Aðalstræti 4, Grettisgata 16b, Laugavegur 7, Reitur 1.173.1, Ármúli 8-10, Fossvogsvegur, Langagerði 42, Laugarásvegur 25, Garðastræti 4, Hörpugata 2, Nýlendugata 4, Reitur 1.193, Heilsuverndarstöðvarreitur, Seljavegur 2, Skipholt 10, Stúfholt, Vitastígur 20, Þorragata, Þórsgata 10, Árkvörn 6, Ártúnsskóli, Gljúfrasel 7, Logafold 128, Naustabryggja 13-15, Hraunbær 111, 111A-G,

Embættisafgreiðslufundur skipulagsfulltrúa Reykjavíkur samkvæmt samþykkt nr. 627/2000.

47. fundur 2002
Ár 2002, föstudaginn 6. desember kl. 10:30 var haldinn 47. embættisafgreiðslufundur skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru: Helga Bragadóttir og Bjarnfríður Vilhjálmsdóttir. Eftirtaldir embættismenn gerðu grein fyri einstökum málum: Ágústa Sveinbjörnsdóttir Jóhannes Kjarval, Úlfar Másson, Margrét Þormar, Ólöf Örvarsdóttir og Björn Axelsson. Fundarritari var Ívar Pálsson.
Þetta gerðist:

1.02 Aðalstræti 4, breyting á deiliskipulagi
Lögð fram tillaga Guðna Pálssonar arkitekts, dags. 05.12.02, að breytingu á deiliskipulagi á lóðinni nr. 4 við Aðalstræti.
Samþykkt að grenndarkynna tillöguna fyrir hagsmunaaðilum að Aðalstræti 6.
2.02 Grettisgata 16b, viðbygging og aðkoma
Lagt fram bréf Ingibjargar Þorsteinsdóttur, dags. 18.11.02, varðandi viðbyggingu og aðkomu að húsinu á lóðinni nr. 16b við Grettisgötu. Einnig lögð fram umsögn skipulagsfulltrúa, dags. 02.12.02.
Jákvætt samanber umsögn skipulagsfulltrúa.
3.02 Laugavegur 7, fsp. veitingastaður
Lagt fram að nýju bréf frá afgreiðslufundi byggingarfulltrúa, dags. 31.10.02, þar sem spurt er hvort leyft yrði að innrétta veitingastað í samræmi við meðfylgjandi teikningar M3 arkitekta, dags. 21.10.02, á fyrstu hæð hússins nr. 7 við Laugaveg. Einnig lögð fram umsögn skipulagsfulltrúa, dags. 14.11.02 og umsögn borgarlögmanns, dags. 06.12.02.
Frestað. Kynna formanni.
4.02 Reitur 1.173.1, Laugavegur 56, 58, 58B
Lögð fram umsögn skipulagsfulltrúa, dags. 03.12.02.
Frestað. Kynna formanni.
5.02 Ármúli 8-10, Múlaborg
Lagt fram bréf Leikskóla Reykjavíkur, dags. 14.11.02, varðandi mæliblað fyrir leikskólann Múlaborg, Ármúla 8a.
Frestað. Hverfisstjóra falið að vinna umsögn.
6.02 Fossvogsvegur, fjölbýlishús fyrir eldri borgara
Að lokinni hagsmunaaðilakynningu er lögð fram að nýju forsögn skipulags- og byggingarsviðs dags. 8.10.02. Athugasemdabréf bárust frá eigendum húsa við Árland, dags. 20.11.02, 47 eigendum íbúða og húsa í nágrenninu, dags. 23.11.02, Sigurgísla Eyjólfssyni, Klifveg 2, dags. 23.11.02 og íbúum Álftalandi 13, dags. 23.11.02. Ennfremur lagður fram tölvupóstur Arnars Steinsen dags. 19.11.02 og Gunnars Mogensen og Huldu G. Mogensen, dags. 05.12.02. Lögð fram samantekt skipulagsfulltrúa á athugasemdum íbúa.


Kynnt.
7.02 Langagerði 42, viðbygging
Lagt fram bréf frá afgreiðslufundi byggingarfulltrúa, dags. 04.12.02, þar sem sótt er um samþykki fyrir áður gerðri stækkun kjallara í sökkulrými, leyfi til þess að byggja anddyrisviðbyggingu við norðausturhlið, færa tröppur, setja svalahurð á suðvesturhlið 1. hæðar, stækka 2. hæð út yfir svalir einbýlishússins á lóð nr. 42 við Langagerði, samkv. uppdr. Teiknistofunnar Traðar ehf, dags. 26.11.02.
Stærð: Áður gerð stækkun kjallara 17,9 ferm., 34 rúmm., viðbygging samtals 7,2 ferm., 16 rúmm.
Gjald kr. 4.800 + 2.400
Samþykkt að grenndarkynna byggingarleyfisumsóknina fyrir hagsmunaaðilum að Langagerði 40, 44 og 56.
8.02 Laugarásvegur 25, fsp. viðbygging
Lagt fram bréf frá afgreiðslufundi byggingarfulltrúa, dags. 04.12.02, þar sem spurt er hvort leyft yrði að reisa viðbyggingu á einni eða tveimur hæðum að austurhlið hússins á lóðinni nr. 25 við Laugarásveg.
Jákvætt með vísan í skipulagsskilmála dags. 10. sept. 1959. Grenndarkynna þarf byggingaleyfisumsóknina berist hún.
9.02 Garðastræti 4, fsp. ofanábygging - fjölgun íb.
Lagt fram bréf frá afgreiðslufundi byggingarfulltrúa, dags. 04.12.02, þar sem spurt er hvort leyft yrði að hækka rishæð og koma þar fyrir tveimur íbúðum og skipta íbúð á fyrstu hæð í tvær íbúðir í húsinu nr. 4 við Garðastræti.
Í húsinu eru nú fimm íbúðir en yrðu átta eftir þessar breytingar. Einnig lögð fram umsögn skipulagsfulltrúa, dags. 06.12.02.
Jákvætt með vísan til umsagnar skipulagsfulltrúa.
10.02 Hörpugata 2, (fsp) nýtt íbúðarhús
Lagt fram bréf frá afgreiðslufundi byggingarfulltrúa, dags. 27.11.02, þar sem spurt er hvort leyft yrði að byggja tvílyft íbúðarhús ásamt mögulegum kjallara á norðurhluta lóðar nr. 2 við Hörpugötu. Bréf fyrirspyrjanda dags. 25. nóvember 2002, 16. maí og 21. júní 1988, afstöðumynd með innteiknuðum byggingarreit, þinglýsingarskjal vegna skiptingar lóðar, bréf borgaryfirvalda dags. 21. júní og 14. ágúst 1988 ásamt bréfi íbúa til Borgarráðs dags. 29. ágúst 1988 fylgja erindinu .
Neikvætt. Embættið telur rétt að umsækjandi haldi sig við tillögu, sem samþykkt var í borgarráði 11.11.97.
11.02 Nýlendugata 4, (fsp) skúrbygging
Lagt fram bréf frá afgreiðslufundi byggingarfulltrúa, dags. 07.11.02, þar sem spurt er hvort leyft yrði að byggja bílskúr að austurhlið hússins nr. 4 við Nýlendugötu.
Svipað erindi var samþykkt þann 10. desember 1987 og endurnýjað árið 1989.
Jákvætt. Grenndakynna þarf byggingarleyfisumsókn berist hún.
12.02 Reitur 1.193, Heilsuverndarstöðvarreitur, deiliskipulag
Að lokinni kynningu fyrir hagsmunaaðilum er lögð fram að nýju drög að deiliskipulagstillögu Hornsteina arkitekta ehf, dags. í sept. 2002, ásamt endurskoðaðri tillögu að deiliskipulagi reits, sem markast af Snorrabraut, Egilsgötu, Barónsstíg og Bergþórugötu (Heilsuverndarreitur). Einnig lögð fram húsakönnun Árbæjarsafns 2002, umsögn Húsafriðunarnefndar, dags. 24.10.02. Lagt fram athugasemdabréf Orkuveitu Reykjavíkur, dags. 04.11.02, bréf íþróttafulltrúa og forstöðumanns Sundhallarinnar, dags. 28.10.02, bréf Félagsþjónustunnar, dags. 05.11.02 og bréf Guðríðar Helgadóttur, mótt. 13.11.02.
Kynnt.
13.02 Seljavegur 2, br. á 1.h í kaffistofu
Lagt fram bréf frá afgreiðslufundi byggingarfulltrúa, dags. 27.11.02, þar sem sótt er um leyfi til þess að breyta vestarihluta 1. hæðar (matshluta 02) í kaffistofu og byggja glerskála við norðurhlið, að porti, á lóð nr. 2 við Seljaveg, samkv. uppdr. Þjónustu arkitekta, dags. 18.11.02.
Samþykki meðeigenda (á teikningu) og umboð vegna undirskriftar dags. 19. nóvember 2002 fylgja erindinu.
Stærð: Glerbygging 26,7 ferm., 114,8 rúmm.
Gjald kr. 4.800 + 5.510
Ekki er gerð athugasemd við erindið.
14.02 Skipholt 10, (fsp) hús 10-12 svalir
Lagt fram bréf frá afgreiðslufundi byggingarfulltrúa, dags. 04.12.02, þar sem spurt er hvort leyft yrði að byggja svalir á 1. og 2. hæð í líkingu við fyrirliggjandi uppdrætti Sverris Norðfjörðs arkitekts, dags. í nóv. 2002, á lóð 10 og 12 við Skipholt.
Frestað. Hverfisstjóra falið að vinna umsögn.
15.02 Stúfholt, lokun
Lagt fram bréf Svavars G. Jónsonar f.h. Húsfélagsins Stúfholti 3, dags. 05.06.01, varðandi framtíðarskipulag Stúfholts.
Frestað. Kynna formanni.
16.02 Vitastígur 20, (fsp) hækkun á þaki ofl
Lagt fram bréf frá afgreiðslufundi byggingarfulltrúa, dags. 07.11.02, þar sem spurt er hvort leyft yrði að hækka þak, byggja kvisti á vestur og austurhlið og innrétta íbúðarherbergi á rishæð hússins nr. 20 við Vitastíg.
Íbúðarherbergi á rishæð yrði í eigu íbúðarinnar á annarri hæð hússins, samkv. uppdr. Arnar Þórs Halldórssonar arkitekts, dags. 20.10.02. Bréf hönnuðar dags. 29. október 2002 fylgir erindinu. Umboð eiganda dags. 22. október 2002 fylgir erindinu. Einnig lögð fram umsögn hverfisstjóra, dags. 05.12.02.
Jákvætt með vísan til umsagnar hverfisstjóra.
17.02 Þorragata, lóðarspilda
Lagt fram bréf Tómthúsa ehf, dags. 01.10.02. Einnig lagt fram bréf Gauts Gunnarssonar dags. 3.10.02 ásamt uppdr. Rýma arkitekta dags. 26.09.02, varðandi tillögu að fjölbýli á lóðarspildu við Þorragötu.
Frestað á milli funda.
18.02 Þórsgata 10, breyting inni og úti
Sótt er um leyfi til þess að stækka kvist á suðvesturhlið, koma fyrir svölum á annarri hæð og rishæð, byggja nýtt anddyri úr steinsteypu að suðurhlið húss, breyta innra skipulagi og fækka íbúðum úr þremur í tvær í matshluta 01 á lóðinni nr. 10 við Þórsgötu. Greinargerð hönnuðar dags. 16. október 2002 og samþykki meðlóðarhafa (á teikn.) fylgir erindinu. Einnig lögð fram umsögn Árbæjarsafns, dags. 28.11.02.
Stærð: Stækkun anddyri og kvistur 4,5 ferm. og 23,0 rúmm.
Gjald kr. 4.800 + 1.104
Ekki er gerð athugasemd við erindið.
19.02 Árkvörn 6, Ártúnsskóli, breyting á lóðarmörkum
Að lokinni grenndarkynningu er lögð fram að nýju ný tillaga Landslags ehf og Arkitektastofunnar OÖ, dags. 17.10.02, að breytingu á lóðarmörkum á lóðinni nr. 6 við Árkvörn, smá breytingu á byggingarreit og fyrirkomulagi bílastæða. Einnig lagt fram bréf byggingardeildar borgarverkfræðings dags. 19.11.01. Málið var í kynningu frá 6. nóvember til 5. desember 2002. Athugasemdabréf barst frá Kára Fanndal Guðbrandssyni, Seiðakvísl 33, dags. 04.12.02.
Frestað. Óskað er eftir umsögn fasteignastofu um athugasemdabréf Kára Fanndals.
20.02 Gljúfrasel 7, tvær íbúðir
Að lokinni grenndarkynningu byggingarleyfisumsóknar er lagt fram að nýju bréf frá afgreiðslufundi byggingarfulltrúa, dags. 24.10.02, þar sem sótt er um leyfi til þess að gera íbúð á jarðhæð hússins Grjótasel 8 (matshl. 02) á lóðinni Gljúfrasel 7 - Grjótasel 8, samkv. uppdr. Loga M. Einarssonar arkitekts, dags. 13.10.02. Málið var í kynningu frá 4. nóvember til 3. desember 2002. Athugasemdabréf barst frá Ingibjörgu Jóhannsdóttur og Einari Fal Ingólfssyni, Gljúfraseli 7, dags. 01.12.02.
Kynnt. Vísað til skipulags- og byggingarnefndar.
21.02 Logafold 128, skýli
Lagt fram bréf frá afgreiðslufundi byggingarfulltrúa, dags. 27.11.02, þar sem sótt er um leyfi til þess að byggja opið skýli að austurhlið bílskúrs á lóðinni nr. 128 við Logafold, samkv. uppdr. Úti og inni, dags. 18.11.02.
Gjald kr. 4.800
Samþykkt að grenndarkynna umsóknina fyrir hagsmunaaðilum að Logafold 130.
22.02 Naustabryggja 13-15, fjölgun íbúða
Lagt fram bréf Gunnars Jónatanssonar framkv.stj. Búseta, dags. 07.11.02, varðandi fjölgun íbúða við Naustabryggju 13-17.
Synjað. Samræmist ekki skilmálum.
23.02 Hraunbær 111, 111A-G, Fjölbýlishús m. 22 íb.
Sótt er um leyfi til þess að byggja þriggja hæða steinsteypt fjölbýlishús með 22 íbúðum allt einangrað að utan og klætt með báruklæðningu úr alusinki á lóð nr. 111,111A-G við Hraunbæ.
Jafnframt er lagt til að húsið (matshluti 01) verði framvegis nr. 111 og 111A við Hraunbæ.
Bréf hönnuðar dags. 26. nóvember 2002 fylgir erindinu.
Stærð: Fjölbýlishús (matshluti 01)1. hæð 658,8 ferm., 2. hæð 658,8 ferm., 3. hæð 658,8 ferm., samtals 1976,4 ferm., 6080,8 rúmm. (svalagangur 74,3 ferm.)
Gjald kr. 4.800 + 301.686
Frestað. Óskað er eftir umsögn OR vegna Sogslína og umferðardeildar verkfræðistofu vegna breytinga á Bæjarhálsi.