Hljómalindarreitur, reitur 1.171.1, Austurstræti 7, Einholt 4, Hverfisgata 37, Skólavörðustígur 14, Hverfisgata 103, Kjalarnes, Melavellir, Safnaðarheimili félags Múslima á Íslandi, Rofabær 7-9, Hamraberg 24-26, Heiðargerði, Suðurlandsbraut 8 og 10, Vesturbær, íþrótta og tómstundastarf, Úlfarsbraut 96-98, Garðastræti 21, Túngata 26, Vesturvallagata 4, Lautarvegur 2-16, Sogavegur 69,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

228. fundur 2008
Ár 2008, föstudaginn 10. október kl. 10:27, hélt skipulagsstjóri Reykjavíkur 228. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn hjá skipulagsstjóra í Borgartúni 12-14. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Gunnhildur Gunnarsdóttir, Jóhannes S. Kjarval, Bragi Bergsson, Lilja Grétarsdóttir, Margrét Leifsdóttir, Margrét Þornar og Þórarinn Þórarinsson Ritari var Helga Björk Laxdal.
Þetta gerðist:

1.08 Hljómalindarreitur, reitur 1.171.1, breyting á deiliskipulagi
Lögð fram umsókn Festa ehf. dags. 18. september 2008 varðandi breytingu á deiliskipulagi Hljómalindarreits 1.171.1. Í breytingunni felst aukin uppbygging breyttar götumyndir og fyrirkomulag á opnu torgi á miðju reitsins, samkv. meðfylgjandi deiliskipulagsuppdráttum og skýringaruppdr. arkitektur.is dags. 15. september 2008. Einnig er lögð fram greinargerð og skilmálar dags. 15. september 2008
Samþykkt að mynda vinnuteymi til að vinna umsögn um erindið. Í teyminu skulu sitja Jóhannes Kjarval, verkefnisstjóri, Helga Björk Laxdal, yfirlögfræðingur og Ágústa Sveinbjörnsdóttir, arkitekt. Umsögn vinnuteymisins skal liggja fyrir þann 20. október nk. Tillögunni er jafnframt vísað til umsagnar hjá Húsafriðunarnefnd ríkisins.
2.08 Austurstræti 7, (fsp) veitingastaður
Á fundi skipulagsstjóra 3. október 2008 var lögð fram fyrirspurn Eikar fasteignafélags hf. dags. 1. október 2008 hvort heimilt sé að setja matsölustað/veitingastað á jarðhæð hússins nr. 7 við Austurstræti. Erindinu var vísað til umsagnar hjá verkefnisstjóra miðborgar og er nú lagt fram að nýju ásamt umsögn skipulagsstjóra dags. 8. október 2008.
Ekki eru gerðar athugasemdir við erindið með vísan til skilyrða í umsögn skipulagsstjóra.
3.08 Einholt 4, (fsp) breyting á deiliskipulagi
Lögð fram fyrirspurn Guðmundar Kr. Guðmundssonar arkitekts dags. 6. október 2008 fh. reiknisstofu bankanna varðandi breytingu á deiliskipulagi lóðarinnar nr. 4 við Einholt. Í breytingunni felst stækkun á byggingarreit fyrir skýli samkv. meðfylgjandi uppdráttum dags. í október 2008.
Vísað til umsagnar hjá verkefnisstjóra Hlíðahverfis.
4.08 >Hverfisgata 37, lóðamörk
Lagt fram erindi Magnúsar Jenssonar dags. 12. september 2008 þar sem óskað er eftir staðfestingu á að tröppur Klapparstígsmegin á húsinu nr. 37 við Hverfisgötu séu á borgarlandi.
Ekki eru gerðar skipulagslegar athugasemdir við erindið.
5.08 Skólavörðustígur 14, (fsp) veitingastaður
Á fundi skipulagsstjóra 3. október 2008 var lögð fram fyrirspurn Þrastar K. Ottóssonar dags. 2. október 2008 hvort heimilt sé að opna veitingastað í húsinu nr. 14 við Skólavörðustíg. Erindinu var vísað til umsagnar hjá verkefnisstjóra miðborgar og er nú lagt fram að nýju.
Vísað til skipulagsráðs.
6.08 Hverfisgata 103, Breyting á deiliskipulagi
Lögð fram tillaga Plúsarkitekta dags. 9. október 2008 að breytingu á deiliskipulagi lóðarinnar nr. 103 við Hverfisgötu. Í breytingunni felst að rífa núverandi byggingar og randbyggja lóðina samanber meðfylgjandi uppdrætti Plúsarkitekta dags. 9. október 2008.
Vísað til skipulagsráðs.
7.08 Kjalarnes, Melavellir, breyting á deiliskipulagi
Að lokinni auglýsingu er lögð fram umsókn Matfugls, dags. 21. nóv. 2007, um breytingu á deiliskipulagi á jörðinni Melavellir í Kjalarnesi skv. uppdr. Arkþings, dags. 20. nóv. 2007. Í breytingunni felst að heimila byggingu fjögurra alifuglahúsa sunnan við þegar samþykkt alifuglahús á lóðinni. Lagt fram bréf Umhverfissviðs, dags. 25. janúar 2008. Einnig lagt fram bréf Skipulagsstofnunar, dags. 28. janúar 2008 ásamt skýrslu Línuhönnunar, dags. janúar 2008: "frummatsskýrsla, stækkun kjúklingabús á Melavöllum Kjalarnesi". Einnig lagt fram bréf skrifstofu borgarstjórnar, dags. 29. okt. 2007 ásamt umsögn umhverfissviðs frá 23. s.m og bréf skipulagsstofnunar dags. 27. mars 2008. Auglýsing stóð yfir frá 23. apríl til og með 7. júní 2008 Athugasemdir bárust frá ábúendum á Bakka, dags. 19. maí 2008 og Íbúasamtökum Kjalarness, dags. 21. maí 2008.
Nú lagðir fram nýjir uppdrættir Arkþings dags. 20. febrúar 2008. Erindinu var vísað til Umhverfis- og samgöngusviðs til umsagnar og er nú lagt fram að nýju ásamt umsögn Umhverfis- og samgöngusviðs dags. 8. október 2008.
Umsögn umhverfis- og samgöngusviðs samþykkt. Óskað er eftir að umsækjendur leggi fram ný gögn í samræmi við óskir sem fram koma í umsögninni.
8.08 Safnaðarheimili félags Múslima á Íslandi, staðarval
Kynntar hugmyndir að staðsetningu safnaðarheimilis Múslima dags. 10. október 2008.
Frestað.
9.08 Rofabær 7-9, (fsp) breyting á deiliskipulagi
Lögð fram fyrirspurn Sigþórs J. Sigþórssonar, Árbæjarbakarís, og Vélhjólaverslunarinnar Moto dags. 1. september 2008 varðandi breytingu á deiliskipulagi lóðarinnar nr. 7-9 við Rofabæ. Í breytingunni felst að atvinnuhúsnæði verði breytt í íbúðarhúsnæði.
Vísað til umsagnar hjá verkefnisstjóra Árbæjar.
10.08 Hamraberg 24-26, (fsp) nr 24, verönd
Lagt fram erindi frá afgreiðslufundi byggingarfulltrúa frá 7. október 2008 þar sem spurt er hvort leyft yrði að byggja kaldan sólskála í parhúsi 24 á lóð nr. 24-26 við Hamraberg.
Lýsing af fyrirspurninni svo og samþykki eigenda á Hamrabergi 26
Ekki eru gerðar athugasemdir við að fyrirspyrjandi láti vinna deiliskipulagsbreytingu á heildarlóðinni 24 til 26, á eigin kostnað, í samræmi við erindið. Tillagan verður grenndarkynnt þegar hún berst.
11.08 Heiðargerði, breyting á skilmálum
Lögð fram tillaga skipulags- og byggingarsviðs Reykjavíkur dags. 3. október 2008 að breytingu á skilmálum fyrir Heiðargerðisreit. Í breytingunni felst að hækka hámarksnýtingarhlutfall.
Frestað.
12.08 Suðurlandsbraut 8 og 10, Málskot
Lagt fram málskot Einars V. Tryggvasonar fh. Avion properties dags. 24. júlí 2008 vegna afgreiðslu skiplagsstjóra 6. júní 2008 á erindi vegna Suðurlandsbrautar 8 og 10. Einnig er lagt fram tölvupóstur Einars V. Tryggvasonar dags. 25. ágúst 2008 og endurbætt tillaga Einars Tryggvasonar og Avion properties dags. 1. september 2008. Einnig lagt fram minnisblað skipulagsstjóra dags. 9. október 2008.
Vísað til skipulagsráðs.
13.08 Vesturbær, íþrótta og tómstundastarf, aðstaða
Lögð fram orðsending borgarstjóra dags. 24. september 2008 varðandi æfingaaðstöðu til íþrótta- og tómstundastarfs í Vesturbæ Reykjavíkur, einnig er lagt fram bréf Knattspyrnufélags Reykjavíkur dags. 18. september 2008.
Kynnt.
14.08 Úlfarsbraut 96-98, (fsp) tenging göngustíga
Lögð fram fyrirspurn lóðarhafa dags. 9. október 2008 hvort tengja megi göngustíga frá jarðhæðum húsanna nr. 96 og 98 að göngustígakerfi Reykjavíkurborgar samkv. meðfylgjandi uppkasti.
Vísað til meðferðar hjá verkefnisstjóra Úlfarsárdals.
15.08 Garðastræti 21, (fsp) ofanábygging
Lagt fram erindi frá afgreiðslufundi byggingarfulltrúa frá 7. október 2008 þar sem spurt er hvort leyft yrði að byggja 3. hæð ofan á eins og samþykktar teikningar frá árinu 1927 sýna af íbúðarhúsinu á lóð nr. 21 við Garðastræti. Einnig er lögð fram umsögn skipulagsstjóra dags. 10. október 2008.
Neikvætt með vísan til umsagnar skipulagsstjóra.
16.08 Túngata 26, súrefniskútur á lóð
Lagt fram erindi frá afgreiðslufundi byggingarfulltrúa frá 7. október 2008 þar sem sótt er um leyfi til að staðsetja 3.130 kg. súrefniskút norðan við aðalbyggingu á baklóð Landakotsspítala á lóð nr. 26 við Túngötu.
Gjald kr. 7.300
Vísað til umfjöllunar hjá verkefnisstjóra íbúðasvæðis miðborgar.
17.08 >Vesturvallagata 4, viðbygging
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 20. maí 2008 þar sem sótt er um leyfi fyrir viðbyggingu á tveim hæðum úr steinsteypu og bárujárnsklæddri timburgrind með timburþaki sbr. fsp. BN036646 við núverandi hús á lóð nr. 4 við Vesturvallagötu. Athugasemdir bárust frá: Höddu Þorsteinsdóttur Vesturvallagötu 2 dags. 15. sept, Guðna Kára Gylfasyni, dags. 16. sept. með beiðni um framlengingu á fresti, Fjólu Guðmundsdóttur f.h. Húsfélagsins Holtsgötu 17, dags. 16. sept.. ásamt ósk um lengri frest. Athugsemd barst frá Húsfélaginu Holtsgötu 17, dags. 3. okt. 2008, Guðna Kára Gylfasyni, Holtsgötu 17, dags. 3. okt. 2008.
Athugasemdir kynntar.
Frestað.
18.08 Lautarvegur 2-16, (fsp) breyting á deiliskipulagi
Lögð fram fyrirspurn Ingu Dagfinnsdóttur dags. 6. október 2008 varðandi breytingu á deiliskipulagi neðan Sléttuvegar vegna lóðarinnar nr. 2-16 við Lautarveg. Í breytingunni felst að byggingarreitur er stækkaður til vesturs og norðurs, hámarkshæð lækkar og nýtingarhlutfalla lækkar lítillega samkv. meðfylgjandi uppdrætti dags. 8. október 2008. Samþykki lóðarhafa Skógarvegar 12-14 liggur fyrir.
Vísað til skipulagsráðs.
19.08 Sogavegur 69, (fsp) Breyting á deiliskipulagi
Lögð fram fyrirspurn Konráðs Adolfssonar dags. 2. október 2008 varðandi breytingu á deiliskipulagi lóðarinnar nr. 69 við Sogaveg. Í breytingunni felst stækkun á lóð og aukið byggingarmagn samkv. meðfylgjandi uppdrætti PK arkitekta dags. 30. september 2008.
Ekki eru gerðar athugasemdir við að unnin verði tillaga að breytingu á deiliskipulagi, í samráði við embætti skipulagsstjóra, að mestu í samræmi við erindið. Tillagan verður grenndarkynnt þegar hún berst.