Furugerði 23, Móvað 47, Kópavogur, Réttarháls 2, Barðastaðir 1-5, Spöngin, Eir, Fossaleynir 1, Skógarás 21,

Embættisafgreiðslufundur skipulagsfulltrúa Reykjavíkur samkvæmt viðauka 2.4 við samþykkt um stjórn Reykjavíkurborgar.

160. fundur 2007
Ár 2007, föstudaginn 20. apríl kl. 10:20, hélt Skipulagsfulltrúi Reykjavíkur 160. embættisafgreiðslufund sinn til afgreiðslu mála án staðfestingar skipulags- og byggingarnefndar. Fundurinn var haldinn á skrifstofu skipulagsfulltrúa Borgartúni 3, 3. hæð. Fundinn sat: Ágústa Sveinbjörnsdóttir. Eftirtaldir embættismenn kynntu mál á fundinum: Margrét Leifsdóttir, Þórarinn Þórarinsson, Lilja Grétarsdóttir, Haraldur Sigurðsson og Björn Axelsson. Ritari var Helga Björk Laxdal
Þetta gerðist:

1.07 Furugerði 23, (fsp) þvottastöð
Á fundi skipulagsfulltrúa 23. mars 2007 var lögð fram fyrirspurn Allt hreint bílaþvottastöðvar ehf. um að rífa núverandi byggingar á lóðinni nr. 23 við Furugerði og breyta aðkeyrslu að henni. Í stað núverandi byggingar verði byggð um 500 fermetra þvottastöð fyrir fólksbíla, auk annarar aðstöðu til bílaþrifa.
Á fundinum var erindinu vísað til umsagnar Framkvæmdasviðs. Erindið er nú lagt fram að nýju ásamt umsögn Framkvæmdasviðs dags. 13. apríl 2007.
Neikvætt með vísan til umsagnar Framkvæmdasviðs.
2.07 Móvað 47, lóðarveggur
Lagt fram bréf frá afgreiðslufundi byggingarfulltrúa frá 5. ágúst 2006. Sótt er um leyfi til að reisa steinsteypta veggi til að draga úr umferðarhávaða á lóðarmörkum að götu á lóðinni nr. 47 við Móvað. Ytri veggurinn er 1,6 m á hæð og staðsettur á lóðamörkum og innri veggurinn er 2,0 metrar á hæð og staðsettur 1,0 m innan lóðamarka, skv. uppdr. Tekton, dags. 29.08.06.
Samþykki íbúa Móvaðs 45 og 49 dags. 29. ágúst 2006 fylgir erindinu.
Gjald kr. 6.100
Með vísan til bókunar á embættisafgreiðslufundi skipulagsfulltrúa þann 5. janúar 2007, er ítrekað farið fram á að skipulagshöfundar T.ark veiti umsögn um framlagt erindi. Þess er krafist að umsögnin hafi borist embættinu fyrir þann 30. apríl nk. Lögð er áhersla að um lokafrest til að svara erindinu er að ræða.
3.07 Kópavogur, Nýi Lundur, breytt lóðanýting
Lagt fram bréf Kópavogsbæjar, dags. 8. september 2006, ásamt bréfi Magnúsar G. Gunnlaugssonar, dags. 20. ágúst 2006, varðandi breytingu á skipulagi lóðarinnar við Nýja Lund. Einnig er lagður fram uppdráttur sem sýnir skiptingu lóðar milli sveitafélaga mótt. 11. desember 2006. Einnig er lagt fram bréf skipulags- og byggingarsviðs dags. 21. febrúar sl.
Vísað til skipulagsráðs.
4.07 Réttarháls 2, stækkun 2. hæð
Lagt fram erindi Rekstrarhúsa ehf. dags. 17. apríl 2007 varðandi leyfi fyrir stækkun á annari hæð út yfir kjallara byggðan 2005. Einnig er lagt fram samþykki meðeigenda dags. 1. mars 2007.
Neikvætt. Samræmist ekki deiliskipulagi. Erindið fellur ekki að heildarhugmyndum deiliskipulags þannig að byggt verði út í lóðarmörk, með gluggum út að göturými auk þess sem ekki er fylgt byggingarlínum samkvæmt gildandi deiliskipulagi..
5.07 Barðastaðir 1-5, (fsp) lóðaumsókn
Á fundi skipulagsfulltrúa 16. apríl 2007 var lögð fram orðsending borgarstjóra dags. 28. mars 2007 varðandi lóðaumsókn dags. 27. mars 2007 um lóðina nr. 1-5 við Barðastaði þar sem sótt er um að byggja verslunarhúsnæði ásamt lager og gistiheimili. Á fundinum var erindinu vísað til umsagnar hverfisarkitekts. Erindið er nú lagt fram að nýju ásamt umsögn skipulagsstjóra dags. 20. apríl 2007.
Umsögn skipulagsstjóra samþykkt. Áhersla er lögð á að skipulags- og byggingarsvið tekur ekki afstöðu til lóðarumsóknarinnar né mögulegri ráðstöfun á lóðarréttindum.
6.07 Spöngin, Eir, breyting á deiliskipulagi
Lögð er fram tillaga Teiknistofu Halldórs Guðmundssonar dags. 20. apríl 2007 að breytingu á deiliskipulagi Spangarinnar. Í tillögunni er gert ráð fyrir byggingu þjónustuhúss og þjónustuíbúðum fyrir aldraða. Einnig er lögð fram samantekt skipulagsfulltrúa eftir hagsmunaðilakynningu dags. 15. mars 2007.
Vísað til skipulagsráðs.
7.07 Fossaleynir 1, breyting á deiliskipulagi
Á fundi skipulagsfulltrúa 16. apríl 2007 var lögð fram umsókn Alark f.h. Nýsis, dags. 26.10.06, um breytingu á deiliskipulagi lóðar nr. 1 við Fossaleyni, skv. uppdrætti, dags. 30.08.06. Einnig lögð fram tillaga Alark mótt. 15.04.07. Í tillögunni er gert ráð fyrir að fella niður bílastæði norðan við Egilshöll og breytingu á innra fyrirkomulagi íþróttasvæðisins. Erindinu var vísað til umsagnar ÍTR og er nú lagt fram að nýju ásamt umsögn ÍTR. dags. 18. apríl 2007.
Vísað til skipulagsráðs.
8.07 Skógarás 21, einbýlishús
Lagt fram bréf frá afgreiðslufundi byggingarfulltrúa frá 3. apríl 2007 þar sem sótt er um leyfi til byggja einbýlishús á einni hæð byggt úr steinsteyptu með innbyggðri bílgeymslu. Meðfylgjandi eru teikningar Kristins Sveinbjörnssonar dags. 14. feb. 2006 breytt 27. mars 2007.
Kynna formanni skipulagsráðs.