Hverfisgata 65 og 67, Bræðraborgarstígur 24A, Dalhús 82, Nýlendugata 29, Síðumúli 24-26, Spítalastígur 10, Fýlshólar 5, Keilufell 15, Laugavegur 20B, Lindargata 34-36, Völvufell 7A, Norðurstígur 3, Baldursgata 10, Laugarásvegur 40, Salthamrar 1, Stórhöfði 15, Heklureitur - Laugavegur 168 og 170-174, Vesturlandsvegur/Lambhagavegur, Flugvöllur 106748, Freyjubrunnur 1, Lofnarbrunnur 1-7, Rökkvatjörn 2, Týsgata 8, Urðarbrunnur 84-92,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

755. fundur 2019
Ár 2019, föstudaginn 13. desember kl. 09:00, hélt skipulagsfulltrúi Reykjavíkur 755. embættisafgreiðslufund sinn til afgreiðslu mála án staðfestingar skipulags- og samgönguráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir og Helena Stefánsdóttir. Eftirtaldir embættismenn kynntu mál á fundinum, Margrét Þormar, Birkir Ingibjartsson, Haukur Hafliði Nínuson, Sólveig Sigurðardóttir, Hildur Gunnarsdóttir, Ingvar Jón Bates Gíslason, Guðlaug Erna Jónsdóttir, Lilja Grétarsdóttir, Björn Ingi Edvardsson og Hrafnhildur Sverrisdóttir. Ritari var Harri Ormarsson.
Þetta gerðist:

1.19 Hverfisgata 65 og 67, breyting á deiliskipulagi
Að lokinni grenndarkynningu er lögð fram að nýju umsókn Richards Ólafs Briem, mótt. 17. mars 2016, varðandi breytingu á deiliskipulagi Skúlagötusvæðis vegna lóðanna nr. 65 og 67 við Hverfisgötu. Í breytingunni felst breyting á byggingarreit, samkvæmt uppdr. VA arkitekta ehf., dags. 28. júlí 2015 síðast br. 21. október 2019 og dags. 26. september 2019. Einnig er lögð fram umsögn Borgarsögusafns Reykjavíkur dags. 31. maí 2016 og umsögn Minjastofnunar Íslands dags. 15. október 2019. Tillaga var grenndarkynnt frá 12. nóvember 2019 til og með 10. desember 2019. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
2.19 Bræðraborgarstígur 24A, (fsp) hleðslustæði á lóð
Á embættisafgreiðslufundi skipulagsfulltrúa 6. desember 2019 var lögð fram fyrirspurn Jónasar Margeirs Ingólfssonar dags. 26. nóvember 2019 um að setja bílastæði/hleðslustæði á lóð nr. 24A við Bræðraborgarstíg, samkvæmt tillögu/skissu ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 12. desember 2019.

Neikvætt, með vísan til umsagnar skipulagsfulltrúa dags. 12. desember 2019.
3.19 Dalhús 82, (fsp) stækka svalir og breyta í sólskála, pallur o.fl.
Lögð fram fyrirspurn Steins Guðjónssonar og Boga Nils Bogasonar dags. 19. nóvember 2019 um að stækka svalir hússins á lóð nr. 82 við Dalhús og breyta í sólskála/viðbyggingu, setja pall út frá sólskála/viðbyggingu og klæða suðurhlið hússins með hvítri álklæðningu, samkvæmt skissu ódags. Einnig er lögð fram umsögn skipulagsfulltrúa dags. 13. desember 2019.

Umsögn skipulagsfulltrúa dags. 13. desember 2019 samþykkt.
4.19 Nýlendugata 29, breyting á deiliskipulagi
Á embættisafgreiðslufundi skipulagsfulltrúa 4. október 2019 var lögð fram umsókn Bjarna Snæbjörnssonar dags. 26. september 2019 um breytingu á deiliskipulagi Nýlendureits vegna lóðarinnar nr. 29 við Nýlendugötu. Í breytingunni felst að fjölga íbúðum hússins úr 5 íbúðum í 7 íbúðir, koma fyrir svölum á suðurhlið hússins og koma fyrir lyftu í húsinu, samkvæmt uppdrætti bj snæ arkitekta dags 26. september 2019 br. 11. desember 2019. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Nýlendugötu 26 og 27, Vesturgötu 42, 44, 44A og 46A og Bakkastíg 2 og 4.
Vakin er athygli á að greiða þarf fyrir grenndarkynningu áður en kynning fer fram samkv. 7. 6.gr. gjaldskrá skipulagsfulltrúa nr. 1231/2018.



5.19 Síðumúli 24-26, Viðbygging
Á embættisafgreiðslufundi skipulagsfulltrúa 22. nóvember 2019 var lagt fram erindi frá afgreiðslufundi byggingarfulltrúa frá 19. nóvember 2019 þar sem sótt er um leyfi til að byggja við suðurhlið og koma þar fyrir búningsklefa fyrir starfsfólk og opna hjólageymslu undir þaki, sem verður lokuð með grindarhliði, við húsið á lóð nr. 24-26 við Síðumúla. Erindinu var vísað til umsagnar verkefnisstjóra og er nú lagt fram að nýju.
Stækkun vegna viðbyggingar, A rými: 66,9 ferm., 198,7 rúmm. Hjólageymsla undir þaki, B rými: 34,6 ferm., 102,8 rúmm. Gjald kr. 11.200


Samþykkt að grenndarkynna framlagða byggingarleyfisumsókn fyrir hagsmunaaðilum að Síðumúla 25, 27 og 28.
Vakin er athygli á að greiða þarf fyrir grenndarkynningu áður en kynning fer fram samkv. 8.1. gr. gjaldskrá skipulagsfulltrúa nr. 1231/2018.

6.19 Spítalastígur 10, breyting á deiliskipulagi
Á embættisafgreiðslufundi skipulagsfulltrúa 29. nóvember 2019 var lögð fram umsókn Gests Ólafssonar dags. 20. nóvember 2019 varðandi breytingu á deiliskipulagi reits 1.184.1 vegna lóðarinnar nr. 10 við Spítalastíg. Breytingin felur í sér skiptingu lóðarinnar, samkvæmt aðaluppdr. Skipulags-, arkitekta- og verkfræðistofunnar ehf. dags. 29. maí 2018 síðast br. 7. nóvember 2019. Einnig er lagt fram samþykki meðlóðarhafa mótt. 20. nóvember 2019. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 13. desember 2019.

Umsögn skipulagsfulltrúa dags. 13. desember 2019 samþykkt.
7.19 Fýlshólar 5, (fsp) breyting á notkun
Á embættisafgreiðslufundi skipulagsfulltrúa 14. nóvember 2019 var lögð fram fyrirspurn Ingunnar Helgu Hafstað dags. 4. nóvember 2019 um breytingu á notkun íbúðar merkt 01 0102 á neðri hæð hússins á lóð nr. 5 við Fýlshóla úr vinnustofu í íbúð. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 11. desember 2019.

Neikvætt, með vísan til umsagnar skipulagsfulltrúa dags. 11. desember 2019.
8.19 Keilufell 15, (fsp) stækkun húss, setja kvist o.fl.
Á embættisafgreiðslufundi skipulagsfulltrúa 22. nóvember 2019 var lögð fram fyrirspurn Birnis Orra Péturssonar dags. 5. nóvember 2019 um stækkun hússins á lóð nr. 15 við Keilugranda til suðurs, setja kvist á húsið, gera nýja bílgeymslu ásamt geymslu í stað núverandi bílgeymslu og setja þakglugga á húsið, samkvæmt uppdr. Teiknistofunnar Kvarða ehf. dags. 28. október 2019. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 12. desember 2019.

Neikvætt, með vísan til umsagnar skipulagsfulltrúa dags. 12. desember 2019.
9.19 Laugavegur 20B, breyting á deiliskipulagi
Lagt fram bréf Skipulagsstofnunar dags. 6. desember 2019 þar sem ekki er gerð athugasemd við birtingu auglýsingu um samþykkt deiliskipulagsbreytingarinnar í B-deild Stjórnartíðinda en bendir á að áður þarf að lagfæra deiliskipulagsgögn.
Vísað til meðferðar hjá verkefnisstjóra.
10.19 Lindargata 34-36, (fsp) afmörkun nýs byggingarreits
Lögð fram fyrirspurn Ingunnar Helgu Hafstað dags. 31. október 2019 ásamt greinargerð dags. 30. október 2019 um afmörkun nýs byggingarreits í bakgarði lóðar nr. 34-36 við Lindargötu fyrir einnar hæðar byggingu sem yrðu um 50 m2 að stærð.

Vísað til umsagnar verkefnisstjóra.
11.19 Völvufell 7A, (fsp) breyting á notkun
Lögð fram fyrirspurn Halls kristmundssonar dags. 9. desember 2019 um breytingu á notkun hússins á lóð nr. 7A við Völvufell úr dagheimili í vistheimili, samkvæmt uppdr. Arkþings - Nordic ehf. dags. 9. desember 2019. Einnig er lögð fram umsögn skipulagsfulltrúa dags. 12. desember 2019.

Umsögn skipulagsfulltrúa dags. 12. desember 2019 samþykkt.
12.19 Norðurstígur 3, Hækka hús - endurnýjun á byggingarleyfi BN053130
Lagt fram erindi frá afgreiðslufundi byggingarfulltrúa frá 10. desember 2019 þar sem sótt er um leyfi til að að byggja tvær hæðir ofan á núverandi íbúðarhús og fjölga eignum um tvær íbúðir í húsi á lóð nr. 3 við Norðurstíg.
Sambærilegt erindi BN053130 var samþykkt á afgreiðslufundi þann 10. október 2017. Erindi fylgir afrit af deiliskipulagi ásamt tilheyrandi skuggavarpi fyrir Norðurstígsreit 1.132.0, auglýst í B-deild Stjórnartíðinda 15. febrúar 2017 og minnkað afrit teikningum samþykktum á afgreiðslufundi þann 10. október 2017 og afrit af afsali vegna eigendaskipta dags. 29. nóvember 2019. Stækkun: x.xx ferm., x.xx rúmm. Gjald kr. 11.200

Vísað til umsagnar verkefnisstjóra.
13.19 >Baldursgata 10, Ofanábygging og svalir
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 8. október 2019 þar sem sótt er um leyfi til að byggja hæð úr timbri, klædda bárujárni, ofan á núverandi hús á lóð nr. 10 við Baldursgötu. Einnig er lagður fram skuggavarpsuppdr. Teiknistofunnar Óðinstorgi ehf. dags. 14. nóvember 2019. Erindi var grenndarkynnt frá 5. nóvember 2019 til og með 3. desember 2019. Eftirtaldir aðilar sendu athugasemdir: Guðrún Ásta Guðmundsdóttir, formaður húsfélagsins að Baldursgötu 12, dags. 28. nóvember 2019, Guðrún Kristjánsdóttir og Ævar Kjartansson dags. 1. desember 2019, Friðþjófur Högni Stefánsson, Signý Ósk Davíðsdóttir, Sigurjón Gísli Helgason og Þóra Jónsdóttir dags. 3. desember 2019. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 6. desember 2019 og er nú lagt fram að nýju.
Erindi fylgir afrit í A4 af eldri samþykktum teikningum. Erindi fylgir umsögn Minjastofnunar Íslands dags. 17. september 2019.
Stækkun: 98,6 ferm., 250,7 rúmm. Gjald kr. 11.200



Samþykkt að grenndarkynna framlagða tillögu fyrir hagsmunaaðilum að Urðarstíg 3.




14.19 Laugarásvegur 40, Svalir, opnanleg fög, síkka glugga o.fl.
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 8. október 2019 þar sem sótt er um leyfi til að setja opnanleg fög í valda glugga, setja nýjar svalir og síkka glugga á suðvesturhlið sem og breyta innra skipulagi beggja hæða í húsi á lóð nr. 40 við Laugarásveg. Erindi var grenndarkynnt frá 7. nóvember 2019 til og með 5. desember 2019. Engar athugasemdir bárust.
Gjald kr. 11.200

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

15.19 Salthamrar 1, breyting á deiliskipulagi
Að lokinni grenndarkynningu er lögð fram að nýju umsókn Ingólfs Freys Guðmundssonar dags. 30. ágúst 2019 varðandi breytingu á deiliskipulagi Hamrahverfis vegna lóðarinnar nr. 1 við Salthamra. Í breytingunni felst að stækka byggingarreit lóðarinnar til að koma fyrir viðbyggingu á suðausturhorni hússins, samkvæmt uppdr. Kollgátu dags. 23. maí 2019. Við breytinguna hækkar nýtingarhlutfall lóðarinnar. Erindi var grenndarkynnt frá 7. nóvember 2019 til og með 5. desember 2019. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
16.19 Stórhöfði 15, (fsp) breyting á notkun 4. hæðar hússins
Á embættisafgreiðslufundi skipulagsfulltrúa 6. desember 2019 var lögð fram fyrirspurn Arnar Helgasonar dags. 2. desember 2019 ásamt bréfi dags. 26. nóvember 2019 um að breyta skrifstofurými á 4 hæð hússins á lóð nr. 15 við Stórhöfða og millilofti yfir 4. hæð í áfangaheimili með 22-24 herbergjum ásamt studioíbúð, eldhúsi, þvottahúsi, böðum og salernum. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 13. desember 2019.

Umsögn skipulagsfulltrúa dags. 13. desember 2019 samþykkt.
17.19 Heklureitur - Laugavegur 168 og 170-174, nýtt deiliskipulag
Lögð fram umsókn Yrki arkitekta ehf. dags. 9. desember 2019 um nýtt deiliskipulag fyrir Lóðirnar að Laugavegi 168 og 170-174, Heklureitur. Í tillögunni felst að lóðinni Laugavegur 170-174 verði skipt í tvennt og vestari hluti hennar verði lóðirnar Laugavegur 170 og 172. Lóðirnar nr. 168 og 172 verði nýttar undir allt að 250 íbúðir. Valkvæð heimild er um að lóðin nr. 168 verði nýtt undir gististarfsemi. Eystri hluti lóðarinnar Laugavegur 170-174 verður Laugavegur 174. Heimilt verðu að auka byggingarmagn á lóðinni, byggja þrjár hæðir ofan á núverandi byggingar og byggja við 3. hæð norðurhliðar núverandi álmu við Laugaveg. Nýju hæðirnar og viðbyggingin eru undir atvinnustarfsemi. Valkvæð heimild er um að nýja byggingarmagnið verði nýtt undir allt að 90 íbúðir. Gert er ráð fyrir sex hæða bílgeymsluhúsi og núverandi byggingar verða nýttar undir atvinnustarfsemi. Á öllum lóðum er gert ráð fyrir verslun og þjónustu á jarðhæð, samkvæmt uppdr. Yrki arkitekta ehf. dags. 5. desember 2019.

Vísað til meðferðar hjá verkefnisstjóra.
18.19 Vesturlandsvegur/Lambhagavegur, (fsp) auglýsingaskilti
Lögð fram fyrirspurn Ástþórs Sindra Eiríkssonar dags. 4. desember 2019 um að setja auglýsingaskilti við hringtorg sem staðsett er við Vesturlandsveg og Lambhagaveg. Einnig eru lagðar fram ljósmyndir.

Vísað til umsagnar verkefnisstjóra.
19.19 Flugvöllur 106748, nýskráning fjögurra lóða
Á embættisafgreiðslufundi skipulagsfulltrúa 25. maí 2019 var lagt fram bréf Isavia ohf. dags. 13. maí 2019 ásamt mæliblöðum dags. í október 2018 og 26. apríl 2019 varðandi nýskráningu fjögurra lóða Isavia ohf. á Reykjavíkurflugvelli. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 13. desember 2019.

Umsögn skipulagsfulltrúa dags. 13. desember 2019 samþykkt. Sækja þarf um breytingu á deiliskipulagi vegna fyrirhugaðrar Þorragötu 24.
20.19 Freyjubrunnur 1, Anddyri - yfirbygging - stoðveggur
Á embættisafgreiðslufundi skipulagsfulltrúa 14. nóvember 2019 var lagt fram erindi frá afgreiðslufundi byggingarfulltrúa frá 12. nóvember 2019 þar sem sótt er um leyfi til að breyta erindi BN054482 þannig að opnað er inn í hol frá anddyri, uppröðun í eldhúsi, brunahurð sett inn í bílskúr, byggja yfir útisvæði á norðurhorni lóðar og settur er stoðveggur á lóðarmörkum nr. 1 og 3 á lóð nr. 1 við Freyjubrunn. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 13. desember 2019.
Stækkun B-rýmis : XX ferm. og XX rúmm. Gjald kr. 11.200

Neikvætt, með vísan til umsagnar skipulagsfulltrúa dags. 13. desember 2019.
21.19 Lofnarbrunnur 1-7, breyting á deiliskipulagi
Að lokinni grenndarkynningu er lögð fram að nýju tillaga umhverfis- og skipulagssviðs að breytingu á deiliskipulagi Úlfarsárdals vegna lóðarinnar nr. 1-7 við Lofnarbrunn. Í breytingunni felst annars vegar skýrari framsetning á heimildum á staðsetningu bílastæða á lóð og hins vegar eru skilmálar og ákvæði um byggingarmagn skýrð nánar, samkvæmt uppdr. Trípólí arkitekta dags. 24. október 2019. Tillaga var grenndarkynnt frá 12. nóvember 2019 til og með 10. desember 2019. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
22.19 Rökkvatjörn 2, (fsp) uppbygging á lóð
Lögð fram fyrirspurn Helga Mars Hallgrímssonar dags. 3. desember 2019 varðandi uppbyggingu á lóð nr. 2 við Rökkvatjörn, samkvæmt tillögu Arkþings - Nordic ehf. ódags.

Vísað til umsagnar verkefnisstjóra.
23.19 Týsgata 8, málskot
Lagt fram málskot Gamma ehf. dags. 20. nóvember 2019 vegna neikvæðrar afgreiðslu skipulagsfulltrúa frá 18. janúar 2019 um að setja lyftuhús utan á gafl hússins á lóð nr. 8 við Týsgötu, samkvæmt uppdr. Meter teiknistofu ehf. dags. 8. apríl 2018.

Vísað til skipulags- og samgönguráðs.
24.19 Urðarbrunnur 84-92, (fsp) breyting a deiliskipulagi
Á embættisafgreiðslufundi skipulagsfulltrúa 14. nóvember 2019 var lögð fram fyrirspurn Jóns Hrafns Hlöðverssonar dags. 11. nóvember 2019 ásamt greinargerð dags. 7. nóvember 2019 um breytingu á deiliskipulagi Úlfarsárdals vegna lóðarinnar nr. 84-92 sem felst í að fjölga íbúðareiningum í raðhúsunum um eina íbúð, þannig að þær verði 6 talsins í stað 5, án þess að auka byggingarmagn, samkvæmt uppdr. Mansard teiknistofu ehf. dags. 7. nóvember 2019. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 13. desember 2019.

Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið með vísan til umsagnar skipulagsfulltrúa dags. 13. desember 2019, á eigin kostnað.