Afgreiðslufundir nr. 48

Reitur 1.171.2, Reitur 1.174.2, Grettisgata 16B, Laugavegur 105, Engjavegur 8, Nauthólsvík/veitingaskáli, Reynisvatnsheiði, Víðidalur, Fákur, Austurberg, Leiknir, Skólavörðustígur/Bankastræti, Skuggahverfi, Borgartún 34-36, Vesturhöfnin, Þórsgötureitur, Hrísateigur 47 og 47a, Laugarnesvegur 68, Safamýri 28, Teigagerði, Vatnagarðar 6 og 8, Kjalarnes, Skógarás, Lyngháls 1, Stórhöfði 33,

Embættisafgreiðslufundur skipulagsfulltrúa Reykjavíkur samkvæmt samþykkt nr. 627/2000.

48. fundur 2002

Ár 2002, föstudaginn 13. desember kl. 10:30 var haldinn 48. embættisafgreiðslufundur skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru:

Þetta gerðist:

1.02 Reitur 1.171.2, Skólav.stígur, Bergstaðastr.Hallveigarst. Ingólfsstr. Bankastr.
Að lokinni auglýsingu er lögð fram að nýju tillaga Teiknistofu arkitekta Gylfa Guðjónssyni og félaga ehf, dags. 07.03.02, ásamt greinargerð og skilmálum, dags. 03.07.02, að deiliskipulagi reits 1.171.2, sem afmarkast af Skólavörðustíg, Bergstaðastræti, Hallveigarstíg, Ingólfsstræti og Bankastræti. Málið var í auglýsingu frá 25. október til 6. desember, athugasemdafrestur var til 6. desember 2002. Athugasemdabréf barst frá Hornsteinum arkitektum ehf, dags. 06.12.02.
Samþykkt. Lagfæra þarf gögn í samræmi við ábendingu Hornsteina.

2.02 Reitur 1.174.2, Grettisgata, Vitastígur, Laugavegur, Barónsstígur
Að lokinni auglýsingu er lögð fram breytt tillaga Arkitekta Gunnars og Reynis, dags. br. 28.11.02, að deiliskipulagi reits 1.174.2, sem afmarkast af Grettisgötu, Vitastíg, Laugavegi og Barónsstíg. Málið var í auglýsingu frá 12. júlí til 23. ágúst, athugasemdafrestur var til 23. ágúst 2002. Athugasemdabréf bárust frá Helga Magnúsi Hermannssyni og Björk Baldursdóttur, Laugavegi 76B og Guðbrandi G. Brandssyni, Laugavegi 76A, mótt. 23.08.02, Guðbrandi Gísla Brandssyni, Laugavegi 76A, mótt. 23.08.02, Helga Magnússyni Hermannssyni og Björk Baldursdóttur, Laugavegi 76B, mótt. 23.08.02 og Gigant ehf byggingarfélagi, dags. 23.08.02. Einnig lögð fram svör skipulagsfulltrúa við athugasemdum, dags. 15.11.02. Lögð fram fundargerð frá fundi skipulagsfulltrúa með eiganda Grettisgötu 59 frá 10. desember 2002.
Kynnt. Frestað.

3.02 Grettisgata 16B, (fsp) viðbygging og anddyri
Lagt fram bréf frá afgreiðslufundi byggingarfulltrúa, dags. 11.12.02, þar sem spurt er hvort leyft yrði að færa innngang að neðrihæð á austurhlið og byggja viðbyggingu í suðvestur við íbúð neðri hæðar íbúðarhússins á lóð nr. 16B við Grettisgötu.
Bréf fyrirspyrjanda dags. 18. nóvember 2002 fylgir erindinu. Einnig lögð fram umsögn skipulagsfulltrúa, dags. 02.12.02.
Jákvætt með vísan til umsagnar.

4.02 Laugavegur 105, fsp Íbúðir á annari hæð.
Lagt fram bréf frá afgreiðslufundi byggingarfulltrúa, dags. 11.01.02, þar sem spurt er hvort leyft yrði að breyta skrifstofuhúsnæði á annarri hæð hússins nr. 105 við Laugaveg í ellefu íbúðir, samkv. uppdr. ARKO, dags. í nóv.-des. 2002.
Frestað. Hverfisstjóra falið að gera umsögn.

6.02 Engjavegur 8, (fsp) íþrótta- og sýningarhöll
Spurt er hvort leyft yrði að byggja að austurhlið Laugardalshallarinnar nýja íþrótta- og sýningarhöll í líkingu við fyrirliggjandi uppdrætti á lóð nr. 6 við Engjaveg.
Frestað. Hönnuði bent á að hafa samband við embættið.

7.02 Nauthólsvík/veitingaskáli, endurnýjun lóðarleigusamnings, lóð undir hótel
Lagt fram bréf borgarstjóra f.h. borgarráðs, dags. 01.10.02, varðandi umsókn Maríu Björnsdóttur frá 23. f.m. um endurnýjun lóðarleigusamnings og stækkunar vegna veitingareksturs í Nauthólsvík. Jafnframt er sótt um lóð undir hótel sem rekið yrði í tengslum við ylströndina í Nauthólsvík.
Frestað. Kynna formanni.

8.02 Reynisvatnsheiði, deiliskipulag
Lagt fram bréf Orkuveitu Reykjavíkur, dags. 02.10.02, varðandi afmörkun lóðar fyrir hitaveitugeyma og tengd mannvirki á Reynisvatnsheiði. Einnig lögð fram áfangaskýrsla Fjarhitunar hf, dags. í júlí 2002, varðandi tillögu að lóðarafmörkun, dags. í ágúst 2001 og deiliskipulagstillögu Teiknistofu Arkitekta, Brautarholti 6, dags. 09.12.02.
Kynnt.

9.02 Víðidalur, Fákur, breyting á deiliskipulagi
Lögð fram tillaga Landslags ehf og Helga Hafliðasonar arkitekts, dags. 10.12.02, að breytingu á deiliskipulagi og skilmálum fyrir hesthús í Víðidal.
Kynnt.

10.02 Austurberg, Leiknir,
Lagt fram bréf Péturs Jónssonar landslagsarkitekts, dags. 03.12.02 ásamt breyttum skipulagsuppdrætti að íþróttasvæði Leiknis við Austurberg í Breiðholti, dags. 19.11.02.
Frestað. Umsækjandi hafi samband við embættið.

11.02 Skólavörðustígur/Bankastræti, endurhönnun götu
Lögð fram og kynnt tillaga Kjartans Mogensen landslagsarkitekts að yfirborðsfrágangi á Skólavörðustíg milli Týsgötu og Skólavörðuholts og í Bankastræti milli Bankastrætis 1 og Ingólfstrætis.
Kynnt.

12.02 Skuggahverfi, syðri hluti
Lögð fram drög að tillögum Hornsteina arkitekta, að breytingu á deiliskipulagi Skúlagötusvæðis, merkt drög I, dags. 11.12.02 og drög II, dags. 07.11.02.
Kynnt.

19.02 Borgartún 34-36, breyting á deiliskipulagi
Að lokinni auglýsingu er lagt fram að nýju bréf Teiknistofunnar Tekton, dags. 19.06.02, ásamt tillögu að breytingu á deiliskipulagi, dags. 19.06.02. Málið var í auglýsingu frá 25. október til 6. desember, athugasemdafrestur var til 6. desember 2002. Athugasemdabréf barst frá Vegagerðinni, dags. 04.12.02.
Vísað til umsagnar umhverfis- og tæknisviðs.

20.02 Vesturhöfnin, Norðurgarður
Að lokinni auglýsingu er lagt fram að nýju bréf Reykjavíkurhafnar, dags. 12.09.02, ásamt tillögu Arkitekta Gunnars og Reynis sf, að deiliskipulagi og stækkun lóðar Granda við Norðurgarð, dags. 02.09.02. Einnig lögð fram skýrsla "Framtíðarnot hafnarmannvirkja í Gömlu höfninni." dags. 12.04.02. Málið var í auglýsingu frá 25. október til 6. desember, athugasemdafrestur var til 6. desember 2002. Engar athugasemdir bárust.
Samþykkt. Lagfæra þarf uppdrátt.

22.02 Þórsgötureitur, deiliskipulag
Að lokinni auglýsingu er lögð fram að nýju tillaga Dennisar og Hjördísar ásamt greinargerð, dags. 15.08.02, að deiliskipulagi að Þórsgötureit, sem markast af Þórsgötu, Týsgötu, Lokastíg og Baldursgötu. Málið var í auglýsingu frá 25. október til 6. desember, athugsemdafrestur var til 6. desember 2002. Athugasemdabréf barst frá Kristínu Guðbjartsdóttur, Baldrusgötu 37, dags. 06.12.02. Lögð fram umsögn skipulagsfulltrúa, dags. 11.12.02.
Kynnt.

24.02 Hrísateigur 47 og 47a, stækkun
Lögð fram tillaga Þorsteins Geirharðssonar arkitekts, dags. 11.12.02, að stækkun húsanna nr. 47 og 47a við Hrísateig.
Kynnt. Hverfisstjóra falið að vinna umsögn.

25.02 Laugarnesvegur 68, fjölbýlish., 3.h., 3 íb.
Að lokinni grenndarkynningu byggingarleyfisumsóknar er lagt fram að nýju bréf frá afgreiðslufundi byggingarfulltrúa, dags. 11.09.02, þar sem sótt er um leyfi til þess rífa einnar hæðar steinsteypt íbúðarhús, byggja þrílyft steinsteypt íbúðarhús með þremur íbúðum og stytta og breyta bílskúr á lóð nr. 68 við Laugarnesveg, samkv. uppdr. ASK arkitekta Skógarhlíð, dags. 28.08.02. Málið var í kynningu frá 14. október til 12. nóvember 2002. Athugasemdabréf bárust frá íbúum að Laugarnesvegi 70, dags. 07.11.02 og íbúum að Laugarnesvegi 75, dags. 10.11.02. Einnig lögð fram umsögn skipulagsfulltrúa og uppdr. hönnuða dags. 19.11.02 þar sem húsið hefur verið dregið inn um 105 cm.
Stærð: Niðurrif íbúðarhús (fastanr. 201-6865) 86,4 ferm., 233 rúmm.
Fjölbýlishús kjallari 37,4 ferm., 1.-3. hæð 112,3 ferm. hver hæð, samtals 374,3 ferm., 1073,7 rúmm.
Bílskúr var 40 ferm., verður 35,1 ferm.
Gjald kr. 4.800 + 53.953
Kynnt. Vísað til skipulags- og byggingarnefndar.

26.02 Safamýri 28, Knattspyrnufélagið Fram
Lögð fram tillaga Arkhússins ehf, dags. 09.12.02, að deiliskipulagi á reit, sem afmarkast af Starmýri að norðan, Miklubraut að sunnan, Safamýri að austan og Álftamýri að vestan.

Kynnt.

27.02 Teigagerði, deiliskipulag
Að lokinni auglýsingu er lögð fram að nýju tillaga að deiliskipulagi reits sem afmarkast af Breiðagerði, lóð Breiðagerðisskóla, Hæðargarði að hluta og Grensásvegi að hluta, dags. í sept. 2002. Málið var í auglýsingu frá 25. október til 6. desember, athugasemdafrestur var til 6. desember 2002. Athugasemdabréf bárust frá Valdimar Einissyni, Teigagerði 7, dags. 02.12.02, Sif Björk Baldursdóttur, Steinagerði 12, dags. 05.12.02, Lögmannsstofunni Skeifunni f.h. Guðlaugar Helgu Ásgeirsdóttur og Lárusar S. Marinussonar, Teigagerði 3, dags. 06.12.02, Bjartmari Bjarnasyni og Guðrúnu Helgu Gylfadóttur, Steinagerði 15, dags. 15.11.02. Einnig lögð fram drög að umsögn skipulagsfulltrúa, dags. 10.12.02.
Kynnt.

28.02 Vatnagarðar 6 og 8, stækkun byggingarreits
Lagt fram bréf teiknistofunnar Á stofunni - arkitektar, dags. 11.12.02, varðandi stækkun byggingarreits á lóðum nr. 6 og 8 við Vatnagarða.
Frestað. Hverfisstjóra falið að vinna umsögn.

33.02 Kjalarnes, Skógarás, vélageymsla
Lagt fram bréf skrifst.stj. borgarstjórnar, dags. 05.11.02, ásamt bréfi Ólafs Böðvarssonar Skógarási frá 29. f.m. varðandi skemmu í landi Skógaráss á Kjalarnesi. Einnig lögð fram tillaga skipulags- og byggingarsviðs, dags. 12.12.02.
Forstöðumanni lögfræði og stjórnsýslu falið að svara til borgarráðs m.t.t. tillögu skipulags- og byggingarsviðs.

34.02 Lyngháls 1, bráðabirgðabygging
Lagt fram bréf byggingarfulltrúa, dags. 31.10.02, varðandi fyrirspurn um hvort bráðabirgðabygging sem Íslensk erfðagreining ehf, fékk samþykkta til þriggja ára fái að standa áfram. Núverandi bráðabirgðaleyfi rennur út 1. september 2003. Einnig lögð fram umsögn skipulagsfulltrúa, dags. 12.12.02.
Neikvætt. með vísan til umsagnar.

35.02 Stórhöfði 33, fsp. gistiheimili
Lagt fram bréf frá afgreiðslufundi byggingarfulltrúa, dags. 25.10.02, þar sem spurt er hvort leyft yrði að reka gistiheimili með átján herbergjum á þriðju hæð hússins á lóðinni nr. 33 við Stórhöfða, samkv. uppdr. Teiknistofunnar Smiðjuvegi 11, dags. 15.10.02. Einnig lögð fram umsögn skipulagsfulltrúa, dags. 12.12.02.
Jákvætt með vísan til umsagnar.