Austurstræti 17, Ásvallagata 56, Bárugata 35, Freyjugata 44, Grundarstígur 10, Ingólfsgarður, Kirkjustræti 14, Klapparstígur 17, Skólavörðustígur 30, Stýrimannastígur 14, Túngata 26, Urðarstígsreitir, Þórsgata 10, Grafarlækur-Stekkjarmóar-Djúpidalur, Barmahlíð 54, Borgartún 8-16, Brautarholt 8, Brautarás 5, Bústaðavegur 130, Heiðargerði 76, Hæðargarður 26, Víðimelur 36, Skipulagsráð, tillaga., Flugvallarvegur, Bílaleiga Flugleiða, Kjalarnes, Suður Mjódd, Bíldshöfði 9, Hamarshöfði 1, Starhagi 3, Laugateigur 24,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

245. fundur 2009
Ár 2009, föstudaginn 20. febrúar kl. 11:05, hélt skipulagsstjóri Reykjavíkur 245. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn hjá skipulagsstjóra í Borgartúni 12-14, 2. hæð Stardal. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Margrét Þormar, Bragi Bergsson, Lilja Grétarsdóttir, Björn Axelsson, Ágústa Sveinbjörnsdóttir, Gunnhildur Gunnarsdóttir, Örn Þór Halldórsson og Þórarinn Þórarinsson. Ritari var Helga Björk Laxdal
Þetta gerðist:

1.09 Austurstræti 17, (fsp) skilti
Á fundi skipulagsstjóra 13. febrúar 2009 var lögð fram fyrirspurn Opus lögmanna ehf. dags. 9. febrúar 2009 varðandi leyfi til að setja upp skilti á gafl hússins nr. 17 við Austurstræti samkvæmt meðfylgjandi myndum. Erindinu var vísað til umsagnar byggingarfulltrúa og er nú lagt fram að nýju ásamt umsögn byggingarfulltrúa dags. 17. febrúar 2008.
Ekki eru gerðar athugasemdir við erindið með vísan til umsagnar byggingarfulltrúa. Sækja skal um byggingarleyfi.
2.09 Ásvallagata 56, viðbygging
Lagt fram erindi frá afgreiðslufundi byggingarfulltrúa frá 17. febrúar 2009 þar sem sótt er um leyfi til að breyta innra skipulagi, stækka með viðbyggingu, setja svalahurð, garðtröppur og kjallaratröppur á einbýlishúsið á lóð nr. 56 við Ásvallagötu.
Stækkun: 19,5 ferm. og 53,0 rúmm.
Gjald kr. 7.700 + 4.081
Vísað til umfjöllunar hjá verkefnisstjóra vesturbæjar.
3.09 Bárugata 35, svalir
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 13. janúar 2009 þar sem sótt er um leyfi til að byggja svalir, sbr. fyrirspurn BN039114 dags. 4.11. 2008, við miðjukvist á vesturhlið íbúðarhúss á lóð nr. 35 við Bárugötu. Tillagan var grenndarkynnt frá 21. janúar til og með 18. febrúar 2009. Eftirtaldir aðilar sendu inn athugasemdir: Guðlaug Einarsdóttir Bárugötu 37 dags. 18. febrúar 2009. Bréf umsækanda dags. 3. febrúar 2009 fylgir erindinu en þar er óskað að erindið sé dregið til baka.
Gjald kr. 7.700.
Erindið er fellt niður með vísan til beiðni samkvæmt bréfi umsækanda dags. 3. febrúar 2009.
Vísað til fullnaðarafgreiðslu byggingarfulltrúa.
4.09 Freyjugata 44, (fsp) kvistir
Lagt fram erindi frá afgreiðslufundi byggingarfulltrúa frá 17. febrúar 2009 þar sem spurt er hvort leyft yrði að byggja kvisti á norður- og suðurhlið þaks og til að lyfta þaki á göflum eins og sýnt er á meðfylgjandi teikningum af fjölbýlishúsinu á lóð nr. 44 við Freyjugötu.
Vísað til umsagnar hjá verkefnisstjóra miðborgar.
5.09 Grundarstígur 10, (fsp) breyting inni og úti
Á fundi skipulagsráðs 11. febrúar 2009 var lagt fram erindi frá afgreiðslufundi byggingarfulltrúa frá 3. febrúar 2009 þar sem spurt er hvort byggja megi sal við kjallara einbýlishúss á lóð nr. 10 við Grundarstíg og breyta nýtingu þessa fyrrum íbúðarhúss Hannesar Hafstein í blandaða atvinnustarfsemi. Erindinu var vísað til meðferðar skipulagsstjóra og byggingarfulltrúa og er nú lagt fram að nýju ásamt umsögn skipulagsstjóra dags. 20. febrúar 2009.
Bréf frá hönnuði dags 26.jan. 2009
Vísað til skipulagsráðs.
6.09 Ingólfsgarður, breyting á deiliskipulagi
Lögð fram bókun hafnarstjórnar Faxaflóahafna frá 13. febrúar 2009, vegna deiliskipulags á Ingólfsgarði vegna Brokeyjar skv. uppdrætti VA arkitekta, dags. 9. janúar 2009.
Kynna formanni skipulagsráðs.
7.09 Kirkjustræti 14, (fsp) endurgerð á húsi
Lagt fram erindi frá afgreiðslufundi byggingarfulltrúa frá 17. febrúar 2009 þar sem spurt er hvort endurbyggja megi Skjaldbreið nr. 6-10 við Kirkjustræti og flytja Vonarstræti 12 á horn Kirkjustrætis og Tjarnargötu. Málið hefur verið sent Húsafriðunarnefnd og Borgarminjaverði til umsagnar. Meðfylgjandi er bréf arkitekta dags. 10.2.2009.
Vísað til skipulagsráðs.
8.09 Klapparstígur 17, (fsp) fjölbýlishús
Lagt fram erindi frá afgreiðslufundi byggingarfulltrúa frá 17. febrúar 2009 þar sem spurt er hvort leyft yrði að byggja fjögurra hæða fjölbýlishús eins og sýnt er á meðfylgjandi teikningum á lóð nr. 17 við Klapparstíg.
Vísað til umsagnar hjá verkefnisstjóra miðborgar.
9.09 Skólavörðustígur 30, (fsp) viðbygging
Lögð fram fyrirspurn Arkitektastofu Pálma Guðm ehf. f.h. Jóns Guðmundssonar, dags. 17 febrúar 2009 vegna viðbyggingar við gistiheimili að Skólavörðustíg 30.
Vísað til umsagnar hjá verkefnisstjóra miðborgar.
10.09 Stýrimannastígur 14, (fsp) atvinnustarfsemi, veitingaþjónusta
Lagt fram erindi frá afgreiðslufundi byggingarfulltrúa frá 17. febrúar 2009 þar sem spurt er hvort leyft yrði að innrétta veislueldhús og veitingaþjónustu í kjallara einbýlishússins á lóð nr. 14 við Stýrimannastíg.
Erindi fylgir virðingargjörð dags. 2. janúar 1944
Vísað til meðferðar hjá verkefnisstjóra vesturbæjar.
11.09 Túngata 26, breyting á deiliskipulag Landakotsspítala
Lögð fram umsókn THG f.h. Landspítalans, dags. 17. feb. 2009, um breytingu á deiliskipulagi Landakotsspítala skv. uppdrætti, dags. 12. feb. 2009. Breytingin felst í gerð byggingarreits á lóð fyrir súrefniskút.
Vísað til skipulagsráðs.
12.09 Urðarstígsreitir, tillaga að deiliskipulagi. Reitir 1.186.0 og 1.186.4
Lögð er fram tillaga Arkitekta Gunnars og Reynis sf. að deiliskipulagi Urðarstígsreita, reitir 1.186.0 og 1.186.4, dags. 15. janúar 2009. Einnig er lögð fram forsögn skipulagsstjóra dags. í nóvember 2007 og athugasemdir við forkynningu frá Sigurði Áss Grétarssyni, Braga L. Haukssyni, Rúnari Ingimarssyni og Birna Eggertsdóttur.
Kynnt.
13.09 Þórsgata 10, tengibygg. milli fram og bak húss
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 23. desember 2008 þar sem sótt er um leyfi til að byggja tengibyggingu milli fram- og bakhúss, til að gera upp bakhús og byggja við það til suðurs og austurs að lóðarmörkum og til að breyta í einbýlishús núverandi fjölbýlishúsi á lóð nr. 10 við Þórsgötu. Einnig lögð fram umsögn skipulagsstjóra dags. 16. janúar 2009. Tillagan var grenndarkynnt frá 21. janúar til og með 18. febrúar 2009. Engar athugasemdir bárust.
Stækkun: xx ferm., xx rúmm.Gjald kr. 7.300 + xx

Samþykkt með vísan til heimilda um fullnaðarafgreiðslur skipulagsstjóra í samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
14.09 Grafarlækur-Stekkjarmóar-Djúpidalur, lagt fram bréf
Lagt fram bréf Björns Axelssonar, dags. 18. feb. 2009 varðandi heimild til að vinna tillögu að breytingu á deiliskipulagi.
Vísað til skipulagsráðs.
15.09 Barmahlíð 54, brú, þaksvalir
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 13. janúar 2009 þar sem sótt er um leyfi fyrir áður gerðu opi í svalahandrið, til að gera brú af svölum íbúðar 01-0101 yfir á þak bílskúrs, gerð þaksvala sem afmarkaðar eru með blómakerjum úr timbri, og til að gera stiga af bílskúrsþaki niður í garð við fjölbýlishúsið á lóð nr. 54 við Barmahlíð. Erindi þessu var synjað 15. júlí 2008 en er nú tekið upp aftur eftir niðurstöðu úrskurðarnefndar um skipulags- og byggingamál. Tillagan var grenndarkynnt frá 22. janúar til og með 19. febrúar 2009. Einnig er lagt fram bréf dags. 18. febrúar 2009 frá Hörpu Magnadóttur og Baldri Trausta Hreinssyni, Barmahlíð 50, þar sem tekið er fram að þau vilji ekki taka afstöðu til erindis. Eftirtaldir aðilar sendu inn athugasemdir:
Löggarður ehf., dags. 2. febrúar 2009 f.h. eigenda að Barmahlíð 52, Erlendur S. Baldursson og Kristrún Ísaksdóttir, Barmahlíð 50, dags., 18. febrúar, Sæunn Ágústa Birgisdóttir, Barmahlíð 52, dags., 18. febrúar, bréf 12 íbúa við Barmahlíð og Mávahlíð, dags. mótt. 19. febrúar,
Sbr. fyrirspurn BN038364 dags. 10. júní 2008.
Útskrift úr gerðabók embættisafgreiðslufundar skipulagsstjóra frá 4. júlí 2008 fylgir erindinu. Erindi fylgir einnig bréf umsækjanda þar sem farið er fram á endurupptöku máls dags. 12. desember 2008 og samþykki meðeigenda í Barmahlíð 54 og 56.
Gjald kr. 7.300
Vísað til umsagnar hjá verkefnisstjóra Hlíðahverfis.
16.09 Borgartún 8-16, bréf Faxaflóahafna
Á fundi skipulagsráðs 21. janúar 2009 var lagt fram bréf Faxaflóahafna, dags. 9. október 2008, vegna byggingar á lóð nr. 8-16 við Borgartún sem skyggir á innsiglingavita Reykjavíkurhafna. Einnig lagður fram tölvupóstur ritara borgarstjóra frá 30. desember 2008 ásamt erindi Sjómannadagsráðs, dags. 16. desember 2008. Erindinu var frestað. Erindið nú lagt fram að nýju ásamt bréfi Samgönguráðuneytisins dags. 17. febrúar 2009.
Vísað til meðferðar hjá lögfræði og stjórnsýslu.
17.09 Brautarholt 8, endurnýjun byggingaleyfis
Að lokinni grenndarkynningu er lagt fram erindi frá afgreiðslufundi byggingarfulltrúa frá 23. desember 2008 þar sem sótt er um leyfi fyrir endurnýjun á byggingaleyfi erindi nr. BN037017 frá 18. des. 2007 sem var endurnýjun frá 4. október 2006, þar sem sótt er um leyfi til að byggja nýja hæð úr stálgrind klæddri múr ofan á húsið á lóðinni nr. 8 við Brautarholt. Grenndarkynning stóð yfir frá 21. janúar til og með 18. febrúar 2009. Eftirtaldir aðilar sendu inn athugasemdir: Íris Ólafsdóttir f.h. starfsfólks Icelandair Cargo, Brautarholti 8, dags. 23. janúar 2009.
Vísað til skipulagsráðs.
18.09 Brautarás 5, (fsp) breyting á deiliskipulagi
Lögð fram fyrirspurn Sigríðar Halldórsdóttur dags. 19. febrúar 2009 varðandi breytingu á deiliskipulagi Norður-Selás vegna lóðarinnar nr. 5 við Brautarás.
Í breytingunni felst að byggja yfir svalir á 2. hæð samkv. meðfylgjandi uppdrætti ASK arkitekta dags. 10. febrúar 2009.
Ekki eru gerðar athugasemdir við erindið. Samræmist deiliskipulagi. Samþykki allra meðlóðarhafa skal fylgja með umsókn um byggingarleyfi.
19.09 Bústaðavegur 130, (fsp) lóðastækkun
Á afgreiðslufundi skipulagsstjóra 13. febrúar 2009 var lagt fram erindi frá afgreiðslufundi byggingarfulltrúa frá 10. febrúar 2009 þar sem spurt er hvort leyfi fengist fyrir lóðastækkun skv. meðfylgjandi uppdráttum af söluskálanum á lóð nr. 130 við Bústaðaveg. erindinu var vísað til meðferðar hjá verkefnisstjóra Fossvogshverfis og er nú lagt fram að nýju.
Vísað til umsagnar hjá umhverfis- og samgöngusviði.
20.09 Heiðargerði 76, breyting á deiliskipulagi
Lögð fram umsókn Guðmundar Eggertssonar, mótt. 17. desember 2008, um breytingu á deiliskipulagi vegna lóðar nr. 76 við Heiðargerði samkvæmt uppdrætti Húss og skipulags dags. í janúar 2006. Í breytingunni felst tillaga að hækkun á nýtingarhlutfalli. Einnig er lagður fram úrskurður úrskurðarnefndar skipulags- og byggingarmála dags. 24. júlí 2008 þar sem samþykkt skipulagsráðs Reykjavíkurborgar frá 15. mars 2006, um að synja um breytingu á deiliskipulagi Heiðargerðisreits vegna lóðarinnar að Heiðargerði 76, er felld úr gildi. Erindi var samþykkt í grenndarkynningu á fundi skipulagsráðs þann 14. janúar 2009 og er nú lagt fram að nýju. Grenndarkynning stóð frá 19. janúar til og með 16. febrúar 2009. Eftirtaldir aðilar sendu inn athugasemdir: Steinunn Ásg. Frímannsdóttir, Heiðargerði 90, dags. 13. febrúar, Ásberg M. Einarsson, Heiðargerði 90, dags. 13. febrúar, María Hlinadóttir og Magnús Halldórsson, Heiðargerði 88, dags. 16. febrúar.
Athugasemdir kynntar.
Vísað til umsagnar verkefnisstjóra Fossvogs.
21.09 Hæðargarður 26, (fsp) breyting á deiliskipulagi
Á afgreiðslufundi skipulagsstjóra 13. febrúar 2009 var lögð fram fyrirspurn Hilmars J. Magnússonar fh. lóðarhafa Hæðargarðs 26 dags. 12. febrúar 2009 varðandi breytingu á deiliskipulagi Bústaðahvefis vegna lóðarinnar nr. 26 við Hæðargarð. Í breytingunni felst leyft verði að byggja geymsluskúra á lóðinni samkv. meðfylgjandi uppkasti mekt B. Erindinu vísað til meðferðar verkefnisstjóra Fossvogshverfis og er nú lagt fram að nýju.
Fyrirspyrjandi hafi samband við verkefnisstjóra Fossvogs hjá embætti skipulagsstjóra.
22.09 Víðimelur 36, br. notkun á bílskúr
Lagt fram erindi frá afgreiðslufundi byggingarfulltrúa frá 10. febrúar 2009 þar sem sótt er um leyfi fyrir áður gerðri breytingu á bílskúrshurð og fyrir breyttri notkun bílskúrs við fjölbýlishúsið á lóð nr. 36 við Víðimel.
Málinu fylgir bréf frá byggingarfulltrúa Reykjavíkur um óleyfisframkvæmdir dags 13.jan.2009. Bréf frá Helgu K. Lund arkitekt dags. 3.feb. 2009. Gjald kr.7.700
Neikvætt. Ekki er heimilt að gera ráð fyrir íbúðum í bílgeymslum.
23.09 Skipulagsráð, tillaga., Glaðari gaflar./ Gengið að göflunum
Á fundi skipulagsráðs 18. febrúar 2008 var lögð fram eftirfarandi tillaga skipulagsráðs; "Skipulagsráð samþykkir að fela skipulagsstjóra að undirbúa hugmyndaleit meðal almennings um leiðir og möguleika til að gæða gafla miðborgarinnar lífi. Slík hugmyndaleit felur í sér margskonar sóknarfæri og möguleika fyrir skapandi fólk, listamenn og arkitekta, unga og aldna, handverksfólk og iðnaðarmenn og gæti þannig orðið atvinnuskapandi. Um gæti verið að ræða gróður, myndlist eða nýja og óvænta efnisnotkun".
Tillögunni var vísað til nánari meðferðar embættis skipulagsstjóra.
Samþykkt að mynda starfshóp um þróun tillögunnar. Í hópnum skulu eiga sæti Bragi Bergsson, Margrét Leifsdóttir og Örn Þór Halldórsson sem stýrir vinnu hópsins. Með hópnum skal starfa verkefnisstjóri upplýsingamála.
24.09 Flugvallarvegur, Bílaleiga Flugleiða, framtíðaruppbygging
Lögð fram orðsending skrifstofu borgarstjóra dags. 17. febrúar 2009 ásamt erindi stjórnarformanns Hertz bílaleigunnar dags. 12. febrúar 2009 varðandi framtíðaruppbyggingu á lóð þeirra við Flugvallaveg. Einnig er lagt fram minnisblað skipulagsstjóra dags. 20. febrúar 2008.
Minnisblað skipulagsstjóra samþykkt.
25.09 Kjalarnes, málefni hestamanna
Á fundi skipulagsstjóra 6. febrúar 2009 var lögð fram orðsending skrifstofu borgarstjóra, dags. 23. janúar 2009 ásamt erindi hestamannanefndar Íbúasamtaka Kjalarness frá maí 2008. Erindinu var vísað til meðferðar umhverfisstjóra og er nú lagt fram að nýju.
Vísað til meðferðar hjá verkefnisstjóra Kjalarness.
26.09 Suður Mjódd, nýtt deiliskipulag
Lagt fram bréf Skipulagsstofnunar dags. 13. febrúar 2009 þar sem gerðar eru ýmsar athugasemdir við erindið.
Vísað til meðferðar hjá verkefnisstjóra deiliskipulagsins.
27.09 Bíldshöfði 9, breyting á deiliskipulagi
Lagt fram erindi Einars V. Tryggvasonar f.h. Eyrarlands ehf., dags. 18. desember 2008 um breytingu á deiliskipulagi lóðar nr. 9 við Bíldshöfða. Sótt er um aukningu á byggingarmagni og breytta aðkomu að lóð í samræmi við meðfylgjandi uppdrætti dags. 13. janúar 2009. Einnig lagt fram samþykki meðeigenda dags. 13. janúar 2009.
Vísað til skipulagsráðs.
28.09 Hamarshöfði 1, innrétta húsvarðaríbúð
Lagt fram erindi frá afgreiðslufundi byggingarfulltrúa frá 17. febrúar 2009 þar sem sótt er um leyfi til að innrétta húsvarðaríbúð á 2. hæð í atvinnuhúsnæðinu samanber fyrirspurn BN035830 dags. 30. apríl 2007 á lóð nr. 1 við Hamarshöfða.Gjald kr. 7.700. Einnig lögð fram umsögn skipulagsstjóra dags. 19. febrúar 2009.
Neikvætt. Samræmist ekki landnotkun samkvæmt aðalskipulagi og ákvæðum deiliskipulags.
29.09 Starhagi 3, (fsp) breyting á deiliskipulagi
Lögð fram fyrirspurn Davíðs Pitt arkitekts dags. 2. feb. 2009 um breytingu á deiliskipulagi vegna lóðarinnar Starhaga 3 skv skýringarmyndum og mæliblaði.
Kynna formanni skipulagsráðs.
30.09 Laugateigur 24, endurinnrétta 1.hæð og kj.
Á afgreiðslufundi skipulagsstjóra 13. febrúar 2009 var lagt fram erindi frá afgreiðslufundi byggingarfulltrúa frá 10. febrúar 2009 þar sem sótt er um leyfi til að grafa frá kjallara að hluta, til að grafa ljósagryfjur og koma fyrir nýjum gluggum og hurðum á kjallara, til að breyta innra fyrirkomulagi og innrétta sem íbúð 1. hæð og kjallara verslunar- og íbúðarhússins nr. 24 við Laugateig. Erindinu var vísað til umsagnar hjá verkefnisstjóra Teigahverfis og er nú lagt fram að nýju ásamt umsögn skipulagsstjóra dags. 20. febrúar 2009.
Meðfylgjandi er samþykki meðeigenda dags. 3.2.2009
Stækkun: xx rúmm.Gjald kr. 7.700 + xx
Ekki eru gerðar athugasemdir við erindið með vísan til umsagnar skipulagsstjóra.