Ármúli 10, Efstasund 29, Ferjuvogur 2, Vogaskóli, Haðaland 2-8, Hjallavegur 34, Hvassaleiti 31, Bjarnarstígur 3, Grettisgata 35B, Grettisgata 39, Hlíðarhús 3-5, Malarás 2, Bitruháls 2, Víðimelur 61,

Embættisafgreiðslufundur skipulagsstjóra Reykjavíkur samkvæmt samþykkt nr. 627/2000.

14. fundur 2002
Ár 2002, föstudaginn 12. apríl kl. 11:30 var haldinn 14. embættisafgreiðslufundur skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru: Helga Bragadóttir, Bjarnfríður Vilhjálmsdóttir og Þórarinn Þórarinsson sem var viðstaddur afgreiðslu mála nr. 11, 12 og 13. Eftirtaldir embættismenn gerðu grein fyrir einstökum málum: Ólöf Örvarsdóttir, Ragnhildur Ingólfsdóttir, Ágústa Sveinbjörnsdóttir, Margrét Þormar og Úlfar Másson. Ritari var Ívar Pálsson.
Þetta gerðist:

1.02 Ármúli 10, fsp.ofanábygging
Lagt fram bréf frá afgreiðslufundi byggingarfulltrúa, dags. 27.03.02, þar sem spurt er hvort leyft yrði að byggja hæð ofan á húsið á lóðinni nr. 10 við Ármúla, samkv. uppdr. Róberts Péturssonar arkitekts, dags. 13.03.02.
Óskað eftir að hönnuður hafi samband við embættið.
2.02 Efstasund 29, bílskúr
Lagt fram bréf frá afgreiðslufundi byggingarfulltrúa, dags. 27.03.02, þar sem sótt er um leyfi til að byggja bílgeymslu steypta í einangrunarmót, reisa skjólgirðingu og koma fyrir heitum potti á lóðinni nr. 29 við Efstasund, samkv. uppdr. Alark arkitekta, dags. 19.02.02, breytt 19.03.02. Meðfylgjandi er sameignarsamningur dags. í okt. 1971 og samþykki meðlóðarhafa og næstu nágranna. Einnig er lagt fram skuggavarp.
Stærð: Bílgeymsla 42,5 ferm., 125,8 rúmm.
Gjald kr. 4.800 + 6.038
Samþykkt að grenndarkynna erindið fyrir hagsmunaaðilum að Skipasundi 26, 28, 30 og Efstasundi 26, 27, 28, 30 og 31.
3.02 Ferjuvogur 2, Vogaskóli, Menntaskólinn við Sund
Lagt fram bréf Foreldraráðs Vogaskóla, dags. 22.07.98, varðandi nýja hugmynd til lausnar húsnæðisvanda Voga- og Langholtsskóla - "Laugardalsskóla".
Kynnt. Hverfisstjóra falið að vinna umsögn að höfðu samráði við umferðardeild.
4.02 Haðaland 2-8, bílskúr
Lagt fram bréf Jóhannesar Einarssonar, dags. 08.04.02, varðandi byggingu bílskúrs við vesturhlið hússins á lóðinni, samkv. meðfylgjandi tillögu.
Neikvætt. Samræmist ekki skipulagi. Breytingin væri óæskileg og hefði fordæmisgildi.
5.02 Hjallavegur 34, fsp. breytingar
Lagt fram bréf frá afgreiðslufundi byggingarfulltrúa, dags. 27.03.02, þar sem spurt er hvort leyft yrði að gera tvær íbúðir í húsinu á lóðinni nr. 34-36 við Hjallaveg. Einnig lagt fram bréf Ásu B. Ólafsdóttur og Kristins M. Pálmssonar, Hjallavegi 34, dags. 02.04.02. Lagðir fram minnispunktar hverfisstjóra.
Jákvætt með vísan til minnispunkta hverfisstjóra.
6.02 Hvassaleiti 31, (fsp) sólstofa
Lagt fram bréf frá afgreiðslufundi byggingarfulltrúa, dags. 10.04.02, þar sem spurt er hvort leyft yrði að byggja sólstofu að austurhlið raðhússins nr. 31 á lóðinni nr. 25-31 við Hvassaleiti. Sams konar bygging hefur verið samþykkt við húsið nr. 29 á sömu lóð.
Bréf umsækjanda dags. 2. apríl 2002 fylgir erindinu.
Jákvætt. Samþykki meðlóðarhafa þarf að liggja fyrir með byggingarleyfisumsókn.
7.02 Bjarnarstígur 3, (fsp) viðbygging 2.hæð
Lagt fram bréf frá afgreiðslufundi byggingarfulltrúa, dags. 06.03.02, þar sem spurt er hvort leyft yrði að byggja við efri hæð við norðausturenda og breyta innra fyrirkomulagi í húsinu nr. 3 við Bjarnarstíg, samkv. uppdr. Gunnars S. Óskarssonar arkitekts, dags. 19.02.02. Einnig lagt fram skuggavarp, dags. 09.04.02.
Viðbygging: Stærð: 13,3 ferm. og 29 rúmm. Samþykki eigenda á aðliggjandi lóðum fylgir erindinu.
Jákvætt. Grenndarkynna þarf byggingarleyfisumsóknina þegar hún berst.
8.02 Grettisgata 35B, ýmsar breytingar
Lagt fram bréf frá afgreiðslufundi byggingarfulltrúa, dags. 14.02.02, þar sem spurt er hvort leyft verði að breyta húsunum á lóðunum nr. 33B og 35B við Grettisgötu eins og fram kemur í meðfylgjandi bréfi dags. 29. janúar 2002.
Frestað. Kynna fyrir formanni.
9.02 Grettisgata 39, fsp. viðbygging
Lagt fram bréf frá afgreiðslufundi byggingarfulltrúa, dags. 10.04.02, þar sem spurt er hvort leyft yrði að byggja við vesturhlið, breyta gluggasetningu á suðurhlið (götuhlið), hækka ris og byggja kvisti á suður- og norðurhlið hússins á lóðinni nr. 39 við Vesturgötu. Umsögn Húsafriðunarnefndar ríkisins dags. 10. október 2001 og umsögn Árbæjarsafns dags. 10. október 2001 fylgja erindinu.
Frestað. Kynna fyrir formanni.
10.02 Hlíðarhús 3-5, breyting á deiliskipulagi
Lagt fram bréf Halldórs Guðmundssonar arkitekts, dags. 08.04.02, ásamt uppdr. dags. 08.04.02, að breytingu á deiliskipulagi á lóðinni nr. 3-5 við Hlíðarhús, vegna stækkunar byggingarreits fyrir nýbyggingu á lóðinni.
Samþykkt að grenndakynna erindið fyrir hagsmunaaðilum að Garðhúsum 2-8 og 13-17 og Vallarhúsum 1-19 og 37-47 þegar byggingarreitur hefur verið lagfærður.
11.02 Malarás 2, viðbygging ofl.
Lagt fram bréf frá afgreiðslufundi byggingarfulltrúa, dags. 10.04.02, þar sem sótt er um leyfi til þess að rífa sólskála og byggja í hans stað steinsteypta viðbyggingu að suðurhlið hússins á lóðinni nr. 2 við Malarás.
Einnig er sótt um leyfi til þess að byggja verönd og skjólveggi við viðbygginguna, samkv. uppdr. Arkitektur.is, dags. 26.03.02.
Stærð: Stækkun xx
Gjald kr. 4.800 + xx
Samræmist skipulagi.
12.02 Bitruháls 2, aðkoma að lóð
Lögð fram tillaga Landslags ehf, dags. 15.12.00, breytt 06.12.01, að aðkomu að lóð Osta og smjörsölunnar við Bitruháls.
Kynnt. Óskað er eftir umsögn umferðardeildar.
13.02 Víðimelur 61, lyfta þaki, viðbygging
Lagt fram bréf frá afgreiðslufundi byggingarfulltrúa, dags. 27.03.02, þar sem sótt er um leyfi til að lyfta þaki, byggja við og fjölga íbúðum í húsinu á lóðinni nr. 61 við Víðimel, samkv. uppdr. Gunnlaugs Ó. Johnson arkitekts, dags. 08.11.01.
Stærð: Stækkun xxx ferm. og xxx rúmm.
Gjald kr. 4.800 + xxx
Frestað. Hverfisstjóra falið að vinna umsögn um málið.