Árbær-Selás, Almannadalur 1-7, Álagrandi 6, Bárugata 11, Blesugróf 40, Eddufell 8, Dverghamrar 30, Fischersund 3, Háteigsvegur 4, Holtsgata 10, Jónsgeisli 91, Leifsgata 16, Leirulækur 4 og 6, Lindargata 28-32, Skerplugata 4 og 6, Þorláksgeisli 51, Bergstaðastræti 44, Bræðraborgarstígur 10, Sæmundargata 4 - Háskólatorg, Lindargata 36,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

383. fundur 2012
Ár 2012, föstudaginn 17. febrúar kl. 10:20, hélt skipulagsstjóri Reykjavíkur 383. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Björn Ingi Edvardsson, Valný Aðalsteinsdóttir, Lilja Grétarsdóttir, Margrét Þormar, Björn Axelsson og Ágústa Sveinbjörnsdóttir. Ritari var Einar Örn Thorlacius
Þetta gerðist:

1.12 Árbær-Selás, breyting á skilmálum
Að lokinni auglýsingu er lögð fram að nýju tillaga skipulags- og byggingarsviðs dags. 6. desember 2011 varðandi breytingu á skilmálum deiliskipulagsins Árbær-Selás. Í breytingunni felst að heimilt verði að gera íbúðir í kjallara/jarðhæð. Tillagan var auglýst frá 4. janúar til og með 15. febrúar 2012. Engar athugasemdir bárust.

Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar
2.12 Almannadalur 1-7, (fsp) - nr. 5, stigi við suðurgafl
Lagt fram bréf frá afgreiðslufundi byggingarfulltrúa frá 14. febrúar 2012 þar sem spurt er hvort leyft yrði að byggja utanáliggjandi stiga á suðurgafl hesthúss nr. 5 á lóð nr. 1-7 við Almannadal.

Neikvætt. Samræmist ekki deiliskipulagi.
3.12 Álagrandi 6, breyting á deiliskipulagi
Að lokinni grenndarkynningu er lagt fram erindi Sigurjóns Ólafssonar dags. 19. desember 2011 varðandi breytingu á deiliskipulagi Grandavegur, Lýsi og Sís vegna lóðarinnar nr. 6 við Álagranda. Í breytingunni felst stækkun á byggingarreit, samkvæmt uppdrætti Arkís dags. 19. desember 2011. Einnig er lagt fram skuggavarp Arkís dags. 19. desember 2011. Tillagan var grenndarkynnt frá 13. janúar til og með 10. febrúar 2012. Engar athugasemdir bárust.

Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar
4.12 Bárugata 11, Skorsteinn fjarlægður - kvistur - br. inni
Lagt fram bréf frá afgreiðslufundi byggingarfulltrúa frá 14. febrúar 2012 þar sem sótt er um leyfi til að fjarlægja skorstein og koma fyrir lyftu, byggja kvist á rishæð, koma fyrir björgunarsvölum, breyta innra skipulagi og fjölga gistirýmum í 15 fyrir 30 gesti í gistiheimili á lóð nr. 11 við Bárugötu.
Gjald kr. 8.500

Vísað til umsagnar hjá verkefnisstjóra.
5.12 Blesugróf 40, (fsp) - Lyfta þaki
Lagt fram bréf frá afgreiðslufundi byggingarfulltrúa frá 14. febrúar 2012 þar sem spurt er hvort leyfi fengist til að lyfta upp þaki og hversu hátt það má hækka á einbýlishúsinu á lóð nr. 40 við Blesagróf.

Neikvætt. Samræmist ekki gildandi deiliskipulagi Blesugrófar samþykkt 6. janúar 2005.
6.12 Eddufell 8, (fsp) breyting á deiliskipulagi
Lögð fram fyrirspurn Rok ehf. dags. 14. febrúar 2012 varðandi breytingu á deiliskipulagi Fellagarða fyrir lóðina Eddufell 8 skv. uppdráttum KRark dags. 20. nóvember 2011. Einnig er lögð fram greinargerð Kristins Ragnarssonar ark. dags. 14. febrúar 2012. Breytingin felst í einföldun á byggingunni með því að fella niður stallanir á útveggjum 2.-4. hæðar.

Kynna formanni skipulagsráðs.
7.12 Dverghamrar 30, breyting á deiliskipulagi
Að lokinni grenndarkynningu er lagt fram að nýju erindi Helga Guðmundssonar dags. 5. janúar 2012 varðandi breytingu á deiliskipulagi Hamrahverfis vegna lóðarinnar nr. 30 við Dverghamra. Í breytingunni felst að lóð er stækkuð, samkvæmt uppdrætti Bjarka Guðmundssonar dags. janúar 2012. Tillagan var grenndarkynnt frá 16. janúar til og með 13. febrúar 2012. Engar athugasemdir bárust.

Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar
8.12 Fischersund 3, (fsp) - Gistiheimili
Lagt fram bréf frá afgreiðslufundi byggingarfulltrúa frá 14. febrúar 2012 þar sem spurt er hvort innrétta megi gistiheimili í einbýlishúsinu á lóð nr. 3 við Fischersund.

Vísað til umsagnar hjá verkefnisstjóra.
9.12 Háteigsvegur 4, Endurnýjun BN035724
Lagt fram bréf frá afgreiðslufundi byggingarfulltrúa frá 14. febrúar 2012 þar sem sótt er um endurnýjun á byggingaleyfi BN035724 sem samþykkt var 6. júní 2007 þar sem sótt er um leyfi til þess að byggja steinsteyptan bílskúr við vesturmörk lóðarinnar nr. 4 við Háteigsveg. Stærð: Bílskúr 36,0 ferm. og 106,2 rúmm.
Eignaskiptayfirlýsing dags. 3. okt. 2001 fylgir.
Gjald kr. 8.500 + 9.027

Samþykkt að grenndarkynna framlagða tillögu fyrir hagsmunaaðilum að Háteigsvegi 2 ásamt Flókagötu 17 og 19.
10.12 Holtsgata 10, (fsp) breyting á notkun
Á fundi skipulagsstjóra 3. febrúar 2012 var lögð fram fyrirspurn Páls Kr. Svanssonar dags. 31. janúar 2012 varðandi breytingu á notkun hússins nr. 10 við Holtsgötu. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsstjóra dags. 14. febrúar 2012

Neikvætt, með vísan til umsagnar skipulagsstjóra dags.14. febrúar 2012
11.12 Jónsgeisli 91, (fsp) milliloft
Á fundi skipulagsstjóra 10. febrúar 2012 var lögð fram fyrirspurn Jóhannesar Bjarna Eðvarðssonar dags. 8. febrúar 2012 um að setja milliloft að hluta í húsið á lóðinni nr. 91 við Jónsgeisla. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsstjóra dags. 15. febrúar 2012
Jákvætt með vísan til umsagnar skipulagsstjóra dags. 15. febrúar 2012
12.12 Leifsgata 16, breytingar inni og á svölum, sólstofa
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 20. desember 2011 þar sem sótt er um leyfi til að byggja sólstofu, koma fyrir stiga út í garð og að endurskipuleggja kjallararými svo að það verði innangengt upp í íbúð í parhúsi á lóð nr. 16 við Leifsgötu. Erindi var grenndarkynnt frá 13. janúar til og með 10. febrúar 2012. Engar athugasemdir bárust.
Neikvæð fyrirspurn BN043349, samþykki meðeigenda dags. 12 des. 2011 fylgir. Stækkun: XX ferm., XX rúmm. Gjald kr. 8.000 + XX

Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

13.12 Leirulækur 4 og 6, breyting á deiliskipulagi
Lagt fram erindi framkvæmda- og eignasviðs dags. 15. febrúar 2012 varðandi breytingu á deiliskipulagi Dalbrautarreits vegna lóðanna nr. 4 og 6 við Leirulæk. Í breytigunni felst að tengja lóðirnar saman með því að stækka lóð nr. 4 við Leirulæk, samkvæmt uppdrætti framkvæmda- og eignasviðs dags. 15. febrúar 2012.

Vísað til skipulagsráðs.
14.12 Lindargata 28-32, (fsp) breyting á deiliskipulagi
Lögð fram fyrirspurn Studio Strik ehf. dags. 14. febrúar 2012 ásamt bréfi dags. 13. febrúar 2012 varðandi breikkun á byggingarreit, byggingu einnar samheldrar byggingar í stað þriggja o.fl. á lóðunum nr. 28-32 við Lindargötu.

Vísað til umsagnar verkefnisstjóra
15.12 Skerplugata 4 og 6, breyting á deiliskipulagi
Að lokinni grenndarkynningu er lagt fram að nýju erindi Gunnlaugar Jónssonar dags. 9. desember 2011 varðandi breytingu á deiliskipulagi lóðanna nr. 4 og 6 við Skerplugötu. Í breytingunni felst breyting á byggingarreit og þakhalla húsanna, samkvæmt lagfærðum uppdrætti Gunnlaugar Jónssonar dags. 1. janúar 2012. Einnig er lögð fram umsögn skipulagsstjóra dags. 14. desember 2011. Tillagan var grenndarkynnt frá 16. janúar til og með 13. febrúar 2012. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar
16.12 Þorláksgeisli 51, (fsp) fyrirhugaðar framkvæmdir og endurskoðun á staðsetningu
Lögð fram fyrirspurn Hannesar F. Sigurðssonar dags. 14. febrúar 2012 ásamt bréfi dags. 12. febrúar 2012. Um er að ræða fyrirhugaðar framkvæmdir á lóð nr. 51 við Þorláksgeisla vegna bráðabirgða félagsaðstöðu og endurskoðun á staðsetningu.

Vísað til umsagnar verkefnisstjóra og lögfræði og stjórnsýslu
17.12 Bergstaðastræti 44, fj. íbúða
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 3. janúar 2012 þar sem sótt er um leyfi til að innrétta sjö íbúðir, byggja svalir á suðurhlið 3. hæðar, breyta opnanlegum fögum í gluggum og byggja reiðhjólaskýli í garði fjölbýlishúss á lóð nr. 44 við Bergstaðastræti. Erindi var grenndarkynnt frá 13. janúar til og með 10. febrúar 2012. Eftirtaldir aðilar sendu inn athugasemdir: Kristín Linda Kristinsdóttir og Maríus Þór Jónasson dags. 6. febrúar 2012.
Erindi fylgir jákvæð umsögn skipulagsstjóra dags. 6. október 2011.
Gjald kr. 8.000

Vísað til skipulagsráðs.
18.12 Bræðraborgarstígur 10, (fsp) hækkun húss
Lögð fram fyrirspurn Magnúsar Skúlasonar dags. 14. febrúar 2012 varðandi hækkun hússins á lóðinni nr. 10 við Bræðraborgarstíg.

Ekki er gerð athugasemd við erindið. Byggingarleyfisumsókn verður grenndarkynnt berist hún.
19.12 Sæmundargata 4 - Háskólatorg, breyting á deiliskipulagi
Lagt fram erindi Háskóla Íslands dags. 16. febrúar 2012 varðandi breytingu á deiliskipulagi Háskóla Íslands, Háskólatorg vegna lóðarinnar nr. 4 við Sæmundargötu. Í breytingunni felst stækkun á Háskólatorgi, samkvæmt meðfylgjandi uppdrætti Teiknistofu Arkitekta Gylfa Guðjónssonar og félaga dags. 15. febrúar 2012.

Kynna formanni skipulagsráðs.
20.12 Lindargata 36, breyting á deiliskipulagi
Lagt fram erindi Rent-leigumiðlunar ehf. dags. 16. febrúar 2012 varðandi breytingu á deiliskipulagi Skuggahverfis vegna lóðarinnar nr. 36 við Lindargötu. Í breytingunni felst dýpkun á byggingarreit, hækkun á nýtingarhlutfalli o.fl., samkvæmt uppdrætti Arko dags. 3. febrúar 2012.

Samþykkt að grenndarkynna framlagða tillögu fyrir hagsmunaaðilum að Lindargötu 31, 33, 34 og 34a.