Aðalstræti 2, Mjóstræti 4, Skólavörðurstígur 40, Hátún 6, Leifsgata 26, Njarðargata, Vesturgata 21 og 21B, Vesturvallagata 7, Lóðarumsókn fyrir útiveitingastað, Reynisvatnsheiði, Reitur 1.172.0, Reitur 1.172.1, Gljúfrasel 7, Iðufell 14, Leirubakki 34-36, Naustabryggja 13-15, Jörfagrund 2, Smiðshöfði 19,

Embættisafgreiðslufundur skipulagsfulltrúa Reykjavíkur samkvæmt samþykkt nr. 627/2000.

42. fundur 2002
Ár 2002, föstudaginn 1. nóvember kl. 11:20 var haldinn 42. embættisafgreiðslufundur skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru:
Þetta gerðist:

1.02 Aðalstræti 2, breyting á deiliskipulagi
Lögð fram tillaga Hjörleifs Stefánssonar arkitekts, dags. 01.11.02, að breytingu á deiliskipulagi á lóðinni nr. 2 við Aðalstræti.
Samþykkt að grenndarkynna erindið fyrir hagsmunaaðilum að Aðalstræti 4, Vesturgötu 2 og Hafnarstræti 1-3.
2.02 Mjóstræti 4, breyting á deiliskipulagi
Lögð fram tillaga Arkitekta Ólöf & Jon ehf, dags. 31.10.02, að breytingu á deiliskipulagi á lóðinni nr. 4 við Mjóstræti. Einnig lagt fram bréf Kristins E. Hrafnssonar, dags. 03.10.02, bréf Teiknistofunnar Skólavörðustíg 28 sf, dags. 07.10.02, bréf Húsafriðunarnefndar ríkisins, dags. 07.10.02 og umsögn Árbæjarsafns, dags. 08.10.02.
Kynna fyrir formanni.
3.02 Skólavörðurstígur 40, breyting á notkun
Lagt fram bréf Zeppelin arkitekta, dags. 31.10.02, varðandi breytingu á notkun jarðhæðar í fyrirhuguðu húsi á Skólavörðustíg 40, frá því að vera íbúðarhúsnæði í verslunarrými, samkv. uppdr. dags. 30.10.02.
Jákvætt gagnvart verslunarrými. Fá skuggavarp af bakbyggingu.
4.02 Hátún 6, viðbygging
Lögð fram ný tillaga Halldórs Guðmundssonar arkitekts, ásamt skuggamyndum, dags. 14.10.02 að nýjum íbúðum á lóðinni nr. 6 við Hátún. . Einnig lögð fram tillaga hverfisstjóra, dags. 07.03.02 og minnispunktar skipulagsfulltrúa, dags. 30.10.02.
Kynna formanni.
5.02 Leifsgata 26, áður gerður vinnuskúr
Lagt fram að nýju bréf frá afgreiðslufundi byggingafulltrúa 15. okt. 2002. Sótt er um samþykki fyrir áður gerðum vinnuskúr úr holsteini á lóð nr. 26 við Leifsgötu skv. uppdr. Davíðs Karlssonar byggfr. dags. 8.10.02.
Stærð: Áður gerður vinnuskúr 32,1 ferm., 78,8 rúmm.
Gjald kr. 4.800 + 3.782
Jákvætt með skilyrði um samþykki aðliggjandi lóðarhafa.
6.02 Njarðargata, flutningur bílastæða
Lagt fram bréf Óskars Jónssonar, Sjafnargötu 1, dags. 27.10.02, varðandi flutning bílastæða við Njarðargötu frá austurbrún að vesturbrún götu.
Vísað til umsagnar verkfræðistofu.
7.02 Vesturgata 21 og 21B, sameining lóða
Lagt fram bréf Arkitektastofu Þorgeirs, dags. 22.10.02, þar sem sótt er um að sameina lóðirnar Vesturgötu 21, Vesturgötu 21B, Ránargötu 8A og Ránargötu 10.
Kynna formanni.
8.02 Vesturvallagata 7, fsp. hækka hús
Lagt fram bréf frá afgreiðslufundi byggingarfulltrúa, dags. 25.10.02, þar sem spurt er hvort leyft yrði að hækka húsið nr. 7 við Vesturvallagötu um eina hæð og ris. Einnig lögð fram umsögn skipulagsfulltrúa, dags. 29.10.02.
Jákvætt með vísan í umsögn skipulagsfulltrúa.
9.02 Lóðarumsókn fyrir útiveitingastað, Arnargull ehf
Lagt fram bréf Arnargulls ehf, dags. 01.07.02, varðandi umsókn um lóð fyrir útiveitingastað með smáhýsum.
Kynna formanni.
10.02 Reynisvatnsheiði, lóðarafmörkun hitaveitugeyma
Lagt fram bréf Orkuveitu Reykjavíkur, dags. 02.10.02, varðandi afmörkun lóðar fyrir hitaveitugeyma og tengd mannvirki á Reynisvatnsheiði. Einnig lögð fram áfangaskýrsla Fjarhitunar hf, dags. í júlí 2002, varðandi tillögu að lóðarafmörkun, dags. í ágúst 2001 og deiliskipulagstillögu Teiknistofu Arkitekta, dags. 28.10.02.
Kynna formanni.
11.02 Reitur 1.172.0, Laugavegur, Klapparstígur, Hverfisgata, Vatnsstígur
Lögð fram tillaga Teiknistofunnar ehf, Ármúla 6, dags. 14.10.02 að deiliskipulagi reits 1.172.0, sem afmarkast af Laugavegi, Klapparstíg, Hverfisgötu og Vatnsstíg.
Kynna formanni.
12.02 Reitur 1.172.1, Laugavegur, Vatnsstígur, Hverfisgata og Frakkastígur
Lögð fram tillaga Teiknistofunnar ehf, Ármúla 6, dags. 31.05.02, að deiliskipulagi reits 1.172.1, sem afmarkast af Laugavegi, Vatnsstíg, Hverfisgötu og Frakkastíg.
Kynna formanni.
13.02 Gljúfrasel 7, tvær íbúðir
Lagt fram bréf frá afgreiðslufundi byggingarfulltrúa, dags. 24.10.02, þar sem sótt er um leyfi til þess að gera íbúð á jarðhæð hússins Grjótasel 8 (matshl. 02) á lóðinni Gljúfrasel 7 - Grjótasel 8, samkv. uppdr. Loga M. Einarssonar arkitekts, dags. 13.10.02.
Samþykkt að grenndarkynna umsóknina fyrir hagsmunaaðilum að Gljúfraseli 5, 7 og Grjótaseli 6, 9, 10 og 11.
14.02 Iðufell 14, (fsp) lóðarstækkun - veggir
Lagt fram bréf frá afgreiðslufundi byggingarfulltrúa, dags. 25.10.02, þar sem spurt er hvort leyft yrði að stækka til suðurs um 42,0 fermetra lóðina nr. 14 við Iðufell.
Lóðarskikinn yrði afgirtur með 3,0-3,5 m háum veggjum og yrði þar aðstaða fyrir pressugám, samkv. uppdr. Teiknistofunnar ARKO, dags. í okt. 2002.
Bréf byggingarfulltrúa dags. 2. september 2002 og bréf hönnuðar dags. 14. október 2002 fylgja erindinu.
Frestað. Kynna formanni.
15.02 Leirubakki 34-36, endurskoðun á skipulagi
Að lokinni auglýsingu er lögð fram að nýju tillaga Arkþings ehf, dags. 24.07.02, að breytingu á deiliskipulagi á lóðunum nr. 34-36 við Leirubakka. Málið var í auglýsingu frá 4. sept. til 16. október 2002. Athugasemdabréf barst frá Erlu Bjarnadóttur, Leirubakka 34, dags. 05.10.02, Hreiðari Svavarssyni f.h. Nandos ehf, Leirubakka 36, dags. 05.10.02, húsfélaginu Kóngsbakka 2-16 mótt. 14.10.02, húsfélaginu Leirubakka 34 mótt. 14.10.02.
Athugasemdir kynntar.
16.02 Naustabryggja 13-15, br. í 24 íb o.fl.
Lagt fram bréf frá afgreiðslufundi byggingarfulltrúa, dags. 25.10.02, þar sem sótt er um leyfi til þess að breyta verslunarrými (0103) á 1. hæð í íbúð og breyta innra skipulagi íbúða 0104, 0204 og 0304 í fjölbýlishúsinu á lóð nr. 13-15 við Naustabryggju. Bréf hönnuðar dags. 1. október 2002 fylgir erindinu.
Gjald kr. 4.800
Neikvætt með vísan til fyrri afgreiðslu og nýsamþykktrar deiliskipulagsbreytingar þann 6.11.2001.
17.02 Jörfagrund 2, fsp. raðhús og parhús
Lagt fram bréf frá afgreiðslufundi byggingarfulltrúa, dags. 11.09.02, þar sem spurt er hvort leyft yrði að breyta skipulagi og byggja tvö raðhús og eitt parhús eða samtals tíu íbúðir á einbýlishúsalóðunum nr. 2, 4, 6, 8 og 10 við Jörfagrund á Kjalarnesi, samkv. uppdr. Rýmu arkitekta, dags. 27.08.02. Bréf hönnuðar dags. 10. apríl 2001 fylgir erindinu.
Neikvætt. Samræmist ekki byggðamynstri og heildarhugsun skipulags.
18.02 Smiðshöfði 19, nýbygging
Lagt fram bréf Arkís ehf dags. 22.10.02 ásamt uppdr. dags 21.10.02 að byggingu skrifstofu- og þjónustuhúsnæðis á lóð nr. 19 við Smiðshöfða.
Frestað. Hverfisstjóra falið að gera umsögn.