Sóltún 2-4, Njálsgata 8C, Vesturvallagata 4, Hólatorg 2, Langagerði 74, Sundahöfn, Skarfabakki, Sundahöfn, Skarfabakki, Bryggjuhverfi, Gerðuberg / Hólaberg, Gissurargata 3, Starengi 82 og 106, Dalbraut 21-27, Furugerði 1, Súðarvogur 36, Þverás 2, Hlyngerði 6, Einholt 4, Ánanaust, Laugavegur 19-19B, Hverfisgata 103, Lækjargata 2 og Austurstræti 22, Smáragata 13, Kjalarnes, Saurbær, Ármúli 1, Nesvegur 67, Ofanleiti 14, Hólmsheiði/Fjárborg/Almannadalur, Gufuneshöfði,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

231. fundur 2008
Ár 2008, föstudaginn 31. október kl. 10:00, hélt skipulagsstjóri Reykjavíkur 231. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn hjá skipulagsstjóra Borgartúni 12-14, 2. hæð Stardalur. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Margrét Þormar, Margrét Leifsdóttir, Þórarinn Þórarinsson, Örn Þór Halldórsson, Haraldur Sigurðsson, Jóhannes S. Kjarval, Björn Axelsson, Guðfinna Ósk Erlingsdóttir, Gunnhildur Gunnarsdóttir og Lilja Grétarsdóttir. Ritari var Helga Björk Laxdal
Þetta gerðist:

1.08 Sóltún 2-4, breyting á deiliskipulagi Ármannsreit
Lagt fram bréf Skipulagsstofnunar dags. 24. október 2008 þar sem gerðar eru athugasemdir við birtingu afgreiðslu í B-deild Stjórnartíðinda.
Vísað til meðferðar hjá verkefnisstjóra hjá embætti skipulagsstjóra.
2.08 Njálsgata 8C, (fsp) endurnýja þakglugga austurhlið ,bæta við glugga á vesturhlið,leyfi til að reka gistiíbúð.
Lagt fram erindi frá afgreiðslufundi byggingarfulltrúa frá 28. október 2008 þar sem spurt er hvort leyft yrði að nýta íbúð 0201 sem gististað í flokki II og hvort leyft yrði að stækka núverandi og bæta við þakgluggum á fjölbýlishúsinu á lóð nr. 8C við Njálsgötu.,
Erindi fylgir samþykki meðlóðarhafa dags. 21. október 2008.
Ekki eru gerðar athugasemdir við erindið. Samræmist deiliskipulagi.
3.08 Vesturvallagata 4, viðbygging
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 20. maí 2008 þar sem sótt er um leyfi fyrir viðbyggingu á tveim hæðum úr steinsteypu og bárujárnsklæddri timburgrind með timburþaki sbr. fsp. BN036646 við núverandi hús á lóð nr. 4 við Vesturvallagötu. Athugasemdir bárust frá: Höddu Þorsteinsdóttur Vesturvallagötu 2 dags. 15. sept, Guðna Kára Gylfasyni, dags. 16. sept. með beiðni um framlengingu á fresti, Fjólu Guðmundsdóttur f.h. Húsfélagsins Holtsgötu 17, dags. 16. sept.. ásamt ósk um lengri frest. Athugasemd barst frá Húsfélaginu Holtsgötu 17, dags. 3. okt. 2008, Guðna Kára Gylfasyni, Holtsgötu 17, dags. 3. okt. 2008.
Frestað.
4.08 Hólatorg 2, breyting á deiliskipulagi
Lagt fram bréf Skipulagsstofnunar dags. 23. október 2008 þar sem gerðar eru athugasemdir við að erindi verði auglýst í B-deild Stjórnartíðinda
Vísað til meðferðar hjá verkefnisstjóra hjá embætti skipulagsstjóra.
5.08 Langagerði 74, (fsp) viðbygging
Lagt fram erindi frá afgreiðslufundi byggingarfulltrúa frá 28. október 2008 þar sem spurt er hvort leyft yrði að reisa viðbyggingu á tveim hæðum, með staðsteyptum veggjum og einangrað að innanverðu við einbýlishús á lóð nr. 74 við Langagerði.
Ekki eru gerðar athugasemdir við erindið. Byggingarleyfisumsókn verður grenndarkynnt þegar hún berst.
6.08 Sundahöfn, Skarfabakki, svæðisskipulag höfuðborgarsvæðisins 2001-2024
Lögð fram tillaga skipulags- og byggingarsviðs dags. 31. október 2008 að óverulegri breytinu á svæðisskipulagi höfuðborgarsvæðisins 2001-2024 ásamt umhverfismati vegna landfyllingar við Sundahöfn- Skarfabakka.
Vísað til skipulagsráðs.
7.08 Sundahöfn, Skarfabakki, breyting á aðalskipulagi
Lagt fram bréf Skipulagsstofnunar dags. 22. október 2008 þar sem talið er að breyta þurfi svæðisskipulagi jafnhliða breytingu á Aðalskipulagi og er jafnframt bent á aðra þætti sem mætti laga.
Vísað til skipulagsráðs.
8.08 Bryggjuhverfi, breyting á deiliskipulagi
Lagt fram erindi Björgunar ehf. 2008 um breytingu á deiliskipulagi Bryggjuhverfis. Í breytingunni felst tillaga að stækkun svæðisins til vesturs samk. meðfylgjandi uppdrætti Björns Ólafs ásamt greinargerð og skilmálum dags. 27. október 2008.
Vísað til meðferðar hjá verkefnisstjóra Bryggjuhverfis.
9.08 Gerðuberg / Hólaberg, breytt deiliskipulag vegna þjónustuíbúða
Lagt fram bréf Skipulagsstofnunar dags. 23. október 2008 þar sem gerðar eru athugasemdir við birtingu afgreiðslu í B-deild Stjórnartíðinda.
Vísað til meðferðar hjá verkefnisstjóra Breiðholts.
10.08 Gissurargata 3, (fsp) aukið byggingarmagn
Lögð fram fyrirspurn lóðarhafa um aukið byggingarmagn á lóðinni nr. 3 við Gissurargötu samkv. meðfylgjandi uppdráttum Arkþings dags. 30. október 2008.
Frestað. Hönnuður hafi samband við embætti skipulagsstjóra.
11.08 Starengi 82 og 106, stækkun á lóð
Lagt fram erindi lóðarhafa varðandi stækkun á lóðunum nr 82 og 106 við Starengi samkvæmt meðfylgjandi gögnum. Einnig lögð fram umsögn skipulagsstjóra dags. 30. október 2008.
Neikvætt með vísan til umsagnar skipulagsstjóra.
12.08 Dalbraut 21-27, (fsp) breyting á bílastæði
Lögð fram fyrirspurn Félagsbústaða dags. 29. október 2008 varðandi breytingu á fyrirkomulagi bílastæða á lóðinni nr. 27 við Dalbraut, samkv. meðfylgjandi uppdrátta Arkþing dags. 29. október 2008.
Ekki eru gerðar athugasemdir við erindið. Byggingarleyfisumsókn verður grenndarkynnt þegar hún berst.
13.08 Furugerði 1, breyting á deiliskipulagi
Lagt fram bréf Skipulagsstofnunar dags. 24. október 2008 þar sem gerðar eru athugasemdir við birtingu afgreiðslu í B-deild Stjórnartíðinda.
Vísað til meðferðar hjá verkefnisstjóra Laugardals.
14.08 Súðarvogur 36, (fsp) stækka glugga á norðurhlið,reisa sólskýli á svölum
Lagt fram erindi frá afgreiðslufundi byggingarfulltrúa frá 28. október 2008 þar sem spurt er hvort leyfi fáist til að stækka glugga á norðurhlið og reisa sólskýli á svölum á atvinnuhúsi á lóð nr. 36 við Súðarvog.
Samþykki sumra meðeigenda og sumra nágranna á lóðum nr. 34 og 38 fylgir erindinu.

Ekki eru gerðar athugasemdir við erindið. Byggingarleyfisumsókn verður grenndarkynnt þegar hún berst.
15.08 ">Þverás 2, breyting á deiliskipulagi Suður-Selás
Lagt fram erindi lóðarhafa dags. 29. október 2008 varðandi breytingu á deiliskipulagi Suður-Selás vegna lóðarinnar Þverás 2. Í breytingunni felst að stækka byggingarreit til suðurs og vesturs þannig að bygga við íbúð á neðri hæð samkv. meðfylgjandi uppdrætti Ellerts M. Jónssonar mótt. 29. október 2008.
Samþykkt að grenndarkynna framlagða umsókn fyrir hagsmunaaðilum að Þverási 1, 4 og 20 þegar uppdrættir hafa verið lagfærðir.
16.08 Hlyngerði 6, breytt deiliskipulag
Lagt fram bréf Skipulagsstofnunar dags. 24. október 2008 þar sem gerðar eru athugasemdir við birtingu afgreiðslu í B-deild Stjórnartíðinda.
Vísað til afgreiðslu lögfræði og stjórnsýslu.
17.08 Einholt 4, (fsp) breyting á deiliskipulagi
Á fundi skipulagsstjóra 10. október 2008 var lögð fram fyrirspurn Guðmundar Kr. Guðmundssonar arkitekts dags. 6. október 2008 fh. Reiknistofu bankanna varðandi breytingu á deiliskipulagi Einholts-Þverholts vegna lóðarinnar nr. 4 við Einholt. Í breytingunni felst stækkun á byggingarreit fyrir skýli samkv. meðfylgjandi uppdráttum dags. í október 2008.
Vísað til umsagnar hjá umhverfis- og samgöngusviði.
18.08 Ánanaust, (fsp) stækkun á starfsmannahúsi
Á fundi skipulagsstjóra 24. október 2008 var lögð fram fyrirspurn Sorpu dags. 23. október 2008 varðandi leyfi til að stækka starfsmannahús sorpu við Ánanaust samkv. meðfylgjandi skissu Arkþing dags. 23. október 2008 Erindinu var vísað til umfjöllunar hjá umhverfisstjóra skipulags- og byggingarsviðs og er nú lagt fram að nýju.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi, á eigin kostnað í samræmi við erindið. Tillagan verður grenndarkynnt þegar hún berst.
19.08 Laugavegur 19-19B, (fsp) innrétta kaffihús
Lagt fram erindi frá afgreiðslufundi byggingarfulltrúa frá 28. október 2008 þar sem spurt er hvort leyfi fáist til að innrétta kaffihús á 1. hæð húss á lóð nr. 19 við Laugaveg.
Ekki eru gerðar athugasemdir við erindið.
20.08 Hverfisgata 103, Breyting á deiliskipulagi
Á fundi skipulagsstjóra 24. október 2008 var lögð fram tillaga Plúsarkitekta dags. 9. október 2008 að breytingu á deiliskipulagi lóðarinnar nr. 103 við Hverfisgötu. Í breytingunni felst að rífa núverandi byggingar og randbyggja lóðina samanber meðfylgjandi uppdrætti Plúsarkitekta dags. 9. október 2008. Erindinu var frestað og er nú lagt fram að nýju.
Vísað til skipulagsráðs.
21.08 Lækjargata 2 og Austurstræti 22, breyting á deiliskipulagi Kvos Pósthússtrætisreitur
Lagt fram erindi Framkvæmda- og eignasviðs Reykjavíkur dags. 29. október 2008 varðandi breytingu á deiliskipulagi Kvosarinnar, Pósthússtrætisreitur vegna lóðanna nr. 2 við Lækjargötu og nr. 22 við Austurstræti.
Í breytingunni felst að heimilt verði að lyfta húsinu að Lækjargötu 2 þannig aðfyrsta hæð hússins verði steypt og elsti hluti hússins sett ofaná fyrstu hæðina. Jafnframt að heimilt verði að byggja kjallara undir báðum húsunum. erði l
Vísað til skipulagráðs.
22.08 Smáragata 13, (fsp) breyting á deiliskipulagi
Lögð fram fyrirspurn lóðarhafa móttekið 15. október 2008 varðandi breytingu á byggingarreit fyrir viðbyggingu við aðalhús og bílskúr er breytt samkv. meðfylgjandi uppdráttum P.ark dags.24. júlí 2008 móttekið 15. október 2008.
Vísað til meðferðar hjá verkefnisstjóra íbúðarsvæðis miðborgar.
23.08 Kjalarnes, Saurbær, afmörkun lands
Lagt fram erindi Ingu Magnúsdóttur, dags. 28. október 2008, um afmörkun lands í landi Saurbæjar á Kjalarnesi samk. meðfylgjandi gögnum.
Vísað til skipulagsráðs.
24.08 Ármúli 1, breyting á deiliskipulagi
Lagt fram tölvubréf Snorra Hjaltasonar dags. 24. október 2008 þar sem hann óskar eftir að erindinu verði frestað um óákveðinn tíma.

25.08 Nesvegur 67, (fsp) gera port á þakhæð
Lagt fram erindi frá afgreiðslufundi byggingarfulltrúa frá 28. október 2008 þar sem spurt er hvort leyfi fengist til að gera port á þakhæð, breyta þakformi og bæta við kvistum í fjölbýlishúsi á lóð nr. 67 við Nesveg.
Ekki eru gerðar athugasemdir við erindið. Byggingarleyfisumsókn verður grenndarkynnt þegar hún berst.
26.08 Ofanleiti 14, breyting á deiliskipulagi
Að lokinni auglýsingu er lögð fram að nýju umsókn GP arkitekta f.h. Hamborgarabúllu Tómasar ehf., dags. 19. júní 2008 um breytingu á deiliskipulagi lóðar nr. 14 við Ofanleiti skv. uppdrætti, dags. 19. júní 2008. Breytingin gengur út á að í stað söluturns verði reist tveggja hæða raðhús á lóðinni. Tillagan var auglýst frá 13. ágúst 2008 til og með 21. október 2008. Eftirtaldir aðilar sendu inn athugasemdir: Undirskriftarlisti dags. 20. október 2008
fh. 48 íbúa við Miðleiti 8-12 , Neðstaleiti 1-3, og Miðleiti 2-6, ábyrgðarmaður Júlíus Sigurbjörnsson Neðstaleiti 3. Einnig lögð fram umsögn skipulagsstjóra dags. 30. október 2008
Kynna formanni skipulagsráðs.
27.08 Hólmsheiði/Fjárborg/Almannadalur, breyting á deiliskipulagi
Lagt fram erindi Framkvæmda- og eignasviðs dags. 1. október 2008 varðandi breytingu á deiliskipulagi á Hólmsheiði Fjárborg. Í breytingunni felst að lóðamörkum Fjárborgar er breytt samkv. meðfylgjandi uppdrætti Landslags dags. 31. október 2008.
Vísað til skipulagsráðs.
28.08 Gufuneshöfði, færsla á innsiglingamerkjum
Lagt fram bréf byggingarfulltrúa, dags. 30. september 2008 ásamt erindi Faxaflóahafna frá 23. s.m. varðandi færslu á innsiglingamerkjum Sundahafnar á Gufuneshöfðanum. Vísað til umfjöllunar hjá umhverfisstjóra skipulags- og byggingarsviðs.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi, á eigin kostnað í samræmi við erindið. Tillagan verður grenndarkynnt þegar hún berst.