Ásvegur 16, Grjótagata 5, Holtsgata 16, Kirkjusandur 2, Skólavörðustígur 25A, Suðurlandsbraut 16, Fossvogsvegur 8, Hringbraut 102, Kambsvegur 24, Þórsgata 27, Bergþórugata 6, Gamla höfnin - Vesturbugt, reitir 03 og 04, Sólvallagata 1, Sólvallagata 10, Stekkjarsel 7, Borgartún 34-36, Efstasund 10, Friggjarbrunnur 31-33, Ljósaland 1-25 2-24, Skipholt 5, Blikastaðavegur 10, Brautarholt 26-28, Breiðholtsbraut - Skógarsel - Árskógar, Fossaleynir 14, Funafold 35, Gufunes, samgöngutengingar, Jörfagrund 54-60, Suðurlandsvegur og Breiðholtsbraut, Úlfarsbraut 122-124, Brekkustígur 9, Rökkvatjörn 6, Úlfarsárdalur - Úlfarsbraut 84-88, 90-94, 100-104 og 106-110, Þingás 32, Vesturvallagata 7, Borgartún og Snorrabraut, Breiðagerði 35, Grettisgata 98, Njálsgata 76, Fossagata 14, Hestháls 15, Hólmsheiði 2. áfangi, Krókháls 7, Sölvhólsgata 4, Nýr Landspítali við Hringbraut, Kópavogur, Kópavogur, Seltjarnarnes, Geirsgata 9,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

820. fundur 2021
Ár 2021, föstudaginn 14. maí kl. 09:1, hélt skipulagsfulltrúi Reykjavíkur 820. embættisafgreiðslufund sinn til afgreiðslu mála án staðfestingar skipulags- og samgönguráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson og Ágústa Sveinbjörnsdóttir. Eftirtaldir embættismenn kynntu mál á fundinum: Sólveig Sigurðardóttir, Birkir Ingibjartsson, Hildur Gunnarsdóttir, Lilja Grétarsdóttir, Björn Ingi Edvardsson, Hrafnhildur Sverrisdóttir, Ingvar Jón Bates Gíslason og Ólafur Melsted. Ritari var Erna Hrönn Geirsdóttir.
Þetta gerðist:

1.21 Ásvegur 16, Viðbygging
Lagt fram erindi frá afgreiðslufundi byggingarfulltrúa frá 11. maí 2021 þar sem sótt er um leyfi til að stækka kvist ofan á anddyrisbyggingu og breyta gluggum í húsi á lóð nr. 16 við Ásveg.
Stækkun A rýmis er: 8,7 ferm., 19,2 rúmm. Stækkun B rýmis er: 3,2 ferm., 10,1 rúmm. Gjald kr. 12.100

Vísað til umsagnar verkefnisstjóra.
2.21 Grjótagata 5, breyting á deiliskipulagi
Að lokinni grenndarkynningu er lögð fram að nýju umsókn Sei ehf. dags. 2. febrúar 2021 varðandi breytingu á deiliskipulagi Grjótaþorps vegna lóðarinnar 5 við Grjótagötu. Í breytingunni felst breyting á byggingarreit og nýtingarhlutfalli lóðarinnar auk þess að heimilt verði að byggja við húsið til vestur sem nemur núverandi viðbyggingu, samkvæmt uppdr. Sei ehf. dags. 18. mars 2021. Einnig er lögð fram umsögn Minjastofnunar Íslands dags. 29. janúar 2021. Tillagan var grenndarkynnt frá 7. apríl 2021 til og með 6. maí 2021. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
3.21 Holtsgata 16, (fsp) stækkun á núverandi geymslum
Lögð fram fyrirspurn Gunnlaugs Björns Jónssonar dags. 26. apríl 2021 um stækkun á núverandi geymslum á lóð nr, 16 við Holtsgötu, samkvæmt uppdr. GINGI teiknistofu ódags.

Vísað til umsagnar verkefnisstjóra.
4.21 Kirkjusandur 2, (fsp) niðurrif hússins
Á embættisafgreiðslufundi skipulagsfulltrúa 30. apríl 2021 var lögð fram fyrirspurn Jónasar Þórs Jónassonar dags. 20. apríl 2021 um niðurrif hússins á lóð nr. 2 við Kirkjusand. Fyrirspurninni var vísað til umsagnar verkefnisstjóra og er nú lögð fram að nýju.
Neikvætt. Samræmist ekki gildandi deiliskipulagi.
5.21 Skólavörðustígur 25A, (fsp) veitingastaður í flokki II og innanhússbreytingar
Lögð fram fyrirspurn Andra Gunnars Lyngbergs Andréssonar dags. 7. maí 2021 um rekstur veitingastaðar í flokki II að Skólavörðustíg 25A ásamt breytingum innanhúss, samkvæmt uppdr. Trípólí arkitekta ehf. dags. 6. maí 2021.

Vísað til umsagnar verkefnisstjóra.
6.21 Suðurlandsbraut 16, breyting á deiliskipulagi
Á embættisafgreiðslufundi skipulagsfulltrúa 8. janúar 2021 var lögð fram umsókn Einars V. Tryggvasonar dags. 15. desember 2020 ásamt bréfi dags. 12. desember 2020 varðandi breytingu á deiliskipulagi Ármúla, Vegmúla og Hallarmúla vegna lóðarinnar nr. 16 við Suðurlandsbraut. Í breytingunni felst stækkun hússins ásamt því að setja skyggni yfir inngang á þriðju hæð og útistiga upp á þriðju hæð, samkvæmt uppdr. Einars V. Tryggvasonar dags. 28. október 2020. Einnig er lögð fram yfirlýsing/samþykki Veitna ehf. vegna spennistöðvar 518 að Vegmúla 4, ódags. Erindinu var vísað til meðferðar hjá verkefnisstjóra og er nú lagt fram að nýju.
Samþykkt að grenndarkynna framlagða tillögu fyrir hagsmunaaðilum að Suðurlandsbraut 14.

Erindið verður grenndarkynnt þegar umsækjandi hefur greitt fyrir grenndarkynningu sbr. 7.6. gr. og 12. gr., sjá gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1472/2020.

7.21 Fossvogsvegur 8, breyting á deiliskipulagi
Lögð fram umsókn Guðmundar Gunnlaugssonar dags. 6. maí 2021 ásamt bréfi dags. 5. maí 2021 varðandi breytingu á deiliskipulagi Vigdísarlundar vegna lóðarinnar nr. 8 við Fossvogsveg. Í breytingunni felst að heimilt verði að gera bílakjallara undir hluta lóðarinnar og fækka þar með bílastæðum fyrir framan húsin, samkvæmt uppdr. Guðmundar Gunnlaugssonar arkitekts ódags.

Vísað til meðferðar hjá verkefnisstjóra.
8.21 55">Hringbraut 102, Breyta glugga í rennihurð og koma fyrir palli og geymslu
Á embættisafgreiðslufundi skipulagsfulltrúa 7. maí 2021 var lagt fram erindi frá afgreiðslufundi byggingarfulltrúa frá 4. maí 2021 þar sem sótt er um leyfi til að breyta glugga á norðurgafli í rennihurð og byggja þar svalir með tröppu niður í garð með hjóla- og sorpgeymslu undir á húsin á lóð nr. 102 við Hringbraut. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 14. maí 2021.
Erindi fylgir samþykki eiganda húss nr. 100. Gjald kr. 12.100


Umsögn skipulagsfulltrúa, dags. 14. maí 2021, samþykkt.
9.21 Kambsvegur 24, Viðbygging
Lagt fram erindi frá afgreiðslufundi byggingarfulltrúa frá 11. maí 2021 þar sem sótt er um leyfi til að byggja steinsteypta viðbyggingu sem hýsa á vinnustofu og garðskála við vesturgafl bílskúrs á lóð nr. 24 við Kambsveg.
Útskrift úr gerðabók embættisafgreiðslufundar skipulagsfulltrúa frá 5. júlí 2019 fylgir erindi, ásamt umsögn skipulagsfulltrúa dags. 5. júlí 2019.
Einnig fylgir samþykki lóðarhafa Kambsvegar 22, dags. 2. maí 2021, áritað á uppdrætti. Gjald kr. 11.200

Vísað til umsagnar verkefnisstjóra.
10.21 Þórsgata 27, Hækka ris og byggja svalir og kvisti
Lagt fram erindi frá afgreiðslufundi byggingarfulltrúa frá 11. maí 2021 þar sem sótt er um leyfi til að hækka ris, koma fyrir kvistum á báðum þakhliðum, setja svalir á rishæð og tröppur frá þeim, frá svölum á 2. hæð niður í garð á húsi, á lóð nr. 27 við Þórsgötu.
Erindi fylgir bréf hönnuðar dags. 27. apríl 2021. Stækkun: 82,7 rúmm. Gjald kr. 12.100


Vísað til umsagnar verkefnisstjóra.
11.21 Bergþórugata 6, Stækkun með því að bæta hæð ofan á
Lagt fram erindi frá afgreiðslufundi byggingarfulltrúa frá 11. maí 2021 þar sem sótt er um leyfi til að bæta við portbyggðri rishæð með svölum á hús á lóð nr. 6 við Bergþórugötu.
Stækkun: 45 ferm., 107 rúmm. Gjald kr. 12.100


Vísað til umsagnar verkefnisstjóra.
12.21 Gamla höfnin - Vesturbugt, reitir 03 og 04, breyting á deiliskipulagi
Á embættisafgreiðslufundi skipulagsfulltrúa 16. október 2020 var lögð fram umsókn Pálmars Kristmundssonar dags. 7. október 2020 varðandi breytingu á deiliskipulagi Vesturbugtar, Gamla höfnin, vegna reita 03 og 04. Í breytingunni felst að göturými Hlésgötu er bætt við reiti 03 og 04 og stækka svæðin sem því nemur, fjölga íbúðum úr 170 í 190, heimilt verði að breyta 3 raðhúsum á reit 03 í fjölbýlishús með því að tengja þau húsinu við hliðina (Mýrargata) með svalagangi, heimilt verði að breyta 2 x 3 raðhúsum á reit 04 í fjölbýlishús með því að tengja þau hornhúsunum sín hvoru megin með svalagöngum, heimilt verði að nýta jarðhæð á suðvestur horni á reit 04 fyrir allt að 7 íbúða búsetuúrræðiskjarna o.fl., samkvæmt uppdr. PK Arkitekta ehf. dags. 8. apríl 2021. Erindinu var vísað til meðferðar hjá verkefnisstjóra og er nú lagt fram að nýju.

Vísað til skipulags- og samgönguráðs.

Komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1472/2020.
13.21 Sólvallagata 1, (fsp) stækkun húss, setja innkeyrslu o.fl.
Lögð fram fyrirspurn Hilmars Knudsen dags. dags. 6. maí 2021 ásamt greinargerð ódags. um að gera bílastæði og innkeyrslu í suðausturhorni lóðar nr. 1 við Sólvallagötu, stækka og breyta garðskúr í bílskúr og stækka kjallara hússins til vesturs, samkvæmt skissum Hilmars Knudsen dags. 5. febrúar 2021. Einnig eru lagðar fram ljósmyndir til skýringar.

Vísað til umsagnar verkefnisstjóra.
14.21 Sólvallagata 10, (fsp) hænsnakofi og gerði
Á embættisafgreiðslufundi skipulagsfulltrúa 9. apríl 2021 var lögð fram fyrirspurn Huldu Þuríðar Aðalsteinsdóttur dags. 26. mars 2021 um staðsetningu hænsnakofa og gerðis á lóð nr. 10 við Sólvallagötu, samkvæmt uppdr. Kreatívu teiknistofu ehf. dags. 19. september 2019 br. 22. mars 2021. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 14. maí 2021.

Neikvætt, með vísan til umsagnar skipulagsfulltrúa dags. 14. maí 2021.
15.21 Stekkjarsel 7, Áður gert, afmörkun aukaíbúðar - innrétta tómstundarrými
Á embættisafgreiðslufundi skipulagsfulltrúa 16. apríl 2021 var lagt fram erindi frá afgreiðslufundi byggingarfulltrúa frá 13. apríl 2021 þar sem sótt er um leyfi fyrir áður gerðum breytingum sem eru að breyta geymslu í kjallara í aukaíbúð og óútgröfnu rými er breytt tómstundarrými í einbýlishúsi á lóð nr. 7 við Stekkjarsel. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 12. maí 2021.
Stækkun, óútgrafið rými: 59,4 ferm., 149,6 rúmm. Erindi fylgir bréf umsækjanda dags. 16. mars 2021. Gjald kr.12.100

Umsögn skipulagsfulltrúa, dags. 12. maí 2021, samþykkt.
16.21 Borgartún 34-36, breyting á deiliskipulagi
Lögð fram umsókn Gunnars Sigurðssonar dags. 9. maí 2021 ásamt minnisblaði dags. 30. apríl 2021 varðandi breytingu á deiliskipulagi lóðarinnar nr. 34-36 við Borgartún. Í breytingunni að byggingarmagn er aukið og íbúðum fjölgað, samkvæmt uppdr. Tvíhorfs ehf. ódags. Einnig er lögð fram greinargerð Tvíhorfs ehf. dags. 7. maí 2021 og kynning dags. 7. maí 2021.

Vísað til meðferðar hjá verkefnisstjóra.
17.21 Efstasund 10, (fsp) - Lagfæra bílskúr
Á embættisafgreiðslufundi skipulagsfulltrúa 30. apríl 2021 var lagt fram erindi frá afgreiðslufundi byggingarfulltrúa frá 27. apríl 2021 þar sem spurt er hvort leyft yrði að endurbyggja og innrétta íbúð í bílskúr á lóð nr. 10 við Efstasund. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 14. maí 2021.

Umsögn skipulagsfulltrúa, dags. 14. maí 2021, samþykkt.
18.21 Friggjarbrunnur 31-33, Parhús
Á embættisafgreiðslufundi skipulagsfulltrúa 30. apríl 2021 var lagt fram erindi frá afgreiðslufundi byggingarfulltrúa frá 20. apríl 2021 þar sem sótt er um leyfi til þess að byggja parhús úr krosslímdum timbureiningum, á þremur hæðum ásamt innbyggðum bílskúr á lóð nr. 31-33 við Friggjarbrunn. Einnig er lagt fram bréf Friðriks Guðmundssonar og Halldóru Sólbjartsdóttur dags. 21. apríl 2021. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 14. maí 2021.
Stærðir: Mhl. 01: x.xx ferm. x.xx rúmm. Mhl.02: x.xx ferm. x.xx rúmm. Gjald kr. 12.100

Neikvætt, með vísan til umsagnar skipulagsfulltrúa dags. 14. maí 2021.
19.21 Ljósaland 1-25 2-24, (fsp) nr. 4 - breyting á notkun bílskúrs
Á embættisafgreiðslufundi skipulagsfulltrúa 21. apríl 2021 var lögð fram fyrirspurn Guðjóns S. Marteinssonar dags. 13. apríl 2021 um breytingu á notkun bílskúr að Ljósalandi 4, lóð nr. 1-25 og 2-24 við Ljósaland, í íbúðarhúsnæði. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 14. maí 2021.

Neikvætt, með vísan til umsagnar skipulagsfulltrúa dags. 14. maí 2021.
20.21 Skipholt 5, (fsp) breyting á notkun hluta húss
Lögð fram fyrirspurn VEV ehf. dags. 10. maí 2021 um breytingu á notkun rýma merkt 01 0201 og 01 0202 í húsinu á lóð nr. 5 við Skipholt úr atvinnuhúsnæði/skrifstofu í íbúðarhúsnæði, samkvæmt tillögu ódags..

Vísað til umsagnar verkefnisstjóra.
21.21 Blikastaðavegur 10, breyting á deiliskipulagi
Á embættisafgreiðslufundi skipulagsfulltrúa 7. maí 2021 var lögð fram umsókn Arkís arkitekta ehf. dags. 30. apríl 2021 varðandi breytingu á deiliskipulagi Stekkjarbrekkna, með síðari breytingum, vegna lóðarinnar nr. 10 við Blikastaðaveg. Í breytingunni felst að stækka aðveitulóð, bæta við byggingarreit og auka byggingarmagn, samkvæmt uppdr. Arkís arkitekta ehf. dags. 20. apríl 2021. Erindinu var vísað til meðferðar hjá verkefnisstjóra og er nú lagt fram að nýju.
Vísað til skipulags- og samgönguráðs.

Vakin er athygli á að greiða þarf fyrir óveruleg breytingu á deiliskipulagi á grundvelli málsmeðferðar skv. 3. mgr. 44. gr. skipulagslaga og þarf að greiða skv. 8.2. gr. gjaldskrá skipulagsfulltrúa nr. 1472/2020, áður en breytingin er auglýst í B- deild Stjórnartíðinda.
22.21 Brautarholt 26-28, breyting á deiliskipulagi
Lagt fram erindi skrifstofu borgarstjóra og borgarritara dags. 6. maí 2021 varðandi breytingu á deiliskipulagi Skipholtsreits vegna lóðarinnar nr. 26-28 við Brautarholt. Í breytingunni felst að breyta lóðarmörkum til norðurs þar sem þau eru færð upp að húsi, samkvæmt uppdr. umhverfis- og skipulagssviðs dags. 6. maí 2021. Einnig er lagður fram lóðauppdráttur í vinnslu dags. 12 mars 2021 og breytingablað í vinnslu dags. 12. mars 2021.

Leiðrétt bókun frá afgreiðslufundi skipulagsfulltrúa, dags. 7. maí 2021, sem var bókað: "Samþykkt að grenndarkynna framlagða tillögu fyrir hagsmunaaðilum að Brautarholti 24 og 30 og Skipholti 25 og 27."

Rétt bókun er :
Vísað til skipulags- og samgönguráðs.
Vakin er athygli á að greiða þarf fyrir óverulega breytingu á deiliskipulagi á grundvelli málsmeðferðar skv. 3. mgr. 44. gr. skipulagslaga og þarf að greiða skv. 8.2. gr. gjaldskrá skipulagsfulltrúa nr. 1472/2020, áður en breytingin er auglýst í B- deild Stjórnartíðinda.
23.21 Breiðholtsbraut - Skógarsel - Árskógar, Skilti
Á embættisafgreiðslufundi skipulagsfulltrúa 30. apríl 2021 var lagt fram erindi frá afgreiðslufundi byggingarfulltrúa frá 27. apríl 2021 þar sem sótt er um leyfi til að koma fyrir stafrænu skilti í stað núverandi flettiskilti við gatnamót Breiðholtsbrautar og Skógarsels, jafnframt er kannaður sá möguleiki á að hækka núverandi skilti eða koma því fyrir á gatnamótum Breiðholtsbrautar og Skógarsels/Stekkjarbakka. Erindinu var vísað til umsagnar verkefnisstjóra og er nú lagt fram að nýju.
Erindi fylgir bréf framkvæmdastjóra ÍR dags. 31. mars 2021.
Gjald kr.12.100


Vísað til umsagnar Vegagerðarinnar.
24.21 Fossaleynir 14, Setja upp milliloft
Lagt fram erindi frá afgreiðslufundi byggingarfulltrúa frá 11. maí 2021 þar sem sótt er um leyfi til að innrétta snyrtingu og byggja geymsluloft í vesturenda rýmis 0102 í kirkju og safnaðarheimili húsi á lóð nr. 14 við Fossaleynir.
Stækkun, milliloft: 61,6 ferm. Eftir stækkun: 1.026,5 ferm., 3.830,3 rúmm. Gjald kr. 12.100

Vísað til umsagnar verkefnisstjóra.
25.21 Funafold 35, Stækkun stofu
Lagt fram erindi frá afgreiðslufundi byggingarfulltrúa frá 11. maí 2021 þar sem sótt er um leyfi til að byggja viðbyggingu á suðvesturhorni og baðhús á verönd sunnan einbýlishúss á lóð nr. 35 við Funafold.
Stækkun, mhl. 01: 22,4 ferm., 59,8 rúmm. Mhl. 02, baðhús: 15 ferm., 39 rúmm. Eftir stækkun, mhl. 01: 201,6 ferm., 718,8 rúmm. Mhl. 02: 15 ferm., 42 rúmm. Gjald kr. 12.100

Vísað til umsagnar verkefnisstjóra.
26.21 Gufunes, samgöngutengingar, skipulagslýsing fyrir nýtt deiliskipulag, kynning á athugasemdum og ábendingum
Að lokinni kynningu er lögð fram að nýju skipulagslýsing umhverfis- og skipulagssviðs, skipulagsfulltrúa, dags. 19. mars 2021 fyrir nýtt deiliskipulag. Um er að ræða tæplega 20 hektara svæði og er markmið skipulagsins m.a. að festa inn á deiliskipulag bráðabirgðatengingar fyrir innanhverfisveg og stígatengingar frá Gufunesinu upp á Strandveg í Grafarvogi, ásamt því að tryggja góð tengsl við umhverfið með fyrirkomulagi stíga, gatna og opinna svæða. Hafa þarf í huga fyrirhugaða lega Sundabrautar við skipulagsvinnuna. Jafnframt verður Hallsteinsgarður og nærumhverfi fest í sessi inn á deiliskipulag. Lýsing var kynnt til og með 5. maí 2021. Eftirtaldir sendu ábendingar/umsögn: skrifstofa umhverfisgæða dags. 12. apríl 2021, Veitur dags. 13. apríl 2021 og 5. maí 2021, Heilbrigðiseftirlit Reykjavíkur dags. 4. maí 2021 og íbúaráð Grafarvogs dags. 5. maí 2021.

Vísað til skipulags- og samgönguráðs.
27.21 Jörfagrund 54-60, Fjölbýlishús
Lagt fram erindi frá afgreiðslufundi byggingarfulltrúa frá 11. maí 2021 þar sem sótt er um leyfi til að byggja tvílyft fjölbýlishús með 13 íbúðum, stálgrindarhús, klætt sementstrefjaplötum á staðsteyptum sökkli og botnplötu á lóð nr. 54-66 við Jörfagrund.
Erindi fylgir greinagerð hönnuðar ódagsett. Stærð, A rými: 927,7 ferm., 3.058,3 rúmm. B rými: 69,4 ferm., 186,2 rúmm. Gjald kr. 12.100
Vísað til umsagnar verkefnisstjóra.
28.21 Suðurlandsvegur og Breiðholtsbraut, (fsp) skilti
Á embættisafgreiðslufundi skipulagsfulltrúa 5. mars 2021 var lögð fram fyrirspurn Íþróttafélagsins Fylkis dags. 25. ágúst 2020 ásamt greinargerð ódags. um að setja skilti við hringtorg þar sem Suðurlandsvegur og Breiðholtsbraut mætast. Einnig er lögð fram umsögn skipulagsfulltrúa dags. 20. nóvember 2020. Einnig er lögð fram greinargerð mótt. 1. mars 2021. Fyrirspurninni var vísað til umsagnar verkefnisstjóra og er nú lögð fram að nýju.
Vísað til umsagnar Vegagerðarinnar.
29.21 Úlfarsbraut 122-124, (fsp) vatnsrennibraut
Lögð fram fyrirspurn Hebu Hertervig dags. 10. maí 2021 um fyrirhugaða vatnsrennibraut við nýja sundlaug að Úlfarsbraut 122-124.
Vísað til umsagnar verkefnisstjóra.
30.21 Brekkustígur 9, (fsp) breyting og stækkun húss
Lögð fram fyrirspurn Helga Konráðs Thoroddsen dags. 7. maí 2021 ásamt bréfi dags. 6. maí 2021 þar sem byggt er á niðurstöðu og ábendingum skipulagsfulltrúa eftir grenndarkynningu byggingarleyfisumsókn fyrir lóðina nr. 9 við Brekkustíg. Í nýrri tillögu er gert ráð fyrir einni íbúð í stað tveggja, hús er lækkað, þaki breytt þannig að hægt sé að endurtaka gluggagerð 1. hæðar á 2. hæð með minni þakhalla, staðsetning svala er breytt og einfaldar útitröppur koma í stað utanáliggjandi stigahúss, samkvæmt uppdr. Kanon arkitekta ehf. dags. 6. maí 2021.

Vísað til umsagnar verkefnisstjóra.
31.21 Rökkvatjörn 6, Þriggja hæða fjölbýli
Lagt fram erindi frá afgreiðslufundi byggingarfulltrúa frá 11. maí 2021 þar sem sótt er um leyfi til að byggja þriggja hæða fjölbýlishús með 12 íbúðum á lóð nr. 6 við Rökkvatjörn.
Stækkun er: [00,0] ferm., [00,0] rúmm. Erindi fylgir varmatapsútreikningar hönnuðar dags. 6. apríl 2021. Gjald kr.12.100

Vísað til umsagnar verkefnisstjóra.
32.21 Úlfarsárdalur - Úlfarsbraut 84-88, 90-94, 100-104 og 106-110, breyting á deiliskipulagi
Lögð fram tillaga umhverfis- og skipulagssviðs, skipulagsfulltrúa, að breytingu á deiliskipulagi Úlfarsárdals vegna lóðanna nr. 84-88, 90-94, 100-104 og 106-110 við Úlfarsbraut. Í breytingunni felst heimild er veitt til að nýta sökkulrými sem geymslurými og sérstök heimild veitt til aukningar b-rýma. Auk þess eru byggingarreitir færðir um 1 metra frá götunni og innar á lóðina, samkvæmt uppdr. Trípólí arkitekta dags. 27. apríl 2021.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Úlfarsbraut 82, 96, 98 og 112.
33.21 Þingás 32, (fsp) breikkun á innkeyrslu
Á embættisafgreiðslufundi skipulagsfulltrúa 7. maí 2021 var lögð fram fyrirspurn Þorvarðar Lárusar Björgvinssonar dags. 13. apríl 2021 ásamt bréfi dags. 13. apríl 2021 um breikkun á innkeyrslu lóðarinnar nr. 32 við Þingás þannig að hægt verði að keyra þremur til fjórum bílum inn á lóðina. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 14. maí 2021.

Neikvætt. Samræmist ekki hverfisskipulagi, sbr. umsögn skipulagsfulltrúa dags. 14. maí 2021.
34.21 Vesturvallagata 7, (fsp) aukning á byggingarmagni og fjölgun íbúða
Á embættisafgreiðslufundi skipulagsfulltrúa 9. apríl 2021 var lögð fram fyrirspurn Sigríðar Ólafsdóttur dags. 19. mars 2021 ásamt greinargerð ódags. um að hækka hámarksbyggingarmagn á lóð og fjölga íbúðum hússins úr tveimur íbúðum í þrjár íbúðir. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 14. maí 2021.

Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað, sbr. umsögn skipulagsfulltrúa dags. 14. maí 2021.
35.21 Borgartún og Snorrabraut, framkvæmdaleyfi
Lagt fram erindi skrifstofu framkvæmda og viðhalds dags. 12. maí 2021 um framkvæmdaleyfi vegna upphækkaðra ljósastýrðra gatnamóta Borgartúns og Snorrabrautar, gerð tengingar Bríetartúns við Snorrabraut og tengingu Bríetartúns að Borgartúni ásamt breytingum á tengingu Hverfisgötu 113 við Snorrabraut og gerð göngu- og hjólastíga. Einnig eru lagðar fram útboðsteikningar umhverfis- og skipulagssviðs dags. í janúar 2021 og útboðs- og verklýsing umhverfis- og skipulagssviðs dags. í febrúar 2021. Einnig er lögð fram umsögn skipulagsfulltrúa dags. 19. mars 2021 og dags. 14. maí 2021.
Samþykkt að gefa út framkvæmdaleyfi með vísan til umsagnar skipulagsfulltrúa dags.14. maí 2021. Vísað til skrifstofu sviðsstjóra til útgáfu framkvæmdaleyfis. Vakin er athygli á að greiða þarf fyrir útgáfu framkvæmdaleyfis skv. gr. 5.2 í gjaldskrá skipulagsfulltrúa nr. 1472/2020.
36.21 Breiðagerði 35, Hlífðarþak yfir útitröppum
Á embættisafgreiðslufundi skipulagsfulltrúa 26. mars 2021 var lagt fram erindi frá afgreiðslufundi byggingarfulltrúa frá 23. mars 2021 þar sem sótt er um leyfi til þess að byggja við og framlengja þak til að mynda skjól yfir útitröppur og steyptan pall framan við inngang íbúðarhúss á lóð nr. 35 við Breiðagerði. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 14. maí 2021.
Stækkun: 28.6 ferm. og 90.1 rúmm. Erindi fylgir bréf hönnuðar dags. 26. febrúar 2021, bréf frá hönnuði dags. 22. september 2020 og umsögn skipulagsfulltrúa dags. 18. júní 2020. Gjald kr. 11.200

Neikvætt, með vísan til umsagnar skipulagsfulltrúa dags. 14. maí 2021.
37.21 Grettisgata 98, breyting á deiliskipulagi
Lögð fram umsókn Arnar Dúa Kristjánssonar dags. 10. maí 2021, ásamt greinargerð dags. 10. maí 2021, varðandi breytingu á deiliskipulagi reits 1.240.3 vegna lóðarinnar nr. 98 við Grettisgötu. Í breytingunni felst heimilt verði að setja svalir á austurgafl hússins, samkvæmt uppdr. Ark Studio ehf. dags. 10. maí 2021. Einnig er lögð fram fundargerð húsfélagsins að Grettisgötu 90-98 dags. 26. apríl 2021.

Vísað til meðferðar hjá verkefnisstjóra.
38.21 Njálsgata 76, Setja svalir á 1 og 2.hæð
Lagt fram erindi frá afgreiðslufundi byggingarfulltrúa frá 11. maí 2021 þar sem sótt er um leyfi til að setja svalir á suðurhlið 1. og 2. hæðar á húsi nr. 76 á lóð nr. 76 við Njálsgötu.
Stækkun er samtals: 14,4 ferm. svalir 0103 / 0203. Erindi fylgir yfirlit breytinga á uppdráttum sem samþykktir voru 9. mars 1999, samþykki eigenda liggur fyrir á umsóknar eyðublaði. Gjald kr.12.100

Vísað til umsagnar verkefnisstjóra.
39.21 Fossagata 14, (fsp) tvöfaldur bílskúr
Lögð fram fyrirspurn Sindra Snæ Ómarssonar dags. 6. maí 2021 um að gera tvöfaldan bílskúr á lóð nr. 14 við Fossagötu.

Vísað til umsagnar verkefnisstjóra.
40.21 Hestháls 15, Skrifstofuhúsnæði úr krosslímdum timbureiningum
Á embættisafgreiðslufundi skipulagsfulltrúa 30. apríl 2021 var lagt fram erindi frá afgreiðslufundi byggingarfulltrúa frá 20. apríl 2021 þar sem sótt er um leyfi til að byggja einnar hæðar skrifstofuhús úr krosslímdum timbureiningum ásamt auglýsingaskiltaturni við innkeyrslu á lóð nr. 15 við Hestháls. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 14. maí 2021.
Lögð er fram umsögn skipulagsfulltrúa dags. 21. ágúst 2020. Erindi fylgja útreikningar á varmatapsramma dags. 19. mars 2021 og greinargerð hönnunarstjóra um ábyrgðarsvið hönnuða ódagsett. Stærð, mhl. 01: 139,8 ferm., 378,4 rúmm. Gjald kr. 12.100

Umsögn skipulagsfulltrúa, dags. 14. maí 2021, samþykkt með skilyrðum og leiðbeiningum.
41.21 Hólmsheiði 2. áfangi, deiliskipulag athafnasvæðis, kynning á athugasemdum og ábendingum
Að lokinni kynningu er lögð fram skipulags- og matslýsing skipulagsfulltrúa dags. 26. febrúar 2021, þar sem gert er ráð fyrir að unnið verði deiliskipulag að athafnasvæði sem markast af Fjárborg til vesturs og Suðurlandsvegi til suðurs og fjarsvæðis vatnsverndar til austurs. Lýsingin var kynnt til og með 5. maí 2021. Eftirtaldir sendu athugasemdir/umsögn: Ólafur R Dýrmundsson Ph.D. dags. 14. apríl 2021, íbúaráð Grafarholts og Úlfarsárdals dags. 21. apríl 2021, Skipulagsstofnun dags. 23. apríl 2021, Umhverfisstofnun dags. 27. apríl 2021, Minjastofnun Íslands dags. 29. apríl 2021, Heilbrigðiseftirlit Reykjavíkur dags. 5. maí 2021, Náttúrufræðistofnun Íslands dags. 5. maí 2021, Vegagerðin dags. 5. maí 2021 og Veitur dags. 12. maí 2021.

Vísað til skipulags- og samgönguráðs.
42.21 Krókháls 7, Tvö skrifstofuhúsnæði úr krosslímdum timbureiningum
Á embættisafgreiðslufundi skipulagsfulltrúa 16. apríl 2021 var lagt fram erindi frá afgreiðslufundi byggingarfulltrúa frá 13. apríl 2021 þar sem sótt er um leyfi til að byggja tvö einnar hæðar skrifstofuhús úr krosslímdum timbureiningum ásamt þremur auglýsingaskiltaturnum á lóð nr. 7 við Krókháls. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 14. maí 2021.
Lögð er fram umsögn skipulagsfulltrúa dags. 21. ágúst 2020.
Erindi fylgja útreikningar á varmatapsramma dags. 19. mars 2021, greinargerð hönnunarstjóra um ábyrgðarsvið hönnuða ódagsett og greinargerð um brunavarnir frá Örugg, verkfræðistofa dags. 23. mars 2021.
Stærð, mhl. 01: 139,8 ferm., 378,4 rúmm. Mhl. 02: 248,2 ferm., 673,4 rúmm. Samtals: 388 ferm., 1.051,8 rúmm. Gjald kr. 12.100

Umsögn skipulagsfulltrúa, dags. 14. maí 2021, samþykkt með skilyrðum og leiðbeiningum.
43.21 Sölvhólsgata 4, Breytingar innanhúss á 1. og 2. hæð
Lagt fram erindi frá afgreiðslufundi byggingarfulltrúa frá 11. maí 2021 þar sem sótt er um leyfi til að breyta innra skipulagi á 1. og 2. hæð, til að fjarlægja tvo hringstiga milli kjallara og 1. hæðar , til að byggja flóttastiga úr kjallara á vesturhlið, flóttasvalir á 1-3 hæð, flóttastiga af þaki mhl. 04 upp á efstu hæð og á vesturgafli mhl. 01 verður reistur flóttastigi með aðkomu frá öllum hæðum í Stjórnarráði Íslands á lóð nr. 4 við Sölvhólsgötu.
Erindi fylgir brunahönnun frá Örugg, verkfræðiþjónusta dags. 27. apríl 2021. Gjald kr. 12.100

Vísað til umsagnar verkefnisstjóra.
44.21 Nýr Landspítali við Hringbraut, breyting á deiliskipulagi
Lögð fram umsókn Þorkels Magnússonar dags. 6. maí 2021 varðandi breytingu á deiliskipulagi Nýs Landspítala við Hringbraut. Í breytingunni felst m.a. að koma fyrir ljósgarði með stoðvegg við Burkna- og Njólagötu, rampi fyrir aðkomu í kjallara, hækka rannsóknarhús við Hvannagötu og færsla rafstöðvar o.fl. samkvæmt uppdr. Kanon arkitekta ehf. dags. 5. maí 2021.

Vísað til meðferðar hjá verkefnisstjóra.
45.21 Kópavogur, drög að skógræktaráætlun - ósk um umsögn
Á embættisafgreiðslufundi skipulagsfulltrúa 16. október 2020 var lagt fram bréf Kópavogsbæjar dags. 8. október 2020 þar sem óskað er eftir umsögn um drög að skógræktaráætlun dags. 1. júlí 2020 á svæði á Lakheiði í Lækjarbotnum sem skilgreint er sem skógræktar- og uppgræðslusvæði í Aðalskipulagi Kópavogs. Erindinu var vísað til umsagnar skrifstofu umhverfisgæða og deildarstjóra aðalskipulags og er nú lagt fram að nýju ásamt umsögn skrifstofu umhverfisgæða og deildarstjóra aðalskipulags dags. 14. maí 2021.


Umsögn deildarstjóra aðalskipulags, dags. 14. maí 2021, samþykkt.
46.21 Kópavogur, Vatnsendahvarf - skipulagslýsing
Á embættisafgreiðslufundi skipulagsfulltrúa 7. maí 2021 var lagt fram bréf Kópavogsbæjar dags. 27. apríl 2021 þar sem óskað er eftir umsögn Reykjavíkurborgar á skipulagslýsingu dags. 25. mars 2021 fyrir gerð nýs deiliskipulags í Vatnsendahvarfi. Skipulagslýsingin nær yfir óbyggt svæði á Vatnsendahæð þar sem gert er ráð fyrir íbúðabyggð í nýju aðalskipulagi Kópavogs 2019-2040 sem nú er í kynningu. Óskað er eftir að umsögn berist fyrir 25. maí 2021. Erindinu var vísað til umsagnar deildarstjóra aðalskipulags og er nú lagt fram að nýju ásamt umsögn deildarstjóra aðalskipulags dags. 14. maí 2021.

Umsögn deildarstjóra aðalskipulags, dags. 14. maí 2021, samþykkt.
47.21 Seltjarnarnes, tillaga að breytingu á Aðalskipulagi Seltjarnarnesbæjar 2015-2033, verslun og þjónusta í Ráðagerði
Á embættisafgreiðslufundi skipulagsfulltrúa 5. mars 2021 var lagt fram erindi Seltjarnarnesbæjar, dags. 25. febrúar 2021 vegna auglýsingu á tillögu að breytingu á Aðalskipulagi Seltjarnarnesbæjar 2015-2033, dags. 2. nóvember 2020, í samræmi við 31. gr. skipulagslaga nr. 123/2010. Tillagan felur í sér breytta landnotkun á svæði vestan Bygggarða, þar sem Ráðagerði stendur. Þar er fyrirhuguð veitingasala ásamt því að gert er ráð fyrir auknum bílastæðum. Frestur til að skila inn athugasemdum ert til 18. apríl 2021. Erindinu var vísað til umsagnar deildarstjóra aðalskipulags og er nú lagt fram að nýju ásamt umsögn deildarstjóra aðalskipulags dags. 14. maí 2021.

Umsögn deildarstjóra aðalskipulags, dags. 14. maí 2021, samþykkt.
48.21 Geirsgata 9, (fsp) breyting á deiliskipulagi
Á embættisafgreiðslufundi skipulagsfulltrúa 26. mars 2021 var lögð fram fyrirspurn ASK Arkitekta ehf. dags. 17. mars 2021 ásamt greinargerð dags. 17. mars 2021 varðandi breytingu á deiliskipulagi Slippa- og Ellingsenreits, með síðari breytingum, vegna lóðarinnar nr. 9 við Geirsgötu sem felst í stækkun skipulagssvæðis Vesturbugtar þannig að Geirsgata 9 verði hluti af reit 8 á skipulagssvæðinu ásamt því að gera nýjan byggingarreit í anda verbúðanna að Geirsgötu 3-7, samkvæmt uppdr. ASK Arkitekta ehf. dags. 17. mars 2021. Einnig er lögð fram fundargerð stjórnar Faxaflóahafna sf. frá 19. febrúar 2021 ásamt umsögn skipulagsfulltrúa Faxaflóahafna sf. dags. 16. febrúar 2021. Fyrirspurninni var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 12. maí 2021.

Umsögn skipulagsfulltrúa, dags. 12. maí 2021, samþykkt.