Kópavogur, aðalskipulag, Blikastaðavegur 2-8, Kjalarnes, Mógilsá Landspilda 125736, Starhagi, Fannafold 160, Gerðhamrar 18, Gvendargeisli 104, Reyrengi 17, Engjateigur 11, Laugarnesvegur112-114, Bleikjukvísl 18, Selásbraut 98, Seiðakvísl 43, Bleikargróf 5, Einarsnes 34, Möðrufell 1-15, Síðumúli 34, Eirhöfði 8 - Breiðhöfði 15, Bíldshöfði 9, Bergstaðastræti 16-20, Spítalastígur 6b, Faxaskjól 26, Fjólugata 13, Grettisgata 55, Grundarstígur 10, Túngata 26, Örfirisey, Kjalarnes, Norðurkot, Í landi Fitjakots 125677, Kjalarnes, Fitjar, Varmadalur 4, Barðastaðir 61, Kjalarnes, Perluhvammur,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

257. fundur 2009
Ár 2009, föstudaginn 5. júní kl. 10:00, hélt skipulagsstjóri Reykjavíkur 257. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Haraldur Sigurðsson, Björn Axelsson, Ágústa Sveinbjörnsdóttir, Þórarinn Þórarinsson, Margrét Leifsdóttir og Bragi Bergsson Ritari var: Helga Björk Laxdal
Þetta gerðist:

1.09 Kópavogur, aðalskipulag,
Lagt fram bréf skipulagsstjóra Kópavogsbæjar, dags. 25. maí 2009, með kynningargögnum varðandi tillögu að breytingu á Aðalskipulagi Kópavogs 2001-2024 vegna lagningar háspennulína í landi Kópavogs.
Vísað til skipulagsráðs.
2.09 Blikastaðavegur 2-8, breyting á deiliskipulagsskilmálum
Að lokinni auglýsingu er lagt fram að nýju erindi lóðarhafa varðandi breytingu á deiliskipulagi lóðarinnar nr. 2-8 við Blikastaðveg samkvæmt uppdrætti Arkþings dags. í mars 2009. Tillagan var auglýst frá 8. apríl til og með 3. júní 2009. Engar athugasemdir bárust.
Leiðrétt bókun frá síðasta afgreiðslufundi skipulagsstjóra. Rétt bókun er:
Samþykkt með vísan til ákvæða um embættisafgreiðslur skipulagsstjóra í viðauka við samþykkt um stjórn Reykjavíkurborgar.
3.09 Kjalarnes, Mógilsá Landspilda 125736, sumarhús og gestahús
Á fundi skipulagsstjóra 29. maí 2009 var lagt fram erindi frá afgreiðslufundi byggingarfulltrúa frá 19. maí 2009 þar sem sótt er um leyfi til að byggja steinsteypt sumarhús að hluta til á tveimur hæðum, aðalhús (Mhl.01) og gestahús (Mhl.02) tengd saman með yfirbyggðri verönd í landi Mógilsár á Kjalarnesi.
Stærð Mhl.01: 1. hæð 58,7 ferm., 2. hæð 77,5 ferm.
Mhl.02: 1. hæð 14,6 ferm., 2. hæð 70,7 ferm.
Samtals 206,9 ferm., 769,1 rúmm.Gjald kr. 7.700 + 59.221

Frestað.
Ekki eru gerðar athugasemdir við að umsækjandi láti vinna tillögu að breytingu á skilmálum gildandi deiliskipulags, til samræmis við umsóknina.
Sérstök athygli er vakin á því að hættumat vegna ofanflóða á svæðinu þarf að liggja fyrir vegna uppbyggingar undir Esjuhlíðum. Slíkt mat liggur ekki fyrir.
4.09 Starhagi, æfingasvæði KR
Lögð fram tillaga Teiknistofunnar Storð dags. 5. júní 2009 varðandi deiliskipulag við Starhaga vegna æfingasvæði fyrir KR samkvæmt uppdrætti dags. 5. júní 2009.
Vísað til skipulagsráðs.
5.09 Fannafold 160, (fsp) eldhús
Lagt fram erindi frá afgreiðslufundi byggingarfulltrúa frá 2. júní 2009 þar sem spurt er hvort leyfi fengist til að setja upp eldhúsaðstöðu til framleiðslu veitinga í afmarkaðan hluta með sér inngangi sem sýndur er á teikningu af húsi á lóð nr. 160 við Fannafold
Neikvætt.
Erindið samræmist ekki ákvæðum gildandi deiliskipulags um landnotkun.
6.09 Gerðhamrar 18, sólskáli
Lagt fram erindi frá afgreiðslufundi byggingarfulltrúa frá 19. maí 2009 þar sem sótt er um leyfi til að byggja sólskála úr gleri og léttum byggingarefnum á steyptum sökkli við einbýlishús á lóð nr. 18 við Gerðhamra.
Stærðir 20 ferm., 46,5 rúmm.
Gjald kr. 7.700 + 3.580
Ekki eru gerðar athugasemdir við erindið.
Skipulagsferli er ólokið.
7.09 Gvendargeisli 104, (fsp) garðhús
Lagt fram erindi frá afgreiðslufundi byggingarfulltrúa frá 2. júní 2009 þar sem spurt er hvort leyfi fengist til að byggja 147 ferm. garðhús með glerþaki á lóð nr. 104 við Gvendargeisla.
Neikvætt.
Fyrirspyrjanda er bent á uppbyggingarheimildir í gildandi deiliskipulagi.
8.09 Reyrengi 17, (fsp) viðbygging
Lagt fram erindi frá afgreiðslufundi byggingarfulltrúa frá 2. júní 2009 þar sem spurt er hvort leyft yrði að byggja við til suðurs eins og sýnt er á meðfylgjandi skissu af einbýlishúsinu á lóð nr, 17 við Reyrengi.
Ekki eru gerðar athugasemdir við erindið. Viðbygging skal vera staðsett innan byggingarreits og í samræmi við skilmála í gildandi deiliskipulags, Borgarholts II Engjahverfi hluti B.
9.09 Engjateigur 11, (fsp) fjölgun bílastæða
Lögð fram fyrirspurn Staðalhúsa teiknistofu f.h. Kiwanis og Atvinnumiðlunar og Engjateigs 11 ehf. , dags. 29. maí 2009 varðandi fjölgun bílastæða á lóðinni nr. 11 við Engjateig samkvæmt uppdrætti dags, 7. maí 2009.
Neikvætt.
Samræmist ekki deiliskipulagi.
10.09 Laugarnesvegur112-114, (fsp) setja trépall á steyptar tröppur
Lagt fram erindi frá afgreiðslufundi byggingarfulltrúa frá 2. júní 2009 þar sem spurt er hvort setja megi sólpall úr timbri ofan á steyptar tröppur fyrir framan íbúðir 0101 og 0102 í fjölbýlishúsi á lóð nr. 112-114 við Laugarnesveg.
Ekki eru gerðar skipulagslegar athugasemdir við erindið.
11.09 Bleikjukvísl 18, (fsp) grindverk
Lagt fram erindi frá afgreiðslufundi byggingarfulltrúa frá 19. maí 2009 þar sem spurt er hvort byggja megi 20 metra langt og 190 cm hátt grindverk og hversu langt frá lóðmörkum slíkt grindverk skuli vera á lóð nr. 18 við Bleikjukvísl.
Neikvætt. Ekki er fallist á að heimila hærri girðingu en 120 cm. á lóðamörkum.
12.09 Selásbraut 98, (fsp) breyting á svölum og glerskáli
Á fundi skipulagsstjóra 29. maí 2009 var lagt fram erindi frá afgreiðslufundi byggingarfulltrúa frá 26. maí 2009 þar sem spurt er hvort leyfi fengist til að breyta svölum með því að breikka þær og lengja og loka með gleri sem nær niður að jörðu á suðvestur hlið atvinnuhússins á lóð nr. 98 við Selásbraut 98. Erindinu var vísað til umfjöllunar hjá verkefnisstjóra svæðisins og er nú lagt fram að nýju.
Frestað.
Óskað er eftir að fyrirspyrjandi leggi fram skýrari gögn, til að unnt verði að taka afstöðu til erindisins.
13.09 Seiðakvísl 43, breyting á deiliskipulagi
Lagt fram erindi lóðarhafa dags. 4. júní 2009 varðandi breytingu á deiliskipulagi Ártúnsholts vegna lóðarinnar nr. 43 við Seiðakvísl. Í breytingunni felst að markaður er nýr byggingarreitur fyrir garðhýsi samkvæmt uppdrætti Arkitektar Ólföf & Jon ehf. dags. 26. maí 2009.
Samþykkt að grenndarkynna framlagða tillögu fyrir hagsmunaaðilum að Seiðakvísl 39 og 41.
14.09 Bleikargróf 5, (fsp) viðbygging
Lögð fram fyrirspurn Árna Sigurlaugssonar, dags. 29. maí 2009, um viðbyggingu á lóð nr. 5 við Bleikargróf skv. uppdrætti Ragnheiðar Ragnarsdóttur ark., dags. maí 2009. Einnig lagt fram samþykki nágranna á Bleikargróf 1 og 7.
Vísað til umfjöllunar hjá verkefnisstjóra svæðisins.
15.09 Einarsnes 34, garðskáli
Lagt fram erindi frá afgreiðslufundi byggingarfulltrúa frá 2. júní 2009 þar sem sótt er um leyfi til að byggja garðskála úr gleri á álgrind við íbúð 0102 í íbúðarhúsi á lóð nr. 34 við Einarsnes.
Stærðir: 22,1 ferm., xxx rúmm
Gjald kr. 7.700 + xxx
Frestað.
Umsóknin samræmist ekki gildandi deiliskipulagi svæðisins. Ekki eru gerðar athugasemdir við að umsækjandi láti vinna tillögu að breytingu á deiliskipulagi, á eigin kostnað, sem síðar verður grenndarkynnt.
16.09 Möðrufell 1-15, (fsp) bílastæði
Á fundi skipulagsstjóra 8. maí 2009 var lögð fram fyrirspurn Ara Bragasonar dags. 7. maí 2009 um bílastæði á graseyjum fyrir framan lóðina nr. 1-15 við Möðrufell.
Erindinu var frestað og er nú lagt fram að nýju ásamt umsögn skipulagsstjóra dags. 5. júní 2009.
Ekki eru gerðar athugasemdir við erindið með þeim skilyrðum sem fram koma í umsögn skipulagsstjóra.
17.09 Síðumúli 34, (fsp) stækkun á húsnæði
Á fundi skipulagsstjóra 29. maí 2009 var lagt fram erindi frá afgreiðslufundi byggingarfulltrúa frá 26. maí 2009 þar sem spurt er hvort leyft yrði að byggja nýja, stærri þakhæð og innrétta tvær íbúðir í stað einnar í atvinnuhúsinu á lóð nr. 34 við Síðumúla. Erindinu var vísað til umfjöllunar hjá verkefnisstjóra svæðisins og er nú lagt fram að nýju.
Vísað til umsagnar hjá lögfræði og stjórnsýslu.
18.09 Eirhöfði 8 - Breiðhöfði 15, breyting á deiliskipulagi
Lagt fram erindi Kemis ehf. dags. 4. júní 2009 varðandi breytingu á deiliskipulagi Ártúnshöfða vegna lóðanna Eirhöfða 8 og Breiðhöfða 15. Í breytingunni felst að nýjum byggingarreit er bætt við austan við núverandi byggingu á lóðinni samkvæmt uppdrætti Viðars Steins Árnasonar dags. 4. júní 2009.
Samþykkt að grenndarkynna framlagða tillögu fyrir hagsmunaaðilum að Eirhöfða 2-4 og Eldshöfða 18 þegar uppdrættir hafa verið lagfærðir.
19.09 Bíldshöfði 9, breyting á deiliskipulagi
Að lokinni auglýsingu er lagt fram að nýju erindi Einars V. Tryggvasonar f.h. Eyrarlands ehf., dags. 18. desember 2008 um breytingu á deiliskipulagi lóðar nr. 9 við Bíldshöfða. Sótt er um aukningu á byggingarmagni og breytta aðkomu að lóð í samræmi við meðfylgjandi uppdrætti dags. 13. janúar 2009. Einnig lagt fram samþykki meðeigenda dags. 13. janúar 2009 og orðsending borgarstjóra dags. 26. febrúar 2009 ásamt meðfylgjandi bréfi Eyrarlands ehf. dags. 19. febrúar 2009.
Tillagan var auglýst frá 8. apríl til og með 3. júní 2009. Engar athugasemdir bárust.
Leiðrétt bókun frá síðasta afgreiðslufundi skipulagsstjóra. Rétt bókun er:
Samþykkt með vísan til ákvæða um embættisafgreiðslur skipulagsstjóra í viðauka við samþykkt um stjórn Reykjavíkurborgar.
20.09 Bergstaðastræti 16-20, Spítalastígur 6b, breyting á deiliskipulagi Bergstaðastrætisreits
Lögð fram umsókn Krads f.h. Lauga ehf., dags. 18. mars 2009 um breytingu á deiliskipulagi Bergstaðastrætisreits vegna lóðanna nr. 16,18 og 20 við Bergstaðastræti og lóðarinnar nr. 6B við Spítalastíg samkvæmt uppdrætti Krads, dags. 17. mars 2009. Í breytingunni felst að breyta notkun húsnæðisins frá því að vera íbúðarhúsnæði í að vera hótelíbúðir. Einnig lagt fram samkomulag BHB byggingarfélags og Festar frá 18. des. 2008 og bókun húsafriðunarnefndar frá 15. maí 2008.
Kynna formanni skipulagsráðs.
21.09 Faxaskjól 26, viðbygging, kvistir og bílskúr
Lagt fram erindi frá afgreiðslufundi byggingarfulltrúa frá 2. júní 2009 þar sem sótt er um leyfi til að rífa núverandi bílskúr og byggja nýjan úr steinsteypu, byggja við íbúðarhús til norðurs og einnig til suðurs og byggja tvo nýja kvisti og útbúa íbúð í kjallara einbýlishúss á lóð nr. 26 við Faxaskjól.Bílskúr: Niðurrif, xx ferm., xx rúmm. Nýbygging xx ferm., xx rúmm.Viðbygging: xx ferm., xx rúmm.Gjald kr. 7.700 + xxx
Samþykkt að grenndarkynna framlagða umsókn fyrir hagsmunaaðilum að Sörlaskjóli 17 og 19 ásamt Faxaskjóli 24, þegar uppdrættir hafa verið lagfærðir.
22.09 Fjólugata 13, bílskúr, anddyri
Lagt fram erindi frá afgreiðslufundi byggingarfulltrúa frá 2. júní 2009 þar sem sótt er um leyfi til að byggja bílskúr, til að byggja nýtt anddyri á norðurhlið, koma fyrir nýjum gluggum á austurhlið kjallara, grafa frá kjallara og síkka glugga á vesturhlið og til að breyta innra skipulagi og gluggagerð einbýlishússins nr. 13 við Fjólugötu.
Erindi fylgir umsögn burðarvirkishönnuðar dags. 19. maí 2009.Viðbygging: 18,3 ferm., 49,5 rúmm.Bílskúr: 38 ferm. 112,7 rúmm.Samtals stækkun: 56,3 ferm., 162,2 rúmm.
Gjald kr. 7.300 + 12.489
Samþykkt að grenndarkynna framlagða umsókn fyrir hagsmunaaðilum að Fjólugötu 11a og 15, Laufásvegi 44 ásamt Sóleyjargötu 11 og 13.
23.09 Grettisgata 55, (fsp) svalir, gluggar ofl.
Lagt fram erindi frá afgreiðslufundi byggingarfulltrúa frá 2. júní 2009 þar sem spurt er hvort leyft yrði að byggja grunnar, léttar svalir á suðurhlið (götuhlið) fjölbýlishússins á lóð nr. 55 við Grettisgötu. Einnig er lögð fram umsögn skipulagsstjóra dags. 4. júní 2009.
Neikvætt með vísan til umsagnar skipulagsstjóra.
24.09 Grundarstígur 10, viðbygging og breytingar
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 31. mars 2009 þar sem sótt er um leyfi til að byggja við kjallara sal úr steinsteypu með steyptri loftplötu og torfi á þaki, lækka gólf í núverandi kjallara, miðjusetja glugga á vesturgafli, hækka þak um 70 cm, byggja svalir á rishæð, steypa vegg á lóðamörkum að Grundarstíg nr. 8, setja op og hlið í vegg að Skálholtsstíg og breyta nýtingu þessa fyrrum einbýlishúss Hannesar Hafstein í blandaða atvinnustarfsemi á lóð nr. 10 við Grundarstíg. Meðfylgjandi er: Bréf arkitekts dags. 24. mars 2009, bréf frá borgarminjaverði dags. 9. feb. 2009 og 24. mars 2009, bréf húsafriðunarnefndar dags. 26. mars 2009 og annað dags. 27. mars 2009, bréf skipulagsstjóra dags. 20. feb. 2009, samþykki eigenda húsa á næstliggjandi lóðum ásamt umsögn Húsafriðunarnefndar dags. 26. mars 2009. Lagt fram tölvubréf Hallgríms Magnússonar dags. 11. maí 2009 þar sem óskað er eftir framlengingu á athugasemdafresti vegna grenndarkynningar sem standa á til 14 maí 2009 um eina viku. Kynning stóð frá 14. apríl til 14. maí, framlengt til og með 22. maí 2009. Eftirtaldir aðilar sendu athugasemdir: Hallgrímur Magnússon, Grundarstíg 17, f.h. 16 íbúa við Grundarstíg 5A, 7, 9, 11, 8 og 12 dags. 19. maí 2009.
Vísað til skipulagsráðs.
25.09 Túngata 26, breyting á deiliskipulag Landakotsreits
Að lokinni auglýsingu er lögð fram að nýju umsókn THG f.h. Landspítala Háskólasjúkrahúss , dags. 17. febrúar 2009, um breytingu á deiliskipulagi Landakotsreits. Í breytingunni felst að gert er ráð fyrir byggingarreit á lóðinni fyrir súrefniskút samkvæmt uppdrætti, dags. 12. feb. 2009.
Tillagan var auglýst frá 8. apríl til og með 3. júní 2009. Engar athugasemdir bárust.
Leiðrétt bókun frá síðasta afgreiðslufundi skipulagsstjóra. Rétt bókun er:
Samþykkt með vísan til ákvæða um embættisafgreiðslur skipulagsstjóra í viðauka við samþykkt um stjórn Reykjavíkurborgar.
26.09 Örfirisey, olíubirgðastöð, endurnýjun lóðarleigusamninga
Á fundi skipulagsstjóra 15. maí 2009 var lagt fram bréf hafnarstjóra, dags. 11. maí 2009, varðandi endurnýjun lóðarleigusamninga olíubirgðastöðvarinnar í Örfirisey. Óska Faxaflóahafnir sf. eftir umsögn Skipulags- og byggingarsviðs. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags.2. júní 2009.
Vísað til skipulagsráðs.
27.09 Kjalarnes, Norðurkot, framkvæmdaleyfi fyrir malarnám
Lögð fram umsókn Sigurbjörns Hjaltasonar og Bergþóru Andrésdóttur, dags. 25. maí 2009, um framkvæmdaleyfi til efnistöku í landi Norðurkots á Kjalarnesi.
Vísað til umsagnar hjá verkefnisstjóra svæðisins.
28.09 Í landi Fitjakots 125677, Perluhvammur einbýlishús
Á fundi skipulagsstjóra 29. maí 2009 var lagt fram erindi frá afgreiðslufundi byggingarfulltrúa frá 26. maí 2009 þar sem sótt er um leyfi til að byggja kúlulaga einbýlishús á þrem hæðum úr timbri á steyptum undirstöðum með torfþaki á lóð Perluhvamms úr landi Fitjakots á Álfsnesi. Erindinu var vísað til umfjöllunar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 5. júní 2009.
Meðfylgjandi er bréf frá Magnúsi Sædal dags. 16. júlí 2008, yfirlýsing frá Einari Þorsteini 1. feb. 2006 og afsalsbréf 31. júlí 1995
Stærðir: Lagnakjallari 80 ferm., 1. hæð 125 ferm., 2. hæð 115,29 ferm., 3. hæð 41,29 Samtals: 362 ferm., 1.053,6 rúmm.Gjald kr. 7.700 + 81.12
Frestað með vísan til umsagnar skipulagsstjóra.
29.09 Kjalarnes, Fitjar, deiliskipulag
Á fundi skipulagsstjóra 21. september 2007 var lögð fram tillaga Einars Ingimarssonar ark., dags. 21. mars 2007, að deiliskipulagi Fitja á Kjalarnesi. Um er að ræða deiliskipulag lóða fyrir íbúðarhús og aðrar byggingar fyrir starfsemi sem tengist ferðaþjónustu og landbúnaði. Einnig lögð fram umsögn skipulagsfulltrúa, dags. 1. desember 2005. Lögð fram umsögn veiðifélags Leirvogsár, dags. 12. apríl 2007 og umsögn Umhverfis- og samgöngusviðs, dags. 7. maí 2008.
Erindinu var vísað til umsagnar í austurteymi arkitekta hjá skipulagsstjóra og er nú lagt fram að nýju ásamt uppdráttum dags. 28. apríl 2009 og umsögn skipulagsstjóra dags. 4. júní 2009.
Frestað með vísan til umsagnar skipulagsstjóra.
30.09 Varmadalur 4, stálgrindarskemma
Lagt fram erindi frá afgreiðslufundi byggingarfulltrúa frá 2. júní 2009 þar sem sótt er um leyfi til að byggja stálgrindarskemmu klæddri með yleiningum í Varmadal 4 í Reykjavík.
Meðfylgjandi er bréf hönnuðar dags. 11. maí 2009
Stærðir: 334 ferm., 1.612,2 rúmm.
Gjald kr. 7.700 + 12.414
Vísað til umfjöllunar hjá verkefnisstjóra svæðisins.
31.09 Barðastaðir 61, trjágróður á borgarlandi
Lagt fram bréf Lögfræðistofu Reykjavíkur f.h. íbúa að Barðastöðum 63, dags. 20. maí 2009, varðandi trjágróður á borgarlandi við Barðastaði 61.
Vísað til umsagnar lögfræði og stjórnsýslu.
32.09 Kjalarnes, Perluhvammur, (fsp)
Á fundi skipulagsstjóra 8. maí 2009 var lögð fram fyrirspurn lóðarhafa mótt. 7. maí 2009 þar sem óskað er eftir áliti á deiliskipulagi landspildunnar að Perluhvammi á Kjalarnesi . Erindinu var vísað til umfjöllunar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 5. júní 2009.
Neikvætt með vísan til umsagnar skipulagsstjóra.