Fossaleynir 8, Háagerði 89, Lindarsel 9, Suðurlandsbraut 8 og 10, Úthlíð 7, Heiðmörk, Vatnsendakrikar, Hverfisgata milli Smiðjustígs og Klapparstígs, Kjalarnes, Brautarholt 5, Kjalarnes, Hólaland, Lambhagavegur 19, Menntasveigur 15, Miklabraut/Stigahlíð, Suðurlandsv v/Norðlb., Traðarland 1, Víkingur, Vagnhöfði 13, Laugateigur 21, Skriðustekkur 1-7, nr 5, Víðimelur 35, Fiskislóð 15-21, Grettisgata 41, Hverfisgata 65 og 67, Laufásvegur 70, Lækjargata 8, Vesturhöfnin, Þrastargata 1, Freyjubrunnur 16-20, Kirkjusandur 2, Íslandsbanki, Rauðarárstígur 35-39, Skólavörðustígur 25, Sjafnarbrunnur 2, Þingasel 3, Ármúli 38, Barónsstígur 28, Borgartún 26, Brautarholt 4-4A, Hallveigarstígur 1, Laugavegur 95-99, Laugavegur 103, Miklabraut við Rauðagerði, Ægisíða 123, Geirsgata 7A, Laugavegur 20B, Nönnugata 7, Vitastígur 11, Öldugata 2, Fiskislóð 53-69, Háteigsvegur 1, Langholtsvegur 31, Laugavegur 176, Njálsgata 37, Sogavegur 73-75 og 77, Bláskógabyggð, aðalskipulag 2015-2027, Hverfisgata 14,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

580. fundur 2016
Ár 2016, föstudaginn 8. apríl kl. 09:20 var haldinn 580. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 12-14, 2 hæð. (Stardal).Viðstaddir voru:
Þetta gerðist:

1.16 Fossaleynir 8, (fsp) þvottastöð
Á fundi skipulagsfulltrúa 1. apríl 2016 var lögð fram fyrirspurn Bjarka M. Sveinssonar, mótt. 8. mars 2016, varðandi byggingu þvottastöðvar fyrir steypumót á lóð nr. 8 við Fossaleyni, samkvæmt uppdr. Aðalsteins V. Júlíussonar, dags. 10. maí 2015. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 7. apríl 2016.
Jákvætt með vísan til umsagnar skipulagsfulltrúa dags. 7. apríl 2016.
2.16 Háagerði 89, Kvistir - anddyri
Lagt fram erindi frá afgreiðslufundi byggingarfulltrúa frá 5. apríl 2016 þar sem sótt er um leyfi til að byggja kvisti á suður og norður hlið og anddyri á vesturgafl einbýlishúss á lóð nr. 89 við Háagerði.
Útskrift úr gerðabók embættisafgreiðslufundar skipulagsfulltrúa frá 19. febrúar 2016 fylgir erindinu ásamt umsögn skipulagsfulltrúa dags. 18. febrúar 2016 og bréf þar sem óskað er grenndarkynningar á byggingarleyfisumsókn. Stækkun: 10,2 ferm., 4,9 rúmm. Gjald kr. 10.100

Vísað til umsagnar verkefnisstjóra.
3.16 Lindarsel 9, breyting á deiliskipulagi
Að lokinni grenndarkynningu er lögð fram fram að nýju umsókn Sigurvins Lárusar Jónssonar, mótt. 27. október 2015, varðandi breytingu á deiliskipulagi Seljahverfis vegna lóðarinnar nr. 9 við Lindarsel. Í breytingunni felst stækkun á byggingarreit um 1.5 metra til suðurs, samkvæmt uppdr. Pro-ark teiknistofu, dags. febrúar 2016. Tillagan var grenndarkynnt frá 4. mars til og með 4. apríl 2016. Eftirtaldir aðilar sendu athugasemdir: Þorgrímur Jónsson, dags. 31. mars 2016.

Vísað til umsagnar verkefnisstjóra.
4.16 Suðurlandsbraut 8 og 10, breyting á deiliskipulagi
Lögð fram umsókn Arkís arkitekta ehf. f.h. Eikar fasteignafélags hf., mótt. 9. mars 2016, varðandi breytingu á deiliskipulagi Suðurlandsbrautar, Hallarmúla, Ármúla og Vegmúla vegna lóðanna nr. 8 og 10 við Suðurlandsbraut. Í breytingunni felst sameining lóða og að fella úr gildi byggingarreit fyrir tengigangs milli bygginga á 4. og 5. hæð, samkvæmt uppdr. Arkís arkitekta ehf. ódags.

Leiðrétt bókun frá embættisafgreiðslufundi skipulagsfulltrúa hinn 18. mars 2016.
Rétt bókun er:
Samþykkt að grenndarkynna framlagða tillögu fyrir hagsmunaaðilum að Suðurlandsbraut 6 og 12, Ármúli 7, 9 og 11.

Vakin er athygli á að greiða þarf fyrir grenndarkynningu áður en kynning fer fram samkv. 8.1 .gr. gjaldskrá skipulagsfulltrúa nr. 1111/2014.

5.16 Úthlíð 7, Byggja skúr
Lagt fram erindi frá afgreiðslufundi byggingarfulltrúa frá 5. apríl 2016 þar sem sótt er um leyfi til að endurnýja gamalt leyfi sem samþykkt var 13. júlí 1995 þar sem farið var í að byggja tvöfaldan bílskúr úr steinsteypu og hætt var að byggja austur helming skúrsins og nú er farið fram á að halda áfram með verkið og byggja ofan á plötu sem er til staðar á lóð nr. 7 við Úthlíð. Stækkun bílageymslu 0102: 29,8 ferm., 80,1 rúmm.
Útskrift úr gerðabók embættisafgreiðslufundar skipulagsfulltrúa frá 4. mars 2016 fylgir erindinu, ásamt umsögn skipulagsfulltrúa dags. 3. mars 2016. Vakin er athygli á að erindið fellur undir lið 7.6 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 111/2014. Erindi fylgir samþykki sumra lóðarhafa aðliggjandi lóða dags. 1. mars 2016. Gjald kr. 10.100

Vísað til umsagnar verkefnisstjóra.
6.16 Heiðmörk, Vatnsendakrikar, framkvæmdaleyfi
Lögð fram umsókn Veitna ohf., mótt. 22. mars 2016, um framkvæmdaleyfi vegna virkjunar á þremur kaldavatnsborholum í Vatnsendakrikum í Heiðmörk.

Vísað til umsagnar Heilbrigðiseftirlits Reykjavíkur.
7.16 Hverfisgata milli Smiðjustígs og Klapparstígs, framkvæmdaleyfi
Lögð fram umsókn skrifstofu framkvæmda og viðhalds, mótt. 15. mars 2016, um framkvæmdaleyfi vegna endurgerðar Hverfisgötu milli Smiðjustígs og Klapparstígs að báðum gatnamótum meðtöldum sem felst í jarðvegskiptum, endurnýjun á lögnum og lagningu nýs yfirborðs, samkvæmt útboðsteikningu Arkís arkitekta ehf., Mannvits ehf. og umhverfis- og skipulagssviðs, dags. í september 2014 ásamt umsögn skipulagsfulltrúa dags. 6. apríl 2016.
Umsögn skipulagsfulltrúa dags. 6. apríl 2016 samþykkt.
Vísað til skrifstofu sviðstjóra til útgáfu framkvæmdaleyfis.
Vakin er athygli á að greiða þarf fyrir útgáfu framkvæmdaleyfis skv. 5. gr. gjaldskrá skipulagsfulltrúa nr. 1111/2014.
8.16 Kjalarnes, Brautarholt 5, breyting á deiliskipulagi
Lögð fram umsókn Einars Ingimarssonar f.h. Brúneggja ehf., mótt. 6. apríl 2016, varðandi breytingu á skilmálum deiliskipulags Brautarholts á Kjalarnesi vegna lóðarinnar nr. 5 við Brautarholt. Í breytingunni felst að breyta svínabúi á jörðinni í alifuglabú, samkvæmt tillögu, ódags. Einnig er lagt fram bréf Skipulagsstofnunar, dags. 16. mars 2016, vegna ákvörðunar Skipulagsstofnunar um matsskyldu vegna fyrirhugaðs alifuglabús til eggjaframleiðslu.

Vísað til umhverfis-og skipulagsráðs.

Vakin er athygli á að greiða þarf fyrir útgáfu framkvæmdaleyfis skv. 5. gr. gjaldskrá skipulagsfulltrúa nr. 1111/2014.

9.16 Kjalarnes, Hólaland, (fsp) sambýli
Á fundi skipulagsfulltrúa 26. febrúar 2016 var lögð fram fyrirspurn Þórs Inga Daníelssonar, mótt. 1. febrúar 2016, varðandi byggingu sambýlis á jörðinni Hólaland á Kjalarnesi með 6-8 íbúðum. Fyrirspurninni var vísað til umsagnar velferðarsviðs og er nú lögð fram að nýju ásamt umsögn velferðarsviðs, dags. 7. apríl 2016.
Vísað til meðferðar hjá verkefnisstjóra.
10.16 Lambhagavegur 19, breyting á deiliskipulagi
Að lokinni grenndarkynningu er lögð fram að nýju umsókn Helga Hafliðasonar arkitekts f.h. Safari hjóla ehf., mótt. 3. mars 2016, varðandi breytingu á deiliskipulagi Lambhagalands vegna lóðarinnar nr. 19 við Lambhagaveg. Í breytingunni felst að reitur fyrir íbúðarhús færist fjær aðkomuvegi og verður suðvestantil á lóðinni en byggingarreitur fyrir gróðurhús færist að austurmörkum lóðarinnar. Einnig er kvöð um kaldavatnslagnir sunnan- og austantil á lóð felld út, samkvæmt uppdr. Helga Hafliðasonar arkitekts, dags. 3. mars 2016. Tillagan var grenndarkynnt frá 4. apríl til og með 2. maí 2015, en þar sem samþykki hagsmunaaðila barst 7. apríl 2016 er erindi lagt fram að nýju.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
11.16 Menntasveigur 15, breyting á deiliskipulagi
Lögð fram umsókn Landmótunar sf., mótt. 4. apríl 2016, varðandi breytingu á deiliskipulagi Öskjuhlíðar vegna lóðarinnar nr. 15 við Menntasveig. Í breytingunni felst að lóðin hliðrast tæpa tvo metra til norðurs, samkvæmt uppdr. Landmótunar sf., dags. 15. mars 2016.

Vísað til umhverfis-og skipulagsráðs.

Vísað er til gr. 7.5 og gr. 12 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2016.

12.16 Miklabraut/Stigahlíð, breyting á deiliskipulagi
Að lokinni grenndarkynningu er lögð fram að nýju umsókn Magnúsar Skúlasonar f.h. Veitna ohf., mótt. 25. nóvember 2015, varðandi breytingu á deiliskipulagi Miklubrautar. Í breytingunni felst að afmörkun skipulagssvæðis verði stækkað vegna nýrrar lóðar. Lóðin er ætluð fyrir lokahús á aðalæð kaldavatnslagnar, samkvæmt uppdr. Magnúsar Skúlasonar ark., dags. 8. janúar 2016. Tillagan var grenndarkynnt frá 19. febrúar til og með 18. mars 2016. Eftirtaldir aðilar sendu athugasemdir: Auður Leifsdóttir f.h. húseigenda að Stigahlíð 35, dags. 18. mars 2016. Erindinu var vísað til umsagnar verkefnisstjóra á fundi skipulagsfulltrúa 1. apríl 2016 og er nú lagt fram að nýju.

Vísað til umhverfis-og skipulagsráðs
13.16 Suðurlandsv v/Norðlb., (fsp) bygging fjögurra húsa
Lögð fram fyrirspurn Ólafar Þorvarðsdóttur, mótt. 4. apríl 2016, um að byggja fjögur hús á lóð Suðurlandsv við Norðlb.
Vísað til umsagnar verkefnisstjóra.
14.16 Traðarland 1, Víkingur, tillaga borgarráðsfulltrúa um stækkun athafnasvæðis Víkings
Lagt fram erindi skrifstofu borgarstjórnar, dags. 8. mars 2016, þar sem óskað er eftir umsögn skrifstofu eigna og atvinnuþróunar, Íþrótta og tómstundaráðs og umhverfis- og skipulagssviða á eftirfarandi tillögu borgarfulltrúa Sjálfstæðisflokksins frá fundi borgarstjórnar 1. mars 2016 um stækkun athafnasvæðis Víkings: "Borgarstjórn felur borgarstjóra að gera ráðstafanir er nauðsynlegar kunna að vera í því skyni að Reykjavíkurborg standi við fyrirheit sitt um stækkun athafnasvæðis Knattspyrnufélagsins Víkings eftir að leigusamningur við lóðarhafa að Stjörnugróf 18 rennur út í árslok 2016, í samræmi við samþykkt borgarráðs hinn 10. júlí 2008. Jafnframt felur borgarráð skipulagsráði að kanna möguleika á nýrri staðsetningu gróðrarstöðvar, sem nú er á lóðinni, í samráði við eigendur hennar. Knattspyrnufélagið Víkingur er hverfisíþróttafélag, sem gegnir mikilvægu hlutverki í þágu íþrótta- og æskulýðsmála í smáíbúða- Bústaða- og Fossvogshverfum." Óskað er eftir að sviðin og skrifstofan geri sameiginlegt minnisblað.

Vísað til meðferðar hjá verkefnisstjóra.
15.16 Vagnhöfði 13, (fsp) viðbygging
Lögð fram fyrirspurn Z-Gardínubrautir ehf. mótt. 29. febrúar 2016, mótt. 29. febrúar 2016, um að byggja við húsið á lóð nr. 13 við Vagnhöfða, samkvæmt uppdr. Byggvir ehf., dags. 10. febrúar 2016. Einnig er lagt fram bréf Inga Gunnars Þórðarsonar byggingafræðings, dags. 10. febrúar 2016.

Vísað til umsagnar verkefnisstjóra.
16.16 Laugateigur 21, (fsp) hækkun á þaki, kvistir og svalir
Á fundi skipulagsfulltrúa 1. apríl 2016 var lögð fram fyrirspurn Freys Arnarsonar, mótt. 26. janúar 2016, um að hækka þak hússins á lóð nr. 21 við Laugateig, byggja kvisti til suðurs og norðurs og svalir til suðurs. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 30. mars 2016.

Neikvætt, með vísan til umsagnar skipulagsfulltrúa dags. 30. mars 2016.
17.16 Skriðustekkur 1-7, nr 5, (fsp) stækkun og færsla á bílskúr
Lögð fram fyrirspurn Valdimars Nielsen, mótt. 8. mars 2016, um að stækka bílskúr á lóð nr. 5 við Skriðustekk og færa hann til austurs um 2.10 metra.

Vísað til umsagnar verkefnisstjóra.
18.16 Víðimelur 35, (fsp) breyting á notkun
Á fundi skipulagsfulltrúa 18. mars 2016 var lögð fram fyrirspurn JHH Fasteigna slf., mótt. 3. mars 2016, varðandi breytingu á notkun hússins á lóð nr. 35 við Víðimel úr atvinnuhúsnæði í vinnustofu. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 31. mars 2016.

Umsögn skipulagsfulltrúa dags. 31. mars 2016 samþykkt.
19.16 Fiskislóð 15-21, (fsp) sjálfsafgreiðslustöð fyrir eldsneyti
Á fundi skipulagsfulltrúa 1. apríl 2016 var lögð fram fyrirspurn Ask arkitekta ehf., mótt. 17. mars 2016, varðandi breytingu á deiliskipulagi sem felst í að koma fyrir sjálfsafgreiðslustöð fyrir eldsneyti á bílastæðum á suðausturenda lóðarinnar nr. 15-21 við Fiskislóð, samkvæmt uppdr. Ask arkitekta ehf., dags. 11. desember 2015. Einnig er lagt fram bréf Faxaflóahafna sf., dags. 10. mars 2016. Fyrirspurninni var vísað til umsagnar verkefnisstjóra aðalskipulags og er nú lögð fram að nýju ásamt umsögn deildarstjóra aðal- og svæðisskipulags, dags. 8. apríl 2016

Vísað til umhverfis-og skipulagsráðs
20.16 Grettisgata 41, Breytingar - BN049327
Lagt fram erindi frá afgreiðslufundi byggingarfulltrúa frá 5. apríl 2016 þar sem sótt er um leyfi til að hækka ris og endurbyggja og til að byggja staðsteypta viðbyggingu aftan við einbýlishús á lóð nr. 41 við Grettisgötu.
Útskrift úr gerðabók embættisafgreiðslufundar skipulagsfulltrúa frá 5. febrúar 2016 fylgir erindinu ásamt umsögn skipulagsfulltrúa dags. 5. febrúar 2016. Stækkun: 149 ferm., 330,1 rúmm. Stærð eftir stækkun: 188,3 ferm., 598,5 rúmm. Gjald kr. 9.823

Vísað til umsagnar verkefnisstjóra.
21.16 Hverfisgata 65 og 67, breyting á deiliskipulagi
Lögð fram umsókn Richards Ólafs Briem, mótt. 17. mars 2016, varðandi breytingu á deiliskipulagi Skúlagötusvæðis vegna lóðanna nr. 65 og 67 við Hverfisgötu. Í breytingunni felst breyting á byggingarreit, samkvæmt uppdr. VA arkitekta ehf., dags. 28. júlí 2015.

Vísað til meðferðar hjá verkefnisstjóra.

Vakin er athygli á að erindið fellur undir gr. 7.5 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.
22.16 Laufásvegur 70, Steyptir pallar
Á fundi skipulagsfulltrúa 18. mars 2016 var lagt fram erindi frá afgreiðslufundi byggingarfulltrúa frá 15. mars 2016 þar sem sótt er um leyfi fyrir áður gerðum steyptum pöllum með stálhandriðum, sjá. erindi BN047067, við einbýlishús á lóð nr. 70 við Laufásveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 8. apríl 2016.
Gjald kr. 10.100


Jákvætt með vísan til umsagnar skipulagsfulltrúa dags. 8. apríl 2016.
23.16 Lækjargata 8, (fsp) breyting á deiliskipulagi
lögð fram fyrirspurn Studio Granda, mótt. 31. mars 2016, varðandi breytingu á deiliskipulagi vegna lóðarinnar nr. 8 við Lækjargötu sem felst í að ekki verði byggt milli norðurgafls gamla hússins og suðurgafls Lækjargötu 6 heldur verði nýbygging dregin til baka frá götu samkvæmt uppdr. Studio Granda ehf., dags. í mars 2016. Einnig er lagt fram bréf Studio Granda ehf., ódags.

Vísað til umsagnar verkefnisstjóra.
24.16 Vesturhöfnin, (fsp) breyting á deiliskipulagi
Á fundi skipulagsfulltrúa 1. apríl 2016 var lögð fram fyrirspurn Faxaflóahafna sf., mótt. 17. mars 2016, varðandi breytingu á deiliskipulagi Vesturhafnar sem felst í stækkun á byggingarreit A á lóð nr. 1 við Norðurgarð við norðvesturhlið hússins þar sem gert er ráð fyrir nýju anddyri, fækkun og breytingu á fyrirkomulagi bílastæða á lóð nr. 20 við Grandagarð og tilfærsla á byggingarreit lóðarinnar nr. 37B við Fiskislóð, samkvæmt uppdr. Teiknistofu Gylfa Guðjónssonar og félaga ehf., dags. 14. mars 2016. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 8. apríl 2016.

Jákvætt með vísan til umsagnar skipulagsfulltrúa dags. 8. apríl 2016.
25.16 Þrastargata 1, (fsp) breyting á lóðarmörkum
Á fundi skipulagsfulltrúa 4. mars 2016 var lögð fram fyrirspurn Guðmundar Björns Lýðssonar, mótt. 25. febrúar 2016 varðandi breytingu á lóðarmörkum lóðarinnar nr. 1 við Þrastargötu. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 8. apríl 2016.

Jákvætt með vísan til umsagnar skipulagsfulltrúa dags. 8. apríl 2016.
26.16 Freyjubrunnur 16-20, breyting á deiliskipulagi
Að lokinni grenndarkynningu er lögð fram að nýju umsókn Kristins Ragnarssonar, mótt. 25. janúar 2016, varðandi breytingu á deiliskipulagi Úlfarsárdals, Hallar, Hamrahlíðarlönd og suðurhlíðar Úlfarsfells vegna lóðarinnar nr. 16-20 við Freyjubrunn. Í breytingunni felst að byggja tvo byggingarhluta á suðurhlið hússins út fyrir byggingarreit og breyta einni íbúð í tvær minni íbúðir þannig að í stað 13 íbúða verða 14 íbúðir, samkvæmt uppdr. Kristins Ragnarssonar, dags. 5. janúar 2016. Einnig er lagt fram bréf Kristinn Ragnarssonar, ódags. Tillagan var grenndarkynnt frá 17. febrúar til og með 18. mars 2016. Eftirtaldir aðilar sendu inn athugasemd: Sigríður Hrefna Hrafnkelsdóttir og Þorkell Frímann Viðarsson, dags. 17. febrúar 2016, Sólveig María Svavarsdóttir, dags. 23. febrúar 2016, Leifur Steinn Elísson, dags. 24. febrúar 2016, Jón Viggó Gunnarsson og Ástríður Elín Jónsdóttir, dags. 25. febrúar 2016 og Jón Heiðar Hannesson, dags. 10. mars. 2016. Erindinu var vísað til umsagnar verkefnisstjóra á fundi skipulagsfulltrúa 1. apríl 2016 og er nú lagt fram að nýju.


Vísað til umhverfis-og skipulagsráðs
27.16 Kirkjusandur 2, Íslandsbanki, breyting á deiliskipulagi
Að lokinni auglýsingu er lögð fram að nýju umsókn Ask arkitekta ehf. f.h. lóðarhafa dags. 20. febrúar 2015 varðandi breytingu á deiliskipulagi Kirkjusands vegna lóðarinnar nr. 2 við Kirkjusand. Í breytingunni felst uppbygging á reitnum þar sem áhersla er lögð á blandaða byggð atvinnu- og íbúðahúsnæðis í samræmi við markmið aðalskipulags Reykjavíkur, skv. uppfærðum uppdr. Ask arkitekta ehf., dags. 8. janúar 2016. Einnig er lögð fram uppfærð greinargerð og skilmálar Ask arkitekta ehf., Eflu verkfræðistofu og umhverfis- og skipulagssviðs, dags. 8. janúar 2016. Tillagan var auglýst frá 30. janúar til og með 12. mars 2016. Eftirtaldir aðilar sendu inn athugasemdir: Hörður Harðarson, dags. 26. mars 2016 og 6. mars 2016 og undirskriftalisti 18 íbúa við Laugarnesveg og nágrenni, dags. 1. mars 2016, Sveinn Ólafur Arnórsson og Sandra Berg Cepero, dags. 10. mars 2016, Jón Trausti Jónsson, dags. 10. mars 2016, Veitur, dags. 11. mars 2016, Hafliði Bjarki Magnússon, dags. 11. mars 2016 og Steinunn Björg Helgadóttir og Þór Vigfússon, dags. 11. mars 2016. Einnig er lögð fram bókun hverfisráðs Laugardals frá 22. febrúar 2016. Erindinu var vísað til umsagnar verkefnisstjóra á fundi skipulagsfulltrúa 18. mars 2016 og er nú lagt fram að nýju.

Vísað til umhverfis-og skipulagsráðs
28.16 Rauðarárstígur 35-39, (fsp) stækkun 4. hæðar
Á fundi skipulagsfulltrúa 1. apríl 2016 var lögð fram fyrirspurn Atelier arkitekta slf. f.h. Íslandshótels hf., mótt. 26. febrúar 2016, um að stækka inndregna 4. hæð hússins að Rauðarárstíg 35-39, Best Western hótel, yfir svalir á vestur- og austurhlið, samkvæmt uppdr. Atelier arkitekta slf., dags. febrúar 2016. Fyrirspurninni var vísað til umsagnar verkefnisstjóra og er nú lögð fram að nýju.

Kynna formanni umhverfis- og skipulagsráðs.
29.16 Skólavörðustígur 25, (fsp) þaksvalir
Á fundi skipulagsfulltrúa 18. mars 2016 var lögð fram fyrirspurn SMT 100 ehf., mótt. 1. mars 2016, um að setja þaksvalir fyrir risíbúð á lóð nr. 25 við Skólavörðustíg ofan á húsið á lóð nr. 25A við Skólavörðustíg og gera léttan stiga í aðal stigahúsi byggingarinnar þannig að rishæðin geti nýst sem sér íbúð, samkvæmt uppdr. Úti og inni arkitektar ehf., dags. 26. febrúar 2016. Einnig er lögð fram umsögn Minjastofnunar Íslands, dags. 22. mars 2016. Fyrirspurninni var vísað til meðferðar hjá verkefnisstjóra og er nú lögð fram að nýju ásamt umsögn skipulagsfulltrúa dags. 6. apríl 2016.
Jákvætt með vísan til umsagnar skipulagsfulltrúa dags. 6. apríl 2016.
30.16 Sjafnarbrunnur 2, breyting á deiliskipulagi
Að lokinni grenndarkynningu er lögð fram að nýju umsókn Kristins Ragnarssonar, mótt. 2. nóvember 2015, varðandi breytingu á deiliskipulagi Úlfarsárdals vegna lóðarinnar nr. 2 við Sjafnarbrunn. Í breytingunni felst fjölgun íbúða úr 8 í 9, fækka bogadregnum hluta þakflatar og færa innkeyrslu í bílageymslu frá Sjafnarbrunni til Nönnubrunnar, samkvæmt uppdr. Kristins Ragnarssonar arkitekts ehf. dags. 5. janúar 2016. Einnig er lagt fram bréf Kristins Ragnarssonar ark., ódags. tillagan var grenndarkynnt frá 5. febrúar til 4. mars 2016. Eftirtaldir aðilar sendu athugasemdir: Guðrún Elva Guðmundsdóttir, dags. 9. febrúar 2016, Eyrún Erla Vilhjálmsdóttir, dags. 12. febrúar 2016, Hrund Gautadóttir og Aliosha Romero, dags. 29. febrúar 2016 og Viðar H. Eiríksson f.h. húsfélagsins Sjafnarbrunnur 1-3, dags. 3. mars 2016. Erindinu var vísað til umsagnar verkefnisstjóra á fundi skipulagsfulltrúa 18. mars 2016 og er nú lagt fram að nýju.

Vísað til umhverfis-og skipulagsráðs
31.16 Þingasel 3, (fsp) sólskáli
Lögð fram fyrirspurn Guðjóns Gunnþórssonar, mótt. 9. mars 2016, um að byggja sólskála við suðurhlið hússins á lóð nr. 3 við Þingasel.

Vísað til umsagnar verkefnisstjóra.
32.16 Ármúli 38, (fsp) - Innrétta íbúð
Lagt fram erindi frá afgreiðslufundi byggingarfulltrúa frá 5. apríl 2016 þar sem spurt er hvort leyft yrði að innrétta íbúð í rými 0202 í mhl. 02 á lóð nr. 38 við Ármúla.

Vísað til umsagnar verkefnisstjóra.
33.16 Barónsstígur 28, Gististaður í fl. II, teg. E
Lagt fram erindi frá afgreiðslufundi byggingarfulltrúa frá 5. apríl 2016 þar sem sótt er um leyfi til að breyta erindi BN048209, innrétta gististað í flokki II, teg. e, með 10 gistieiningum á lóð nr. 28 við Barónsstíg.
Gjald kr. 10.100

Vísað til umsagnar verkefnisstjóra.
34.16 Borgartún 26, Verslunarrými 1. hæð - breytingar 0103
Lagt fram erindi frá afgreiðslufundi byggingarfulltrúa frá 5. apríl 2016 þar sem sótt er um leyfi til að skipta rými 0103 í tvö rými 0103 og 0104, koma fyrir fiskverslun með veitingarekstur í flokki II með nýjum inngangi á norðurhlið í rými 0104 í húsinu á lóð nr. 26 við Borgartún.
Gjald kr. 10.100

Vísað til umsagnar verkefnisstjóra.
35.16 Brautarholt 4-4A, (fsp) stækka 4. hæð hússins nr. 4
Lögð fram fyrirspurn Einars Guðlaugssonar, mótt. 8. mars 2016, varðandi stækkun á inndreginni 4. hæð hússins nr. 4 á lóð nr. 4-4A við Brautarholt og nýta hæðina sem hluta af gistiheimili sem er á 2. og 3. hæð hússins. Einnig er lögð fram umsögn skipulagsfulltrúa dags. 8. apríl 2016.

Neikvætt, með vísan til umsagnar skipulagsfulltrúa dags. 8. apríl 2016.
36.16 Hallveigarstígur 1, (fsp) gististaður í kjallara
Lögð fram fyrirspurn Vals Magnússonar, mótt. 1. apríl 2016, um að breyta notkun rýmis í kjallara hússins á lóð nr. 1 við Hallveigarstíg sem er í dag veislusalur í gististað. Einnig er lagt fram bréf Vals Magnússonar f.h. Yn ehf., ódags.

Vísað til umsagnar verkefnisstjóra.
37.16 Laugavegur 95-99, breyting á deiliskipulagi
Lögð fram umsókn Ólafar G. Valdimarsdóttur f.h. Rita og bóka ehf., mótt. 5. apríl 2016, varðandi breytingu á deiliskipulagi reits 1.174.1 vegna lóðarinnar nr. 95-99 við Laugaveg. Í breytingunni felst að á lóðinni verði heimil verslunar- og þjónustustarfstarfsemi í samræmi við Aðalskipulag Reykjavíkur 2010-2030 þ.m.t. almenn skrifstofu starfsemi og hótelþjónusta fyrir gististað í flokki V, en auk þess er heimilt að á efri hæðum verði starfsemi gististaðar, skrifstofur eða íbúðir. Jafnframt eru heildarskilmálar settir fyrir lóðina auk þess að B og C rýmum er bætt inn í heildarflatarmál, heimilt verður að fullnýta gildandi deiliskipulagheimildir við Laugaveg auk þess að heimilt verður að stækka 4. hæð yfir bakbyggingu við Laugaveg allt að 1,5 metra frá útvegg o.fl., samkvæmt uppdr. Plan 21 ehf., dags. 5. apríl 2016.

Vísað til umhverfis-og skipulagsráðs

Leggja þarf fram skuggavarp og gera þarf grein fyrir skýringaruppdrætti í greinargerð í deiliskipulagsuppdrætti

Vakin er athygli á að erindið fellur undir gr. 7.5 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.
38.16 Laugavegur 103, Veitingahús fl.2 - 0102
Lagt fram erindi frá afgreiðslufundi byggingarfulltrúa frá 5. apríl 2016 þar sem sótt er um leyfi til að breyta áður samþykktu erindi BN050470 þannig að breytt er notkun í veitingastað í flokk II fyrir 40 gesti og komið er fyrir útsogskerfi með 'airmaid oszone' kerfi upp fyrir þak á bakhluta húss á lóð nr. 103 við Laugaveg,
Bréf hönnuðar dags. 18.mars 2016. Samþykki frá húsfélagi ódags. fylgir erindinu. Gjald kr. 10.100

Vísað til umsagnar verkefnisstjóra.
39.16 Miklabraut við Rauðagerði, framkvæmdaleyfi
Lögð fram umsókn skrifstofu framkvæmda og viðhalds, mótt. 14. mars 2016, um framkvæmdaleyfi vegna lagningu strætóreinar á Miklubraut frá Skeiðarvogi að rampa að Reykjanesbraut, lagningu göngu- og hjólastígs o.fl. samkvæmt tillögu Landmótunar, dags. 10. mars 2016. Einnig er lögð fram umsögn skipulagsfulltrúa dags. 8. apríl 2016.

Umsögn skipulagsfulltrúa dags. 8. apríl samþykkt. Vísað til skrifstofu sviðstjóra til útgáfu framkvæmdaleyfis.

Vakin er athygli á að greiða þarf fyrir útgáfu framkvæmdaleyfis skv. 5. gr. gjaldskrá skipulagsfulltrúa nr. 1111/2014.
40.16 Ægisíða 123, Breyting á (50133) úr flokki I í II
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 12. janúar 2016 þar sem sótt er um leyfi til að breyta veitingaflokki úr I í II í nýsamþykktu veitingahúsi á lóð nr. 123 við Ægisíðu. Erindi var grenndarkynnt frá 19. febrúar til og með 29. mars 2016. Eftirtaldir aðilar sendu athugasemdir: Sara McMahon, dags. 17. mars 2016, Hanna Þorgerður Vilhjálmsdóttir, Jens Þór Svansson, Vilhjálmur Kári Jensson og Þórhildur Jensdóttir, dags. 18. mars 2016, Anna Jóna Heimisdóttir og Þórir Karl Bragason Celin, mótt. 18. mars 2016 , Halldóra Ásgeirsdóttir, dags. 18. mars 2016 og Aðalheiður Ósk Guðbjörnsdóttir og Örn Valdimarsson, dags. 18. mars 2016. Einnig er lagður fram tölvupóstur Jens Þórs Svanssonar, dags. 17. mars 2016, þar sem óskað er eftir framlengingu á athugasemdafresti. Athugasemdafrestur framlengdur til og með 29. mars 2016. Eftirtaldir aðilar sendu athugasemdir: Anna K. Gunnarsdóttir og Héðinn Haraldsson, dags. 9. mars 2016, mótt. 22. mars 2016. Erindinu var vísað til umsagnar verkefnisstjóra á fundi skipulagsfulltrúa 1. apríl 2016 og er nú lagt fram að nýju.
Gjald kr. 10.100

Vísað til umhverfis-og skipulagsráðs
41.16 Geirsgata 7A, (fsp) veitingasala
Lögð fram fyrirspurn Alexanders Schepsky, mótt. 3. mars 2016, varðandi rekstur veitingasölu (take away) í húsinu á lóð nr. 7A við Geirsgötu.

Vísað til umsagnar verkefnisstjóra.
42.16 >Laugavegur 20B, Stækkun á veitingastað
Á fundi skipulagsfulltrúa 11. mars 2016 var lagt fram erindi frá afgreiðslufundi byggingarfulltrúa frá 8. mars 2016 þar sem sótt er um leyfi til að stækka veitingastað yfir í aðliggjandi rými á 1. hæð í húsi á lóð nr. 20B við Laugaveg. Erindinu var vísað til umsagnar verkefnisstjóra en er nú lagt fram að nýju ásamt leiðréttir umsögn skipulagsfulltrúa dags. 7. apríl 2016, sem leiðréttir fyrri umsögn embættisins í sama máli frá 18. mars 2016.
Gjald kr. 10.100

Jákvætt með vísan til umsagnar skipulagsfulltrúa dags. 7. apríl 2016.
43.16 Nönnugata 7, málskot
Lagt fram málskot Magnúsar Hrafns Magnússonar hrl. f.h. Magnhúsar ehf., dags. 23. mars 2016 vegna neikvæðrar afgreiðslu skipulagsfulltrúa frá 12. febrúar 2016 um rekstur gististaðar í flokki II í húsinu á lóð nr. 7 við Nönnugötu.

Vísað til umsagnar skrifstofu sviðsstjóra.
44.16 Vitastígur 11, breyting á deiliskipulagi
Að lokinni grenndarkynningu er lögð fram að nýju umsókn Rauðagerðis ehf., mótt. 5. janúar 2016, varðandi breytingu á deiliskipulagi reits 1.174.2 vegna lóðarinnar nr. 11 við Vitastíg. Í breytingunni felst að hækka mæni húss, lækka kjallaragólf og lækka lóð milli fram- og bakhúss ásamt byggingu þjónustuhúss á lóðarmörkum Vitastígs 11 og 13, samkvæmt uppdr. Zeppelin arkitekta ehf., dags. 15. desember 2015. Einnig er lögð fram umsögn Minjastofnunar Íslands, dags. 21. desember 2015 og umboð Alfreðs Haukssonar f.h. Ráðagerðis ehf., dags. 4. janúar 2016. Eftirtaldir aðilar sendu athugasemdir: Gunnar Gunnarsson, dags. 23. mars 2016 og Ögmundur Skarphéðinsson arkitekt f.h. V13 ehf., dags. 23. mars 2016. Erindinu var vísað til umsagnar verkefnisstjóra á fundi skipulagsfulltrúa 1. apríl 2016 og er nú lagt fram að nýju.

Vísað til umhverfis-og skipulagsráðs
45.16 Öldugata 2, Skipta upp í þrjár íbúðir, svalir o.fl.
Lagt fram erindi frá afgreiðslufundi byggingarfulltrúa frá 5. apríl 2016 þar sem sótt er um leyfi til breytinga innanhúss, innrétta fjórar íbúðir, eina á hverri hæð og til að byggja svalir á 1. hæð og í risi á norðurhlið húss á lóð nr. 2 við Öldugötu.
Útskrift úr gerðabók embættisafgreiðslufundar skipulagsfulltrúa frá 11. desember 2015 fylgir erindinu ásamt umsögn skipulagsfulltrúa dags. 10. desember 2015 og útskrift úr gerðabók embættisafgreiðslufundar skipulagsfulltrúa frá 1. apríl 2016 ásamt umsögn skipulagsfulltrúa dags. 10. desember 2015. Gjald kr. 9.823

Samþykkt að grenndarkynna framlagða tillögu fyrir hagsmunaaðilum að Túngötu 14, Garðastræti 14 og 16, Öldugötu 3, 4, 5, Bárugötu 3 og 5.

Vakin er athygli á að greiða þarf fyrir grenndarkynningu áður en kynning fer fram samkv. 8.1. gr. gjaldskrá skipulagsfulltrúa nr. 1111/2014.
46.16 Fiskislóð 53-69, 57-59 - Kaffibrugghús
Á fundi skipulagsfulltrúa 1. apríl 2016 var lagt fram erindi frá afgreiðslufundi byggingarfulltrúa frá 22. mars 2016 þar sem sótt er um leyfi til að innrétta kaffibrennslu, kaffiskóla og kaffihús í flokki III fyrir 80 gesti í rými 0101 í mhl. 02 í iðnaðarhúsi á lóð nr. 57-59 við Fiskislóð. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 8. apríl 2016.
Jákvæð fyrirspurn BN050093 um kaffibrennslu fylgir erindi. Gjald kr. 10.100

Jákvætt með vísan til umsagnar skipulagsfulltrúa dags. 8. apríl 2016.
47.16 Háteigsvegur 1, Hótel
Á fundi skipulagsfulltrúa 1. apríl 2016 var lagt fram erindi frá afgreiðslufundi byggingarfulltrúa frá 22. mars 2016 þar sem sótt er um leyfi til að byggja kvist að götu, fjarlægja svalir að Háteigsvegi, byggja nýjar í rishæð og innrétta gististað í flokki II, teg. hótel, 23 herbergi fyrir allt að 50 gesti í verslunar- og skrifstofuhúsi á lóð nr, 1 við Háteigsveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 8. apríl 2016.
Stækkun: xx ferm., xx rúmm. Gjald kr. 10.100

Umsögn skipulagsfulltrúa dags. 8. apríl 2016 samþykkt.
48.16 Langholtsvegur 31, breyting á deiliskipulagi
Lögð fram umsókn Valdimars Kristinssonar, mótt. 17. mars 2016, varðandi breytingu á deiliskipulagi reita 1.3 og 1.4, Sundin, vegna lóðarinnar nr. 31 við Langholtsveg. Í breytingunni felst að rífa niður núverandi hús á lóð og byggja nýtt tveggja hæða hús ásamt kjallara án bílgeymslu, fjölgun íbúða í fimm og fjölgun bílastæða á lóð í fimm, samkvæmt uppdr. Mannvirkjahönnunar, dags. 17. mars 2016.

Vísað til umsagnar verkefnisstjóra.
49.16 Laugavegur 176, (fsp) hækka hús og breyta í hótel
Lögð fram fyrirspurn Reita 1 ehf., mótt. 31. mars 2016, varðandi breytingu á húsi á lóð nr. 176 við Laugaveg sem felst að fjarlægja skemmur á baklóð, byggja ofan á núverandi austurálmu og hækka húsið um eina inndregna hæð og útbúa hótel, samkvæmt uppdrætti THG arkitekta, dags. 31.mars 2016.

Vísað til umsagnar verkefnisstjóra.
50.16 Njálsgata 37, breyting á deiliskipulagi
Á fundi skipulagsfulltrúa 5. febrúar 2016 var lögð fram umsókn Benjamíns G. Magnússonar ark., mótt. 14. janúar 2016, varðandi breytingu á deiliskipulagi reits 1.190.0, Njálsgötureitur 1, vegna lóðarinnar nr. 37 við Njálsgötu. Í breytingunni felst að byggja við og hækka húsið á lóðinni, byggingu nýs húss á baklóð merkt nr. 37B o.fl., samkvæmt uppdr. Benjamíns G, Magnússonar ark., dags. 13. janúar 2016. Einnig er lagt fram bréf Benjamíns G. Magnússonar ark., dags. 28. janúar 2016 og umsögn Minjastofnunar Íslands, dags. 7. mars 2016. Erindinu var vísað til meðferðar verkefnisstjóra og er nú lagt fram að nýju.

Vísað til umhverfis-og skipulagsráðs

Vakin er athygli á að erindið fellur undir gr. 7.5 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.
51.16 Sogavegur 73-75 og 77, breyting á deiliskipulagi
Lögð fram umsókn Odds Kristjáns Finnbjarnarsonar, mótt. 28. ágúst 2015, varðandi breytingu á deiliskipulagi Sogavegar, Vonarlands, vegna lóðanna nr. 73-75 og 77 við Sogaveg. Í breytingunni felst að rífa niður tvö hús á lóðinni nr. 73-75 við Sogaveg og byggja fjölbýlishús í stað þeirra ásamt byggingu fjölbýlishúss á óbyggðri lóð nr. 77 við Sogaveg, samkvæmt deiliskipulags- og skýringaruppdr. THG arkitekta ehf., dags. 24. febrúar 2016.
Einnig er lögð fram fundargerð frá íbúafundi sem haldin var 31. mars 2016.

Vísað til umhverfis-og skipulagsráðs
52.16 Bláskógabyggð, aðalskipulag 2015-2027, beiðni um umsögn
Lagt fram bréf Bláskógabyggðar, dags. 23. mars 2016, þar sem óskað er eftir umsögn Reykjavíkurborgar á tillögu að aðalskipulagi Bláskógabyggðar 2015-2027 áður en sveitarstjórn tekur erindi til afgreiðslu.

Vísað til umsagnar deildarstjóra aðal- og svæðisskipulags.
53.16 Hverfisgata 14, (fsp) uppbygging á baklóð
Á fundi skipulagsfulltrúa 11. mars 2016 var lögð fram fyrirspurn Studio Granda ehf. dags. 5. mars 2016, um að endurnýja húsið á lóð nr. 14 við Hverfisgötu ásamt niðurrifi einnar hæðar skúrs á baklóð hússins og byggingu nýrrar þriggja hæðar byggingar á baklóð samkvæmt uppdr. Studio Granda ehf., dags. mars 2016. Einnig er lagt fram bréf Studio Granda ehf. dags. 5. mars 2016. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 8. apríl 2016.


Neikvætt, með vísan til umsagnar skipulagsfulltrúa dags. 8. apríl 2016.