Austurgerði 6, Ánanaust 15, Ármúli 12, Bragagata 26, Mávahlíð 42, Vatnsstígur 3, Depluhólar 10, Rimaskóli, Rofabær 7-9, Skútuvogur 14-16, Sólvallagata 57, Lindargata 50,

Embættisafgreiðslufundur skipulagsfulltrúa Reykjavíkur samkvæmt viðauka 2.3 við samþykkt um stjórn Reykjavíkurborgar.

29. fundur 2004
Ár 2004, föstudaginn 30. júlí kl. 10:00 var haldinn 29. embættisafgreiðslufundur skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru:
Þetta gerðist:

1.04 Austurgerði 6, áðurg. yfirbygging á svalir o.fl.
Að lokinni grenndarkynningu byggingarleyfisumsóknar er lagt fram að nýju bréf af afgreiðslufundi byggingarfulltrúa 22.06.2004. Sótt er um samþykki fyrir áður gerðri yfirbyggingu svala og leyfi til þess að byggja nýjar svalir að suðurhlið fyrstu hæðar hússins á lóðinni nr. 6 við Austurgerði.
Umsögn skipulagsfulltrúa dags. 21. ágúst 2003 og útskrift skipulagsfulltrúa frá 29. ágúst 2003 fylgja erindinu. Einnig lagðir fram uppdr. teiknistofunnar Torgið, dags. 28.07.2003. Grenndarkynning stóð yfir frá 28. júní til 26. júlí 2004. Athugasemdabréf barst frá Hauki Haraldssyni, Austurgerði 4, dags. 20.07.04.
Stærð: Áður gerð viðbygging 16,8 ferm. og 43,5 rúmm.
Gjald kr. 5.100 + 2.349
Vísað til umsagnar hverfisstjóra.
2.04 Ánanaust 15, (fsp) breytt notkun
Lögð fram fyrirspurn Guðna Pálssonar ark., dags. 22.07.04, um að breyta notkun hússins við Ánanaust 15 í hótel.
Vísað til umsagnar hverfisstjóra.
3.04 Ármúli 12, færanleg kennslustofa.
Lagt fram bréf frá afgreiðslufundi byggingarfulltrúa 27. júlí 2004, þar sem sótt er um leyfi til þess að setja upp færanlega kennslustofu við norðvesturhlið Fjölbrautarskólans í Ármúla á lóð nr. 12 við Ármúla, samkv. uppdr. Óla Jóhanns Ásmundssonar arkitekts, dags. 25. júlí 2004.
Bréf Menntamálaráðuneytisins dags. 22. júlí 2004 fylgir erindinu.
Stærð: Færanleg kennslustofa 80,7 ferm., 285,6 rúmm.
Gjald kr. 5.400 + 15.422
Ekki gerð athugasemdi við erindið.
4.04 Bragagata 26, (fsp) 26 og 26A sólpallur
Lagt fram bréf frá afgreiðslufundi byggingarfulltrúa 20. júlí 2004, þar sem spurt er hvort leyft yrði að hafa verönd á þaki geymsluskúrs (um 30 ferm.) á lóðum Bragagötu 26 og 26A að lóðamörkum Bragagötu 24 með um 1,2 m háu handriði og trétröppum frá báðum lóðunum.
Jákvætt, enda liggi fyrir samþykki lóðarhafa aðliggjandi lóðar. Byggingarleyfisumsókn verður grenndarkynnt þegar hún berst.
5.04 Mávahlíð 42, svalir á íbúð 0301
Lagt fram bréf frá afgreiðslufundi byggingarfulltrúa 27. júlí 2004, þar sem sótt er um leyfi til þess að byggja svalir á suðurhlið 3. hæðar fjölbýlishússins á lóð nr. 42 við Mávahlíð, samkv. uppdr. Ark form, dags. í júlí 2004.
Samþykki meðeigenda að húsi dags. 18. maí 2004 fylgir erindinu.
Gjald kr. 5.400
Frestað. Hverfisstjóra falið að ræða við umsækjanda.
6.04 Vatnsstígur 3, íbúðir á 2. og 3. hæð, svalir
Lagt fram bréf frá afgreiðslufundi byggingarfulltrúa 20. júlí 2004, þar sem sótt er um leyfi til þess að byggja svalir á austur- og vesturhlið, breyta innra fyrirkomulagi og útbúa tvær íbúðir á annarri hæð og þrjár íbúðir á þriðju hæð hússins nr. 3 við Vatnsstíg á lóðinni Laugavegur 31-Vatnsstígur 3, samkv. uppdr. Teiknistofunnar Röðuls, dags. 09.05.04, breytt 11.07.04.
Eftir breytinguna verður atvinnustarfsemi á fyrstu hæð og fimm íbúðir á efri hæðum hússins, kjallari verður nýttur sem geymslur íbúða og lager.
Samþykki meðlóðarhafa (ódags.) fylgir erindinu.
Gjald kr. 5.400
Vísað til umsagnar Minjasafns Reykjavíkur vegna útlits svala.
7.04 Depluhólar 10, áður gerðar breytingar
Lagt fram bréf frá afgreiðslufundi byggingarfulltrúa 27. júlí 2004, þar sem sótt er um áður gerðar breytingar á lóðinni nr. 10 við Depluhóla, samkv. uppdr. Björns J. Emilssonar arkitekts, dags. 20. júlí 2004. Helstu breytingar eru sólstofa við norðausturhorn, sökklarými undir efri hæð tekið í notkun, afmörkun séreignaríbúðar á neðri hæð og setlaug á verönd við íbúð á neðri hæð. Jafnframt er sótt um leyfi til að breyta skipulagi lóðar og afmarka sérnotahluta, fjölga bílastæðum úr tveimur í þrjú og gera þrjá glugga á fyrrverandi sökklarými. Einnig lögð fram umsögn skipulagsfulltrúa dags. 29.07.2004.
Stækkun: xx
Gjald kr. 5.400 + xx
Jákvætt að umsækjandi láti vinna breytingu á deiliskipulagi á eigin kostnað sem síðar verður grenndarkynnt.
9.04 Rimaskóli, breytt deiliskipulag
Að lokinni auglýsingu er lagt fram bréf Fasteignastofu, dags. 20.05.04, ásamt tillögu Arkís að breyttu deiliskipulagi Rimaskóla, dags. 18.05.04. Auglýsingin stóð yfir frá 9. júní til 21. júlí 2004. Athugasemd barst frá Vigni Bjarnasyni, dags. 26.06.04 og Jóhönnu Sif Gunnarsdóttur, dags. 13.07.04.
Vísað til skipulags- og byggingarnefndar.
10.04 Rofabær 7-9, breyting á deiliskipulagi
Lagt fram bréf Rými ehf Tækniþjónustu, dags. 26.07.04, ásamt fyrirspurn um breytingu á deiliskipulagi á lóðinni nr. 7-9 við Rofabæ samkv. uppdr. dags 26.07.04.
Vísað til umsagnar hverfisstjóra og umhverfisstjóra.
11.04 Skútuvogur 14-16, Húsasmiðjan-Blómaval
Lagt fram bréf Húsasmiðjunnar hf, dags. 12. júlí 2004, varðandi verslun fyrir starfsemi Blómavals á lóðinni Skútuvogur 14, samkv. uppdr. Arkís ehf, dags. í júní 2004.
Frestað, kynna formanni.
13.04 Sólvallagata 57, endurnýjun á byggingaleyfi 1998
Lagt fram bréf frá afgreiðslufundi byggingarfulltrúa 27. júlí 2004, þar sem sótt er um samþykki fyrir endurnýjun á byggingarleyfi 17435 frá 25. ágúst 1998 þar sem sótt var um "leyfi til að reisa sólpall og gera svalir á suðvesturhlið, reisa um 200 cm háan skjólvegg við norðvesturhlið og rífa steypta bílgeymslu við suðausturhlið og reisa í stað hennar aðra úr timbri á lóðinni nr. 57 við Sólvallagötu."
Samþykki nágranna, Sólvallagötu 55 fylgir erindinu (á teikningu).
Stærð nýrrar bílgeymslu er 25,2 ferm., 81,3 rúmm. Minnkun 10,8 ferm., 14,1 rúmm.
Gjald kr. 5.400
Samþykkt að grenndarkynna umsóknina fyrir hagsmunaaðilum að Sólvallagötu 50-54, jöfn nr. og 55 og 59 ásamt Ásvallagötu 56-60, jöfn nr.
14.04 Lindargata 50, byggja yfir svalir o.fl.
Lagt fram bréf frá afgreiðslufundi byggingarfulltrúa 27. júlí 2004, þar sem sótt er um samþykki fyrir núverandi herbergjaskipan á öllum hæðum, fyrir áður gerðri stækkun kjallara og leyfi til þess að byggja til vesturs við herbergi á þriðju hæð matshluta 01 yfir hluta núverandi svala íbúðarhússins (matshluta 01) á lóð nr. 50 við Lindargötu, samkv. uppdr. Sverris Norðfjörð, dags. í febr. ´03, síðast breytt 30.06.04.
Samþykki meðlóðarhafa (á teikningu) og umsögn Árbæjarsafns dags. 24. júní 2004 fylgja erindinu.
Stærð: Áður gerð stækkun kjallara 5,2 ferm., 13,5 rúmm., stækkun 3. hæðar 7 ferm., 17,5 rúmm.
Gjald kr. 5.100 + 1.674
Samþykkt að grenndarkynna umsóknina fyrir hagsmunaaðilum að Lindargötu 52 og Frakkkastíg 6a.