Austurbæjarskóli, Austurstræti 6, Brávallagata 8, Geirsgata 11, Kjalarnes, Fitjar, Laufásvegur 68, Nýlendugata 7, Ránargata 26, Skólavörðustígur 43, Sólvallagata 48, Stardalur 125879, Tryggvagata 22, Túngötureitur, Vesturgata 5B, Vesturgata 27, Öldugata 13, Kristnibraut 65-67, Leiðhamrar 1, Vættaborgir 15-25 og 27-35, Áland, Furuborg, Grjótháls 10, Heiðmörk, Úlfarsfell, Köllunarklettsvegur 8, Kvistaland 10-16, Laugarásvegur 48, Skyggnisbraut 20-24,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

332. fundur 2011
Ár 2011, fimmtudaginn 6. janúar kl. 11:15, hélt skipulagsstjóri Reykjavíkur 332. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12-14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Guðfinna Ósk Erlingsdóttir, Bragi Bergsson, Margrét Þormar, Jóhannes Kjarval, Björn Ingi Edvardsson, Björn Axelsson, Gunnhildur S. Gunnarsdóttir og Lilja Grétarsdóttir. Ritari var Helga Björk Laxdal.
Þetta gerðist:

1.11 Austurbæjarskóli, aðveitustöð Orkuveitu Reykjavíkur
Lagt fram bréf Foreldrafélags Austurbæjarskóla dags. 15. nóvember 2010 varðandi öryggi barna á skólalóðinni vegna aðveitustöðvar Orkuveitu Reykjavíkur.Einnig er lagt fram bréf foreldrafélags Austurbæjarskóla dags. 21. desember 2010 þar sem óskað er eftir formlegu svari við bréfi frá 15. nóvember sl.
Kynna formanni skipulagsráðs.
2.11 Austurstræti 6, breyta í hótel
Lagt fram bréf frá afgreiðslufundi byggingarfulltrúa frá 21. desember 2010 þar sem sótt er um leyfi til að stækka til suðurs, byggja kvisti í þak og innrétta hótel með 30 herbergjum í atvinnuhúsi á lóð nr. 6 við Austurstræti.
Stækkun: 80,1 ferm., 160,7 rúmm.
Gjald kr. 7.700 + 12.374

Frestað. Lagfæra þarf uppdrætti.
3.11 Brávallagata 8, svalir MUNA EFTIR EIGNASKIPTAYFIRL.
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 16. nóvember 2010 þar sem sótt er um leyfi til þess að byggja svalir úr stáli og timbri við suðausturhlið 1. 2. og 3. hæðar fjölbýlishússins á lóð nr. 8 við Brávallagötu. sbr. umsókn BN036240 sem fallin er úr gildi. Kynningin stóð yfir frá 25. nóvember 2010 til og með 23. desember 2010. Engar athugasemdir bárust.
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
4.11 Geirsgata 11, (fsp) brugghús
Lagt fram bréf frá afgreiðslufundi byggingarfulltrúa frá 21. desember 2010 þar sem spurt er hvort leyfi fengist til að setja upp brugghús á 1. hæð sem framleiðir bjór á staðnum og verður seldur á veitingastað í ótilgreindum flokki.
Vísað til umsagnar hjá Faxaflóahöfnum.
5.11 Kjalarnes, Fitjar, skráning á landi
Lagt fram bréf Arion banka dags. 20. desember 2010 varðandi ranga skráningu á landi Fitja á Kjalarnesi.
Vísað til umsagnar hjá lögfræði og stjórnsýslu.
6.11 Laufásvegur 68, reyndarteikning
Á fundi skipulagsstjóra 17. desember 2010 var lagt fram bréf frá afgreiðslufundi byggingarfulltrúa frá 14. desember 2010 þar sem sótt er um samþykkt á áður gerðum breytingum, m. a. er fyllt upp í útigeymslu (0002), sjá erindi BN035330, bætt við gönguhurð í bílskúr, gönguhlið sett í garðvegg og setlaug er færð inn á pall og hæðarlegu hans breytt við einbýlishúsið á lóð nr. 68 við Laufásveg. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 4. janúar 2011.
Gjald kr. 7.700

Neikvætt, með vísan til umsagnar skipulagsstjóra. Umsóknin samræmist ekki gildandi deiliskipulagi svæðisins.
7.11 Nýlendugata 7, (fsp) breyting á deiliskipulagi
Lögð fram fyrirspurn Jónu Guðbjargar Torfadóttur dags. 4. janúar 2010 varðandi breytingu á deiliskipulagi Nýlendureits þannig að heimilt verði að gera einkabílastæði á lóðinni nr. 7 við Nýlendugötu.
Vísað til umsagnar hjá verkefnisstjóra svæðisins.
8.11 Ránargata 26, (fsp) gróðurhús á þaki bílskúrs
Lagt fram bréf frá afgreiðslufundi byggingarfulltrúa frá 21. desember 2010 þar sem spurt er hvort leyft yrði að byggja gróðurhús á þaki bílskúrs við einbýlishúsið á lóð nr. 26 við Ránargötu.
Vísað til meðferðar hjá verkefnisstjóra svæðisins.
9.11 Skólavörðustígur 43, (fsp) viðbygging
Lögð fram fyrirspurn Erlu Þórarinsdóttur dags. 16. desember 2010 um að byggja geymslu aftan við húsið að Skólavörðustíg 43. Einnig er lögð fram umsögn skipulagsstjóra dags. 6. janúar 2011.
Ekki eru gerðar athugasemdir við erindið með þeim skilyrðum sem fram koma í umsögn skipulagsstjóra.
10.11 Sólvallagata 48, (fsp) svalir
Lagt fram bréf frá afgreiðslufundi byggingarfulltrúa frá 21. desember 2010 þar sem spurt er hvort leyft yrði að byggja svalir á 2. hæð bakhúss (Mhl. 02) við fjölbýlishúsið á lóð nr. 48 við Sólvallagötu.
Erindi fylgir umboð eiganda 02 0102 dagsett 22. nóvember 2010 og samþykki meðeigenda í matshluta dagsett í nóvember 2010
Vísað til umsagnar hjá verkefnisstjóra svæðisins.
11.11 Stardalur 125879, (fsp) afmörkun spildu
Lagt fram bréf frá afgreiðslufundi byggingarfulltrúa frá 21. desember 2010 þar sem sótt er um afmörkun á landspildu sem á stendur sumarbústaður (fastanúmer 2085693) við Ríp með aðkomu í gegnum land Stardals frá vegaslóða meðfram Leirvogsá. Landspildan er 9886,3 ferm. úr landi Stardals. Einnig er lögð fram umsögn skipulagsstjóra dags. 5. janúar 2011.
Afsal vegna sumarbústaðar dags. 18. febrúar 2005 og hnitasett kort af landspildunni fylgja erindinu.

Neikvætt, með vísan til umsagnar skipulagsstjóra dags. 5. janúar 2011.
12.11 Tryggvagata 22, málskot
Lagt fram málskot Advel lögfræðiþjónustu dags. 21. desember 2010 vegna neikvæðrar afgreiðslu skipulagsstjóra frá 10. desember 2010 um breytingu á innréttingu 1. hæðar hússins á lóðinni nr. 22 við Tryggvagötu.
Vísað til skipulagsráðs.
13.11 Túngötureitur, deiliskipulag, staðgreinireitur 1.137.4
Að lokinni hagsmunaaðilakynningu er lögð fram að nýju tillaga skipulags- og byggingarsviðs Reykjavíkur dags. 25. maí 2009 að deiliskipulagi Túngötureits. Reiturinn afmarkast af Túngötu, Bræðraborgarstíg Hávallagötu og Hofsvallagötu. Tillagan var kynnt frá 5. júní til og með 22. júní 2009. Eftirtaldir aðilar sendu inn athugasemdir: Haraldur Ólafsson dags. 20. júní 2009, 9 athugasemdaaðilar dags 20. júní 2009, Edda Einarsdóttir dags. 20. júní 2009, Áshildur Haraldsdóttir dags. 22. júní 2009, Katrín Karlsdóttir dags. 22. júní 2009 og Stefán Snær Grétarsson dags. 22. júní 2009. Einnig er lögð fram samantekt skipulagsstjóra dags. 13. nóvember 2009.
Kynna formanni skipulagsráðs.
14.11 Vesturgata 5B, breyting á deiliskipulagi Grjótaþorps
Að lokinni auglýsingu er lögð fram að nýju tillaga Argos dags. 14. desember 2007 að breytingu á deiliskipulagi Grjótaþorps vegna flutnings Gröndalshúss á lóð nr. 5B við Vesturgötu. Auglýsingin stóð yfir frá 29. september 2010 til og með 4. janúar 2010. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
15.11 Vesturgata 27, opið skýli úr timbri
Lagt fram bréf frá afgreiðslufundi byggingarfulltrúa frá 21. desember 2010 þar sem sótt er um leyfi til að byggja opið skýli úr timbri austan við einbýlishúsið á lóð nr. 27 við Vesturgötu.
Gjald kr. 7.700
Samþykkt að grenndarkynna framlagða tillögu fyrir hagsmunaaðilum að Vesturgötu 25 og 27b, þegar uppdrættir hafa verið lagfærðir.
16.11 Öldugata 13, viðbygging
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 23. nóvember 2010 þar sem sótt er um leyfi fyrir viðbyggingu garðmegin úr steinsteypu við kjallara, 1. hæð og sem svalir á 2. hæð og koma fyrir þrem þakgluggum, jafnframt er gerð grein fyrir frekari áformum um byggingu bílskúrs við einbýlishús á lóð nr. 13 við Öldugötu. Kynningin stóð yfir frá 2. desember 2010 til og með 31. desember 2010. Engar athugasemdir bárust.
Meðfylgjandi er bréf arkitekts dags. 15. nóvember 2010
Stærðir: Stækkun íbúðarhúss samtals - 28,1 ferm., 84,5 rúmm.
Gjald kr. 7.700 + 6.507

Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
17.11 Kristnibraut 65-67, breyting á skilmálum
Að lokinni auglýsingu er lögð fram að nýju umsókn og tillaga Eyjólfs Einars Bragasonar f.h. Búseta svf dags. 10. september 2010 að breytingu á skilmálum deiliskipulags Grafarholts, svæðis 3 vegna lóðarinnar nr. 65-67 við Kristnibraut. Í breytingunni felst að fjölga íbúðum hússins úr 18 í 19. Auglýsingin stóð yfir frá 15. nóvember 2010 til og með 29. desember 2010. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
18.11 Leiðhamrar 1, breyting á deiliskipulagi
Að lokinni grenndarkynningu er lagt fram að nýju erindi Sæmundar Sævarssonar dags. 2. nóvember 2010 varðandi breytingu á deiliskipulagi Hamrahverfis vegna lóðarinnar nr. 1 við Leiðhamra. Í breytingunni felst stækkun á húsi samkvæmt uppdrætti Teiknistofu Björns Jóhannssonar dags. 20. október 2010. Einnig lagður fram lagfærður uppdráttur dags. 20. október 2010 breytt 17. nóvember 2010. Kynning stóð yfir frá 2. desember 2010 til og með 31. desember 2010. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
19.11 Vættaborgir 15-25 og 27-35, breyting á skilmálum
Lögð fram tillaga Skipulags- og byggingarsviðs Reykjavíkur dags. 6. janúar 2011 að breytingu á skilmálum deiliskipulags Borgarholts 2, Borgarhverfis A vegna lóðanna nr. 15-25 og 27-35. Í breytingunni felst aukning á byggingarmagni en byggingarreitir haldast óbreyttir.

Frestað.
20.11 Áland, Furuborg, breyting á deiliskipulagi
Að lokinni auglýsingu er lögð fram að nýju umsókn Framkvæmda- og eignasviðs Reykjavíkur dags. 5. mars 2009 varðandi breytingu á deiliskipulagi Borgarspítalans vegna lóðar leikskólans Furuborgar. Í breytingunni felst stækkun lóðar og byggingarreits auk fjölgunar á bílastæðum, samkvæmt uppdrætti dags. 3. mars 2009. Einnig er lögð fram skýrsla Umhverfis- og samgöngusviðs að svifryks- og hljóðvistarmælingum fyrir lóðina dags. 25. júní 2010. Auglýsingin stóð yfir frá 15. nóvember 2010 til og með 29. desember 2010. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
21.11 Grjótháls 10, breyting á deiliskipulagi
Að lokinni grenndarkynningu er lagt fram að nýju erindi Bón og þvottastöðvarinnar dags. 26. nóvember 2010 varðandi breytingu á deiliskipulagi Hálsahverfis vegna lóðarinnar nr. 10 við Grjótháls. Í breytingunni felst færsla á byggingarreit til norðurs samkvæmt uppdrætti dags. 23. nóvember 2010. Kynning stóð yfir frá 2. desember 2010 til og með 31. desember 2010. Athugasemdir bárust frá Vegagerðinni dags. 13. desember 2010.
Vísað til umsagnar hjá verkefnisstjóra svæðisins.
22.11 Heiðmörk, nýtt deiliskipulag
Lögð fram tillaga Landmótunar dags. 8. júlí 2010 að deiliskipulagi fyrir Heiðmörk samkvæmt meðfylgjandi deiliskipulagsuppdrætti. Einnig er lögð fram greinargerð og umhverfisskýrsla ásamt bréfi Skipulagsstofnunar dags. 2. júlí 2009. Auglýsing stóð yfir frá 11. ágúst 2010 til og með 1. nóvember 2010. Eftirtaldir aðilar sendu inn athugasemdir. umsögn/bréf skíðagöngufélagsins Ulls dags. 15. september, Björn Guðmundsson dags. 21. september, Sigurður Sigurðsson f.h. sumarbústaðaeigenda í Heiðmörk dags. 21. september, Garðar Briem dags. 21. september, Samtök Hestamanna: Fákur, Reiðveganefnd í Kjalarnesþingi og Landsamband hestamanna dags. 21. september 2010, Anna Ólafsdóttir dags. 22. september, Harald og Þórunn dags. 22. september og Skógræktarfélag Reykjavíkur dags. 28. september 2010. Einnig lagðar fram umsagnir: Vegagerðarinnar dags. 20. ágúst 2010, Heilbrigðiseftirlits Reykjavíkur dags. 13. september 2010 ásamt bókun Umhverfis- og samgönguráðs s.d., umsögn Fornleifaverndar ríkisins dags. 14. september 2010, umsögn Landsnets dags. 14. september 2010, umsögn Orkuveitu Reykjavíkur dags. 21. september 2010, umsögn Veiðimálastofnunar dags. 22. september 2010, umsögn Veiðifélags Elliðavatns dags. 21. september 2010 ásamt rannsóknarskýrslu Veiðimálastofnunar, umsögn og bókun skipulagsnefndar Kópavogs, ásamt beiðni um samráðsfund dags. 22. september 2010 og umsögn Umhverfisstofnunar dags. 8. nóvember 2010. Samrit af erindi Kópavogsbæjar barst frá skrifstofu borgarstóra s.d., athugasemdir og umsögn skógræktar ríkisins dags. 27. september 2010, athugasemdir Kópavogsbæjar dags. 25. október 2010, Bergljót Rist dags. 1. nóvember 2010 og athugasemdir Garðabæjar dags. 3. nóvember 2010. Einnig lagt fram bréf Orkuveitunnar dags. 21. desember 2010 þar sem lagðar eru fram tillögur að mótvægisaðgerðum.
Frestað.
23.11 Úlfarsfell, (fsp) fjarskiptarekstur
Lögð fram fyrirspurn Og fjarskipta ehf. dags. 23. desember 2010 varðandi aðstöðu til fjarskiptareksturs á Úlfarsfelli.
Vísað til umsagnar Umhverfis- og samgöngusviðs.
24.11 Köllunarklettsvegur 8, breyting á deiliskipulagi
Að lokinni grenndarkynningu er lögð fram að nýju umsókn gosverksmiðjunnar Kletts dags. 19. október 2010 ásamt tillögu Adamsson ehf. dags. 30. júní 2010 að breytingu á deiliskipulagi Klettasvæðis vegna lóðarinnar nr. 8 við Köllunarklettsveg. Í breytingunni felst að byggingarreitur er stækkaður vegna kolsýrutanks. Einnig lagður fram tölvupóstur Faxaflóahafna dags. 22. október 2010 þar sem ekki er gerð athugasemd. Kynningin stóð yfir frá 22. nóvember 2010 til og með 20. desember 2010. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
25.11 Kvistaland 10-16, (fsp) breytingu á byggingarreit
Á fundi skipulagsstjóra 26. nóvember 2010 var lögð fram fyrirspurn Arnaldar Schram f.h. Högna Stefáns Þorgeirssonar dags. 25. nóvember 2010 varðandi breytingu á byggingarreit á lóðinni nr. 12 við Kvistaland, samkvæmt uppdrætti dags. 23. nóvember 2010.
Hönnuður hafi samband við embætti skipulagsstjóra.
26.11 Laugarásvegur 48, (fsp) viðbygging
Lögð fram fyrirspurn Steinþórs Kára Kárasonar dags. 5. janúar 2011 varðandi viðbyggingu við neðri hæð hússins á lóðinni nr. 48 við Laugarásveg.
Vísað til meðferðar hjá verkefnisstjóra svæðisins.
27.11 Skyggnisbraut 20-24, nr. 20 fjölbýlishús
Á fundi skipulagsstjóra 3. desember 2010 var lagt fram bréf frá afgreiðslufundi byggingarfulltrúa frá 30. nóvember 2010 þar sem sótt er um leyfi til að byggja úr steinsteypu, múrhúðað og einangrað að innan, fjögurra hæða fjölbýlishús með kjallara og 17 íbúðum mhl. 01 nr. 20 á lóð nr. 20-24 við Skyggnisbraut. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 3. janúar 2011 og tölvubréfi dags. 22. desember 2010.
Stærðir: kjallari 277,5 - 1. hæð 283,8 - 2. hæð 283,8 - 3. hæð 283,8 og 4. hæð 283,8 ferm.,
Samtals 1.410,7 ferm, 4.110,3 rúmm.
Lóðarstærð 4.793 ferm., nýtingarhlutfall 0,29.
Gjald kr. 7.700 + 316.493

Frestað.
Umsögn skipulagsstjóra samþykkt.