Baugatangi 4, Bárugata 30, Brekkugerði 34, Byggðarendi 10, Einarsnes 20-26, Einarsnes 56, Engjateigur 5, Hraunberg 12, Klettháls 1-15, Klettháls 3, Melgerði 23, Stigahlíð 93, Víkurhverfi,

Embættisafgreiðslufundur skipulagsstjóra Reykjavíkur samkvæmt samþykkt nr. 627/2000.

30. fundur 2001
Ár 2001, föstudaginn 31. ágúst kl. 10:00 var haldinn 36. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 3. 3. hæð. Viðstaddir voru: Þorvaldur S. Þorvaldsson, Helga Bragadóttir, Þórarinn Þórarinsson og Bjarnfríður Vilhjálmsdóttir. Eftirtaldir embættismenn gerðu grein fyrir einstökum málum: Margrét Þormar og Ólöf Örvarsdóttir. Fundarritari var Ívar Pálsson.
Þetta gerðist:

1.01 Baugatangi 4, einbýlishús - breytt
Lögð fram tillaga Teiknistofu Halldórs Guðmundssonar, dags. 21.08.01, að breytingu á deiliskipulagi Skildingarness, vegna lóðarinnar nr. 4 við Baugatanga.
Með vísan til afgreiðslu skipulags- og byggingarnefndar þann 25.07.01 er samþykkt að grenndarkynna tillöguna fyrir hagsmunaaðilum að Skildinganesi 1, 3 og 5 og Baugatanga 1, 2, 3, 5, 6 og 7.
2.01 Bárugata 30, ofanábygging
Lagt fram bréf ritara borgarstjóra, dags. 07.11.00, varðandi hækkun húss á lóðinni nr. 30 við Bárugötu. Einnig lögð fram umsögn Borgarskipulags, dags. 07.03.00 og bréf byggingarfulltrúa, dags. 22.03.00.
Embættið er jákvætt fyrir uppbyggingu hússins. Nýtingarhlutfall þess yrði, að óbreyttri stærð lóðar, of hátt miðað við viðmiðunarnýtingarhlutfall aðalskipulags. Hægt væri að fallast á ofanábyggingu næðu lóðarhafar samkomulagi við lóðarhafa aðliggjandi lóða um sameiningu eða lóðarstækkun.
3.01 Brekkugerði 34, viðbygging, fsp.
Lagðir fram fyrirspurnaruppdrættir Nexus arkitekta, dags. 30.08.01.
Jákvætt, enda liggi fyrir jákvæð afstaða nágranna til breytingarinnar áður en byggingarleyfisumsókn verður grenndarkynnt.
4.01 Byggðarendi 10, íbúð á neðri hæð ofl
Lagt fram bréf frá afgreiðslufundi byggingarfulltrúa, dags. 22.08.01, þar sem sótt er um leyfi til að koma fyrir íbúð í austurhluta neðri hæðar hússins nr. 10 við Byggðarenda. Jafnframt er sótt um leyfi til að taka í notkun áður uppfyllt rými milli sökkla í vesturhluta og tengja það efri hæð með stiga og koma fyrir glugga á norðuhlið þess, samkv. uppdr. EON arkitekta, dags. 14.08.01.
Stækkun: xx
Gjald kr. 4.100 + xx
Jákvætt.
Senda þarf erindið til embættisins aftur til ákvörðunar um grenndarkynningu þegar uppdrættir hafa verið lagfærðir í samræmi við athugasemdir á umsóknareyðublaði.
5.01 Einarsnes 20-26, viðbygging
Lagt fram bréf frá afgreiðslufundi byggingarfulltrúa, dags. 19.07.01, þar sem sótt er um leyfi til þess að byggja vinnuherbergi ofan á þak bílgeymslu raðhúss nr. 22 á lóð nr. 20-26 við Einarsnes, samkv. uppdr. FSH arkitekta, dags. 09.07.01.
Samþykki meðlóðarhafa og nágranna dags. 8. júlí 2001 fylgir erindinu.
Stærð: Viðbygging 25 ferm., 82,6 rúmm.
Gjald kr. 4.100 + 3.387
Ekki er gerð athugasemd við umsóknina með vísan til fordæma og þess að samþykki nágranna liggur fyrir.
6.01 Einarsnes 56, nýbygging
Lögð fram bréf Sigurðar Bjarnasonar dags. 21.06.01 og 15.08.01 ásamt uppdr. Höskuldar Sveinssonar ark. dags. 20.06.01 og 23.07.01 varðandi nýbyggingu á lóð nr. 56a við Einarsnes. Einnig lagðar fram umsagnir Borgarskipulags, dags. 27.06.01, og 22.08.01.
Jákvætt gagnvart því að umsækjandi láti vinna tillögu að breytingu deiliskipulags sem geri ráð fyrir 20% stækkun grunnflatar. Slík tillaga verður grenndarkynnt þegar fullnægjandi gögn hafa borist embættinu. Bent er á að skipulag gerir ekki ráð fyrir tveimur sjálfstæðum íbúðum og ekki verður fallist á breytingu í þá veru. Mælt er með því að bílskúr verði hliðrað þannig að form hússins njóti sín betur. Staðsetja þarf byggingarreit rétt.
7.01 Engjateigur 5, bílastæði
Lagt fram bréf Hrafnhildar Sigurðardóttur, dags. 27.07.01, varðandi bílastæði við Engjateig 5.
Jákvætt.
Umsækjanda bent á að vinna tillögu að breytingu á deiliskipulagi sem geri ráð fyrir stækkun lóðar og fjölgun bílastæða norðan Engjateigs. Hönnuði bent á að hafa samband við embættið.
8.01 Hraunberg 12, Waldorfskólinn, laus kennslustofa
Lagt fram bréf Waldorfskólans Sólstafir, dags. 23.08.01, varðandi leyfi til að setja niður lausa kennslustofu á lóðinni við Hraunberg 12 fyrir skólaárið 2001-2002.
Jákvætt.
Vinna þarf byggingarleyfisumsókn sem senda þarf byggingarfulltrúa til meðferðar. Slíka umsókn þarf að grenndarkynna fyrir hagsmunaaðilum á svæðinu.
9.01 Klettháls 1-15,
Lagt fram bréf lóðarhafa við Klettháls 1-15, varðandi beiðni um að auka nýtingu lóðanna og hækka hámarkshæð húsa.
Frestað milli funda.

10.01 Klettháls 3, aðkoma
Lagt fram bréf Sigurðar Sigurðssonar, dags. 24.08.01, varðandi aðkomu að lóðinni nr. 3 við Klettháls.
Umsækjanda er bent á að ræða við lóðarhafa lóðanna nr. 2-4 við Tunguháls. Embættið er jákvætt gagnvart erindinu nái umsækjandi samkomulagi við lóðarhafa.
11.01 Melgerði 23, Viðbygging.
Lagt fram bréf frá afgreiðslufundi byggingarfulltrúa, dags. 15.08.01, þar sem sótt er um leyfi til þess að byggja steinsteypta viðbyggingu að suðvesturhlið hússins á lóðinni nr. 23 við Melgerði, samkv. uppdr. Þormóðs Sveinssonar arkitekts, dags. 02.08.01.
Stærð: Stækkun 13,2 ferm. og 37,6 rúmm.
Gjald kr. 4.100 + 1.542
Samþykkt að grenndarkynna byggingarleyfisumsóknina fyrir hagsmunaaðilum að Melgerði 20, 21, 22, 24 og 25.
12.01 Stigahlíð 93, breyting inni og úti
Lagt fram bréf frá afgreiðslufundi byggingarfulltrúa, dags. 25.07.01, þar sem sótt er um samþykki fyrir áður gerðri stækkun 1. hæðar, og leyfi til þess að klæða hús og þakkant með sléttum hvítum steniplötum, stækka glugga á 1. hæð norðurhliðar, breyta glugga á sömu hlið 2. hæðar, klæða hluta 1. hæðar norðurhliðar með sedrusklæðningu, breyta innra skipulagi á 1. og 2. hæð og fjölga bílastæðum í þrjú á lóð nr. 93 við Stigahlíð, samkv. uppdr. Manfreðs Vilhjálmssonar arkitekts, dags. 19.07.01.
Bréf hönnuðar dags. 19. júlí 2001 og bréf lögmannsstofu fyrir hönd nágranna dags. 12. júlí 2001 fylgja erindinu. Jafnframt lagt fram bréf hönnuðar dags. 20. júlí 2001 og umsögn lögfræðings Borgarskipulags, dags. 30.08.01.
Stærð: Áður gerð stækkun 1. hæðar 39,7 ferm., 107,2 rúmm.
Gjald kr. 4.100 + 4.395
Með vísan til umsagnar lögfræðings Borgarskipulags samræmist umsótt breyting á notkun húsnæðisins ekki landnotkun lóðarinnar skv. Aðalskipulagi Reykjavíkur 1996-2016.
13.01 Víkurhverfi, breyting á deiliskipulagi
Embættinu hefur borist fyrirspurn um það frá íbúum hvort loka megi svæði fyrir stóra bíla við Breiðuvík, sem samþykkt var að breyta í leiksvæði þann 11.10.00, strax fyrir stórum bílum.
Vísað til umsagnar gatnamálastjóra.