Gerðhamrar 18, Sléttuvegur, Kringlumýrarbraut 100, Esso, Baldursgötureitur 1, Bárugata 35, Fossagata 3, Urðarstígsreitir, Þórsgata 6, Þórsgata 10, Hverfisgata 103, Laugavegur 12, Lækjargata MR, Klapparstígur/Grettisgata, Skólastræti 3b, Smáragata 3, Barmahlíð 54, Bröndukvísl 14, Kirkjuteigur 21, Brautarholt 8 173360, Skipholt 23, Gnoðarvogur 43, Menntaskólinn við Sund, Sundagarðar 4-6,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

240. fundur 2009
Ár 2009, föstudaginn 16. janúar kl. 10:05 var haldinn 240. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 12-14, 2 hæð. (Stardal).Viðstaddir voru:
Þetta gerðist:

1.09 Gerðhamrar 18, breyting á deiliskipulagi
Að lokinni grenndarkynningu er lögð fram að nýju umsókn lóðarhafa dags. 23. október 2008 varðandi breytingu á deiliskipulagi lóðarinnar nr. 18 við Gerðhamra. Í breytingunni felst að byggja sólskála samkv. meðfylgjandi uppdrætti Gunnlaugs Jónassonar dags. 24. október 2008. Grenndarkynningin stóð frá 11. desember 2008 til og með 14. janúar 2009. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
2.09 Sléttuvegur, breyting á skilmálum 2008
Lagt fram erindi Félagsstofnunar Stúdenta dags. 4. desember 2008 varðandi breytingu á skilmálum á deiliskipulagi Sléttuvegar vegna Skógarvegar 18-22. Í breytingunni felst að heimilt er að byggja 80 íbúðir í stað 75 á lóðinni sem merkt er C á samþykktu deiliskipulagi. Einnig er lagt fram bréf Skipulagsstofnunar dags. 12. janúar 2009 þar sem gerðar eru athugasemdir við birtingu auglýsingar í B-deild Stjórnartíðinda.
Vísað til afgreiðslu hjá verkefnisstjóra deiliskipulagsins.
3.09 Kringlumýrarbraut 100, Esso, orðsending borgarstjóra
Lögð fram orðsending borgarstjóra dags. 15. janúar 2009 ásamt bréfi bréfi Kristjönu Gunnarsdóttur dags. 8. janúar 2008 varðandi niðurrif hússins nr. 100 við Kringlumýrarbraut .

4.09 Baldursgötureitur 1, deiliskipulag, reitur 1.186.3
Að lokinni auglýsingu er lögð fram að nýju tillaga Teiknistofunnar Traðar samkv. meðfylgjandi uppdráttum dags. 15. september 2008. Reiturinn afmarkast af Freyjugötu, Baldursgötu, Þórsgötu og Njarðargötu. Tillagan var auglýst frá 8. október til og með 19. nóvember 2008. Eftirtaldir aðilar sendu inn athugasemdir:
Lára V. Júlíusdóttir og Þorsteinn Haraldsson. eig. Freyjugötu 17, dags. 16. nóv. 2008, Helga Lára Þorsteinsdóttir, Freyjugötu 17b dags. 17. nóv., Harpa Þórsdóttir og Kári Sölmundarson, Þórsgötu 18a dags.17. nóv., Sigurbjörn Þorkelsson og Aðalheiður Magnúsdóttir, eig. Freyjugötu 17, dags. 18. nóv., Nína Magnúsdóttir, Þórsgötu 14 dags.18. nóv., Guðríður Jóhannesdóttir, Þórsgötu 16, dags. 18. nóv., Lilja Gunnarsdóttir og Eyjólfur Ingi Ásgeirsson, Þórsgötu 19, dags. 19. nóv., Helgi Gunnarsson f.h. Baldurgötu ehf. (Baldursgata 32 og 34), dags. 19. nóv. Einnig lögð fram umsögn skipulagsstjóra dags. 2. desember 2008. Einnig er lagt fram bréf Skipulagsstofnunar dags. 7. janúar 2009 þar sem gerðar eru athugasemdir við birtingu auglýsingar í B-deild Stjórnartíðinda.
Vísað til afgreiðslu hjá verkefnisstjóra deiliskipulagsins.
5.09 Bárugata 35, svalir
Lagt fram erindi frá afgreiðslufundi byggingarfulltrúa frá 13. janúar 2009 þar sem sótt er um leyfi til að byggja svalir, sbr. fyrirspurn BN039114 dags. 4.11. 2008, við miðjukvist á vesturhlið íbúðarhúss á lóð nr. 35 við Bárugötu.
Gjald kr. 7.700
Samþykkt að grenndarkynna framlagða umsókn fyrir hagsmunaaðilum að Bárugötu 37.
6.09 Fossagata 3, breyting á deiliskipulagi
Á fundi skipulagsstjóra 28. nóvember 2008 var lagt fram erindi Gísla Jónssonar dags. 21. nóvember 2008 varðandi breytingu á deiliskipulagi lóðarinnar nr. 3 við Fossagötu. Í breytingunni felst að byggja við húsið samk. meðfylgjandi uppdrætti Zeppelin arkitekta dags. 29. október 2008. Tillagan var grenndarkynnt frá 9. desember 2008 til og með 14. janúar 2009. Erindið nú lagt fram að nýju ásamt tölvupósti lóðarhafa Fossagötu 1 dags. 13. janúar 2009 þar sem óskað er eftir framlengdum athugasemdafresti.
Samþykkt að framlengja frest til að gera athugasemdir við tillöguna til 21. janúar nk.
7.09 Urðarstígsreitir, tillaga að deiliskipulagi. Reitir 1.186.0 og 1.186.4
Lögð er fram tillaga Arkitekta Gunnars og Reynis sf. að deiliskipulagi Urðarstígsreita, reitir 1.186.0 og 1.186.4, dags. 15. janúar 2009. Einnig er lögð fram forsögn skipulagsstjóra dags. í nóvember 2007 og athugasemdir við forkynningu frá Sigurði Áss Grétarssyni, Braga L. Haukssyni, Rúnari Ingimarssyni og Birna Eggertsdóttur.
Tillagan kynnt.
Frestað.
8.09 Þórsgata 6, (fsp) niðurrif - nýbygging
Á fundi skipulagsstjóra 9. janúar 2009 var lögð fram fyrirspurn Tark f.h. Guðmundar Kristinssonar ehf., dags. 17. desember 2008, um að fjarlægja núverandi hús á lóð nr. 6 við Þórsgötu og byggja þess í stað hús með 6 íbúðum skv. uppdrætti, dags. 16. desember 2008. Erindinu var vísað til umsagnar hjá verkefnisstjóra íbúðasvæðis miðborgar og er nú lagt fram að nýju ásamt umsögn skipulagsstjóra dags. 16. janúar 2009.
Ekki eru gerðar athugasemdir við erindið með þeim fyrirvörum sem fram koma í umsögn skipulagsstjóra. Byggingarleyfisumsókn verður grenndarkynnt þegar hún berst.
9.09 Þórsgata 10, tengibygg. milli fram og bak húss
Á fundi skipulagsstjóra var lagt fram erindi frá afgreiðslufundi byggingarfulltrúa frá 23. desember 2008 þar sem sótt er um leyfi til að byggja tengibyggingu milli fram- og bakhúss, til að gera upp bakhús og byggja við það til suðurs og austurs að lóðarmörkum og til að breyta í einbýlishús núverandi fjölbýlishúsi á lóð nr. 10 við Þórsgötu. Stækkun: xx ferm., xx rúmm.Gjald kr. 7.300 + xx
Erindinu var vísað til umsagnar hjá verkefnisstjóra íbúðasvæðis miðborgar og er nú lagt fram að nýju ásamt umsögn skipulagsstjóra dags. 16. janúar 2009.
Samþykkt að grenndarkynna framlagða umsókn fyrir hagsmunaðilum að Þórsgötu 8 og 12 ásamt Freyjugötu 9, 11 og 11a.
10.09 Hverfisgata 103, breyting á deiliskipulagi
Að lokinni auglýsingu er lögð fram tillaga Plúsarkitekta dags. 9. október 2008 að breytingu á deiliskipulagi lóðarinnar nr. 103 við Hverfisgötu. Í breytingunni felst að rífa núverandi byggingar og randbyggja lóðina samanber meðfylgjandi uppdrætti Plúsarkitekta dags. 5. nóvember 2008. Auglýsing stóð yfir frá 26. nóvember 2008 til og með 12. janúar 2009. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
11.09 Laugavegur 12, vísað til byggingarfulltrúa
Að lokinni grenndarkynningu er lögð fram að nýju byggingarleyfisumsókn BN037678 frá Laugabergi hf. þar sem sótt er um leyfi til að setja upp tvo veggi með hurðum til að mynda 21,2 ferm. lokað port með þaki úr segldúk að þremur fjórðuhluta milli húsana á lóð nr. 1 við Bergstaðarstræti (sbr. fyrirspurn nr. BN37445) og Laugavegar 12. hurðirnar eru ekki læsanlegar og eru 1,0 meter á breidd til að tryggja flóttaleiðir úr portinu á lóðinni nr. 12 við Laugaveg. Lagt fram bréf eiganda Laugavegar 12b dags. 7. febrúar 2008 , bréf byggingarfulltrúa til borgarráðs dags. 7. febrúar 2008 og bréf borgarráðs dags. 22. febrúar 2008 þar sem samþykkt er að vísa málinu að nýju til meðferðar byggingarfulltrúa. Jafnframt lagt fram bréf Tryggva Þórhallssonar hdl. dags. 21. mai 2008, umsögn lögfræði- og stjórnsýslu dags. 8. júlí 2008, bréf borgarráðs dags. 7. ágúst 2008 og tölvupóstur Tryggva Þórhallssonar hdl. dags. 26. ágúst 2008. Tillagan var grenndarkynnt frá 11. desember 2008 til og með 14. janúar 2009.
Eftirtaldir aðilar sendu inn athugasemdir: Magnús Þráinsson f.h. Laugavegs 12b ehf., dags. 14. janúar 2009.
Vísað til skipulagsráðs.
12.09 Lækjargata MR, (fsp) byggja skólahús
Á fundi skipulagsstjóra 9. janúar 2008 var lagt fram erindi frá afgreiðslufundi byggingarfulltrúa frá 6. janúar 2009 þar sem spurt er hvort leyft yrði að byggja skólahúsnæði eins og sýnt er á meðfylgjandi teikningum á baklóð MR nr. 7 við Lækjargötu og yfir á lóðir nr. 2, 2B, 4 og 4B við Amtmannsstíg. Erindinu var vísað til meðferðar hjá verkefnisstjóra miðborgar og er nú lagt fram að nýju.
Erindi fylgir yfirlýsing VSI dags. 22. desember 2008

Frestað.
13.09 Klapparstígur/Grettisgata, frágangur götu
Lögð fram tillaga Kjartans Mogensen, landslagsarkitekts að yfirborðsfrágangi Klapparstígs/Grettisgötu dags. 15. janúar 2009.
Vísað til skipulagsráðs.
14.09 Skólastræti 3b, breyting á deiliskipulagi
Á fundi skipulagsstjóra 19. desember 2008 var lögð fram umsókn Zeppelin arkitekta f.h. Óttars Yngvasonar, dags. 18. des. 2008, um breytingu á deiliskipulagi lóðar nr. 3b við Skólastræti vegna niðurrifs bakhúss og nýbyggingar skv. uppdrætti, dags. 16. des. 2008. Einnig er lögð fram umsögn skipulagsstjóra dags. 18. desember 2008. Erindinu var frestað. Lagfæra þarf uppdrætti.
Frestað.
15.09 Smáragata 3, breyting á deiliskipulagi
Að lokinni grenndarkynningu er lögð fram að nýju umsókn Laufeyjar H. Jónsdóttur dags. 18. september 2008 varðandi breytingu á deiliskipulagi lóðarinnar nr. 3 við Smáragötu. Í breytingunni felst að stækka byggingarreit til norðurs, einnig er gert ráð fyrir geymsluskúr við jaðar lóðarmarka í norður samkv. meðfylgjandi uppdrætti Atelier Arkitekta ehf. dags. 15. desember 2008. Tillagan var grenndarkynnt frá 10 desember til og með 12. janúar 2009. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
16.09 Barmahlíð 54, brú, þaksvalir
Lagt fram erindi frá afgreiðslufundi byggingarfulltrúa frá 13. janúar 2009 þar sem sótt er um leyfi fyrir áður gerðu opi í svalahandrið, til að gera brú af svölum íbúðar 01-0101 yfir á þak bílskúrs, gerð þaksvala sem afmarkaðar eru með blómakerjum úr timbri, og til að gera stiga af bílskúrsþaki niður í garð við fjölbýlishúsið á lóð nr. 54 við Barmahlíð. Erindi þessu var synjað 15. júlí 2008 en er nú tekið upp aftur eftir niðurstöðu úrskurðarnefndar um skipulags- og byggingamál.
Sbr. fyrirspurn BN038364 dags. 10. júní 2008.
Útskrift úr gerðabók embættisafgreiðslufundar skipulagsstjóra frá 4. júlí 2008 fylgir erindinu.
Erindi fylgir einnig bréf umsækjanda þar sem farið er fram á endurupptöku máls dags. 12. desember 2008 og samþykki meðeigenda í Barmahlíð 54 og 56.
Gjald kr. 7.300
Samþykkt að grenndarkynna framlagða umsókn fyrir hagsmunaðilum að Mávahlíð 43, 45 og 47 ásamt Barmahlíð 50, 52 og 56.
17.09 Bröndukvísl 14, endurn á byggingarleyfi
Lagt fram erindi frá afgreiðslufundi byggingarfulltrúa frá 13. janúar 2009 þar sem sótt er um endurnýjun á byggingarleyfi BN034103 sem samþykkt var 15. ágúst 2008, þar sem veitt var leyfi fyrir áður gerðri stækkun kjallara og leyfi til þess að stækka tengibyggingu á 1. hæð milli íbúðarhúss og bílskúrs á lóð nr. 14 við Bröndukvísl. Ennfremur er sótt um minni háttar breytingu á sama leyfi, það er að færa sorpgeymslu að lóðarmörkum.
Gjald kr. 7.700
Frestað. Umsækjandi skal láta vinna tillögu að breytingu á deiliskipulagi til samræmis við umsóknina. Tillagan verður grenndarkynnt þegar hún berst.
18.09 Kirkjuteigur 21, breyting á deiliskipulagi
Bréf Skipulagsstofnunar dags. 9. janúar 2009 þar sem gerðar eru athugasemdir við birtingu auglýsingar í B-deild Stjórnartíðinda.
Vísað til afgreiðslu hjá verkefnisstjóra Teigahverfis.
19.09 Brautarholt 8 173360, endurnýjun byggingaleyfis
Að lokinni grenndarkynningu er lagt fram erindi frá afgreiðslufundi byggingarfulltrúa frá 23. desember 2008 þar sem sótt er um leyfi fyrir endurnýjun á byggingaleyfi erindi nr. BN037017 frá 18. des. 2007 sem var endurnýjun frá 4. október 2006, þar sem sótt er um leyfi til að byggja nýja hæð úr stálgrind klæddri múr ofan á húsið á lóðinni nr. 8 við Brautarholt. Grenndarkynning stóð yfir frá 25. október til og með 22. nóvember 2007. Eftirtaldir aðilar sendu inn athugasemdir: Ólafur Gunnarsson og Erla Erlendsdóttir Skipholti 7, dags. 13. nóvember 2007, Sigurbjörg Valsdóttir Skipholti 7, dags. 21. nóvember 2007, Eðvarð Ingólfsson Stúfholti 1 dags. 22. nóvember 2007. Lögð fram umsögn skipulagsstjóra 30. nóvember 2007 og eldri umsögn skipulagsstjóra 29. september 2006. Greiða skal fyrir 4 bílastæði í flokki III kr. 5.820.946.
Stækkun: 540,6 ferm., og 1656,9 rúmm. Gjald kr. 7.300 + 120.954

Samþykkt að endurtaka grenndarkynningu á framlagðri umsókn fyrir hagsmunaaðilum að Brautarholti 6, 10 ásamt Skipholti 7 og 9.
20.09 Skipholt 23, breyting á deiliskipulagi Skipholtsreits
Að lokinni grenndarkynningu er lögð fram að nýju umsókn arkitektastofu Pálma Guðmundssonar f.h Þursaborga ehf. dags. 28. nóvember 2008, um breytingu á deiliskipulagi Skipholtsreits vegna lóðarinnar nr. 23 við Skipholt skv. uppdrætti, dags. 24.nóvember 2008. Bílgeymsla ásamt rampa er feld niður og kjallari stækkaður sem nemur henni. Tillagan var grenndarkynnt frá 3. desember til og með 7. janúar 2009. Eftirtaldir aðilar sendu inn athugasemdir: Kjartan Gunnarsson f.h. Skipholts ehf. dags. 4. janúar 2009. Einnig er lögð fram umsögn skipulagsstjóra um athugasemdir dags. 15. janúar 2009.
Vísað til skipulagsráðs.
21.09 Gnoðarvogur 43, Menntaskólinn við Sund, breyting á deiliskipulagi Vogaskóla, Ferjuvogi 2
Lagt fram erindi Menntamálaráðuneytisins dags. 16. janúar 2009 varðandi breytingu á deiliskipulagi Vogaskóla Ferjuvogi 2 vegna lóðarinnar nr. 43 við Gnoðarvog, Menntaskólans við Sund. Í breytingunni felst niðurrif núverandi húsa að hluta og nýbyggingar í þeirra stað samkv. meðfylgjandi uppdrætti Glámu Kím dags.15. janúar 2008.
Vísað til skipulagsráðs, þegar uppdrættir hafa verið lagfærðir.
22.09 Sundagarðar 4-6, (fsp) 4-8 stækkun byggingareits
Á fundi skipulagsstjóra 19. desember 2008 var lagt fram erindi frá afgreiðslufundi byggingarfulltrúa frá 16. desember 2008 þar sem spurt er hvort leyfi fáist til að stækka byggingareit til suðurs um átta metra á lóð nr 4-8 við Sundagarða. (4-8 er ekki ein lóð, 4- 6 er ein lóð og síðan nr. 8). Erindinu var vísað til meðferðar hjá verkefnistjóra svæðisins og er nú lagt fram að nýju.
Frestað.