Álfsnes, Funahöfði 6, Gufunes, Kjalarnes, Hof, Kjalarnes, Saurbær, Rafstöðvarvegur 7-9, Starhagi, Sæbraut, Sævarhöfði 2-2A, Varmadalur 125767, Freyjubrunnur 31, Hallgrímstorg 3, Laugavegur 55, Skólavörðustígur 25, Beykihlíð 3-5, Bólstaðarhlíð 25, Engjateigur 7, Mjölnisholt 4, 6 og 8, Skipholt 29 og 29A, Sogavegur 220, Suðurlandsbraut 18, Þverársel 26, Háteigsvegur 3, Hverfisgata 14, Klapparstígur 1-7, nr. 5, Krummahólar 2, Lindargata 60, Þverás 4, Efstasund 65, Hverfisgata 53 og 55, Vatnsstígur 10a og 12, reitur 1.152.5, Iðunnarbrunnur 14, Kirkjusandur, Korngarðar 3 og 13, Mosgerði 17, Smiðjustígur 10, Smiðjustígur 10, Spítalastígur 8, Akurgerði 39, Austurstræti 10A, Bakkastaðir 45, Básendi 5, Bjarnarstígur 7, Fríkirkjuvegur 11, Glæsibær 5, Gylfaflöt - Bæjarflöt, Hagamelur 34, Kvisthagi 16, Ólafsgeisli 2-6, Sólvallagata 18, Hjallavegur 37, Laugavegur 28C, Laugavegur 28D, Laugavegur 28D, Laugavegur 100, Tunguvegur 19, Skerjafjörður,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

601. fundur 2016
Ár 2016, föstudaginn 16. september kl. 09:30 var haldinn 601. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 12-14, 2 hæð. (Stardal).Viðstaddir voru:
Þetta gerðist:

1.16 Álfsnes, Björgun - lóðarmál
Lagt fram bréf skrifstofu eigna og atvinnuþróunar, dags. 25. ágúst 2016, þar sem bréfi Björgunar ehf., dags. 8. júní 2016, um möguleika þess að Björgun ehf. fái lóð undir starfsemi sína í Álfsnesi er vísað til umhverfis- og skipulagsráðs til umfjöllunar.



Vísað til meðferðar hjá verkefnisstjóra.
2.16 Funahöfði 6, (fsp) loka skýli
Lögð fram fyrirspurn CC bílaleigu ehf., mótt. 6. september 2016, um að klæða gafla á opnu skýli á lóð nr. 6 við Funahöfða og mestan hluta norðurhliðar, samkvæmt uppdr. Arko, dags. 19. ágúst 2016.

Vísað til umsagnar verkefnisstjóra.
3.16 Gufunes, (fsp) stöðuleyfi fyrir skemmu
Lögð fram fyrirspurn Íslenska gámafélagsins, mótt. 9. september 2016, varðandi stöðuleyfi fyrir skemmu í Gufunesi. Einnig eru lagðar fram tvær tillögur um staðsetningu skemmu, ódags. og greinargerð Erlends S. Birgissonar f.h. Íslenska Gámafélagsins, dags. 9. september 2016.

Vísað til umsagnar verkefnisstjóra.
4.16 Kjalarnes, Hof, lýsing
Á fundi skipulagsfulltrúa 9. september 2016 var lögð fram umsókn Landslags ehf., mótt. 9. ágúst 2016, ásamt skipulagslýsingu, dags. 17. maí 2016, vegna fyrirhugaðar vinnu við deiliskipulag sem afmarkast af 15 ha. svæði, hluti af spildu úr Hofslandi I við Esjurætur á Kjalarnesi. Markmiðið með deiliskipulaginu er að byggja upp aðstöðu til að þjóna göngu- hesta- og reiðhjólamönnun með salernisaðstöðu, hesta- og farangursskýli auk möguleika á kaffisölu og aðstöðu fyrir starfsfólk. Erindinu var vísað til meðferðar hjá verkefnisstjóra og er nú lagt fram að nýju.


Vísað til umhverfis- og skipulagsráðs.
5.16 Kjalarnes, Saurbær, stækkun spildunnar Skarðás og breyting á notkun
Lagt fram bréf Birgis Arnar Guðmundssonar hdl. f.h. Steins Björgvins Jónssonar, dags. 1. júlí 2016, um að Reykjavíkurborg samþykki stækkun spildunnar Skarðás í landi Saurbæjar á Kjalarnesi og breytingu á skráningu mannvirkis á lóðinni úr spennistöðvarhúsi í íbúðarhúsnæði.

Vísað til umsagnar skrifstofu sviðsstjóra.
6.16 Rafstöðvarvegur 7-9, (fsp) ný starfsemi og innri breytingar
Lagt fram bréf Viðars Austmanns Jóhannssonar, dags. 16. september 2016, þar sem óskað er eftir rökstuðningi á neikværði afgreiðslu skipulagsfulltrúa frá 12. ágúst 2016, um nýja starfsemi í húsinu nr. 7 á lóð nr. 7-9 við Rafstöðvarveg og stækkun á millilofti 0201 yfir hæðina.

Vísað til umsagnar skrifstofu sviðsstjóra.
7.16 Starhagi, breyting á deiliskipulagi
Að lokinni auglýsingu er lögð fram að nýju umsókn Teiknistofunnar Storð ehf., dags. 30. júní 2016, varðandi breytingu á deiliskipulagi Starhaga vegna aðflugsljósa fyrir Reykjavíkurflugvöll, samkvæmt uppdr. Teiknistofunnar Storð, dags. 30. júní 2016. Einnig er lögð fram ábending Veitna, dags. 12. júlí 2016 og umsögn Minjastofnunar Íslands, dags. 19. júlí 2016. Tillagan var auglýst frá 29. júlí til og með 9. september 2016. Engar athugasemdir bárust.
Vísað til umsagnar verkefnisstjóra.
8.16 Sæbraut, deiliskipulag
Lögð fram umsókn skrifstofu eigna og atvinnuþróunar, mótt. 29. ágúst 2016, um nýtt deiliskipulag sem felst í að gerð er lóð undir innsiglingarvita við Sæbraut rétt utan við Höfða, samkvæmt uppdr. Yrki arkitekta ehf., dags. 29. ágúst 2016.

Vísað til umsagnar verkefnisstjóra.
9.16 Sævarhöfði 2-2A, breyting á deiliskipulagi
Að lokinni auglýsingu er lögð fram að nýju umsókn Arkís arkitekta ehf. f.h. B.L. ehf., dags. 1. júní 2016, varðandi breytingu á deiliskipulagi vegna lóðar nr. 2-2A við Sævarhöfða. Í breytingunni felst að byggingareitur er stækkar til suðurs og afmarkaður er byggingareitur fyrir tengigang. Byggingamagn eykst um 320 m², skv. uppdrætti Arkís, dags. 23. maí 2016. Tillagan var auglýst frá 29. júlí til og með 9. september 2016, Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
10.16 Varmadalur 125767, (fsp) - Stækkun verkfæraskemmu
Á fundi skipulagsfulltrúa 9. september 2016 var lagt fram erindi frá afgreiðslufundi byggingarfulltrúa frá 30. ágúst 2016 þar sem spurt er hvort stækka megi verkfæraskemmu 125767 um 33 ferm. bíslag til vesturs, opið að sunnan og klætt með bárujárni og báruplastgluggum á lóð Varmadals á Kjalarnesi. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 16. september 2016.

Umsögn skipulagsfulltrúa, dags. 16, september 2016, samþykkt.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.
11.16 Freyjubrunnur 31, breyting á deiliskipulagi
Að lokinni grenndarkynningu er lögð fram að nýju umsókn Mansard teiknistofu, mótt. 26. maí 2016, varðandi breytingu á deiliskipulagi Úlfarsárdals hverfi 04 vegna lóðar nr. 31 við Freyjubrunn. Í breytingunni felst fjölgun íbúða úr 5 í 7 og aukning á byggingarmagni um 44,4m2 samkvæmt uppdrætti, dags. 12.júlí 2016. Einnig lögð fram greinargerð hönnuðar, dags. 18. maí 2016. Tillagan var grenndarkynnt frá 11. ágúst til og með 8. september 2016. Eftirtaldir aðilar sendu athugasemdir: Frank M. Michelsen, dags. 8. september 2016.
Vísað til umsagnar verkefnisstjóra.
12.16 Hallgrímstorg 3, breyting á deiliskipulagi
Að lokinni auglýsingu er lögð fram að nýju umsókn Listasafns Einars Jónssonar dags. 16. maí 2016 vegna breytingar á deiliskipulagi Skólavörðuholt vegna lóðarinnar nr. 3 við Hallgrímstorg. Í breytingunni felst að skipulagssvæðið er stækkað um lóðina Hallgrímstorg 3 sem verður hluti af deiliskipulagi Skólavörðuholts, nýr byggingarreitur er afmarkaður fyrir allt að 250 fm. viðbyggingu við suðaustur hlið hússins o.fl., samkvæmt uppdr. Studio Granda, dags. 11. maí 2016. Einnig er lagt fram bréf umsækjanda , dags. 16. júní 2016 og umsögn Minjastofnunar Íslands, dags. 15. júní 2016. Tillagan var auglýst frá 29. júlí til og með 9. september 2016, Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
13.16 Laugavegur 55, Hótel
Á fundi skipulagsfulltrúa 19. ágúst 2016 var lagt fram erindi frá afgreiðslufundi byggingarfulltrúa frá 16. ágúst 2016 þar sem sótt er um leyfi til að byggja nýbyggingu fyrir verslun og gististað í flokki V, teg. a - hótel, sem hýsa mun 116 gesti á lóð nr. 55 við Laugaveg. Erindinu var vísað til umsagnar verkefnisstjóra og er nú lagt fram að nýju.
Stærð A-rými: 2.070,8 ferm., 6.911,0 rúmm. B-rými x ferm., x rúmm. C-rými x ferm. Umsögn Minjastofnunar Íslands dags. 27. maí 2016 fylgir erindi. Gjald kr. 10.100

Kynna formanni umhverfis- og skipulagsráðs.
14.16 Skólavörðustígur 25, Rishæð
Að lokinni grenndarkynningu er lagt fram að nýju erindi frá afgreiðslufundi byggingarfulltrúa þar sem sótt er um leyfi til að gera rishæð að sjálfstæðri íbúðareiningu, með sér fastanúmeri, með því að gera nýjan stiga upp í ris, breyta kvisti og gera flóttaleið út á þaksvalir, auk minni breytinga samhliða viðhaldi, ásamt ósk um að sameina matshluta 01 og 02 í einn matshluta, í húsi á lóð nr. 25 við Skólavörðustíg. Erindi var grenndarkynnt frá 15. ágúst til og með 12. september 2016. Engar athugasemdir bárust.
Lögð er fram umsögn Minjastofunnar Íslands dags. 06.04.2016. Fyrri umsókn BN051229 er dregin til baka. Gjald kr. 10.100


Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

15.16 Beykihlíð 3-5, 3 - Sólskáli
Á fundi skipulagsfulltrúa 9. september 2016 var lagt fram erindi frá afgreiðslufundi byggingarfulltrúa frá 6. september 2016 þar sem sótt er um leyfi til að reisa sólskála við suðvestur hlið parhússins nr. 3 á lóð nr. 3-5 við Beykihlíð. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 13. september 2016.
Bréf frá hönnuði dags. 18. júlí 2016 þar sem hann sækir um á grundvelli byggingareglugerðar 112/2012 gr. 2.3.5. Stækkun 9,4ferm., 26,2 rúmm. Gjald kr. 10.100

Umsögn skipulagsfulltrúa, dags. 13. september 2016, samþykkt.

16.16 Bólstaðarhlíð 25, (fsp) hækkun á þaki bílskúra
Lögð fram fyrirspurn Marínar Guðrúnar Hrafnsdóttur, mótt. 23. ágúst 2016, varðandi hækkun á þaki bílskúra á lóð nr. 25 við Bólstaðarhlíð. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 15. september 2016.

Jákvætt með vísan til umsagnar skipulagsfulltrúa, dags. 15. september 2016.
17.16 Engjateigur 7, breyting á deiliskipulagi
Að lokinni auglýsingu er lögð fram að nýju umsókn Arkís arkitekta ehf. f.h. Ístaks ehf., dags. 19. maí 2016, varðandi breytingu á deiliskipulagi Sigtúnsreits vegna lóðarinnar nr. 7 við Engjateig. Í breytingunni felst að mörk þess svæðis sem deiliskipulagsbreytingin tekur til stækkar til suðurs, afmörkuð er ný bílastæðalóð sunnan Engjateigs á móts við lóð nr. 7 og koma fyrir 11 bílastæðum á bílastæðalóð við götu þar af eru tvö stæði fyrir hreyfihamlaða, samkvæmt uppdrætti Arkís arkitekta ehf., dags. 12. maí 2016. Tillagan var auglýst frá 29. júlí til og með 9. september 2016. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
18.16 Mjölnisholt 4, 6 og 8, breyting á deiliskipulagi Hampiðjureits
Á fundi skipulagsfulltrúa 19. ágúst 2016 voru lagðar fram umsóknir Borgarþvottahússins, Margrétar Sigurðardóttur og Arctic Tours ehf., mótt. 9. ágúst 2016, varðandi breytingu á deiliskipulagi Hampiðjureits vegna lóðanna nr. 4, 6 og 8 við Mjölnisholt. Í breytingunni felst hækkun húsana, samkv. uppdrætti K.J. hönnunar ehf., dags. 2. ágúst 2016. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Mjölnisholti 10, 12, 14, 22, 24, 26, 28, 30, 32 og 34, Stakkholti 3 og Laugavegi 142 og 144, þegar uppdrættir hafa verið lagfærðir.
Vakin er athygli á að greiða þarf fyrir grenndarkynningu áður en kynning fer fram samkv. 7. 6. gr. gjaldskrá skipulagsfulltrúa nr. 1111/2014.

19.16 Skipholt 29 og 29A, breyting á deiliskipulagi
Að lokinni auglýsingu er lögð fram að nýju umsókn GP arkitekta ehf., mótt. 25. nóvember 2015, varðandi breytingu á deiliskipulagi reits 1.250.1, Skipholtsreits, vegna húsanna nr. 29 og 29A við Skipholt á lóð nr. 29 við Skipholt. Í breytingunni felst að hækka heimilaða hámarkshæð um 80 cm umfram það sem núgildandi deiliskipulag gerir ráð fyrir og hækka heimilt nýtingarhlutfall úr 2,0 í 2,16, byggingarreitur húss nr. 29 er dýpkaður til norðurs og gerður er nýr byggingarreitur fyrir lyftu- og stigahús. Húsin mega vera 4 hæðir og skal efsta hæðin vera formuð sem þakhæð. Leyfilegt er að setja lóðrétta kvista á 2/3 hluta þakflatar og setja svalir og svalahurðar á suðurhlið og inngangshurðir á norðurhlið, samkvæmt uppdr. GP arkitekta ehf., dags. 17. mars 2016. Einnig er lagt fram bréf GP arkitekta ehf., dags. 25. nóvember 2015 og samþykki meðlóðarhafa, mótt. 23. júní 2016. Tillagan var auglýst frá 29. júlí til og með 9. september 2016. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
20.16 Sogavegur 220, Svalir við vesturhlið og geymslurými.
Lagt fram erindi frá afgreiðslufundi byggingarfulltrúa frá 13. september 2016 þar sem sótt er um leyfi til að byggja staðsteyptar svalir á vesturhlið, undir þeim kemur geymslurými með staðsteyptum veggjum en opið í norðaustur og til að breyta glugga í hurð á húsi á lóð nr. 220 við Sogaveg.
Samþykki meðeiganda og eiganda Sogavegar 218 fylgja erindi. Stærð geymslu, B-rými: 18,9 ferm., og 37,8 rúmm. Gjald kr. 10.100

Vísað til umsagnar verkefnisstjóra.
21.16 Suðurlandsbraut 18, breyting á deiliskipulagi
Á fundi skipulagsfulltrúa 12. ágúst 2016 var lögð fram umsókn Ask arkitekta ehf., mótt. 3. ágúst 2016, varðandi breytingu á deiliskipulagi Suðurlandsbrautar - Ármúla vegna lóðarinnar nr. 18 við Suðurlandsbraut. Í breytingunni felst að hækka bakhús um eina hæð eða í 5 hæðir, sambærilegt með núverandi framhúsi, skv. uppdrætti ASK arkitekta ehf., dags. 3. ágúst 2016. Erindinu var vísað til meðferðar hjá verkefnisstjóra og er nú lagt fram að nýju.

Vísað til umhverfis- og skipulagsráðs.
Komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1111/2014.

22.16 Þverársel 26, (fsp) stækkun húss
Lögð fram fyrirspurn Steinþórs Steinþórssonar og Ástu Guðlaugar Þorkelsdóttur, mótt. 5. september 2016, varðandi stækkun hússins á lóð nr. 26 við Þverársel vil vesturs.

Vísað til umsagnar verkefnisstjóra.
23.16 Háteigsvegur 3, (fsp) breyting á notkun
Á fundi skipulagsfulltrúa 9. september 2016 var lögð fram fyrirspurn Elínar Þóru Ingólfsdóttur, mótt. 5. september 2016, um að breyta íbúð nr. 403 í húsinu á lóð nr. 3 við Háteigsveg í gististað. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 16. september 2016.


Umsögn skipulagsfulltrúa, dags. 16. september 2016, samþykkt.
24.16 Hverfisgata 14, (fsp) breyting á notkun
Lögð fram fyrispurn Harðar Ellerts Ólafssonar, mótt. 9. september 2016, varðandi breytingu á notkun hússins á lóð nr. 14 við Hverfisgötu úr skrifstofuhúsnæði í veitingahús.
Vísað til umsagnar verkefnisstjóra.
25.16 Klapparstígur 1-7, nr. 5, ósk um umsögn vegna umsóknar um útibú ökutækjaleigu
Lagt fram bréf Samgöngustofu, dags. 26. ágúst 2016, þar sem óskað er eftir umsögn vegna umsóknar Blue car rental ehf. um útibú ökutækjaleigu að Klapparstíg 5, lóð nr. 1-7 við Klapparstíg.


Vísað til umsagnar verkefnisstjóra.
26.16 Krummahólar 2, (fsp) - Breyta íbúð 203 í tvær íbúðir
Á fundi skipulagsfulltrúa 26. ágúst 2016 var lagt fram bréf frá afgreiðslufundi byggingarfulltrúa frá 23. ágúst 2016 þar sem spurt er hvort leyft yrði að skipta í tvær íbúðir, íbúð 0203 í húsi nr. 2 við Krummahóla. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 16. september 2016.


Neikvætt, með vísan til umsagnar skipulagsfulltrúa, dags. 16. september 2016.
27.16 Lindargata 60, breyting á deiliskipulagi
Á fundi skipulagsfulltrúa 9. september 2016 var lögð fram umsókn Tvíeyki ehf. dags. 22. júní 2016 varðandi breytingu á deiliskipulagi lóðarinnar að Lindargötu 60 samkv. uppdr. Davíðs Pitt dags. 15. maí 2016. Í breytingunni felst að notkunarskilmálar og starfsemi á lóð verði breytt. Erindinu var vísað til umsagnar verkefnisstjóra.

Vísað til umhverfis- og skipulagsráðs.
28.16 Þverás 4, breyting á skilmálum deiliskipulags
Lögð fram umsókn Guðmundar Halldórs Halldórssonar, mótt. 3. september 2016, varðandi breytingu á skilmálum deiliskipulags Suður-Selás vegna lóðarinnar nr. 4 við Þverás. Í breytingunni felst að setja nýjar svalir á gafl, og stækka efri hæð hússins með því að framlengja og hækka kvist yfir núverandi svalir, samkvæmt tillögu Nexus arkitekta, dags. 23. júní 2016.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Þverási 2 , 6, 16, 18 og 20.
Vakin er athygli á að greiða þarf fyrir grenndarkynningu áður en kynning fer fram samkv. 7. 6. gr. gjaldskrá skipulagsfulltrúa nr. 1111/2014.

29.16 Efstasund 65, (fsp) - Rishæð - breyting 1.hæð
Á fundi skipulagsfulltrúa 9. september 2016 var lagt fram erindi frá afgreiðslufundi byggingarfulltrúa frá 6. september 2016 þar sem spurt er hvor leyfi fáist til að byggja rishæð í stað þess að endurnýja þak í núverandi mynd, ásamt breytingu á innra skipulagi 1. hæðar í íbúðarhúsi á lóð nr. 65 við Efstastund. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa, dags. 16. september 2016.


Neikvætt, með vísan til umsagnar skipulagsfulltrúa, dags.16. september 2016.
30.16 Hverfisgata 53 og 55, Vatnsstígur 10a og 12, reitur 1.152.5, (fsp) aukið byggingarmagn
Á fundi skipulagsfulltrúa 15. júlí 2016 var lögð fram fyrirspurn skrifstofu eigna og atvinnuþróunar, mótt. 5. júlí 2016, um gerð deiliskipulags sem tekur til lóðanna nr. 53 og 55 við Hverfisgötu og 10A og 12 við Vatnsstíg við sömu götu sem felst í auknu byggingarmagni á öllum lóðunum, sbr. tillögu Hornsteina arkitekta ehf., dags. 28. júní 2016.

Vísað til umhverfis-og skipulagsráðs.
31.16 Iðunnarbrunnur 14, (fsp) tvíbýlishús á lóð í stað einbýlishúss
Á fundi skipulagsfulltrúa 9. september 2016 var lögð fram fyrirspurn Róberts Jack, mótt. 28. ágúst 2016, varðandi byggingu tvíbýlishúss á lóð nr. 14 við Iðunnarbrunn í stað einbýlishúss. Einnig er lagt fram bréf Róberts Jack, dags. 28. ágúst 2016. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 16. sptember 2016.

Neikvætt, með vísan til umsagnar skipulagsfulltrúa, dags. 16. september 2016.
32.16 Kirkjusandur, (fsp) bílgeymsla
Lögð fram fyrirspurn Ark arkitekta ehf., mótt. 13. september 2016, um að fyrirhuguð neðanjarðar bílgeymsla á Kirkjusandi verði á einni hæð í stað þriggja hæða og fari að hluta til út fyrir lóðarmörk. Einnig er lögð fram tillaga að nýjum lóðarmörkum neðanjarðar, ódags. og bréf Ask arkitekta ehf., dags. 13. september 2016.

Vísað til umsagnar verkefnisstjóra.
33.16 Korngarðar 3 og 13, breyting á deiliskipulagi
Lögð fram umsókn Guðmundar O. Víðissonar, mótt. 7. september 2016, varðandi breytingu á deiliskipulagi Skarfabakka- Klettasvæði vegna lóðanna nr. 3 og 13 við Korngarða. Í breytingunni felst að hámarks nýtingarhlutfall á lóð nr. 3 við Korngarða fyrir millipalla verður 0,34 og bílastæðakrafa fyrir millipalla verður 1 bílastæði per 300 m2 fyrir lager og vörugeymslu. Jafnframt er komið fyrir byggingarreit á lóð nr. 13 við Korngarða þar sem hámarkshæð byggingar verður 18,0 m., samkvæmt uppdr. Dap arkitekta, dags. 7. september 2016. Einnig er lögð fram greinargerð Dap arkitekta ehf., dags. 7. september 2016 og bréf Faxaflóahafna, ódags.

Vísað til umsagnar verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.
34.16 ">Mosgerði 17, (fsp) - Viðbygging - stækka glugga
Á fundi skipulagsfulltrúa 9. september 2016 var lagt fram erindi frá afgreiðslufundi byggingarfulltrúa frá 6. september 2016 þar sem spurt er hvort leyfi fáist til að byggja litla viðbyggingu á norðurhlið ásamt því að stækka glugga á íbúðarhúsi á lóð nr. 17 við Mosgerði. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 16. september 2016.


Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa, dags. 16. september 2016.
35.16 Smiðjustígur 10, (fsp) niðurrif húss, uppbygging á lóð
Á fundi skipulagsfulltrúa 12. ágúst 2016 var lögð fram fyrirspurn Davíðs Kr. Pitt, mótt. 4. ágúst 2016, um að rífa niður eldri byggingu við Smiðjustíg 10 og byggja nýbyggingu í hennar stað, samkvæmt uppdráttum Davíðs Kr. Pitt, dags. 20. júlí 2016. Einnig er lögð fram greinargerð hönnuðar, dags. 2. ágúst 2016. Fyrirspurninni var vísað til meðferðar hjá verkefnisstjóra og er nú lögð fram að nýju ásamt umsögn skipulagsfulltrúa, dags. 12. september 2016.



Umsögn skipulagsfulltrúa, dags. 12. september 2016, samþykkt.
36.16 Smiðjustígur 10, Niðurif og nýbygging
Lagt fram erindi frá afgreiðslufundi byggingarfulltrúa frá 6. september 2016 þar sem sótt er um leyfi til að rífa núverandi íbúðarhús og byggja nýtt steinsteypt hús með þremur íbúðum og tveimur vinnustofum á lóð nr. 10 við Smiðjustíg. Einnig er lögð fram umsögn skipulagsfulltrúa, dags. 12. september 2016.
Stærðir eldri byggingar (273,6) ferm., (766,0) rúmm. Stærðir nýbyggingar: A-rými 265,1 ferm., 936,0 rúmm. C-rými 62,8 ferm. Stækkun (8,6) ferm., (170,0) rúmm. Gjald kr. 10.100

Umsögn skipulagsfulltrúa, dags. 12. september 2016, samþykkt.
37.16 Spítalastígur 8, breyting á deiliskipulagi
Lögð fram umsókn Ásmundar Jóhannssonar, mótt. 8. september 2016, varðandi breytingu á deiliskipulagi reits 1.184.1 vegna lóðarinnar nr. 8 við Spítalastíg. Í breytingunni felst að heimilað er að stækka 2. hæð að gafli spítalastíg 10 og hækka framhús um eina hæð þannig að framhús verði 3. hæðir, hækka bakbyggingu að gafli Bergstaðastætis 17B um eina hæð þannig að bakbygging verði 2. hæðir og nota hluta þaks bakbyggingar sem flóttaleið og til útivistar. samkvæmt uppdr. Arko, dags. 7. september 2016.

Vísað til umsagnar verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.
38.16 Akurgerði 39, 39-41 - Breyta kvisti
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 19. júlí 2016 þar sem sótt er um leyfi til að lengja og breikka kvist á norðurhlið, til að breikka áður samþykkt sólskýli um 1,3 metra og að lokum er sótt um leyfi til að breyta þaki bílskúrs við parhús á lóð nr. 39-41 við Akurgerði. Einnig eru lagðir fram breyttir uppdrættir dags. 12. júlí 2016. Erindi var grenndarkynnt frá 15. ágúst til og með 12. september 2016. Engar athugasemdir bárust.
Útskrift úr gerðabók embættisafgreiðslufundar skipulagsfulltrúa frá 13. maí 2016 fylgir erindinu ásamt umsögn skipulagsfulltrúa dags. 12. maí 2016. Stækkun húss nr. 39: 6,1 ferm., 12,4 rúmm. Hús nr. 41: 6,1 ferm., 12,4 rúmm. Gjald kr. 10.100

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

39.16 Austurstræti 10A, (fsp) breyting á efstu hæð hússins
Á fundi skipulagsfulltrúa 26. ágúst 2016 var lögð fram fyrirspurn Forms ráðgjafar ehf., mótt. 16. ágúst 2016, um breytingu á fimmtu hæð hússins á lóð nr. 10A við Austurstræti sem felst í nýjum glerskála til norðurs (Austurstrætismegin) með þakskyggni beggja vegna við, lyfta þaki að hluta til að auka lofthæð við útveggi í stofu og eldhúsi, en mænishæð er haldið óbreyttri og koma fyrir þakskyggnum á austur og vesturhlið núverandi glerskála sem er á suðurhlið hússins (að Austurvelli), samkvæmt uppdr. Forms Ráðgjafar ehf., dags. 10. ágúst 2016. Einnig er lagt fram bréf Ágústs Hafsteinssonar f.h. arkitektastofunnar Form ráðgjöf ehf., dags. 10. ágúst 2016. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 15. september 2016.

Neikvætt, með vísan til umsagnar skipulagsfulltrúa, dags. 15. september 2016.
40.16 Bakkastaðir 45, Breyting á BN050852
Lagt fram erindi frá afgreiðslufundi byggingarfulltrúa frá 13. september 2016 þar sem sótt er um leyfi til að breyta áður samþykktu erindi BN050852 þannig að lækkað er bílskúrsgólf um 60 sm og inngangur verði inn í þvottaherbergi en ekki inn í anddyri hússins á lóð nr. 45 við Bakkastaði.
Stækkun er 36,9 rúmm. Gjald kr. 10.100

Vísað til umsagnar verkefnisstjóra.
41.16 Básendi 5, Útitröppur, svalir, breyting inni
Að lokinni grenndarkynningu er lagt fram að nýju erindi frá afgreiðslufundi byggingarfulltrúa þar sem sótt er um leyfi til að breyta aðalinngangi og útitröppum og loka rými undir tröppum, ásamt því að gera svalir á suðurhlið með tröppum niður í garð við einbýlishúsið á lóð nr. 5 við Básenda. Ennfremur er sótt um leyfi til að breyta burðarveggjum innandyra. Erindi var grenndarkynnt frá 10. ágúst til og með 7. september 2016. Eftirtaldir aðilar sendu athugasemdir: Þórunn H. Sveinbjörnsdóttir, dags. 11. ágúst 2016. Erindinu var vísað til umsagnar verkefnisstjóra á fundi skipulagsfulltrúa 9. september 2016 og er nú lagt fram að nýju.
Útskrift úr gerðabók embættisafgreiðslufundar skipulagsfulltrúa frá 8. júlí 2016 fylgir erindinu, ásamt umsögn skipulagsfulltrúa dags. 4. júlí 2016.
Stækkun A-rými 7,7 ferm., 16,4 rúmm. Erindi fylgir umsögn burðarvirkishönnuðar dags. 14. júní 2016. Gjald kr. 10.100

Vísað til umhverfis- og skipulagsráðs.
42.16 Bjarnarstígur 7, Breyting inni - svalir 1. hæð og risi
Á fundi skipulagsfulltrúa 9. september 2016 var lagt fram erindi frá afgreiðslufundi byggingarfulltrúa frá 6. september 2016 þar sem sótt er um leyfi til að byggja svalir á 1. hæð og rishæð, ásamt áður gerðum breytingum á innra skipulagi íbúðar 0101, í fjölbýlishúsi á lóð nr. 7 við Bjarnarstíg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 16. september 2016.
Samþykki meðeigenda fylgir. Gjald kr. 10.100

Jákvætt með vísan til umsagnar skipulagsfulltrúa, dags. 16. september 2016.

43.16 Fríkirkjuvegur 11, Breyting á aðgengi
Á fundi skipulagsfulltrúa 9. september 2016 var lagt fram erindi frá afgreiðslufundi byggingarfulltrúa frá 30. ágúst 2016 þar sem sótt er um leyfi til að breyta áður samþykktu erindi BN049604 sem felst í breytingu á aðgengi að kjallara við sunnanvert húsið á lóð nr. 11 við Fríkirkjuveg. Erindinu var vísað til meðferðar verkefnisstjóra og er nú lagt fram að nýju.
Sjá ennfremur erindi BN050726. Bréf hönnuða um ábyrgðasvið dags. 05.08.2016 fylgir erindi. Gjald kr. 10.100

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Laufásvegi 20, 22, 24 og 26, Skothúsvegi 15 og Fríkirkjuvegi 9.
Vakin er athygli á að greiða þarf fyrir grenndarkynningu áður en kynning fer fram samkv. 7.6. gr. gjaldskrá skipulagsfulltrúa nr. 1111/2014.

44.16 Glæsibær 5, breyting á deiliskipulagi
Að lokinni grenndarkynningu er lögð fram að nýju umsókn Sveins Ívarssonar arkitekts f.h. Jóhannesar Þórs Guðbjartssonar, mótt. 25. apríl 2016, varðandi breytingu á deiliskipulagi Árbæjar - Seláss vegna lóðarinnar nr. 5 við Glæsibæ. Í breytingunni felst stækkun húss til austurs og stækkun bílskúrs þannig að hús og bílskúr verða sambyggð, samkvæmt uppdr. Sveins Ívarssonar arkitekts, dags. 10. janúar 2016. Tillagan var grenndarkynnt frá 15. ágúst til og með 12. september 2016. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
45.16 Gylfaflöt - Bæjarflöt, framkvæmdaleyfi
Lögð fram umsókn skrifstofu eigna og atvinnuþróunar, mótt. 16. ágúst 2016, um framkvæmdaleyfi sem felst m.a. í því að grafa og fylla í götustæði og gangstéttar, jarðvinnu vegna veitulagna, reisa ljósastólpa o.fl. að Gylfaflöt og Bæjarflöt, samkvæmt teikningum.

Vísað til meðferðar hjá verkefnisstjóra.
46.16 Hagamelur 34, málskot
Lagt fram málskot Kjartans Ingvarssonar, mótt. 8. september 2016, vegna neikvæðrar afgreiðslu skipulagsfulltrúa frá 10. júní 2016 um að hækka þak hússins á lóð nr. 34 við Hagamel og byggja 2 kvisti til norðurs.

Vísað til umhverfis- og skipulagsráðs.
47.16 Kvisthagi 16, (fsp) svalir
Á fundi skipulagsfulltrúa 9. september 2016 var lögð fram fyrirspurn Guðmundar H. Jóhannssonar, mótt. 24. ágúst 2016, um að setja svalir á húsið á lóð nr. 16 við Kvisthaga, samkvæmt skissu, ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 16. september 2016.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa, dags. 16. september 2016.
48.16 Ólafsgeisli 2-6, (fsp) nr. 4A -séreign
Lögð fram fyrirspurn Reynis Sigurðssonar og Sigurðar Reynissonar, mótt. 7. september 2016, um að breyta 1. hæð hússins nr. 4 við Ólafsgeisla í séreign (íbúð 0101 og svalir 0102).

Vísað til umsagnar verkefnisstjóra.
49.16 Sólvallagata 18, (fsp) - Svalir með brunastiga
Á fundi skipulagsfulltrúa 9. september 2016 var lagt fram erindi frá afgreiðslufundi byggingarfulltrúa frá 30. ágúst 2016 þar sem spurt er hvort byggja megi svalir með brunastiga á norðausturhlið fyrstu, annarar og þriðju hæðar fjölbýlishúss á lóð nr. 18 við Sólvallagötu. Erindinu var vísað til umsagnar verkefnisstjóra.
Erindi fylgir samþykki meðeigenda dags. 4. ágúst 2016.

Fyrirspyrjandi hafi samband við embætti skipulagsfulltrúa.
50.16 Hjallavegur 37, (fsp) bílskúr
Lögð fram fyrirspurn Bjargeyjar Guðmundsdóttur og Jóns Trausta Bjarnasonar, mótt. 21. júlí 2016, um að staðsetja bílskúr í fyrirhugaðri viðbyggingu á lóð nr. 37 við Hjallaveg.

Vísað til umsagnar verkefnisstjóra.
51.16 Laugavegur 28C, Íbúðir/gistiheimili
Á fundi skipulagsfulltrúa 9. september 2016 var lagt fram erindi frá afgreiðslufundi byggingarfulltrúa frá 6. september 2016 þar sem sótt er um leyfi til að opna á milli húsa 28C og 28D, byggja kvisti, svalir, lyftuskála og flóttastiga, innrétta gististað í flokki II, teg. hótel í húsi á lóð nr. 28C við Laugaveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 14. september 2016.
Erindi fylgir brunahönnun frá EFLU dags. 23. ágúst 2016. Stækkun: xx ferm., xx rúmm. Gjald kr. 10.100

Neikvætt, með vísan til umsagnar skipulagsfulltrúa, dags. 14. september 2016.
Samræmist ekki deiliskipulagi,
52.16 Laugavegur 28D, Íbúðir/gistiheimili
Á fundi skipulagsfulltrúa 9. september 2016 var lagt fram erindi frá afgreiðslufundi byggingarfulltrúa frá 6. september 2016 þar sem sótt er um leyfi til að opna á milli húsa 28C og 28D, byggja kvisti, svalir, lyftuskála og flóttastiga, innrétta gististað í flokki II, teg. hótel og innrétta starfsmannaaðstöðu í kjallara húss á lóð nr. 28D við Laugaveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 14. september 2016.
Erindi fylgir brunahönnun frá EFLU dags. 23. ágúst 2016. Stækkun: xx ferm., xx rúmm. Gjald kr. 10.100

Neikvætt, með vísan til umsagnar skipulagsfulltrúa, dags. 14. september 2016.
Samræmist ekki deiliskipulagi,
53.16 Laugavegur 28D, Starfsmannaaðstaða kjallara
Lagt fram erindi frá afgreiðslufundi byggingarfulltrúa frá 13. september 2016 þar sem sótt er um leyfi til að breyta íbúðarrými í kjallara í starfsmannaaðstöðu sem þjóna mun starfsmönnum hótels sem sýnt er á meðfylgjandi teikningum og er á lóð nr. 28 við Laugaveg, starfsmannaaðstaðan er í húsi á lóð nr. 28D við Laugaveg.
Gjald kr. 10.100

Vísað til umsagnar verkefnisstjóra.
54.16 Laugavegur 100, Veitingarekstur fl.5
Á fundi skipulagsfulltrúa 9. september 2016 var lagt fram erindi frá afgreiðslufundi byggingarfulltrúa frá 6. september 2016 þar sem sótt er um leyfi til að breyta skilgreiningu veitingaþjónustu þannig að gististaður verður í flokki V í húsi á lóð nr. 100 við Laugaveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 16. september 2016.
Gjald kr. 10.100

Umsögn skipulagsfulltrúa, dags. 16. september 2016, samþykkt.
55.16 Tunguvegur 19, breyting á deiliskipulagi
Á fundi skipulagsfulltrúa 26. ágúst 2016 var lögð fram umsókn Guðmundar Gunnlaugssonar, mótt. 17. ágúst 2016, varðandi breytingu á deiliskipulagi vegna lóðar nr. 19 við Tunguveg. Í breytingunni felst að heimilað er að innrétta nýja íbúð (baka til) og kaffihús (meðfram götuhlið) á 1. hæð hússins auk gistirýmis til útleigu ferðamanna á 1. hæð í bílskúr ásamt hækkun á þaki hússins með kvisti, samkvæmt uppdr. Guðmundar Gunnlaugssonar ehf., dags. 10. ágúst 2016. Erindinu var vísað til meðferðar verkefnisstjóra og er nú lagt fram að nýju.


Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Sogavegi 135, 212 og 216, Skógargerði 1a, Tunguvegi 17, 19a og 20 og Garðsenda 21.
Vakin er athygli á að greiða þarf fyrir grenndarkynningu áður en kynning fer fram samkv. 7. 6.gr. gjaldskrá skipulagsfulltrúa nr. 1111/2014.

56.16 Skerjafjörður, lóð undir stúdentaíbúðir
Lagt fram bréf borgarstjóra, dags. 9. september 2016, vegna eftirfarandi afgreiðslu borgarráðs frá 8. september 2016 á bréfi Félagstofnunar stúdenta, dags. 24. ágúst 2016, um lóð undir stúdentaíbúðir í Skerjafirði: "Borgarráð tekur jákvætt í erindi Félagstofnunar stúdenta og tekur undir að áhugavert væri að gera ráð fyrir byggingu stúdentagarða á hinu nýja uppbyggingarsvæði í Skerjafirði og uppfylla þannig hluta viljayfirlýsingar um átak í fjölgun stúdentaíbúða í borginni. Eðlilegt er að fulltrúar stúdenta verði einn af lykilhagsmunaaðilum í mótun skipulagssvæðisins og er því beint til umhverfis- og skipulagssviðs og skrifstofu eigna og atvinnuþróunar að tryggja að svo verði. Þá verður haft samráð við fjármálaráðuneytið til að tryggja að úthlutun lóða til uppbyggingar stúdentaíbúða að loknu skipulagsferli falli að ákvæðum kaupsamnings borgarinnar á landi í Skerjafirði.

Vísað til meðferðar hjá verkefnisstjóra.