Afgreiðslufundir nr. 44

Aðalstræti 4, Andrésbrunnur 2-10, Grettisgata 33, Heiðargerði, Ingólfsstræti 1, Laugarnesvegur 68, Laugavegur 180, Laugavegur 81, Ránargata 8, Reitur 1.174.2, Reykjaæðar I og II, Smiðshöfði 19, Starmýri 4-8, Stórhöfði 33, Tunguháls 3, Víðidalur, Fákur, Þingholtsstræti 5, Þórðarsveigur 26-30, Þórsgata 10, Öldugata 2,

Embættisafgreiðslufundur skipulagsfulltrúa Reykjavíkur samkvæmt samþykkt nr. 627/2000.

44. fundur 2002

Ár 2002, föstudaginn 15. nóvember kl. 10:00 var haldinn 44. embættisafgreiðslufundur skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru:

Þetta gerðist:

1.02 Aðalstræti 4, (fsp) Endurbygging g.húsa
Sótt er um leyfi til þess að byggja hótelbyggingu á tveimur til sex hæðum með áttatíu og einu herbergi á lóðinni nr. 4 við Aðalstræti.
Nýbyggingar hússins eru steinsteyptar en eldri húshlutar eru úr timbri og steinhleðslu.
Bréf hönnuðar varðandi aðstöðu fyrir fatlaða (ódags.) fylgir erindinu.
Bráðabirgðaskýrsla um brunahönnun dags. 21. október 2002 fylgir erindinu.
Umsagnir Árbæjarsafns dags. 3. apríl 2002 og 15. júlí 2002 fylgja erindinu.
Vísað til umsagnar skipulagsfulltrúa af skipulags- og byggingarnefndar þann 06.11.02.
Frestað. Hverfisstjóra falið að vinna umsögn.

2.02 Andrésbrunnur 2-10, breyting á byggingarreit
Lagt fram bréf Kristins Ragnarssonar arkitekts, dags. 08.11.02, varðandi breytingu á byggingarreit á lóðunum nr. 2-10 við Andrésbrunn, samkv. uppdr. Teiknistofunnar Smiðjuvegi 11, dags. 07.11.02.
Frestað. Hverfisstjóra falið að vinna umsögn.

3.02 Grettisgata 33, (fsp) fjölbýlishús
Lagt fram að nýju bréf frá afgreiðslufundi byggingarfulltrúa, dags. 31.10.02, þar sem spurt er hvort leyft yrði að rífa húsið á lóðinni nr. 33 við Grettisgötu og bygga í þess stað þriggja til fjögurra hæða fjölbýlishús, samkv. uppdr. Gunnars S. Óskarssonar, dags. 14.05.02, breytt 08.06.02. Einnig lögð fram umsögn skipulagsfulltrúa dags. 15.11.02.
Neikvætt með vísan til umsagnar.

4.02 Heiðargerði, deiliskipulag
Lögð fram tillaga að deiliskipulagi Heiðargerðisreits,, dags. 28.06.02, sem afmarkast af Miklubraut til norðurs, Grensásvegi til austurs, Brekkugerði og lóð Hvassaleitisskóla til suðurs og húsum við Stóragerði til vesturs. Einnig lagt fram bréf Eggerts Guðmundssonar og Guðmundar Ó. Eggertssonar, dags. 15.09.02.
Kynnt.

5.02 Ingólfsstræti 1, Fiskistofa
Lögð fram tillaga að breytingu á deiliskipulagi á lóðinni nr. 1 við Ingólfsstræti dags. 15.11.02.
Samþykkt að grenndarkynna tillöguna fyrir hagsmunaaðilum að Sölvhólsgötu 7, Kalkofnsvegi 1 og Skúlagötu 4.

6.02 Laugarnesvegur 68, fjölbýlish., 3.h., 3 íb.
Að lokinni grenndarkynningu byggingarleyfisumsóknar er lagt fram að nýju bréf frá afgreiðslufundi byggingarfulltrúa, dags. 11.09.02, þar sem sótt er um leyfi til þess rífa einnar hæðar steinsteypt íbúðarhús, byggja þrílyft steinsteypt íbúðarhús með þremur íbúðum og stytta og breyta bílskúr á lóð nr. 68 við Laugarnesveg, samkv. uppdr. ASK arkitekta Skógarhlíð, dags. 28.08.02. Málið var í kynningu frá 14. október til 12. nóvember 2002. Athugasemdabréf bárust frá íbúum að Laugarnesvegi 70, dags. 07.11.02 og íbúum að Laugarnesvegi 75, dags. 10.11.02.
Stærð: Niðurrif íbúðarhús (fastanr. 201-6865) 86,4 ferm., 233 rúmm.
Fjölbýlishús kjallari 37,4 ferm., 1.-3. hæð 112,3 ferm. hver hæð, samtals 374,3 ferm., 1073,7 rúmm.
Bílskúr var 40 ferm., verður 35,1 ferm.
Gjald kr. 4.800 + 53.953
Frestað. Óskað eftir tillögu frá umsækjanda þar sem dregið er úr dýpt hússins.

7.02 Laugavegur 180, -182, hækkun
Lagt fram bréf Tekton ehf, dags. 21.09.02, varðandi einnar hæðar hækkun hússins að Laugavegi 182, samkv. uppdr. dags. 31.10.02. Einnig lögð fram umsögn skipulagsfulltrúa dags. 12.11.02.
Frestað. Kynna formanni.

8.02 Laugavegur 81, (fsp) kaffihús
Lagt fram að nýju bréf frá afgreiðslufundi byggingarfulltrúa, dags. 31.10.02, þar sem spurt er hvort leyft yrði að breyta útliti norður- og austurhliðar húss og hvort leyfður yrði rekstur kaffihúss með sætum fyrir fimmtíu gesti á fyrstu og annarri hæð hússins á lóðinni nr. 81 við Laugaveg, samkv. uppdr. Vinnustofu Kópavogs, dags. 22.10.02.
Samkomulag eigenda Laugavegar 81 dags. 27. september 2002. Einnig lögð fram umsögn skipulagsfulltrúa, dags. 12.11.02.
Ekki er gerð athugasemd við erindið með vísan til umsagnar.

9.02 Ránargata 8, kvistur,svalir
Lagt fram bréf frá afgreiðslufundi byggingarfulltrúa, dags. 07.11.02, þar sem sótt er um leyfi til þess að byggja kvist og svalir á norðurþekju rishæðar og sameina rými hússins í eina eign á lóð nr. 8 við Ránargötu, samkv. uppdr. Luigi Bartolozzi arkitekts, dags. 04.11.02.
Bréf eiganda dags. 4. nóvember 2002 og samþykki nágranna ódags. fylgja erindinu.
Stærð: Stækkun 3. hæðar 10,1 ferm., 25,2 rúmm.
Gjald kr. 4.800 + 1.210
Frestað. Óskað eftir skuggavarpi.

10.02 Reitur 1.174.2, Grettisgata, Vitastígur, Laugavegur, Barónsstígur
Að lokinni auglýsingu er lögð fram breytt tillaga Arkitekta Gunnars og Reynis, dags. br. 26.09.02, að deiliskipulagi reits 1.174.2, sem afmarkast af Grettisgötu, Vitastíg, Laugavegi og Barónsstíg. Málið var í auglýsingu frá 12. júlí til 23. ágúst, athugasemdafrestur var til 23. ágúst 2002. Athugasemdabréf bárust frá Helga Magnúsi Hermannssyni og Björk Baldursdóttur, Laugavegi 76B og Guðbrandi G. Brandssyni, Laugavegi 76A, mótt. 23.08.02, Guðbrandi Gísla Brandssyni, Laugavegi 76A, mótt. 23.08.02, Helga Magnússyni Hermannssyni og Björk Baldursdóttur, Laugavegi 76B, mótt. 23.08.02 og Gigant ehf byggingarfélagi, dags. 23.08.02. Einnig lögð fram svör skipulagsfulltrúa við athugasemdum, dags. 15.11.02.

Kynnt.

11.02 Reykjaæðar I og II, endurnýjun
Lagt fram bréf Orkuveitu Reykjavíkur, dags. 04.10.02, varðandi endurnýjun Reykjaæða I og II, samkv. uppdr. Fjarhitunar hf, dags.29.05.02 og 26.09.02. Einnig lagður fram tölvupóstur Línuhönnunar Landssímans dags. 31.10.02.
Hverfisstjóra falið að svara.
19.11.2002 sjá word skjöl

12.02 Smiðshöfði 19, nýbygging
Lagt fram að nýju bréf Arkís ehf dags. 22.10.02 ásamt uppdr. dags 21.10.02 að byggingu skrifstofu- og þjónustuhúsnæðis á lóð nr. 19 við Smiðshöfða. Einnig lagt fram minnisblað skipulags- og byggingarsviðs dags. 13.11.02.
Frestað. Kynna formanni.

13.02 Starmýri 4-8, fsp. nr. 6 viðbygging
Lagt fram bréf frá afgreiðslufundi byggingarfulltrúa, dags. 31.10.02, þar sem spurt er hvort leyft yrði að byggja við suðurhlið hússins nr. 6 við Starmýri á lóðinni Starmýri 4-8, Safamýri 16-18, samkkv. uppdr. Þjónustu arkitekta, dags. 18.10.02.
Bréf hönnuðar dags. 17. október 2002 fylgir erindinu.
Frestað. Hverfisstjóra falið að vinna umsögn.

14.02 Stórhöfði 33, fsp. gistiheimili
Lagt fram bréf frá afgreiðslufundi byggingarfulltrúa, dags. 25.10.02, þar sem spurt er hvort leyft yrði að reka gistiheimili með átján herbergjum á þriðju hæð hússins á lóðinni nr. 33 við Stórhöfða, samkv. uppdr. Teiknistofunnar Smiðjuvegi 11, dags. 15.10.02.
Frestað. Hverfisstjóra falið að vinna umsögn.

15.02 Tunguháls 3, lóð skipt
Lagt fram bréf frá afgreiðslufundi byggingarfulltrúa, dags. 07.11.02, þar sem sótt er um leyfi til þess að skipta lóðinni Tunguháls 3 upp í tvær lóðir, Tunguháls 1 og Tunguháls 3, sbr. meðfylgjandi teikningar Gunnlaugs Ó. Johnson arkitekts, dags. 03.10.02.
Gjald kr. 4.800
Frestað milli funda.

16.02 Víðidalur, Fákur, breyting á deiliskipulagi
Lögð fram tillaga Reynis Vilhjálmsonar og Helga Hafliðasonar, dags. ...að breytingu á deiliskipulagi og skilmálum fyrir hesthús í Víðidal.
Frestað milli funda.

17.02 Þingholtsstræti 5, (fsp) veitingahús á 1.h
Lagt fram bréf frá afgreiðslufundi byggingarfulltrúa, dags. 07.11.02, þar sem spurt er hvort leyft yrði að innrétta veitingahús, í líkingu við fyrirliggjandi skissu, á hluta 1. hæðar hússins á lóð nr. 5 við Þingholtsstræti.
Jákvætt að uppfylltum skilyrðum með vísan til umsagnar.

18.02 Þórðarsveigur 26-30, breyting á aðkomu
Lögð fram tillaga Teiknistofunnar Smiðjuvegi 11, dags. 31.10.02, að breyttri aðkomu að bílakjallara á lóðinni nr. 26-30 við Þórðarsveig.
Frestað. Vísað til umsagnar hverfisstjóra.

19.02 Þórsgata 10, breyting inni og úti
Sótt er um leyfi til þess að stækka kvist á suðvesturhlið, koma fyrir svölum á annarri hæð og rishæð, byggja nýtt anddyri úr steinsteypu að suðurhlið húss, breyta innra skipulagi og fækka íbúðum úr þremur í tvær í matshluta 01 á lóðinni nr. 10 við Þórsgötu.
Greinargerð hönnuðar dags. 16. október 2002 fylgir erindinu. Samþykki meðlóðarhafa (á teikn.) fylgir erindinu.
Stærð: Stækkun anddyri og kvistur 4,5 ferm. og 23,0 rúmm.
Gjald kr. 4.800 + 1.104
Frestað. Óskað eftir umsögn húsadeildar Árbæjarsafns.

20.02 Öldugata 2, breytt nýting
Lögð fram bréf Arkitekta- og skipulagsstofunnar Striksins, dags. 24.09.02 og 22.10.02, varðandi breytta nýtingu á húsi Bahá´ía að Öldugötu 2. Einnig lögð fram umsögn forstm. lögfræði- og stjórnsýslusviðs dags. 11.11.02.
Jákvætt með vísan til umsagnar.