Austurgerði 6, Ofanleiti 14, Síðumúli 2, Ægisíða 50, Bankastræti 5, Barónsstígur 33, Garðastræti 4, Skólabrú 2, Skólavörðustígur 6B, Sölvhólsgata 13, Brúnastaðir 77, Fellagarðar, Drafnarfell/Eddufell/Völvufell, Bíldshöfði 6, Hlíð- Varmidalur,

Embættisafgreiðslufundur skipulagsfulltrúa Reykjavíkur samkvæmt samþykkt nr. 627/2000.

31. fundur 2003
Ár 2003, föstudaginn 22. ágúst kl. 10:00 var haldinn 31. embættisafgreiðslufundur skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru:
Þetta gerðist:

1.03 Austurgerði 6, áðurg. yfirbygging á svalir o.fl.
Lagt fram bréf frá afgreiðslufundi byggingarfulltrúa, dags. 20. ágúst 2003, þar sem sótt er um samþykki fyrir áður gerðri yfirbyggingu svala og leyfi til þess að byggja sólpall að suðurhlið fyrstu hæðar hússins á lóðinni nr. 6 við Austurgerði, samkv. uppdr. Teiknistofunnar Torgsins, dags. 28.07.03.
Stærð: Áður gerð viðbygging 16,8 ferm. og 43,5 rúmm.
Gjald kr. 5.100 + 2.219
Vísað til umsagnar hverfisstjóra.
2.03 Ofanleiti 14, fsp. íbúðarhúsnæði, viðbygging
Lagt fram bréf frá afgreiðslufundi byggingarfulltrúa, dags. 13. ágúst 2003, þar sem spurt er hvort leyft yrði að byggja við verslunarhúsnæðið á lóðinni nr. 14 við Ofanleiti og koma þar fyrir einbýlishúsi (?) með bílskúr.
Neikvætt, samræmist ekki deiliskipulagi.
3.03 Síðumúli 2, hækkun
Lagt fram bréf Brunnhúss ehf, dags. 14.08.03, varðandi ofanábyggingu hússins á lóðinni nr. 2 við Síðumúla, samkv. uppdr. ARKO, dags. í ágúst 2003. Einnig lögð fram umsögn skipulagsfulltrúa, dags. 19. ágúst 2003.
Neikvætt með vísan til umsagnar skipulagsfulltrúa.
4.03 Ægisíða 50, (fsp) svalir efstu hæð
Lagt fram bréf frá afgreiðslufundi byggingarfulltrúa, dags. 20. ágúst 2003, þar sem spurt er hvort leyft yrði að stækka svalir að suðurhlið efstu hæðar hússins nr. 50 við Ægisíðu.
Jákvætt að uppfylltum skilyrðum.
5.03 Bankastræti 5, fsp. íbúðir, veitingahús
Lagt fram bréf frá afgreiðslufundi byggingarfulltrúa, dags. 20. ágúst 2003, þar sem spurt er hvort leyft yrði að koma fyrir tveimur veitingahúsum á neðstu hæð hússins nr. 5 við Bankastræti. Jafnframt yrði komið fyrir 14 íbúðum á annarri til fjórðu (efstu) hæð hússins. Á meðfylgjandi skissum er sýnt útskot (gluggi) á vesturgafli hússins. Einnig lögð fram umsögn skipulagsfulltrúa, dags. 21. ágúst 2003.
Jákvætt með vísan til umsagnar skipulagsfulltrúa.
6.03 Barónsstígur 33, (fsp) Lyfta þaki
Lagt fram bréf frá afgreiðslufundi byggingarfulltrúa, dags. 13. ágúst 2003, þar sem spurt er hvort leyft yrði að lyfta vesturþaki (götuhlið) á húsinu nr. 33 við Barónsstíg í líkingu við meðfylgjandi riss. Einnig lögð fram umsögn skipulagsfulltrúa, dags. 21. ágúst 2003.
Jákvætt með vísan til umsagnar skipulagsfulltrúa.
7.03 Garðastræti 4, hækka rishæð ofl.
Lagt fram bréf frá afgreiðslufundi byggingarfulltrúa, dags. 13. ágúst 2003, þar sem sótt er um leyfi til þess að hækka rishæð (4. hæð) og koma þar fyrir tveimur íbúðum í húsinu nr. 4 við Garðastræti, samkv. uppdr. Glámu-Kím, dags. 13.05.03.
Í húsinu eru nú fimm íbúðir en verða sjö eftir þessar breytingar.
Útskrift úr gerðabók embættisafgreiðslufundar skipulagsfulltrúa frá 6. desember 2002 (v. fyrirspurnar) og umsögn skipulagsfulltrúa dags. 6. desember 2002 (v. fyrirspurnar) fylgja erindinu.
Samþykki eigenda Garðastrætis 2 og 6 (ódags.) fylgir erindinu.
Stærð: Stækkun rishæð 93,3 ferm. og 348,8 rúmm.
Gjald kr. 5.100 + 17.789
Samþykkt að grenndarkynna byggingarleyfisumsóknina fyrir hagsmunaaðilum að Garðastræti 2 og 6, Húsfélaginu Vesturgötu 7, Vesturgötu 17 og 17a ásamt Ránargötu 2, 4 og 4a.
8.03 Skólabrú 2, fsp. bílastæði
Lagt fram bréf frá afgreiðslufundi byggingarfulltrúa, dags. 20. ágúst 2003, þar sem ofangreindur spyr, fyrir hönd eigenda, hvort leyft verði að gera bílastæði á lóðinni Skólabrú 2 með aðkomu yfir kvöð á lóðunum Lækjargötu 10 og 12.
Frestað, vísað til umsagnar hverfisstjóra.
9.03 Skólavörðustígur 6B, 2 sólstofur 4. hæð
Lagt fram bréf frá afgreiðslufundi byggingarfulltrúa, dags. 13. ágúst 2003, þar sem sótt er um leyfi til að reisa tvær sólstofur á svölum fjórðu hæðar hússins nr. 6B við Skólavörðustíg, samkv. uppdr. Teiknihofs ehf, dags. 16.07.03. Samþykki nokkurra meðeigenda dags. 5. júní 2003 fylgir erindinu. Einnig lögð fram umsögn skipulagsfulltrúa, dags. 21. ágúst 2003.
Stækkun: 39.6 ferm. og 93.9 rúmm.
Gjald kr. 5.100 + 4.788
Óskað er eftir því að hönnuður leggi fram gögn um skuggavarp.
10.03 01">Sölvhólsgata 13, bráðab.húsnæði
Lagt fram bréf frá afgreiðslufundi byggingarfulltrúa, dags. 20. ágúst 2003, þar sem sótt er um leyfi til þess að koma fyrir tveimur færanlegum kennslustofum fyrir nemendur Listaháskóla Íslands á lóðinni nr. 13 við Sölvhólsgötu, samkv. uppdr. ES teiknistofunnar, dags. 05.08.03.
Stærð: Færanlegar kennslustofur, matshl. 05 79,2 ferm., matshl. 06 64,3 ferm.
Samtals 143,5 ferm. og 490,2 rúmm.
Gjald kr. 5.100 + 25.000
Vísað til umsagnar hverfisstjóra.
11.03 Brúnastaðir 77, fsp. sambýli
Lagt fram bréf frá afgreiðslufundi byggingarfulltrúa, dags. 20. ágúst 2003, þar sem spurt er hvort leyft yrði að breyta notkun hússins og innra fyrirkomulagi þannig að henti skjólstæðingum fyrirspyrjanda. Í húsinu yrði vakt allan sólarhringinn.
Ekki gerð athugasemd við erindið af skipulagslegum ástæðum, enda verði breyting á notkun bílskúrs bundin sambýlinu.
12.03 Fellagarðar, Drafnarfell/Eddufell/Völvufell, forsögn að deiliskipulagi
Að lokinni kynningu fyrir hagsmunaaðila er lögð fram að nýju forsögn að deiliskipulagi fyrir Fellagarða, dags. 6.06.03. Athugasemdabréf bárust frá Lögmannsstofunni Vitastíg ehf, f.h. Hringbrautar ehf og Róða ehf, Drafnarfelli 6-18, dags. 08.07.03, Þóreyju Dögg Jónsdóttur og Erlendi Ólasyni, Yrsufelli 34, dags. 23.07.03, Húsfélaginu Völvufelli 44-50 ásamt undirskriftalista, mótt. 23.07.03, RoK ehf, eiganda hússins Eddufell 8, dags. 30.07.03.
Einnig lagt fram bréf Rafns R. Bjarnasonar, eiganda að Völvufelli 15, dags. 09.07.03.
Kynna formanni skipulags- og byggingarnefndar.
13.03 Bíldshöfði 6, viðbygging
Lagt fram bréf Teiknistofunnar ARKO, dags. 14. ágúst 2003, varðandi stækkun lóðar og hugsanlega nýbyggingu á lóðinni nr. 6 við Bíldshöfða, samkv. uppdr. dags. í júlí 2003.
Vísað til umsagnar hverfisstjóra vegna göngutenginga.
14.03 Hlíð- Varmidalur, fsp. heilsársbúseta
Lagt fram bréf frá afgreiðslufundi byggingarfulltrúa, dags. 20. ágúst 2003, þar sem ofanrituð spyr hvort leyfð verði heilsársbúseta í sumarhúsinu Hlíð í Varmadal, húsið er um 90 ferm. að stærð og byggt fyrir 1990.
Vísað til umsagnar hverfisstjóra.