Fjólugata 19, Bátavogur 1, Frakkastígur - Skúlagata, Hólmsland, Bankastræti 3, Kjalarnes, Varmadalur, Kjalarnes, Varmadalur 1, Malarhöfði 10, Víðinesvegur 2, Nesvegur 48, Héðinsgata 2, Laugateigur 28, Smáragata 3, Teigagerði 5, Grenimelur 8, Ólafsgeisli 67, Háaleitisbraut 1, Sólvallagata 79, Vesturgata 35A og 35B, Borgartún 34-36, Mjölnisholt 6 og 8, Sóltún 2-4, Akurgerði 15, Austurberg 16-20, Bláskógar 5, Rofabær 7-9, Suðurlandsvegur og Breiðholtsbraut, Vesturfold 15, Aragata 3, Gefjunarbrunnur 6, Langholtsvegur 185, Landsskipulagsstefna,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

798. fundur 2020
Ár 2020, föstudaginn 20. nóvember kl. 09:10, hélt skipulagsfulltrúi Reykjavíkur 798. embættisafgreiðslufund sinn til afgreiðslu mála án staðfestingar skipulags- og samgönguráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir, Helena Stefánsdóttir og Vigdís Þóra Sigfúsdóttir. Eftirtaldir embættismenn kynntu mál á fundinum:, Ingvar Jón Bates Gíslason, Björn Ingi Edvardsson, Ólafur Melsted, Sólveig Sigurðardóttir, Birkir Ingibjartsson, Haukur Hafliði Nínuson, Hildur Gunnarsdóttir, Guðlaug Erna Jónsdóttir, Hrafnhildur Sverrisdóttir, Lilja Grétarsdóttir og Hulda Einarsdóttir. Ritari var Erna Hrönn Geirsdóttir.
Þetta gerðist:

1.20 Fjólugata 19, (fsp) - Fjölgun eigna
Lagt fram erindi frá afgreiðslufundi byggingarfulltrúa frá 17. nóvember 2020 þar sem spurt er hvort leyft yrði að auka salarhæð kjallara, breyta aðkomutröppum, stækka og sameina svalir á 2. hæð, endurnýja þak og hækka að hluta, fjarlægja skorstein og innrétta þrjár íbúðir í húsi á lóð nr. 19 við Fjólugötu. Einnig er lögð fram umsögn skipulagsfulltrúa dags. 20. nóvember 2020.
Erindi fylgir bréf umsækjanda dags. 24. september 2020.

Umsögn skipulagsfulltrúa, dags. 20. nóvember 2020, samþykkt.
2.20 Bátavogur 1, Breytt BN057214 - Breyta matshlutum
Á embættisafgreiðslufundi skipulagsfulltrúa 12. nóvember 2020 var lagt fram erindi frá afgreiðslufundi byggingarfulltrúa frá 10. nóvember 2020 þar sem sótt er um leyfi til þess að breyta erindi BN057214 þannig að íbúðarhúsi verður skipt í tvo matshluta, mhl.01 og mhl.02, rýmisnúmer eru uppfærð og núverandi djúpgámagerði skipt upp í tvö aðskilin djúpgámagerði, mhl.03 og mhl.04, á lóð nr. 1 við Bátavog. Erindinu var vísað til umsagnar verkefnisstjóra og nú lagt fram að nýju ásamt umsögn skipulagsfulltrúa dags. 20. nóvember 2020.
Erindi fylgir lóðauppdráttur dags. 8. maí 2020 og yfirlit breytinga á teikningum dagsettum 28. janúar 2020. Gjald kr. 11.200

Umsögn skipulagsfulltrúa, dags. 20. nóvember 2020, samþykkt.
3.20 Frakkastígur - Skúlagata, breyting á deiliskipulagi
Að lokinni auglýsingu er lögð fram að nýju tillaga umhverfis- og skipulagssviðs að breytingu á deiliskipulagi fyrir Frakkastíg - Skúlagötu, varðandi fyrirhugaða nýbyggingu við Frakkastíg 1. Um er að ræða endurskoðun á gildandi deiliskipulagi og með þessari breytingu fellur því úr gildi eldra skipulag sem var samþykkt í borgarráði Reykjavíkur þann 7. júní 2018, samkvæmt uppdr. VA arkitekta ehf. dags. 2. apríl 2020 br. 16. nóvember 2020. Tillagan var auglýst frá 20. maí 2020 til og með 1. júlí 2020. Eftirtaldir sendu athugasemdir/umsögn: Benóný Ægisson f.h. Íbúasamtaka Miðborgar Reykjavíkur dags. 30. júní 2020 og Björgvin Þórðarson hrl. hjá Atlas lögmönnum ehf. f.h. húsfélagsins að Skúlagötu 20, dags. 30. júní 2020. Einnig er lögð fram umsögn Veitna dags. 1. júní 2020, umsögn Minjastofnunar Íslands dags. 2. júlí 2020 og 10. nóvember 2020 og fornleifaskrá Borgarsögusafns Reykjavíkur, skýrsla nr. 206, dags. 2020. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 3. júlí 2020 og er nú lagt fram að nýju.

Vísað til skipulags- og samgönguráðs.
4.20 Hólmsland, (fsp) stækkun húss (loka skyggni)
Á embættisafgreiðslufundi skipulagsfulltrúa 6. nóvember 2020 var lögð fram fyrirspurn Björns Björnssonar dags. 2. nóvember 2020 ásamt bréfi/skissu dags. 30. október 2020 um að stækka hús (loka skyggni) að Hólmsland, lnr. 113490. Einnig er lagður fram aðaluppdr. Friðriks Ólafssonar dags. 1. maí 2018. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 20. nóvember 2020.

Neikvætt, með vísan til umsagnar skipulagsfulltrúa dags. 20. nóvember 2020.
5.20 Bankastræti 3, (fsp) uppbygging
Á embættisafgreiðslufundi skipulagsfulltrúa 12. nóvember 2020 var lögð fram fyrirspurn Stefáns Arnar Stefánssonar dags. 19. júní 2020 ásamt greinargerð dags. 18. júní 2020 um uppbyggingu á lóð nr. 3 við Bankastræti, samkvæmt uppdr. Argos ehf. dags. 16. júní 2020. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn Minjastofnunar Íslands dags. 9. september 2020 og umsögn skipulagsfulltrúa dags. 23. október 2020. Jafnframt er lagt fram bréf Herbertsprents ehf. dags. 10. nóvember 2020. Fyrirspurninni var vísað til umsagnar verkefnisstjóra og nú lögð fram að nýju ásamt umsögn skipulagsfulltrúa dags. 20. nóvember 2020.

Umsögn skipulagsfulltrúa, dags. 20. nóvember 2020, samþykkt.
6.20 Kjalarnes, Varmadalur, (fsp) skipting lands/breyting á stærð lóða
Á embættisafgreiðslufundi skipulagsfulltrúa 16. október 2020 var lögð fram fyrirspurn MG lögmanna ehf. dags. 9. október 2020 ásamt bréfi dags. 7. október 2020 um skiptingu á landi Varmadals á Kjalarnesi sem felst í að breyta stærð lóða nr. 125768, 125907 og 202099 þannig að hver lóð verði 1,5 hektarar að stærð. Einnig er lagt fram umboð dags. 12. mars 2019 ásamt fylgigögnum. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 20 nóvember 2020.

Umsögn skipulagsfulltrúa, dags. 20. nóvember 2020, samþykkt.
7.20 Kjalarnes, Varmadalur 1, (fsp) setja smáhýsi/gestahús á lóð
Á embættisafgreiðslufundi skipulagsfulltrúa 16. október 2020 var lögð fram fyrirspurn Gísla G. Gunnarssonar dags. 13. október 2020 um að setja smáhýsi/gestahús á lóð nr. 1 við Varmadal á Kjalarnesi, samkvæmt fyrirspurnaruppdr. Kvarða dags. 29. september 2020. Einnig er lögð fram yfirlitsmynd þar sem fyrirhuguð staðsetning smáhýsis/gestahúss er sýnd. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 20 nóvember 2020.


Umsögn skipulagsfulltrúa, dags. 20. nóvember 2020, samþykkt.
8.20 Malarhöfði 10, ósk um umsögn vegna endurnýjunar á starfsleyfi
Lagt fram erindi Heilbrigðiseftirlits Reykjavíkur dags. 12. nóvember 2020 þar sem óskað er eftir umsögn skipulagsfulltrúa um hvort starfsemi Steypustöðvarinnar að Malarhöfða 10 sé í samræmi við skipulag og hvort breytingar á skipulagi geti komið í veg fyrir endurnýjun á starfsleyfi í 12 ár.

Vísað til umsagnar verkefnisstjóra.
9.20 Víðinesvegur 2, skipting lands
Á embættisafgreiðslufundi skipulagsfulltrúa 23. október 2020 var lögð fram umsókn Þorbjargar Gígju dags. 14. október 2020 ásamt bréfi dags. 10. júlí 2020 um að skipta landinu Naustanes, Víðinesvegur 2, í tvo parta, samkvæmt samkvæmt uppdr. Sigurgeirs Skúlasonar dags. 10. júlí 2020. Erindinu var vísað til meðferðar hjá verkefnisstjóra og er nú lagt fram að nýju.
Vísað til skipulags- og samgönguráðs.

Vakin er athygli á að greiða þarf fyrir málsmeðferð skv. 3. mgr. 44. gr. skipulagslaga og þarf að greiða skv. 8.2. gr. gjaldskrá skipulagsfulltrúa nr. 1231/2018, áður en breytingin er auglýst í B- deild Stjórnartíðinda.
10.20 Nesvegur 48, (fsp) bílskúr
Lögð fram fyrirspurn Hrafnhildar Gunnarsdóttur dags. 12. nóvember 2020 um að setja bílskúr á lóð nr. nr. 48 við Nesveg, samkvæmt tillögu/uppdr. April arkitekta dags. 7. nóvember 2020.

Vísað til umsagnar verkefnisstjóra.
11.20 Héðinsgata 2, ósk um umsögn vegna umsóknar um starfsleyfi - 2020100299
Lagt fram erindi Heilbrigðiseftirlits Reykjavíkur dags. 18. nóvember 2020 þar sem óskað er eftir umsögn vegna umsóknar Vöku hf. um starfsleyfi fyrir móttökustöð fyrir ökutæki sem áformað er að farga, bílapartasölu, bifreiða og vélaverkstæði og hjólbarðaverkstæði að Héðinsgötu 2. Um er að ræða flutning í nýtt húsnæði. Sótt er um tímabundið starfsleyfi eða til loka árs 2021.Einnig eru lagðar fram greinargerðir Vöku hf. dags. 27. október 2020 um annars vegar breytingar á starfsháttum Vöku hf., björgunarfélagi, og hins vegar vegna umsóknar um starfsemi Vöku hf. að Héðinsgötu 2.

Vísað til umsagnar verkefnisstjóra.
12.20 Laugateigur 28, Hækkun þaks - kvistir
Á embættisafgreiðslufundi skipulagsfulltrúa 12. nóvember 2020 var lagt fram erindi frá afgreiðslufundi byggingarfulltrúa frá 10. nóvember 2020 þar sem sótt er um leyfi til að hækka þak og setja kvisti á hús á lóð nr. 28 við Laugateig. Erindinu var vísað til umsagnar verkefnisstjóra og nú lagt fram að nýju ásamt umsögn skipulagsfulltrúa dags. 17. nóvember 2020.
Erindi fylgir samþykki meðeiganda á lóð, ódagsett. Útskrift úr gerðabók embættis afgreiðslufundar skipulagsfulltrúa frá 16. október 2020 fylgir erindi, ásamt umsögn skipulagsfulltrúa dags. 16. október 2020. Einnig fylgir bréf skipulagsfulltrúa dags. 20. október 2020. Stækkun: 61,7 ferm., 108,8 rúmm. Gjald kr. 11.200

Leiðrétt umsögn skipulagsfulltrúa, dags. 17. nóvember 2020, samþykkt.
13.20 Smáragata 3, (fsp) stækkun bílskúrs
Lögð fram fyrirspurn Helga Marteins Gunnlaugssonar dags. 16. nóvember 2020 um að stækka bílskúr á lóð nr. 3 við Smáragötu, samkvæmt skissu ódags. Einnig eru lagðar fram ljósmyndir. Jafnframt er lögð fram umsögn skipulagsfulltrúa dags. 20. nóvember 2020.

Neikvætt, með vísan til umsagnar skipulagsfulltrúa dags. 20. nóvember 2020.
14.20 Teigagerði 5, (fsp) breyting/stækkun á anddyri
Á embættisafgreiðslufundi skipulagsfulltrúa 6. nóvember 2020 var lögð fram fyrirspurn Mulazim Ustundag dags. 2. september 2020 um breytingu/stækkun á anddyri hússins á lóð nr. 5 við Teigagerði. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 19. nóvember 2020.

Neikvætt, með vísan til umsagnar skipulagsfulltrúa dags. 19. nóvember 2020.
15.20 Grenimelur 8, Hækkun húss, svalir, tröppur o.fl.
Lagt fram erindi frá afgreiðslufundi byggingarfulltrúa frá 17. nóvember 2020 þar sem sótt er um leyfi til að hækka og endurgera þakhæð, byggja kvisti, nýjar svalir á suðurhlið 1. og 2. hæðar og breyta innra skipulagi á 1. og 2. hæð í húsi á lóð nr. 8 við Grenimel.
Útskrift úr gerðabók embættisafgreiðslufundar skipulagsfulltrúa frá 24. júlí 2020 fylgir erindi, ásamt umsögn skipulagsfulltrúa dags. 23. júlí 2020. Einnig fylgir bréf skipulagsfulltrúa dags. 27. júlí 2020. Útskrift úr gerðabók embættisafgreiðslufundar skipulagsfulltrúa frá 30. október 2020 fylgir erindi, ásamt umsögn skipulagsfulltrúa dags. 30. október 2020. Einnig fylgir bréf skipulagsfulltrúa dags. 2. nóvember 2020. Stækkun: 109,5 ferm., 188,1 rúmm. Eftir stækkun: 447,2 ferm., 1.146,8 rúmm. Gjald kr. 11.200

Samþykkt að grenndarkynna framlagða byggingarleyfisumsókn fyrir hagsmunaaðilum að
Grenimel 5, 6, 7, 9 og 10 og Reynimel 25, 27 og 29.
Vakin er athygli á að greiða þarf fyrir grenndarkynningu áður en kynning fer fram samkv. 8.1. gr. gjaldskrá skipulagsfulltrúa nr. 1231/2018.
16.20 Ólafsgeisli 67, (fsp) taka í notkun kjallara hússins
Lögð fram fyrirspurn Valdísar Arnardóttur dags. 18. nóvember 2020 um að taka í notkun kjallara hússins á lóð nr. 67 við Ólafsgeisla. Einnig eru lagðir fram uppdrættir TEIKNING.IS dags. 13. október 2020.

Vísað til umsagnar verkefnisstjóra.
17.20 Háaleitisbraut 1, breyting á deiliskipulagi
Lögð fram umsókn THG Arkitekta ehf. dags. 11. nóvember 2020 ásamt bréfi dags. 12. nóvember 2020 varðandi breytingu á deiliskipulagi lóðarinnar nr. 1 við Háaleitisbraut. Í breytingunni felst að fjölga bílastæðum ofanjarðar um 8, úr 41 í 49, fækka bílastæðum í kjallara um 8, úr 84 í 76, bílastæði ofanjarðar sem eru umhverfis núverandi skrifstofuhús Valhallar sem snúa að húsinu að undanskyldum sex syðstu stæðunum austan við húsið verða skammtímastæði Valhallar á skrifstofutíma (alls 24 stæði), en stæðin verða samnýtt stæði með öðrum húsum á lóðinni utan hefðbundins skrifstofutíma ásamt því að önnur bílastæði ofanjarðar verða samnýtt skammtímastæði fyrir öll húsin á lóðinni á skrifstofutíma að auki eru 5 bílastæði fyrir hreyfihamlaða á lóðinni, samkvæmt uppdr. THG Arkitekta ehf. dags. 13. nóvember 2020.

Vísað til skipulags- og samgönguráðs.

Vakin er athygli á að greiða þarf fyrir óveruleg breytingu á deiliskipulagi á grundvelli málsmeðferðar skv. 3. mgr. 44. gr. skipulagslaga og þarf að greiða skv. 8.2. gr. gjaldskrá skipulagsfulltrúa nr. 1231/2018, áður en breytingin er auglýst í B- deild Stjórnartíðinda.
18.20 Sólvallagata 79, Fjölbýlishús
Lagt fram erindi frá afgreiðslufundi byggingarfulltrúa frá 17. nóvember 2020 þar sem sótt er um leyfi til að byggja fjögur tveggja til fimm hæða fjölbýlishús með 83 íbúðum, atvinnurýmum á götuhlið v/Hringbraut og bílakjallara fyrir 82 bíla, steinsteypt, einangruð að utan og með loftræstri klæðningu á Steindórsreit á lóð nr. 79 við Sólvallagötu.
Erindi fylgir brunahönnun frá Örugg, verkfræðistofu dags. 26. október 2020 og greinargerð um hljóðvist frá Eflu dags. 17. apríl 2020. Stærð, A-rými: 9.184,2 ferm., 29.051,2 rúmm. B-rými: 3.747 ferm., xx rúmm. Samtals: 12.931,2 ferm., xx rúmm. Gjald kr. 11.200

Vísað til umsagnar verkefnisstjóra.
19.20 Vesturgata 35A og 35B, (fsp) 35B - hækkun húss
Lögð fram fyrirspurn Þorgils Heimissonar og Heimis Óskarssonar dags. 4. nóvember 2020 um hækkun hússins nr. 35B, lóð nr. 35A og 35B, um eina hæð (rishæð), samkvæmt skissu ódags.

Vísað til umsagnar verkefnisstjóra.
20.20 Borgartún 34-36, (fsp) breyting á deiliskipulagi
Lögð fram fyrirspurn Gunnars Sigurðssonar dags. 6. nóvember 2020 um breytingu á deiliskipulagi vegna lóðarinnar nr. 34-36 við Borgartún sem felst í fjölgun íbúða um 19 íbúðir þ.e. úr 91 í 115, lækkun á hámarkshæð byggingarinnar í 8 hæðir , víkja frá kröfu um stærð íbúða efst í stigagöngum, tilslökun á forskrift að útliti og efnisnotkun, tilfærslu á geymslum og bílageymslum milli hæða, uppfærslu á bílastæðabókhaldi miðað við fjölda íbúða og tilslökun á lá- og lóðréttum byggingarreitum, samkvæmt fyrirspurnartillögu Tvíhorf ódags.

Vísað til umsagnar verkefnisstjóra.
21.20 Mjölnisholt 6 og 8, breyting á deiliskipulagi
Lögð fram umsókn Kjartans Hafsteins Rafnssonar dags. 12. nóvember 2020 ásamt greinargerð Arctic Tours ehf. dags. 11. nóvember 2020 vaðandi breytingu á deiliskipulagi Hampiðjureits vegna lóðanna nr. 6 og 8 við Mjölnisholt. Í breytingunni felst að sameina lóðirnar nr. 6 og 8, setja einn sameiginlegan geymsluskúr á lóð, setja stigagang með lyftu upp á baklóð/vesturhlið með aðgengi í allar íbúðir ásamt því að kvistir verða samtengdir. Einnig eru lagðir fram tveir deiliskipulagsuppdrættir K.J. ARK slf. dags. 28. október 2020.

Vísað til meðferðar hjá verkefnisstjóra.
22.20 Sóltún 2-4, (fsp) breyting á deiliskipulagi
Lögð fram fyrirspurn Sóltúns 4 ehf. dags. 10. nóvember 2020 ásamt greinargerð dags. 10. nóvember 2020 um breytingu á deiliskipulagi Ármannsreits vega lóðarinnar nr. 2-4 við Sóltún sem felst í að heimilt verði að lengja þær álmur á núverandi byggingu við Sóltún sem snúa inn að garði, heimilt verði að minnka tengibyggingu á milli Sóltúns hjúkrunarheimilis og hjúkrunartengdra þjónustuíbúða í 1020 m2 í stað 1400 m2 og að heimilt verði að hafa hjúkrunartengda þjónustubyggingu á 5 hæðum í stað 4 hæða auk kjallara sem að hluta yrði bílakjallari, samkvæmt uppdr. Nexus arkitekta ehf. dags. 30. október 2020.

Vísað til umsagnar verkefnisstjóra.
23.20 Akurgerði 15, Svalalokun, pallur, þakgluggar o.fl.
Lagt fram erindi frá afgreiðslufundi byggingarfulltrúa frá 17. nóvember 2020 þar sem sótt er um leyfi til þess að færa og stækka kvisti og setja svalalokanir á svalir í risi til suðurs, bæta við þakgluggum á norðurþekju, setja nýtt þak og skyggni yfir anddyri og kjallaratröppur, síkka glugga úr borðstofu og gera þar þrefalda hurð út á nýjan sólpall og tröppur af honum niður í garð auk smávægilegra breytinga á innra skipulagi í risi í sambýlishúsi á lóð nr. 15 við Akurgerði.
Erindi fylgir samþykki eigenda húss nr. 17 á afrit af uppdrætti dags. 5. nóvember 2020. Útskrift úr gerðabók embættisafgreiðslufundar skipulagsfulltrúa frá 2. október 2020 fylgir erindi, ásamt umsögn skipulagsfulltrúa dags. 2. október 2020. Einnig fylgir bréf skipulagsfulltrúa dags. 6. október 2020. Stækkun 0.8 ferm., 2.2 rúmm. Gjald kr. 11.200

Samþykkt að grenndarkynna framlagða tillögu fyrir hagsmunaaðilum að Akurgerði 13, 19, 21 og 23.

Byggingarleyfisumsókn verður grenndarkynnt þegar umsækjandi hefur greitt fyrir grenndarkynninguna, sbr. 8.1. gr. í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1231/2018.
24.20 Austurberg 16-20, staðsetning ökutækjaleigu
Lagt fram bréf Samgöngustofu dags. 12. nóvember 2020 þar sem óskað er eftir umsögn vegna umsóknar Þorvarðar I. Þorbjörnssonar f.h. Boreal ehf. um að reka ökutækjaleigu að Austurbergi 20, lóð nr. 16-20 við Austurberg. Sótt er um leyfi fyrir 1 ökutæki til útleigu. Einnig er lögð fram umsögn skipulagsfulltrúa dags. 20. nóvember 2020.
Neikvætt, með vísan til umsagnar skipulagsfulltrúa dags. 20. nóvember 2020.
25.20 Bláskógar 5, málskot
Lagt fram málskot Svavars Páls Pálssonar dags. 13. nóvember 2020 vegna neikvæðrar afgreiðslu skipulagsfulltrúa frá 4. september 2020 um að gera innkeyrslu á lóð nr. 5 við Bláskóga, samkvæmt skissu á ljósmynd.

Vísað til skipulags- og samgönguráðs.
26.20 Rofabær 7-9, breyting á hverfisskipulagi Árbæjar skilmálaeiningu 7-2-4
Lögð fram umsókn Plúsarkitekta ehf. dags. 13. nóvember 2020 varðandi breytingu á hverfisskipulagi fyrir Árbæ skilmálaeiningu 7-2-4 vegna lóðarinnar nr. 7-9 við Rofabæ. Í breytingunni felst breyting á byggingarreit lóðarinnar ásamt því að uppskipting kjallara í bílakjallara og önnur rými er tekin út og texti um spennistöðvar við nýbyggingu er tekinn út, samkvæmt uppdr. Plúsarkitekta ehf. dags. 12. nóvember 2020.
Vísað til skipulags- og samgönguráðs.

Vakin er athygli á að erindið fellur undir lið 7.5 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1231/2018.
27.20 Suðurlandsvegur og Breiðholtsbraut, (fsp) skilti
Á embættisafgreiðslufundi skipulagsfulltrúa 6. nóvember 2020 var lögð fram fyrirspurn Íþróttafélagsins Fylkis dags. 25. ágúst 2020 ásamt greinargerð ódags. um að setja skilti við hringtorg þar sem Suðurlandsvegur og Breiðholtsbraut mætast. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 20. nóvember 2020.

Umsögn skipulagsfulltrúa, dags. 20. nóvember 2020, samþykkt.
28.20 Vesturfold 15, (fsp) garðskáli
Lögð fram fyrirspurn Sigurðar Rúnars Ívarssonar dags. 11. nóvember 2020 um að setja garðskála á bakhlið hússins á lóð nr. 15 við Vesturfold, samkvæmt skissu ódags. Einnig eru lagðar fram ljósmyndir. Jafnframt er lögð fram umsögn skipulagsfulltrúa dags. 20. nóvember 2020.

Umsögn skipulagsfulltrúa, dags. 20. nóvember 2020, samþykkt.
29.20 Aragata 3, (fsp) stækkun á kjallara hússins og setja svalir
Á embættisafgreiðslufundi skipulagsfulltrúa 30. október 2020 var lögð fram fyrirspurn Áslaugar Geirsdóttur dags. 20. október 2020 ásamt bréfi dags. 19. október 2020 um stækkun á kjallara á suðaustur horni hússins á lóð nr. 3 við Aragötu og setja svalir, samkvæmt uppdr. Glámu/Kím ehf. dags. 8. október 2020. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 6. nóvember 2020 og leiðrétt umsögn skipulagsfulltrúa dags. 20. nóvember 2020.

Leiðrétt umsögn skipulagsfulltrúa, dags. 20. nóvember 2020, samþykkt.
30.20 Gefjunarbrunnur 6, Tvíbýlishús
Lagt fram erindi frá afgreiðslufundi byggingarfulltrúa frá 17. nóvember 2020 þar sem sótt er um leyfi til að byggja tveggja hæða tvíbýlishús úr steinsteyptum einingum á lóð nr. 6 við Gefjunarbrunn. Einnig er lögð fram umsögn skipulagsfulltrúa, dags. 20. nóvember 2020.
Útskrift úr gerðabók embættisafgreiðslufundar skipulagsfulltrúa frá 3. júlí 2020 fylgir erindi, ásamt umsögn skipulagsfulltrúa dags. 3. júlí 2020. Einnig fylgir bréf skipulagsfulltrúa dags. 6. júlí 2020. Stærð, A-rými: 230 ferm., 767,8 rúmm. B-rými: 49,2 ferm. Gjald kr. 11.200
Umsögn skipulagsfulltrúa, dags. 20. nóvember 2020, samþykkt.
31.20 Langholtsvegur 185, breyting á deiliskipulagi
Lögð fram umsókn Bjarka Gunnars Halldórssonar dags. 15. október 2020 varðandi breytingu á deiliskipulagi Vogahverfis vegna lóðarinnar nr. 185 við Langholtsveg. Í breytingunni felst stækkun á byggingarreit og breyting á fjölda íbúða, samkvæmt uppdr. VA arkitekta ehf. dags. 17. september 2020.

Vísað til meðferðar hjá verkefnisstjóra.
32.20 Landsskipulagsstefna, tillaga að viðauka - ósk um umsögn
Lagt fram erindi Skipulagsstofnunar dags. 13. nóvember 2020 þar sem óskað er eftir umsögn um tillögu, dags. í nóvember 2020, að viðauka við Landsskipulagsstefnu 2015-2026 sem auglýst er til kynningar ásamt umhverfismati í samræmi við lög nr. 123/2010 og 105/2006 og reglugerð nr. 1001/2011. Breytingin felst í því að efni kafla 6.3 Nýting vindorku í sátt við umhverfi og samfélag hefur að svo stöddu verið fellt brott, ásamt samsvarandi umfjöllun í umhverfismati. Það er gert vegna áforma um breytingar á lögum nr. 48/2011 um verndar- og orkunýtingaráætlun (rammaáætlun) sem eru í vinnslu í umhverfis- og auðlindaráðuneyti, sem haft geta áhrif á efni og útfærslu þessa kafla. Frestur til að skila inn athugasemdum er til og með 8. janúar 2021.

Vísað til umsagnar deildarstjóra aðalskipulags.