Blikastaðavegur 2-8, Gufunes, útivistarsvæði, skemmtigarður, Mógilsá, landspilda 125736, Hjallavegur 34-36, Teigahverfi norðan Sundlaugavegar, Sundin vestan Skeiðarvogs, Sundlaugavegur 37, Vetnisstöð, Bústaðavegur 130, Langagerði 74, Ofanleiti 14, Hamarshöfði 1, Viðarhöfði 2, Borgartún 35-37, Bergstaðastræti 13, Bergstaðastræti 16-20, Spítalastígur 6b, Fjölnisvegur 10, Garðastræti 23, Ingólfsgarður, Klapparstígur 19, Laugavegur 21, Laugavegur 21/Klapparstígur 30, Marargata 7, Túngata 26, Kjalarnes, Kjalarnes, Þverárkot, Laufásvegur 21-23, Borgartún 8-16,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

248. fundur 2009
Ár 2009, föstudaginn 13. mars kl. 11:30, hélt skipulagsstjóri Reykjavíkur 248. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Margrét Þormar, Bragi Bergsson, Margrét Leifsdóttir, Lilja Grétarsdóttir, Gunnhildur Gunnarsdóttir, Guðfinna Ósk Erlingsdóttir, Þórarinn Þórarinsson, Örn Þór Halldórsson og Björn Axelsson Ritari var Helga Björk Laxdal
Þetta gerðist:

1.09 Blikastaðavegur 2-8, breyting á deiliskipulagsskilmálum
Á fundi skipulagsráðs 3. desember 2008 var lagt fram erindi lóðarhafa dags. 4. nóvember 2008 varðandi breytingu á deiliskipulagi lóðarinnar nr. 2-8 við Blikastaðveg. Í erindinu felst að breyta skilmálum deiliskipulagsins vegna stærðar eininga. Erindinu var vísað til umsagnar hjá umhverfisstjóra skipulags- og byggingarsviðs og er nú lagt fram að nýju ásamt umsögn umhverfisstjóra skipulags- og byggingarsviðs dags. 26. nóvember 2008. Á fundi skipulagsráðs 18. febrúar 2009 var erindið lagt fram að nýju ásamt umsögn skipulags- og byggingarnefndar Mosfellsbæjar dags. 10. febrúar 2009.
Erindinu var frestað. Ráðið gerir ekki athugasemdir við að umsækjandi láti vinna nýja tillögu að breytingu á deiliskipulagi í samræmi við umsögn umhverfisstjóra skipulags- og byggingarsviðs. Nú lagður fram uppdráttur Arkþings dags. í mars 2009.
Vísað til skipulagsráðs.
2.09 Gufunes, útivistarsvæði, skemmtigarður, (fsp) breyting á deiliskipulagi
Lögð fram fyrirspurn Fjöreflis ehf. dags. 12. mars 2009 um breytingu á deiliskipulagi Gufunes útivistarsvæði vegna skemmtigarðs. í erindinu er spurt um hvort heimilað verði að færa og stækka byggingarreit samkvæmt uppdrætti Landarks dags. 20. nóvember 2008 mótt. 12. mars 2009.
Vísað til umsagnar Umhverfis- og samgöngusviðs vegna hættu á gasmyndun undir hugsanlegum byggingarreitum.
3.09 Mógilsá, landspilda 125736, (fsp) sumarhús
Á fundi skipulagsstjóra 6. febrúar 2009 var lögð fram fyrirspurn Ólafs Axelssonar ark., dags. 29. janúar 2009, um byggingu sumarhúss á landspildu 125736 í landi Mógilsár skv. uppdrætti, dags. í janúar 2009. Erindinu var vísað til umsagnar hjá umhverfisstjóra skipulags- og byggingarsviðs og er nú lagt fram að nýju ásamt umsögn umhverfisstjóra skipulags- og byggingarsviðs dags. 12. febrúar 2009. Einnig er lagt fram tölvubréf Ólafs Axelssonar dags. 13. mars 2009 þar sem erindið er afturkallað.
Erindið er fellt niður með vísan til meðfylgjandi erindis.
4.09 Hjallavegur 34-36, (fsp) setja niður garðhús
Lagt fram erindi frá afgreiðslufundi byggingarfulltrúa frá 10. mars 2009 þar sem þar sem spurt er hvort leyft yrði að koma fyrir garðskála úr timbri í suðvesturhorni lóðar tvíbýlishússins nr. 34-36 við Hjallaveg.
Vísað til meðferðar hjá verkefnisstjóra Sundahverfis.
5.09 Teigahverfi norðan Sundlaugavegar, forsögn 2009
Lögð fram drög að forsögn að deiliskipulagi Teigahverfis norðan Sundlaugavegar dags. mars 2009.
Drög að forsögn kynnt.
6.09 Sundin vestan Skeiðarvogs, forsögn 2009
Lögð fram drög að forsögn að deiliskipulagi Sunda vestan Skeiðarvogs dags. mars 2009.
Drög að forsögn kynnt.
7.09 Sundlaugavegur 37, (fsp) stækkun lóðar, uppbygging á lóð
Á fundi skipulagsstjóra 30. maí 2008 var lögð fram fyrirspurn Arkþings f.h. 501 ehf, dags. 22. maí 2008, um stækkun á lóð að Sundlaugavegi 37 og uppbyggingu á lóðinni. Einnig lagður fram tölvupóstur Grétars Már Sigurðssonar, dags. 19. júní 2008 með beiðni um að málinu verði frestað. Erindið nú lagt fram að nýju ásamt nýjum uppdráttum Arkþing dags. 24. febrúar 2009.
Vísað til meðferðar hjá verkefnisstjóra Sundahverfis
8.09 Vetnisstöð, beiðni um athugun á aðstöðu fyrir vetnisstöð Nýorku
Á fundi skipulagsstjóra 24. október 2008 var lögð fram umsókn Nýorku, dags. 11. október 2008 um lóð fyrir vetnisstöð. Erindinu var vísað til meðferðar hjá verkefnisstjóra Vatnsmýrar og er nú lagt fram að nýju ásamt umsókn Vistorku dags. 19. febrúar 2009 um afnot af lóð, minnisblaði Icelandic Hydrogen dags. 10. október 2008 og tölvupósti Icelandic Hydrogen dags. 16. febrúar 2009 Einnig lagt fram minnisblað skipulagsstjóra dags. 10. mars 2009.
Minnisblað skipulagsstjóra samþykkt.
9.09 Bústaðavegur 130, (fsp) lóðastækkun
Á afgreiðslufundi skipulagsstjóra 13. febrúar 2009 var lagt fram erindi frá afgreiðslufundi byggingarfulltrúa frá 10. febrúar 2009 þar sem spurt er hvort leyfi fengist fyrir lóðastækkun skv. meðfylgjandi uppdráttum af söluskálanum á lóð nr. 130 við Bústaðaveg. Erindið nú lagt fram að nýju ásamt umsögn umhverfis- og samgöngusviðs, dags., 23. febrúar 2009 og umsögn skipulagsstjóra dags. 12. mars 2009.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi í samræmi við leiðbeiningar í umsögn skipulagsstjóra.
10.09 Langagerði 74, stækkun einbýlish.
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 3. febrúar 2009 þar sem sótt er um leyfi til að byggja við úr steinsteypu og tengja bílskúr íbúðarhúsi, sameina matshluta 01 og 02, stækka svalir á austurhlið og byggja timburverönd við einbýlishús á lóð nr. 74 við Langagerði. 11. Grenndarkynning stóð frá 11. febrúar til 11. mars 20009. Eftirtaldir aðilar sendu inn athugasemdir: Hugrún Jónsdóttir og Pétur Már Jónsson, Langagerði 92, dags., 18. febrúar 2009. Einnig er lögð fram umsögn skipulagsstjóra dags. 12. mars 2009.
Vísað til skipulagsráðs.
11.09 Ofanleiti 14, breyting á deiliskipulagi
Lögð fram umsókn Guðna Pálssonar f.h. Hamborgarabúllu Tómasar ehf., dags. 10. mars 2009, um breytingu á deiliskipulagi Kringlubæjar vegna lóðar nr. 14 við Ofanleiti samkvæmt uppdrætti, dags. 6. mars 2009.
Frestað. Lagfæra þarf uppdrætti.
12.09 Hamarshöfði 1, breyting á deiliskipulagi
Lagt fram erindi Bemar ehf. dags. 12. mars 2009 varðandi breytingu á deiliskipulagi Ártúnshöfða vegna lóðarinnar nr. 1 við Hamarshöfða. Í breytingunni felst að gert er ráð fyrir húsvarðaríbúð á efstu hæð samkvæmt uppdrætti Arkitekta Ólöf & Jon ehf. dags. 11. mars 2009.
Samþykkt að grenndarkynna framlagða tillögu fyrir hagsmunaaðilum að Hamarshöfða 3 og 5 ásamt Smiðshöfða 6, 8 og 10, þegar uppdrættir hafa verið lagfærðir.

13.09 Viðarhöfði 2, (fsp) sambýli
Lögð fram fyrirspurn SÁÁ dags. 4. mars 2009 varðandi leyfi til að reka sambýli að Viðarhöfða 2. Einnig er lögð fram umsögn skipulagsstjóra dags. 13. mars 2009.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi með vísan til umsagnar skipulagsstjóra.
14.09 Borgartún 35-37, (fsp) 37 - færanleg vararafstöð
Lagt fram erindi frá afgreiðslufundi byggingarfulltrúa frá 10. mars 2009 þar sem spurt er hvort leyfi fengist til að staðsetja 20 feta gám í 24 mánuði, sem inniheldur færanlega vararafstöð, við húsnæði Nýherja hf á lóð nr. 35- 37 við Borgartún.
Málinu fylgir bréf frá Skyggni dags 6. mars 2009, bréf frá Eflu verkfræðistofu dags. 19. nóv. 2008. Tölvupóstur frá Jóni Fannari Karlssyni - Taylor dags 6. mars 2009.
Vísað til meðferðar hjá verkefnisstjóra Borgartúns.
15.09 Bergstaðastræti 13, kæliklefi, tímabundið leyfi
Á fundi skipulagsstjóra 27. febrúar 2009 var lögð fram erindi Reynis Sæmundssonar arkitekts f.h. Bernhöftsbakarís, dags. 23 febrúar. 2009, um tímabundið leyfi fyrir kæliklefa á lóð nr. 13 við Bergstaðastræti samkvæmt uppdrætti, dags. 21. maí 2004. Erindinu var vísað til umfjöllunar hjá verkefnisstjóra miðborgar og er nú lagt fram að nýju.
Hönnuður hafi samband við embætti skipulagsstjóra.
16.09 Bergstaðastræti 16-20, Spítalastígur 6b, (fsp) breyting á deiliskipulagi Bergstaðastrætisreits
Lögð fram fyrirspurn Laug ehf., dags. 26. febrúar 2009 varðandi breytingu á deiliskipulagi Bergstaðastrætisreits vegna lóðanna nr. 16,18 og 20 við Bergstaðastræti og lóðarinnar nr. 6B við Spítalastíg. Í breytingunni felst að breyta notkun húsnæðisins frá því að vera íbúðarhúsnæði í að vera hótelíbúðir samkvæmt uppdrætti Krads, dags. 25. febrúar 2009.
Frestað.
17.09 Fjölnisvegur 10, (fsp) viðbygging, bílskúr o.fl.
Lagt fram erindi frá afgreiðslufundi byggingarfulltrúa frá 10. mars 2009 þar sem spurt er hvort leyft yrði að rífa eldri bílskúr og byggja nýjan tvöfaldan bílskúr austan megin húss með bílskýli fyrir framan, að byggja viðbyggingu við vesturgafl, gera kvist á götuhlið, breyta inngangi, grafa frá og út úr hluta kjallara, lækka gólf þar og útbúa íbúð í einbýlishúsinu á lóð nr. 10 við Fjölnisveg.
Vísað til umsagnar hjá verkefnisstjóra íbúðasvæðis miðborgar.
18.09 Garðastræti 23, (fsp) skilgreining byggingarlínu
Lögð fram fyrirspurn Minjaverndar hf. dags. 10. mars 2009 varðandi skilgreiningu á byggingarlínu til austurs á lóðinni nr. 23 við Garðastræti samkvæmt uppdrætti Argos ehf. dags. 1. mars 2009.
Ekki eru gerðar athugasemdir við erindið.
19.09 Ingólfsgarður, breyting á deiliskipulagi
Á fundi skipulagsstjóra 27. febrúar 2009 var lagt fram erindi Faxaflóahafna dags. 13. febrúar 2009 varðandi breytingu á deiliskipulagi Austurhafnar. Í breytingunni felst að gert er ráð fyrir byggingarreit fyrir félagsheimili siglingaklúbbsins Brokeyjar samkvæmt uppdrætti VA arkitekta, dags. 9. janúar 2009. Erindinu var vísað til meðferðar hjá verkefnisstjóra miðborgar og er nú lagt fram að nýju.
Frestað.
20.09 Klapparstígur 19, (fsp) nýbygging
Á fundi skipulagsstjóra 27. febrúar 2009 var lögð fram fyrirspurn Stefáns Guðjónssonar dags. 24. febrúar 2009 varðandi nýbyggingu á lóðinni nr. 19 við Klapparstíg samkvæmt uppdrætti Arkís ehf. dags. 22. janúar 2009.
Vísað til skipulagsráðs.
21.09 Laugavegur 21, breyting inni
Á fundi skipulagsstjóra 6. mars 2009 var lagt fram erindi frá afgreiðslufundi byggingarfulltrúa frá 3. mars 2009 þar sem sótt er um leyfi fyrir fyrirkomulagsbreytingu innanhúss á verslun með kaffisölu í kaffihús þar sem boðið verður uppá ýmsan varning til sölu í húsi á lóð nr. 21 við Laugaveg.Gjald kr. 7.700 Erindinu var vísað til umsagnar hjá verkefnisstjóra miðborgar og er nú lagt fram að nýju ásamt umsögn skipulagsstjóra dags. 12. mars 2009.
Ekki eru gerðar athugasemdir við erindið.
Frestað með vísan til umsagnar skipulagsstjóra. Aðalskipulagsferli ólokið.
22.09 Laugavegur 21/Klapparstígur 30, lagt fram bréf Valdimars Halldórssonar
Lögð fram orðsending ritara borgarstjóra, dags. 9. mars 2009 ásamt erindi Valdimars Halldórssonar frá 24. febrúar 2008 varðandi deilumál við byggingarfulltrúa. Málið er áframsent til skipulagsstjóra til umsagnar. Einnig er lagt fram minnisblað skipulagsstjóra dags. 12. mars 2009.
Minnisblað skipulagsstjóra samþykkt.
23.09 Marargata 7, (fsp) bilskúr
Lagt fram erindi frá afgreiðslufundi byggingarfulltrúa frá 10. mars 2009 þar sem spurt er hvort leyft yrði að byggja bílskúr með innkeyrslu frá Unnarstíg við fjölbýlishúsið á lóð nr. 7 við Marargötu
Vísað til meðferðar hjá verkefnisstjóra íbúðasvæðis miðborgar.
24.09 Túngata 26, breyting á deiliskipulag Landakotsreits
Lögð fram umsókn THG f.h. Landspítala Háskólasjúkrahúss , dags. 17. febrúar 2009, um breytingu á deiliskipulagi Landakotsreits. Í breytingunni felst að gert er ráð fyrir byggingarreit á lóðinni fyrir súrefniskút samkvæmt uppdrætti, dags. 12. feb. 2009.
Vísað til skipulagsráðs.
25.09 Kjalarnes, málefni hestamanna
Á fundi skipulagsstjóra 20. febrúar 2009 var lögð fram orðsending skrifstofu borgarstjóra, dags. 23. janúar 2009 ásamt erindi hestamannanefndar Íbúasamtaka Kjalarness frá maí 2008. Erindinu var vísað til meðferðar hjá verkefnisstjóra Kjalarness og er nú lagt fram að nýju ásamt umsögn skipulagsstjóra dags. 13. mars 2009.
Umsögn skipulagsstjóra samþykkt.
26.09 Kjalarnes, Þverárkot, (fsp) sumarhúsabyggð
Lögð fram fyrirspurn lóðarhafa dags. 9. mars 2009 varðandi leyfi til að skipuleggja sumarhúsabyggð í landi Þverárkots á Kjalarnesi samkvæmt uppdrætti Hauks Viktorssonar dags. í janúar 1988.
Vísað til meðferðar hjá umhverfisstjóra skipulags- og byggingarsviðs.
27.09 Laufásvegur 21-23, öryggisbúnaður og rimlar
Á fundi skipulagsstjóra 26. september 2008 var lagt fram erindi frá afgreiðslufundi byggingarfulltrúa frá 23. september 2008 þar sem sótt er um leyfi til að hækka girðingu og hlið að Laufásvegi, koma fyrir rimlum fyrir glugga og klifurhindrun á ljósastaur við Þingholtsstræti vegna sendiráðsbygginga á lóð nr. 21-23 við Laufásveg. Á fundinum var samþykkt að grenndarkynna framlagða umsókn fyrir hagsmunaaðilum að Laufásvegi 18, 18a, 20 og 22 þegar samþykki lóðarhafa að Laufásvegi 19 liggur fyrir. Nú lagður fram tölvupóstur Söru Axelsdóttur dags. 19. nóvember 2008. Gjald kr. 7.300. Erindinu var vísað til meðferðar lögfræði og stjórnsýslu og er nú lagt fram að nýju ásamt umsögn lögfræði og stjórnsýslu dags. 27. febrúar 2009
Umsögn lögfræði og stjórnsýslu samþykkt.
Vísað til fullnaðarafgreiðslu byggingarfulltrúa.
28.09 Borgartún 8-16, bréf Faxaflóahafna
Á fundi skipulagsráðs 21. janúar 2009 var lagt fram bréf Faxaflóahafna, dags. 9. október 2008, vegna byggingar á lóð nr. 8-16 við Borgartún sem skyggir á innsiglingavita Reykjavíkurhafna. Einnig lagður fram tölvupóstur ritara borgarstjóra frá 30. desember 2008 ásamt erindi Sjómannadagsráðs, dags. 16. desember 2008. Erindinu var frestað. Erindið nú lagt fram að nýju ásamt bréfi Samgönguráðuneytisins dags. 17. febrúar 2009. Erindinu var vísað til meðferðar hjá lögfræði og stjórnsýslu og er nú lagt fram að nýju.
Vísað til skipulagsráðs.