Ferjuvogur 2, Klettagarðar 5, Laugavegur 28C, Rauðarárstígur 1, Borgartún 24, Borgartún 31, Tangabryggja 14-16, Ísleifsgata 2-34, Stekkjarbakki 4-6, Betri Reykjavík, Holtavegur 11, Hólmsheiði, jarðvegsfylling, Í landi Fitjakots 125677, Kjalarnes, Arnarholt, Kjalarnes, Norðurgrund 3, Ægisíða, Guðbrandsgata, Baldursgata 30, Brynjólfsgata 1, Fýlshólar 6, Njálsgata 33B, Sóleyjargata 5, Vesturás 44, Bústaðablettur 10, Lækjargata MR, Gamla höfnin - Vesturbugt,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

427. fundur 2013
Ár 2013, föstudaginn 18. janúar kl. 10:00, hélt skipulagsstjóri Reykjavíkur 427. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson og Marta Grettisdóttir. Eftirtaldir embættismenn kynntu mál á fundinum:, Björn Ingi Edvardsson, Hermann Georg Gunnlaugsson, Valný Aðalsteinsdóttir, Lilja Grétarsdóttir, Guðlaug Erna Jónsdóttir og Ágústa Sveinbjörnsdóttir Ritari var Einar Örn Thorlacius.
Þetta gerðist:

1.13 Ferjuvogur 2, (fsp) - Breyta bílakjallara í skólahúsnæði
Á fundi skipulagsfulltrúa frá 11. janúar 2013 var lagt fram erindi frá afgreiðslufundi byggingarfulltrúa frá 8. maí 2012 þar sem spurt er hvort breyta megi 300 ferm. hluta af bílakjallara í skólarými og geymslur og fækka bílastæðum þar með um 17 í Vogaskóla á lóð nr. 2 við Ferjuvog. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa dags. 17. janúar 2013.

Jákvætt með vísan til umsagnar skipulagsfulltrúa dags. 17. janúar 2013
2.13 Klettagarðar 5, Stöðuleyfi fyrir tjaldskemmu
Lagt fram erindi frá afgreiðslufundi byggingarfulltrúa frá 15. janúar 2013 þar sem sótt er um stöðuleyfi til eins árs fyrir tjaldskemmu með burðargrind úr galvaniseruðu stáli á lóð nr.5 við Klettagarða.
Samþykki OR fyrir tjaldinu með tölvupósti dags. 17. desember 2012, bréf frá skipulagstjóra dags. 24. október 2012, bréf frá Brunahönnuði dags. 10 október 2012 og samþykki meðlóðarhafa og eigenda aðliggjandi lóða ódagsett fylgja erindi.
Stærð: 240 ferm., og 1.164 rúmm. Gjald kr. 9.000 + 104.760
Einnig er lögð fram umsögn skipulagsfulltrúa dags. 18. janúar 2013.
Jákvætt með vísan til umsagnar skipulagsfulltrúa dags. 18. janúar 2013.
3.13 Laugavegur 28C, (fsp) stigi
Lögð fram fyrirspurn Söru Axelsdóttur ark. f.h. Reykjavik Backpackers, dags. 11. janúar 2013, um hvort leyft yrði að setja stiga utan á húsið nr. 28c við Laugaveg.

Vísað til umsagnar hjá verkefnisstjóra.
4.13 Rauðarárstígur 1, (fsp) - Breyta verslun í íbúðir
Á fundi skipulagsfulltrúa frá 11. janúar 2013 var lagt fram erindi frá afgreiðslufundi byggingarfulltrúa frá 8. janúar 2012 þar sem spurt er hvort leyfi fengist til að breyta verslunarrými í tvær íbúðir í húsinu á lóð nr. 1 við Rauðarárstíg. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa dags. 16. janúar 2013

Neikvætt, með vísan til umsagnar skipulagsfulltrúa dags.16. janúar 2013
5.13 Borgartún 24, (fsp) aukning á byggingarmagni o.fl.
Lögð fram fyrirspurn Einars V. Tryggvasonar dags. 7. janúar 2012 varðandi aukningu á byggingarmagni og nýtingarhlutfalli lóðarinnar nr. 24 við Borgartún ásamt aukningu á bílastæðum á lóðinni, samkvæmt uppdr. Einars V. Tryggvasonar arkitekts dags. 3. janúar 2013. Einnig er lögð fram umsögn skipulagsfulltrúa dags. 18. janúar 2013

Umsögn skipulagsfulltrúa dags.18. janúar 2013 samþykkt.
6.13 Borgartún 31, (fsp) - Viðbygging
Lagt fram erindi frá afgreiðslufundi byggingarfulltrúa frá 15. janúar 2013 þar sem spurt er hvort leyft yrði að byggja viðbyggingu á norðurhlið 2. og 3. hæðar verslunar- og skrifstofuhúss á lóð nr. 31 við Borgartún. Einnig er lögð fram umsögn skipulagsfulltrúa dags. 18. janúar 2013.

Jákvætt með vísan til umsagnar skipulagsfulltrúa dags. 18. janúar 2013.
7.13 Tangabryggja 14-16, breyting á deiliskipulagi
Lagt fram erindi Kristjáns Sverrissonar f.h. Hrísar ehf. dags. 17. janúar 2013 varðandi breytingu á deiliskipulagi Bryggjuhverfis vegna lóðarinnar nr. 14-16 við Tangabryggju. Í breytingunni felst að breyta atvinnuhúsnæði í blandað atvinnu- og íbúðarhúsnæði ásamt að því að afmarka lóð fyrir sorpskýli og skýli fyrir reiðhjól, samkvæmt uppdr. Vinnustofunnar Þverá ehf. dags. 16. janúar 2013.

Vísað til umhverfis-og skipulagsráðs.
8.13 Ísleifsgata 2-34, breyting á deiliskipulagi
Að lokinni auglýsingu er lagt fram að nýju erindi Búseta dags. 16. október 2012 varðandi breytingu á deiliskipulagi Reynisvatnsáss vegna lóðanna nr. 2-34 við Ísleifsgötu. Í breytingunni felst að bætt er við nýrri raðhúsagerð, íbúðum fjölgað úr 16 í 18 og skilmálum fyrir gestabílastæði er breytt samkvæmt uppdr. Teiknistofu arkitekta Gylfa Guðjónssonar og félaga ehf. dags. 10. apríl 2007 síðast breytt 10. október 2012. Tillagan var í auglýsingu frá 26. nóvember 2012 til og með 10. janúar 2013. Eftirtaldir aðilar sendu athugasemdir: Kristín S. Sigurðardóttir og Hjörtur Lúðvíksson dags. 8. janúar 2013, Hörður J. Guðmundsdóttir og Lena Rut Kristjánsdóttir dags. 9. janúar 2013, Gunnar Ás Vilhjálmsson dags. 9. janúar 2013, Ingibjörg Hreiðarsdóttir og Guðbjörn Guðmundsson dags. 10. janúar, Róbert V. Jónasson og Heiðrún Ó. Níelsdóttir dags. 10. janúar 2013, Fjóla Agnarsdóttir og Sigurður Ólafsson dags. 10. janúar 2013 og Baldvin Svavarsson og Harpa Sigmarsdóttir dags. 10. janúar 2013,

Vísað til umsagnar hjá verkefnisstjóra.
9.13 Stekkjarbakki 4-6, Breyta vörugeymslu í verslun
Lagt fram erindi frá afgreiðslufundi byggingarfulltrúa frá 15. janúar 2013 þar sem sótt er um leyfi til að breyta vörugeymslu í matvöruverslun, breyta bílastæðum á lóð, breyta útliti, fjarlægja milliloft, koma fyrir sorp og pressu gámi á vesturhlið hússins nr. 4 á lóð nr. 4-6 við Stekkjarbakka.
Bréf frá Umhverfis- og skipulagssviði dags. 25. okt. 2012
Gjald kr. 9.000

Neikvætt. Samræmist ekki deiliskipulagi. Bent er á að á fundi skipulagsráðs 12.desember 2012 var fyrri afgreiðsla skipulagsstjóra frá 26. október 2012 um synjun á breytingu á skilmálum deiliskipulags staðfest.
10.13 Betri Reykjavík, Slipparóló leikvöllur og kaffihús í skipi í miðborginni
Lögð fram efsta hugmynd í skipulagsflokki á Betri Reykjavík frá 31. desember 2012 "Slipparóló leikvöllur og kaffihús í skipi í miðborginni " ásamt samantekt af umræðum og rökum.

Vísað til umhverfis-og skipulagsráðs
11.13 Holtavegur 11, (fsp) færanleg stofa
Lögð fram fyrirspurn frumathugana mannvirkjadeildar, Umhverfis- og skipulagssviði, dags. 16. janúar 2013 um að koma fyrir færanlegri stofu á lóðinni nr. 11 við Holtaveg samkvæmt uppdr. umhverfis- og skipulagssviðs dags. janúar 2013.

Vísað til meðferðar hjá verkefnisstjóra.
12.13 Hólmsheiði, jarðvegsfylling, (fsp) geymslusvæði
Lögð fram fyrirspurn Orkuveitu Reykjavíkur dags. 15. janúar 2013 um geymslusvæði fyrir lagnaefni á Hólmsheiði.

Vísað til umsagnar hjá verkefnisstjóra.
13.13 Í landi Fitjakots 125677, Breyta kúluhúsi úr timbri og setja íbúð á 1. hæð
Lagt fram erindi frá afgreiðslufundi byggingarfulltrúa frá 15. janúar 2013 þar sem sótt er um leyfi til að breyta þegar samþykktu húsi á þann veg að kúluhús úr timbri og gleri er fjarlægt og íbúð er innréttuð í steyptum hluta hússins með steyptri þakplötu.
Gjald kr. 9.000

Ekki eru gerðar skipulagslegar athugasemdir við erindið.
14.13 Kjalarnes, Arnarholt, hesthúsabyggð
Lagt fram bréf hagsmunafélags Hestamanna Kjalarness dags. 15. janúar 2013 þar sem óskað er eftir að hesthúsahverfi í landi Arnarholts á Kjalarnesi verði deiliskipulagt.
Vísað til umsagnar hjá verkefnisstjóra.
15.13 Kjalarnes, Norðurgrund 3, (fsp) breyting á byggingarreit
Lögð fram fyrirspurn Þróunarfélags Kjalnesinga dags. 15. janúar 2013 varðandi breytingu á byggingarreit lóðarinnar nr. 3 við Norðurgrund á Kjalarnesi. Einnig lögð fram umsögn skipulagsfulltrúa dags. 18, janúar 2013.

Umsögn skipulagsfulltrúa dags.18. janúar 2013 samþykkt.
16.13 Ægisíða, (fsp) færanleg kaffihús
Á fundi skipulagsfulltrúa frá 11. janúar 2012 var lögð fram fyrirspurn Kristjáns F. Karlssonar dags. 9. janúar 2013 varðandi færanleg kaffihús við Ægisíðu. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsfulltrúa dags. 14. janúar 2013.

Neikvætt, með vísan til umsagnar skipulagsfulltrúa dags.14. janúar 2013.
17.13 Guðbrandsgata, Hús íslenskra fræða - aðstöðusköpun
Á fundi skipulagsfulltrúa frá 11. janúar 2013 var lagt fram bréf Framkvæmdasýslu ríkisins f.h. mennta- og menningarmálaráðuneytisins dags. 7. janúar 2013 varðandi notkun hluta óbyggðar lóðar vestan við Guðbrandsgötu og hluta Guðbrandsgötu fyrir aðstöðu á framkvæmdatíma á Húsi íslenskra fræða, samkvæmt uppdr. Almennu verkfræðistofunnar dags. 7. febrúar 2012.. Erindinu var vísað til meðferðar hjá verkefnisstjóra og er nú lagt fram að nýju.

Vísað til umsagnar hjá samgöngudeild umhverfis- og skipulagssviðs. Umsagnar óskað fyrir 1. febrúar 2013.
18.13 Baldursgata 30, Íbúð 2. hæð
Lagt fram erindi frá afgreiðslufundi byggingarfulltrúa frá 15. janúar 2012 þar sem sótt er um leyfi til þess að breyta atvinnuhúsnæði á annarri hæð í íbúð, koma fyrir svölum á suðurhlið og breyta gluggum á norðurhlið hússins (matshl. 03) á lóðinni nr. 30 við Baldursgötu.
Samþykki meðeigenda í matshl. 03 dags. 15. nóvember 2012 og 06. janúar 2013 (tölvupóstur) fylgir erindinu.
Umsögn skipulagsstjóra dags. 28. september 2012 (v. fyrirspurnar) fylgir erindinu.
Gjald kr. 8.500

Ekki eru gerðar skipulagslegar athugasemdir við erindið.
19.13 Brynjólfsgata 1, Stofnun Vigdísar Finnbogadóttur
Lagt fram erindi frá afgreiðslufundi byggingarfulltrúa frá 8. janúar 2013 þar sem sótt er um leyfi til að byggja staðsteypta byggingu, þrjár hæðir og kjallara, einangrað að innan og klætt utan að hluta með standandi viðarklæðingu, ásamt tengigangi undir Suðurgötu að Háskólatorgi, fyrir stofnun Vigdísar Finnbogadóttur á lóð nr. 1 við Brynjólfsgötu.
Stærð mhl. 01: Kjallari, bílgeymsla 564 ferm., kennslurými 915,7 ferm., 1. hæð kennslurými 738,8 ferm., 2. hæð kennslurými 865,7 ferm., 3. hæð skrifstofur 874,3 ferm. Mhl. 01 samtals 3.958,5 ferm., 18.102,8 rúmm.
Stærð mhl. 02: 172,8 ferm., 653 rúmm.
Samtals: 4.131,3 ferm., 18.755,8 rúmm.
Gjald kr. 9.000 + 1.688.022

Vísað til meðferðar hjá verkefnisstjóra.
20.13 Fýlshólar 6, (fsp) stækkun
Lögð fram fyrirspurn Hraunbrekku ehf. dags. 14. janúar 2013 um að stækka húsið á lóðinni nr. 6 við Fýlshóla.

Vísað til umsagnar hjá verkefnisstjóra.
21.13 Njálsgata 33B, (fsp) stækkun á byggingarreit
Á fundi skipulagsfulltrúa frá 11. janúar 2013 var lögð fram fyrirspurn Pálmars Kristmundssonar dags. 4. janúar 2013 varðandi stækkun á byggingarreit hússins á lóðinni nr. 33B við Njálsgötu og aukningu á nýtingarhlutfalli lóðarinnar. Fyrirspurninni var vísað til umsagnar verkefnastjóra og er nú lögð fram að nýju ásamt umsögn skipulagsfulltrúa dags. 17. janúar 2013.

Umsögn skipulagsfulltrúa samþykkt.
22.13 Sóleyjargata 5, (fsp) - Hárgreiðslustofa
Lagt fram erindi frá afgreiðslufundi byggingarfulltrúa frá 15. janúar 2013 þar sem spurt er hvort leyft yrði að innrétta hárgreiðslustofu í viðbyggingu við einbýlishús á lóð nr. 5 við Sóleyjargötu.

Ekki er gerð athugasemd við erindið. Byggingarleyfisumsókn verður grenndarkynnt berist hún.
23.13 Vesturás 44, Yndishús, útigeymsla, girðing, setlaug
Lagt fram erindi frá afgreiðslufundi byggingarfulltrúa frá 15. janúar 2013 þar sem sótt er um samþykki fyrir áður gerðu yndishúsi, útigeymslu, setlaug og girðingu við einbýlishús á lóð nr. 44 við Vesturás. Einnig lögð fram umsögn skipulagsfulltrúa dags.17. janúar 2013.
Yndishús: 24 ferm., 54 rúmm.
Útigeymsla: 14,4 ferm., 33,1 rúmm.
Gjald kr. 9.000 + 7.893

Umsögn skipulagsfulltrúa dags. 17. janúar 2013 samþykkt.
24.13 Bústaðablettur 10, leiðrétting á skráningu lóðar
Á fundi skipulagsfulltrúa frá 11. janúar 2013 var lögð fram umsókn Soffíu Halldórsdóttur dags. 27. desember 2012 um breytingu á skráningu lóðar nr. 10 við Bústaðablett skv. þinglýsingarvottorði dags. 23. júní 2003 og mæliblaði dags. 12. nóvember 2003. Erindinu var vísað til skrifstofu sviðsstjóra og er nú lagt fram að nýju ásamt umsögn umhverfis- og skipulagssviðs dags. 16. janúar 2013.

Kynna formanni umhverfis- og skipulagsráðs.
25.13 Lækjargata MR, Þingholtsstræti 18, endurgerð austur- og vesturhlið
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 4. desember 2012 þar sem sótt er um samþykki fyrir áður gerðri klæðningu á austur- og vesturhlið Þingholtsstrætis 18, á lóðinni Lækjargata MR. Erindi var grenndarkynnt frá 14. desember 2012 til og með 15. janúar 2013. Eftirtaldir aðilar sendu inn athugasemdir, Sigurður Björnsson f.h. íbúa við Þingholtsstræti dags. 14. janúar 2013.
Erindi fylgir bréf frá rektor dags. 4. október og greinargerð hönnuðar dags. 8. nóvember 2012. Einnig bréf íbúa Þingholtsstrætis 13 og 17 dags. 13. september 2012.
Gjald kr. 8.500

Vísað til umsagnar hjá verkefnisstjóra.
26.13 Gamla höfnin - Vesturbugt, lýsing
Lögð fram að nýju lýsing vegna deiliskipulags Vesturbugtar dags. 1. október 2012. Skipulag Vesturbugtar afmarkast af Ánanaustum í vestri og að Slippnum í austri. Einnig er lögð fram umsögn Skipulagsstofnunar dags. 25. október 2012, umsögn Faxaflóahafna dags. 13. nóvember 2012, umsögn umhverfis- og samgönguráðs dags. 15. nóvember 2012, umsögn Húsafriðunarnefndar 19. nóvember 2012 og umsögn Vegagerðarinnar mótt. 4. desember 2012.

Kynna formanni umhverfis- og skipulagsráðs.