Borgartúnsreitur vestur, Njálsgötureitur 3, Ránargata 9A, Tryggvagata 16, Túngötureitur, Vesturgata 27, Dofraborgir 15, Krókháls 1, Hraunbær 117, Langagerði 32, Kvistaland 10-16, Bauganes 10, Hamrahlíð 17, Sólheimar 19-21, Búðagerði 4-6, Melgerði 1, Byggingarlög, Breiðhöfði 11A,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

337. fundur 2011
Ár 2011, föstudaginn 11. febrúar kl. 10:55, hélt skipulagsstjóri Reykjavíkur 337. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Ágústa Sveinbjörnsdóttir, Margrét Leifsdóttir, Margrét Þormar, Jóhannes Kjarval, Bragi Bergsson og Lilja Grétarsdóttir. Ritari var Helga Björk Laxdal
Þetta gerðist:

1.11 Borgartúnsreitur vestur, deiliskipulag staðgreinireitur 1.216
Að lokinni auglýsingu er lögð fram að nýju tilllaga Vinnustofunnar Þverá að deiliskipulagi Borgartúnsreits vestur samkvæmt uppdrætti dags. 30. nóvember 2010. Í tillögunni felst að byggingarmagn er aukið á reitnum, einkum meðfram Guðrúnartúni/ Sætúni, þar sem gert verður ráð fyrir blandaðri byggð. Gert er ráð fyrir bílageymslum neðanjarðar og fækkun bílastæða ofanjarðar. Innan reitsins verður opinn garður. Tillagan var auglýst frá 29. desember 2010 til og með 9. febrúar 2011. Eftirtaldir aðilar sendu inn athugasemdir: Þórdís L. Guðmundsdóttir f.h. hverfisráðs Laugardals dags. 24. janúar 2011, Stólpar dags. 8. febrúar 2011 og THG arkitektar f.h. Húsfélagsins Sætúni 1 dags. 8. febrúar 2011.
Athugasemdir kynntar.
Vísað til umsagnar hjá verkefnisstjóra svæðisins.
2.11 Njálsgötureitur 3, deiliskipulag fyrir reit 1.190.3
Að lokinni auglýsingu er lögð fram að nýju tillaga teiknistofunnar Tröð dags. 16. júní 2010 að deiliskipulagi reits 1.190.3, Njálsgötureits. Tillagan var auglýst frá 28. júlí 2010 til og með 1. október 2010. Eftirtaldir aðilar sendu inn athugasemdir: Steinunn Haraldsdóttir og Grétar Mar Hreggviðsson dags. 9. september 2010, Grétar Mar Hreggviðsson dags. 10. september 2010 og Svanhildur Thors og James M. Fletcher dags. 8. september 2010 með ósk um framlengingu á fresti. Eftirtaldir aðilar sendu inn athugasemdir: Svanhildur Thors dags. 1. október 2010 og Stefanía Guðjónsdóttir dags. 1. október 2010.
Frestað.

3.11 Ránargata 9A, (fsp) gistiheimili
Lögð fram fyrirspurn Skúla Arnar Andréssonar dags. 9. febrúar 2011 varðandi rekstur á gistiheimili að Ránargötu 9A.
Vísað til meðferðar hjá verkefnisstjóra svæðisins.
4.11 Tryggvagata 16, útisalerni við Tryggvagötu 21
Á fundi skipulagsstjóra 26. nóvember 2010 var lagt fram bréf Snævars Guðmundssonar, framkvæmdastjóra f.h. Fasteigna ríkissjóðs dags. 23. nóvember 2010 þar sem gerðar eru athugasemdir við staðsetningu útisalernis við Tryggvagötu. Erindinu var vísað til umsagnar hjá Framkvæmda- og eignasviði Reykjavíkurborgar og er nú lagt fram að nýju ásamt umsögn framkvæmda- og eignasviðs dags. 9. desember 2010.
Frestað.
5.11 Túngötureitur, deiliskipulag, staðgreinireitur 1.137.4
Að lokinni hagsmunaaðilakynningu er lögð fram að nýju tillaga skipulags- og byggingarsviðs Reykjavíkur dags. 25. maí 2009 að deiliskipulagi Túngötureits. Reiturinn afmarkast af Túngötu, Bræðraborgarstíg Hávallagötu og Hofsvallagötu. Tillagan var kynnt frá 5. júní til og með 22. júní 2009. Eftirtaldir aðilar sendu inn athugasemdir: Haraldur Ólafsson dags. 20. júní 2009, 9 athugasemdaaðilar dags 20. júní 2009, Edda Einarsdóttir dags. 20. júní 2009, Áshildur Haraldsdóttir dags. 22. júní 2009, Katrín Karlsdóttir dags. 22. júní 2009 og Stefán Snær Grétarsson dags. 22. júní 2009. Einnig er lögð fram samantekt skipulagsstjóra dags. 13. nóvember 2009.
Frestað.
6.11 Vesturgata 27, opið skýli úr timbri
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 21. desember 2010 þar sem sótt er um leyfi til að byggja opið skýli úr timbri austan við einbýlishúsið á lóð nr. 27 við Vesturgötu. Tillagan var grenndarkynnt frá 12. janúar 2011 til og með 9. febrúar 2011. Engar athugasemdir bárust.
Gjald kr. 7.700
Vísað til umsagnar verkefnisstjóra
7.11 Dofraborgir 15, (fsp) breyting á deiliskipulagi
Á fundi skipulagsstjóra 27. janúar 2011 var spurt hvort leyft yrði að breyta deiliskipulagi á þann hátt að stækkun kjallara um 58,3 ferm. sem byggð var út fyrir byggingarreit í óleyfi fáist samþykkt og jafnframt að leggja niður bílageymslu og færa sorptunnur við einbýlishúsið á lóð nr. 15 við Dofraborgir. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 11. febrúar 2011.
Stækkun 58,3 ferm. samtals eftir stækkun 378 ferm., nýtingarhlutfall 0,45. Meðfylgjandi bréf eiganda dags. 15. janúar 2011 og bréf arkitekts dags. 24. janúar 2011.

Neikvætt með vísan til umsagnar skipulagsstjóra.
8.11 Krókháls 1, (fsp) stækka verslunarhús
Lagt fram bréf frá afgreiðslufundi byggingarfulltrúa frá 8. febrúar 2011 þar sem spurt er hvort leyfi fengist til að lengja verslunarrými um 12 metra til austurs, við það stækkar verslunarrýmið um 66 ferm. og að vörulagerar sem byggðir voru 2008 og 2009 að heildarstærð 237,5 ferm verða þinglýstir sem vörulager í atvinnuhúsnæðinu á lóð nr. 1 við Krókháls.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt eða auglýst þegar hún berst.
9.11 Hraunbær 117, (fsp) veitinga og skemmtistaður flokkur 3
Lagt fram bréf frá afgreiðslufundi byggingarfulltrúa frá 8. febrúar 2011 þar sem spurt er hvort starfrækja megi veitinga- og skemmtistað í flokki III í fyrrverandi banka og pósthúsi á lóð nr. 117 við Hraunbæ.

Neikvætt. Ekki er heimilt að starfrækja veitingastaði í flokki III á skilgreindum íbúðasvæðum.
10.11 Langagerði 32, (fsp) ris og kvistir
Á fundi skipulagsstjóra 4. febrúar 2011 var lagt fram bréf frá afgreiðslufundi byggingarfulltrúa frá 1. febrúar 2011 þar sem spurt er hvort leyfi fengist til að setja ris með kvistum á einbýlishúsið sem hefur skúrþak á lóð nr. 32 við Langagerði. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 9. febrúar 2011.
Skissur af fyrirhuguðum breytingum fylgir með erindinu
Ekki er gerð athugasemd við erindið með vísan til umsagnar skipulagsstjóra. Byggingarleyfisumsókn verður grenndarkynnt berist hún.
11.11 Kvistaland 10-16, (fsp) breytingu á byggingarreit
Á fundi skipulagsstjóra 26. nóvember 2010 var lögð fram fyrirspurn Arnaldar Schram f.h. Högna Stefáns Þorgeirssonar dags. 25. nóvember 2010 varðandi breytingu á byggingarreit á lóðinni nr. 12 við Kvistaland, samkvæmt uppdrætti dags. 23. nóvember 2010. Erindið nú lagt fram að nýju ásamt tillögu dags. 24. janúar 2011 og umsögn skipulagsstjóra dags. 9. febrúar 2011.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt eða auglýst þegar hún berst.
12.11 Bauganes 10, einbýlishús
Á fundi skipulagsstjóra 4. febrúar 2011 var lagt fram bréf frá afgreiðslufundi byggingarfulltrúa frá 1. febrúar 2011 þar sem sótt er um leyfi til að byggja steinsteypt einbýlishús, hæð og kjallara með innbyggðri bílgeymslu á lóð nr. 10 við Bauganes. Erindinu var vísað til meðferðar hjá verkefnisstjóra svæðisins og er nú lagt fram að nýju ásamt minnisblaði skipulagsstjóra dags. 10. febrúar 2011.
Kjallari: 97 ferm., 1. hæð 211,5 ferm., bílgeymsla 33,5 ferm.
Samtals: 342,0 ferm., 1.301,5 rúmm.
Gjald kr. 8.000 + 104.120
Ekki eru gerðar skipulagslegar athugasemdir við erindið að teknu tilliti til athugasemda í minnisblaði skipulagsstjóra.
13.11 Hamrahlíð 17, breyting á deiliskipulagi
Lagt fram erindi ASK arkitekta f.h. Blindrafélagsins dags. 10. febrúar 2011 varðandi breytingu á deiliskipulagi Stakkahlíð, Bogahlíð, Hamrahlíð vegna lóðarinnar nr. 17 við Hamrahlíð. Í breytingunni felst að byggja viðbyggingu ofan á 1. hæðar bílskúr, samkvæmt uppdrætti ASK arkitekta dags. 8. febrúar 2011.
Samþykkt að grenndarkynna framlagða tillögu fyrir hagsmunaaðilum að Drápuhlíð 47, Stakkahlíð 19, Blönduhlíð 28, 30 og 35.
14.11 Sólheimar 19-21, 19 - færanlegar kennslustofur
Lagt fram bréf frá afgreiðslufundi byggingarfulltrúa frá 1. febrúar 2011 þar sem sótt er um leyfi til að flytja tvær lausar kennslustofur frá Norðlingaskóla og setja niður á lóð leikskólans Sunnuhlíðar á lóð nr. 19 við Sólheima.
Jafnframt er erindi BN042464 dregin til baka.
Gjald kr. 8.000

Vísað til skipulagsráðs.
15.11 Búðagerði 4-6, Melgerði 1, bréf
Á fundi skipulagsstjóra 4. febrúar 2011 var lagt fram bréf Guðríðar Þorvaldsdóttur dags. 26. janúar 2011 varðandi Búðagerði 4-6 og Melgerði 1. Erindinu var vísað til umsagnar hjá lögfræði og stjórnsýslu og er nú lagt fram að nýju ásamt umsögn lögfræði og stjórnsýslu dags. 11. febrúar 2011.
Umsögn lögfræði og stjórnsýslu samþykkt.
16.11 Byggingarlög, orðsending skrifstofu borgarstjórnar
Lögð fram orðsending skrifstofu borgarstjórnar dags. 7. febrúar 2011 ásamt bréfi umhverfisráðuneytisins dags. 31. janúar 2011 um gildistöku laga um mannvirki.

17.11 Breiðhöfði 11A, breyting á deiliskipulagi
Að lokinni grenndarkynningu er lagt fram að nýju erindi Ísaga ehf. dags. 6. desember 2010 varðandi breytingu á deiliskipulagi Ártúnshöfða vegna lóðarinnar nr. 11A við Breiðhöfða. Í breytingunni felst að gerður er byggingarreitur fyrir skýli á austurhluta lóðarinnar ásamt nýrri innkeyrslu frá Eirhöfða vestan núverandi innkeyslu, samkvæmt uppdrætti VA arkitekta dags. 6. desember 2010. Tillagan var grenndarkynnt frá 8. febrúar 2011 til og með 8. mars 2011. Þar sem samþykki hagsmunaaðila dags. 3. febrúar 2011 liggur fyrir er erindið nú lagt fram að nýju.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.