Austurstræti 11, Ásvallagata 17, Bergstaðastræti 43A, Borgartún 8-16, Brekkubær 32-44, Einarsnes 64, Háteigsvegur 7, Heiðargerði 98, Hólmaslóð olíustöð 3, Hólmsheiði/Fjárborg/Almannadalur, Kjalarnes, Mógilsá og Kollafjörður, Kollagrund 2, Lambasel 28, Laufásvegur 68, Snorrabraut 37, Tjarnargata 37, Ægisgarður- Suðurbukt, Götuheiti, Í landi Fitjakots 125677,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

331. fundur 2010
Ár 2010, föstudaginn 17. desember kl. 10:15, hélt skipulagsstjóri Reykjavíkur 331. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Lilja Grétarsdóttir, Þórarinn Þórarinsson, Bragi Bergsson, Margrét Þormar, Ágústa Sveinbjörnsdóttir, Björn Ingi Edvardsson og Björn Axelsson. Ritari var Helga Björk Laxdal
Þetta gerðist:

1.10 Austurstræti 11, (fsp) breytingar úti
Lagt fram bréf frá afgreiðslufundi byggingarfulltrúa frá 14. desember 2010 þar sem spurt er hvort setja megi upp steyptan ramp/skábraut og tvö þrep með handriði úr stáli og hertu gleri við inngang útibús Landsbankans við í Hafnarstræti.
Vísað til umsagnar hjá Framkvæmda- og eignasviði vegna framkvæmda á borgarlandi.
2.10 Ásvallagata 17, stálsvalir
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 9. nóvember 2010 þar sem sótt er um leyfi til að setja upp járnsvalir á íbúðir 0101, 0102, 0201, 0202, 0301 og 0401í fjölbýlishúsinu á lóð nr. 17 við Ásvallagötu. Kynningin stóð yfir frá 17. nóvember 2010 til og með 15. desember 2010. Engar athugasemdir bárust.
Samþykki meðeigenda ódagsett, jafnframt bréf frá umsækjanda ódagsett.
Jákvæð fyrirspurn BN041759 dags. 13. júlí 2010 fylgir erindinu.
Gjald kr. 7.700
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
3.10 Bergstaðastræti 43A, endurnýjun á bn034510
Lagt fram bréf frá afgreiðslufundi byggingarfulltrúa frá 14. desember 2010 þar sem sótt er um leyfi til að endurnýja erindið BN034510 samþykkt 8. nóv. 2006 þar sem sótt var um að rífa núverandi stigahús á 2. hæð, endurbyggja suðurhluta 1. hæðar og byggja við suðurhluta 2. hæðar fjölbýlishússins á lóðinni nr. 43A við Bergstaðastræti. Ennfremur að byggja utanáliggjandi tröppur úr tré á steyptri undirstöðu til að komast að nýjum inngangi 2. hæðar.
Stærðir: Stækkun 14 ferm. og 29 rúmm.
Gjald kr. 7.700 + 2.233

Samþykkt að grenndarkynna framlagða umsókn fyrir hagsmunaaðilum að Bergstaðastræti 43, 45 og 45b ásamt Baldursgata 7a og 9 þegar samþykki meðlóðarhafa hefur borist embættinu.
4.10 Borgartún 8-16, S2 - hótel
Lagt fram bréf frá afgreiðslufundi byggingarfulltrúa frá 14. desember 2010 þar sem sótt er um leyfi til að byggja 7-16 hæða hótel, bygging S2 í deiliskipulagi, með 342 herbergjum ásamt 4. áfanga bílakjallara á lóð nr. 8-16 við Borgartún.
Stærðir: Kjallari -2, tæknirými 162 ferm., kjallari -1, geymslur 1430,6 ferm., kjallari, geymslur 1.412 ferm., 1. hæð móttaka 1.372 ferm., 2. hæð herbergi 1.426,4 ferm., 3. -7. hæð herbergi 1.232,9 ferm., 8. - 16. hæð herbergi 574,2 ferm., 17. hæð tæknirými 64,4 ferm.
Samtals 17.200,1 ferm., 61.740 rúmm.
Gjald kr. 7.700 + 4.753.980

Vísað til skipulagsráðs.
5.10 Brekkubær 32-44, breyting á deiliskipulagi
Lagt fram erindi Arnars Inga Ingólfssonar móttekið 6. desember 2010 varðandi breytingu á deiliskipulagi Árbær- Selás raðhús. Í breytingunni felst stækkun á byggingarreit fyrir einnar hæðar viðbyggingu til suðurs á lóðinni nr. 32-44 við Brekkubæ samkvæmt uppdrætti dags. 1. desember 2010.
Samþykkt að grenndarkynna framlagða tillögu fyrir hagsmunaaðilum að Brekkubær 29-39 (oddatölur ) ásamt Melbæ 30-43 (öll númer).
6.10 Einarsnes 64, breyting á deiliskipulagi
Lagt fram erindi Snorra Gunnarssonar dags. 14. desember 2010 varðandi breytingu á deiliskipulagi Einarsnes vegna lóðarinnar nr. 64 við Einarsnes. Í breytingunni felst stækkun á byggingarreit fyrir einnar hæðar viðbyggingu til suðurs á lóðinni nr. 64 við Einarsnes samkvæmt uppdrætti Andrésar Narfa Andréssonar dags. 7. desember 2010.
Samþykkt að grenndarkynna framlagða tillögu fyrir hagsmunaaðilum að Einarsnesi 60, 62, 62a, 64a og 66.
7.10 Háteigsvegur 7, (fsp) samkomuhús v/BN041248
Lagt fram bréf frá afgreiðslufundi byggingarfulltrúa frá 7. desember 2010 þar sem spurt er hvort endurskoða megi neikvætt svar við fyrirspurn BN041248 dags. 30. mars 2010 um að innrétta húsnæði fyrir Catch the fire Reykjavík í húsi á lóð nr. 7 við Háteigsveg.
Meðfylgjandi er orðsending borgarstjóra dags. 31. ágúst 2010, bréf Harra Ormarssonar hdl. dags. 31. ágúst 2010 og bréf safnaðarins dags. 24. nóvember 2010
Vísað til skipulagsráðs.
8.10 Heiðargerði 98, breyting á deiliskipulagi
Lagt fram erindi Birgittu Guðrúnar S. Ásgrímsdóttur dags. 15. desember 2010 varðandi breytingu á deiliskipulagi Heiðargerðisreits vegna lóðarinnar nr. 98 við Heiðargerði. Í breytingunni felst að byggingarreitur er stækkaður, samkvæmt uppdrætti á stofunni arkitektar dags. 4. nóvember 2010.
Samþykkt að grenndarkynna framlagða tillögu fyrir hagsmunaaðilum að Heiðargerði 96.
9.10 Hólmaslóð olíustöð 3, uppsetning tveggja stálgeyma
Á fundi skipulagsstjóra 12. nóvember 2010 var lagt fram bréf frá afgreiðslufundi byggingarfulltrúa frá 2. nóvember 2010 þar sem sótt er um leyfi til setja upp tvo stálgeyma fyrir díselolíu, hvor um sig geymir 95 rúmm. af olíu og hvíla á steinsteyptum undirstöðum á lóð nr. 3 við Hólmaslóð olíustöð. Erindinu var vísað til umsagnar hjá Faxaflóahöfnum og er nú lagt fram að nýju ásamt umsögn Faxaflóahafna dags. 17. nóvember 2010.
Stærð geyma: XX ferm og XX rúmm.
Gjald kr. 7.700 + XX
Ekki eru gerðar skipulagslegar athugasemdir við erindið.
10.10 Hólmsheiði/Fjárborg/Almannadalur, breyting á deiliskipulagi
Lagt fram erindi Þorgeirs Benediktssonar dags. 16. desember 2010 varðandi breytingu á deiliskipulagi Hólmsheiði/Fjárborg/Almannadalur. Í breytingunni felst að loftunargerði eru stækkuð við Hesthús við Almannadalsgötu að vestanverðu, samkvæmt uppdrætti Landslag ehf. dags. 8. desember 2010.
Vísað til skipulagsráðs.
11.10 Kjalarnes, Mógilsá og Kollafjörður, athugasemdir vegna breytinga á vegtengingum við Mógilsá
Á fundi skipulagsstjóra 3. desember 2010 var lagt fram bréf Halldórs H. Halldórssonar f.h. Reiðveganefndar í Kjalarnesþingi hinu forna dags. 3. desember 2010 ásamt afrit af bréfi sent til Vegagerðarinnar dags. 2. september 2010 varðandi framkvæmdir við aðkomu að bílastæðum og þjónustumiðstöð við Mógilsá í Kollafirði. Erindi var sent til umsagnar Vegagerðarinnar og er nú lagt fram að nýju ásamt afriti af bréfi Vegagerðarinnar til Reiðveganefndar í Kjalarnesþingi hinu forna dags. 13. desember 2010.

12.10 Kollagrund 2, reyndarteikningar
Lagt fram bréf frá afgreiðslufundi byggingarfulltrúa frá 14. desember 2010 þar sem sótt er um samþykki á reyndarteikningum á fyrsta áfanga sbr. erindið BN021351 samþykkt 29. júní 2000 vegna innanhúss breytinga og bílastæðum fækkað við Klébergsskóla á lóð nr. 2 við Kollagrund.
Bréf frá hönnuði dags. 29. nóv. 2010
Gjald kr. 7.700

Frestað. Ekki eru gerðar athugasemdir við að umsækjandi láti vinna tillögu að breytingu á deiliskipulagi, á eigin kostnað, í samræmi við útfærslu á bílastæðum í fyrirspurn.
13.10 Lambasel 28, (fsp) útihurð á þvottahús
Lagt fram bréf frá afgreiðslufundi byggingarfulltrúa frá 14. desember 2010 þar sem spurt er hvort leyfi fengist til að setja útihurð á núverandi þvottahús og síkka glugga á núverandi geymslu á einbýlishúsinu á lóð nr. 28 við Lambasel.
Neikvætt. Samkvæmt gildandi deiliskipulagi svæðisins er aðeins heimilt að hafa glugga yfir 1.8 m hæð yfir aðalgólfi á norðurvegg.
14.10 Laufásvegur 68, reyndarteikning
Lagt fram bréf frá afgreiðslufundi byggingarfulltrúa frá 14. desember 2010 þar sem sótt er um samþykkt á áður gerðum breytingum, m. a. er fyllt upp í útigeymslu (0002), sjá erindi BN035330, bætt við gönguhurð í bílskúr, gönguhlið sett í garðvegg og setlaug er færð inn á pall og hæðarlegu hans breytt við einbýlishúsið á lóð nr. 68 við Laufásveg.
Gjald kr. 7.700

Vísað til umsagnar hjá verkefnisstjóra svæðisins.
15.10 Snorrabraut 37, (fsp) stækkun á lóð
Lögð fram fyrirspurn Einars Sörla Einarssonar dags. 9. desember 2010 ásamt bréfi dags. 8. desember 2010 varðandi stækkun á lóðinni nr. 37 við Snorrabraut.
Vísað til umsagnar hjá Framkvæmda- og eignasviði og Umhverfis- og samgöngusviði.vegna lóðarstækkunar.
16.10 Tjarnargata 37, viðbygging, br.úti og inni
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 9. nóvember 2010 þar sem sótt er um leyfi til að byggja garðskála til austurs úr timbri og breyta gluggum í hurðir í kjallara, færa eldhús og baðherbergi til og hlaða vegg á lóðamörkum með timburskýlum fyrir garðáhöld, hjól og sorp. Kynningin stóð yfir frá 17. nóvember 2010 til og með 15. desember 2010. Eftirtaldir aðilar sendu inn athugasemd: Nexus arkitektar f.h. eigenda að Tjarnargötu 35 dags. 29. nóvember 2010 og 1. desember 2010. Lagður fram tölvupóstur Nexus arkitekta dags. 17. desember þar sem athugasemd er dregin til baka.
Umsögn Minjasafns Reykjavíkur dags. 8. nóvember 2010 fylgir erindinu.
Stækkun 22,1 ferm., 61 rúmm.
Gjald kr. 7.700 + 4.697
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
17.10 Ægisgarður- Suðurbukt, stöðuleyfi
Lögð fram fyrirspurn Faxaflóahafna dags. 14. desember 2010 varðandi stöðuleyfi fyrir söluhús við Ægisgarð skv. uppdrætti Basalt dags. 4. nóvember 2010.
Ekki eru gerðar skipulagslegar athugasemdir við erindið. Fyrirspyrjandi skal sækja um stöðuleyfi til byggingarfulltrúa til eins árs í senn.
18.10 Götuheiti, Túnahverfi
Lögð fram orðsending skrifstofu borgarstjórnar frá 10. desember 2010 ásamt erindi Sigurðar Þórs Guðjónssonar dags. 5. desember 2010 varðandi breytingu á götuheitum í Túnahverfi.
Vísað til skipulagsráðs.
19.10 Í landi Fitjakots 125677, málskot
Lagt fram málskot Jóns Jóhanns Jóhannssonar móttekið 16. desember 2010 vegna afgreiðslu byggingarfulltrúa frá 23. nóvember 2010 um að steypa bílaplan og skýli.
Vísað til skipulagsráðs.