Afgreiðslufundir nr. 32

Efstasund 12, Ingólfsstræti 5, Laugavegur 26, Reitur 1.171.1, Reitur 1.171.4, Hegningarhússreitur, Reitur 1.174.0, Ásvallagata 21, Bergstaðastræti 33A, Bergstaðastræti 79, Ingólfsstræti 21B, Laugavegur 132, Neskirkja, Skildingatangi 4, Vesturgata 59, Vitastígur 20, Bryggjuhverfi, Keilufell, Ólafsgeisli 14-16, Vorsabær 1, Völvufell 13-21, Kjalarnes, Esjumelar,

Embættisafgreiðslufundur skipulagsfulltrúa Reykjavíkur samkvæmt samþykkt nr. 627/2000.

32. fundur 2002

Ár 2002, föstudaginn 23. ágúst kl. 10:00 var haldinn 32. embættisafgreiðslufundur skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru: Helga Bragadóttir og Bjarnfríður Vilhjálmsdóttir. Eftirtaldir embættismenn gerðu grein fyrir einstökum málum: Nikulás Úlfar Másson, Margrét Þormar, Ágústa Sveinbjörnsdóttir, Þórarinn Þórarinsson og Björn Axelsson. Fundarritari: Ívar Pálsson.

Þetta gerðist:

1.02 Efstasund 12, Viðbygging og bílskúr
Lagt fram bréf frá afgreiðslufundi byggingarfulltrúa, dags. 23.08.02, þar sem sótt er um leyfi til þess að byggja viðbyggingu úr timbri að suður- og vesturhlið húss og byggja steinsteyptan bílskúr á lóðinni nr. 12 við Efstasund, samkv. uppdr. Lofts G. Þorsteinssonar byggingarfræðings, dags. 19.08.02.
Samþykki nágranna dags. 20. júní og 5. júlí 2002 fylgir erindinu.
Stærð: Stækkun húss 83,3 ferm. og 346,0 rúmm. Bílskúr xx ferm. og xx rúmm.
Gjald kr. 4.800 + xx
Samþykkt að grenndarkynna byggingarleyfisumsóknina fyrir hagsmunaaðilum að Efstasundi 10, 11, 13, 14 og 15 og Langholtsvegi 13.

2.02 Ingólfsstræti 5, endurnýjun á byggingarleyfi frá 09.08.2000
Lagt fram bréf frá afgreiðslufundi byggingarfulltrúa frá 13.08.02. Sótt er um endurnýjað byggingarleyfi frá 9. ágúst 2000 þar sem sótt er um leyfi til þess að byggja kvist og breyta núverandi lyftuhúsi á vesturþekju ásamt breyttu innra skipulagi 5. og 6. hæðar hússins á lóð nr. 5 við Ingólfsstræti. Einnig lögð fram umsögn skipulagsfulltrúa, dags. 22.08.02.
Stærð: Stækkun 6. hæðar vegna kvists 13,8 ferm., 34,5 rúmm.
Gjald kr. 4.800 + 1.656
Frestað. Vísað til skipulags- og byggingarnefndar. Lagt til að nefndin samþykki breytingar á skipulagi svæðisins í samræmi við umsókn án kynningar þar sem breytingin hefur ekki grenndaráhrif.

3.02 Laugavegur 26, stækkun á þakhæð
Lagt fram bréf Glámu-Kím arkitekta, dags. 23.07.02, varðandi stækkun íbúðar á þakhæð hússins nr. 26 við Laugaveg, samkv. uppdr. dags. 01.07.02. Einnig lögð fram umsögn skipulagsfulltrúa, dags. 22.08.02.
Frestað. Vísað til skipulags- og byggingarnefndar og lagt til að nefndin taki jákvætt í fyrirspurnina. Grenndarkynna þarf byggingarleyfisumsókn þegar hún berst, óskað er eftir að gögn um skuggavarp fylgi grenndarkynningu.

4.02 Reitur 1.171.1, Laugavegur, Smiðjustígur, Hverfisgata, Klapparstígur
Að lokinni auglýsingu er lögð fram að nýju tillaga Gylfa Guðjónssonar arkitekts að breyttu deiliskipulagi reits 1.171.1, dags. 15.05.02, sem afmarkast af Laugaveg/Smiðjustíg/Hverfisgötu og Klapparstíg. Málið var í auglýsingu frá 21. júní til 2. ágúst, athugasemdafrestur var til 2. ágúst 2002. Athugasemdabréf bárust frá eigendum íbúða í húsinu nr. 32B við Hverfisgötu, dags. 24.07.02, Hljómalind ehf, dags. 31.07.02.
Athugasemdir kynntar. Vísað til forstöðumanns lögfræði- og stjórnsýslu.

5.02 Reitur 1.171.4, Hegningarhússreitur, Laugav/Bergstaðastr./Skólav.st./Vegamótastígur
Að lokinni auglýsingu er lögð fram að nýju tillaga Teiknistofu arkitekta, dags. 22.04.02, að deiliskipulagi Hegningarhússreitsins, sem afmarkast af Laugavegi, Bergstaðastræti, Skólavörðustíg og Vegamótastíg. Málið var í auglýsingu frá 21. júní til 2. ágúst, athugasemdafrestur var til 2. ágúst 2002. Athugasemdabréf barst frá Laugabergi, eigenda Laugavegs 12 og Bankastrætis 1, dags. 30.07.02.
Athugasemdir kynntar.

6.02 Reitur 1.174.0, Vitastígur, Hverfisgata, Barónsstígur og Laugavegur
Að lokinni auglýsingu er lögð fram að nýju tillaga arkitekta Gunnars og Reynis, dags. 08.05.02, að deiliskipulagi reits 1.174.0, sem afmarkast af Vitastíg, Hverfisgötu, Barónsstíg og Laugavegi. Málið var í auglýsingu frá 21. júní til 2. ágúst, athugasemdafrestur var til 2. ágúst 2002. Ein athugasemd barst í tölvupósti frá forstöðumanni eignadeildar Landsbanka Íslands dags. 7.08.02.
Athugasemdir kynntar.

7.02 Ásvallagata 21, fsp. svalir á þak
Lagt fram bréf frá afgreiðslufundi byggingarfulltrúa frá 13.08.02. Spurt er hvort leyft yrði að rífa stóran hluta þaks og byggja þar svalir fyrir íbúð á annarri hæð húss á lóð nr. 21 við Ásvallagötu. Einnig lögð fram umsögn skipulagsfulltrúa dags. 22.08.02.
Jákvætt með vísan til umsagnar skipulagsfulltrúa.

8.02 Bergstaðastræti 33A, (fsp) upphækkun húss.
Lagt fram bréf frá afgreiðslufundi byggingarfulltrúa frá 13.08.02. Spurt er hvort leyft yrði að stækka íbúð annarrar hæðar með því að hækka húsið um eina hæð á lóð nr. 33B við Bergstaðastræti. Einnig lögð fram umsögn skipulagsfulltrúa dags. 22.08.02.
Neikvætt með vísan til umsagnar skipulagsfulltrúa.

9.02 Bergstaðastræti 79, Svalir
Lagt fram bréf frá afgreiðslufundi byggingarfulltrúa frá 13.08.02. Sótt er um leyfi til þess að byggja svalir ofan á anddyri við norðvesturhlið húss á lóð nr. 79 við Bergstaðastræti.
Gjald kr. 4.800
Samþykkt að grenndarkynna byggingarleyfisumsóknina fyrir hagsmunaaðilum að Bergstaðastræti 77 og Fjölnisvegi 14 og 16.

10.02 Ingólfsstræti 21B, svalir,gluggar
Lagt fram bréf frá afgreiðslufundi byggingarfulltrúa frá 13.08.02. Sótt er um leyfi til þess að breyta gluggum í upprunalegt horf, koma fyrir þakglugga á vesturhlið rishæðar og byggja svalir á suðurhlið hússins nr. 21B við Ingólfsstræti.
Samþykkt húsfélags dags. 15. júlí 2002 fylgir erindinu.
Gjald kr. 4.800
Frestað. Samræmist ekki gildandi skipulagi. Gera þarf ráð fyrir umsóttum breytingum í endurskoðuðu deiliskipulagi reitsins sem auglýst verður til kynningar innan skamms.

11.02 Laugavegur 132, reyndarteikningar
Lagt fram að nýju bréf frá afgreiðslufundi byggingarfulltrúa, dags. 24.07.02, þar sem sótt er um samþykki fyrir reyndarteikningum vegna eignaskiptayfirlýsingar á lóð nr. 132 við Laugaveg, samkv. uppdr. Ágústs Þórðarsonar byggingafræðings, dags. 15.07.02. Einnig lögð fram umsögn skipulagsfulltrúa dags.16.08.02.
Ljósrit af yfirlýsingu dags. 23. október 1970 fylgir erindinu.
Gjald kr. 4.800
Ekki er gerð athugasemd við reyndarteikningar að öðru leiti en því að ekki er heimilt að samþykkja bílastæði á lóðinni þar sem það samræmist ekki gildandi deiliskipulag á lóðinni sbr. umsögn skipulagsfulltrúa.

12.02 Neskirkja, viðbygging
Að lokinni auglýsingu er lögð fram að nýju tillaga VA arkitekta, dags. 06.06.02, að deiliskipulagi við Neskirkju. Einnig lögð fram bréf VA arkitekta f.h. sóknarnefndar Nessóknar dags. 21.03.02, bréf Húsafriðunarnefndar ríkisins, dags. 13.03.02 og bréf Árbæjarsafns, dags. 08.04.02. Málið var í auglýsingu frá 3. júlí til 14. ágúst, athugasemdafrestur var til 14. ágúst 2002. Engar athugasemdir bárust.

Samþykkt með vísan til 2. tl. 1 mgr. 1 gr. samþykktar nr. 672/2000 um embættisafgreiðslur skipulagsstjóra.

13.02 Skildingatangi 4, Einbýlishús
Lagt fram bréf frá afgreiðslufundi byggingarfulltrúa frá 13.08.02. Sótt er um leyfi til þess að byggja einlyft steinsteypt einbýlishús og steinsteyptan bílskúr á lóðinni nr. 4 við Skildingatanga.
Stærð: Íbúð (matshl.01) 178,5 ferm. og 611,1 rúmm. Bílskúr (matshl. 02) 39,5 ferm. og 125,9 rúmm.
Gjald kr. 4.800 + 35.376
Samræmist ekki skipulagi. Embættið er jákvætt fyrir breytingunni. Umsækjandi þarf að láta vinna tillögu að breytingu á deiliskipulagi á eigin kostnað sem grenndarkynna þarf fyrir hagsmunaaðilum.

14.02 Vesturgata 59, (fsp) viðbygging, svalir
Lagt fram bréf frá afgreiðslufundi byggingarfulltrúa, dags. 26.06.02,þar sem spurt er hvort leyft yrði að byggja svalir fyrir íbúðir á fyrstu og annari hæð ásamt viðbyggingu við suðurhlið kjallara íbúðarhússins á lóð nr.59 við Vesturgötu. Einnig lögð fram umsögn skipulagsfulltrúa dags. 22.08.02.
Jákvætt með vísan til umsagnar skipulagsfulltrúa, dags. 21.08.02.

15.02 Vitastígur 20, Viðbygging
Lagt fram bréf frá afgreiðslufundi byggingarfulltrúa, dags. 31.07.02, þar sem sótt er um leyfi til þess að hækka þak og innrétta nýja íbúð á þakhæð húss á lóð nr. 20 við Vitastíg, samkv. uppdr. Arnar Þórs Halldórssonar arkitekts, dags. 10.07.02.
Samþykki nágranna að Vitastíg nr. 18 og Bergþórugötu 21 fylgir erindinu. Einnig lögð fram umsögn skipulagsfulltrúa.
Gjald kr. 4.800

Neikvætt með vísan til umsagnar skipulagsfulltrúa dags. 23.08.02.

16.02 Bryggjuhverfi, breyting á deiliskipulagi
Lagt fram bréf Björns Ólafs arkitekts, dags. 15.08.02, ásamt tillögu að breytingu á deiliskipulagi vesturhluta Bryggjuhverfis, dags. 15.08.02.
Frestað. Kynna formanni.

17.02 Keilufell, deiliskipulag
Lögð fram tillaga ALARK arkitekta ehf, dags. 21.08.02, að deiliskipulagi við Keilufell ásamt greinargerð, dags. í ágúst 2002.
Frestað. Kynna formanni.

18.02 Ólafsgeisli 14-16, breyting á fyrirkomulagi
Lagt fram bréf Lögfræðiþjónustunnar ehf, dags. 22.08.02, varðandi breytingu á fyrirkomulagi eignarhalds hússins nr. 16 við Ólafsgeisla.
Frestað. Kynna formanni.

19.02 Vorsabær 1, bílskúr
Lögð fram fyrirspurn frá eigendum fasteignarinnar að Vorsabær 1 varðandi breytingar á teikningum vegna byggingar bílskúrs á lóðinni.
Jákvætt, enda verði umsóknin grenndarkynnt þegar byggingarleyfisteikningar liggja fyrir.

20.02 Völvufell 13-21,
Lagt fram bréf skrifstofu borgarstjóra, dags. 09.07.02, ásamt erindi Guðmundar Hlyns Guðmundssonar, f.h. Breiðholtsbakarís frá 03.07.02, varðandi Völvufell 13-21 og starfsemi í því húsi.
Frestað. Hverfisstjóra falið að gera umsögn.

21.02 Kjalarnes, Esjumelar, lóð fyrir geymslu og lagerhúsnæði
Lagt fram bréf Verksýnar ehf, dags. 04.07.02, varðandi lóð fyrir geymslu og lagerhúsnæði á Esjumelum á svæðinu milli Lækjar- og Langamela og Vesturlandsvegar, samkv. uppdr. Teiknistofu Hauks Viktorssonar, dags. 04.06.02.
Frestað. Hverfisstjóra falið að gera umsögn.