Einholt 2 , Naustabryggja 5-7, Grafarholt austur, Andrésarbrunnur 1-17, Bleikjukvísl 10, Elliðaárdalur-Rauðavatn-Norðlingaholt-Heiðmörk, Borgartún 33-39,

Embættisafgreiðslufundur skipulagsstjóra Reykjavíkur samkvæmt samþykkt nr. 627/2000.

25. fundur 2001
Ár 2001, föstudaginn 27. júlí kl. 10:15 var haldinn 25. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 3. 3. hæð. Viðstaddir voru: Þorvaldur S. Þorvaldsson og Helga Bragadóttir
Þetta gerðist:

1.01 Einholt 2 , Íbúð, svalir o.fl.
Lagt fram bréf frá afgreiðslu fundi byggingarfulltrúa þann 17.07.01, dags. 19.07.01, þar sem sótt er um leyfi til þess að gera dyr úr kjallara og útbúa íbúð með svölum á annarri hæð hússins á lóðinni nr. 2 við Einholt.
Samþykki meðeigenda dags. 9. maí 2001 og 22. júní 2001, afsal vegna eignar í vesturhluta kjallara dags. 20. júní 1985, afsal vegna eignar á 1. hæð innfært 22. október 1999, greinargerð vegna endurbóta hljóðvistar íbúðar dags. 13. júlí 2001 og útskrift úr gerðabók embættisafgreiðslufundar skipulagsstjóra frá 1. júní og 22. júní 2001 fylgja erindinu.
Gjald kr. 4.100
Samþykkt að grenndarkynna byggingarleyfisumsóknina fyrir hagsmunaaðilum að Einholti 4. og Þverholti 11 og 13.
2.01 Naustabryggja 5-7, námsmannaíbúðir
Með vísan til afgreiðslu skipulags- og byggingarnefndar þann 18.07.01 er lagt fram að nýju bréf Þórhalls Einarssonar dags. 18.06.01 ásamt bréfi framkvæmdastjóra byggingafélags námsmanna dags. 20.06.01 varðandi byggingu námsmannaíbúða á lóð nr. 5-7 við Naustabryggju. Einnig lagður fram uppdráttur. Björns Ólafssonar arkitekts dags. 26.01.01, breytt 26.07.01.
Samþykkt að grenndarkynna tillögu að óverulegri breytingu á deiliskipulagi fyrir hagsmunaaðilum að Naustabryggju 1-7, 13-15, 21-29, 31-33 og Tangabryggju 2-4, 6-8 og 10-12, þegar uppdrættir hafa verið lagfærðir. Gera þarf betur grein fyrir breytingu í greinargerð og að eldri skilmálar gildi áfram að öðru leyti.
3.01 Grafarholt austur, Andrésarbrunnur 1-17, fyrirspurn, breyting á deiliskipulagi
Lagðir fram uppdrættir T11, Kristins Ragnarssonar, dags.25.07.01, af fjölbýlishúsum við Andrésarbrunn 1-17. Spurt er hvort heimilað verði að hækka húsin um u.þ.b. 0,6m miðað við það sem gert er ráð fyrir í gildandi deiliskipulagi.
Samþykkt að óska eftir umsögn höfunda deiliskipulags hverfisins um erindið.
4.01 Bleikjukvísl 10, leikskóli
Lögð fram bréf Eugeniu Lovísu Hallgrímsdóttur, dags. 19.07 og 23.07.01, ásamt fylgiskjölum. Jafnframt lagt fram bréf Leikskóla Reykjavíkur, mótt 25.08.00, og deiliskipulag hverfisins.
Samræmist deiliskipulagi að byggður verði leikskóli á lóðinni. Embættið telur að lóðin henti undir starfsemi leikskóla fyrir u.þ.b. 50 - 60 börn miðað við lóðarstærð (sbr. reglur um stærð lóðar fyrir hvert barn skv. reglugerð 225/1995 m.s.br.) og fjölda bílastæða í götu. Lóðarumsókn vísað til skrifstofustjóra borgarverkfræðings.
5.01 Elliðaárdalur-Rauðavatn-Norðlingaholt-Heiðmörk, stígar
Lögð fram skýrsla Landslags ehf, dags. 24.07.01, Elliðaárdalur - Rauðavatn - Heiðmörk, Göngu- og hjólreiðastígar ásamt reiðleiðum greinargerð með tillögu, sem unnin var fyrir Borgarskipulag og gatnadeild Reykjavíkur.
Ekki gerð athugasemdi við þær óverulegu breytingar og bráðabirgðatengingar sem fram koma í tillögunni varðandi stíga í Norðlingaholti. Vakin er athygli á því að nauðsynlegt er að samþykki landeigenda liggi fyrir áður en ráðist verður í lagningu stíganna.
6.01 Borgartún 33-39, fyrirspurn, breyting á deiliskipulagi
Lögð fram tilllaga að samkomulagi gatnamálastjórans í Reykjavík og lóðarhafa á lóðinni nr. 33 við Borgartún, dags. júlí 2001, varðandi breytingu á aðkomu að lóðinni og framkvæmdum henni tengdum ásamt uppdrætti VST og Gatnamálastjóra, dags. nóvember 2000.
Jákvætt gagnvart breytingu á deiliskipulagi. Gatnamálastjóri þarf að hlutast til um að unnin verði uppdráttur sem sýnir breytingu á deiliskipulagi svæðisins. Þegar slíkur uppdráttur hefur borist embættinu verður málið tekið fyrir að nýju til ákvörðunar um grenndarkynningu.