Mýrargata, Arnargata 10, Ármúli 1, Melhagi 20-22, Skólavörðustígur 40, Suðurgata 18, Reitur 1.131, Nýlendureitur, Bíldshöfði 9, Gilsárstekkur 8, Haukdælabraut 98, Nökkvavogur 4, Bauganes 40, Seljavegur 2, Vesturgata 3, Akurgerði 38, Gautavík 11, Teigahverfi norðan Sundlaugavegar, Í Úlfarsfellslandi 125475, Spöngin 43 og Fróðengi 1-11, Austurbakki 1, Frakkastígsreitur 1.172.1, Gamla höfnin - Vesturbugt, Ármúli 22, Grettisgata 20A, Grundargerði 7, Friggjarbrunnur 3-5, Vagnhöfði 13, Laugavegur 4 og 6 / Skólavörðustígur 1A og 3, Skyggnisbraut 26-30,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

463. fundur 2013
Ár 2013, föstudaginn 11. október kl. 09:15 var haldinn 463. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 12-14, 2 hæð. (Stardal).Viðstaddir voru:
Þetta gerðist:

1.13 Mýrargata, breyting á aðalskipulagi Reykjavíkur 2001-2024
Að lokinni auglýsingu er lögð fram að nýju tillaga umhverfis- og skipulagssviðs dags. 8. júlí 2013 um að falla frá stokkalausn á Mýrargötu í aðalskipulagi Reykjavíkur 2001-2024. Einnig lögð fram umhverfisskýrsla VSÓ ráðgjafar dags. í júní 2013. Tillagan var auglýst frá 14 ágúst til og með 25. september 2013 Eftirtaldir aðilar sendu inn athugasemdir/umsagnir: umsögn Heilbrigðiseftirlits Reykjavíkur dags. 11. júlí 2013, umsögn Vegagerðarinnar dags. 22. júlí 2013, umsögn Umhverfisstofnunar dags. 30. júlí 2013, bréf Skipulagsstofnunar 2. ágúst 2013, bréf Seltjarnarnesbæjar dags. 8. ágúst 2013 ásamt bókun skipulags- og mannvirkjanefndar dags. 23. júlí 2013, Seltjarnarnesbær dags. 24. september 2013, umsögn umhverfisstofnunar dags. 26. ágúst 2013 og íbúasamtök Vesturbæjar dags. 26. september 2013.

Vísað til umhverfis- og skipulagsráðs.
2.13 Arnargata 10, (fsp) viðbygging
Á fundi skipulagsfulltrúa 27. september 2013 var lögð fram fyrirspurn Einars Kristins Hjaltested dags. 24. september 2013 um að byggja við húsið á lóðinni nr. 10 við Arnargötu, samkvæmt uppdr. Andrésar Narfa Andréssonar dags. 14. júlí 2013. Fyrirspurninni var vísað til umsagnar og er nú lögð fram að nýju ásamt umsögn skipulagsfulltrúa dags. 8. október 2013

Með vísan til umsagnar skipulagsfulltrúa dags. 8. október 2013 eru ekki gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.
3.13 Ármúli 1, Breyting á lóð
Lagt fram erindi frá afgreiðslufundi byggingarfulltrúa frá 8. október 2013 þar sem sótt er um leyfi til að byggja nýja spennistöð í norðvesturhorni lóðar í stað annarrar í kjallara hússins, til að fella niður nýsamþykktan stoðvegg að Háaleitisbraut og breyta fyrirkomulagi lóðar, en við það fækkar bílastæðum um þrjú, sjá erindi BN045986 og BN046276, verslunar- og skrifstofuhúss á lóð nr. 1 við Ármúla.
Bílastæði á lóð eftir breytingu samtals 89. Spennistöð: 20,9 ferm., 72,1 rúmm. Gjald kr. 9.000

Vísað til umsagnar verkefnastjóra.
4.13 Melhagi 20-22, Veitingastaður
Á fundi skipulagsfulltrúa 4. október 2013 var lagt fram erindi frá afgreiðslufundi byggingarfulltrúa frá 1. október 2013 þar sótt er um leyfi til að innrétta veitingahús í flokki II fyrir 55 gesti í húsi á lóð nr. 20-22 við Melhaga.
Kynna formanni umhverfis- og skipulagsráðs.
5.13 Skólavörðustígur 40, Veitingastaður stækkaður
Á fundi skipulagsfulltrúa 30. ágúst 2013 var lagt fram erindi frá afgreiðslufundi byggingarfulltrúa frá 27. ágúst 2013 þar sem sótt er um leyfi til að breyta innra skipulagi í vesturhluta 1. hæðar og í kjallara og breyta póstasetningu glugga, sjá BN045449, í íbúðar- og atvinnuhúsi á lóð nr. 40 við Skólavörðustíg. Einnig er lagt fram bréf íbúa við Skólavörðustíg og Lokastíg dags. 1. september 2013. Erindinu var vísað til umsagnar verkefnisstjóra. Einnig lögð fram umsögn skipulagsfulltrúa dags. 9. október 2013.
Gjald kr. 9.000

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 9. október 2013.
6.13 Suðurgata 18, lagt fram bréf
Lagt fram erindi frá afgreiðslufundi byggingarfulltrúa frá 8. október 2013 ásamt bréfi Guðna Haraldssonar hrl dags. 2. október 2013 þar sem umsókn um leyfi til að byggja bílastæði fyrir framan húsið nr. 18 við Suðurgötu er ítrekað í ljósi úrskurðar úrskurðarnefndar umhverfis- og auðlindamála frá 27. september sl.
Uppdrættir dags. 2. júlí 2012 fylgja erindinu ásamt bréfi Guðna Á. Haraldssonar dags. 2. október 2013.

Vísað til meðferðar verkefnastjóra.
7.13 Reitur 1.131, Nýlendureitur, breyting á deiliskipulagi
Að lokinni auglýsingu er lögð fram að nýju tillaga umhverfis- og skipulagssviðs varðandi breytingu á deiliskipulagi Nýlendureits, reitur 1.131 samkvæmt tillögu umhverfis- og skipulagssviðs dags. 1. júlí 2013. Tillagan var hagsmunaaðilakynnt, athugasemdir bárust. Tillagan var auglýst frá 14. ágúst til og með 3. október 2013. Eftirtaldir aðilar sendu athugasemdir: Skúli Magnússon dags. 28. ágúst 2013, Daði Guðbjörnsson dags. 3. september 2013, íbúasamtök Vesturbæjar dags. 11. september 2013, CCP hf dags. 19. september 2013, umsögn/athugasemd Vegagerðin dags. 19. september 2013., Slippurinn fasteignafélag dags. 19. september 2013, Sigurlaug Erla Gunnarsdóttir dags. 22. september 2013, JE Skjanni byggingaverktakar dags. 23. september 2013, Seltjarnarnesbær dags. 24. september 2013, Bragi Þorgrímur Ólafsson dags. 2. október 2013, Magnús Skúlason dags. 2. október 2013, Jóna Torfadóttir dags. 3. október 2013, Sigrún Sigríðardóttir dags. 3. október 2013, Ásta Olga Magnúsdóttir dags. 3. október 2013, Curver Thoroddsen dags. 3. október 2013, Steingrímur Árnason, dags. 3. október 2013 og Íbúasamtök Vesturbæjar ásamt undirskriftarlista 80 aðila. Stuðning við Rússnesku rétttrúnaðarkirkjunnar sendu: Samstarfsnefnd kristinna trúfélaga á Íslandi dags. 23. september 2013, Þuríður Kristjánsdóttir dags. 23. september 2013, undirskriftarlisti dags. 24. og 25. september 2013 uppfærður, 3. október 2013 samtals 270 aðilar, 39 tölvupóstar dags. 24. og 25. september, 15 tölvupóstar frá 26. september til 30. september 2013, 1 tölvupóstur dags. 2. október 2013. Að loknum athugasemdarfresti bárust tveir undirskriftalistar annar með 14 undirskriftum mótt. 9. október 2013 og hinn með 3 undirskriftum mótt. 9. október 2013 og 1 tölvupóstur dags. 14. október 2013 þar sem stutt er við byggingu Rússnesku rétttrúnaðarkirkjunnar.

Vísað til umhverfis-og skipulagsráðs.
8.13 Bíldshöfði 9, (fsp) aðkoma inn á lóð
Lögð fram fyrirspurn Dap ehf. f.h. N1 hf. dags. 10. október 2013 varðandi nýja aðkomu inn á miðsvæði lóðarinnar nr. 9 við Bíldshöfða

Vísað til umsagnar verkefnisstjóra.
9.13 Gilsárstekkur 8, (fsp) notkun húsnæðis
Á fundi skipulagsfulltrúa 4. október 2013 var lögð fram fyrirspurn Ráðs og Reksturs ehf. dags. 3. október 2013 varðandi notkun hússins á lóðinni nr. 8 við Gilsárstekk undir starfssemi Barnahúss. Fyrirspurninni var frestað og er nú lögð fram að nýju.

Ekki eru gerðar skipulagslegar athugasemdir við erindið.
10.13 Haukdælabraut 98, Einbýlishús
Lagt fram erindi frá afgreiðslufundi byggingarfulltrúa frá 8. október 2013. þar sem sótt er um leyfi til að byggja steinsteypt einbýlishús á einni hæð á lóð nr. 98 við Haukdælabraut.
Stærð: Íbúð 193,7 ferm., bílgeymsla 63,3 ferm. Samtals 257 ferm., 1.226,8 rúmm. B-rými 23,5 ferm. Gjald kr. 9.000

Ekki eru gerðar athugasemdir við erindið. Samræmist deiliskipulagi.
11.13 Nökkvavogur 4, (fsp) stækka ris
Lögð fram fyrirspurn Snorra Petersen, dags. 7. okt. 2013, varðandi stækkun á risi að Nökkvavogi 4.

Neikvætt. Samræmist ekki deiliskipulagi.
12.13 Bauganes 40, breyting á deiliskipulagi
Lögð fram umsókn lóðarhafa dags. 11. október 2013 varðandi breytingu á deiliskipulagi Skildinganes vegna lóðarinnar nr. 40 við Bauganes. Í breytingunni felst hækkun á þaki samkvæmt uppdrætti Andrésar Narfa Andréssyni dags. 8. október 2013.

Samþykkt að grenndarkynna framlagða tillögu fyrir hagsmunaaðilum að Bauganesi 31a, 33, 35, 38, 39 og 42 og að Fáfnisnes 7, 9 og 11.
13.13 Seljavegur 2, (fsp) aukning á byggingarmagni
Á fundi skipulagsfulltrúa frá 25. janúar 2013 var lögð fram fyrirspurn Seljavegar ehf. dags. 23. janúar 2013 varðandi aukningu á byggingarmagni lóðarinnar nr. 2 við Seljaveg. Fyrirspurninni var vísað til umsagnar hjá verkefnisstjóra. Einnig lögð fram umsögn skipulagsfulltrúa dags. 10. október 2013

Umsögn skipulagsfulltrúa dags. 10. október 2013 samþykkt.
14.13 Vesturgata 3, Veitingast.fl.II - 1.hæð, kjallari
Lagt fram erindi frá afgreiðslufundi byggingarfulltrúa frá 8. október 2013 þar sem sótt er um leyfi til þess að breyta verslunarhúsnæði í veitingastað í flokki II í kjallara og á fyrstu hæð matshluta 01 á lóðinni nr. 3 við Vesturgötu.
Skv. uppdráttum er gestafjöldi staðarins 148 manns. Gjald kr. 9.000

Vísað til umsagnar verkefnisstjóra.
15.13 Akurgerði 38, (fsp) geymsluskúr á lóð
Lögð fram fyrirspurn Ásdísar Elvu Aðalsteinsdóttur dags. 4. október 2013 varðandi geymsluskúr á lóð nr. 38 við Akurgerði skv. meðf. skýringarmyndum. Einnig lögð fram umsögn skipulagsfulltrúa dags. 11. október 2013.

Umsögn skipulagsfulltrúa samþykkt dags. 11. október 2013
16.13 Gautavík 11, (fsp) - Svalaskýli - 02-02
Lagt fram erindi frá afgreiðslufundi byggingarfulltrúa frá 8. október 2013 þar sem spurt er hvort leyft yrði að byggja svalaskýli á svalir íbúðar 0202 í húsinu nr. 11 við Gautavík.
Samþykki meðeigenda (ódags., vantar einn) fylgir erindinu

Ekki eru gerðar skipulagslegar athugasemdir við erindið.
17.13 Teigahverfi norðan Sundlaugavegar, deiliskipulag
Lögð fram tillaga egg arkitekta dags. 10. október 2012 að deiliskipulagi Teigahverfi norðan Sundlaugavegar. Í tillögunni felst að skýra orðalag skilmála er varða fjölda íbúða og nýtingarhlutfall í gildandi deiliskipulagi samkvæmt uppdrætti dags. 10. október 2013.

Vísað til umhverfis- og skipulagsráðs.
18.13 Í Úlfarsfellslandi 125475, (fsp) - Rífa hús - byggja nýtt
Á fundi skipulagsfulltrúa 4. október 2013 var lagt fram erindi frá afgreiðslufundi byggingarfulltrúa frá 1. október 2013 þar spurt er hvort rífa megi 27,2 ferm. sumarbústað, sem er illa farinn af rakaskemmdum og byggja annan 76 til 85 ferm. á grunni þess gamla á lóð með landnúmeri 125475 í Úlfarsfellslandi. Erindinu var vísað til umsagnar verkefnisstjóra og er nú lagt fram að nýju ásamt umsögn dags. 3. október 2013.

Jákvætt með vísan til umsagnar skipulagsfulltrúa dags. 3. október 2013
19.13 Spöngin 43 og Fróðengi 1-11, breyting á deiliskipulagi
Lögð fram tillaga umhverfis- og skipulagssviðs að breytingu á deiliskipulagi lóðanna nr. 43 við Spöngina og 1-11 við Fróðengi. Í breytingunni felst breyting á lóðarmörkum og hljóðmönum utan lóðar, samkvæmt uppdr. THG Arkitekta ehf. dags. 20. apríl 2007 síðast breytt 3. október 2013.

Vísað til umhverfis- og skipulagsráðs.
20.13 Austurbakki 1, Fjölbýlishús og verslunarhús
Á fundi skipulagsfulltrúa 4. október 2013 var lagt fram erindi frá afgreiðslufundi byggingarfulltrúa frá 1. október 2013 þar sem sótt er um leyfi til að byggja tvö steinsteypt fjölbýlishús, fimm og sex hæðir með samtals 68 íbúðum og verslunarrýmum á jarðhæð á sameiginlegum tveggja hæða bílakjallara fyrir 157 bíla og garði á þaki á lóð nr. 1 við Austurbakka. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 9. október.
Erindi fylgir brunahönnun frá EFLU dags. í september 2013. Stærðir: Gjald kr. 9.000

Jákvætt með vísan til umsagnar skipulagsfulltrúa dags. 9. október 2013.
21.13 Frakkastígsreitur 1.172.1, breyting á deiliskipulagi
Á fundi skipulagsfulltrúa 27. september 2013 var lagt fram bréf skipulagsstofnunar dags. 20. september 2013 þar sem gerð er athugasemd við birtingu auglýsingar í B-deild Stjórnartíðinda. Erindinu var vísað til meðferðar hjá verkefnisstjóra og er nú lagt fram að nýju.

Vísað til umhverfis- og skipulagsráðs.
22.13 Gamla höfnin - Vesturbugt, breyting á deiliskipulagi
Að lokinni auglýsingu er lögð fram að nýju tillaga umhverfis- og skipulagssviðs að breyttu deiliskipulagi Vesturbugtar sem afmarkast af Ánanaustum í vestri og að Slippnum í austri samkvæmt uppdráttum ALARK arkitekta ehf. dags. 8. júlí 2013. Einnig lögð fram greinargerð og skilmálar dags. 8. júlí 2013. Tillagan var hagsmunaaðilakynnt, athugasemdir bárust. Tillagan var auglýst frá 14. ágúst til og með 3. október 2013. Eftirtaldir aðilar sendu athugasemdir: Skúli Magnússon dags. 28. ágúst 2013, CCP hf dags. 19. september 2013, umsögn/athugasemd Vegagerðin dags. 19. september 2013, Slippurinn fasteignafélag dags. 19. september 2013, JE Skjanni byggingaverktakar dags. 23. september 2013, Seltjarnarnesbær dags. 24. september 2013, Katrín Harðardóttir dags. 25. september 2013, Lilja Steingrímsdóttir dags. 2. október 2013, Faxaflóahöfn dags. 30. september 2013, íbúasamtök Vesturbæjar dags. 1. október 2013, Sigurður Högni Jónsson dags. 2. október 2013, Lena Cecilia Nyberg dags. 2. október 2013, Villi Símonarson dags. 2. október 2013, Bragi Þorgrímur Ólafsson dags. 2. október 2013, Gunnar Haraldsson dags. 2. október 2013, Brimgarðar ehf. dags. 2. október 2013, Magnús Skúlason dags. 2. október 2013, Sigmundur Traustason dags. 3. október 2013, Jóna Torfadóttir dags. 3. október 2013, Margrét Harðardóttir og Steve Christer dags. 3. október 2013, Nótt Thorberg dags. 3. október 2013, Sigurjón H. Ingólfsson dags. 3. október 2013, Curver Thoroddsen dags. 3. október 2013 og íbúasamtök Vesturbæjar ásamt undirskriftarlista 393 aðila dags. 2. október 2013.

Vísað til umhverfis- og skipulagsráðs.
23.13 Ármúli 22, (fsp) breytt notkun, hækkun
Lögð fram fyrirspurn Molda ehf., dags. 3. okt. 2013. Spurt er hvort heimilt verði að breyta hluta 2. hæðar í smáíbúðir sem verða annaðhvort hafðar til útleigu eða verða seldar. Stærð er u.þ.b. 140 m2 sem breytt yrði í 3 smáíbúðir. Einnig er spurt um hvort mögulega fengist heimild til að byggja nýja hæð (3.hæð) ofan á byggingu, og að þar verði einnig íbúðir sem væru til útleigu eða sölu. Stærð mögulegrar 3. hæðar yrði þá u.þ.b. 420 m2 sem skipt yrði í svipaðar íbúðir og fyrirhugað er að gera á 2. hæð ef heimild fæst til þess.
Vísað til umsagnar verkefnisstjóra.
24.13 Grettisgata 20A, (fsp) niðurrif og nýbygging
Á fundi skipulagsfulltrúa 4. október 2013 var lögð fram fyrirspurn Jóns Þórs Þorvaldssonar dags. 2. október 2013 varðandi niðurrif á bakhúsi og byggja nýtt á lóðinni nr. 20A við Grettisgötu, skv. uppdr. úti og inni sf. ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 9. október 2013.

Umsögn skipulagsfulltrúa 9. október samþykkt.
25.13 Grundargerði 7, Glerskáli - anddyri
Á fundi skipulagsfulltrúa 4. október 2013 var lagt fram erindi frá afgreiðslufundi byggingarfulltrúa frá 1. október 2013 þar sótt er um leyfi til þess að breyta innra fyrirkomulag og byggja anddyri við norðurhlið einbýlishúss og jafnframt breyta innra fyrirkomulagi og byggja glerskála að norðurhlið bílskúrsins á lóðinni nr. 7 við Grundargerði. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 10. október 2013.
Samþykki nágranna í húsum nr. 9 við Grundargerði og nr. 41 við Akurgerði (á teikn.) fylgir erindinu. Umsögn burðarvirkishönnuðar dags. 26. september 2013 fylgir erindinu. Stærð: Stækkun xx. Gjald kr. 9.000

Með vísan í umsögn skipulagsfulltrúa 10. október 2013 er tekið jákvætt í að byggja glerskála og innanhússbreytingar en ekki er fallist á erindið á öðru leyti.
26.13 Friggjarbrunnur 3-5, bílastæði
Lagt fram bréf Konráðs Adolphssonar dags. 4. október 2013 varðandi bílastæði við lóð nr. 3-5 við Friggjarbrunn.

Neikvætt. Samræmist ekki deiliskipulagi.
27.13 Vagnhöfði 13, (fsp) lóðarstækkun, útkeyrsludyr á norðurhlið
Lögð fram fyrirspurn Z-Gardínubrautir ehf. dags. 10. október 2013 varðandi stækkun lóðarinnar nr. 13 við Vagnhöfða ásamt því að setja útkeyrsludyr á norðurhlið hússins.

Vísað til umsagnar verkefnisstjóra.
28.13 Laugavegur 4 og 6 / Skólavörðustígur 1A og 3, breyting á deiliskipulagi
Lögð fram umsókn skrifstofa eigna og atvinnuþróunar dags. 2. október 2013 varðandi breytingu á deiliskipulagi reits 1.171.3 vegna lóðanna nr. 4 og 6 við Laugaveg. Í breytingunni felst m.a. að húsið Skólavörðustígur 3 á lóðinni nr. 4 við Laugaveg fái sérstaka skilgreinda lóð samkvæmt uppdrætti Teiknistofu arkitekta Gylfa Guðjónssonar og félaga ehf. dags. 02. október 2013.

Vísað til umhverfis- og skipulagsráðs.
29.13 Skyggnisbraut 26-30, (fsp) fjölgun íbúða o.fl.
Á fundi skipulagsfulltrúa 13. september 2013 var lögð fram fyrirspurn Jóns H. Hlöðverssonar dags. 4. september 2013 varðandi fjölgun íbúða, færslu á keyrslurampa o.fl. á lóðinni nr. 26-30 við Skyggnisbraut, samkvæmt greinargerð og uppdr. Mansard - Teiknistofunnar ehf. dags. 19. september 2013.

Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við fyrirspurnina, á eigin kostnað. Tillagan verður grenndarkynnt þegar hún berst.