Bankastræti 12, Eikjuvogur 27, Gylfaflöt 2, Gylfaflöt 4, Hlíðarendi, Sæmundargata 15-19, Njarðargata 25 og Urðarstígur 15, Baldursgata 30, Blesugróf 12, Bræðraborgarstígur 38, Guðrúnartún 8, Týsgata 1, Ármúli 40, Drápuhlíð 38, Eddufell 2-6, Lambhagavegur 5, Suðurlandsbraut 4-4A, Suðurlandsbraut 12, Thorvaldsensstræti 2, Básendi 2, Bragagata 26A, Hafnarstræti 18, Kirkjusandur, Vesturgata 6-10A, Frakkastígur - Skúlagata, Gufunes, Kringlumýrarbraut, Krókháls 11, Rauðarárstígur, Úlfarsfell, Víðidalur, C-Tröð 1, Laugavegur 95-99, Laugavegur 170-174, Þingholtsstræti 25, Furugerði 23, Hverfisgata 105, Laugavegur 40-40A, Lindarvað 2-14, Krókavað 1-11, Skipholt 15, Skipholt 50A, Snorrabraut 27-29, Vest. 6-10A/Tryggv.18, Borgartún 8-16A, Síðumúli 24-26, Laugavegur 95-99, Hverfisgata 94, Ármúli 1A, Ármúli 19, Langholtsvegur 94, Laugavegur 66-68, Selásbraut 98, Skerjafjörður Þ5, Sogavegur 69, Aðalskipulag Reykjavíkur 2010-2030, Gufunes, Mosfellsbær, breyting á svæðisskipulagi, Svæðisskipulag höfuðborgarsvæðisins 2040, Ölfus - virkjun á Hellisheiði,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

663. fundur 2018
Ár 2018, föstudaginn 5. janúar kl. 09:10, hélt skipulagsfulltrúi Reykjavíkur 663. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Ágústa Sveinbjörnsdóttir og Helena Stefánsdóttir. Eftirtaldir embættismenn kynntu mál á fundinum: Margrét Þormar, Guðlaug Erna Jónsdóttir, Lilja Grétarsdóttir, Jón Kjartan Ágústsson, Borghildur S. Sturludóttir, Ingvar Jón B. Gíslason og Dagný Harðardóttir. Ritari var Erna Hrönn Geirsdóttir.
Þetta gerðist:

1.18 Bankastræti 12, breyting á skilmálum deiliskipulags
Að lokinni grenndarkynningu er lögð fram að nýju umsókn Plúsarkitekta ehf. mótt. 28. september 2017 varðandi breytingu á skilmálum deiliskipulags reits 1.171.2 vegna lóðarinnar nr. 12 við Bankastræti. Í breytingunni felst að koma fyrir geymslu, sorpgerði og svölum á nýbyggingu á baklóð, samkvæmt tillögu Plúsarkitekta ehf. dags. 30. október 2017. Tillagan var grenndarkynnt frá 21. nóvember 2017 til og með 19. desember 2017. Engar athugasemdir bárust en tölvupóstur barst frá Guðmundi Hjaltasyni dags. 11. desember 2017 og húsfélaginu Ingólfsstræti 4, dags. 19. janúar 2017 þar sem óskað er eftir frekari gögnum til upplýsinga.

Vísað til umsagnar verkefnisstjóra.
2.18 Eikjuvogur 27, breyting á deiliskipulagi
Að lokinni auglýsingu er lögð fram að nýju umsókn A2F arkitekta ehf., mótt. 13. júní 2017, varðandi breytingu á deiliskipulagi fyrir lóðina nr. 27 við Eikjuvog. Í breytingunni felst m.a. að fjölga íbúðum úr einni í þrjár, samkvæmt deiliskipulags- og skuggavarps- og skýringaruppdr. A2F arkitekta ehf. dags. 17. október 2017. Tillagan var auglýst frá 7. nóvember 2017 til og með 19. desember 2017. Eftirtaldir aðilar sendu athugasemdir: Harald Kulp og María St. Finnsdóttir dags. 18. desember 2017, eigendur og íbúar að Eikjuvogi 29 dags. 18. desember 2017, Guðmundur Atli Pálmason og Þórveig Benediktsdóttir, dags. 18. desember 2017 og 56 íbúar og eigendur að Eikjuvogi, Gnoðarvogi og nágrenni dags. 18. desember 2017.

Vísað til umsagnar verkefnisstjóra.
3.18 Gylfaflöt 2, Reisa skemmu
Á embættisafgreiðslufundi skipulagsfulltrúa 15. desember 2017 var lagt fram erindi frá afgreiðslufundi byggingarfulltrúa frá 12. desember 2017 þar sem sótt er um leyfi til að byggja skemmu sem á að vera með tólf sjálfstæðar eignir með millilofti og verður burðargrind úr stáli klædd með steinullar samlokueiningum á lóð nr. 2 við Gylfaflöt. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 4. janúar 2018.
Stærð húss er: 1.465,2 ferm., 8.038,5 rúmm. Gjald kr. 11.000

Ekki gerð athugasemd við erindið, sbr. þó leiðbeiningar sem fram koma í umsögn skipulagsfulltrúa dags. 4. janúar 2018.
4.18 Gylfaflöt 4, Reisa skemmu
Á embættisafgreiðslufundi skipulagsfulltrúa 15. desember 2017 var lagt fram erindi frá afgreiðslufundi byggingarfulltrúa frá 12. desember 2017 þar sem sótt er um leyfi til að byggja skemmu sem á að vera með sjálfstæðar eignir með millilofti og verður burðargrind úr stáli klædd með steinullar samlokueiningum á lóð nr. 4 við Gylfaflöt. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 4. janúar 2018.
Stærð húss er: 1.829,0 ferm., 8.038,5 rúmm. Gjald kr. 11.000

Neikvætt. Samræmist ekki deiliskipulagi, sbr. umsögn skipulagsfulltrúa dags. 4. janúar 2018.
5.18 Hlíðarendi, breyting á deiliskipulagi
Lagt fram bréf Skipulagsstofnunar dags. 19. desember 2017 þar sem ekki er gerð athugasemd við að sveitarstjórn birti auglýsingu um samþykkt deiliskipulagsbreytingarinnar í B-deild Stjórnartíðinda, en áður þarf að lagfæra uppdrátt hvað varðar fjölda íbúða á reitum / lóðum C, D, E og F.
Vísað til meðferðar hjá verkefnisstjóra.
6.18 Sæmundargata 15-19, (fsp) breyting á deiliskipulagi
Lögð fram fyrirspurn PKdM Arkitekta ehf. mótt. 19. desember 2017 ásamt bréfi dags. 19. desember 2017 um breytingu á deiliskipulagi Háskóla Íslands, Vísindagarða, vegna lóðar nr. 15-19 við Sæmundargötu sem felst í að taka út kröfu um bílgeymslu innan lóðar og tiltekinn fjölda bílastæða fyrir reitinn.

Vísað til umsagnar verkefnisstjóra.
7.18 Njarðargata 25 og Urðarstígur 15, breyting á deiliskipulagi
Lögð fram umsókn Arkitekta Laugavegi 164 ehf. f.h. Mondo ehf. mótt. 4. desember 2017 varðandi breytingu á deiliskipulagi Nönnugötureits vegna lóðanna nr. 25 við Njarðargötu og 15 við Urðarstíg. Í breytingunni felst m.a. að fjölga íbúðum þannig að í húsunum verða allt að sjö íbúðir með sameiginlegu þvottahúsi og hjóla- og vagngeymslu, sameina lóðir í eina lóð fyrir fjöleignarhús, rífa núverandi bíslag beggja húsa og byggja nýtt stigahús sem er sameiginlegt fyrir bæði húsin á garðhlið, hækka húsin, en fjöldi hæða er áfram sá sami, o.fl., samkvæmt uppdr. Arkitekta Laugavegi 164 ehf. dags. 4. desember 2017

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
8.18 Baldursgata 30, (fsp) lyfta þaki hússins og setja svalir
Lögð fram fyrirspurn Inga Gauta Ragnarssonar mótt. 1. nóvember 2017 um að lyfta þaki hússins og setja stærri glugga og svalir. Einnig er lögð fram umsögn Minjastofnunar Íslands dags. 11. desember 2017.
Vísað til umsagnar verkefnisstjóra.
9.18 Blesugróf 12, Parhús
Lagt fram erindi frá afgreiðslufundi byggingarfulltrúa 19. desember 2017 þar sem sótt er um leyfi til að byggja parhús með geymslum og bílgeymslum í kjallara á lóð nr. 12 við Blesugróf. Einnig lögð fram umsögn skipulagsfulltrúa dags. 3. janúar 2018.
Stærðir: A-rými 294,0 ferm., 1.090,2 rúmm. Gjald kr. 11.000

Umsögn skipulagsfulltrúa samþykkt, dags. 3. janúar 2018.
10.18 Bræðraborgarstígur 38, (fsp) bílastæði
Á embættisafgreiðslufundi skipulagsfulltrúa 15. desember 2017 var lögð fram fyrirspurn Karls Helga Gíslasonar mótt. 12. desember 2017 um að setja tvö til þrjú bílastæði á lóð nr. 38 við Bræðraborgarstíg. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 4. janúar 2018.

Neikvætt, með vísan til umsagnar skipulagsfulltrúa dags. 4. janúar 2018.
11.18 Guðrúnartún 8, (fsp) nr. 10 - hækkun bakhúss
Lögð fram fyrirspurn T.ark Arkitekta ehf. mótt. 13. nóvember 2017 ásamt greinargerð um að hækka bakhús við Guðrúnartún 10 á lóð nr. 8 við Guðrúnartún um eina hæð.

Vísað til umsagnar verkefnisstjóra.
12.18 Týsgata 1, breyting á deiliskipulagi
Á embættisafgreiðslufundi skipulagsfulltrúa 28. júlí 2017 var lögð fram umsókn Ragnheiðar Sverrisdóttur, mótt. 18. maí 2017, varðandi breytingu á deiliskipulagi reits 1.181.2, Lokastígsreits, vegna lóðarinnar nr. 1 við Týsgötu. Í breytingunni felst að setja svalir á húsið sem snúa að bakgarði, samkvæmt uppdr. ARKHD, dags. 4. janúar 2018. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu fyrir hagsmunaaðilum að Skólavörðustíg 22, Týsgötu 3 og Lokastíg 3.

Vakin er athygli á að erindið fellur undir lið 7.6 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
13.18 Ármúli 40, (fsp) breyting á deiliskipulagi
Á embættisafgreiðslufundi skipulagsfulltrúa 15. desember 2017 var lögð fram fyrirspurn Studio F ehf. mótt. 7. desember 2017 um breytingu á deiliskipulagi Múla vegna lóðarinnar nr. 40 við Ármúla sem felst í að gera byggingarreit fyrir inndregna hæð ofan á núverandi frambyggingu og byggingarreit fyrir tvær hæðir ofan á bakbyggingu, í húsinu verða allt að 16 íbúðir, samkvæmt uppdr. Studio F. ehf dags. 28. nóvember 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 5. janúar 2018.

Neikvætt, með vísan til umsagnar skipulagsfulltrúa dags. 5. janúar 2018.
14.18 Drápuhlíð 38, (fsp) notkun bílskúrs
Lögð fram fyrirspurn Ark Studio ehf. mótt. 15. desember 2017 ásamt bréfi Implexa dags. 8. desember 2017, um að nýta bílskúr á lóð nr. 38 við Drápuhlíð fyrir vinnustofu, samkvæmt uppdr. Ark Studio ehf. dags. 12. desember 2017.

Vísað til umsagnar verkefnisstjóra.
15.18 Eddufell 2-6, (fsp) uppbygging
Á embættisafgreiðslufundi skipulagsfulltrúa 1. desember 2017 var lögð fram fyrirspurn GP-arkitekta ehf., mótt. 7. apríl 2017, varðandi byggingu 15 hæða turn á lóð nr. 2-6 við Eddufell með 50 íbúðum á 14 hæðum og þjónustu á 1. hæð. Einnig er lögð fram tillaga að uppbyggingu, ódags. Fyrirspurninni var vísað til umsagnar verkefnisstjóra og er nú lögð fram að nýju.
Kynna formanni umhverfis- og skipulagsráðs.
16.18 Lambhagavegur 5, (fsp) atvinnuhúsnæði
Lögð fram fyrirspurn Xyzeta ehf. mótt. 12. desember 2017 varðandi byggingu atvinnuhúsnæðis á lóð nr. 5 við Lambhagaveg, samkvæmt uppdr. Jóns Guðmundssonar arkitekts dags. 12. nóvember 2017.

Vísað til umsagnar verkefnisstjóra.
17.18 Suðurlandsbraut 4-4A, breyting á skilmálum deiliskipulags
Að lokinni auglýsingu er lögð fram að nýju umsókn Mænis Reykjavík ehf., mótt. 18. október 2016, varðandi breytingu á skilmálum deiliskipulags Ármúla, Vegmúla, Hallarmúla vegna lóðarinnar nr. 4-4A við Suðurlandsbraut. Breytingin varðar kvöð um bílastæði, samkvæmt tillögu Urban arkitekta ehf., dags. 29. maí 2017, br. 12. október 2017. Einnig er lagt fram bréf umsækjanda, dags. 3. október 2017. Tillagan var auglýst frá 7. nóvember 2017 til og með 19. desember 2017. Eftirtaldir aðilar sendu athugasemdir: Páll V. Bjarnason f.h. Reginn atvinnuhúsnæði ehf. dags. 18. desember 2017 og S4 eignarhaldsfélag ásamt 3 fylgiskjölum, dags. 18. desember 2017.

Vísað til umsagnar verkefnisstjóra.
18.18 Suðurlandsbraut 12, breyting á deiliskipulagi
Lagt fram bréf Skipulagsstofnunar dags. 21. desember 2017 þar sem ekki er gerð athugasemd við að sveitarstjórn birti auglýsingu um samþykkt deiliskipulagsbreytingarinnar í B-deild Stjórnartíðinda en bendir á að áður þarf að lagfæra breytta skilmála um byggingarmagn, þannig að fram komi hver er stærð bílageymslu. Gefa skal upp nýtingarhlutfall í samræmi við gildandi skipulagsreglugerð, sbr. breytingu á skipulagsreglugerð nr. 903/2016. Senda þarf Skipulagsstofnun lagfærð gögn til vörslu.

Vísað til meðferðar hjá verkefnisstjóra.
19.18 Thorvaldsensstræti 2, Uppbygging á Landsímareit
Lagt fram erindi frá afgreiðslufundi byggingarfulltrúa 19. desember 2017 þar sem sótt er um leyfi til að dýpka kjallara og endurbyggja Thorvaldsenstræti 2, til að lyfta þaki Thorvaldsensstrætis 4 og byggja á það Mansardþak með kvistum, til að rífa viðbyggingu við Landsímahúsið, Thorvaldsensstræti 6, og byggja í staðinn fjögurra hæða nýbyggingu, til að endurbyggja Aðalstræti 11 með breyttu þaki og til að innrétta í öllum húsunum hótel í flokki IV með veitingahúsi, kaffihúsi, verslunum og samkomusal á lóðinni nr. 2 við Thorvaldssenstræti.
Niðurrif: xx ferm., xx rúmm. Stækkun: xx ferm., xx rúmm.
E. stækkun: 11.544,3 ferm., 42.142,8 rúmm. Gjald kr. 11.000

Vísað til umsagnar verkefnisstjóra.
20.18 Básendi 2, (fsp) hækkun húss
Lögð fram fyrirspurn alt arkitekta ehf. mótt. 12. desember 2017, um að hækka húsið á lóð nr. 2 við Básenda og byggja portbyggt ris með mænisþaki, samkvæmt uppdr. alt arkitekta ehf. dags. 8. desember 2017.
Vísað til umsagnar verkefnisstjóra.
21.18 Bragagata 26A, Endurnýjun - BN035456
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 22. nóvember 2016 þar sem sótt er um leyfi til að byggja nýjar svalir á suðvesturgafli, koma fyrir þaksvölum og skjólgirðingu ofan á geymsluskúr og reisa skjólvegg á lóðamörkum við raðhús á lóðinni nr. 26A við Bragagötu. Erindi var grenndarkynnt frá 17. nóvember 2017 til og með 15. desember 2017. Engar athugasemdir bárust.
Sjá erindi BN035456 sem samþykkt var 29. ágúst 2007. Meðfylgjandi er samþykki meðeiganda dags. 23. maí 2014 og samþykki nágranna á nr. 24 og 26 dags. 23. maí 2014. Gjald kr 9.500

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

22.18 Hafnarstræti 18, breyting á deiliskipulagi
Lagt fram bréf Skipulagsstofnunar dags. 14. desember 2017 þar sem ekki er gerð athugasemd við að sveitarstjórn birti auglýsingu um samþykkt deiliskipulagsbreytingarinnar í B-deild Stjórnartíðinda en bendir á að yfirfara þarf útreikninga byggingarmagns sem tilgreint er í greinargerð. Senda þarf Skipulagsstofnun lagfærð gögn til vörslu ef útreikningar sýna að lagfæringa er þörf.

Vísað til meðferðar hjá verkefnisstjóra.
23.18 Kirkjusandur, (fsp) bréf íbúðafélagsins Bjarg
Á embættisafgreiðslufundi skipulagsfulltrúa 29. september 2017 var lögð fram fyrirspurn íbúðafélagsins Bjarg, mótt. 12. september 2017, um að nota sama hönnuð á reitum G og H við Hallgerðargötu Kirkjusandi. Einnig er lagt fram bréf umsækjanda, dags. 12. september 2017. Fyrirspurninni var vísað til umsagnar verkefnisstjóra og er nú lögð fram að nýju.
Frestað. Fyrirspyrjandi hafi samband við embætti skipulagsfulltrúa.
24.18 Vesturgata 6-10A, (fsp) nr 6 - svalir og nýr inngangur
Á embættisafgreiðslufundi skipulagsfulltrúa 30. júní 2017 var lögð fram fyrirspurn THG Arkitekta ehf., mótt. 23. maí 2017, um að gera svalir og nýjan inngang á austurgafl hússins nr. 6 á lóð nr. 6-10A við Vesturgötu, samkvæmt uppdr. THG Arkitekta ehf. 12. september 2017. Fyrirspurninni var frestað, umsækjandi hafi samband við embætti skipulagsfulltrúa, og er nú lögð fram að nýju ásamt umsögn umsögn Minjastofnunar Íslands dags. 5. desember 2017 og umsögn skipulagsfulltrúa dag. 4. janúar 2018.

Jákvætt með vísan til umsagnar skipulagsfulltrúa dags. 5. janúar 2018.
25.18 Frakkastígur - Skúlagata, breyting á deiliskipulagi
Að lokinni auglýsingu er lögð fram að nýju tillaga umhverfis- og skipulagssviðs að breytingu á deiliskipulagi fyrir hluta Skúlagötusvæðis. Um er að ræða tæplega 1 hektara svæði sem nær yfir óbyggða lóð á horni Skúlagötu og Frakkastígs og óbyggt borgarland milli Skúlagötu og Sæbrautar, samkvæmt deiliskipulags- og skýringaruppdr. umhverfis- og skipulagssviðs og VA arkitektadags, dags. 3. október 2017. Tillagan var auglýst frá 1. nóvember 2017 til og með 13. desember 2017. Eftirtaldir aðilar sendu athugasemdir/ábendingar: Samúel Torfi Pétursson dags. 1. nóvember 2017, undirskriftalisti íbúa að Skúlagötu 20 dags. 8. nóvember 2017, Björgvin Þórðarson hrl. f.h. húsfélagsins Skúlagötu 20, dags. 12. desember 2017, Ingrid Björnsdóttir, tvö athugasemdabréf, dags. 12. desember 2017, Sólveig Jónsdóttir, dags. 12. desember 2017 og Páll Gunnlaugsson f.h. stjórnar Skuggahverfis 2-3 dags. 13. desember 2017. Erindinu var vísað til umsagnar verkefnistjóra á embættisafgreiðslufundi skipulagsfulltrúa 15. desember 2017 og er nú lagt fram að nýju.

Kynna formanni umhverfis- og skipulagsráðs.
26.18 Gufunes, framkvæmdaleyfi
Lögð fram umsókn skrifstofu framkvæmda og viðhalds mótt. 15. desember 2017 um framkvæmdaleyfi vegna gerðs bakræsis fráveitu meðfram ströndinni í Gufunesi frá núverandi höfn að skolpdælustöð Veitna, auk bráðabirgða aðkomuvegar innan svæðisins, samkvæmt teikningum VSÓ Ráðgjafar ehf. dags. nóvember 2017. EInnig er lögð fram umsögn skipulagsfulltrúa dags. 5. janúar 2018.

Samþykkt að gefa út framkvæmdaleyfi með vísan til umsagnar skipulagsfulltrúa dags. 5. janúar 2018. Vísað til skrifstofu sviðsstjóra til útgáfu framkvæmdaleyfis. Vakin er athygli á að greiða þarf fyrir útgáfu framkvæmdaleyfis skv. gr. 5.2 í . gjaldskrá skipulagsfulltrúa nr. 1193/2016.
27.18 Kringlumýrarbraut, framkvæmdaleyfi
Lögð fram umsókn Veitna ohf. mótt. 3. janúar 2017 ásamt bréfi Veitna ohf. dags. 3. janúar 2018 um framkvæmdaleyfi vegna endurnýjunar vatnsveitu og hitaveitu við Kringlumýrarbraut frá nýju lokahúsi við Stigahlíð 33A að kaldavatnsgeymi við Bústaðaveg 7A, samkvæmt uppdr. Veitna ohf. ódags.

Vísað til umsagnar verkefnisstjóra.
28.18 Krókháls 11, staðsetning ökutækjaleigu
Lagt fram bréf Samgöngustofu dags. 13. desember 2017 þar sem óskað er eftir umsögn skipulagsfulltrúa á umsókn Jóns Trausta Ólafssonar f.h. Bílaumboðsins Askja ehf. um að reka ökutækjaleigu að Krókhálsi 11. EInnig lögð fram umsögn skipulagsfulltrúa dags. 5. janúar 2018.

Jákvætt með vísan til umsagnar skipulagsfulltrúa dags. 5. janúar 2018.
29.18 Rauðarárstígur, framkvæmdaleyfi
Lögð fram umsókn Veitna ohf. mótt. 22. desember 2017 ásamt bréfi dags. 22. desember 2017 um framkvæmdaleyfi vegna endurnýjunar vatnsveitu í Rauðarárstíg frá gatnamótum Skeggjagötu/Rauðarárstígs að Flókagötu 18, samkvæmt tillögu Veitna ohf. dags. ágúst 2017.

Vísað til umsagnar verkefnisstjóra.

Vakin er athygli á að greiða þarf fyrir útgáfu framkvæmdaleyfis skv. 5. gr. gjaldskrá skipulagsfulltrúa nr. 1193/2016.
30.18 Úlfarsfell, lýsing
Að lokinni kynningu er lögð fram að nýju umsókn Fjarskipta hf., mótt. 11. október 2017, ásamt lýsingu Verkfræðistofu Bjarna Viðarssonar, dags. í nóvember 2017, vegna nýs deiliskipulags á kolli Úlfarsfells sem heimilar uppsetningu fjarskiptastöðvar. Kynning stóð til og með 15. desember 2017. Eftirtaldir sendu inn umsagnir/bókanir: Skipulagsstofnun dags. 30. nóvember 2017 og Mosfellsbær, dags. 11. desember 2017.

Vísað til meðferðar hjá verkefnisstjóra.
31.18 Víðidalur, C-Tröð 1, breyting á deiliskipulagi
Lögð fram umsókn Guðjóns Magnússonar f.h. Heimahaga Hrossaræktar ehf. mótt. 13. desember 2017 varðandi breytingu á deiliskipulagi fyrir Fákssvæðið í Víðidal. Í breytingunni felst að byggt verður yfir tamninga aðstöðu við Hesthús að C-Tröð, samkvæmt uppdr. Arkforms dags. 15. desember 2017.

Vísað til meðferðar hjá verkefnisstjóra.
32.18 Laugavegur 95-99, Niðurrif - 95 og 97
Lagt fram erindi frá afgreiðslufundi byggingarfulltrúa 19. desember 2017 þar sem sótt er um niðurrif á byggingum nr. 95 og 97 vegna endurmats á burðarkerfi í tengslum við erindi BN051774 á lóð nr. 95-99 við Laugaveg.
Stærðir: nr. 95: 744,6 ferm., 2,258,3 rúmm. nr. 97: 688,7 ferm., 2.677,9 rúmm. alls : 1.433,3 ferm., 4.936,2 rúmm. Bréf arkitekts dags. 14.12.2017 fylgir erindi. Gjald kr. 11.000

Vísað til umsagnar verkefnisstjóra.
33.18 Laugavegur 170-174, staðsetning ökutækjaleigu að Laugavegi 174
Lagt fram bréf Samgöngustofu dags. 17. desember 2017 þar sem óskað er eftir umsögn skipulagsfulltrúa á umsókn Friðberts Friðbertssonar f.h. Heklu hf. um að reka ökutækjaleigu að Laugavegi 174. Sótt er um leyfi fyrir 28 ökutækjum til útleigu.

Vísað til umsagnar verkefnisstjóra.
34.18 Þingholtsstræti 25, (fsp) 25B - tvær íbúðir
Lögð fram fyrirspurn Páls V. Bjarnasonar f.h. Sjöstjörnunnar ehf. mótt. 12. desember 2017 um hvort heimilt er að hafa tvær íbúðir í húsinu nr. 25B á lóð nr. 25 við Þingholtsstræti í stað íbúð og/eða hreinlegri atvinnustarfsemi.

Vísað til umsagnar verkefnisstjóra.
35.18 Furugerði 23, breyting á deiliskipulagi
Lögð fram umsókn Arkís arkitekta ehf. f.h. EA11 ehf. mótt. 14. desember 2017 varðandi breytingu á deiliskipulagi fyrir lóðina nr. 23 við Furugerði. Í breytingunni felst að komið verði fyrir íbúðum á lóðinni. Nýir byggingarreitir verði skilgreindir á lóðinni sem skipt er upp í reit A og reit B, aflétt verði kvöð um nýtingu lóðar fyrir götu á reit B frá Bústaðavegi og að Grensásvegi o.fl., samkvæmt uppdr. Arkís arkitekta ehf. dags. 14. desember 2017.

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
36.18 Hverfisgata 105, (fsp) breyting á notkun, setja glugga
Lögð fram fyrirspurn Bjarka R. Heimissonar, mótt. 13. júní 2017, varðandi breytingu á notkun hússins á lóð nr. 105 við Hverfisgötu úr atvinnuhúsnæði í íbúðarhúsnæði og setja glugga á vesturhlið 2. hæðar. Einnig lögð fram umsögn skipulagsfulltrúa dags. 4. janúar 2018.

Ekki eru gerðar skipulagslegar athugasemdir við erindið, sbr. umsögn skipulagsfulltrúa dags. 4. janúar 2018.
37.18 Laugavegur 40-40A, Breyting á notkun
Lagt fram erindi frá afgreiðslufundi byggingarfulltrúa 19. desember 2017 þar sem sótt er um leyfi til að breyta íbúðum 0201, 0202, 0301, 0302 og 0401 í mhl. 02 í gististaði í flokki ll - tegund ? í húsi nr. 40 á lóð nr. 40-40A. Einnig er lögð fram umsögn skipulagsfulltrúa dags. 3. janúar 2018.
Gjald kr. 11.000

Neikvætt, með vísan til umsagnar skipulagsfulltrúa dags. 3. janúar 2018.
38.18 Lindarvað 2-14, (fsp) nr.2 - bílskúr
Á embættisafgreiðslufundi skipulagsfulltrúa 24. nóvember 2017 var lögð fram fyrirspurn Rúnars Marinós Ragnarssonar mótt. 14. nóvember 2017 ásamt greinargerð dags. 14. nóvember 2017 varðandi bílskúr við Lindarvað 2 á lóð nr. 2-14 við Lindarvað, samkvæmt uppdrætti Sturlu Þórs Jónssonar dags. 1. nóvember 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 5. janúar 2018.

Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi í samræmi við erindið, samanber þó skilyrði og leiðbeiningar sem koma fram í umsögn skipulagsfulltrúa dags. 5. janúar 2018, á eigin kostnað.Tillagan verður grenndarkynnt berist hún.


39.18 Krókavað 1-11, (fsp) nr.1 - bílskúr
Á embættisafgreiðslufundi skipulagsfulltrúa 1. desember 2017 var lögð fram fyrirspurn Edilon Hreinssonar mótt. 15. nóvember 2017 ásamt greinargerð dags. 14. nóvember 2017 varðandi bílskúr við Krókavað 1 á lóð nr. 1-11 við Krókavað, samkvæmt uppdrætti Sturlu Þórs Jónssonar, dags. 1. nóvember 2017. Fyrirspurninni var frestað og er nú lögð fram að nýju ásamt umsögn skipulagsfulltrúa dags. 5. janúar 2018.

Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi í samræmi við erindið, samanber þó skilyrði og leiðbeiningar sem koma fram í umsögn skipulagsfulltrúa dags. 5. janúar 2018, á eigin kostnað.Tillagan verður grenndarkynnt berist hún.
40.18 Skipholt 15, (fsp) gististaður
Á embættisafgreiðslufundi skipulagsfulltrúa 15. desember 2017 var lögð fram fyrirspurn Inex ehf. mótt. 9. desember 2017 ásamt bréfi dags. 7. desember 2017 um breytingu á notkun verslunar merkt 01-0105 í húsinu á lóð nr. 15 við Skipholt gististað. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags.3. janúar 2018.

Neikvætt, með vísan til umsagnar skipulagsfulltrúa dags. 3. janúar 2018.
41.18 Skipholt 50A, Svalir - 0201, 0209, 0302 - bílageymsla breytt í snyrtistofu
Lagt fram erindi frá afgreiðslufundi byggingarfulltrúa 19. desember 2017 þar sem sótt er um leyfi til að stækka svalir 0216, 0217 og 0314 og til að innrétta snyrtistofu í bílgeymslu 0101 í húsi á lóð nr. 50A við Skipholt.
Erindi fylgir samþykki meðeigenda áritað á uppdrátt. Útskrift úr gerðabók embættisafgreiðslufundar skipulagsfulltrúa frá 15. desember 2017 fylgir erindinu, ásamt umsögn skipulagsfulltrúa dags. 14. desember 2017. Gjald kr. 11.000

Samþykkt að grenndarkynna framlagða tillögu fyrir hagsmunaaðilum að Skipholti 48, 50, 50A og 50B.

Byggingarleyfisumsókn verður grenndarkynnt þegar umsækjandi hefur greitt fyrir grenndarkynningu sbr. 8.1. gr. í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
42.18 Snorrabraut 27-29, Breyta rýmum - 0103 og 0203
Lagt fram erindi frá afgreiðslufundi byggingarfulltrúa frá 5. desember 2017 þar sem sótt erum að leyfi til að aðskilja rými 0103 og 0203, hafa rými 0103 áfram sem verslun en breyta 0203 í íbúð og setja svalir á gluggahlið í húsi á lóð nr. 27-29 við Snorrabraut. Einnig er lögð fram umsögn skipulagsfulltrúa dags. 14. desember 2017 og einnig leiðrétt umsögn skipulagsfulltrúa dags. 5. janúar 2018.
Gjald kr. 11.000

Leiðrétt bókun frá afgreiðslufundi skipulagsfulltrúa dags. 15. desember 2017. Rétt bókun er: Ekki eru gerðar skipulagslegar athugasemdir við erindið, sbr. umsögn skipulagsfulltrúa dags. 5. janúar 2018.
43.18 Vest. 6-10A/Tryggv.18, Veitingastaður fl.2
Lagt fram erindi frá afgreiðslufundi byggingarfulltrúa 19. desember 2017 þar sem sótt er um leyfi til að innrétta veitingastað í flokki II, teg. ? í rými 0102 í Tryggvagötu 18 á lóðinni Vest. 6-10/Tryggv. 18. Einnig lögð fram umsögn skipulagsfulltrúa dags. 3. janúar 2018.
Gjald kr. 11.000

Ekki eru gerðar skipulagslegar athugasemdir við erindið, sbr. umsögn skipulagsfulltrúa dags. 3. janúar 2018.
44.18 Borgartún 8-16A, (fsp) Bríetartún 13 - auglýsingadúkur
Lögð fram fyrirspurn Tryggingamiðstöðvarinnar mótt. 14. nóvember 2017 um að setja auglýsingadúk á hlið hússins að Bríetartúni 13 (Borgartún 8-16A).

Vísað til umsagnar verkefnisstjóra.
45.18 Síðumúli 24-26, (fsp) nr. 24 - auglýsingadúkur
Lögð fram fyrirspurn Tryggingamiðstöðvarinnar mótt. 14. nóvember 2017 um að setja auglýsingadúk á framhlið hússins nr. 24 á lóð nr. 24-26 við Síðumúla.

Vísað til umsagnar verkefnisstjóra.
46.18 Laugavegur 95-99, (fsp) auglýsingadúkur
Lögð fram fyrirspurn Tryggingamiðstöðvarinnar mótt. 14. nóvember 2017 um að setja auglýsingadúk á hlið hússins nr. 99 á lóð nr. 95-99 við Laugaveg.
Vísað til umsagnar verkefnisstjóra.
47.18 Hverfisgata 94, (fsp) auglýsingadúkur
Lögð fram fyrirspurn Tryggingamiðstöðvarinnar mótt. 14. nóvember 2017 um að setja auglýsingadúk á stillasa sem staðsettur er á bílastæði byggingarsvæðis að Hverfisgötu 94.
Vísað til umsagnar verkefnisstjóra.
48.18 Ármúli 1A, Breytingar 1. og 4.hæð - klæðning
Á embættisafgreiðslufundi skipulagsfulltrúa 3. nóvember 2017 var lagt fram erindi frá afgreiðslufundi byggingarfulltrúa frá 31. október 2017 þar sem sótt er um leyfi til að rífa hluta af inndreginni hæð, skilja eftir stiga- og lyftuhús ásamt tæknirými á 4. hæð, fjarlægja glerhliðar 1. hæðar og byggja léttan útvegg, klæddan litaðri málmklæðningu á húsi á lóð nr. 1A við Ármúla. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 5. janúar 2018.
Bréf frá hönnuði dags. 16. október 2017 fylgir. Minnkun: XX ferm., XX rúmm. Gjald kr. 11.000

Neikvætt, með vísan til umsagnar skipulagsfulltrúa dags. 5. janúar 2018.
49.18 Ármúli 19, Flóttaleið á norðurhlið
Lagt fram erindi frá afgreiðslufundi byggingarfulltrúa 19. desember 2017 þar sem sótt er um leyfi til að breyta og bæta flóttaleiðir í byggingunni og koma fyrir flóttastiga frá millilofti niður á 1. hæð og öðrum flóttastiga á norðurhlið frá 1. hæð niður á gangstétt á lóð nr. 19 við Ármúla.
Gjald kr. 11.000

Vísað til umsagnar verkefnisstjóra.
50.18 Langholtsvegur 94, (fsp) tvöfaldur bílskúr
Lögð fram fyrirspurn Sigríðar Ásgeirsdóttur mótt. 1. nóvember 2017 um að byggja tvöfaldan bílskúr á lóð nr. 94 við Langholtsveg. Einnig lögð fram umsögn skipulagsfulltrúa dags. 5. janúar 2018.

Neikvætt, með vísan til umsagnar skipulagsfulltrúa dags. 5. janúar 2018
51.18 Laugavegur 66-68, breyting á skilmálum deiliskipulags
Á embættisafgreiðslufundi skipulagsfulltrúa 15. desember 2017 var lögð fram umsókn Reynis Adamssonar f.h. Reita - hótels ehf. mótt. 12. desember 2017 ásamt greinargerð dags. 12. desember 2017 um breytingu á skilmálum deiliskipulags fyrir lóðina nr. 66-68 við Laugaveg. Í breytingunni felst að heimilt er að hafa verslun og/eða þjónustu í rými 01-0104 á jarðhæð, samkvæmt tillögu. Adamssonar ehf. dags. 18. desember 2017. Erindinu var frestað og er nú lagt fram að nýju.

Vísað til umhverfis- og skipulagsráðs.
52.18 Selásbraut 98, breyting á deiliskipulagi
Á embættisafgreiðslufundi skipulagsfulltrúa 15. desember 2017 var lögð fram umsókn Bergþórs Ólafssonar, mótt. 28. febrúar 2017, varðandi breytingu á deiliskipulagi Suður Selás vegna lóðarinnar nr. 98 við Selásbraut. Í breytingunni felst að hækka núverandi byggingu um eina hæð og stækka 1. hæð til vesturs svo gera megi ráð fyrir svölum á 2. og 3. hæð ásamt hjóla- og vagnageymslu fyrir íbúðir, samkvæmt uppdr. A2 arkitektur ehf., dags. 20. febrúar 2017. Erindinu var vísað til meðferðar hjá verkefnisstjóra.
Frestað. Umsækjandi hafi samband við embætti skipulagsfulltrúa varðandi skil á uppdrætti.
53.18 Skerjafjörður Þ5, forsögn fyrir rammaskipulag
Að lokinni kynningu er lögð fram að nýju forsögn fyrir rammaskipulag fyrir þróunarsvæði 5 Nýja Skerjafjörð dags. í nóvember 2017. Kynning stóð til og með 18. desember 2017. Eftirtaldir aðila sendu inn umsagnir/ábendingar/athugasemdir: íþrótta og tómstundasviðs dags. 29. nóvember 2017, Vegagerðin dags. 11. desember 2017, skrifstofa umhverfisgæða dags. 12. desember 2017, Veðurstofa Íslands dags. 12. desember 2017, Heilbrigðiseftirlits Reykjavíkur, dags. 14. desember 2017, Veitur dags. 18. desember 2017, Samgöngustofa dags. 21. desember 2017, Isavia dags. 21. desember 2017 og Kópavogsbær dags. 21. desember 2017.

Vísað til meðferðar hjá verkefnisstjóra.
54.18 Sogavegur 69, breyting á deiliskipulagi
Lagt fram bréf Skipulagsstofnunar dags. 6. desember 2017 þar sem ekki er gerð athugasemd við að sveitarstjórn birti auglýsingu um samþykkt deiliskipulagsbreytingarinnar í B-deild Stjórnartíðinda þegar greinargerð á kortablaði 01 hefur verið lagfærð. Einnig er lagður fram uppdráttur PKdM dags. 30. júní 2017 lagfærður eftir athugasemdir Skipulagsstofnunar 19. desember 2017.

Vísað til meðferðar hjá verkefnisstjóra.
55.18 Aðalskipulag Reykjavíkur 2010-2030, Gufunes, Breytt landnotkun atvinnusvæðis. Þróun blandaðrar byggðar
Að lokinni kynningu er lögð fram að nýju drög að tillögu umhverfis- og skipulagssviðs, dags. október 2017, að breytingu á aðalskipulagi sbr. 2. mgr. 30. gr. skipulagslaga nr. 123/2010. Breytingin felur í sér breytta landnotkun atvinnusvæðis að Gufunesi. Kynning stóð til og með 15. desember 2017. Eftirtaldir sendu inn umsagnir/bókun: Garðabær dags. 4. desember 2017, svæðisskipulagsnefnd höfuðborgarsvæðisins, dags. 13. desember 2017, Bláskógabyggð, dags. 19. desember 2017 og Seltjarnarnesbær dags. 22. desember 2017.

Vísað til meðferðar hjá deildarstjóra aðalskipulags
56.18 Mosfellsbær, breyting á svæðisskipulagi, verkefnislýsing - vaxtamörk innan Mosfellsbæjar
Á embættisafgreiðslufundi skipulagsfulltrúa 15. desember 2017 var lagt fram erindi skrifstofu borgarstjórnar dags. 12. desember 2017 þar sem óskað er eftir umsögn umhverfis- og skipulagssviðs á erindi samtaka sveitarfélaga á höfuðborgarsvæðinu dags. 12. desember 2017 á verkefnislýsingu vegna breytingar á svæðisskipulagi Höfuðborgarsvæðisins 2040 varðandi vaxtamörk innan Mosfellsbæjar. Erindinu var vísað til umsagnar deildarstjóra aðalskipulags og er nú lögð fram að nýju ásamt umsögn deildarstjóra aðalskipulags dags. 1. september 2017.

Umsögn deildarstjóra aðalskipulags, dags. 1. september 2017, samþykkt.
57.18 Svæðisskipulag höfuðborgarsvæðisins 2040, vaxtamörk á Álfsnesi - verklýsing vegna breytinga á svæðisskipulagi
Lagt fram bréf Samtaka sveitarfélaga á höfuðborgarsvæðinu dags. 14. desember 2017 ásamt verklýsingu vegna breytinga á svæðisskipulagi höfuðborgarsvæðisins 2040 sem felst í breyttri afmörkun vaxtamarka á Álfsnesi.
Vísað til umhverfis- og skipulagsráðs.
58.18 Ölfus - virkjun á Hellisheiði, matslýsing
Á embættisafgreiðslufundi skipulagsfulltrúa 1. desember 2017 var lagt fram erindi skipulags- og byggingarfulltrúa sveitarfélagsins Ölfus dags. 24. nóvember 2017 þar sem óskað er eftir umsögn um matslýsingu dags. 13. nóvember 2017 vegna fyrirhugaðrar breytingar á deiliskipulagi virkjunar á Hellisheiði. Óskað er eftir að umsögnin berist fyrir 8. desember 2017. Erindinu var vísað til umsagnar verkefnisstjóra skipulagsfulltrúa og deildarstjóra aðalskipulags og er nú lagt fram að nýju.
Vísað til umsagnar Heilbrigðiseftirlits Reykjavíkur.