 ha en ÍB9 verður 76 ha. Erindinu var vísað til umsagnar deildarstjóra aðalskipulags og er nú lagt fram að nýju ásamt umsögn deildarstjóra aðalskipulags dags. 2. júní 2022.

Umsögn deildarstjóra aðalskipulags, dags. 2. júní 2022, samþykkt.