Birkihlíð 1-3, Borgartún 25-27 og 31, Brattagata 3a, Stakkahlíð , Aðalstræti 4,

Embættisafgreiðslufundur skipulagsstjóra Reykjavíkur samkvæmt samþykkt nr. 627/2000.

1. fundur 2002
Ár 2002, föstudaginn 4. janúar kl. 10:30 var haldinn 1. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 3. 3. hæð. Viðstaddir voru: Helga Bragadóttir, Bjarnfríður Vilhjálmsdóttir og Úlfar Másson. Eftirtaldir embættismenn gerðu grein fyrir einstökum málum: Jóhannes S. Kjarval og Margrét Þormar. Ritari var Ívar Pálsson.
Þetta gerðist:

1.02 Birkihlíð 1-3, grænt svæði/leiksvæði
Lagt fram bréf skrifstofu borgarritara dags. 02.10.01 um bréf íbúasamtaka Suðurhlíða, dags. 15.09.01, þar sem óskað er eftir að leiksvæði á mótum Birkihlíðar og Víðihlíðar verði breytt úr stofnanalóð í grænt svæði. Jafnframt að skipulagt verði leiksvæði á þessu svæði. Einnig lagt fram bréf Leikskóla Reykjavíkur, dags. 19.12.01.
Hverfisstjóra falið að vinna drög að svari.
2.02 Borgartún 25-27 og 31, breyting á deiliskipulagi
Lagt fram bréf ASK arkitekta, dags. 4. janúar 2002 ásamt tillögu A1 arkitekta og Ask arkitekta að lóðunum nr. 25-27 og 31 við Borgartún, dags. 03.01.02.
Kynna fyrir formanni skipulags- og byggingarnefndar.
3.02 Brattagata 3a,
Lagt fram bréf Jon Nordsteien arkitekts,dags. 19.12.01, varðandi fyrirspurn um innréttingu íbúðar á rishæð að Bröttugötu 3a, samkv. meðfylgjandi tillögu.
Jákvætt að uppfylltum skilyrðum.
4.02 Stakkahlíð , dreifistöð Orkuveitu Reykjavíkur
Að lokinni grenndarkynningu er lagt fram að nýju bréf Orkuveitu Reykjavíkur, dags. 09.05.01 ásamt tillögu Teiknistofunnar Batterísins, dags. 20.07.01, að breytingu á deiliskipulagi sem felur m.a. í sér afmörkun lóðar dreifistöðvar Orkuveitu Reykjavíkur á lóð KHÍ við Stakkahlíð. Málið var í kynningu frá 24. ágúst til 22. sept. 2001. Athugasemdabréf barst frá Óháða söfnuðinum, dags. 21.09.01. Einnig lagt fram bréf Batterísins, dags. 03.01.02.
Frestað. Hverfisstjóra falið að ræða við umsækjanda.
5.02 Aðalstræti 4, (fsp) Endurbygging g.húsa
Spurt er hvort leyft yrði að byggja allt að 6. hæða steinsteypta hótelbyggingu með rúmlega 80 hólteherbergi í líkingu við fyrirliggjandi uppdrætti á lóð nr. 4 við Aðalstræti. Einnig lagðar fram teikningar Teiknstofunnar Húss og Skipulags dags. 03.01.02.
Jákvætt. Kynna fyrir formanni skipulags- og byggingarnefndar.