Bleikjukvísl 10, Hólmsheiði, fangelsislóð, Urðarstekkur 11, Kaplaskjólsvegur 43, Grundarland 2-8, Skipasund 44,

Embættisafgreiðslufundur skipulagsstjóra Reykjavíkur samkvæmt samþykkt nr. 627/2000.

43. fundur 2001
Ár 2001, föstudaginn 14. desember kl. 10:00 var haldinn 51. embættisafgreiðsluf. skipulagsstjóra Reykjavíkur. Fundurinn var haldinn að Borgartúni 3. 3. hæð. Viðstaddir voru: Bjarnfríður Vilhjálmsdóttir, Helga Bragadóttir, Þorvaldur S. Þorvaldsson. Eftirtaldir embættismenn gerðu grein fyrir einstökum málum: Ágústa Sveinbjörnsdóttir, Ólöf Örvarsdóttir og Margrét Þormar. Fundarritari var Jón Árni Halldórsson.
Þetta gerðist:

1.01 Bleikjukvísl 10, leikskóli
Lagt fram bréf Lovísu Hallgrímsdóttur, dags. 11.12.01, varðandi byggingu leikskóla á lóðinni nr. 10 við Bleikjukvísl, samkv. uppdr. Sigurðar Guðmundssonar, dags. í des. 2001.
Æskilegt væri að umsækjandi héldi sig innan skipulags hvað varðar fjarlægð frá lóðarmörkum. Umsækjanda bent á að hafa samband við embættið.
2.01 Hólmsheiði, fangelsislóð,
Að lokinni auglýsingu er lagt fram að nýju bréf borgarritara f.h. borgarráðs um samþykkt borgarráðs 6. febrúar 2000 á bókun skipulags- og byggingarnefndar frá 31. jan. s.l. varðandi lóð fyrir fangelsi norðan Suðurlandsvegar, austan Rauðavatns.
Einnig lagt fram bréf Hilmars Þórs Björnssonar arkitekts, dags. 20.08.01 ásamt tillögu að deiliskipulagi fangelsislóðar á Hólmsheiði, dags. 14.07.01. Málið var í auglýsingu frá 19. okt. til 16. nóv., athugasemdafrestur var til 7. des. 2001. Engar athugasemdir bárust.
Samþykkt.
3.01 Urðarstekkur 11, fsp. bílgeymsla
Lagt fram bréf frá afgreiðslufundi byggingarfulltrúa, dags. 05.12.01, þar sem spurt er hvort leyft yrði að breyta og loka af opinni bílgeymslu undir einbýlishúsinu á lóðinni nr.11 við Urðarstekk.
Ekki er gerð athugasemd við erindið.
4.01 Kaplaskjólsvegur 43, afnot af borgarlandi
Lagt fram bréf Kristjáns Baldurssonar f.h. Þóreyjar Eyþórsdóttur, dags. 04.12.01, varðandi fyrirspurn um afnotarétt af borgarlandi vestan við lóðina nr. 43 við Kaplaskjólsveg.
Hverfastjóra falið að skoða málið.
5.01 Grundarland 2-8, nr. 4 - þak+sólstofa
Lagt fram bréf frá afgreiðslufundi byggingarfulltrúa, dags. 12.12.01, þar sem sótt er um leyfi til þess að hækka og breyta þaki og byggja sólstofu við suðurhlið hússins nr. 4 (matshl 02) á lóðinni nr. 2-8 við Grundarland, samkv. uppdr. Vinnustofu Kópavogs, dags. 12.11.01, br. 30.11.01.
Samþykki meðlóðarhafa dags. 1. desember 2001 fylgir erindinu.
Stærð: Stækkun, sólstofa 29,8 ferm. Rúmmál húss eykst um 338,5 ferm.
Gjald kr 4.100 + 16.248
Ekki er gerð athugasemd við málið út frá skipulagslegu sjónarmiði, en bent er á að betur færi ef þakskegg héldi sig innan byggingarreits við veggbrún.
6.01 Skipasund 44,
Lagt fram bréf frá afgreiðslufundi byggingarfulltrúa, dags. 13.12.01, þar sem sótt er um leyfi til að breyta fyrirkomulagi í kjallaraíbúð í húsinu nr. 44 við Skipasund. Jafnframt er sótt um leyfi til að setja garðhurð á vesturvegg í kjallara og innrétta þvottahús og geymslur í samþykktum bílskúr. Ennfremur er sótt um leyfi fyrir áður gerðri yfirbyggingu svala á rishæð og fyrir áður gerðum bílskúr vestanvert á lóðinni, samkv. uppdr. Rýmu arkitektum, dags. 20.11.01, breytt 11.12.01.
Stærðir: Bílgeymsla xx, svalir 4,1 ferm. og 31 rúmm.
Gjald kr. 4.100 + xx
Borgarskipulag gerir ekki athugasemd við erindið.