Ánanaust 15, Bauganes 15, Bjargarstígur 16, Framnesreitur, reitur 1.133.2, Mýrargötusvæði, Skógarhlíð 14, Suðurgata 4, Klapparstígur 14, Skólabrú 1, Vatnsstígur 3, Vatnsstígur 3, Austurgerði 6, Langholtsvegur 135, Laugarásvegur 69, Lækjarvað 1, Ólafsgeisli 20-28, Skógarás 20, Viðarás 85, Kjalarnes, Tindar, Laugardalur, Öskjuhlíð, Keiluhöll,

Embættisafgreiðslufundur skipulagsfulltrúa Reykjavíkur samkvæmt viðauka 2.3 við samþykkt um stjórn Reykjavíkurborgar.

30. fundur 2004
Ár 2004, föstudaginn kl. 10:00 mun skipulagsfulltrúi Reykjavíkur halda 30. embættisafgreiðslufund sinn til afgreiðslu mála án staðfestingar skipulags- og byggingarnefndar. Fundurinn verður haldinn á skrifstofu skipulagsfulltrúa Borgartúni 3, 3. hæð.
Þetta gerðist:

1.04 Ánanaust 15, (fsp) breytt notkun
Lögð fram fyrirspurn Guðna Pálssonar ark., dags. 22.07.04, um að breyta notkun hússins við Ánanaust 15 í hótel. Einnig lögð fram umsögn skipulagsfulltrúa, dags. 4.08.04.
Jákvætt með vísan til umsagnar skipulagsfulltrúa.
2.04 Bauganes 15, stækkun
Lögð fram fyrirspurn Finnboga B. Ólafssonar, dags. 07.07.04, varðandi stækkun á húsinu á lóðinni nr. 15 við Bauganes. Einnig lögð fram umsögn skipulagsfulltrúa, dags. 6.08.04.
Jákvætt með vísan til umsagnar skipulagsfulltrúa. Umsækjandi láti vinna tillögu að breytingu á deiliskipulagi á eigin kostnað.
3.04 Bjargarstígur 16, (fsp) nýjar útidyr á 1 hæð ofl
Lagt fram bréf frá afgreiðslufundi byggingarfulltrúa 27. júlí 2004, þar sem spurt er hvort leyft yrði að koma fyrir nýjum útidyrum og 80cm breiðum tröppum á framhlið hússins (Óðinsgötumegin) á lóðinni nr. 16 við Bjargarstíg. Einnig lögð fram umsögn skipulagsfulltrúa, dags. 4.08.04.
Umsögn gatnamálastjóra dags. 8. júlí 2004 fylgir erindinu.
Neikvætt með vísan til umsagnar.
4.04 Framnesreitur, reitur 1.133.2, deiliskipulag
Að lokinni forkynningu er lagt fram líkan og tillaga, dags. 04.08.04, að deiliskipulagi reits 1.133.2, sem markast af Framnesvegi, Holtsgötu, Seljavegi og Vesturgötu. Þessir sendu inn athugasemdabréf: Jóna I. Jónsdóttir, Holtsgötu 32, dags. 17.11.03, húsfélögin að Framnesvegi 30 og 32, dags. 26.11.03, Jóna I. Jónsdóttur f.h. íbúa að Holtsgötu 32, dags. 26.11.03, undirskriftalisti 58 íbúa við Framnesveg, dags. 9.06.04. Einnig lögð fram húsakönnun Minjasafns Reykjavíkur.
Vísað til skipulags- og byggingarsviðs.

5.04 Mýrargötusvæði, forsögn að reitum 1.115.3 og 1.130.1
Lögð fram forsögn að reit 1.115.3 (Ellingsenreit) og reit 1.130.1 (Héðinsreit).
Kynna formanni.
6.04 Skógarhlíð 14, breyting á deiliskipulagi
Lagt fram bréf SHS fasteigna, dags. 12. júlí 2004, varðandi fyrirspurn um stækkun bílskýlis á lóðinni nr. 14 við Skógarhlíð.
Jákvætt. Umsækjandi láti á eigin kostnað vinna tillögu að breytingu á deiliskipulagi.
7.04 Suðurgata 4, (fsp) bílastæði
Lögð fram fyrirspurn Láru Lárusdóttur og Guðjóns Pedesen, dags. 13.07.04, ásamt bréfi, dags. 06.07.04, varðandi bílastæði vestan við húsið að Suðurgötu 4. Einnig lögð fram umsögn Verkfræðistofu, dags. 3.08.04.
Frestað. Vísað til umsagnar hverfisstjóra.
8.04 Klapparstígur 14, breyting á deiliskipulagi
Lögð fram tillaga GP arkitekta, dags. 22.07.04, að breytingu á deiliskipulagi á lóðinni nr. 14 við Klapparstíg.
Vísað til skipulags og byggingarnefndar.
9.04 Skólabrú 1, breyting á deiliskipulagi
Lagður fram uppdráttur Teiknistofunnar Skólavörðustíg 28, dags. 4.08.04, að breytingu á deiliskipulagi lóðar nr. 1 við Skólabrú.
Samþykkt að grenndarkynna tillöguna fyrir hagsmunaaðilum að Pósthússtræti 13 og Lækjargötu 6b og 8.
10.04 Vatnsstígur 3, íbúðir á 2. og 3. hæð, svalir
Lagt fram bréf frá afgreiðslufundi byggingarfulltrúa 20. júlí 2004, þar sem sótt er um leyfi til þess að byggja svalir á austur- og vesturhlið, breyta innra fyrirkomulagi og útbúa tvær íbúðir á annarri hæð og þrjár íbúðir á þriðju hæð hússins nr. 3 við Vatnsstíg á lóðinni Laugavegur 31-Vatnsstígur 3, samkv. uppdr. Teiknistofunnar Röðuls, dags. 09.05.04, breytt 11.07.04. Einnig lagður fram tölvupóstur Minjasafns Reykjavíkur, dags. 6.08.04.
Eftir breytinguna verður atvinnustarfsemi á fyrstu hæð og fimm íbúðir á efri hæðum hússins, kjallari verður nýttur sem geymslur íbúða og lager.
Samþykki meðlóðarhafa (ódags.) fylgir erindinu.
Gjald kr. 5.400
Ekki gerð athugasemd við umsóknina enda verði tekið tillit til athugasemda í tölvupósti frá Minjasafni Reykjavíkur.
11.04 Vatnsstígur 3, (fsp) hækkun
Lögð fram fyrirspurn Slétt ehf, dags. 4.08.04, um hvort leyft verði að hækka hús nr. 3 við Vatnsstíg um eina hæð.
Jákvætt að umsækjandi láti vinna tillögu að breytingu á deiliskipulagi, á eigin kostnað, í samræmi við fyrirspurn.
12.04 Austurgerði 6, áðurg. yfirbygging á svalir o.fl.
Að lokinni grenndarkynningu byggingarleyfisumsóknar er lagt fram að nýju bréf af afgreiðslufundi byggingarfulltrúa 22.06.2004. Sótt er um samþykki fyrir áður gerðri yfirbyggingu svala og leyfi til þess að byggja nýjar svalir að suðurhlið fyrstu hæðar hússins á lóðinni nr. 6 við Austurgerði.
Umsögn skipulagsfulltrúa dags. 21. ágúst 2003 og útskrift skipulagsfulltrúa frá 29. ágúst 2003 fylgja erindinu. Einnig lagðir fram uppdr. teiknistofunnar Torgið, dags. 28.07.2003. Grenndarkynning stóð yfir frá 28. júní til 26. júlí 2004. Athugasemdabréf barst frá Hauki Haraldssyni, Austurgerði 4, dags. 20.07.04. Einnig lögð fram umsögn skipulagsfulltrúa, dags. 5.08.04.
Stærð: Áður gerð viðbygging 16,8 ferm. og 43,5 rúmm.
Gjald kr. 5.100 + 2.349
Vísað til skipulags- og byggingarnefndar.
13.04 Langholtsvegur 135, (fsp) bygging bílg. o.fl
Lagt fram bréf frá afgreiðslufundi byggingarfulltrúa 4. maí 2004, þar sem spurt er hvort leyft yrði að byggja bílgeymslu með geymslukjallara í líkingu við fyrirligggjandi uppdrætti Teiknistofu Benedikts Björnssonar, dags. 25.11.03, á lóð nr. 135 við Langholtsveg. Einnig lagt fram skuggavarp, dags. 20.07.04.
Frestað. Vísað til hverfisstjóra.
14.04 Laugarásvegur 69, sólpallur,
Að lokinni grenndarkynningu byggingarleyfisumsóknar er lagt fram að nýju bréf frá afgreiðslufundi byggingarfulltrúa 1. júní 2004, þar sem sótt er um leyfi til þess að byggja sólpall að austurhlið hússins á lóðinni nr. 69 við Laugarásveg, samkv. uppdr. Halldórs Guðmundssonar arkitekts, dags. 24.05.04. Málið var í kynningu frá 18. júní til 16. júlí 2004. Engar athugasemdir bárust.
Erindinu fylgir samþykki lóðarhafa Laugarásv. 71 f.h. Landspítala- háskólasjúkrahúss dags. 8. júlí 2004.
Gjald kr. 5.400
Vísað til skipulags- og byggingarnefndar.
15.04 Lækjarvað 1, bílskúr, breikkun aðkeyrslu
Lögð fram fyrirspurn Steinvals ehf, dags. 26.07.04, um að setja bílskúr í hluta útbyggingar 1. hæðar að Lækjarvaði 1 og breikkun lóðar vegna aðkeyrslu.
Ekki gerð athugasemd við bílskúr í hluta útbyggingar enda þurfi ekki að breyta lóðarmörkum.
16.04 Ólafsgeisli 20-28, (fsp) breyting á deiliskipulagi
Lögð fram fyrirspurn Lögmanna við Austurvöll f.h. Skúla Ágústssonar, dags. 14.07.04, varðandi breytingu á deiliskipulagi vegna lóðar nr. 24 við Ólafsgeisla.
Frestað. Vísað til umsagnar hverfisstjóra og lögfræði- og stjórnsýslu.
17.04 Skógarás 20, (fsp) stækkun byggingarreits
Lögð fram fyrirspurn Einars Sigurðssonar, dags, 4.08.04, vegna breytingu byggingarreits á lóð nr. 20 við Skógarás.
Jákvætt. Umsækjandi vinni tillögu að breytingu á deiliskipulagi, á eigin kostnað, sem síðan verður grenndarkynnt.
18.04 Viðarás 85, lóð í fóstur
Lögð fram bréf Gyðu Jónsdóttur og Þorgríms Hallgrímssonar, Viðarási 85, dags. 12.12.03 og 29.03.04, þar sem óskað er eftir að tekið verði upp aftur mál um beiðni um land í fóstur austan við húsið að Viðarási 85. Einnig lögð fram umsögn lögfræði- og stjórnsýslu, dags. 5.06.04. Ennfremur lagt fram bréf Gyðu Jónsdóttur og Þorgríms Hallgrímssonar, Viðarási 85, dags. 24.06.04.
Frestað. Vísað til umsagnar lögfræði- og stjórnsýslu.
19.04 Kjalarnes, Tindar, breytt aðalskipulag og deiliskipulag
Lögð fram fyrirspurn Hebu Hertervig ark., dags. 20.05.04 um hvort leyft verði að endurskoða aðalskipulag og deiliskipulag á lóðinni Tindar á Kjalarnesi.
Frestað. Vísað til umsagnar hverfisstjóra.
20.04 Laugardalur, breytt deiliskipulag austurhluta
Lögð fram til kynningar drög að breyttu deiliskipulagi austurhluta Laugardals.
Kynnt.
21.04 Öskjuhlíð, Keiluhöll, breyting á deiliskipulagi
Lögð fram tillaga Guðna Pálssonar arkitekts, dags. 22.07.04 að breytingu á deiliskipulagi á lóð Keiluhallarinnar í Öskjuhlíð.
Frestað. Vísað til umsagnar umhverfisstjóra og hverfisstjóra.